въ пѧтое же на десѧте лѣто. владꙑчьства. тиверьѣ к̑есар̑ѣ. обладаѭштю пѫнⸯтьскоумоу пилатоу. ꙇ҅юдееѭ. ꙇ҅ четврътовластьствоуѭштю. галилееѭ ꙇ҅родоу. филипоу же братоу его. четврътовластьсствоуѭштю. ꙇ҅ тѵриеѭ. ꙇ҅ страхонитьскоѭ страноѭ. ꙇ҅ л̑ѵнію. четврътовластьствоуѭштю. авилиниеѭ.

при архиереі анⸯнѣ. ꙇ҅ каꙇѣфѣ. Бꙑстъ гл҃ъ бж҃іи. къ ꙇ҅оанноу захариноу сн҃оу. въ поустꙑн̑и.

ꙇ҅ приде въ вьсѫ странѫ ꙇ҅орⸯданьскѫѭ. проповѣдаѩ крьштение на покаанье. въ отъпоуштенье грѣховъ.

Ѣко же естъ пⸯсано въ кън̑игахъ словесъ. ꙇ҅саꙇ҅ѩ пророка гл҃ѭшта. гласъ въпиѭштааго въ поустꙑн̑и. оуготоваꙇте пѫть гн҃ь. правꙑ творите стьзѧ его.

всѣка дьбрь ꙇ҅сплънитъ сѧ. ꙇ҅ всѣка гора ꙇ҅ хлъми съмѣритъ сѧ. ꙇ҅ бѫдѫтъ стръпътънаа въ праваѣ. ꙇ҅ остриѣ въ пѫти гладъкꙑ.

ꙇ҅ оузьритъ всѣка плъть сп҃енье бж҃ие.

!Глааше же ꙇ҅сходѧштіимъ народомъ. крьстити сѧ отъ н̑его. ꙇ҅штѧдьѣ ехидънова. къто съказа вамъ бѣжати отъ грѧдѫштаго гнѣва.

сътворите оубо плодъ достоꙇ҅нъ покаанию. ꙇ҅ не начинаꙇте гл҃ати вь себѣ. ѣко оц҃а ꙇ҅мамъ авраама. гл҃ѭ бо вамъ. ѣко можетъ б҃ъ отъ каменьѣ сего. вьздвигнѫти чѧда авраамоу.

юже бо секꙑра при корене дрѣва лежитъ. вьсѣко оубо дрѣво не творѧштее добра плода. посѣкаѭтъ. ꙇ҅ въ огн̑ь вълагаѭтъ.

Ꙇ въпрашаахѫ і народи гл҃ѭште. оучител̑ю чьто сътворимъ.

Ѡтъвѣштавъ же гл҃ааше ꙇ҅мъ. ꙇ҅мѣѩи дьвѣ ризѣ. да дастъ не ꙇ҅мѫштюмоу. ꙇ҅ имѣѩі брашьна такожде да творитъ.

придѫ же ꙇ҅ мꙑтари крьститъ сѧ. ꙇ҅ рѣшѧ къ н̑емоу. оучител̑ю чьто сътворимъ.

онъ же рече къ н̑имъ. ничьтоже бол̑е повелѣнааго вамъ творите.

въпрашаахѫ же і. ꙇ҅ воꙇ҅ни гл̑ѭште. ꙇ҅ мꙑ чьто сътворимъ. ꙇ҅ рече къ н̑имъ. никогоже обидите. ни окл̑еветаꙇ҅те. ꙇ҅ довольни бѫдѣте оброкꙑ вашими.

чаѭштемъ же л̑юдьмъ. ꙇ҅ помꙑшлѣѭштемъ всѣмъ. въ сръдьцихъ своꙇ҅хъ. о ꙇ҅оанⸯнѣ еда тъ естъ х҃ъ.

Ѡтъвѣштавааше ꙇ҅мъ ꙇ҅оанъ гл҃ѧ. азъ оубо водоѭ крьштаѭ вꙑ. грѧдетъ же крѣпл̑и мене. емоуже нѣсмь достоꙇ҅нъ. отрѣшити ремене сапогоу его. тъ вꙑ крьститъ дх҃омь ст҃ъꙇмь. ꙇ҅ огн̑емь.

емоуже лопата въ рѫкоу его. ꙇ҅ потрѣбитъ гоумъно свое Ꙇ҅ съберетъ пьшеницѫ. вь житьницѫ своѭ. а плѣвꙑ съжежетъ огн̑емь негашѫштимь.

многа же ꙇ҅на благовѣствоваше гл҃ѧ къ л̑юдьмъ.

Ꙇ҅родъ же четврътовластьникъ. обличаемъ ꙇ҅мь. о ꙇродь̆ѣдѣ женѣ братра своего. ꙇ҅ о вьсемь зьлѣ еже створи ꙇ҅родъ.

приложи ꙇ҅ се надъ вьсѣмь. ꙇ҅ за!ꙇкл̑ючи ꙇ҅оана вь тьмьници.

бꙑстъ же егда крьстишѧ сѧ вьси л̑юдье. !ꙇѵ крьштьшоу сѧ. ꙇ҅ молѧштю сѧ отврьзе сѧ небо.

ꙇ҅ съниде дх҃ъ ст҃ꙑ. тѣлесънъꙇ҅мь зракомь. ѣко голѫбь на н̑ь. ꙇ҅ гласъ съ !нсе бꙑ!с гл҃ѧ. тꙑ еси сн҃ъ моі възл̑юбл̑енъꙇ. о тебѣ благоволихъ.

ꙇ҅ тъ бѣ ис҃. ѣко трьми десѧтꙑ лѣ!т. начинаѩ. сн҃ъ сꙑ ѣко мьнимъ бѣ. ꙇ҅осифовъ. ꙇ҅леіевъ.

матⸯтатовъ. лӗѵђиінъ. мельхиевъ. ꙇ҅анⸯнѣевъ. ꙇ҅осифовъ.