ⰲⱏ ⱂⱔⱅⱁⰵ ⰶⰵ ⱀⰰ ⰴⰵⱄⱔⱅⰵ ⰾⱑⱅⱁ. ⰲⰾⰰⰴⱏⰹⱍⱐⱄⱅⰲⰰ. ⱅⰻⰲⰵⱃⱐⱑ ⰽ̑ⰵⱄⰰⱃ̑ⱑ. ⱁⰱⰾⰰⰴⰰⱙⱎⱅⱓ ⱂⱘⱀⸯⱅⱐⱄⰽⱆⰿⱆ ⱂⰻⰾⰰⱅⱆ. ⰺ҅ⱓⰴⰵⰵⱙ. ⰺ҅ ⱍⰵⱅⰲⱃⱏⱅⱁⰲⰾⰰⱄⱅⱐⱄⱅⰲⱆⱙⱎⱅⱓ. ⰳⰰⰾⰻⰾⰵⰵⱙ ⰺ҅ⱃⱁⰴⱆ. ⱇⰻⰾⰻⱂⱆ ⰶⰵ ⰱⱃⰰⱅⱆ ⰵⰳⱁ. ⱍⰵⱅⰲⱃⱏⱅⱁⰲⰾⰰⱄⱅⱐⱄⱄⱅⰲⱆⱙⱎⱅⱓ. ⰺ҅ ⱅⱛⱃⰻⰵⱙ. ⰺ҅ ⱄⱅⱃⰰⱈⱁⱀⰻⱅⱐⱄⰽⱁⱙ ⱄⱅⱃⰰⱀⱁⱙ. ⰺ҅ ⰾ̑ⱛⱀⰹⱓ. ⱍⰵⱅⰲⱃⱏⱅⱁⰲⰾⰰⱄⱅⱐⱄⱅⰲⱆⱙⱎⱅⱓ. ⰰⰲⰻⰾⰻⱀⰻⰵⱙ.

ⱂⱃⰻ ⰰⱃⱈⰻⰵⱃⰵⰹ ⰰⱀⸯⱀⱑ. ⰺ҅ ⰽⰰⰺⱑⱇⱑ. Ⰱⱏⰹⱄⱅⱏ ⰳⰾ҃ⱏ ⰱⰶ҃ⰹⰻ. ⰽⱏ ⰺ҅ⱁⰰⱀⱀⱆ ⰸⰰⱈⰰⱃⰻⱀⱆ ⱄⱀ҃ⱆ. ⰲⱏ ⱂⱆⱄⱅⱏⰹⱀ̑ⰻ.

ⰺ҅ ⱂⱃⰻⰴⰵ ⰲⱏ ⰲⱐⱄⱘ ⱄⱅⱃⰰⱀⱘ ⰺ҅ⱁⱃⸯⰴⰰⱀⱐⱄⰽⱘⱙ. ⱂⱃⱁⱂⱁⰲⱑⰴⰰⱗ ⰽⱃⱐⱎⱅⰵⱀⰻⰵ ⱀⰰ ⱂⱁⰽⰰⰰⱀⱐⰵ. ⰲⱏ ⱁⱅⱏⱂⱆⱎⱅⰵⱀⱐⰵ ⰳⱃⱑⱈⱁⰲⱏ.

Ⱑⰽⱁ ⰶⰵ ⰵⱄⱅⱏ ⱂⸯⱄⰰⱀⱁ ⰲⱏ ⰽⱏⱀ̑ⰻⰳⰰⱈⱏ ⱄⰾⱁⰲⰵⱄⱏ. ⰺ҅ⱄⰰⰺ҅ⱗ ⱂⱃⱁⱃⱁⰽⰰ ⰳⰾ҃ⱙⱎⱅⰰ. ⰳⰾⰰⱄⱏ ⰲⱏⱂⰻⱙⱎⱅⰰⰰⰳⱁ ⰲⱏ ⱂⱆⱄⱅⱏⰹⱀ̑ⰻ. ⱆⰳⱁⱅⱁⰲⰰⰺⱅⰵ ⱂⱘⱅⱐ ⰳⱀ҃ⱐ. ⱂⱃⰰⰲⱏⰹ ⱅⰲⱁⱃⰻⱅⰵ ⱄⱅⱐⰸⱔ ⰵⰳⱁ.

ⰲⱄⱑⰽⰰ ⰴⱐⰱⱃⱐ ⰺ҅ⱄⱂⰾⱏⱀⰻⱅⱏ ⱄⱔ. ⰺ҅ ⰲⱄⱑⰽⰰ ⰳⱁⱃⰰ ⰺ҅ ⱈⰾⱏⰿⰻ ⱄⱏⰿⱑⱃⰻⱅⱏ ⱄⱔ. ⰺ҅ ⰱⱘⰴⱘⱅⱏ ⱄⱅⱃⱏⱂⱏⱅⱏⱀⰰⰰ ⰲⱏ ⱂⱃⰰⰲⰰⱑ. ⰺ҅ ⱁⱄⱅⱃⰻⱑ ⰲⱏ ⱂⱘⱅⰻ ⰳⰾⰰⰴⱏⰽⱏⰹ.

ⰺ҅ ⱆⰸⱐⱃⰻⱅⱏ ⰲⱄⱑⰽⰰ ⱂⰾⱏⱅⱐ ⱄⱂ҃ⰵⱀⱐⰵ ⰱⰶ҃ⰻⰵ.

!Ⰳⰾⰰⰰⱎⰵ ⰶⰵ ⰺ҅ⱄⱈⱁⰴⱔⱎⱅⰹⰻⰿⱏ ⱀⰰⱃⱁⰴⱁⰿⱏ. ⰽⱃⱐⱄⱅⰻⱅⰻ ⱄⱔ ⱁⱅⱏ ⱀ̑ⰵⰳⱁ. ⰺ҅ⱎⱅⱔⰴⱐⱑ ⰵⱈⰻⰴⱏⱀⱁⰲⰰ. ⰽⱏⱅⱁ ⱄⱏⰽⰰⰸⰰ ⰲⰰⰿⱏ ⰱⱑⰶⰰⱅⰻ ⱁⱅⱏ ⰳⱃⱔⰴⱘⱎⱅⰰⰳⱁ ⰳⱀⱑⰲⰰ.

ⱄⱏⱅⰲⱁⱃⰻⱅⰵ ⱆⰱⱁ ⱂⰾⱁⰴⱏ ⰴⱁⱄⱅⱁⰺ҅ⱀⱏ ⱂⱁⰽⰰⰰⱀⰻⱓ. ⰺ҅ ⱀⰵ ⱀⰰⱍⰻⱀⰰⰺⱅⰵ ⰳⰾ҃ⰰⱅⰻ ⰲⱐ ⱄⰵⰱⱑ. ⱑⰽⱁ ⱁⱌ҃ⰰ ⰺ҅ⰿⰰⰿⱏ ⰰⰲⱃⰰⰰⰿⰰ. ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⰿⱁⰶⰵⱅⱏ ⰱ҃ⱏ ⱁⱅⱏ ⰽⰰⰿⰵⱀⱐⱑ ⱄⰵⰳⱁ. ⰲⱐⰸⰴⰲⰻⰳⱀⱘⱅⰻ ⱍⱔⰴⰰ ⰰⰲⱃⰰⰰⰿⱆ.

ⱓⰶⰵ ⰱⱁ ⱄⰵⰽⱏⰹⱃⰰ ⱂⱃⰻ ⰽⱁⱃⰵⱀⰵ ⰴⱃⱑⰲⰰ ⰾⰵⰶⰻⱅⱏ. ⰲⱐⱄⱑⰽⱁ ⱆⰱⱁ ⰴⱃⱑⰲⱁ ⱀⰵ ⱅⰲⱁⱃⱔⱎⱅⰵⰵ ⰴⱁⰱⱃⰰ ⱂⰾⱁⰴⰰ. ⱂⱁⱄⱑⰽⰰⱙⱅⱏ. ⰺ҅ ⰲⱏ ⱁⰳⱀ̑ⱐ ⰲⱏⰾⰰⰳⰰⱙⱅⱏ.

Ⰺ ⰲⱏⱂⱃⰰⱎⰰⰰⱈⱘ ⰹ ⱀⰰⱃⱁⰴⰻ ⰳⰾ҃ⱙⱎⱅⰵ. ⱆⱍⰻⱅⰵⰾ̑ⱓ ⱍⱐⱅⱁ ⱄⱏⱅⰲⱁⱃⰻⰿⱏ.

Ⱉⱅⱏⰲⱑⱎⱅⰰⰲⱏ ⰶⰵ ⰳⰾ҃ⰰⰰⱎⰵ ⰺ҅ⰿⱏ. ⰺ҅ⰿⱑⱗⰻ ⰴⱐⰲⱑ ⱃⰻⰸⱑ. ⰴⰰ ⰴⰰⱄⱅⱏ ⱀⰵ ⰺ҅ⰿⱘⱎⱅⱓⰿⱆ. ⰺ҅ ⰻⰿⱑⱗⰹ ⰱⱃⰰⱎⱐⱀⰰ ⱅⰰⰽⱁⰶⰴⰵ ⰴⰰ ⱅⰲⱁⱃⰻⱅⱏ.

ⱂⱃⰻⰴⱘ ⰶⰵ ⰺ҅ ⰿⱏⰹⱅⰰⱃⰻ ⰽⱃⱐⱄⱅⰻⱅⱏ ⱄⱔ. ⰺ҅ ⱃⱑⱎⱔ ⰽⱏ ⱀ̑ⰵⰿⱆ. ⱆⱍⰻⱅⰵⰾ̑ⱓ ⱍⱐⱅⱁ ⱄⱏⱅⰲⱁⱃⰻⰿⱏ.

ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰻⰿⱏ. ⱀⰻⱍⱐⱅⱁⰶⰵ ⰱⱁⰾ̑ⰵ ⱂⱁⰲⰵⰾⱑⱀⰰⰰⰳⱁ ⰲⰰⰿⱏ ⱅⰲⱁⱃⰻⱅⰵ.

ⰲⱏⱂⱃⰰⱎⰰⰰⱈⱘ ⰶⰵ ⰹ. ⰺ҅ ⰲⱁⰺ҅ⱀⰻ ⰳⰾ̑ⱙⱎⱅⰵ. ⰺ҅ ⰿⱏⰹ ⱍⱐⱅⱁ ⱄⱏⱅⰲⱁⱃⰻⰿⱏ. ⰺ҅ ⱃⰵⱍⰵ ⰽⱏ ⱀ̑ⰻⰿⱏ. ⱀⰻⰽⱁⰳⱁⰶⰵ ⱁⰱⰻⰴⰻⱅⰵ. ⱀⰻ ⱁⰽⰾ̑ⰵⰲⰵⱅⰰⰺ҅ⱅⰵ. ⰺ҅ ⰴⱁⰲⱁⰾⱐⱀⰻ ⰱⱘⰴⱑⱅⰵ ⱁⰱⱃⱁⰽⱏⰹ ⰲⰰⱎⰻⰿⰻ.

ⱍⰰⱙⱎⱅⰵⰿⱏ ⰶⰵ ⰾ̑ⱓⰴⱐⰿⱏ. ⰺ҅ ⱂⱁⰿⱏⰹⱎⰾⱑⱙⱎⱅⰵⰿⱏ ⰲⱄⱑⰿⱏ. ⰲⱏ ⱄⱃⱏⰴⱐⱌⰻⱈⱏ ⱄⰲⱁⰺ҅ⱈⱏ. ⱁ ⰺ҅ⱁⰰⱀⸯⱀⱑ ⰵⰴⰰ ⱅⱏ ⰵⱄⱅⱏ ⱈ҃ⱏ.

Ⱉⱅⱏⰲⱑⱎⱅⰰⰲⰰⰰⱎⰵ ⰺ҅ⰿⱏ ⰺ҅ⱁⰰⱀⱏ ⰳⰾ҃ⱔ. ⰰⰸⱏ ⱆⰱⱁ ⰲⱁⰴⱁⱙ ⰽⱃⱐⱎⱅⰰⱙ ⰲⱏⰹ. ⰳⱃⱔⰴⰵⱅⱏ ⰶⰵ ⰽⱃⱑⱂⰾ̑ⰻ ⰿⰵⱀⰵ. ⰵⰿⱆⰶⰵ ⱀⱑⱄⰿⱐ ⰴⱁⱄⱅⱁⰺ҅ⱀⱏ. ⱁⱅⱃⱑⱎⰻⱅⰻ ⱃⰵⰿⰵⱀⰵ ⱄⰰⱂⱁⰳⱆ ⰵⰳⱁ. ⱅⱏ ⰲⱏⰹ ⰽⱃⱐⱄⱅⰻⱅⱏ ⰴⱈ҃ⱁⰿⱐ ⱄⱅ҃ⱏⰺⰿⱐ. ⰺ҅ ⱁⰳⱀ̑ⰵⰿⱐ.

ⰵⰿⱆⰶⰵ ⰾⱁⱂⰰⱅⰰ ⰲⱏ ⱃⱘⰽⱆ ⰵⰳⱁ. ⰺ҅ ⱂⱁⱅⱃⱑⰱⰻⱅⱏ ⰳⱆⰿⱏⱀⱁ ⱄⰲⱁⰵ Ⰺ҅ ⱄⱏⰱⰵⱃⰵⱅⱏ ⱂⱐⱎⰵⱀⰻⱌⱘ. ⰲⱐ ⰶⰻⱅⱐⱀⰻⱌⱘ ⱄⰲⱁⱙ. ⰰ ⱂⰾⱑⰲⱏⰹ ⱄⱏⰶⰵⰶⰵⱅⱏ ⱁⰳⱀ̑ⰵⰿⱐ ⱀⰵⰳⰰⱎⱘⱎⱅⰻⰿⱐ.

ⰿⱀⱁⰳⰰ ⰶⰵ ⰺ҅ⱀⰰ ⰱⰾⰰⰳⱁⰲⱑⱄⱅⰲⱁⰲⰰⱎⰵ ⰳⰾ҃ⱔ ⰽⱏ ⰾ̑ⱓⰴⱐⰿⱏ.

Ⰺ҅ⱃⱁⰴⱏ ⰶⰵ ⱍⰵⱅⰲⱃⱏⱅⱁⰲⰾⰰⱄⱅⱐⱀⰻⰽⱏ. ⱁⰱⰾⰻⱍⰰⰵⰿⱏ ⰺ҅ⰿⱐ. ⱁ ⰺⱃⱁⰴⱐ̆ⱑⰴⱑ ⰶⰵⱀⱑ ⰱⱃⰰⱅⱃⰰ ⱄⰲⱁⰵⰳⱁ. ⰺ҅ ⱁ ⰲⱐⱄⰵⰿⱐ ⰸⱐⰾⱑ ⰵⰶⰵ ⱄⱅⰲⱁⱃⰻ ⰺ҅ⱃⱁⰴⱏ.

ⱂⱃⰻⰾⱁⰶⰻ ⰺ҅ ⱄⰵ ⱀⰰⰴⱏ ⰲⱐⱄⱑⰿⱐ. ⰺ҅ ⰸⰰ!ⰺⰽⰾ̑ⱓⱍⰻ ⰺ҅ⱁⰰⱀⰰ ⰲⱐ ⱅⱐⰿⱐⱀⰻⱌⰻ.

ⰱⱏⰹⱄⱅⱏ ⰶⰵ ⰵⰳⰴⰰ ⰽⱃⱐⱄⱅⰻⱎⱔ ⱄⱔ ⰲⱐⱄⰻ ⰾ̑ⱓⰴⱐⰵ. !ⰺⱛ ⰽⱃⱐⱎⱅⱐⱎⱆ ⱄⱔ. ⰺ҅ ⰿⱁⰾⱔⱎⱅⱓ ⱄⱔ ⱁⱅⰲⱃⱐⰸⰵ ⱄⱔ ⱀⰵⰱⱁ.

ⰺ҅ ⱄⱏⱀⰻⰴⰵ ⰴⱈ҃ⱏ ⱄⱅ҃ⱏⰹ. ⱅⱑⰾⰵⱄⱏⱀⱏⰺ҅ⰿⱐ ⰸⱃⰰⰽⱁⰿⱐ. ⱑⰽⱁ ⰳⱁⰾⱘⰱⱐ ⱀⰰ ⱀ̑ⱐ. ⰺ҅ ⰳⰾⰰⱄⱏ ⱄⱏ !ⱀⱄⰵ ⰱⱏⰹ!ⱄ ⰳⰾ҃ⱔ. ⱅⱏⰹ ⰵⱄⰻ ⱄⱀ҃ⱏ ⰿⱁⰹ ⰲⱏⰸⰾ̑ⱓⰱⰾ̑ⰵⱀⱏⰺ. ⱁ ⱅⰵⰱⱑ ⰱⰾⰰⰳⱁⰲⱁⰾⰻⱈⱏ.

ⰺ҅ ⱅⱏ ⰱⱑ ⰻⱄ҃. ⱑⰽⱁ ⱅⱃⱐⰿⰻ ⰴⰵⱄⱔⱅⱏⰹ ⰾⱑ!ⱅ. ⱀⰰⱍⰻⱀⰰⱗ. ⱄⱀ҃ⱏ ⱄⱏⰹ ⱑⰽⱁ ⰿⱐⱀⰻⰿⱏ ⰱⱑ. ⰺ҅ⱁⱄⰻⱇⱁⰲⱏ. ⰺ҅ⰾⰵⰹⰵⰲⱏ.

ⰿⰰⱅⸯⱅⰰⱅⱁⰲⱏ. ⰾⰵ̆ⱛⰼⰻⰹⱀⱏ. ⰿⰵⰾⱐⱈⰻⰵⰲⱏ. ⰺ҅ⰰⱀⸯⱀⱑⰵⰲⱏ. ⰺ҅ⱁⱄⰻⱇⱁⰲⱏ.