ЕВАНГЕЛИЕ ЕЖЕ Ѿ ЛОУКꙐ
24:1
Ⰲⱏ ⰵⰴⰻⱀⱘ ⰶⰵ ⱄⱘⰱⱁⱅⱏ ⰷⱑⰾⱁ ⱃⰰⱀⱁ. ⱂⱃⰻⰴⱁⱎⱔ ⱀⰰ ⰳⱃⱁⰱⱏ. ⱀⰵⱄⱘⱎⱅⱔ ⰵⰶⰵ ⱆⰳⱁⱅⱁⰲⰰⱎⱔ ⰰⱃⱁⰿⰰⱅⱏⰹ. ⰺ҅ ⰴⱃⱆⰳⱏⰹⱗ ⱄⱏ ⱀ̑ⰻⰿⱐ.
24:2
ⱁⰱⱃⱑⱅⱁⱎⱔ ⰶⰵ ⰽⰰⰿⰵⱀⱐ ⱁⱅⱏⰲⰰⰾ̑ⰵⱀⱏ ⱁⱅⱏ ⰳⱃⱁⰱⰰ.
24:3
ⰺ҅ ⰲⱏⱎⱐⰴⱏⱎⱔ ⱀⰵ ⱁⰱⱃⱑⱅⱁⱎⱔ ⱅⱑⰾⰵⱄⰵ !ⰳⱑ ⰺ҅ⱄ҃ⰰ.
24:4
ⰺ҅ ⰱⱏⰹⱄⱅⱏ ⱀⰵ ⰴⱁⰿⱏⰹⱄⰾⱔⱎⱅⰰⰿⱏ ⱄⱔ ⱄⰻⰿⱏ ⱁ ⱄⰵⰿⱐ. ⰺ҅ ⱄⰵ ⰿⱘⰶⰰ ⰴⱏⰲⰰ ⱄⱅⰰⱄⱅⰵ ⰲⱐ ⱀ̑ⰻⱈⱏ. ⰲⱐ ⱃⰻⰸⰰⱈⱏ ⰱⰾⱐⱎⱅⱔⱎⱅⰰⱈⱏ ⱄⱔ.
24:5
Ⱂⱃⰻⱄⱅⱃⰰⱎⱐⱀⰰⰿⱏ ⰶⰵ ⰱⱏⰹⰲⱏⱎⰰⰿⱏ ⰺ҅ⰿⱏ. ⰺ҅ ⱂⱁⰽⰾⱁⱀⱐⱎⰰⰿⱏ ⰾⰻⱌⰵ ⱀⰰ ⰸⰵⰿⰾ̑ⱙ. ⱃⱑⱄⱅⰵ ⰽⱏ ⱀ̑ⰻⰿⱏ. ⱍⱐⱅⱁ ⰺ҅ⱎⱅⰵⱅⰵ ⰶⰻⰲⰰⰵⰳⱁ ⱄⱏ ⰿⱃⱏⱅⰲⱏⰹⰿⰻ.
24:6
ⱀⱑⱄⱅⱏ ⱄⱐⰴⰵ ⱀⱏ ⰲⱏⱄⱅⰰ. ⱂⱁⰿⱑⱀⱑⱅⰵ ⱑⰽⱁⰶⰵ ⰳⰾ҃ⰰ ⰲⰰⰿⱏ. ⰵⱎⱅⰵ ⱄⱏⰹ ⰲⱏ ⰳⰰⰾⰻⰾⰵⰹ
24:7
ⰳⰾ҃ⱔ. ⱑⰽⱁ ⱂⱁⰴⱁⰱⰰⰰⱅⱏ ⱄⱀ҃ⱆ ⱍⱄ҃ⰽⱆⰿⱆ. ⱂⱃⱑⰴⰰⱀⱆ ⰱⱏⰹⱅⰻ ⰲⱏ ⱃⱘⱌⱑ ⱍⰽ҃ⱏ ⰳⱃⱑⱎⱐⱀⰻⰽⱏ. ⰺ҅ ⱂⱃⱁⱂⱔⱅⱆ ⰱⱏⰹⱅⰻ ⰺ҅ ⱅⱃⰵⱅⰻⰹ ⰴⸯⱀⱐ ⰲⱏⱄⰽⱃⱏⱄⱀⱘⱅⰻ.
24:8
ⰺ҅ ⱂⱁⰿⱔⱀⱘⱎⱔ ⰳⰾ҃ⱏⰹ ⰵⰳⱁ.
24:9
Ⰺ҅ ⰲⱏⰸⰲⱃⰰⱎⱅⱐⱎⱔ ⱄⱔ ⱁⱅⱏ ⰳⱃⱁⰱⰰ. ⰲⱐⰸⰲⱑⱄⱅⰻⱎⱔ ⰲⱐⱄⱑ ⱄⰻ ⰵⰴⰻⱀⱁⰿⱆ ⱀⰰ ⰴⰵⱄⱔⱅⰵ. ⰺ҅ ⰲⱄⱑⰿⱏ ⱂⱃⱁⱍⰻⰿⱏ.
24:10
Ⰱⱑⰰⱎⰵ ⰶⰵ ⰿⰰⱃⰻⱑ ⰿⰰⰳⰴⰰⰾⱏⰹⱀ̑ⰻ. ⰺ҅ⱁⰰⱀⱀⰰ. ⰺ҅ ⰿⰰⱃⰻⱑ ⰺ҅ⱑⰽⱁⰲⰾ̑ⱑ. ⰺ҅ ⱂⱃⱁⱍⱔⱗ ⱄⱏ ⱀ̑ⰻⰿⰻ. ⱗⰶⰵ ⰺ҅ ⰳⰾ҃ⰰⰰⱈⱘ ⰽⱏ ⰰⱂ҃ⱁⰾⱁⰿⱏ ⱄⰵ.
24:11
ⰺ҅ ⱑⰲⰻⱎⱔ ⱄⱔ ⱂⱃⱑⰴⱏ ⱀ̑ⰻⰿⰻ. ⱑⰽⱁ ⰱⰾⱔⰴⰻ ⰳⰾ҃ⰻ ⰺ҅ⱈⱏ. ⰺ҅ ⱀⰵ ⰺ҅ⰿⱑⰰⱈⱘ ⰺ҅ⰿⱏ ⰲⱑⱃⱏⰹ.
24:12
Ⱂⰵⱅⱃⱏ ⰶⰵ ⰲⱏⱄⱅⰰⰲⱏ ⱅⰵⱍⰵ ⰽⱏ ⰳⱃⱁⰱⱆ. ⰺ҅ ⱂⱃⰻⱀⰻⰽⱏ ⰲⰻⰴⱑ ⱃⰻⰸⱏⰹ ⰵⰴⰻⱀⱏⰹ ⰾⰵⰶⱔⱎⱅⱔ. ⰺ҅ ⰻⰴⰵ ⰲⱐ ⱄⰵⰱⱑ ⰴⰻⰲⱔ ⱄⱔ ⰱⱏⰹⰲⱏⱎⱓⰿⱆ. !ⰽⱁ!ⱌ.
24:13
ⰺ҅ ⱄⰵ ⰴⱏⰲⰰ ⱁⱅⱏ ⱀ̑ⰻⱈⱏ ⰱⱑⱄⱅⰵ ⰺ҅ⰴⱘⱎⱅⰰ ⰲⱏ ⱅⱏⰶⰴⰵ ⰴⱀⱐ. ⰲⱏ ⰲⱐⱄⱐ ⱁⱅⱏⱄⱅⱁⱗⱎⱅⱘⱙ. ⱄⱅⰰⰴⰻⰹ ⱎⰵⱄⱅⱐ ⰴⰵⱄⱔⱅⱏ ⱁⱅⱏ ⰺⰾ҃ⰿⰰ. ⰵⰹⰶⰵ ⰺ҅ⰿⱔ ⰵⰿⰰⱆⱄⱐ.
24:14
ⰺ҅ ⱅⰰ ⰱⰵⱄⱑⰴⱁⰲⰰⰰⱎⰵⱅⰵ ⰽⱏ ⱄⰵⰱⱑ. ⱁ ⰲⱄⱑⱈⱏ ⱄⰻⱈⱏ ⱂⱃⰻⰽⰾⱓⱍⱐⱎⰻⱈⱏ ⱄⱔ ⱄⰻⱈⱏ.
24:15
ⰺ҅ ⰱⱏⰹⱄⱅⱏ ⰱⰵⱄⱑⰴⱆⱙⱎⱅⰵⰿⰰ ⰺ҅ⰿⰰ. ⰺ҅ ⱄⱏⱅⱔⰸⰰⱙⱎⱅⰵⰿⰰ ⱄⱔ. ⰺ҅ ⱄⰰⰿⱏ ⰻⱄ҃ ⱂⱃⰻⰱⰾⰻⰶⰻ ⱄⱔ. ⰺ҅ ⰻⰴⱑⰰⱎⰵ ⱄⱏ ⱀ̑ⰻⰿⰰ.
24:16
ⱁⱍⰻ ⰶⰵ ⰵⱓ ⰴⱃⱏⰶⰰⰰⱎⰵⱅⰵ ⱄⱔ. ⰴⰰ ⰵⰳⱁ ⱀⰵ ⱂⱁⰸⱀⰰⰰⱎⰵⱅⰵ.
24:17
Ⱃⰵⱍⰵ ⰶⰵ ⰽⱏ ⱀ̑ⰻⰿⰰ. ⱍⱐⱅⱁ ⱄⱘⱅⱏ ⱄⰾⱁⰲⰵⱄⰰ ⱄⰻ. ⱁ ⱀⰻⱈⱏⰶⰵ ⱄⱏⱅⱔⰸⰰⰵⱅⰰ ⱄⱔ ⰽⱏ ⱄⰵⰱⱑ ⰺ҅ⰴⱘⱎⱅⰰ. ⰺ҅ ⰵⱄⱅⰰ ⰴⱃⱔⱄⰵⰾⰰ.
24:18
Ⱉⱅⱏⰲⱑⱎⱅⰰⰲⱏ ⰶⰵ ⰵⰴⰻⱀⱏ ⰵⰿⱆⰶⰵ ⰺ҅ⰿⱔ ⰽⰾⰵⱁⱂⰰ. ⱃⰵⱍⰵ ⰽⱏ ⱀ̑ⰵⰿⱆ. ⱅⱏⰹ ⰾⰻ ⰵⰴⰻⱀⱏ ⱂⱃⰻⱎⱐⰾⱐⱌⱐ ⰵⱄⰻ ⰲⱏ ⰺⰾ҃ⰿⱏ. ⰺ҅ ⱀⰵ ⱍⱓ ⰱⱏⰹⰲⱏⱎⰻⱈⱏ ⰲⱐ ⱀ̑ⰵⰿⱐ. ⰲⱏ ⰴⱐⱀⰻ ⱄⰻⱗ.
24:19
ⰺ҅ ⱃⰵⱍⰵ ⰺ҅ⰿⰰ ⰽⱁⰹⱈⱏ. ⱁⱀⰰ ⰶⰵ ⱃⱑⱄⱅⰵ ⰵⰿⱆ ⱑⰶⰵ ⱁ ⰺⱄ҃ⱑ ⱀⰰⰸⰰⱃⱑⰰⱀⰻⱀⱑ. ⰺ҅ⰶⰵ ⰱⱏⰹ!ⱄ ⰿⱘⰶⱐ ⱂⱃⱁⱃⱁⰽⱏ. ⱄⰻⰾⱐⱀⱏ ⰴⱑⰾⱁⰿⱐ ⰺ҅ ⱄⰾⱁⰲⱁⰿⱐ. ⱂⱃⱑⰴⱏ ⰱ҃ⰿⱐ ⰺ҅ ⰲⱄⱑⰿⰻ ⰾ̑ⱓⰴⱐⰿⰻ.
24:20
ⰺ҅ ⰽⰰⰽⱁ ⰹ ⱂⱃⱑⰴⰰⱎⱔ ⰰⱃⱈⰻⰵⱃⰵⰹ. ⰺ҅ ⰽⱏⱀⱔⰸⰻ ⱀⰰⱎⰻ. ⱀⰰ ⱁⱄⱘⰶⰴⰵⱀⱐⰵ ⱄⱏⰿⱃⱏⱅⰻ. ⰺ҅ ⱂⱃⱁⱂⱔⱄⱔ ⰹ.
24:21
ⰿⱏⰹ ⰶⰵ ⱀⰰⰴⱑⰰⱈⱁⰿⱏ ⱄⱔ. ⱑⰽⱁ ⱄⱐ ⰵⱄⱅⱏ ⱈⱁⱅⱔⰹ ⰺ҅ⰸⰱⰰⰲⰻⱅⰻ !ⰺ҅ⰾ̑ⱑ. ⱀⱏ ⰹ ⱀⰰⰴⱏ ⰲⱄⱑⰿⰻ ⱄⰻⰿⰻ. ⱅⱃⰵⱅⰻ ⱄⰵ ⰴⸯⱀⱐ ⰺ҅ⰿⰰⱅⱏ ⰴⱐⱀⱐⱄⱐ. ⱁⱅⱏⱀ̑ⰵⰾⰻⰶⰵ ⱄⰻ ⰱⱏⰹⱎⱔ.
24:22
ⰺ҅ ⰶⰵⱀⱏⰹ ⰵⱅⰵⱃⱏⰹ ⱁⱅⱏ ⱀⰰⱄⱏ ⱆⰶⰰⱄⰻⱎⰵ ⱀⱏⰹ. ⰱⱏⰹⰲⱏⱎⱔⱗ ⱃⰰⱀⱁ ⱆ ⰳⱃⱁⰱⰰ.
24:23
ⰺ҅ ⱀⰵ ⱁⰱⱃⱑⱅⱏⱎⱔ ⱅⱑⰾⰵⱄⰵ ⰵⰳⱁ ⱂⱃⰻⰴⱘ ⰳⰾ҃ⱙⱎⱅⱔ. ⰺ҅ ⱑⰲⰾ̑ⰵⱀⱐⰵ ⰰⰼ҃ⰾⱏ ⰲⰻⰴⱑⰲⱏⱎⱔ. ⰺ҅ⰶⰵ !ⰳⰾⱙⱅⱏ ⰹ ⰶⰻⰲⰰ.
24:24
ⰺ ⰻⰴⱘ ⰵⱅⰵⱃⰻ ⱁⱅⱏ ⱀⰰⱄⱏ ⰽⱏ ⰳⱃⱁⰱⱆ. ⰺ҅ ⱁⰱⱃⱑⱅⱘ ⱅⰰⰽⱁ ⱑⰽⱁ ⰶⰵ ⰺ҅ ⰶⰵⱀⱏⰹ ⱃⱑⱎⱔ. ⱄⰰⰿⱁⰳⱁ ⰶⰵ ⱀⰵ ⰲⰻⰴⱑⱎⱔ.
24:25
ⰺ҅ ⱅⱏⰹ ⱃⰵⱍⰵ ⰽⱏ ⱀ̑ⰻⰿⰰ. ⱉ ⱀⰵⱄⱏⰿⱏⰹⱄⰾⱏⱀⰰⰰ ⰺ҅ ⰿⱘⰴⱏⱀⰰⰰ ⱄⱃⱐⰴⱐⱌⰵⰿⱐ. ⰲⱑⱃⱁⰲⰰⱅⰻ ⱁ ⰲⱄⱑⱈⱏ. ⱑⰶⰵ ⰳⰾ҃ⰰⱎⱔ ⱂⱃⱁⱃⱁⱌⰻ.
24:26
ⱀⰵ ⱅⰰⰽⱁ ⰾⰻ ⱂⱁⰴⱁⰱⰰⰰⱎⰵ ⱂⱁⱄⱅⱃⰰⰴⰰⱅⰻ !ⱈⱛ. ⰺ҅ ⰲⱐⱀⰻⱅⰻ ⰲⱏ ⱄⰾⰰⰲⱘ ⱄⰲⱁⱙ.
24:27
ⰺ҅ ⱀⰰⱍⱐⱀⱏ ⱁⱅⱏ ⰿⱁⱄⱑⰰ. ⰺ҅ ⱁⱅⱏ ⰲⱐⱄⱑⱈⱏ ⱂⱃⱁⱃⱁⰽⱏ. ⱄⱏⰽⰰⰸⰰⰰⱎⰵ ⰺ҅ⰿⰰ ⱁⱅⱏ ⰲⱐⱄⱑⱈⱏ ⰽⱏⱀ̑ⰻⰳⱏ ⱗⰶⰵ ⰱⱑⰰⱈⱘ ⱁ ⱀ̑ⰵⰿⱐ.
24:28
ⰺ҅ ⱂⱃⰻⰱⰾⰻⰶⰹⱎⱔ ⱄⱔ ⰲⱏ ⰲⱐⱄⱐ. ⰲⱏ ⱀ̑ⱙⰶⰵ ⰺ҅ⰴⱑⰰⱎⰵⱅⰵ. ⰺ҅ ⱅⱏ ⱅⰲⱁⱃⱑⰰⱎⰵ ⱄⱔ ⰴⰰⰾⰵⱍⰵ ⰺ҅ⱅⰻ.
24:29
ⰺ҅ ⱀⱘⰶⰴⰰⰰⱎⰵⱅⰵ ⰹ ⰳⰾ҃ⱙⱎⱅⰰ. ⱁⰱⰾⱔⰸⰻ ⱄⱏ ⱀⰰⰿⰰ. ⱑⰽⱁ ⱂⱃⰻ ⱂⱃⱁⱍⰵⰵ ⰴⰰⱄⱅⱏ ⰺ҅ⰿⱏ.
24:44
Ⱃⰵⱍⰵ ⰶⰵ ⰺⰿⱏ. ⱄⰵ ⱄⱘⱅⱏ ⱄⰾⱁⰲⰵⱄⰰ. ⱑⰶⰵ ⰳⰾ҃ⰰⱈⱏ ⰽⱏ ⰲⰰⰿⱏ. ⰵⱎⱅⰵ ⰶⰻⰲⱏ ⱄⱏⰹ. ⱑⰽⱁ ⱂⱁⰴⱁⰱⰰⰵⱅⱏ ⱄⱏⰽⱁⱀⱐⱍⰰⱅⰻ ⱄⱔ ⰲⱄⱑⰿⱏ ⱂⱄⰰⱀⱏⰹⰿⱏ ⰲⱏ ⰸⰰⰽⱁⱀⱑ ⰿⱁⱄⱑⱁⰲⱑ. ⰺ҅ ⱂⱃⱁⱃⱁⱌⱑⱈⱏ. ⰺ҅ ⱂⱄⰰⰾⸯⰿⱑⱈⱏ ⱁ ⰿⱀⱑ.
24:45
ⱅⱁⰳⰴⰰ ⱁⱅⰲⱃⱏⰸⰵ ⰺ҅ⰿⱏ ⱆⰿⱏ. ⰴⰰ ⱃⰰⰸⱆⰿⱑⱙⱅⱏ ⰽⱏⱀ̑ⰻⰳⱏⰹ.
24:46
ⰺ҅ ⱃⰵⱍⰵ ⰺ҅ⰿⱏ ⱑⰽⱁ ⱅⰰⰽⱁ ⰵⱄⱅⱏ ⱂⱄⰰⱀⱁ. ⰺ҅ ⱅⰰⰽⱁ ⱂⱁⰴⱁⰱⰰⰵⱅⱏ ⱂⱁⱄⱅⱃⰰⰴⰰⱅⰻ !ⱈⱛ. ⰺ҅ ⰲⱏⱄⰽⱃⱏⱄⱀⱘⱅⰻ ⱁⱅⱏ ⰿⱃⱏⱅⰲⱏⰹⱈⱏ. ⱅⱃⰵⱅⰻ ⰴⱀⱐ.
24:47
ⰺ҅ ⱂⱃⱁⱂⱁⰲⱑⰴⰰⱅⰻ ⱄⱔ ⰲⱏ ⰹⰿⱔ ⰵⰳⱁ. ⱂⱁⰽⰰⰰⱀⰻⰵ ⰲⱏ ⱁⱅⱏⱂⱆⱎⱅⰵⱀⱐⰵ ⰳⱃⱑⱈⱁⰿⱏ. ⰲⱏ ⰲⱐⱄⱑⱈⱏ ⱗⰸⱏⰹⱌⱑⱈⱏ. ⱀⰰⱍⱐⱀⱏⱎⰵ ⱁⱅⱏ ⰺⰾ҃ⰿⰰ.
24:48
ⰲⱏⰹ ⰶⰵ ⰵⱄⱅⰵ ⱄⱏⰲⱑⰴⱑⱅⰵⰾ̑ⰵ ⱄⰻⰿⱏ.
24:49
ⰺ҅ ⱄⰵ ⰰⰸⱏ ⱂⱁⱄⱏⰾ̑ⱙ ⱁⰱⱑⱅⱁⰲⰰⱀⰻⰵ ⱁⱅⱏ ⱁⱌ҃ⰰ ⰿⱁⰵⰳⱁ ⱀⰰ ⰲⱏⰹ. ⰲⱏⰹ ⰶⰵ ⱄⱔⰴⰵⱅⰵ ⰲⱏ ⰳⱃⰰⰴⱑ ⰵⰾ҃ⰿⱄⱌⱑ. ⰴⱁⱀⱐⰴⰵⰶⰵ ⱁⰱⰾⱑⱍⰵⱅⰵ ⱄⱔ ⱄⰻⰾⱁⱙ ⱄⱏⰲⱏⰹⱎⰵ.
24:50
ⰺ҅ⰸⰲⰵⰴⰵ ⰶⰵ ⱗ ⰲⱏⱀⱏ ⰴⱁ ⰲⰻⱅⰰⱀⰻⱗ. ⰺ҅ ⰲⱏⰸⰴⰲⰻⰳⱏ ⱃⱘⱌⱑ ⱄⰲⱁⰹ !ⰱⰾⰰⰳⰲⰻ ⱗ.
24:51
ⰺ҅ ⰱⱏⰹⱄⱅⱏ ⰵⰳⰴⰰ ⰱⰾⰰⰳⱁⱄⰾⱁⰲⰾ̑ⱑⰰⱎⰵ ⱗ. ⱁⱅⱏⱄⱅⱘⱂⰻ ⱁⱅⱏ ⱀ̑ⰻⱈⱏ. ⰺ҅ ⰲⱏⰸⱀⱁⱎⰰⰰⱎⰵ ⱄⱔ ⱀⰰ ⱀⰱ҃ⱁ.
24:52
ⰺ҅ ⱅⰻ ⱂⱁⰽⰾⱁⱀⰻⱎⱔ ⱄⱔ ⰵⰿⱆ. ⰲⱏⰸⰲⱃⰰⱅⰻⱎⱔ ⰶⰵ ⱄⱔ ⰲⱏ !ⰵⱃⰾⰿⱏ. ⱄⱏ ⱃⰰⰴⱁⱄⱅⰻⱙ ⰲⰵⰾⱐⰵⱙ.
24:53
ⰺ҅ ⰱⱑⰰⱈⱘ ⰲⱏⰺⱀⱘ. ⰲⱏ ⱌⱃ҃ⰽⱏⰲⰵ. ⱂⱁⱙⱎⱅⰵ ⰺ҅ ⰱⰾⰰⰳⱁⱄⰾⱁⰲⱔⱎⱅⰵ ⰱ҃ⰰ ⰰⰿ[ⰻ]ⱀⱐ: +