ЕВАНГЕЛИЕ ЕЖЕ Ѿ ЛОУКꙐ
23:1
ⰺ҅ ⰲⱏⱄⱅⰰⰲⱏⱎⰵ ⰲⸯⱄⰵ ⰿⱀⱁⰶⱐⱄⱅⰲⱁ ⰺ҅ⱈⱏ. Ⱂⱃⰻⰲⰵⰴⱁⱎⱔ ⰹ ⰽⱏ ⱂⰻⰾⰰⱅⱆ.
23:2
ⱀⰰⱍⱔⱎⱔ ⱀⰰ ⱀ̑ⱐ ⰲⰰⰴⰻⱅⰻ ⰳⰾ҃ⱙⱎⱅⰵ. ⱄⰵⰳⱁ ⱁⰱⱃⱑⱅⱁⱈⱁⰿⱏ ⱃⰰⰸⰲⱃⰰⱎⱅⰰⱙⱎⱅⰰ ⱗⰸⱏⰹⰽⱏ ⱀⰰⱎⱐ. ⰺ҅ ⰲⱏⰸⰱⱃⰰⱀ̑ⱑⱙⱎⱅⰰ. ⰴⰰⱑⱅⰻ ⰽ̑ⰵⱄⰰⱃⰵⰲⰻ ⰴⰰⱀⱐ. ⰳⰾ҃ⰵⱅⱏ ⱄⰵⰱⰵ ⱈ҃ⰰ ⱌⱃ҃ⱑ ⰱⱏⰹⱅⰻ.
23:3
Ⱂⰻⰾⰰⱅⱏ ⰶⰵ ⰲⱏⱂⱃⱁⱄⰻ ⰹ ⰳⰾ҃ⱔ. ⱅⱏⰹ ⰾⰻ ⰵⱄⰻ ⱌⱃ҃ⱐ ⰺ҅ⱓⰴⰵⱁⰿⱏ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ. ⱃⰵⱍⰵ ⰵⰿⱆ. ⱅⱏⰹ ⰳⰾ҃ⰵⱎⰻ.
23:4
ⱂⰻⰾⰰⱅⱏ ⰶⰵ ⱃⰵⱍⰵ ⰽⱏ ⰰⱃⱈⰻⰵⱃⰵⱁⰿⱏ. ⰺ҅ ⰽⱏ ⱀⰰⱃⱁⰴⱆ. ⱀⰻⰽⱁⱗⰶⰵ ⰲⰻⱀⱏⰹ ⱀⰵ ⱁⰱⱃⱑⱅⰰⱙ ⰲⱏ ⱍⱌ҃ⱑ ⱄⰵⰿⱐ.
23:5
Ⱉⱀⰻ ⰶⰵ ⰽⱃⱑⱂⰾ̑ⱑⰰⱈⱘ ⱄⱔ ⰳⰾ҃ⱙⱎⱅⰵ. ⱑⰽⱁ ⱃⰰⰸⰲⱃⰰⱎⱅⰰⰵⱅⱏ ⰾ̑ⱓⰴⰻ ⱆⱍⱔ. ⱂⱁ ⰲⱄⰵⰹ ⰺ҅ⱓⰴⰵⰹ. ⱀⰰⱍⱐⱀⱏ ⱁⱅⱏ ⰳⰰⰾⰻⰾⰵⱗ ⰴⱁⱄⱐⰴⰵ.
23:6
ⱂⰻⰾⰰⱅⱏ ⰶⰵ ⱄⰾⱏⰹⱎⰰⰲⱏ. ⰲⱏⱂⱃⱁⱄⰻ ⰳⰰⰾⰻⰾⰵⱗ. ⰰⱎⱅⰵ ⱍⰽ҃ⱏ ⰳⰰⰾⰻⰾⱑⰺ҅ⱄⰽⱏ ⰵⱄⱅⱏ.
23:7
ⰺ҅ ⱃⰰⰸⱆⰿⱑⰲⱏ. ⱑⰽⱁ ⱁⱅⱏ ⱁⰱⰾⰰⱄⱅⰻ ⰺ҅ⱃⱁⰴⱁⰲⱏⰹ ⰵⱄⱅⱏ. ⱂⱁⱄⱏⰾⰰ ⰹ ⰽⱏ ⰺ҅ⱃⱁⰴⱆ. ⱄⱘⱎⱅⱓ ⱅⱁⰿⱆ ⰲⱏ !ⰺ҅ⰾⰿⱑⱈⱏ ⰲⱏ ⰴⱐⱀⰻ ⱅⱏⰹ.
23:8
ⰺ҅ⱃⱁⰴⱏ ⰶⰵ ⰲⰻⰴⱑⰲⱏ ⰺ҅ⱄ҃ⰰ. ⱃⰰⰴⱏ ⰱⱏⰹⱄⱅⱏ ⰸⱑⰾⱁ. ⰱⱑ ⰱⱁ ⰶⰵⰾⱑⱗ ⱁⱅⱏ ⰿⱀⱁⰳⰰ ⰲⱃⱑⰿⰵⱀⰵ ⰲⰻⰴⱑⱅⰹ ⰻ. ⰸⰰⱀ̑ⰵ ⱄⰾⱏⰹⱎⰰⰰⱎⰵ ⰿⱀⱁⰳⰰ ⱁ ⱀ̑ⰵⰿⱐ. ⰺ҅ ⱀⰰⰴⱑⰰⱎⰵ ⱄⱔ ⰸⱀⰰⰿⰵⱀⱐⰵ ⰵⱅⰵⱃⱁ ⰲⰻⰴⱑⱅⰻ. ⱁⱅⱏ ⱀ̑ⰵⰳⱁ ⰱⱏⰹⰲⰰⰵⰿⱁ.
23:9
ⰲⱏⱂⱃⰰⱎⰰⰰⱎⰵ ⰶⰵ ⰹ ⱄⰾⱁⰲⰵⱄⱏⰹ ⰿⱀⱁⰳⱏⰹ. *̆ⱁⱀⱏ ⰶⰵ ⱀⰻⱍⱐⱄⱁⰶⰵ ⱀⰵ ⱁⱅⱏⰲⱑⱎⱅⰰⰲⰰⰰⱎⰵ ⰵⰿⱆ.
23:10
Ⱄⱅⱁⱑⰰⱈⱘ ⰶⰵ ⰰⱃⱈⰻⰵⱃⰵⰹ. ⰺ҅ ⰽⱏⱀⰻⰶⱐⱀⰻⱌⰻ. ⱂⱃⰻⰾⰵⰶⱐⱀⱁ ⰲⰰⰴⱔⱎⱅⰵ ⱀⰰ ⱀ̑ⱐ.
23:11
Ⱆⰽⱁⱃⱐ ⰶⰵ ⰹ ⰺ҅ⱃⱁⰴⱏ ⱄⱏ ⰲⱁⰹ ⱄⰲⱁⰺⰿⰻ. ⰺ҅ ⱂⱁⱃⱘⰳⰰⰲⱏ ⱄⱔ. ⱁⰱⰾⱏⰽⱏ ⰹ ⰲⱐ ⱃⰻⰸⱘ ⱄⰲⱑⱅⱏⰾⱘ. ⰲⱏⰸⰲⱃⰰⱅⰻ ⰹ. ⰽⱏ ⱂⰻⰾⰰⱅⱁⰲⰻ.
23:12
ⰺ҅ ⰱⱏⰹⱄⱅⰵ ⰶⰵ ⱄⰻ ⰴⱃⱆⰳⰰ. ⰺ҅ⱃⱁⰴⱏ ⰶⰵ ⰺ҅ ⱂⰻⰾⰰⱅⱏ ⰲⱏ ⱅⱏ ⰴⱐⱀⱐ ⱄⱏ ⱄⱁⰱⱁⱙ. ⱂⱃⱑⰶⰴⰵ ⰱⱁ ⰱⱑⰰⱎⰵⱅⰵ ⰲⱃⰰⰶⰴⱘ ⰺ҅ⰿⱘⱎⱅⰰ ⰿⰵⰶⰴⱓ ⱄⱁⰱⱁⱙ.
23:13
Ⱂⰻⰾⰰⱅⱏ ⰶⰵ ⱄⱏⰸⱏⰲⰰⰲⱏ ⰰⱃⱈⰻⰵⱃⰵⱗ. ⰺ҅ ⰽⱏⱀⱔⰸⱔ. ⰺ҅ ⰾ̑ⱓⰴⰻ.
23:14
ⱃⰵⱍⰵ ⰽⱏ ⱀ̑ⰻⰿⱏ. ⱂⱃⰻⰲⱑⱄⱅⰵ ⰿⰻ ⱍⰽ҃ⰰ ⱄⰵⰳⱁ. ⱑⰽⱁ ⱃⰰⰸⰲⱃⰰⱎⱅⰰⱙⱎⱅⰰ ⰾ̑ⱓⰴⰻ. ⰺ҅ ⱄⰵ ⰰⰸⱏ ⰺ҅ⱄⱅⱔⰸⰰⰲⱏ ⰹ ⱂⱃⱑⰴⱏ ⰲⰰⰿⰻ. ⱀⰵ ⱁⰱⱃⱑⱅⱏ ⱀⰻⰵⰴⰻⱀⱁⱗⰶⰵ ⱁ ⱍⱌ҃ⱑ ⱄⰵⰿⱐ ⰲⰻⱀⱏⰹ. ⱗⰶⰵ ⱀⰰ ⱀ̑ⱐ ⰲⰰⰴⰻⱅⰵ.
23:15
ⱀⱏ ⱀⰻ ⰺ҅ⱃⱁⰴⱏ. ⱂⱁⱄⱏⰾⰰⱈⱏ ⰱⱁ ⰹ ⰽⱏ ⱀ̑ⰵⰿⱆ. ⰺ҅ ⱄⰵ ⱀⰻⱍⱐⱅⱁⰶⰵ ⰴⱁⱄⱅⱁⰺⱀⱁ ⱄⱏⰿⱃⱏⱅⰻ. ⱅⰲⱁⱃⰵⱀⱁ ⰵⱄⱅⱏ ⱁ ⱀ̑ⰵⰿⱐ.
23:16
ⱂⱁⰽⰰⰸⰰⰲⱏ ⱆⰱⱁ ⱁⱅⱏⱂⱆⱎⱅⱘ ⰹ.
23:17
Ⱂⱁⱅⱃⱑⰱⱘ ⰶⰵ ⰺ҅ⰿⱑⰰⱎⰵ ⱀⰰ ⰲⱐⱄⱔ ⱂⱃⰰⰸⰴⱐⱀⰻⰽⱏⰹ. ⱁⱅⱏⱂⱆⱎⱅⰰⱅⰻ ⰺ҅ⰿⱏ ⰵⰴⰻⱀⱁⰳⱁ.
23:18
ⰲⱏⰸⱏⱂⰻⱎⱔ ⰶⰵ ⱄⱏ ⰲⱄⱑⰿⱐ ⱀⰰⱃⱁⰴⱁⰿⱐ ⰳⰾ҃ⱙⱎⱅⰵ. ⰲⱏⰸⱐⰿⰻ ⱄⰵⰳⱁ. ⱁⱅⱏⱂⱆⱄⱅⰻ ⰶⰵ ⱀⰰⰿⱏ ⰲⰰⱃⰰⰰⰲⱘ.
23:19
ⰺ҅ⰶⰵ ⰱⱑ ⰸⰰ ⰵⱅⰵⱃⱘ ⰽⱃⰰⰿⱁⰾⱘ ⰱⱏⰹⰲⱏⱎⱘⱙ ⰲⱏ ⰳⱃⰰⰴⱑ. ⰺ҅ ⱆⰱⰻⰹⱄⱅⰲⱁ. ⰲⱏⰲⱃⱏⰶⰵⱀⱏ ⰲⱏ ⱅⱐⰿⱐⱀⰻⱌⱘ.
23:20
Ⱂⰰⰽⱏⰹ ⰶⰵ ⱂⰻⰾⰰⱅⱏ ⰲⱏⰸⰳⰾⰰⱄⰻ ⱈⱁⱅⱔ ⱁⱅⱏⱂⱆⱄⱅⰻⱅⰻ ⰺ҅ⱄ҃ⰰ.
23:21
ⱁⱀⰻ ⰶⰵ ⰲⱏⰸⰳⰾⰰⱎⰰⰰⱈⱘ ⰳⰾ҃ⱙⱎⱅⰵ. ⱂⱃⱁⱂⱐⱀⰹ ⰻ ⱂⱃⱁⱂⱐⱀⰹ ⰻ.
23:22
ⱁⱀⱏ ⰶⰵ ⱅⱃⰵⱅⰻⰹⱌⰵⱙ ⱃⰵⱍⰵ ⰽⱏ ⱀ̑ⰻⰿⱏ. ⱍⱐⱅⱁ ⰱⱁ ⱄⱏⱅⰲⱁⱃⰻ ⰸⱏⰾⱁ. ⱀⰻⱍⱐⱄⱁⰶⰵ ⰴⱁⱄⱅⱁⰺⱀⰰ ⱄⱏⰿⱃⱏⱅⰻ ⱁⰱⱃⱑⱅⱏ ⱁ ⱀ̑ⰵⰿⱐ. ⱂⱁⰽⰰⰸⰰⰲⱏ ⱆⰱⱁ ⱁⱅⱏⱂⱆⱎⱅⱘ.
23:23
Ⱁⱀⰻ ⰶⰵ ⱂⱃⰻⰾⰵⰶⰰⰰⱈⱘ ⰳⰾⰰⱄⱏⰹ ⰲⰵⰾⰻⰹ. ⱂⱃⱁⱄⱔⱎⱅⰵ ⰵⰳⱁ ⱀⰰ ⱂⱃⱁⱂⱔⱅⱐⰵ. ⰺ҅ ⱆⱄⱅⱁⱑⱈⱘ ⰳⰾⰰⱄⰻ ⰺ҅ⱈⱏ. ⰺ҅ ⰰⱃⱈⰻⰵⱃⱑⰺ҅ⱄⱌⰻⰹ.
23:24
ⱂⰻⰾⰰⱅⱏ ⰶⰵ ⱂⱁⱄⱘⰴⰻ ⰱⱏⰹⱅⰻ. ⱂⱃⱁⱎⰵⱀⱐⰵ ⰺ҅ⱈⱏ.
23:25
ⱁⱅⱏⱂⱆⱄⱅⰻ ⰶⰵ ⰺ҅ⰿⱏ ⰲⰰⱃⰰⰰⰲⱘ. ⰲⱏⱄⰰⰶⰴⰵⱀⰰⰰⰳⱁ ⰲⱐ ⱅⱐⰿⱐⱀⰻⱌⱘ ⰸⰰ ⰽⱃⰰⰿⱁⰾⱘ. ⰺ҅ ⱆⰱⰻⰹⱄⱅⰲⱁ ⰵⰳⱁ ⱂⱃⱁⱎⰰⰰⱈⱘ. ⰰ ⰺⱄ҃ⰰ ⱂⱃⱑⰴⰰⱄⱅⱏ ⰲⱁⰾ̑ⰻ ⰺ҅ⱈⱏ.
23:26
ⰺ҅ ⰰⰽⱁ ⰹ ⱂⱁⰲⰵⰴⱁⱎⱔ ⰺ҅ⰿⱏⱎⰵ. ⱄⰻⰿⱁⱀⰰ ⰵⱅⰵⱃⰰ ⰽ̑ⱛⱃⰻⱀⱑⰰ ⰳⱃⱔⰴⱘⱎⱅⰰ ⱄⱏ ⱄⰵⰾⰰ. ⰸⰰⰴⱑⱎⱔ ⰵⰿⱆ ⰽⱃⱐⱄⱅⱏ ⱀⱁⱄⰻⱅⰻ ⱂⱁ ⰺⱄ҃ⱑ.
23:27
Ⰺ҅ⰴⱑⰰⱎⰵ ⰶⰵ ⰲⱐ ⱄⰾⱑⰴⱏ ⰵⰳⱁ ⰿⱏⱀⱁⰳⱏ ⱀⰰⱃⱁⰴⱏ ⰾ̑ⱓⰴⰻⰹ. ⰿⱘⰶⰻ ⰺ҅ ⰶⰵⱀⱏⰹ. ⱗⰶⰵ ⰺ҅ ⰱⱐⱑⰰⱈⱘ ⱄⱔ ⰺ҅ ⱂⰾⰰⰽⰰⰰⱈⱘ ⱄⱔ ⰵⰳⱁ.
23:28
ⱁⰱⱃⰰⱎⱅⱐ ⰶⰵ ⱄⱔ ⰺⱄ҃ ⰽⱏ ⱀ̑ⰻⰿⱏ ⱃⰵⱍⰵ. ⰴⱏⱎⱅⰵⱃⰻ ⰵⰾ҃ⰿⱄⰽⱏⰹ. ⱀⰵ ⱂⰾⰰⱍⰻⱅⰵ ⱄⱔ ⱁ ⰿⱀⱑ. ⱁⰱⰰⱍⰵ ⱄⰵⰱⰵ ⱂⰾⰰⱍⰻⱅⰵ ⱄⱔ. ⰺ҅ ⱍⱔⰴⱏ ⰲⰰⱎⰻⱈⱏ.
23:29
ⱑⰽⱁ ⱄⰵ ⰴⱐⱀⱐⰵ ⰳⱃⱔⰴⱘⱅⱏ. ⰲⱐ ⱀ̑ⱔⰶⰵ ⱃⰵⰽⱘⱅⱏ. ⰱⰾⰰⰶⰵⱀⰰ ⱀⰵⱂⰾⱁⰴⱏⰲⰻ ⰺ҅ ⱍⱃⱑⰲⰰ. ⱑⰶⰵ ⱀⰵ ⱃⱁⰴⰻⱎⱔ. ⰺ҅ ⱄⱏⱄⱏⱌⰻ ⰺ҅ⰶⰵ ⱀⰵ ⰴⱁⰺⱎⱔ.
23:30
ⱅⱁⰳⰴⰰ ⱀⰰⱍⱐⱀⱘⱅⱏ ⰳⰾⰰⰳⱁⰾⰰⱅⰻ ⰳⱁⱃⰰⰿⱏ ⱂⰰⰴⱑⱅⰵ ⱀⰰ ⱀⱏⰹ. ⰺ҅ ⱈⰾⱐⰿⱁⰿⱏ ⱂⱁⰽⱃⱏⰹⱑⱅⰵ ⱀⱏⰹ.
23:31
ⰸⰰⱀ̑ⰵ ⰰⱎⱅⰵ ⰲⱏ ⱄⱏⰹⱃⱑ ⰴⱃⱑⰲⱑ ⱄⰻ ⱅⰲⱁⱃⱔⱅⱏ. ⰲⱏ ⱄⱆⱄⱑ ⱍⱐⱅⱁ ⰱⱘⰴⰵⱅⱏ.
23:32
Ⰲⰵⰴⱑⰰⱈⱘ ⰶⰵ ⰹ. ⰺ҅ ⰻⱀⰰ ⰸⱏⰾⱁⰴⱑⱑ ⰴⱏⰲⰰ. ⱄⱏ ⱀ̑ⰻⰿⱐ ⱆⰱⰻⱅⱏ.
23:33
Ⰺ҅ ⰵⰳⰴⰰ ⱂⱃⰻⰴⱁⱎⱔ ⱀⰰ ⰿⱑⱄⱅⱁ. ⱀⰰⱃⰻⱌⰰⰵⰿⱁⰵ ⰽⱃⰰⱀⰻⰵⰲⱁ. ⱅⱆ ⰹ ⱂⱃⱁⱂⱔⱎⱔ. ⰺ҅ ⰸⱏⰾⱁⰴⱑⰰ. ⱁⰲⱁⰳⱁ ⱆⰱⱁ ⱁ ⰴⰵⱄⱀⱘⱙ. ⰰ ⰴⱃⱆⰳⰰⰵⰳⱁ ⱁ ⰾⱑⰲⱘⱙ ⱃⰰⱄⱂⱔⱎⱔ.
23:34
ⰺⱄ҃ ⰶⰵ ⰳⰾ҃ⰰⰰⱎⰵ. !ⱁⱍⰵ ⱁⱅⱏⱂⱆⱄⱅⰻ ⰺ҅ⰿⱏ. ⱀⰵ ⰲⱑⰴⱔⱅⱏ ⰱⱁ ⱄⱔ ⱍⱐⱅⱁ ⱅⰲⱁⱃⱔⱅⱏ. ⱃⰰⰸⰴⱑⰾ̑ⱑⱙⱎⱅⰵ ⱃⰻⰸⱏⰹ ⰵⰳⱁ ⰿⰵⱅⰰⰰⱈⱘ ⰶⱃⱑⰱⱐⱗ.
23:35
ⰺ҅ ⱄⱅⱁⱑⰰⱈⱘ ⰾ̑ⱓⰴⱐⰵ. ⰸⱐⱃⱔⱎⱅⰵ. ⱂⱁⰴⱃⰰⰶⰰⰰⱈⱘ ⰶⰵ ⰹ ⰽⱏⱀⱔⰸⰻ ⰳⰾ҃ⱙⱎⱅⰵ ⱄⱏ ⱀ̑ⰻⰿⰻ. ⰺ҅ⱀⱏⰹ ⰵⱄⱅⱏ ⱄⱂ҃ⱄⰾⱏ. ⰴⰰ ⱄⱂ҃ⰵⱅⱏ ⰺ҅ ⱄⱔ. ⰰⱎⱅⰵ ⱄⱐ ⰵⱄⱅⱏ ⱈ҃ⱏ ⱄⱀ҃ⱏ ⰱⰶ҃ⰹⰹ ⰺ҅ⰸⰱⱏⱃⰰⱀⱏⰹ.
23:36
ⱃⱘⰳⰰⰰⱈⱘ ⰶⰵ ⱄⱔ ⰵⰿⱆ ⰺ҅ ⰲⱁⰺ҅ⱀⰻ ⱂⱃⰻⱄⱅⱘⱂⰰⱙⱎⱅⰵ. ⱁⱌⱐⱅⱏ ⱂⱃⰻⰴⱑⱙⱎⱅⰵ ⰵⰿⱆ.
23:37
ⰺ҅ ⰳⰾ҃ⱙⱎⱅⰵ. ⰰⱎⱅⰵ ⱅⱏⰹ ⰵⱄⰻ ⱌⱃ҃ⱐ ⰺ҅ⱓⰴⰵⰺ҅ⱄⰽⱏ. ⱄⱂ҃ⰻ ⱄⱔ ⱄⰰⰿⱏ.
23:38
Ⰱⱑ ⰶⰵ ⰺ҅ ⱀⰰⱂⱄⰰⱀⱐⰵ ⱀⰰⱂⸯⱄⰰⱀⱁ. ⱀⰰⰴⱏ ⱀ̑ⰻⰿⱐ. ⰽⱏⱀ̑ⰻⰳⰰⰿⰻ ⰵⰾⰻⱀⱏⱄⰽⰰⰿⰻ. ⰺ҅ ⱃⰻⰿⱐⱄⰽⰰⰿⰻ. ⰺ҅ ⰵⰲⱃⱑⰺ҅ⱄⰽⰰⰿⰻ. ⱄⱐ ⰵⱄⱅⱏ ⱌⱃ҃ⱐ ⰺ҅ⱓⰴⱑⰺ҅ⱄⰽⱏ.
23:39
Ⰵⰴⰻⱀⱏ ⰶⰵ ⱁⱅⱏ ⱁⰱⱑⱎⰵⱀⱆⱓ ⰸⱏⰾⱁⰴⱑⱓ. ⱈⱆⰾ̑ⱑⰰⱎⰵ ⰹ ⰳⰾ҃ⱔ. ⰰⱎⱅⰵ ⱅⱏⰹ ⰵⱄⰻ ⱈ҃ⱏ ⱄⱂ҃ⰻ ⱄⱔ ⱄⰰⰿⱏ. ⰺ҅ ⱀⱏⰹ.
23:40
Ⱉⱅⱏⰲⱑⱎⱅⰰⰲⱏ ⰶⰵ ⰴⱃⱆⰳⱏⰹ ⱂⱃⱑⱎⱅⰰⰰⱎⰵ ⰵⰿⱆ ⰳⰾ҃ⱔ. ⱀⰻ ⰾⰻ ⱅⱏⰹ ⰱⱁⰺⱎⰻ ⱄⱔ ⰱ҃ⰰ. ⱑⰽⱁ ⰲⱏ ⱅⱁⰿⱐⰶⰴⰵ ⱁⱄⱘⰶⰴⰵⱀⰻⰹ ⰵⱄⰻ.
23:41
ⰺ҅ ⰲⱑ ⱆⰱⱁ ⰲⱏ ⱂⱃⰰⰲⱏⰴⱘ. ⰴⱁⱄⱅⱁⰺ҅ⱀⰰⰰ ⰱⱁ ⰴⱑⰾⱁⰿⱏ ⱀⰰⱓ ⰲⱏⱄⱂⱃⰻⰵⰿⰾ̑ⰵⰲⱑ. ⰰ ⱄⱐ ⱀⰻⱍⱐⱄⱁⰶⰵ ⰸⱏⰾⰰ ⱀⰵ ⱄⱏⱅⰲⱁⱃⰻ.
23:42
ⰺ҅ ⰳⰾ҃ⰰⰰⱎⰵ ⰺⱄ҃ⰲⰻ. ⱂⱁⰿⱔⱀⰻ ⰿⰻ ⰳ҃ⰻ. ⰵⰳⰴⰰ ⱂⱃⰻⰴⰵⱎⰻ ⰲⱐ ⱌⱃ҃ⱄⰻ ⱅⰲⱁⰵⰿⱐ.
23:43
ⰺ҅ ⱃⰵⱍⰵ ⰵⰿⱆ ⰻⱄ҃. ⰰⰿⰻⱀⸯ. ⰳⰾ̑ⱙ ⱅⰵⰱⱑ. ⰴⱐⱀⱐⱄⱐ ⱄⱏ ⰿⱀⱁⱙ ⰱⱘⰴⰵⱎⰻ ⰲⱏ ⱃⰰⰹ.
23:44
Ⰱⱑ ⰶⰵ ⱑⰽⱁ ⰳⱁⰴⰻⱀⰰ ⱎⰵⱄⱅⰰⰰ. ⰺ҅ ⱅⱏⰿⰰ ⰱⱏⰹ!ⱄ ⱂⱁ ⰲⱄⰵⰹ ⰸⰵⰿⰾ̑ⰻ. ⰴⱁ ⰳⱁⰴⰻⱀⱏⰹ ⰴⰵⰲⱔⱅⱏⰹⱗ.
23:45
ⰺ҅ ⱄⰾⱏⱀⱐⱌⱓ ⰿⱃⱏⰽⱏⱎⱓ. ⰺ҅ ⰽⰰⱅⰰⱂⰵⱅⰰⰸⰿⰰ ⱌⱃⱏⰽⱁⰲⱏⱀⰰⱑ. ⱃⰰⰸⰴⱏⱃⰰ ⱄⱔ. ⱀⰰ ⰴⱏⰲⱁⰵ ⱁⱅⱏ ⰳⱁⱃⱏⰹ ⰴⱁ ⱀⰻⰸⱏ.
23:46
Ⰺ҅ ⰲⱏⰸⰳⰾⰰⱎⱐ ⰳⰾⰰⱄⱏⰿⱐ ⰲⰵⰾⱐⰵⰿⱐ ⰻⱄ҃ ⱃⰵⱍⰵ. !ⱁⱍⰵ ⰲⱏ ⱃⱘⱌⱑ ⱅⰲⱁⰹ ⱂⱃⱑⰴⰰⱙ ⰴⱈ҃ⱏ ⰿⱁⰹ. ⰺ҅ ⱄⰵ ⱃⰵⰽⱏ ⰺ҅ⰸⰴⱏⱎⰵ.
23:47
Ⰲⰻⰴⱑⰲⱏ ⰶⰵ ⱄⱏⱅⱐⱀⰻⰽⱏ ⰱⱏⰹⰲⱏⱎⰵⰵ. ⱂⱃⱁⱄⰾⰰⰲⰻ ⰱ҃ⰰ ⰳⰾ҃ⱔ. Ⰲⱏ ⰺ҅ⱄⱅⰻⱀⱘ ⱍⰽ҃ⱏ ⱄⱐ ⱂⱃⰰⰲⱐⰴⱐⱀⱏ ⰱⱑ.
23:48
ⰺ҅ ⰲⱄⰻ ⱂⱃⰻⱎⱐⰴⱏⱎⰵⰹ ⱀⰰⱃⱁⰴⰻ. ⱀⰰ ⱂⱁⰸⱁⱃⱁⱄⱐ. ⰲⰻⰴⱔⱎⱅⰵ ⰱⱏⰹⰲⰰⱙⱎⱅⰰⰰ. ⰱⱐⱙⱎⱅⰵ ⱂⱃⱏⱄⰻ ⱄⰲⱁⱗ ⰲⱏⰸⰲⱃⰰⱎⱅⰰⰰⱈⱘ ⱄⱔ.
23:49
ⱄⱅⱁⱑⱈⱘ ⰶⰵ ⰲⸯⱄⰻ ⰸⱀⰰⰵⰿⰻⰹ ⰵⰳⱁ ⰺ҅ⰸⰴⰰⰾⰵⱍⰵ. ⰺ҅ ⰶⰵⱀⱏⰹ ⰲⱏⱎⱐⰴⱏⱎⱔⱗ ⱄⱏ ⱀ̑ⰻⰿⱐ. ⱁⱅⱏ ⰳⰰⰾⰻⰾⰵⱗ ⰸⱐⱃⱔⱎⱅⱔ ⱄⰻⱈⱏ. !ⰽⱁ!ⱌ
23:50
Ⰺ ⱄⰵ ⰿⱘⰶⱐ ⰺ҅ⰿⰵⱀⰵⰿⱐ ⰺ҅ⱁⱄⰻⱇⱏ. ⱄⱏⰲⱑⱅⱐⱀⰻⰽⱏ ⱄⱏⰹ. ⰿⱘⰶⱐ ⰱⰾⰰⰳⱏ ⰺ҅ ⱂⱃⰰⰲⱐⰴⱐⱀⱏ.
23:51
ⱄⱐ ⱀⰵ ⰱⱑ ⱂⱃⰻⱄⱅⰰⰾⱏ ⱄⱏⰲⱑⱅⱑ. ⰺ҅ ⰴⱑⰾⱑ ⰺ҅ⱈⱏ. ⱁⱅⱏ ⰰⱃⰻⰿⰰⱅⸯⱑⱗ. ⰳⱃⰰⰴⰰ ⰺ҅ⱓⰴⱑⰺ҅ⱄⰽⰰ. ⰺ҅ⰶⰵ ⱍⰰⰰⱎⰵ ⰺ҅ ⱅⱏ ⱌⱃ҃ⱄⰻⱑ ⰱⰶ҃ⰻⱑ.
23:52
Ⱄⱐ ⱂⱃⰻⱄⱅⱘⱂⰻ ⰽⱏ ⱂⰻⰾⰰⱅⱆ. ⰺ҅ⱄⱂⱃⱁⱄⰻ ⱅⱑⰾⱁ ⰺⱄ҃ⰲⱁ.
23:53
ⰺ҅ ⱄⱏⱀⱐⰿⱏ ⰵ ⱁⰱⰻⱅⱏ ⱂⱁⱀ̑ⱑⰲⰻⱌⰵⱙ. ⰺ҅ ⱂⱁⰾⱁⰶⰹ ⰵ ⰲⱏ ⰳⱃⱁⰱⱑ ⰺ҅ⱄⱑⱍⰵⱀⱑ. ⰲⱐ ⱀ̑ⰵⰿⱐⰶⰵ ⱀⰵ ⰱⱑ ⱀⰻⰽⱏⱅⱁⰶⰵ. ⱀⰻⰽⱁⰳⰴⰰⰶⰵ ⱂⱁⰾⱁⰶⰵⱀⱏ.
23:54
ⰺ҅ ⰴⱐⱀⱐ ⰱⱑ ⱂⰰⱃⰰⱄⰽ̑ⰵⰲⱐⰼⰻⰹ. ⰺ҅ ⱄⱘⰱⱁⱅⰰ ⱄⰲⰻⱅⰰⰰⱎⰵ.
23:55
ⰲⱐ ⱄⰾⱑⰴⱏ ⰶⰵ ⱎⱐⰴⱏⱎⱔ ⰶⰵⱀⱏⰹ. ⱗⰶⰵ ⰱⱑⰰⱈⱁ ⱄⱏ ⱀ̑ⰻⰿⱐ ⱂⱃⰻⱎⱐⰾⱏⰹ ⱁⱅⱏ ⰳⰰⰾⰻⰾⰵⱗ. ⰲⰻⰴⱑⱎⱔ ⰳⱃⱁⰱⱏ. ⰺ҅ ⱑⰽⱁ ⱂⱁⰾⱁⰶⰵⱀⱁ ⰱⱏⰹ!ⱄ ⱅⱑⰾⱁ ⰵⰳⱁ.
23:56
ⰲⱏⰸⰲⱃⰰⱎⱅⱐⱎⱔ ⰶⰵ ⱄⱔ ⱆⰳⱁⱅⱁⰲⰰⱎⱔ ⰰⱃⱁⰿⰰⱅⱏⰹ. ⰺ҅ ⰿⸯⱛⱃⱁ. ⰺ҅ ⰲⱏ ⱄⱘⰱⱁⱅⱘ. ⱆⰿⰾⱐⱍⰰⱎⱔ ⱂⱁ ⰸⰰⱂⱁⰲⱑⰴⰻ.