ЕВАНГЕЛИЕ ЕЖЕ Ѿ ЛОУКꙐ
22:1
Ⱂⱃⰻⰱⰾⰻⰶⰰⰰⱎⰵ ⰶⰵ ⱄⱔ ⱂⱃⰰⰸⰴⱐⱀⰻⰽⱏ ⱁⱂⱃⱑⱄⱀⱏⰽⱏ. ⱀⰰⱃⰻⱌⰰⰵⰿⱏⰹ ⱂⰰⱄⱈⰰ.
22:2
ⰺ҅ ⰻⱄⰽⰰⰰⱈⱘ ⰰⱃⱈⰻⰵⱃⰵⰹ ⰺ҅ ⰽⱏⱀⰻⰶⱐⱀⰻⱌⰻ. ⰽⰰⰽⱁ ⰺ҅ ⰱⱘ ⱆⰱⰻⰾⰻ. ⰱⱁⱑⱈⱘ ⰱⱁ ⱄⱔ ⰾ̑ⱓⰴⰻⰹ.
22:3
Ⰲⱐⱀⰻⰴⰵ ⰶⰵ ⱄⱁⱅⱁⱀⰰ ⰲⱏ ⰺ҅ⱓⰴⱘ. ⱀⰰⱃⰻⱌⰰⰵⰿⱏⰹ ⰺ҅ⱄⰽⰰⱃ ⱁⱅⱏ. ⱄⱘⱎⱅⰰ ⱁⱅⱏ ⱍⰻⱄⰾⰰ ⱁⰱⱁⱓ ⱀⰰ ⰴⰵⱄⱔⱅⰵ.
22:4
ⰺ ⱎⱐⰴⱏ ⰳⰾ҃ⰰ ⰰⱃⱈⰻⰵⱃⰵⱁⰿⱏ. ⰺ҅ ⰲⱁⰵⰲⱁⰴⰰⰿⱏ. ⰽⰰⰽⱁ ⰺ҅ⰿⱏ ⱂⱃⱑⰴⰰⱄⱅⱏ ⰹ.
22:5
ⰺ҅ ⰲⱏⰸⰴⱃⰰⰴⱁⰲⰰⱎⱔ ⱄⱔ. ⰺ҅ ⱄⱏⰲⱑⱎⱅⰰⱎⱔ ⰴⰰⱅⰻ ⰵⰿⱆ ⱄⱏⱃⰵⰱⱃⱁ.
22:6
ⰺ҅ ⰻⱄⱂⱁⰲⱑⰴⱑ. ⰺ҅ ⰻⱄⰽⰰⰰⱎⰵ ⱂⱁⰴⱁⰱⱐⱀⰰ ⰲⱃⱑⰿⰵⱀⰵ. ⰴⰰ ⰹ ⱂⱃⱑⰴⰰⱄⱅⱏ ⰱⰵⰸ ⱀⰰⱃⱁⰴⰰ.
22:7
ⱂⱃⰻⰴⰵ ⰶⰵ ⰴⱐⱀⱐ ⱁⱂⱃⱑⱄⱀⱏⰽⱏ. ⰲⱏ ⱀ̑ⱐⰶⰵ ⱂⱁⰴⱁⰱⱐⱀⱁ ⰱⱑ ⰶⱃⱏⱅⰻ ⱂⰰⱄⱈⱘ.
22:8
ⰺ҅ ⱂⱁⱄⱏⰾⰰ ⱂⰵⱅⱃⰰ. ⰺ҅ ⱁⰰⱀⸯⱀⰰ ⱃⰵⰽⱏ. ⱎⱐⰴⱏⱎⰰ ⱆⰳⱁⱅⱁⰲⰰⰵⱅⰰ ⱀⰰⰿⱏ ⱂⰰⱄⱈⰰ. ⰴⰰ ⱑⰿⱏ
22:9
ⱁⱀⰰ ⰶⰵ ⱃⱑⱄⱅⰰ ⰵⰿⱆ. ⰽⱏⰴⰵ ⱈⱁⱎⱅⰵⱎⰻ ⰴⰰ ⱆⰳⱁⱅⱁⰲⰰⰵⰲⱑ.
22:10
ⱁⱀⱏ ⰶⰵ ⱃⰵⱍⰵ ⰺ҅ⰿⰰ. ⱄⰵ ⰲⱏⱎⰵⰴⱏⱎⰵⰿⰰ ⰲⰰⰿⰰ ⰲⱏ ⰳⱃⰰⰴⱏ ⱄⱏⱃⱔⱎⱅⰵⱅⱏ ⰲⱏⰹ ⱍⰽ҃ⱏ. ⰲⱏ ⱄⰽⱘⰴⱁⰾⱐⱀⰻⱌⱑ ⰲⱁⰴⱘ ⱀⰵⱄⱔ. ⱂⱁ ⱀ̑ⰵⰿⱐ ⰺ҅ⰴⱑⱅⰰ ⰲⱏ ⰴⱁⰿⱏ. ⰲⱏ ⱀ̑ⱐⰶⰵ ⰲⱏⱈⱁⰴⰻⱅⱏ.
22:11
ⰺ҅ ⱃⰵⱍⰵⱅⰰ ⰳⱀ҃ⱆ ⰴⱁⰿⱆ. ⰳⰾ҃ⰵⱅⱏ ⱅⰵⰱⱑ ⱆⱍⰻⱅⰵⰾ̑ⱐ. ⰽⱏⰴⰵ ⰵⱄⱅⱏ ⱁⰱⰻⱅⱑⰾ̑ⱐ. ⰺ҅ⰴⰵⰶⰵ ⱂⰰⱄⱈⱘ ⱄⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ ⱄⱏⱀⱑⰿⱐ.
22:12
ⰺ҅ ⱅⱏ ⰲⰰⰿⰰ ⱂⱁⰽⰰⰶⰵⱅⱏ ⰳⱁⱃⱐⱀⰻⱌⱘ ⱂⱁⱄⱅⱏⰾⰰⱀⱘ. ⰺ҅ ⱅⱆ ⱆⰳⱁⱅⱁⰲⰰⰺⱅⰰ.
22:13
ⱎⱐⰴⱏⱎⰰ ⰶⰵ ⱁⰱⱃⱑⱅⱁⱄⱅⰵ ⱑⰽⱁⰶⰵ ⱃⰵⱍⰵ ⰺ҅ⰿⰰ. ⰺ҅ ⱆⰳⱁⱅⱁⰲⰰⱄⱅⰵ ⱂⰰⱄⱈⰰ.
22:14
ⰺ҅ ⰵⰳⰴⰰ ⰱⱏⰹ!ⱄ ⰳⱁⰴⰻⱀⰰ. ⰲⱐⰸⰾⰵⰶⰵ ⰺ҅ ⱁⰱⰰ ⱀⰰ ⰴⰵⱄⱔⱅⰵ ⰰⱂ҃ⱁⰾⰰ ⱄⱏ ⱀ̑ⰻⰿⱐ.
22:15
Ⰺ҅ ⱃⰵⱍⰵ ⰽⱏ ⱀ̑ⰻⰿⱏ. ⰶⰵⰾⱑⱀⱐⰵⰿⱐ ⱄⰵ ⰲⱐⰶⰴⰵⰾⱑⱈⱏ ⱂⰰⱄⱈⰰ ⱑⱄⱅⰻ ⱄⱏ ⰲⰰⰿⰻ. ⱂⱃⱑⰶⰴⰵ ⰴⰰⰶⰵ ⱀⰵ ⱂⱃⰻⰹⰿⱘ ⰿⱘⰽⱏⰹ.
22:16
!Ⰳⰾ̑ⱙ ⰱⱁ ⰲⰰⰿⱏ. ⱑⰽⱁ ⱁⱅⱏⱄⰵⰾⱑ ⱀⰵ ⰺ҅ⰿⰰⰿⱐ ⱑⱄⱅⰻ ⱁⱅⱏ ⱀ̑ⰵⰳⱁ. ⰴⱁⱀⱐⰴⰵⰶⰵ ⰽⱁⱀⱐⱍⰰⰵⱅⱏ ⱄⱔ ⰲⱐ ⱌⱃ҃ⱄⰻ ⰱⰶ҃ⰹⰻ.
22:17
ⰺ҅ ⱂⱃⰻⰺ҅ⰿⱏ ⱍⰰⱎⱘ. ⱈⰲⰰⰾⱘ ⰲⱏⰸⰴⰰⰲⱏ ⱃⰵⱍⰵ. ⱂⱃⰻⰹⰿⱑⱅⰵ ⱄⰵ. ⰺ҅ ⱃⰰⰸⰴⱑⰾⰻⱅⰵ ⱄⰵⰱⱑ.
22:18
ⰳⰾ҃ⱙ ⰱⱁ ⰲⰰⰿⱏ. ⱁⱅⱏⱄⰵⰾⱑ ⱀⰵ ⰺ҅ⰿⰰⰿⱐ ⱂⰻⱅⰻ ⱁⱅⱏ ⱂⰾⱁⰴⰰ ⱄⰵⰳⱁ ⰾⱁⰸⱏⱀⰰⰰⰳⱁ. ⰴⱁⱀⰴⰵⰶⰵ ⱌⱃ҃ⱄⰻⰵ ⰱⰶ҃ⰻⰵ ⱂⱃⰻⰴⰵⱅⱏ.
22:19
Ⰺ҅ ⱂⱃⰻⰹⰿⱏ ⱈⰾⱑⰱⱏ ⱈⰲⰰⰾⱘ ⰲⱏⰸⰴⰰⰲⱏ ⱂⱃⱑⰾⱁⰿⰻ. ⰺ҅ ⰴⰰⱄⱅⱏ ⰺ҅ⰿⱏ ⰳⰾ҃ⱔ. ⱄⰵ ⰵⱄⱅⱏ ⱅⱑⰾⱁ ⰿⱁⰵ. ⰴⰰⰵⰿⱁⰵ ⰸⰰ ⰲⱏⰹ. ⱄⰵ ⱅⰲⱁⱃⰻⱅⰵ ⰲⱏ ⰿⱁⱙ !ⱂⰰⰿⱔ!ⱅ.
22:20
ⰺ҅ ⱍⰰⱎⱘ ⱅⰰⰽⱁⰶⰴⰵ ⱂⱁ ⰲⰵⱍⰵⱃ̑ⱑⱀⰹⰻ ⰳⰾ҃ⱔ. ⱄⰻ ⱍⰰⱎⰰ ⱀⱁⰲⱏⰹ ⰸⰰⰲⱑⱅⱏ ⰿⱁⰵⱙ ⰽⱃⱏⰲⰻⱙ. ⱑⰶⰵ ⰸⰰ ⰲⱏⰹ ⱂⱃⱁⰾⱑⰵⱅⱏ ⱄⱔ.
22:21
Ⱉⰱⰰⱍⰵ ⱄⰵ ⱃⱘⰽⰰ ⱂⱃⱑⰴⰰⱙⱎⱅⰰⰰⰳⱁ ⰿⱔ. ⱄⱏ ⰿⱀⱁⱙ ⰵⱄⱅⱏ ⱀⰰ ⱅⱃⰵⱂⰵⰸⱑ.
22:22
ⰺ҅ ⱄⱀ҃ⱏ ⱆⰱⱁ ⱍⱄ҃ⰽⱏⰺ. ⱂⱁ ⱀⰰⱃⰵⱍⰵⱀⱆⰿⱆ ⰺ҅ⰴⰵⱅⱏ. ⱁⰱⰰⱍⰵ ⰳⱁⱃⰵ ⱍⰽ҃ⱆ ⱅⱁⰿⱆ. ⰺ҅ⰿⱐⰶⰵ ⱂⱃⱑⰴⰰⰵⱅⱏ ⱄⱔ.
22:23
Ⰺ҅ ⱅⰻ ⱀⰰⱍⱔ ⱄⱔ ⰺ҅ⱄⰽⰰⱅⰻ ⰲⱐ ⱄⰵⰱⱑ. ⰽⱁⱅⱁⱃⱏⰹ ⱆⰱⱁ ⰱⱘⰴⰵⱅⱏ ⱁⱅⱏ ⱀ̑ⰻⱈⱏ. ⱈⱁⱅⱔⰹ ⱄⱏⱅⰲⱁⱃⰻⱅⰻ ⱄⰵ.
22:24
Ⰱⱏⰹ!ⱄ ⰶⰵ ⰺ҅ ⱂⱐⱃ̑ⱑ ⰲⱐ ⱀ̑ⰻⱈⱏ. ⰽⱁⱅⱁⱃⱏⰹ ⰿⱐⱀⰻⱅⱏ ⱅⰻ ⱄⱔ ⰺ҅ⱈⱏ ⰱⱏⰹⱅⰻ ⰱⱁⰾⰹⰻ.
22:25
ⱁⱀⱏ ⰶⰵ ⱃⰵⱍⰵ ⰺ҅ⰿⱏ. !ⱌⱃⰵ ⱗⰸⱏⰹⰽⱁⰿⱏ. ⱆⱄⱅⱁⱗⱅⱏ ⰺ҅ⰿⱏ. ⰺ҅ ⱁⰱⰾⰰⰴⰰⱙⱎⱅⰵ ⰻⰿⰻ. ⰱⰾⰰⰳⱁⰴⱑⱅⰵⰾ̑ⰵ ⱀⰰⱃⰻⱌⰰⱙⱅⱏ ⱄⱔ.
22:26
ⰲⱏⰹ ⰶⰵ ⱀⰵ ⱅⰰⰽⱁ. ⱀⱏ ⰱⱁⰾ̑ⱐⰹ ⰲⰰⱄⱏ. ⰴⰰ ⰱⱘⰴⰵⱅⱏ ⱑⰽⱁ ⰺ҅ ⰿⱐⱀ̑ⰻⰹ. ⰺ҅ ⱄⱅⰰⱃⱑⰹ ⱑⰽⱁ ⱄⰾⱆⰶⱔ.
22:27
Ⰽⱁⱅⱁⱃⱏⰹ ⰱⱁⰾ̑ⰹⰻ ⰲⱐⰸⰾⰵⰶⱔⰹ ⰾⰻ. ⰺ҅ⰾⰻ ⱄⰾⱆⰶⱔⰹ. ⱀⰵ ⰲⱐⰸⰾⰵⰶⱔⰹ҅ ⰾⰻ. Ⰰⰸⱏ ⰶⰵ ⱂⱁⱄⱃⱑⰴⱑ ⰲⰰⱄⱏ ⰵⱄⰿⱐ. ⱑⰽⱁ ⱄⰾⱆⰶⱔⰹ.
22:28
ⰲⱏⰹ ⰶⰵ ⰵⱄⱅⰵ ⱂⱃⱑⰱⱏⰹⰲⱏⱎⰵⰹ ⱄⱏ ⰿⱀⱁⱙ. ⰲⱏ ⱀⰰⱂⰰⱄⱅⰵⱈⱏ ⰿⱁⰺⱈⱏ.
22:29
ⰺ҅ ⰰⰸⱏ ⰸⰰⰲⱑⱎⱅⰰⰲⰰⱙ ⰲⰰⰿⱏ. ⱑⰽⱁⰶⰵ ⰸⰰⰲⱑⱎⱅⰰ ⰿⱀⱑ ⱁⱌ҃ⱐ ⰿⱁⰹ.
22:30
!Ⱌⱃⱄⱁ ⰴⰰ ⱑⱄⱅⰵ ⰺ҅ ⱂⱐⰵⱅⰵ. ⱀⰰ ⱅⱃⰵⱂⰵⰸⱑ ⰿⱁⰵⰹ. ⰲⱏ ⱌⱃ҃ⱄⰻ ⰿⱁⰵⰿⱐ. ⰺ҅ ⱄⱔⰴⰵⱅⰵ ⱀⰰ ⱂⱃⱑⱄⱅⱁⰾⱑⱈⱏ. ⱄⱘⰴⱗⱎⱅⰵ ⱁⰱⱑⰿⰰ ⱀⰰ ⰴⰵⱄⱔⱅⰵ ⰽⱁⰾⱑⱀⱁⰿⰰ !ⰺ҅ⰾⰲⰰⰿⰰ. Ⱃⰵⱍⰵ ⰶⰵ ⰳ҃ⱐ
22:31
ⱄⰻⰿⱁⱀⰵ. ⱄⰻⰿⱁⱀⰵ ⱄⱁⱅⱁⱀⰰ ⱂⱃⱁⱄⰻ ⰲⰰⱄⱏ. ⰴⰰ ⰱⰻ ⱄⱑⰰⰾⱏ ⰰⰽⱏⰹ ⱂⱐⱎⰵⱀⰻⱌⱘ.
22:32
ⰰⰸⱏ ⰶⰵ ⰿⱁⰾⰻⱈⱏ ⱄⱔ ⱁ ⱅⰵⰱⱑ. ⰴⰰ ⱀⰵ ⱁⱄⰽⱘⰴⱑⰵⱅⱏ ⰲⱑⱃⰰ ⱅⰲⱁⱑ. ⰺ҅ ⱅⱏⰹ [ⱀⱏⰹ]ⱀ̑ⱑ ⰽⱁⰳⰴⰰ ⱁⰱⱃⰰⱎⱅⱐ ⱄⱔ ⱆⱅⰲⱃⱏⰴⰻ ⰱⱃⰰⱅⱃⰻⱙ ⱅⰲⱁⱙ.
22:33
*̆ⱉⱀⱏ ⰶⰵ ⱃⰵⱍⰵ ⰵⰿⱆ. ⰳ҃ⰻ. ⱄⱏ ⱅⱁⰱⱁⱙ ⰳⱁⱅⱁⰲⱏ ⰵⱄⰿⱐ ⰺ҅ ⰲⱏ ⱅⱐⰿⱐⱀⰻⱌⱘ. ⰺ҅ ⰲⱏ ⱄⱏⰿⱃⱏⱅⱐ ⰺ҅ⱅⰻ.
22:34
ⱁⱀⱏ ⰶⰵ ⱃⰵⱍⰵ ⰵⰿⱆ. ⰳⰾ҃ⱙ ⱅⰻ ⱂⰵⱅⱃⰵ. ⱀⰵ ⰲⱏⰸⰳⰾⰰⱄⰻⱅⱏ ⰽⱆⱃⱏ ⰴⸯⱀⱐⱄⱐ. ⰴⱁⱀ̑ⰴⰵⰶⰵ ⱅⱃⰻ ⰽⱃⰰⱅⰰ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ. ⱀⰵ ⰲⱑⰴⱑⱅⰻ.
22:35
Ⰺ҅ ⱃⰵⱍⰵ ⰺ҅ⰿⱏ. ⰵⰳⰴⰰ ⱂⱁⱄⱏⰾⰰⱈⱏ ⰲⱏⰹ. ⰱⰵⰸⱏ ⰲⱏⰾⰰⰳⰰⰾⰻⱎⱅⰰ ⰺ҅ ⰱⰵⱄ ⱂⰻⱃⱏⰹ. ⰺ҅ ⰱⰵ ⱄⰰⱂⱁⰳⱏ. ⰵⰴⰰ ⱍⰵⱄⱁ ⰾⰻⱀⰻ ⰱⱏⰹⱄⱅⰵ. ⱁⱀⰻ ⰶⰵ ⱃⱑⱎⱔ ⱀⰻⱍⰵⱄⱁⰶⰵ.
22:36
Ⱃⰵⱍⰵ ⰶⰵ ⰺ҅ⰿⱏ. ⱀⱏⰹⱀ̑ⱑ ⰺ҅ⰶⰵ ⰺ҅ⰿⰰⱅⱏ ⰲⱏⰾⰰⰳⰰⰾⰻⱎⱅⰵ. ⰴⰰ ⰲⱏⰸⱏⰿⰵⱅⱏ ⱅⰰⰽⱁⰶⰴⰵ ⰺ҅ ⱂⰻⱃⱘ. ⰺ҅ ⰻⰶⰵ ⱀⰵ ⰺ҅ⰿⰰⱅⱏ ⰴⰰ ⱂⱃⱁⰴⰰⱄⱅⱏ ⱃⰻⰸⱘ ⱄⰲⱁⱙ. ⰺ҅ ⰽⱆⱂⰻⱅⱏ ⱀⱁⰶⱐ.
22:37
ⰳⰾ̑ⱙ ⰱⱁ ⰲⰰⰿⱏ. ⱑⰽⱁ ⰵⱎⱅⰵ ⱂⸯⱄⰰⱀⱁ ⱄⰵ ⱂⱁⰴⱁⰱⰰⰵⱅⱏ ⰴⰰ ⱄⱏⰽⱁⱀⱐⱍⰰⰵⱅⱏ ⱄⱔ ⱁ ⰿⸯⱀⱑ. ⰵⰶⰵ ⰺ҅ ⱄⱏ ⰱⰵⰸⰰⰽⱁⱀⱐⱀⰻⰽⱁⰿⰰ ⰲⱐⰿⱑⱀⰻ ⱄⱔ. ⰺ҅ⰱⱁ ⰵⰶⰵ ⱁ ⰿⱀⱑ ⰽⱁⱀⱐⱍⰻⱀⱘ ⰺ҅ⰿⰰⱅⱏ.
22:38
Ⱉⱀⰻ ⰶⰵ ⱃⱑⱎⱔ ⰳ҃ⰻ. ⱄⰵ ⱀⱁⰶⰰ ⱄⱐⰴⰵ ⰴⱏⰲⰰ. ⱁⱀⱏ ⰶⰵ ⱃⰵⱍⰵ ⰴⱏⰲⱏⰾ̑ⱐⱀⱁ ⰵⱄⱅⱏ.
22:39
Ⰺ҅ⱎⱐⰴⱏ ⰺ҅ⰴⰵ ⱂⱁ ⱁⰱⱏⰹⱍⰰⱓ ⱄⰲⱁⰵⰿⱆ. ⰲⱏ ⰳⱁⱃⱘ ⰵⰾⰵⱁⱀⱐⱄⰽⱘ. ⱂⱁ ⱀ̑ⰵⰿⱐ ⰺ҅ⰴⱘ ⱆⱍⰵⱀⰻⱌⰻ ⰵⰳⱁ.
22:40
Ⰱⱏⰹⰲⱏⱎⰵ ⰶⰵ ⱀⰰ ⰿⱑⱄⱅⱑ ⱃⰵⱍⰵ ⰺ҅ⰿⱏ. ⰿⱁⰾⰻⱅⰵ ⱄⱔ ⰴⰰ ⱀⰵ ⰲⱐⱀⰻⰴⰵⱅⰵ ⰲⱏ ⱀⰰⱂⰰⱄⱅⱐ.
22:41
ⰺ҅ ⱄⰰⰿⱏ ⱁⱅⱏⱄⱅⱘⱂⰻ ⱁⱅⱏ ⱀ̑ⰻⱈⱏ. ⱑⰽⱁ ⰲⱃⱏⰶⰵⱀⱐⰵ ⰽⰰⰿⰵⱀⰻ. ⰺ҅ ⱂⱁⰽⰾⱁⱀⱐ ⰽⱁⰾⱑⱀⱑ. ⰿⱁⰾ̑ⱑⰰⱎⰵ ⱄⱔ
22:42
ⰳⰾ҃ⱔ. !Ⱉⱍⰵ ⰰⱎⱅⰵ ⰲⰵⰾⰻⱎⰻ ⰿⰻⰿⱁⱀⰵⱄⰻ ⱍⰰⱎⱘ ⱄⱐⱙ ⱁⱅⱏ ⰿⰵⱀⰵ. ⱉⰱⰰⱍⰵ ⱀⰵ ⰿⱁⱑ ⰲⱁⰾ̑ⱑ ⱀⱏ ⱅⰲⱁⱑ ⰴⰰ ⰱⱘⰴⰵⱅⱏ.
22:43
ⱑⰲⰻ ⰶⰵ ⱄⱔ ⰵⰿⱆ ⰰⰼ҃ⰾⱏ ⱄⱏ ⱀⰱ҃ⱄⰵ. ⱆⰽⱃⱑⱂⰾ̑ⱑⱗ ⰻ.
22:44
ⰺ҅ ⰱⱏⰹ!ⱄ ⰲⱏ ⱂⱁⰴⰲⰻⰸⱑ ⱂⱃⰻⰾⰵⰶⰰⱀⱐⰵ. ⰿⱁⰾ̑ⱑⰰⱎⰵ ⱄⱔ. ⰺ҅ ⰱⱏⰹⱄⱅⱏ ⱂⱁⱅⱏ ⰵⰳⱁ ⱑⰽⱁ ⰺ҅ ⰽⰰⱂⰾ̑ⱔ ⰽⱃⱏⰲⰵ ⰽⰰⱂⰾ̑ⱙⱎⱅⱔⱗ ⱀⰰ ⰸⰵⰿⰾ̑ⱘ.
22:45
Ⰺ ⰲⱏⱄⱅⰰⰲⱏ ⱁⱅⱏ ⰿⱁⰾⰻⱅⰲⱏⰹ. ⰺ҅ ⱂⱃⰻⱎⱐⰴⱏ ⰽⱏ ⱆⱍⰵⱀⰻⰽⱁⰿⱏ. ⱁⰱⱃⱑⱅⰵ ⱗ ⱄⱏⱂⱔⱎⱅⱔ ⱁⱅⱏ ⱂⰵⱍⰰⰾⰻ.
22:46
ⰺ҅ ⱃⰵⱍⰵ ⰺⰿⱏ ⱍⱐⱅⱁ ⱄⱏⱂⰻⱅⰵ. ⰲⱏⱄⱅⰰⰲⱏⱎⰵ ⱂⱁⰿⱁⰾⰻⱅⰵ ⱄⱔ ⰴⰰ ⱀⰵ ⰲⱐⱀⰻⰴⰵⱅⰵ ⰲⱏ ⱀⰰⱂⰰⱄⱅⱐ.
22:47
Ⰵⱎⱅⰵ ⰵⰿⱆ ⰳⰾ̑ⱙⱎⱅⱓ. ⱄⰵ ⱀⰰⱃⱁⰴⱏ. ⰺ҅ ⱀⰰⱃⰻⱌⰰⰵⰿⱏⰹ ⰺ҅ⱓⰴⰰ. ⰵⰴⰻⱀⱏ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ ⱂⱃⱑⰴⱏ ⱀⰻⰿⰻ ⰺ҅ⰴⱑⰰⱎⰵ. ⰺ҅ ⱂⱃⰻⱄⱅⱘⱂⰻ ⰽⱏ ⰺⱄ҃ⰲⰻ ⰾⱁⰱⱏⰸⰰⱅⱏ ⰵⰳⱁ. ⱄⰵ ⰱⱁ ⰱⱑ ⰸⱀⰰⰿⰵⱀⱐⰵ ⰴⰰⰾⱏ ⰺ҅ⰿⱏ. ⰵⰳⱁⰶⰵ ⰾⱁⰱⱏⰶⱘ ⱅⱏ ⰵⱄⱅⱏ.
22:48
!*̆ⰻⱄ ⰶⰵ ⱃⰵⱍⰵ ⰵⰿⱆ ⰺ҅ⱓⰴⱁ. ⰾⱁⰱⱏⰸⰰⱀⱐⰵⰿⱐ ⰾⰻ ⱄⱀ҃ⰰ ⱍⱄ҃ⰽⰰⰳⱁ ⱂⱃⱑⰴⰰⰵⱎⰻ.
22:49
Ⰲⰻⰴⱑⰲⱏⱎⰵ ⰶⰵ ⰺ҅ⰶⰵ ⰱⱑⰰⱈⱘ ⱄⱏ ⱀ̑ⰻⰿⱐ ⰱⱏⰹⰲⰰⰵⰿⱁⰵ. ⱃⱑⱎⱔ ⰵⰿⱆ ⰳ҃ⰻ. ⰰⱎⱅⰵ ⱆⰴⰰⱃⰻⰿⱏ ⱀⱁⰶⰵⰿⱐ.
22:50
ⰺ҅ ⱆⰴⰰⱃⰻ ⰵⰴⰻⱀⱏ ⱁⱅⱏ ⱀ̑ⰻⱈⱏ. ⰰⱃⱈⸯⰻⰵⱃⰵⱁⰲⰰ ⱃⰰⰱⰰ. ⰺ҅ ⱁⱅⱏⱃⱑⰸⰰ ⰵⰿⱆ ⱆⱈⱁ ⰴⰵⱄⱀⱁⰵ.
22:51
ⱁⱅⱏⰲⱑⱎⱅⰰⰲⱏ ⰶⰵ ⰺⱄ҃ ⱃⰵⱍⰵ. Ⱁⱄⱅⰰⰲⰻⱅⰵ ⰴⱁ ⱄⰵⰳⱁ. ⰺ҅ ⰽⱁⱄⱀⱘⰲⱏ ⱆⱈⱁ ⰵⰳⱁ ⰺ҅ⱌⱑⰾⰹ ⰻ.
22:52
Ⱃⰵⱍⰵ ⰶⰵ ⰺⱄ҃ ⰽⱏ ⱂⱃⰻⱎⱐⰴⱏⱎⰻⰿⱏ ⰽⱏ ⱀ̑ⰵⰿⱆ ⰰⱃⱈⰻⰵⱃⰵⱁⰿⱏ. ⰺ҅ ⱄⱅⱃⰰⱅⰻⰳⱁⰿⱏ ⱌⱃⱏⰽⱁⰲⱏⱀⱏⰹⰿⱏ. ⰺ҅ ⱄⱅⰰⱃⱐⱌⰵⰿⱏ. ⱑⰽⱁ ⱀⰰ ⱃⰰⰸⰱⱁⰺⱀⰻⰽⰰ ⱂⱃⰻⰴⰵⱅⰵ. ⱄⱏ ⱁⱃⱘⰶⱐⰵⰿⱐ ⰺ҅ ⰴⱃⱐⰽⱁⰾⱐⰿⰻ. ⱗⱅⰻ ⰿⰵⱀⰵ.
22:53
ⱂⱁ ⰲⱄⱔ ⰴⱐⱀⰻ ⱄⱘⱎⱅⱓ ⱄⱏ ⰲⰰⰿⰻ ⰲⱏ ⱌⱃⱏⰽⱏⰲⰵ. ⱀⰵ ⱂⱃⱁⱄⱅⱐⱃⱑⱄⱅⰵ ⱃⱘⰽⱏ ⱀⰰ ⰿⱔ. ⱀⱏ ⱄⰵ ⰵⱄⱅⱏ ⰲⰰⱎⰰ ⰳⱁⰴⰻⱀⰰ. ⰺ҅ ⱁⰱⰾⰰⱄⱅⱐ ⱅⱐⰿⱏⱀⰰⱑ.
22:54
Ⰺ҅ⰿⱏⱎⰵ ⰶⰵ ⰹ ⰲⱑⱄⱔ ⰲⱏ ⰴⱁⰿⱏ ⰰⱃⱈⰻⰵⱃⰵⱁⰲⱏ. ⱂⰵⱅⱃⱏ ⰶⰵ ⰺ҅ⰴⱑⰰⱎⰵ ⰲⱐ ⱄⰾⱑⰴⱏ ⰺ҅ⰸⰴⰰⰾⰵⱍⰵ.
22:55
Ⰲⱏⰸⰳⱀⱑⱎⱅⱐⱎⰵⰿⱏ ⰶⰵ ⰺ҅ⰿⱏ ⱁⰳ̑ⱀⱐ ⱂⱁⱄⱃⱑⰴⱑ ⰴⰲⱁⱃⰰ. ⰺ҅ ⰲⱏⰽⱆⱂⱑ ⱄⱑⰴⱏⱎⰵⰿⱏ. ⱄⱑⰴⱑⰰⱎⰵ ⱂⰵⱅⱃⱏ ⱂⱁⱄⱃⱑⰴⱑ ⰺ҅ⱈⱏ.
22:56
ⱆⰸⱐⱃⱑⰲⱏⱎⰻ ⰶⰵ ⰹ ⱃⰰⰱⰰ ⰵⰴⰻⱀⰰ ⱄⱑⰴⱔⱎⱅⱐ ⱂⱃⰻ ⱄⰲⱑⱅⱑ. ⰺ҅ ⰲⱏⰸⱐⱃⱑⰲⱏⱎⰻ ⱀⰰ ⱀ̑ⱐ ⱃⰵⱍⰵ. ⰺ҅ ⱄⱐ ⰱⱑ ⱄⱏ ⱀ̑ⰻⰿⰻ.
22:57
ⱁⱀⱏ ⰶⰵ ⱁⱅⱏⰲⱃⱏⰶⰵ ⱄⱔ ⰵⰳⱁ ⰳⰾ҃ⱔ. ⱀⰵ ⰸⱀⰰⱙ ⰵⰳⱁ ⰶⰵⱀⱁ.
22:58
ⰺ҅ ⱀⰵ ⱂⱁ ⰿⱏⱀⱁⰳⱆ. ⰴⱃⱆⰳⱏⰹ ⰲⰻⰴⱑⰲⱏ ⰹ ⱃⰵⱍⰵ. ⰺ҅ ⱅⱏⰹ ⱁⱅⱏ ⱀ̑ⰻⱈⱏ ⰵⱄⰻ. ⱂⰵⱅⱃⱏ ⰶⰵ ⱃⰵⱍⰵ. ⱍⰾⱁⰲⱑⱍⰵ ⱀⱑⱄⰿⱐ.
22:59
ⰺ҅ ⰿⰻⰿⱁⱎⱐⰴⱏⱎⰻ. ⱑⰽⱁ ⰳⱁⰴⰻⱀⱑ ⰵⰴⰻⱀⱁⰹ. ⰺ҅ⱀⱐ ⰵⱅⰵⱃⱏ ⰽⱃⱑⱂⰾ̑ⱑⰰⱎⰵ ⱄⱔ ⰳⰾ҃ⱔ. ⰲⱏ ⰺ҅ⱄⱅⰻⱀⱘ ⰺ҅ ⱄⱐ ⰱⱑ ⱄⱏ ⱀ̑ⰻⰿⰻ. ⰺ҅ⰱⱁ ⰳⰰⰾⰻⰾⱑⰰⱀⰻⱀⱏ ⰵⱄⱅⱏ.
22:60
ⱃⰵⱍⰵ ⰶⰵ ⱂⰵⱅⱃⱏ ⱍⰾⱁⰲⱑⱍⰵ ⱀⰵ ⰲⱑⰿⱐ ⰵⰶⰵ ⰳⰾ҃ⰵⱎⰻ. ⰺ҅ ⰰⰱⱐⰵ ⰵⱎⱅⰵ ⰳⰾ҃ⱙⱎⱅⱓ ⰵⰿⱆ ⰲⱏⰸⰳⰾⰰⱄⰻ ⰽⱆⱃⱏ.
22:61
ⰺ҅ ⱁⰱⱃⰰⱎⱅⱐ ⱄⱔ ⰳ҃ⱐ ⰲⱏⰸⱐⱃⱑ ⱀⰰ ⱂⰵⱅⱃⰰ. ⰺ҅ ⱂⱁⰿⱑⱀⱘ ⱂⰵⱅⱃⱏ ⱄⰾⱁⰲⱁ ⰳⱀ҃ⰵ. ⱑⰽⱁⰶⰵ ⱃⰵⱍⰵ ⰵⰿⱆ. ⱑⰽⱁ ⱂⱃⱑⰶⰴⰵ ⰴⰰⰶⰵ ⱀⰵ ⰲⱏⰸⰳⰾⰰⱄⰻⱅⱏ ⰽⱆⱃⱏ. ⱅⱃⰻ ⰽⱃⰰⱅⰰ ⱁⱅⱏⰲⱃⱏⰶⰵⱎⰻ ⱄⱔ ⰿⰵⱀⰵ.
22:62
ⰺ҅ ⱎⱐⰴⱏ ⰲⱏⱀⱏ ⱂⰵⱅⱃⱏ. ⱂⰾⰰⰽⰰⰰⱎⰵ ⱄⱔ ⰳⱁⱃⱐⰽⱁ
22:63
ⰺ҅ ⰿⱘⰶⰻ ⰴⱃⱏⰶⱔⱎⱅⰵ ⰹ. ⱃⱘⰳⰰⰰⱈⱘ ⱄⱔ ⰵⰿⱆ ⰱⱐⱙⱎⱅⰵ ⰹ.
22:64
ⰺ҅ ⰸⰰⰽⱃⱏⰹⰲⱏⱎⰵ ⰹ ⰱⱐⱑⰰⱈⱘ ⰹ ⱂⱁ ⰾⰻⱌⱆ. ⰲⱏⱂⱃⰰⱎⰰⰰⱈⱘ ⰶⰵ ⰹ ⰳⰾ҃ⱙⱎⱅⰵ. ⱂⱃⱁⱃⱐⱌⰻ ⰽⱏⱅⱁ ⱅⱔ ⱆⰴⰰⱃⰻ.
22:65
ⰺ҅ ⰻⱀⰰ ⰿⱏⱀⱁⰳⰰ ⱈⱆⰾⱔⱎⱅⰵ. ⰺ҅ ⰳⰾⰰⰰⱈⱘ ⱀⰰ ⱀ̑ⱐ.
22:66
Ⰺ҅ ⱑⰽⱁ ⰱⱏⰹ!ⱄ ⰴⱐⱀⱐ. ⱄⱏⰱⱏⱃⰰⱎⱔ ⱄⱔ ⱄⱅⰰⱃⱐⱌⰻ ⰾ̑ⱓⰴⱐⱄⱌⰻⰹ. ⰺ҅ ⰰⱃⱈⰻⰵⱃⰵⰻ ⰺ҅ ⰽⱏⱀⰻⰶⱐⱀ̑ⰻⱌⰻ. ⰺ҅ ⰲⱑⱄⱔ ⰹ ⱀⰰ ⱄⱏⰱⱁⱃⱏ ⱄⰲⱁⰹ ⰳⰾ҃ⱙⱎⱅⰵ. ⰰⱎⱅⰵ ⱅⱏⰹ ⰵⱄⰻ ⱈ҃ⱏ ⱃⱐⱌⰻ ⱀⰰⰿⱏ.
22:67
ⱃⰵⱍⰵ ⰶⰵ ⰺ҅ⰿⱏ. ⰰⱎⱅⰵ ⰲⰰⰿⱏ ⱃⰵⰽⱘ ⱀⰵ ⰺ҅ⰿⰵⱅⰵ ⰲⱑⱃⱏⰹ.
22:68
ⱀⰵ ⱁⱅⱏⰲⱑⱎⱅⰰⰵⱅⰵ ⰿⰻ ⱀⰻ ⱂⱆⱄⱅⰻⱅⰵ.
22:69
Ⱉⱅⱏⱄⰵⰾⱑ ⰱⱘⰴⰵⱅⱏ ⱄⱀ҃ⱏ ⱍⱄ҃ⰽⱏⰹ. ⱄⱑⰴⱔ ⱁ ⰴⰵⱄⱀⱘⱙ ⱄⰻⰾⱏⰹ ⰱⰶ҃ⰻⱗ.
22:70
ⱃⱑⱎⱔ ⰶⰵ ⰲⱐⱄⰻ. ⱅⱏⰹ ⰾⰻ ⱆⰱⱁ ⰵⱄⰻ ⱄⱀ҃ⱏ ⰱⰶ҃ⰹⰻ. ⱁⱀⱏ ⰶⰵ ⱃⰵⱍⰵ. ⰲⱏⰹ ⰳⰾ҃ⰵⱅⰵ ⱑⰽⱁ ⰰⰸⱏ ⰵⱄⰿⱐ.
22:71
ⱁⱀⰻ ⰶⰵ ⱃⱑⱎⱔ ⱍⱐⱅⱁ ⰵⱎⱅⰵ ⱅⱃⱑⰱⱆⰵⰿⱏ ⱄⱏⰲⱑⰴⱑⱅⰵⰾ̑ⱐⱄⱅⰲⰰ. Ⱄⰰⰿⰻ ⰱⱁ ⱄⰾⱏⰹⱎⰰⱈⱁⰿⱏ ⱁⱅⱏ ⱆⱄⱅⱏ ⰵⰳⱁ.