гл҃а же ꙇ҅ притъчѫ къ н̑имъ. како подобаа вⸯсегда молити сѧ. ꙇ҅ не сътѫжати сѧ

гл̑ѭ. Сѫди бѣ етеръ въ етерѣ градѣ. б҃а не боѩ сѧ ни чк҃а. не срамл̑ѣѩ сѧ.

въдова же бѣ въ градѣ томь. ꙇ҅ прихождааше къ н̑емоу гл҃ѭшти. мьсти мене отъ сѫпьр̑ѣ моего.

ꙇ҅ не хотѣаше. на дльзѣ же врѣмени. послѣдь рече вь себѣ. аште ꙇ҅ б҃а не боѭ сѧ. ꙇ҅ чк҃ъ не срамл̑ѣѭ сѧ.

зан̑е творитъ ми троудъ въдовица си. да мьштѫ еѩ. да не до коньца приходѧшти застоꙇтъ мене.

рече же г҃ь. слꙑшите.... чьто сѫди неправьдънꙑ гл҃етъ.

а б҃ъ не ꙇ҅матъ ли сътворити. мьсти ꙇ҅збъранꙑхъ своꙇхъ. въпиѭштихъ къ н̑емоу. дьнь ꙇ҅ ношть. ꙇ҅ тръпитъ на н̑ихъ.

гл̑ѭ вамъ. ѣко сътворитъ милость ꙇ҅хъ въскорѣ. обаче сн҃ъ чс҃кꙑ пришьдъ. оубо обрѧштетъ ли вѣрѫ на земл̑и.

рече же ꙇ҅ къ етеромъ. надѣѭште ꙇ҅мъ сѧ на сѧ. ѣко сѫтъ правьдьници. ꙇ҅ оуничьжаѭштемъ. прочѧѩ притъчѫ сьѭ.

Чка дъва вьнидосте въ црковь. помолитъ сѧ. единъ фарисѣі а дроугꙑ мꙑтар̑ь.

фарисѣꙇ же ставъ. сице вь себѣ мол̑ѣаше сѧ. !бе хвалѫ тебѣ въздаѭ. ѣко нѣсмь ѣко ꙇ҅ прочиі чц҃и. хꙑштьници. неправьдьници. прѣл̑юбодѣі. ли ѣко ꙇ҅ сь мꙑтарь.

поштѫ сѧ дъва кратꙑ въ сѫботѫ. десѧтинѫ даѭ. всего елико притѧжѫ.

а мꙑтарь ꙇ҅здалече стоѩ. не хотѣаше ни очию своею вьзвести на нб҃о. нъ бьѣше пръси своѩ гл҃ѧ. !бе милостивъ бѫди мьнѣ грѣшьникоу.

гл̑ѭ вамъ. съниде сь въ домъ своі оправъданъ паче оного. ѣко всѣкъ възносѧꙇ сѧ. съмѣритъ сѧ. ꙇ҅ съмѣрѣѩі сѧ вьзнесетъ сѧ.

приношаахѫ же къ н̑емоу ꙇ҅ младѣньцѧ. да би сѧ ꙇ҅хъ коснѫлъ. видѣвъше же оученици прѣштаахѫ ꙇ҅мъ.

ꙇс҃ же призъва ѩ гл҃ѧ не дѣꙇ҅те дѣтиі. приходити къ мⸯнѣ. ꙇ҅ не браните ꙇ҅мъ. таковꙑхъ бо естъ цр҃сье бж҃ие.

Аминⸯ. гл҃ѭ вамъ. ꙇ҅же аште не приіметъ цр҃сиѣ бж҃иѣ. ѣко отрочѧ. не ꙇ҅матъ вънити вь н̑е.

Ꙇ въпросі и етеръ кънѧзь гл҃ѧ. оучител̑ю благꙑ. чьто сътвор̑ь животъ вѣчьнꙑ наслѣдоуѭ.

рече емоу ис҃. чьто мѧ гл҃еши блага. никътоже благъ. тъкъмо единъ б҃ъ.

заповѣди вѣси. не оубіи. не прѣл̑юбꙑ сътвори. не оукради. не лъжесъвѣдѣтел̑ь бѫди. чьти оц҃а твоего ꙇ҅ матерь.

ѡнъ же рече емоу. вⸯсѣ си съхранихъ отъ юности моеѩ.

Слꙑшавъ же ꙇс҃ рече емоу. еште единого не доконьчалъ еси. вⸯсѣ елико ꙇ҅маши продаждь. ꙇ҅ раздаі ништиімъ. ꙇ҅ имѣти ꙇ҅маши съкровиште на нб҃схъ. ꙇ҅ грѧди по мнѣ.

онъ же слꙑшавъ се. прискръбенъ бꙑ!с. бѣ бо богатъ ѕѣло.

Видѣвъ же ꙇс҃. прискръбенъ бꙑвъ шьдъ. рече. како неоудобь ꙇ҅мѫштеі богатьство. вь цр҃со бж҃ье вьнидѫтъ.

оудобѣе бо естъ вельбѫдоу. сквозѣ ꙇ҅гълинѣ оуши проꙇ҅ти. неже богатоу вь цр҃сье бж҃ие вьнити.

рѣшѧ же слꙑшавъшеі. то къто можетъ !спнъ бꙑти.

онъ же рече. невъзможьнаа отъ чк҃ъ. възможьна отъ б҃а сѫтъ.

рече же петръ. се мꙑ оставихомъ вⸯсѣ. ꙇ҅ вь слѣдъ тебе ꙇ҅дохомъ.

Онъ же ре[че] ꙇ҅мъ. аминⸯ. гл҃ѭ вамъ. ѣко никътоже естъ. ꙇ҅же оставитъ домъ. ли родител̑ѧ. ли братрьѭ. ли сестрꙑ. ли женѫ. ли чѧда. цр҃сьѣ бж҃иѣ ради.

ꙇ҅же въсприіметъ множицеѭ въ врѣмѧ се. ꙇ҅ въ вѣкъ грѧдѫштьі. животъ вѣчьнꙑ.

Поꙇ҅мъ же оба на десѧте. рече къ н̑имъ. се въсходимъ въ ꙇл҃мъ. ꙇ҅ съконьчаѭтъ сѧ вⸯсѣ пⸯсанаа пророкꙑ. о !снѣ !чсцѣмь.

прѣдадѧтъ бо вꙑ ѩзꙑкомъ. ꙇ҅ порѫгаѭтъ сѧ емоу. ꙇ҅ досадѧтъ емоу. ꙇ҅ запл̑юѭтъ і.

ꙇ҅ тепъше оубиѭтъ і. ꙇ҅ третиі дⸯнь въскръснетъ.

Ꙇ҅ ти ничьсоже отъ сихъ не разоумѣшѧ. ꙇ҅ бѣ гл҃ъ съкръвенъ отъ н̑ихъ. ꙇ҅ не разоумѣахѫ гл҃емꙑхъ.

Бꙑ!с же егда приближи сѧ въ ерихѫ. слѣпьць етеръ сѣдѣаше при пѫти просѧ.

слꙑшѧ же народъ мимоходѧшть. въпрашааше. чьто оубо естъ се.

повѣдашѧ же емоу. ѣко ꙇс҃. назарѣнинъ мимоходитъ.

ꙇ҅ тъ възъпи гл҃ѧ. ꙇс҃е сн҃е !давъ. помилоуꙇ҅ мѧ.

ꙇ҅ прѣдьꙇ҅дѫштеі. прѣштаахѫ емоу. да оумльчитъ. онъ же паче зѣло въпиѣше гл҃ѧ. сн҃е !давъ помилоуꙇ҅ мѧ.

ставъ же ис҃. повелѣ привесті и къ себѣ. приближьшю же сѧ емоу къ н̑емоу. въпроси і

чьто хоштеши да ти сътвор̑ѭ. онъ же рече г҃и да прозьр̑ѭ.

ꙇ҅с҃ же рече емоу. прозьри вѣра твоѣ сп҃е тѧ. ꙇ҅ абье прозьрѣ.

ꙇ҅ вь слѣдъ его грѧдѣаше славѧ б҃а. ꙇ҅ вси л̑юдье видѣвъше. въздашѧ хвалѫ !бви.