ЕВАНГЕЛИЕ ЕЖЕ Ѿ ЛОУКꙐ
20:1
Ⰺ҅ ⰱⱏⰹ!ⱄ ⰲⱏ ⰵⰴⰻⱀⱏ ⱁⱅⱏ ⰴⱐⱀⰹⰻ. ⱆⱍⱔⱎⱅⱓ ⰵⰿⱆ ⰾ̑ⱓⰴⰻ ⰲⱏ ⱌⱃⰽⱏⰲⰵ. ⰺ҅ ⰱⰾⰰⰳⱁⰲⱑⱄⱅⰲⱆⱙⱎⱅⱓ. ⱄⱏⱄⱅⰰⱎⱔ ⱄⱔ ⰰⱃⱈⸯⰻⰵⱃⰵⰹ. ⰺ҅ ⰽⱏⱀⰻⰶⱐⱀⰻⱌⰻ. ⱄⱏ ⱄⱅⰰⱃⱌⰻ.
20:2
ⰳⰾ҃ⱙⱎⱅⰵ ⰽⱏ ⱀ̑ⰵⰿⱆ. ⱃⱐⱌⰻ ⱀⰰⰿⱏ ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⰻⱎⰻ. ⰺ҅ ⰽⱏⱅⱁ ⰵⱄⱅⱏ ⰴⰰⰲⱏⰹ ⱅⰵⰱⱑ ⱁⰱⰾⰰⱄⱅⱐ ⱄⱐⱙ.
20:3
*̆ⱉⱅⱏⰲⱑⱎⱅⰰⰲⱏ ⰶⰵ ⱃⰵⱍⰵ ⰽⱏ ⱀ̑ⰻⰿⱏ. ⰲⱏⱂⱃⱁⱎⱘ ⰲⱏⰹ ⰺ҅ ⰰⰸⱏ ⰵⰴⰻⱀⱁⰳⱁ ⱄⰾⱁⰲⰵⱄⰵ. ⰺ҅ ⱃⱐⱌⱑⱅⰵ ⰿⰻ.
20:4
ⰽⱃⱐⱎⱅⰵⱀⱐⰵ ⰺ҅ⱁⰰⱀⸯⱀⱁⰲⱁ. ⱄⱏ !ⱀⱄⰵ ⰾⰻ ⰱⱑ. ⰺ҅ⰾⰻ ⱁⱅⱏ ⱍⰽ҃ⱏ.
20:5
ⱁⱀⰻ ⰶⰵ ⱂⱁⰿⱏⰹⱎⰾ̑ⱑⰰⱈⱘ ⰲⱐ ⱄⰵⰱⱑ ⰳⰾ҃ⱙⱎⱅⰵ. ⱑⰽⱁ ⰰⱎⱅⰵ ⱃⰵⱍⰵⰿⱏ ⱁⱅⱏ !ⱀⱄⰵ. ⱃⰵⱍⰵⱅⱏ ⰽⱏ ⱀⰰⰿⱏ. ⱂⱁ ⱍⱐⱅⱁ ⱆⰱⱁ ⱀⰵ ⰲⱑⱃⱁⰲⰰⱄⱅⰵ ⰵⰿⱆ.
20:6
ⰰⱎⱅⰵ ⰾⰻ ⱃⰵⱍⰵⰿⱏ ⱁⱅⱏ ⱍⰽ҃ⱏ. ⰾ̑ⱓⰴⱐⰵ ⰲⱄⰻ ⰽⰰⰿⰵⱀⱐⰵⰿⱐ ⱂⱁⰱⰻⱙⱅⱏ ⱀⱏⰹ. ⰺ҅ⰸⰲⱑⱄⱅⱏⱀⱁ ⰱⱁ ⰱⱑ ⰾ̑ⱓⰴⱐⰿⱏ. ⱁ ⰺⱁⰰⱀⸯⱀⱑ. ⱑⰽⱁ ⱂⱃⱁⱃⱁⰽⱏ ⰱⱑ.
20:7
ⰺ҅ ⱁⱅⱏⰲⱑⱎⱅⰰⱎⱔ ⱀⰵ ⰲⱑⰿⱏ ⱁⱅⱏⰽⱘⰴⱆ.
20:8
ⰺ҅ⱄ҃ ⰶⰵ ⱃⰵⱍⰵ ⰺ҅ⰿⱏ. ⱀⰻ ⰰⰸⱏ ⰳⰾ̑ⱙ ⰲⰰⰿⱏ. ⰽⱁⰵⱙ ⱁⰱⰾⰰⱄⱅⰻⱙ ⱄⰵ ⱅⰲⱁⱃⱙ.
20:9
ⱀⰰⱍⱔⱅⱏ ⰶⰵ ⰽⱏ ⰾ̑ⱓⰴⰵⰿⱏ ⰳⰾ҃ⰰⱅⰻ ⱂⱃⰻⱅⱏⱍⱘ ⱄⱐⱙ. !Ⱍⰽⱏ ⱀⰰⱄⰰⰴⰻ ⰲⰻⱀⱁⰳⱃⰰⰴⱏ. ⰺ҅ ⰲⱏⰴⰰⱄⱅⱏ ⰹ ⰴⱑⰾⰰⱅⰵⰾ̑ⰵⰿⱏ. ⰺ҅ ⱁⱅⰻⰴⰵ ⱀⰰ ⰾⱑⱅⰰ ⰿⱀⱁⰳⰰ.
20:10
ⰺ҅ ⰲⱏ ⰲⱃⱑⰿⱔ ⱂⱁⱄⱏⰾⰰ ⰽⱏ ⰴⱑⰾⰰⱅⰵⰾ̑ⰵⰿⱏ ⱃⰰⰱⱏ. ⰴⰰ ⱁⱅⱏ ⱂⰾⱁⰴⰰ ⰲⰻⱀⱁⰳⱃⰰⰴⱏⱀⰰⰰⰳⱁ ⰴⰰⰴⱔⱅⱏ ⰵⰿⱆ. ⰴⱑⰾⰰⱅⰵⰾ̑ⰵ ⰶⰵ ⰱⰻⰲⱏⱎⰵ ⰹ ⱂⱆⱄⱅⰻⱎⱔ ⱅⱏⱎⱅⱐ.
20:11
ⰺ҅ ⱂⱃⰻⰾⱁⰶⰻ ⰹ ⰴⱃⱆⰳⱏⰹ ⱂⱁⱄⱏⰾⰰⱅⰻ ⱃⰰⰱⱏ. ⱁⱀⰻ ⰶⰵ ⰺ҅ ⱅⱁⰳⱁ ⰱⰻⰲⱏⱎⰵ. ⰺ҅ ⰴⱁⱄⰰⰴⰻⱎⱔ ⰵⰿⱆ. ⱂⱆⱄⱅⰻⱎⱔ ⰹ ⱅⱏⱎⱅⱐ.
20:12
ⰺ҅ ⱂⱃⰻⰾⱁⰶⰻ ⰺ҅ ⱅⱃⰵⱅⰹⰻ ⱂⱁⱄⱏⰾⰰⱅⰻ. ⱁⱀⰻ ⰶⰵ ⰺ҅ ⱄⰵⰳⱁ ⱆⱑⰸⰲⰻⰲⱏⱎⰵ. ⰺ҅ⰸⰳⱏⱀⰰⱎⱔ.
20:13
ⱃⰵⱍⰵ ⰳ҃ⱐ ⰲⰻⱀⱁⰳⱃⰰⰴⰰ. ⱍⱐⱅⱁ ⱄⱏⱅⰲⱁⱃ̑ⱙ. ⱂⱁⱄⱏⰾ̑ⱙ ⱄⱀ҃ⱏ ⰿⱁⰹ ⰲⱐⰸⰾ̑ⱓⰱⰾ̑ⰵⱀⱏⰹ. ⱀⰵⰽⱏⰾⰻ ⱄⰵⰳⱁ ⱆⱄⱃⰰⰿⰾ̑ⱑⱙⱅⱏ ⱄⱔ.
20:14
ⰲⰻⰴⱑⰲⱏⱎⰵ ⰶⰵ ⰹ ⰴⱑⰾⰰⱅⰵⰾ̑ⰵ. ⰿⱏⰹⱎⰾ̑ⱑⰰⱈⱘ ⰴⱃⱆⰳⱏ ⰽⱏ ⰴⱃⱆⰳⱆ ⰳⰾ҃ⱙⱎⱅⰵ. ⱄⱐ ⰵⱄⱅⱏ ⱀⰰⱄⰾⱑⰴⱐⱀⰻⰽⱏ ⱆⰱⱐⱑⰿⱏ ⰹ. ⰴⰰ ⱀⰰⱎⰵ ⰱⱘⰴⰵⱅⱏ ⰴⱁⱄⱅⱁⱑⱀⱐⰵ.
20:15
ⰺ҅ⰸⰲⰵⰴⱏⱎⰵ ⰶⰵ ⰹ ⰲⱏⱀⱏ ⰺ҅ⰸ ⰲⰻⱀⱁⰳⱃⰰⰴⰰ ⱆⰱⰻⱎⱔ. ⱍⱐⱅⱁ ⱆⰱⱁ ⱄⱏⱅⰲⱁⱃⰻⱅⱏ ⰺ҅ⰿⱏ ⰳ҃ⱐ ⰲⰻⱀⱁⰳⱃⰰⰴⰰ.
20:16
ⱂⱃⰻⰴⰵⱅⱏ ⰺ҅ ⱂⱁⰳⱆⰱⰻⱅⱏ ⰴⱑⰾⰰⱅⰵⰾ̑ⱔ ⱄⱐⱗ. ⰺ҅ ⰲⱏⰴⰰⱄⱅⱏ ⰲⰻⱀⱁⰳⱃⰰⰴⱏ ⰺ҅ⱀⱑⰿⱏ. ⱄⰾⱏⰹⱎⰰⰲⱏⱎⰵ ⰶⰵ ⱃⱑⱎⱔ ⰴⰰ ⱀⰵ ⰱⱘⰴⰵⱅⱏ.
20:17
ⱁⱀⱏ ⰶⰵ ⰲⱏⰸⱐⱃⱑⰲⱏ ⱀⰰ ⱀ̑ⱔ ⱃⰵⱍⰵ. ⱍⱐⱅⱁ ⱆⰱⱁ ⰵⱄⱅⱏ ⱀⰰⱂⸯⱄⰰⱀⱁⰵ ⱄⰵ. ⰽⰰⰿⰵⱀⱐ ⰵⰳⱁⰶⰵ ⱀⰵⰲⱃⱑⰴⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰹ. ⱄⱏⰱⱏⰹⱄⱅⱏ ⰲⱏ ⰳⰾⰰⰲⱘ ⱘⰳⱏⰾⱆ.
20:18
ⰲⸯⱄⱑⰽⱏ ⱂⰰⰴⱏⰹ ⱀⰰ ⰽⰰⰿⰵⱀⰵ ⱄⰵⰿⱐ ⱄⱏⰽⱃⱆⱎⰻⱅⱏ ⱄⱔ. *̆ⰰ ⱀⰰ ⱀ̑ⰵⰿⱐⰶⰵ ⱂⰰⰴⰵⱅⱏ. ⱄⱏⱅⱐⱃⰵⱅⱏ ⰹ.
20:19
ⰺ҅ ⰲⱐⰸⰻⱄⰽⰰⱎⱔ. ⰰⱃⱈⰻⰵⱃⰵⰹ ⰺ҅ ⰽⱏⱀⰻⰶⱐⱀⰻⱌⰻ. ⰲⱏⰸⰾⱁⰶⰻⱅⰻ ⱀⰰ ⱀ̑ⱐ ⱃⱘⱌⱑ ⰲⱏ ⱅⱏ ⱍⰰⱄⱏ. ⰺ҅ ⱆⰱⱁⱑⱎⱔ ⱄⱔ ⰾ̑ⱓⰴⰻⰹ. ⱃⰰⰸⱆⰿⱑⱎⱔ ⰱⱁ ⱑⰽⱁ ⰽⱏ ⱀ̑ⰻⰿⱏ ⱃⰵⱍⰵ ⱂⱃⰻⱅⱏⱍⱘ ⱄⱐⱙ.
20:20
ⰺ҅ ⱄⱏⰳⰾⱔⰴⰰⰲⱏⱎⰵ ⱂⱁⱄⱏⰾⰰⱎⱔ ⰴⱑⰾⰰⱅⰵⰾ̑ⱔ. ⱅⰲⱁⱃⱔⱎⱅⰵ ⱄⱔ ⱂⰰⰲⰵⰴⱐⱀⰻⱌⰻ ⱄⱘⱎⱅⰵ. ⰴⰰ ⰺ҅ⰿⱘⱅⱏ ⰹ ⰲⱏ ⱄⰾⱁⰲⰵⱄⰻ. ⰴⰰ ⰱⱘ ⰹ ⱂⱃⱑⰴⰰⰾⰻ ⰲⰾⰰⰴⱏⰹⱍⱐⱄⱅⰲⱆ. ⰺ҅ ⱁⰱⰾⰰⱄⱅⰻ ⰲⱁⰵⰲⱁⰴⱏ.
20:21
ⰺ҅ ⰲⱏⱂⱃⱁⱄⰻⱎⱔ ⰹ ⰳⰾ̑ⱙⱎⱅⰵ. ⱆⱍⰻⱅⰵⰾ̑ⱓ. ⰲⱑⰿⱏ ⱑⰽⱁ ⱂⱃⰰⰲⱐ ⰳⰾ҃ⰵⱎⰻ. ⰺ҅ ⱀⰵ ⱀⰰ ⰾⰻⱌⰵ ⰸⱐⱃⰻⱎⰻ. ⱀⱏ ⰲⱏ ⰺ҅ⱄⱅⰻⱀⱘ ⱂⱘⱅⰻ ⰱⰶ҃ⰻⱓ ⱆⱍⰻⱎⰻ.
20:22
ⰴⱁⱄⱅⱁⰺⱅⱏ ⰾⰻ ⱀⰰⰿⱏ ⰽ̑ⰵⱄⰰⱃⰵⰲⰻ ⰴⰰⱀⱐ ⰴⰰⱑⱅⰻ ⰺ҅ⰾⰻ ⱀⰻ.
20:23
ⱃⰰⰸⱆⰿⱑⰲⱏ ⰶⰵ ⰾⱐⱄⱅⱐ ⰺ҅ⱈⱏ. ⱃⰵⱍⰵ ⰽⱏ ⱀ̑ⰻⰿⱏ.
20:24
ⱂⱁⰽⰰⰶⱑⱅⰵ ⰿⰻ ⱂⱑⱀⱔⰸⱐ. ⱍⰻⰹ ⰺ҅ⰿⰰⱅⱏ ⱁⰱⱃⰰⰸⱏ ⰺ҅ ⱀⰰⱂⸯⱄⰰⱀⱐⰵ. ⱁⱀⰻ ⰶⰵ ⱃⱑⱎⱔ ⰽ̑ⰵⱄⰰⱃⰵⰲⱏ.
20:25
ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰻⰿⱏ ⰲⱏⰸⰴⰰⰴⰻⱅⰵ ⱆⰱⱁ ⰽⰵⱄⰰⱃⰵⰲⱁⰵ ⰽ̑ⰵⱄⰰⱃⰵⰲⰻ. ⱑⰶⰵ ⱄⱘⱅⱏ ⰱⰶ҃ⰻⱑ !ⰱⰲⰻ.
20:26
ⰺ҅ ⱀⰵ ⰿⱁⰳⱁⱎⱔ ⰸⰰⰸⱐⱃⱑⱅⰻ.... ⰳⰾ҃ⱑ ⰵⰳⱁ ⱂⱃⱑⰴⱏ ⰾ̑ⱓⰴⱐⰿⰻ. ⰺ҅ ⰴⰻⰲⱐⱎⰵ ⱄⱔ ⱁ ⱁⱅⱏⰲⱑⱅⱑ ⰵⰳⱁ ⱆⰿⰾⱐⱍⰰⱎⱔ.
20:27
Ⱂⱃⰻⱄⱅⱘⱂⰻⱎⱔ ⰶⰵ ⰵⱅⰵⱃⰹⰻ ⱁⱅⱏ ⱄⰰⰴⱆⰽ̑ⰵⰹ ⰳⰾ̑ⱙⱎⱅⰵ. ⰲⱏⱄⰽⱃⱑⱎⰵⱀⱐⱓ ⱀⰵ ⰱⱏⰹⱅⰻ. ⰺ҅ ⰲⱏⱂⱃⰰⱎⰰⰰⱈⱘ
20:28
ⰳⰾ҃ⱙⱎⱅⰵ. ⱆⱍⰻⱅⰵⰾ̑ⱓ ⰿⱁⱄⰻ ⱀⰰⱂⸯⱄⰰⰾⱏ ⰵⱄⱅⱏ ⱀⰰⰿⱏ. ⰰⱎⱅⰵ ⰽⱁⰿⱆ ⰱⱃⰰⱅⱃⱏ ⱆⰿⱐⱃⰵⱅⱏ. ⰺ҅ⰿⱏⰹ ⰶⰵⱀⱘ. ⰺ҅ ⱅⱏ ⰱⰵⱎⱅⱔⰴⱐⱀⱏ ⰱⱘⰴⰵⱅⱏ. ⰴⰰ ⱂⱁⰺ҅ⰿⰵⱅⱏ ⰱⱃⰰⱅⱃⱏ ⰵⰳⱁ ⰶⰵⱀⱘ. ⰺ҅ ⰲⱏⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ.
20:29
ⱄⰵⰴⰿⱐ ⱆⰱⱁ ⰱⱃⰰⱅⱃⱐⱗ ⰱⱑ. ⰺ҅ ⱂⱃⱏⰲⱏⰹ ⱂⱁⰺ҅ⰿⱏ ⰶⰵⱀⱘ ⱆⰿⱃⱑⱅⱏ. ⰺ҅ ⰱⱔⱎⱅⱐⰴⱐⱀⱏ.
20:30
ⰺ҅ ⱂⱁⱗⱅⱏ ⰲⱏⱅⱁⱃⱏⰹ ⰶⰵⱀⱘ. ⰺ҅ ⱅⱏ ⱆⰿⱃⱑⱅⱏ ⰱⰵⱎⱅⱔⰴⰰ.
20:31
ⰺ҅ ⱅⱃⰵⱅⰻⰹ ⱂⱁⱗⱅⱏ ⱙ ⱅⰰⰽⱁⰶⰵ ⰺ҅ ⰲⸯⱄⱑ ⱄⰵⰴⰿⱐ ⱆⰿⱃⱑⱎⱔ. ⱀⰵ ⱁⱄⱅⰰⰲⱏⱎⰵ ⱍⱔⰴⱏ.
20:32
ⱂⱁⱄⰾⱑⰴⱐ ⰶⰵ ⰲⸯⱄⱑⱈⱏ ⰺ҅ ⰶⰵⱀⰰ ⱆⰿⱃⱑⱅⱏ.
20:33
ⰲⱏ ⰲⱏⱄⰽⱃⱑⱎⰵⱀⱐⰵ ⱆⰱⱁ. ⰽⱁⱅⱁⱃⰰⰰⰳⱁ ⰺ҅ⱈⱏ ⰱⱘⰴⰵⱅⱏ ⰶⰵⱀⰰ. ⱄⰵⰴⰿⱐ ⰱⱁ ⰺ҅ⰿⱑⱎⱔ ⱙ ⰶⰵⱀⱘ.
20:34
ⰺ҅ ⱁⱅⱏⰲⱑⱎⱅⰰⰲⱏ ⰺⱄ҃. ⱃⰵⱍⰵ ⰺ҅ⰿⱏ. ⱄⱀ҃ⱁⰲⰵ ⰲⱑⰽⰰ ⱄⰵⰳⱁ ⰶⰵⱀⱔⱅⱏ ⱄⱔ. ⰺ҅ ⱂⱁⱄⰰⰳⰰⱙⱅⱏ.
20:35
ⰰ ⱄⱏⱂⱁⰴⱁⰱⱐⱎⰵⰹ ⱄⱔ. ⰲⱑⰽⱏ ⱅⱏ ⱆⰾⱆⱍⱔⱅⱏ. ⰺ҅ ⰲⱏⱄⰽⱃⱑⱎⰵⱀⱐⰵ ⰵⰶⰵ ⱁⱅⱏ ⰿⱃⱏⱅⰲⱏⰺ҅ⱈⱏ. ⱀⰻ ⰶⰵⱀⱔⱅⱏ ⱄⱔ. ⱀⰻ ⱂⱁⱄⰰⰳⰰⱙⱅⱏ.
20:36
ⱀⰻ ⱆⰿⱃⱑⱅⰻ ⰱⱁ ⱂⱁⱅⱁⰿⱐ ⰿⱁⰳⱘⱅⱏ. ⱃⰰⰲⱐⱀⰻ ⰱⱁ ⱄⱘⱅⱏ ⰰⰼ҃ⰾⱁⰿⱏ. ⰺ҅ ⱄⱀ҃ⱁⰲⰵ ⱄⱘⱅⱏ ⰱⰶ҃ⰹ. ⰲⱏⱄⰽⱃⱑⱎⰵⱀⱐⱓ ⱄⱀ҃ⱁⰲⰵ ⱄⱘⱅⱏ.
20:37
ⱑⰽⱁ ⰲⱏⱄⱅⰰⱙⱅⱏ ⰿⱃⱏⱅⰲⰹⰻ. ⰺ҅ ⰿⱁⱄⰻ ⱄⱏⰽⰰⰸⰰ ⱂⱃⰻ ⰽⱘⱂⰻⱀⱑ. ⱑⰽⱁⰶⰵ ⰳⰾ҃ⰰ. !ⰳⱑ !ⰱⰰ ⰰⰲⱃⰰⰰⰿⰾ̑ⱑ. ⰺ҅ ⰱ҃ⰰ ⰺ҅ⱄⰰⰰⰽⱁⰲⰰ. ⰺ҅ ⰱ҃ⰰ ⰺ҅ⱑⰽⱁⰲⰾ̑ⱑ.
20:38
ⰱ҃ⱏ ⰶⰵ ⱀⱑⱄⱅⱏ ⰿⱃⱏⱅⰲⱏⰺ҅ⱈⱏ. ⱀⱏ ⰶⰻⰲⱏⰹⱈⱏ. ⰲⱐⱄⰻ ⰱⱁ ⱅⱁⰿⱆ ⰶⰻⰲⰻ ⱄⱘⱅⱏ.
20:39
ⱁⱅⱏⰲⱑⱎⱅⰰⰲⱏⱎⰵ ⰶⰵ. ⰵⱅⰵⱃⰹⰻ. ⰽⱏⱀⰻⰶⱐⱀⰻⰽⱏ ⱃⱑⱎⱔ. ⱆⱍⰻⱅⰵⰾ̑ⱓ. ⰴⱁⰱⱃⱑ ⱃⰵⱍⰵ.
20:40
Ⰲⱏ ⱅⱁⰿⱆ ⰶⰵ ⱀⰵ ⱄⱏⰿⱑⰰⱈⱘ ⰵⰳⱁ ⰲⱏⱂⱃⰰⱎⰰⱅⰻ ⱀⰻⱍⱐⱄⱁⰶⰵ.
20:41
ⱃⰵⱍⰵ ⰶⰵ ⰺ҅ⰿⱏ. ⰽⰰⰽⱁ !ⰳⰾⱙⱅⱏ ⰽⱏⱀ̑ⰻⰳⱏⰹ. ⱈ҃ⰰ ⰱⱏⰹⱅⰻ ⱄⱀ҃ⰰ !ⰴⰰⰲⰰ.
20:42
ⱄⰰⰿⱏ ⰱⱁ ⰴⰰ҃ⰴⱏ ⰳⰾ҃ⰵⱅⱏ. ⰲⱏ ⰽⱏⱀⰻⰳⰰⱈⱏ ⱄⸯⱂⰰⰾⱏⰿⱐⱄⰽⱏⰹⱈⱏ. Ⱃⰵⱍⰵ ⰳ҃ⱐ ⰳⰲ҃ⰻ ⰿⱁⰵⰿⱆ. ⱄⱑⰴⰻ ⱁ ⰴⰵⱄⱀⱘⱙ ⰿⰵⱀⰵ.
20:43
ⰴⱁⱀⱐⰴⰵⰶⰵ ⱂⱁⰾⱁⰶⱘ ⰲⱃⰰⰳⱏⰹ ⱅⰲⱁⱗ. ⱂⱁⰴⱏ ⱀⱁⰶⱐⱓ ⱀⱁⰳⰰⰿⰰ ⱅⰲⱁⰺ҅ⰿⰰ.
20:44
ⰴⰰ҃ⰴⱏ ⰺ ⱆⰱⱁ !ⰳⱑ ⱀⰰⱃⰻⱌⰰⰵⱅⱏ. ⱅⱁ ⰽⰰⰽⱁ ⱄⱀ҃ⱏ ⰵⰿⱆ ⰵⱄⱅⱏ.
20:45
Ⱄⰾⱏⰹⱎⱔⱎⱅⰵⰿⱏ ⰶⰵ ⰲⸯⱄⱑⰿⱏ ⰾ̑ⱓⰴⱐⰿⱏ. ⱃⰵⱍⰵ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ.
20:46
ⰲⱐⱀⰵⰿⰾ̑ⱑⱅⰵ ⱁⱅⱏ ⰽⱏⱀⰻⰶⱐⱀⰻⰽⱏ. ⱈⱁⱅⱔⱎⱅⰻⰺ҅ⱈⱏ ⰲⱏ ⱁⰴⰵⰶⰴⰰⱈⱏ ⱈⱁⰴⰻⱅⰻ. ⰺ҅ ⰾ̑ⱓⰱⱔⱎⱅⰵ ⱌⱑⰾⱁⰲⰰⱀⱐⱑ ⱀⰰ ⱅⱃⱏⰶⰻⱎⱅⰻⱈⱏ. ⰺ҅ ⱂⱃⱑⰴⱐⱄⱑⰴⰰⱀⰻⱑ ⱀⰰ ⱄⱏⱀⱏⰿⰻⱎⱅⰻⱈⱏ. ⰺ҅ ⱂⱃⱑⰶⰴⰵⰸⱏⰲⰰⱀⱐⱑ ⱀⰰ ⱁⰱⱑⰴⱑⱈⱏ.
20:47
Ⰺ҅ⰶⰵ ⱄⱏⱀⱑⰴⰰⱙⱅⱏ ⰴⱁⰿⱏⰹ ⰲⱏⰴⱁⰲⰻⱌⱐ. ⰺ҅ ⰲⰻⱀⱁⱙ ⰴⰰⰾⰵⱍⰵ ⰿⱁⰾⱔⱅⱏ ⱄⱔ. ⱄⰻⰹ ⱂⱃⰻⰺ҅ⰿⱘⱅⱏ ⱁⱄⱘⰶⰴⰵⱀⱐⰵ ⰱⱁⰾⱐⱎⰵⰵ.