ЕВАНГЕЛИЕ ЕЖЕ Ѿ ЛОУКꙐ
2:1
Ⰱⱏⰹⱄⱅⱏ ⰶⰵ ⰲⱏ ⰴⱐⱀⰻ ⱅⱏⰹ. ⰺ҅ⰸⰻⰴⰵ ⱂⱁⰲⰵⰾⱑⱀⰻⰵ. ⱁⱅⱏ ⰽ̑ⰵⱄⰰⱃⰰ ⰰⰲⱏⰳⱆⱄⱅⰰ. ⱀⰰⱂⰻⱄⰰⱅⰻ ⰲⱐⱄⱘ ⰲⱐⱄⰵⰾ̑ⰵⱀⱘⱙ.
2:2
ⱄⰵ ⱀⰰⱂⸯⱄⰰⱀⰻⰵ ⰱⱏⰹ!ⱄ. ⰲⰾⰰⰴⱘⱎⱅⱓ ⱄⸯⱛⱃⰻⰵⱙ. ⰽ̑ⱛⱃⰻⱀⱐⱓ.
2:3
ⰺ҅ ⰻⰴⱑⰰⱈⱘ ⰲⱄⰻ ⰽⱁⰶⱐⰴⱁ. ⱀⰰⱂⸯⱄⰰⱅⰻ ⱄⱔ ⰲⱏ ⱄⰲⱁⰹ ⰳⱃⰰⰴⱏ.
2:4
ⰲⱐⰸⰻⰴⰵ ⰶⰵ ⰺ҅ ⱁⱄⰻⱇⱏ. ⱁⱅⱏ ⰳⰰⰾⰻⰾⰵⱗ. ⰳⱃⰰⰴⰰ ⱀⰰⰸⰰⱃⰵⱅⸯⱐⱄⰽⰰ. ⰲⱏ ⰺ҅ⱓⰴⰵⱙ ⰲⱏ ⰳⱃⰰⰴⱏ !ⰴⰰⰲⱏ. ⰺ҅ⰶⰵ ⱀⰰⱃⰻⱌⰰⰵⱅⱏ ⱄⱔ ⰲⰻⱅⸯⱐⰾⰵ̆ⰵⰿⱏ. ⰸⰰⱀ̑ⰵ ⰱⱑⰰⱎⰵ. ⱁⱅⱏ ⰴⱁⰿⱆ ⰺ҅ !ⱁⱅⱍⱄⱅⰲⰻⱑ !ⰴⰰⰲⰰ.
2:5
ⱀⰰⱂⱄⰰⱅⰻ ⱄⱔ ⱄⱏ ⰿⰰⱃⰻⰵⱙ. ⱁⰱⱃⱘⱍⰵⱀⱘⱙ ⰵⰿⱆ ⰶⰵⱀⱁⱙ. ⱄⱘⱎⱅⱘⱙ ⱀⰵⱂⱃⰰⰸⰴⱏⱀⱁⱙ.
2:6
ⰱⱏⰹⱄⱅⱏ ⰶⰵ ⰵⰳⰴⰰ ⰱⱏⰹⱄⱅⰵ ⱅⱆ. ⰺ҅ⱄⱂⰾⱏⱀⰻⱎⱔ ⱄⱔ ⰴⱐⱀⱐⰵ ⱃⱁⰴⰻⱅⰻ ⰵⰹ.
2:7
ⰺ҅ ⱃⱁⰴⰻ ⱄⱀ҃ⱏ ⱄⰲⱁⰹ ⱂⱃⱏⰲⱑⱀⱐⱌⱐ. ⰺ҅ ⱂⱁⰲⰻⱅⱏ ⰹ. ⰺ҅ ⱂⱁⰾⱁⰶⰻ ⰹ ⰲⱏ ⱑⱄⰾⰵⱈⱏ. ⰸⰰⱀ̑ⰵ ⱀⰵ ⰱⱑ ⰺ҅ⰿⰰ ⰿⱑⱄⱅⰰ ⱁⰱⰻⱅⱑⰾⱐⱀⰰ.
2:8
Ⰺ҅ ⰱⱑⰰⱈⱘ ⱂⰰⱄⱅⱏⰹⱃⰻ ⰲⱏ ⱅⱁⰺⰶⰴⰵ ⱄⱅⱃⰰⰶⰻ ⱀⱑ ⰱⱐⰴⱔⱎⱅⰵ. ⰺ҅ ⱄⱅⱃⱑⰳⱘⱎⱅⰵ ⱄⱅⱃⰰⰶⱘ ⱀⱁⱎⱅⱐⱀⱘⱙ. ⱁ ⱄⱅⰰⰴⱑ ⱄⰲⱁ̆ⰵⰿⱐ.
2:9
ⰺ҅ ⱄⰵ ⰰⰼ҃ⰾⱏ ⰳⱀ҃ⱐ ⱄⱅⰰ ⰲⱐ ⱀ̑ⰻⱈⱏ. ⰺ҅ ⱄⰾⰰⰲⰰ ⰳⱀ҃ⱑ ⱁⱄⰻⱑ ⱗ. ⰺ҅ ⱆⰱⱁⱑⱎⱔ ⱄⱔ ⱄⱅⱃⰰⱈⱁⰿⱐ ⰲⰵⰾⱐⰵⰿⱐ.
2:10
ⰺ҅ ⱃⰵⱍⰵ ⰺ҅ⰿⱏ ⰰⰼ҃ⰾⱏ. ⱀⰵ ⰱⱁⰺ҅ⱅⰵ ⱄⱔ. ⱄⰵ ⰱⱁ ⰱⰾⰰⰳⱁⰲⱑⱄⱅⰲⱆⱙ ⰲⰰⰿⱐ ⱃⰰⰴⱁⱄⱅⱐ ⰲⰵⰾⱐⱙ. ⱑⰶⰵ ⰱⱘⰴⰵⱅⱐ ⰲⸯⱄⱑⰿⱏ ⰾ̑ⱓⰴⱐⰿⱏ.
2:11
ⱑⰽⱁ ⱃⱁⰴⰻ ⱄⱔ ⰲⰰⰿⱏ. ⰴⱐⱀⱐⱄⱐ !ⱄⱂⱏ. ⰺ҅ⰶⰵ ⰵⱄⱅⱏ ⱈ҃ⱏ ⰳ҃ⱐ. ⰲⱏ ⰳⱃⰰⰴⱑ !ⰴⰰⰲⱑ.
2:12
ⰺ҅ ⱄⰵ ⰲⰰⰿⱏ ⰸⱀⰰⰿⰵⱀⱐⰵ. ⱁⰱⱃⱔⱎⱅⰵⱅⰵ ⰿⰾⰰⰴⱐⱀⱐⱌⱐ ⱂⱁⰲⰻⱅⱏ. ⰾⰵⰶⱔⱎⱅⱐ ⰲⱏ ⱑⱄⰾⰵⱈⱏ.
2:13
ⰺ҅ ⰲⱏⱀⰵⰸⰰⰰⱂⱘ ⰱⱏⰹⱄⱅⱏ ⱄⱏ ⰰⰼ҃ⰾⱁⰿⱐ. ⰿⱏⱀⱁⰶⱐⱄⱅⰲⱁ ⰲⱁⰹ ⱀⰱ҃ⱄⰽⱏⰺⱈⱏ. ⱈⰲⰰⰾⱔⱎⱅⰻⱈⱏ ⰱ҃ⰰ. ⰺ҅ ⰳⰾ҃ⱙⱎⱅⰻⱈⱏ.
2:14
Ⱄⰾⰰⰲⰰ ⰲⱏ ⰲⱏⰹⱎⱐⱀⰻⰹⱈⱏ ⰱ҃ⱛ. ⰺ҅ ⱀⰰ ⰸⰵⰿⰻ ⰿⰻⱃⱏ. ⰲⱏ ⱍⱌ҃ⱑⱈⱏ ⰱⰾⰰⰳⱁⰲⱁⰾ̑ⰵⱀⰻⰵ.
2:15
ⰺ҅ ⰱⱏⰹⱄⱅⱏ ⱑⰽⱁ ⱁⱅⰻⰴⱘ ⱁⱅⱏ ⱀⰻⱈⱏ ⰰⰼ҃ⰾⰻ ⱀⰰ ⱀⰱ҃ⱁ. ⰺ ⱍⱌ҃ⰻ. ⱂⰰⱄⱅⱏⰹⱃⰻ. ⱃⱑⱎⱔ ⰴⱃⱆⰳⱏ ⰽⱏ ⰴⱃⱆⰳⱆ. ⱂⱃⱑⰺ҅ⰴⱑⰿⱏ ⱆⰱⱁ ⰴⱁ ⰲⰻⱅⰾ̑ⱑⰵⰿⰰ. ⰺ҅ ⰲⰻⰴⰻⰿⱏ ⰳⰾ҃ⱏ ⱄⱐ ⰱⱏⰹⰲⱏⱎⰹⰻ. ⰺ҅ⰶⰵ ⰳ҃ⱐ ⱄⱏⰽⰰⰸⰰ ⱀⰰⰿⱏ.
2:16
ⰺ҅ ⱂⱃⰻⰴⱘ ⱂⱁⰴⰲⰻⰳⱏⱎⰵ ⱄⱔ. ⰺ҅ ⱁⰱⱃⱑⱅⱘ ⰿⰰⱃⰻⱙ ⰶⰵ. ⰺ҅ ⱁⱄⰻⱇⰰ. ⰺ҅ ⰿⰾⰰⰴⱐⱀⱐⱌⱐ ⰾⰵⰶⱔⱎⱅⱐ ⰲⱏ ⱑⱄⰾⰵⱈⱏ.
2:17
ⰲⰻⰴⱑⰲⱏⱎⰵ ⰶⰵ ⱄⱏⰽⰰⰸⰰⱎⱔ ⱁ ⰳⰾ҃ⱑ. ⰳⰾ҃ⰰⱀⱑⰿⱐ ⰺ҅ⰿⱏ.
2:18
ⰺ҅ ⰲⱄⰻ ⱄⰾⱏⰹⱎⰰⰲⱏⱎⰵ ̆ⰹ ⰴⰻⰲⰻⱎⱔ ⱄⱔ. ⱁⱅⱏ ⰳⰾ҃ⰰⱀⱏⰺⱈⱏ ⱁⱅⱏ ⱂⰰⱄⱅⱏⰹⱃⱐ ⰽⱏ ⱀ̑ⰻⰿⱏ
2:19
ⰿⰰⱃⰻⱑ ⰶⰵ ⱄⱏⰱⰾ̑ⱓⰴⰰⰰⱎⰵ ⰲⱐⱄⱔ ⰳⰾ҃ⱏⰹ ⱄⱐⱗ. ⱄⱏⰾⰰⰳⰰⱙⱎⱅⰻ ⰲⱏ ⱄⱃⱏⰴⱐⱌⰻ ⱄⰲⱁⰵⰿⱐ.
2:20
ⰺ҅ ⰲⱏⰸⰲⱃⰰⱅⰻⱎⱔ ⱄⱔ ⱂⰰⱄⱅⱏⰹⱃⰻ ⱈⰲⰰⰾⱔⱎⱅⰵ ⰺ҅ ⱄⰾⰰⰲⱔⱎⱅⰵ ⰱ҃ⰰ. ⱁ ⰲⱄⱑⱈⱏ ⱑⰶⰵ ⱄⰾⱏⰹⱎⰰⱎⱔ. ⰺ҅ ⰲⰻⰴⱑⱎⱔ. ⱑⰽⱁⰶⰵ ⰳⰾ҃ⰰⱀⱁ ⰱⱏⰹⱄⱅⱏ ⰽⱏ ⱀ̑ⰻⰿⱏ.
2:21
ⰺ҅ ⰵⰳⰴⰰ ⰺ҅ⱄⱂⰾⱏⱀⰻ ⱄⱔ ⱁⱄⰿⱐ ⰴⱐⱀⰻⰹ. ⰴⰰ ⰹ ⱁⰱⱃⱑⰶⱘⱅⱏ. ⱀⰰⱃⱑⱎⱔ ⰺ҅ⰿⱔ ⰵⰿⱆ ⰻⱄ҃. ⱀⰰⱃⰵⱍⰵⱀⱁⰵ ⰰⰼ҃ⰾⱁⰿⱐ. ⱂⱃⱑⰶⰴⰵ ⰴⰰⰶⰵ ⱀⰵ ⰸⰰⱍⱔⱅⱏ ⱄⱔ ⰲⱐ ⱍⱃⱑⰲⱑ.
2:22
ⰺ҅ ⰵⰳⰴⰰ ⱂⱃⰻⰱⰾⰻⰶⰻⱎⱔ ⱄⱔ ⰴⱐⱀⱐⰵ ⱁⱍⰻⱎⱅⰵⱀⱐⱑ ⰵⱓ. ⱂⱁ ⰸⰰⰽⱁⱀⱆ ⰿⸯⱛⱄⱑⱁⰲⱆ. ⰲⱐⰸⱀⱑⱄⱔ ⰹ ⰲⱏ ⰺⰾ҃ⰿⱏ. ⱂⱁⱄⱅⰰⰲⰻⱅⰻ ⱂⱃⱑⰴⱏ !ⰳⰿⱐ.
2:23
ⱑⰽⱁⰶⰵ ⰵⱄⱅⱏ ⱂⸯⱄⰰⱀⱁ ⰲⱏ ⰸⰰⰽⱁⱀⱑ ⰳⱀ҃ⰻ. ⱑⰽⱁ ⰲⱄⱑⰽⱏ ⰿⰾⰰⰴⱐⱀⱐⱌⱐ. ⰿⱘⰶⱐⱄⰽⰰ ⱂⱁⰾⱆ. ⱃⰰⰸⰲⱃⱏⰸⰰⱗ ⰾⱁⰶⰵⱄⱀⰰ. ⱄⱅ҃ⱁ ⰳⰲ҃ⰻ ⱀⰰⱃⰵⱍⰵⱅⱏ ⱄⱔ.
2:24
ⰺ҅ ⰴⰰⱅⰻ ⰶⱃⱏⱅⰲⱘ ⱂⱁ ⱃⰵⱍⰵⱀⱆⰿⱆ. ⰲⱏ ⰸⰰⰽⱁⱀⱑ ⰳⱀ҃ⰻ. ⰴⱏⰲⰰ ⰽⰰⰳⱃⱐⰾⰻⱍⰻⱎⱅⰰ. ⰴⱏⰲⰰ ⱂⱐⱅⱑⱀⱐⱌⰰ ⰳⱁⰾⱘⰱⰻⱀⰰ:
2:25
Ⰺ҅ ⰱⱑ ⱍⰽ҃ⱏ ⰲⱏ !ⰺ҅ⰾⰿⱑ. ⰵⰿⱆⰶⰵ ⰺ҅ⰿⱔ ⱄⰵⰿⱐ̆ⱁⱀⱏ. ⰺ҅ ⱍⰽ҃ⱏ ⱄⱐ ⱂⱃⰰⰲⱐⰴⱐⱀⱏ ⰺ҅ ⱍⱐⱅⰻⰲⱏ. ⱍⰰⱗ ⱆⱅⱑⱈⱏⰹ !ⰺ҅ⰾⰵⰲⱏⰹ. ⰺ҅ ⰴⱈ҃ⱏ ⰱⱑ ⱄⱅ҃ⱏ ⰲⱐ ⱀ̑ⰵⰿⱐ.
2:26
ⰺ҅ ⰱⱑ ⰵⰿⱆ ⱁⱅⱏⰲⱑⱎⱅⰰⱀⱁ ⰴⱈ҃ⱁⰿⱐ ⱄⱅ҃ⱏⰺⰿⱐ. ⱀⰵ ⰲⰻⰴⱑⱅⰻ ⱄⱏⰿⱃⱏⱅⰻ. ⱂⱃⱑⰶⰴⰵ ⰴⰰⰶⰵ ⰲⰻⰴⰻⱅⱏ ⱈ҃ⰰ ⰳⱀ҃ⱑ.
2:27
ⰺ҅ ⱂⱃⰻⰴⰵ ⰴⱈ҃ⱁⰿⱐ ⰲⱐ ⱌⱃⱏⰽⱏⰲⱐ. ⰺ҅ ⰵⰳⰴⰰ ⰲⱐⰲⱑⱄⱅⰵ ⱃⱁⰴⰻⱅⰵⰾ̑ⱑ ⱁⱅⱃⱁⱍⱔ ⰺ҅ⱄ҃ⰰ. ⱄⱏⱅⰲⱁⱃⰻⱅⰻ ⰺ҅ⰿⰰ ⱂⱁ ⱁⰱⱏⰹⱍⰰⱓ. ⰸⰰⰽⱁⱀⱀⱆⰿⱆ ⱁ ⱀ̑ⰵⰿⱐ.
2:28
ⰺ҅ ⱅⱏ ⱂⱃⰻⱗⱅⱏ ⰵ ⱀⰰ ⱃⱘⰽⱆ ⱄⰲⱁⰵⱓ. ⰺ҅ !ⰱⰾⰳⰲⰻ ⱄⰵⰿⱐ̆ⱁⱀⱏ ⰱ҃ⰰ ⰺ҅ ⱃⰵⱍⰵ.
2:29
Ⱀⱏⰹⱀ̑ⱑ ⱂⱆⱄⱅⰻⱎⰻ ⱃⰰⰱⰰ ⱅⰲⱁⰵⰳⱁ ⰲⰾⰰⰴⱏⰹⰽⱁ. ⱂⱁ !ⰳⰾⱆ ⱅⰲⱁⰵⰿⱆ ⱄⱏ ⰿⰻⱃⱁⰿⱐ.
2:30
ⱑⰽⱁ ⰲⰻⰴⱑⱄⱅⰵ ⱁⱍⰻ ⰿⱁⰹ ⱄⱂ҃ⰵⱀⱐⰵ ⱅⰲⱁⰵ.
2:31
ⰵⰶⰵ ⰵⱄⰻ ⱆⰳⱁⱅⱁⰲⰰⰾⱏ ⱂⱃⱑⰴⱐ ⰾⰻⱌⰵⰿⱐ ⰲⱐⱄⱑⱈⱏ ⰾ̑ⱓⰴⰹⰻ.
2:32
ⱄⰲⱑⱅⱏ ⰲⱏ ⱁⰽⱃⱏⰲⰵⱀⱐⰵ ⱗⰸⱏⰹⰽⱏ. ⰺ҅ ⱄⰾⰰⰲⱘ ⰾ̑ⱓⰴⰹⰻ ⱅⰲⱁⰺ҅ⱈⱏ !ⰺⰻⰾⱑ.
2:33
ⰺ҅ ⰱⱑ ⱁⱌ҃ⱐ ⰵⰳⱁ ⰺ҅ ⰿⱅ҃ⰻ. ⱍⱓⰴⱔⱎⱅⰰ ⱄⱔ ⱁ ⰳⰾ҃ⰵⰿⱏⰺⱈⱏ ⱁ ⱀ̑ⰵⰿⱐ.
2:34
ⰺ҅ ⰱⰳ҃ⰲⰻ ⱑ ⱄⰵⰿⱐ̆ⱁⱀⱏ. ⰺ҅ ⱃⰵⱍⰵ ⰽⱏ ⰿⰰⱃⰻⰹ ⰿⰰⱅⰵⱃⰻ ⰵⰳⱁ. ⱄⰵ ⰾⰵⰶⰻⱅⱏ ⱄⱐ. ⱀⰰ ⱂⰰⰴⰰⱀⱐⰵ ⰺ҅ ⱀⰰ ⰲⱏⱄⱅⰰⱀⱐⰵ ⰿⱀⱁⰳⱁⰿⱏ. ⰲⱏ !ⰺⰾ̑ⰻ. ⰺ҅ ⰲⱏ ⰸⱀⰰⰿⰵⱀⱐⰵ ⱂⱃⱑⱃⱁⱍⱐⱀⱁ.
2:35
ⰺ҅ ⱅⰵⰱⱑ ⰶⰵ ⱄⰰⰿⱁⰹ ⰴⱎ҃ⱘ ⱂⱃⱁⰺ҅ⰴⰵⱅⱏ ⱁⱃⱘⰶⱐⰵ. ⰴⰰ ⱁⱅⱏⰽⱃⱏⰹⰵⱅⱏ ⱄⱔ ⱁⱅⱏ ⰿⱀⱁⰳⱁ ⱄⱃⱏⰴⱐⱌⱐ ⱂⱁⰿⱏⰹⱎⰾ̑ⰵⱀⱐⱑ.
2:36
ⰺ҅ ⰱⱑ ⰰⱀⱀⰰ ⱂⱃⱁⱃⱁⱍⰻⱌⰰ. ⰴⱏⱎⱅⰻ ⱇⰰⱀⱆⰺ҅ⰾ̑ⰵⰲⰰ. ⱁⱅⱏ ⰽⱁⰾⱑⱀⰰ ⱄⱛⱃⱁⰲⰰ. ⱄⰻ ⰸⰰⰿⰰⱅⰵⱃⱑⰲⱏⱎⰻ. ⰲⱏ ⰴⱐⱀⰵⱈⱏ ⰿⱀⱁⰷⱑⱈⱏ. ⰶⰻⰲⱏⱎⰻ ⱄⱏ ⰿⱘⰶⰵⰿⱐ !ⰶ ⰾⱑ!ⱅ. ⱁⱅⱏ ⰴⱑⰲⱏⱄⱅⰲⰰ ⱄⰲⱁⰵⰳⱁ.
2:37
ⰺ҅ ⱅⰰ ⰲⱏⰴⱁⰲⰰ ⰴⱁ ⱁⱄⰿⰻ ⰴⰵⱄⱔⱅⱏ. ⰺ҅ ⱍⰵⱅⱏⰹⱃⱐ ⰾⱑ!ⱅ. ⱑⰶⰵ ⱀⰵ ⱁⱅⱏⱈⱁⰶⰴⰰⰰⱎⰵ ⱁⱅⱏ ⱌⱃⱏⰽⱏⰲⰵ ⱂⱁⱄⱅⱁⰿⱐ ⰺ҅ ⰿⱁⰾⰻⱅⰲⰰⰿⰻ. ⱄⰾⱆⰶⱔⱎⱅⰻ ⰴⱐⱀⱐ ⰺ҅ ⱀⱁⱎⱅⱐ.
2:38
ⰺ҅ ⱅⰰ ⰲⱏ ⱅⱏ ⱍⰰⱄⱏ. ⱂⱃⰻⱄⱅⰰⰲⱏⱎⰻ ⰺ҅ⱄⱂⱁⰲⱑⰴⰰⰰⱎⰵ ⱄⱔ ⰳⰲ҃ⰻ. ⰺ҅ ⰳⰾ҃ⰰⰰⱎⰵ ⱁ ⱀ̑ⰵⰿⱐ. ⰲⱐⱄⱑⰿⱏ ⱍⰰⱙⱎⱅⰵⰺ҅ⰿⱏ ⰺ҅ⰸⰱⰰⰲⰾ̑ⰵⱀⱐⱑ ⰲⱏ !ⰹⰾⰿⱑ.
2:39
ⰺ҅ ⱑⰽⱁ ⱄⱏⰽⱁⱀⱐⱍⰰⱎⱔ ⱄⱔ ⰲⸯⱄⱑ ⱂⱁ ⰸⰰⰽⱁⱀⱆ ⰳⱀ҃ⱓ. ⰲⱏⰸⰲⱃⰰⱅⰻⱎⱔ ⱄⱔ ⰲⱏ ⰳⰰⰾⰻⰾⰵⱙ. ⰲⱏ ⰳⱃⰰⰴⱏ ⱄⰲⱁⰹ ⱀⰰⰸⰰⱃⰵⱅⱏ.
2:40
*̆ⱉⱅⱃⱁⱍⱔ ⰶⰵ ⱃⰰⱄⱅⱑⰰⱎⰵ. ⰺ҅ ⰽⱃⱑⱂⰾ̑ⱑⰰⱎⰵ ⱄⱔ ⰴⱈ҃ⱁⰿⱐ. ⰺ҅ⱄⱂⰾⱏⱀ̑ⱑⱗ ⱄⱔ ⱂⱃⱑⰿⱘⰴⱃⱁⱄⱅⰻ. ⰺ҅ ⰱⰾⰰⰳⱁⰴⱑⱅⱐ ⰱⰶ҃ⰻⱑ ⰱⱑ ⱀⰰ ⱀ̑ⰵⰿⱐ.
2:41
ⰺ҅ ⱈⱁⰶⰴⰰⰰⱎⰵⱅⰵ ⱃⱁⰴⰻⱅⰵⰾ̑ⱑ ⰵⰳⱁ. ⱂⱁ ⰲⱐⱄⱑ ⰾⱑⱅⰰ ⰲⱏ !ⰺⰿⱏ. ⰲⱏ ⱂⱃⰰⰸⰴⱐⱀⰻⰽⱏ ⱂⰰⱄⱌⱑ.
2:42
ⰺ҅ ⰵⰳⰴⰰ ⰱⱏⰹ!ⱄ ⰱ҃ ⰺ҃ ⰾⱑⱅⱑ. ⰲⱏⱄⱈⱁⰴⱔⱎⱅⰵⰿⱏ ⰺ҅ⰿⱏ ⰲⱏ !ⰺⰻⰾⰿⱏ ⱂⱁ ⱁⰱⱏⰹⱍⰰⱓ ⱂⱃⰰⰸⰴⱐⱀⰻⰽⰰ.
2:43
ⰺ҅ ⰽⱁⱀⱐⱍⰰⰲⱏⱎⰵⰿⱏ ⰴⱐⱀⰻ. ⰲⱏⰸⰲⱃⰰⱎⱅⰰⱙⱎⱅⰵⰿⱏ ⱄⱔ ⰺ҅ⰿⱏ. ⱉⱄⱅⰰ ⱁⱅⱃⱁⰽⱏ ⰻⱄ҃. ⰲⱏ !ⰺ҅ⰾⰿⱑ. ⰺ҅ ⱀⰵ ⱍⱓⱄⱅⰰ ⱃⱁⰴⰻⱅⰵⰾ̑ⱑ ⰵⰳⱁ.
2:44
ⰿⱐⱀⱑⰲⱏⱎⰰ ⰶⰵ ⰹ ⰲⱏ ⰴⱃⱆⰶⰻⱀⱑ ⱄⱘⱎⱅⱐ. ⱂⱃⰻⰴⰵⱅⰵ ⱂⱘⱅⱏ.. ⰴⱐⱀⰻⰹ ⰺ҅ ⰻⱄⰽⰰⰰⱎⰵⱅⰵ ⰵⰳⱁ ⰲⱏ ⱃⱁⰶⰴⰵⱀⰻⰹ. ⰺ҅ ⰲⱏ ⰸⱀⰰⱀⰻⰹ.
2:45
ⰺ҅ ⱀⰵ ⱁⰱⱃⱑⱅⱏⱎⰰ ⰵⰳⱁ. ⰲⱏⰸⰲⱃⰰⱅⰻⱄⱅⰵ ⱄⱔ ⰲⱏ ⰺⰾ҃ⰿⱏ. ⰲⱐⰸⰻⱄⰽⰰⱙⱎⱅⰰ ⰵⰳⱁ.
2:46
ⰺ҅ ⰱⱏⰹ!ⱄ ⱂⱁ ⱅⱃⱐⱈⱏ ⰴⱐⱀⰵⱈⱏ. ⱁⰱⱃⱑⱅⱁⱄⱅⰵ ⰹ ⰲⱏ ⱌⱃⱏⰽⱏⰲⰵ ⱄⱑⰴⱔⱎⱅⱐ. ⱂⱁⱄⱃⱑⰴⱑ ⱆⱍⰻⱅⰵⰾ̑ⱐ ⰺ҅ ⱂⱁⱄⰾⱆⱎⰰⱙⱎⱅⰰ ⰺⱈⱏ. ⰺ ⰲⱏⱂⱃⰰⱎⰰⱙⱎⱅⰰ ⱗ.
2:47
ⱆⰶⰰⱄⰰⰰⱈⱘ ⰶⰵ ⱄⱔ ⰲⱄⰻ. ⱂⱁⱄⰾⱆⱎⰰⱙⱎⱅⰵ ⰵⰳⱁ ⱁ ⱃⰰⰸⱆⰿⱑ. ⰺ҅ ⱁ ⱁⱅⱏⰲⱑⱅⱑⱈⱏ ⰵⰳⱁ.
2:48
Ⰺ ⰲⰻⰴⱑⰲⱏⱎⰰ ⰹ ⰴⰻⰲⰻⱄⱅⰵ ⱄⱔ. ⰺ҅ ⱃⰵⱍⰵ ⰽⱏ ⱀ̑ⰵⰿⱆ ⰿⰰⱅⰻ ⰵⰳⱁ. ⱍⱔⰴⱁ ⱍⱐⱅⱁ ⱅⰲⱁⱃⰻ ⱀⰰⰿⰰ ⱅⰰⰽⱁ. ⱄⰵ ⱁⱌ҃ⱐ ⱅⰲⱁⰻ. ⰺ҅ ⰰⰸⱏ ⱄⰽⱃⱏⰱⱔⱎⱅⰰ. ⰺ҅ⱄⰽⰰⱈⱁⰲⱑ ⱅⰵⰱⰵ.
2:49
ⰺ҅ ⱃⰵⱍⰵ ⰽⱏ ⱀ̑ⰻⰿⰰ. ⱍⱐⱅⱁ ⱑⰽⱁ ⰺ҅ⱄⰽⰰⱎⰵⱅⰰ ⰿⰵⱀⰵ. ⱀⰵ ⰲⱑⱄⱅⰰ ⰾⰻ ⱑⰽⱁ ⱑⰶⰵ ⱄⱘⱅⱏ ⱁⱌ҃ⰰ ⰿⱁⰵⰳⱁ. ⰲⱏ ⱅⱑⱈⱏ ⰴⱁⱄⱅⱁⰺⱅⱏ ⰿⰻ ⰱⱏⰹⱅⰻ.
2:50
ⰺ҅ ⱅⰰ ⱀⰵ ⱃⰰⰸⱆⰿⱑⱄⱅⰵ ⰳⰾ҃ⰰ ⰺⰶⰵ ⱃⰵⱍⰵ ⰺ҅ⰿⰰ.
2:51
ⱄⱏⱀⰻⰴⰵ ⱄⱏ ⱀ̑ⰻⰿⰰ. ⰺ҅ ⱂⱃⰻⰴⰵ ⰲⱏ ⱀⰰⰸⰰⱃ̑ⱑⱅⱏ. ⰺ҅ ⰱⱑ ⱂⱁⰲⰻⱀⱆⱗ ⱄⱔ ⰺ҅ⰿⰰ. ⰺ҅ ⰿⱅ҃ⰻ ⰵⰳⱁ ⱄⱏⰱⰾ̑ⱓⰴⰰⰰⱎⰵ ⰲⱐⱄⱔ ⰳⰾⰰⰳⱁⰾⱏⰹ ⱄⱐⱗ. ⰲⱏ ⱄⱃⱏⰴⱐⱌⰻ ⱄⰲⱁⰵⰿⱐ.
2:52
!Ⰻⱄ ⰶⰵ ⱄⱂⱑⰰⱎⰵ ⱂⱃⱑⰿⱘⰴⱃⱁⱄⱅⰻⱙ ⰺ҅ ⱅⱑⰾⱁⰿⱐ. ⰺ҅ ⰱⰾⰰⰳⱁⰴⱑⱅⱐⱙ ⱁⱅⱏ ⰱ҃ⰰ ⰺ҅ ⱍⰽ҃ⱏ.