ЕВАНГЕЛИЕ ЕЖЕ Ѿ ЛОУКꙐ
16:1
ⰳⰾ҃ⰰⰰⱎⰵ ⰶⰵ ⰺ҅ ⰽⱏ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ. !Ⱍⰽⱏ ⰵⱅⰵⱃⱏ ⰱⱑ ⰱⱁⰳⰰⱅⱏ. ⰺ҅ⰶⰵ ⰺ҅ⰿⱑⰰⱎⰵ ⱂⱃⰻⱄⱅⰰⰲⱐⱀⰻⰽⱏ. ⰺ҅ ⱅⱏ ⱁⰽⰾ̑ⰵⰲⰵⱅⰰⱀⱏ ⰱⱏⰹⱄⱅⱏ ⰽⱏ ⱀ̑ⰵⰿⱆ. ⱑⰽⱁ ⱃⰰⱄⱅⰰⱍⰰⱗ ⰺ҅ⰿⱑⱀⱐⱑ ⰵⰳⱁ.
16:2
ⰺ҅ ⱂⱃⰻⰳⰾⰰⱎⱐ ⰹ ⱃⰵⱍⰵ ⰵⰿⱆ. ⱍⱐⱅⱁ ⱄⰵ ⱄⰾⱏⰹⱎⱘ ⱁ ⱅⰵⰱⱑ ⰲⱏⰸⰴⰰⰶⰴⱐ. ⱁⱅⱏⰲⱑⱅⱏ ⱁ ⱂⱃⰻⱄⱅⰰⰲⰾ̑ⰵⱀⰻ ⰴⱁⰿⱁⰲⱐⱀⱑⰵⰿⱐ. ⱀⰵ ⰲⱏⰸⰿⱁⰶⰵⱎⰻ ⰱⱁ ⰽⱏ ⱅⱁⰿⱆ ⰴⱁⰿⱆ ⱄⱅⱃⱁⰺⱅⰻ.
16:3
ⱃⰵⱍⰵ ⰶⰵ ⰲⱐ ⱄⰵⰱⱑ ⱂⱃⰻⱄⱅⰰⰲⱐⱀⰻⰽⱏ ⰴⱁⰿⱆ. ⱍⱐⱅⱁ ⱄⱏⱅⰲⱁⱃ̑ⱙ. ⱑⰽⱁ ⰳ҃ⱐ ⰿⱁⰹ ⱁⱅⱏⰵⰿⰾⰵⱅⱏ ⱄⱅⱃⱁⰵⱀⱐⰵ ⰴⱁⰿⱆ ⱁⱅⱏ ⰿⰵⱀⰵ. ⰽⱁⱂⰰⱅⰻ ⱀⰵ ⰿⱁⰳⱘ. ⱈⰾⱘⱂⰰⱅⰻ ⱄⱅⱏⰹⰶⰴⱘ ⱄⱔ.
16:4
ⱃⰰⰸⱆⰿⱑⱈⱏ ⱍⱐⱅⱁ ⱄⱏⱅⰲⱁⱃⱘ. ⰵⰳⰴⰰ ⱁⱅⱏⱄⱅⰰⰲⰾ̑ⰵⱀⱏ ⰱⱘⰴⱘ ⱁⱅⱏ ⱄⱅⱃⱁⰵⱀⱐⱑ ⰴⱁⰿⱆ. ⱂⱃⰻⰿⱘⱅⱏ ⰿⱔ ⰲⱏ ⰴⱁⰿⱏⰹ ⱄⰲⱁⱗ.
16:5
ⰺ҅ ⱂⱃⰻⰸⱏⰲⰰⰲⱏ ⰵⰴⰻⱀⱁⰳⱁ ⰽⱁⰳⱁⰶⰴⱁ ⰴⰾⱏⰶⱐⱀⰻⰽⱏ !ⰳⱑ ⱄⰲⱁⰵⰳⱁ. ⰳⰾ҃ⰰⰰⱎⰵ ⱂⱃⱏⰲⱆⰿⱆ. ⰽⱁⰾⰻⱌⱑⰿⱐ ⰴⰾⱏⰶⱐⱀⱏ ⰵⱄⰻ ⰳⱀ҃ⱆ ⱄⰲⱁⰵⰿⱆ.
16:6
ⱁⱀⱏ ⰶⰵ ⱃⰵⱍⰵ. !ⱃⰿⱐ. ⰿⱑⱃⱏ ⱁⰾⱑⰰ. ⱁⱀⱏ ⰶⰵ ⱃⰵⱍⰵ. ⱂⱃⰹⰻⰿⰻ ⰱⱆⰽⱏⰲⰻ ⱅⰲⱁⱗ. ⰺ҅ ⱄⱑⰴⱏ ⱄⰽⱁⱃⱁ ⱀⰰⱂⰻⱎⰻ: !ⰻ:
16:7
ⱂⱁⱅⱁⰿⱐ ⰶⰵ ⰴⱃⱆⰳⱆⰿⱆ ⱃⰵⱍⰵ. ⱅⱏⰹ ⰶⰵ ⰽⱁⰾⰻⱌⱑⰿⱐ ⰴⰾⱏⰶⰵⱀⱏ ⰵⱄⰻ. ⱁⱀⱏ ⰶⰵ ⱃⰵⱍⰵ. ⱄⱏⱅⱁⰿⱐ ⰽⱁⱃⱏ. ⱂⱐⱎⰵⱀⰻⱌⱔ. ⰳⰾ҃ⰰ ⰵⰿⱆ. ⱂⱃⰻⰿⰻ ⰱⱆⰽⱏⰲⰻ ⱅⰲⱁⱗ. ⰺ҅ ⱀⰰⱂⰻⱎⰻ. !ⱁ.
16:8
ⰺ҅ ⱂⱁⱈⰲⰰⰾⰻ ⰳⱀ҃ⱏ ⰴⱁⰿⱆ ⰺ҅ⰽⱁⱀⱁⰿⰰ. ⱀⰵⱂⱃⰰⰲⱐⰴⱏⱀⰰⰰⰳⱁ. ⱑⰽⱁ ⰿⱘⰴⱃⱑ ⱄⱅⰲⱁⱃⰻ. ⱑⰽⱁ ⱄⱀ҃ⱁⰲⰵ ⰲⱑⰽⰰ ⱄⰵⰳⱁ. ⰿⱘⰴⱃⱑⰺ҅ⱎⰵ ⱂⰰⱍⰵ ⱄⱀ҃ⱁⰲⱏ ⱄⰲⱑⱅⰰ. ⰲⱏ ⱃⱁⰴⱑ ⱄⰲⱁⰵⰿⱐ ⱄⱘⱅⱏ.
16:9
ⰺ҅ ⰰⰸⱏ ⰲⰰⰿⱏ ⰳⰾ҃ⱙ. ⱄⱏⱅⰲⱁⱃⰻⱅⰵ ⱄⰵⰱⱑ ⰴⱃⱆⰳⱏⰹ. ⱁⱅⱏ ⰿⰰⰿⱁⱀⰻⱀⱏⰹ ⱀⰵⱂⱃⰰⰲⱏⰴⱏⰹ. ⰴⰰ ⰵⰳⰴⰰ ⱁⱄⰽⱘⰴⱑⰵⱅⰵ. ⱂⱃⰻⰺ҅ⰿⱘⱅⱏ ⰲⱏⰹ ⰲⱐ ⰲⱑⱍⱐⱀⱏⰹⱗ ⰽⱃⱁⰲⱏⰹ.
16:10
ⰲⱑⱃⱏⱀⱏⰹ ⰲⱏ ⰿⰰⰾⱑ. ⰺ҅ ⰲⱏ ⰿⱀⱁⰷⱑ ⰲⱑⱃⱐⱀⱏ ⰵⱄⱅⱏ. ⰺ҅ ⱀⰵⰲⱑⱃⱏⱀⱏⰹ ⰲⱏ ⰿⰰⰾⱑ. ⰺ҅ ⰲⱏ ⰿⱀⱁⰸⱑ ⱀⰵⱂⱃⰰⰲⱐⰴⱐⱀⱏ ⰵⱄⱅⱏ.
16:11
ⰰⱎⱅⰵ ⱆⰱⱁ ⰲⱐ ⱀⰵⱂⱃⰰⰲⱐⰴⱐⱀⱑⰿⱐ ⰶⰻⱅⰻⰹ. ⱀⰵ ⰱⰻⱄⱅⰵ ⰲⱑⱃⱐⱀⰻ. ⰲⱏ ⰺⱄⱅⰻⱀⸯⱀⱑⰿⱐ ⰽⱏⱅⱁ ⰲⰰⰿⱏ ⰲⱑⱃⱘ ⰺ҅ⰿⰵⱅⱏ.
16:12
ⰺ҅ ⰰⱎⱅⰵ ⰲⱏ ⱅⱆⰶⰴⰵⰿⱐ ⰲⱑⱃⱐⱀⰻ ⱀⰵ ⰱⰻⱄⱅⰵ. ⰲⰰⱎⰵ ⰽⱏⱅⱁ ⰲⰰⰿⱏ ⰴⰰⱄⱅⱏ.
16:13
Ⱀⰻⰽⱁⱅⰵⱃⱏⰹ ⰶⰵ ⱃⰰⰱⱏ. ⱀⰵ ⰿⱁⰶⰵⱅⱏ ⰴⱐⰲⰰⰿⰰ ⰳⱀ҃ⱁⰿⰰ ⱃⰰⰱⱁⱅⰰⱅⰻ. ⰾⰻ ⰱⱁ ⰵⰴⰻⱀⱁⰳⱁ ⰲⱐⰸⱀⰵⱀⰰⰲⰻⰴⰻⱅⱏ. ⰰ ⰴⱃⱆⰳⰰⰵⰳⱁ ⰲⱐⰸⰾ̑ⱓⰱⰻⱅⱏ. ⰾⰻ ⰵⰴⰻⱀⱁⰳⱁ ⰴⱃⱏⰶⰻⱅⱏ ⱄⱔ. ⰰ ⱁ ⰴⱃⱆⰸⱑⰿⱐ ⱀⰵⰱⱃⱑⱎⱅⰻ ⰲⱏⱍⱐⱀⰵⱅⱏ. ⱀⰵ ⰿⱁⰶⰵⱅⰵ ⰱ҃ⱛ ⱃⰰⰱⱁⱅⰰⱅⰻ ⰺ҅ ⰿⰰⰿⱁⱀⱑ.
16:14
ⱄⰾⱏⰹⱎⰰⰰⱈⱘ ⰶⰵ ⱄⰻ ⰲⱄⰻ. ⰺ҅ ⱇⰰⱃⰻⱄⰵⰹ ⱄⱏⱃⰵⰱⱃⱁⰾ̑ⱓⰱⱐⱌⰻ ⱄⱘⱎⱅⰵ. ⰺ҅ ⱂⱁⰴⱃⰰⰶⰰⰰⱈⱘ ⰹ.
16:15
Ⰺ҅ ⱃⰵⱍⰵ ⰺ҅ⰿⱏ. ⰲⱏⰹ ⰵⱄⱅⰵ ⱁⱂⱃⰰⰲⱐⰴⰰⱙⱎⱅⰵⰹ ⱄⰵⰱⰵ ⱂⱃⱑⰴⱏ ⱍⰽ҃ⱏⰹ. ⰱ҃ⱏ ⰶⰵ ⰲⱑⱄⱅⱏ ⱄⱃⰴⱐⱌⰰ ⰲⰰⱎⰰ. ⱑⰽⱁ ⰵⰶⰵ ⰵⱄⱅⱏ ⰲⱏ ⱍⱌ҃ⱑⱈⱏ ⰲⱏⰹⱄⱁⰽⱁ. ⰿⱃⱏⰸⱁⱄⱅⱐ ⱂⱃⱑⰴⱏ ⰱ҃ⰿⱐ ⰵⱄⱅⱏ.
16:16
Ⰸⰰⰽⱁⱀⱏ ⰺ҅ ⱂⱃⱁⱃⱁⱌⰻ. ⰴⱁ ⰺⱁⰰⱀⱀⰰ. ⱁⱅⱏⱅⱁⰾⰻ ⱌⱃ҃ⱄⱅⰲⰻⰵ ⰱⰶ҃ⰻⰵ. ⰱⰾⰰⰳⱁⰲⱑⱄⱅⰲⱆⰵⱅⱏ ⱄⱔ. ⰺ҅ ⰲⱐⱄⱑⰽⱏ ⰲⱐ ⱀ̑ⰵ ⱀⱘⰴⰻⱅⱏ ⱄⱔ
16:17
Ⱆⰴⱁⰱⱑⰵ ⰶⰵ ⰵⱄⱅⱏ !ⱀⰱⱆ ⰺ҅ ⰸⰵⰿⰾ̑ⰻ ⱂⱃⱑⰺⱅⰻ. ⱀⰵⰶⰵ ⱁⱅⱏ ⰸⰰⰽⱁⱀⰰ ⰵⰴⰻⱀⱁⰹ ⱍⱃⱏⱅⱑ ⱂⱁⰳⱏⰹⰱⱀⱘⱅⰻ.
16:18
ⰲⸯⱄⱑⰽⱏ ⱂⱆⱎⱅⰰⱗⰹ ⰶⰵⱀⱘ ⱄⰲⱁⱙ. ⰺ҅ ⱂⱃⰻⰲⱁⰴⱔ ⰺ҅ⱀⱘ. ⱂⱃⱑⰾ̑ⱓⰱⱏⰹ ⰴⱑⰵⱅⱏ. ⰺ҅ ⰶⰵⱀⱔⰺ҅ ⱄⱔ ⱂⱆⱎⱅⰵⱀⰻⱌⰵⱙ ⱁⱅⱏ ⰿⱘⰶⰰ. ⱂⱃⱑⰾ̑ⱓⰱⱏⰹ ⰴⱑⰵⱅⱏ.
16:19
Ⱍⰽⱏ ⰵⱅⰵⱃⱏ ⰱⱑ ⰱⱁⰳⰰⱅⱏ. ⰺ҅ ⱁⰱⰾⰰⱍⰰⰰⱎⰵ ⱄⱔ ⰲⱏ ⱇⱁⱃⱇⸯⰻⱃⱘ. ⰺ҅ ⰲⱛⱄⸯⱄⱁⱀⱏ. ⰲⰵⱄⰵⰾⱔ ⱄⱔ ⱀⰰ ⰲⸯⱄⱑⰽⱏ ⰴⱐⱀⱐ ⱄⰲⱑⱅⱐⰾⱏ.
16:20
ⱀⰹⱎⱅⱐ ⰶⰵ ⰱⱑ ⰵⱅⰵⱃⱏ ⰺ҅ⰿⰵⱀⰵⰿⱐ ⰾⰰⰸⱁⱃⱏ. ⰺ҅ⰶⰵ ⰾⰵⰶⰰⰰⱎⰵ. ⱂⱃⰻ ⰲⱃⰰⱅⱑⱈⱏ ⰵⰳⱁ ⰳⱀⱁⰺ҅ⱀⱏ.
16:21
ⰺ҅ ⰶⰵⰾⱑⱗ ⱀⰰⱄⱏⰹⱅⰻⱅⰻ ⱄⱔ. ⱁⱅⱏ ⰽⱃⱆⱂⰻⱌⱐ ⱂⰰⰴⰰⱙⱎⱅⰻⰹⱈⱏ. ⱁⱅⱏ ⱅⱃⰵⱂⰵⰸⱏⰹ ⰱⱁⰳⰰⱅⰰⰰⰳⱁ. ⱀⱏ ⰺ҅ ⱂⸯⱄⰻ ⱂⱃⰻⱈⱁⰴⱔⱎⱅⰵ. ⱁⰱⰾⰹⰸⰰⰰⱈⱘ ⰳⱀⱁⰹ ⰵⰳⱁ.
16:22
ⰱⱏⰹ!ⱄ ⰶⰵ ⱆⰿⱃⱑⱅⰻ ⱀⰻⱎⱅⱓⰿⱆ. ⰺ҅ ⱀⰵⱄⰵⱀⱆ ⰱⱏⰹⱅⰻ ⰰⰼ҃ⰾⱏⰹ. ⱀⰰ ⰾⱁⱀⱁ ⰰⰲⱃⰰⰰⰿⰾ̑ⰵ. ⱆⰿⱃⱑⱅⱏ ⰶⰵ ⰺ҅ ⰱⱁⰳⰰⱅⱏⰹ. ⰺ҅ ⱂⱁⰳⱃⰵⰱⱁⱎⱔ ⰹ.
16:23
ⰺ҅ ⰲⱏ ⰰⰴⱑ ⰲⱏⰸⰲⰵⰴⱏ ⱁⱍⰻ ⱄⰲⱁⰹ. ⱄⱏⰹ ⰲⱏ ⰿⱘⰽⰰⱈⱏ. ⱆⰸⱐⱃⱑ ⰰⰲⱃⰰⰰⰿⰰ ⰺ҅ⰸⰴⰰⰾⰵⱍⰵ. ⰺ҅ ⰾⰰⰸⱁⱃⰰ ⱀⰰ ⰾⱁⱀⱑ ⰵⰳⱁ.
16:24
ⰺ҅ ⱅⱏ ⰲⱏⰸⰳⰾⰰⱎⱐ ⱃⰵⱍⰵ. !ⱉⱍⰵ ⰰⰲⱃⰰⰰⰿⰵ. ⱂⱁⰿⰻⰾⱆⰺ ⰿⱔ. ⰺ҅ ⱂⱁⱄⱏⰾⰻ ⰾⰰⰸⱁⱃⰰ ⰴⰰ ⱁⰿⱁⱍⰻⱅⱏ. ⰽⱁⱀⱐⱌⱐ ⱂⱃⱏⱄⱅⰰ ⱄⰲⱁⰵⰳⱁ ⰲⱏ ⰲⱁⰴⱑ. ⰺ ⱆⱄⱅⱆⰴⰻⱅⱏ ⱗⰸⱏⰹⰽⱏ ⰿⱁⰹ. ⱑⰽⱁ ⱄⱅⱃⰰⰶⰴⱘ ⰲⱏ ⱂⰾⰰⰿⰵⱀⰵ ⱄⰵⰿⱐ.
16:25
ⱃⰵⱍⰵ ⰶⰵ ⰰⰲⱃⰰⰰⰿⱏ. ⱍⱔⰴⱁ. ⱂⱁⰿⱑⱀⰻ ⱑⰽⱁ ⰲⱐⱄⱂⱃⰻⱗⰾⱏ ⰵⱄⰻ ⱅⰲⱁⱑ ⰱⰾⰰⰳⰰⰰ. ⰲⱏ ⰶⰻⰲⱁⱅⱑ ⱅⰲⱁⰵⰿⱐ. ⰺ҅ ⰾⰰⰸⰰⱃⱐ ⱅⰰⰽⱁⰶⰴⰵ ⱄⰲⱁⱑ ⰸⱏⰾⰰⱑ. ⱀⱏⰹⱀ̑ⱑ ⰶⰵ ⱄⱐⰴⰵ ⱆⱅⱑⱎⰰⰵⱅⱏ ⱄⱔ. ⰰ ⱅⱏⰹ ⱄⱅⱃⰰⰶⰴⰵⱎⰻ.
16:26
ⰺ҅ ⱀⰰⰴⱏ ⰲⸯⱄⱑⰿⰻ ⱄⰻⰿⰻ. ⰿⰵⰶⰴⱓ ⱀⰰⰿⰻ ⰺ҅ ⰲⰰⰿⰻ. ⱂⱃⱁⱂⰰⱄⱅⱐ ⰲⰵⰾⱐⱑ ⱆⱅⰲⱃⱐⰴⰻ ⱄⱔ. ⱑⰽⱁ ⰴⰰ ⱈⱁⱅⱔⱎⱅⰵⰹ ⰿⰻⱀⱘⱅⰻ. ⱁⱅⱏⱄⱘⰴⱆ ⱅⰰⰿⱁ. ⱀⰵ ⰲⱏⰸⰿⰰⰳⰰⱙⱅⱏ. ⱀⰹ ⰺ҅ⰶⰵ ⱁⱅⱏⱅⱘⰴⱆ [ⱂⱃⱑⱈⱁ] ⰽⱏ ⱀⰰⰿⱏ ⱂⱃⱑⱈⱁⰴⱔⱅⱏ.
16:27
ⱃⰵⱍⰵ ⰶⰵ. ⰿⱁⰾ̑ⱙ ⱅⱔ ⱆⰱⱁ !ⱁⱍⰵ. ⰴⰰ ⰺ ⱂⱁⱄⱏⰾ̑ⰵⱎⰻ ⰲⱏ ⰴⱁⰿⱏ ⱁⱌ҃ⰰ ⰿⱁⰵⰳⱁ.
16:28
ⰺ҅ⰿⰰⰿⱐ ⰱⱁ ⱂⱔⱅⱐ ⰱⱃⰰⱅⱃⱐⱗ. ⱑⰽⱁ ⰴⰰ ⰸⰰⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⰺ҅ⰿⱏ. ⰴⰰ ⱀⰵ ⰺ ⱅⰻ ⱂⱃⰻⰴⱘⱅⱏ ⱀⰰ ⰿⱑⱄⱅⱁ ⱄⰵ ⰿⱘⱍⱐⱀⱁⰵ.
16:29
ⰳⰾ҃ⰰ ⰶⰵ ⰰⰲⱃⰰⰰⰿⱏ. ⰺ҅ⰿⱘⱅⱏ ⰿⱁⱄⱑⰰ. ⰺ҅ ⱂⱃⱁⱃⱁⰽⱏⰹ ⰴⰰ ⱂⱁⱄⰾⱆⱎⰰⱙⱅⱏ ⰺⱈⱏ.
16:30
ⱁⱀⱏ ⰶⰵ ⱃⰵⱍⰵ. ⱀⰻ !ⱁⱍⰵ ⰰⰲⱃⰰⰰⰿⰵ. ⱀⱏ ⰰⱎⱅⰵ ⰽⱏⱅⱁ ⱁⱅⱏ ⰿⱃⱏⱅⰲⱏⰹⱈⱏ ⰺ҅ⰴⰵⱅⱏ ⰽⱏ ⱀ̑ⰻⰿⱏ. ⱂⱁⰽⰰⱙⱅⱏ ⱄⱔ.
16:31
ⱃⰵⱍⰵ ⰶⰵ ⰵⰿⱆ. ⰰⱎⱅⰵ ⰿⱛⱄⱑⰰ ⰺ҅ ⱂⱃⱁⱃⱁⰽⱏ ⱀⰵ ⱂⱁⱄⰾⱆⱎⰰⱙⱅⱏ. ⱀⰻ ⰰⱎⱅⰵ ⰽⱏⱅⱁ ⱁⱅⱏ ⰿⱃⱏⱅⰲⱏⰺⱈⱏ ⰲⱏⱄⰽⱃⱏⱄⱀⰵⱅⱏ. ⱀⰵ ⰺ҅ⰿⱘⱅⱏ ⰲⱑⱃⱏⰹ.