ⰳⰾ҃ⰰ ⰶⰵ ⰺ҅ ⱂⱃⰻⱅⱏⱍⱘ ⰽⱏ ⱀ̑ⰻⰿⱏ. ⰽⰰⰽⱁ ⱂⱁⰴⱁⰱⰰⰰ ⰲⸯⱄⰵⰳⰴⰰ ⰿⱁⰾⰻⱅⰻ ⱄⱔ. ⰺ҅ ⱀⰵ ⱄⱏⱅⱘⰶⰰⱅⰻ ⱄⱔ

ⰳⰾ̑ⱙ. Ⱄⱘⰴⰻ ⰱⱑ ⰵⱅⰵⱃⱏ ⰲⱏ ⰵⱅⰵⱃⱑ ⰳⱃⰰⰴⱑ. ⰱ҃ⰰ ⱀⰵ ⰱⱁⱗ ⱄⱔ ⱀⰻ ⱍⰽ҃ⰰ. ⱀⰵ ⱄⱃⰰⰿⰾ̑ⱑⱗ ⱄⱔ.

ⰲⱏⰴⱁⰲⰰ ⰶⰵ ⰱⱑ ⰲⱏ ⰳⱃⰰⰴⱑ ⱅⱁⰿⱐ. ⰺ҅ ⱂⱃⰻⱈⱁⰶⰴⰰⰰⱎⰵ ⰽⱏ ⱀ̑ⰵⰿⱆ ⰳⰾ҃ⱙⱎⱅⰻ. ⰿⱐⱄⱅⰻ ⰿⰵⱀⰵ ⱁⱅⱏ ⱄⱘⱂⱐⱃ̑ⱑ ⰿⱁⰵⰳⱁ.

ⰺ҅ ⱀⰵ ⱈⱁⱅⱑⰰⱎⰵ. ⱀⰰ ⰴⰾⱐⰸⱑ ⰶⰵ ⰲⱃⱑⰿⰵⱀⰻ. ⱂⱁⱄⰾⱑⰴⱐ ⱃⰵⱍⰵ ⰲⱐ ⱄⰵⰱⱑ. ⰰⱎⱅⰵ ⰺ҅ ⰱ҃ⰰ ⱀⰵ ⰱⱁⱙ ⱄⱔ. ⰺ҅ ⱍⰽ҃ⱏ ⱀⰵ ⱄⱃⰰⰿⰾ̑ⱑⱙ ⱄⱔ.

ⰸⰰⱀ̑ⰵ ⱅⰲⱁⱃⰻⱅⱏ ⰿⰻ ⱅⱃⱆⰴⱏ ⰲⱏⰴⱁⰲⰻⱌⰰ ⱄⰻ. ⰴⰰ ⰿⱐⱎⱅⱘ ⰵⱗ. ⰴⰰ ⱀⰵ ⰴⱁ ⰽⱁⱀⱐⱌⰰ ⱂⱃⰻⱈⱁⰴⱔⱎⱅⰻ ⰸⰰⱄⱅⱁⰺⱅⱏ ⰿⰵⱀⰵ.

ⱃⰵⱍⰵ ⰶⰵ ⰳ҃ⱐ. ⱄⰾⱏⰹⱎⰻⱅⰵ.... ⱍⱐⱅⱁ ⱄⱘⰴⰻ ⱀⰵⱂⱃⰰⰲⱐⰴⱏⱀⱏⰹ ⰳⰾ҃ⰵⱅⱏ.

ⰰ ⰱ҃ⱏ ⱀⰵ ⰺ҅ⰿⰰⱅⱏ ⰾⰻ ⱄⱏⱅⰲⱁⱃⰻⱅⰻ. ⰿⱐⱄⱅⰻ ⰺ҅ⰸⰱⱏⱃⰰⱀⱏⰹⱈⱏ ⱄⰲⱁⰺⱈⱏ. ⰲⱏⱂⰻⱙⱎⱅⰻⱈⱏ ⰽⱏ ⱀ̑ⰵⰿⱆ. ⰴⱐⱀⱐ ⰺ҅ ⱀⱁⱎⱅⱐ. ⰺ҅ ⱅⱃⱏⱂⰻⱅⱏ ⱀⰰ ⱀ̑ⰻⱈⱏ.

ⰳⰾ̑ⱙ ⰲⰰⰿⱏ. ⱑⰽⱁ ⱄⱏⱅⰲⱁⱃⰻⱅⱏ ⰿⰻⰾⱁⱄⱅⱐ ⰺ҅ⱈⱏ ⰲⱏⱄⰽⱁⱃⱑ. ⱁⰱⰰⱍⰵ ⱄⱀ҃ⱏ ⱍⱄ҃ⰽⱏⰹ ⱂⱃⰻⱎⱐⰴⱏ. ⱆⰱⱁ ⱁⰱⱃⱔⱎⱅⰵⱅⱏ ⰾⰻ ⰲⱑⱃⱘ ⱀⰰ ⰸⰵⰿⰾ̑ⰻ.

ⱃⰵⱍⰵ ⰶⰵ ⰺ҅ ⰽⱏ ⰵⱅⰵⱃⱁⰿⱏ. ⱀⰰⰴⱑⱙⱎⱅⰵ ⰺ҅ⰿⱏ ⱄⱔ ⱀⰰ ⱄⱔ. ⱑⰽⱁ ⱄⱘⱅⱏ ⱂⱃⰰⰲⱐⰴⱐⱀⰻⱌⰻ. ⰺ҅ ⱆⱀⰻⱍⱐⰶⰰⱙⱎⱅⰵⰿⱏ. ⱂⱃⱁⱍⱔⱗ ⱂⱃⰻⱅⱏⱍⱘ ⱄⱐⱙ.

Ⱍⰽⰰ ⰴⱏⰲⰰ ⰲⱐⱀⰻⰴⱁⱄⱅⰵ ⰲⱏ ⱌⱃⰽⱁⰲⱐ. ⱂⱁⰿⱁⰾⰻⱅⱏ ⱄⱔ. ⰵⰴⰻⱀⱏ ⱇⰰⱃⰻⱄⱑⰹ ⰰ ⰴⱃⱆⰳⱏⰹ ⰿⱏⰹⱅⰰⱃ̑ⱐ.

ⱇⰰⱃⰻⱄⱑⰺ ⰶⰵ ⱄⱅⰰⰲⱏ. ⱄⰻⱌⰵ ⰲⱐ ⱄⰵⰱⱑ ⰿⱁⰾ̑ⱑⰰⱎⰵ ⱄⱔ. !ⰱⰵ ⱈⰲⰰⰾⱘ ⱅⰵⰱⱑ ⰲⱏⰸⰴⰰⱙ. ⱑⰽⱁ ⱀⱑⱄⰿⱐ ⱑⰽⱁ ⰺ҅ ⱂⱃⱁⱍⰻⰹ ⱍⱌ҃ⰻ. ⱈⱏⰹⱎⱅⱐⱀⰻⱌⰻ. ⱀⰵⱂⱃⰰⰲⱐⰴⱐⱀⰻⱌⰻ. ⱂⱃⱑⰾ̑ⱓⰱⱁⰴⱑⰹ. ⰾⰻ ⱑⰽⱁ ⰺ҅ ⱄⱐ ⰿⱏⰹⱅⰰⱃⱐ.

ⱂⱁⱎⱅⱘ ⱄⱔ ⰴⱏⰲⰰ ⰽⱃⰰⱅⱏⰹ ⰲⱏ ⱄⱘⰱⱁⱅⱘ. ⰴⰵⱄⱔⱅⰻⱀⱘ ⰴⰰⱙ. ⰲⱄⰵⰳⱁ ⰵⰾⰻⰽⱁ ⱂⱃⰻⱅⱔⰶⱘ.

ⰰ ⰿⱏⰹⱅⰰⱃⱐ ⰺ҅ⰸⰴⰰⰾⰵⱍⰵ ⱄⱅⱁⱗ. ⱀⰵ ⱈⱁⱅⱑⰰⱎⰵ ⱀⰻ ⱁⱍⰻⱓ ⱄⰲⱁⰵⱓ ⰲⱐⰸⰲⰵⱄⱅⰻ ⱀⰰ ⱀⰱ҃ⱁ. ⱀⱏ ⰱⱐⱑⱎⰵ ⱂⱃⱏⱄⰻ ⱄⰲⱁⱗ ⰳⰾ҃ⱔ. !ⰱⰵ ⰿⰻⰾⱁⱄⱅⰻⰲⱏ ⰱⱘⰴⰻ ⰿⱐⱀⱑ ⰳⱃⱑⱎⱐⱀⰻⰽⱆ.

ⰳⰾ̑ⱙ ⰲⰰⰿⱏ. ⱄⱏⱀⰻⰴⰵ ⱄⱐ ⰲⱏ ⰴⱁⰿⱏ ⱄⰲⱁⰹ ⱁⱂⱃⰰⰲⱏⰴⰰⱀⱏ ⱂⰰⱍⰵ ⱁⱀⱁⰳⱁ. ⱑⰽⱁ ⰲⱄⱑⰽⱏ ⰲⱏⰸⱀⱁⱄⱔⰺ ⱄⱔ. ⱄⱏⰿⱑⱃⰻⱅⱏ ⱄⱔ. ⰺ҅ ⱄⱏⰿⱑⱃⱑⱗⰹ ⱄⱔ ⰲⱐⰸⱀⰵⱄⰵⱅⱏ ⱄⱔ.

ⱂⱃⰻⱀⱁⱎⰰⰰⱈⱘ ⰶⰵ ⰽⱏ ⱀ̑ⰵⰿⱆ ⰺ҅ ⰿⰾⰰⰴⱑⱀⱐⱌⱔ. ⰴⰰ ⰱⰻ ⱄⱔ ⰺ҅ⱈⱏ ⰽⱁⱄⱀⱘⰾⱏ. ⰲⰻⰴⱑⰲⱏⱎⰵ ⰶⰵ ⱆⱍⰵⱀⰻⱌⰻ ⱂⱃⱑⱎⱅⰰⰰⱈⱘ ⰺ҅ⰿⱏ.

ⰺⱄ҃ ⰶⰵ ⱂⱃⰻⰸⱏⰲⰰ ⱗ ⰳⰾ҃ⱔ ⱀⰵ ⰴⱑⰺ҅ⱅⰵ ⰴⱑⱅⰻⰹ. ⱂⱃⰻⱈⱁⰴⰻⱅⰻ ⰽⱏ ⰿⸯⱀⱑ. ⰺ҅ ⱀⰵ ⰱⱃⰰⱀⰻⱅⰵ ⰺ҅ⰿⱏ. ⱅⰰⰽⱁⰲⱏⰹⱈⱏ ⰱⱁ ⰵⱄⱅⱏ ⱌⱃ҃ⱄⱐⰵ ⰱⰶ҃ⰻⰵ.

Ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⰺ҅ⰶⰵ ⰰⱎⱅⰵ ⱀⰵ ⱂⱃⰻⰹⰿⰵⱅⱏ ⱌⱃ҃ⱄⰻⱑ ⰱⰶ҃ⰻⱑ. ⱑⰽⱁ ⱁⱅⱃⱁⱍⱔ. ⱀⰵ ⰺ҅ⰿⰰⱅⱏ ⰲⱏⱀⰻⱅⰻ ⰲⱐ ⱀ̑ⰵ.

Ⰺ ⰲⱏⱂⱃⱁⱄⰹ ⰻ ⰵⱅⰵⱃⱏ ⰽⱏⱀⱔⰸⱐ ⰳⰾ҃ⱔ. ⱆⱍⰻⱅⰵⰾ̑ⱓ ⰱⰾⰰⰳⱏⰹ. ⱍⱐⱅⱁ ⱄⱏⱅⰲⱁⱃ̑ⱐ ⰶⰻⰲⱁⱅⱏ ⰲⱑⱍⱐⱀⱏⰹ ⱀⰰⱄⰾⱑⰴⱆⱙ.

ⱃⰵⱍⰵ ⰵⰿⱆ ⰻⱄ҃. ⱍⱐⱅⱁ ⰿⱔ ⰳⰾ҃ⰵⱎⰻ ⰱⰾⰰⰳⰰ. ⱀⰻⰽⱏⱅⱁⰶⰵ ⰱⰾⰰⰳⱏ. ⱅⱏⰽⱏⰿⱁ ⰵⰴⰻⱀⱏ ⰱ҃ⱏ.

ⰸⰰⱂⱁⰲⱑⰴⰻ ⰲⱑⱄⰻ. ⱀⰵ ⱆⰱⰹⰻ. ⱀⰵ ⱂⱃⱑⰾ̑ⱓⰱⱏⰹ ⱄⱏⱅⰲⱁⱃⰻ. ⱀⰵ ⱆⰽⱃⰰⰴⰻ. ⱀⰵ ⰾⱏⰶⰵⱄⱏⰲⱑⰴⱑⱅⰵⰾ̑ⱐ ⰱⱘⰴⰻ. ⱍⱐⱅⰻ ⱁⱌ҃ⰰ ⱅⰲⱁⰵⰳⱁ ⰺ҅ ⰿⰰⱅⰵⱃⱐ.

ⱉⱀⱏ ⰶⰵ ⱃⰵⱍⰵ ⰵⰿⱆ. ⰲⸯⱄⱑ ⱄⰻ ⱄⱏⱈⱃⰰⱀⰻⱈⱏ ⱁⱅⱏ ⱓⱀⱁⱄⱅⰻ ⰿⱁⰵⱗ.

Ⱄⰾⱏⰹⱎⰰⰲⱏ ⰶⰵ ⰺⱄ҃ ⱃⰵⱍⰵ ⰵⰿⱆ. ⰵⱎⱅⰵ ⰵⰴⰻⱀⱁⰳⱁ ⱀⰵ ⰴⱁⰽⱁⱀⱐⱍⰰⰾⱏ ⰵⱄⰻ. ⰲⸯⱄⱑ ⰵⰾⰻⰽⱁ ⰺ҅ⰿⰰⱎⰻ ⱂⱃⱁⰴⰰⰶⰴⱐ. ⰺ҅ ⱃⰰⰸⰴⰰⰹ ⱀⰻⱎⱅⰻⰹⰿⱏ. ⰺ҅ ⰻⰿⱑⱅⰻ ⰺ҅ⰿⰰⱎⰻ ⱄⱏⰽⱃⱁⰲⰻⱎⱅⰵ ⱀⰰ ⱀⰱ҃ⱄⱈⱏ. ⰺ҅ ⰳⱃⱔⰴⰻ ⱂⱁ ⰿⱀⱑ.

ⱁⱀⱏ ⰶⰵ ⱄⰾⱏⰹⱎⰰⰲⱏ ⱄⰵ. ⱂⱃⰻⱄⰽⱃⱏⰱⰵⱀⱏ ⰱⱏⰹ!ⱄ. ⰱⱑ ⰱⱁ ⰱⱁⰳⰰⱅⱏ ⰷⱑⰾⱁ.

Ⰲⰻⰴⱑⰲⱏ ⰶⰵ ⰺⱄ҃. ⱂⱃⰻⱄⰽⱃⱏⰱⰵⱀⱏ ⰱⱏⰹⰲⱏ ⱎⱐⰴⱏ. ⱃⰵⱍⰵ. ⰽⰰⰽⱁ ⱀⰵⱆⰴⱁⰱⱐ ⰺ҅ⰿⱘⱎⱅⰵⰹ ⰱⱁⰳⰰⱅⱐⱄⱅⰲⱁ. ⰲⱐ ⱌⱃ҃ⱄⱁ ⰱⰶ҃ⱐⰵ ⰲⱐⱀⰻⰴⱘⱅⱏ.

ⱆⰴⱁⰱⱑⰵ ⰱⱁ ⰵⱄⱅⱏ ⰲⰵⰾⱐⰱⱘⰴⱆ. ⱄⰽⰲⱁⰸⱑ ⰺ҅ⰳⱏⰾⰻⱀⱑ ⱆⱎⰻ ⱂⱃⱁⰺ҅ⱅⰻ. ⱀⰵⰶⰵ ⰱⱁⰳⰰⱅⱆ ⰲⱐ ⱌⱃ҃ⱄⱐⰵ ⰱⰶ҃ⰻⰵ ⰲⱐⱀⰻⱅⰻ.

ⱃⱑⱎⱔ ⰶⰵ ⱄⰾⱏⰹⱎⰰⰲⱏⱎⰵⰹ. ⱅⱁ ⰽⱏⱅⱁ ⰿⱁⰶⰵⱅⱏ !ⱄⱂⱀⱏ ⰱⱏⰹⱅⰻ.

ⱁⱀⱏ ⰶⰵ ⱃⰵⱍⰵ. ⱀⰵⰲⱏⰸⰿⱁⰶⱐⱀⰰⰰ ⱁⱅⱏ ⱍⰽ҃ⱏ. ⰲⱏⰸⰿⱁⰶⱐⱀⰰ ⱁⱅⱏ ⰱ҃ⰰ ⱄⱘⱅⱏ.

ⱃⰵⱍⰵ ⰶⰵ ⱂⰵⱅⱃⱏ. ⱄⰵ ⰿⱏⰹ ⱁⱄⱅⰰⰲⰻⱈⱁⰿⱏ ⰲⸯⱄⱑ. ⰺ҅ ⰲⱐ ⱄⰾⱑⰴⱏ ⱅⰵⰱⰵ ⰺ҅ⰴⱁⱈⱁⰿⱏ.

Ⱁⱀⱏ ⰶⰵ ⱃⰵ[ⱍⰵ] ⰺ҅ⰿⱏ. ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⱑⰽⱁ ⱀⰻⰽⱏⱅⱁⰶⰵ ⰵⱄⱅⱏ. ⰺ҅ⰶⰵ ⱁⱄⱅⰰⰲⰻⱅⱏ ⰴⱁⰿⱏ. ⰾⰻ ⱃⱁⰴⰻⱅⰵⰾ̑ⱔ. ⰾⰻ ⰱⱃⰰⱅⱃⱐⱙ. ⰾⰻ ⱄⰵⱄⱅⱃⱏⰹ. ⰾⰻ ⰶⰵⱀⱘ. ⰾⰻ ⱍⱔⰴⰰ. ⱌⱃ҃ⱄⱐⱑ ⰱⰶ҃ⰻⱑ ⱃⰰⰴⰻ.

ⰺ҅ⰶⰵ ⰲⱏⱄⱂⱃⰻⰹⰿⰵⱅⱏ ⰿⱀⱁⰶⰻⱌⰵⱙ ⰲⱏ ⰲⱃⱑⰿⱔ ⱄⰵ. ⰺ҅ ⰲⱏ ⰲⱑⰽⱏ ⰳⱃⱔⰴⱘⱎⱅⱐⰹ. ⰶⰻⰲⱁⱅⱏ ⰲⱑⱍⱐⱀⱏⰹ.

Ⱂⱁⰺ҅ⰿⱏ ⰶⰵ ⱁⰱⰰ ⱀⰰ ⰴⰵⱄⱔⱅⰵ. ⱃⰵⱍⰵ ⰽⱏ ⱀ̑ⰻⰿⱏ. ⱄⰵ ⰲⱏⱄⱈⱁⰴⰻⰿⱏ ⰲⱏ ⰺⰾ҃ⰿⱏ. ⰺ҅ ⱄⱏⰽⱁⱀⱐⱍⰰⱙⱅⱏ ⱄⱔ ⰲⸯⱄⱑ ⱂⸯⱄⰰⱀⰰⰰ ⱂⱃⱁⱃⱁⰽⱏⰹ. ⱁ !ⱄⱀⱑ !ⱍⱄⱌⱑⰿⱐ.

ⱂⱃⱑⰴⰰⰴⱔⱅⱏ ⰱⱁ ⰲⱏⰹ ⱗⰸⱏⰹⰽⱁⰿⱏ. ⰺ҅ ⱂⱁⱃⱘⰳⰰⱙⱅⱏ ⱄⱔ ⰵⰿⱆ. ⰺ҅ ⰴⱁⱄⰰⰴⱔⱅⱏ ⰵⰿⱆ. ⰺ҅ ⰸⰰⱂⰾ̑ⱓⱙⱅⱏ ⰹ.

ⰺ҅ ⱅⰵⱂⱏⱎⰵ ⱆⰱⰻⱙⱅⱏ ⰹ. ⰺ҅ ⱅⱃⰵⱅⰻⰹ ⰴⸯⱀⱐ ⰲⱏⱄⰽⱃⱏⱄⱀⰵⱅⱏ.

Ⰺ҅ ⱅⰻ ⱀⰻⱍⱐⱄⱁⰶⰵ ⱁⱅⱏ ⱄⰻⱈⱏ ⱀⰵ ⱃⰰⰸⱆⰿⱑⱎⱔ. ⰺ҅ ⰱⱑ ⰳⰾ҃ⱏ ⱄⱏⰽⱃⱏⰲⰵⱀⱏ ⱁⱅⱏ ⱀ̑ⰻⱈⱏ. ⰺ҅ ⱀⰵ ⱃⰰⰸⱆⰿⱑⰰⱈⱘ ⰳⰾ҃ⰵⰿⱏⰹⱈⱏ.

Ⰱⱏⰹ!ⱄ ⰶⰵ ⰵⰳⰴⰰ ⱂⱃⰻⰱⰾⰻⰶⰻ ⱄⱔ ⰲⱏ ⰵⱃⰻⱈⱘ. ⱄⰾⱑⱂⱐⱌⱐ ⰵⱅⰵⱃⱏ ⱄⱑⰴⱑⰰⱎⰵ ⱂⱃⰻ ⱂⱘⱅⰻ ⱂⱃⱁⱄⱔ.

ⱄⰾⱏⰹⱎⱔ ⰶⰵ ⱀⰰⱃⱁⰴⱏ ⰿⰻⰿⱁⱈⱁⰴⱔⱎⱅⱐ. ⰲⱏⱂⱃⰰⱎⰰⰰⱎⰵ. ⱍⱐⱅⱁ ⱆⰱⱁ ⰵⱄⱅⱏ ⱄⰵ.

ⱂⱁⰲⱑⰴⰰⱎⱔ ⰶⰵ ⰵⰿⱆ. ⱑⰽⱁ ⰺⱄ҃. ⱀⰰⰸⰰⱃⱑⱀⰻⱀⱏ ⰿⰻⰿⱁⱈⱁⰴⰻⱅⱏ.

ⰺ҅ ⱅⱏ ⰲⱏⰸⱏⱂⰻ ⰳⰾ҃ⱔ. ⰺⱄ҃ⰵ ⱄⱀ҃ⰵ !ⰴⰰⰲⱏ. ⱂⱁⰿⰻⰾⱆⰺ҅ ⰿⱔ.

ⰺ҅ ⱂⱃⱑⰴⱐⰺ҅ⰴⱘⱎⱅⰵⰹ. ⱂⱃⱑⱎⱅⰰⰰⱈⱘ ⰵⰿⱆ. ⰴⰰ ⱆⰿⰾⱐⱍⰻⱅⱏ. ⱁⱀⱏ ⰶⰵ ⱂⰰⱍⰵ ⰸⱑⰾⱁ ⰲⱏⱂⰻⱑⱎⰵ ⰳⰾ҃ⱔ. ⱄⱀ҃ⰵ !ⰴⰰⰲⱏ ⱂⱁⰿⰻⰾⱆⰺ҅ ⰿⱔ.

ⱄⱅⰰⰲⱏ ⰶⰵ ⰻⱄ҃. ⱂⱁⰲⰵⰾⱑ ⱂⱃⰻⰲⰵⱄⱅⰹ ⰻ ⰽⱏ ⱄⰵⰱⱑ. ⱂⱃⰻⰱⰾⰻⰶⱐⱎⱓ ⰶⰵ ⱄⱔ ⰵⰿⱆ ⰽⱏ ⱀ̑ⰵⰿⱆ. ⰲⱏⱂⱃⱁⱄⰻ ⰹ

ⱍⱐⱅⱁ ⱈⱁⱎⱅⰵⱎⰻ ⰴⰰ ⱅⰻ ⱄⱏⱅⰲⱁⱃ̑ⱙ. ⱁⱀⱏ ⰶⰵ ⱃⰵⱍⰵ ⰳ҃ⰻ ⰴⰰ ⱂⱃⱁⰸⱐⱃ̑ⱙ.

ⰺ҅ⱄ҃ ⰶⰵ ⱃⰵⱍⰵ ⰵⰿⱆ. ⱂⱃⱁⰸⱐⱃⰻ ⰲⱑⱃⰰ ⱅⰲⱁⱑ ⱄⱂ҃ⰵ ⱅⱔ. ⰺ҅ ⰰⰱⱐⰵ ⱂⱃⱁⰸⱐⱃⱑ.

ⰺ҅ ⰲⱐ ⱄⰾⱑⰴⱏ ⰵⰳⱁ ⰳⱃⱔⰴⱑⰰⱎⰵ ⱄⰾⰰⰲⱔ ⰱ҃ⰰ. ⰺ҅ ⰲⱄⰻ ⰾ̑ⱓⰴⱐⰵ ⰲⰻⰴⱑⰲⱏⱎⰵ. ⰲⱏⰸⰴⰰⱎⱔ ⱈⰲⰰⰾⱘ !ⰱⰲⰻ.