ЕВАНГЕЛИЕ ЕЖЕ Ѿ ЛОУКꙐ
15:1
Ⰱⱑⰰⱈⱘ ⰶⰵ ⱂⱃⰻⰱⰾⰻⰶⰰⱙⱎⱅⰵ ⱄⱔ ⰽⱏ ⱀ̑ⰵⰿⱆ ⰲⱄⰻ ⰿⱏⰹⱅⰰⱃⰵ. ⰺ҅ ⰳⱃⱑⱎⱐⱀⰻⱌⰻ. ⱂⱁⱄⰾⱆⱎⰰⱙⱅⱏ ⰵⰳⱁ.
15:2
ⰺ҅ ⱃⱏⱂⱏⱅⰰⰰⱈⱘ ⱇⰰⱃⰻⱄⰵⰹ ⰺ҅ ⰽⱏⱀⰻⰶⱐⱀⰻⱌⰻ ⰳⰾ҃ⱙⱎⱅⰵ. ⱑⰽⱁ ⱄⱏ ⰳⱃⱑⱎⱐⱀⰻⰽⱏⰹ ⱂⱃⰻⰵⰿⰾ̑ⰵⱅⱏ. ⰺ҅ ⱄⱏ ⱀ̑ⰻⰿⰻ ⱑⱄⱅⱏ.
15:3
Ⱃⰵⱍⰵ ⰶⰵ ⰽⱏ ⱀ̑ⰻⰿⱏ ⱂⱃⰻⱅⱏⱍⱘ ⰳⰾ҃ⱔ.
15:4
ⰽⱏⰹ ⱍⰽ҃ⱏ ⱁⱅⱏ ⰲⰰⱄⱏ. ⰺ҅ⰿⱏⰹ ⱄⱏⱅⱁ ⱁⰲⱐⱌⱐ. ⰺ҅ ⱂⱁⰳⱆⰱⰾⱐ ⰵⰴⰻⱀⱘ ⱁⱅⱏ ⱀⰻⱈⱏ. ⱀⰵ ⱁⱄⱅⰰⰲⰻⱅⱏ ⰾⰻ ⰴⰵⰲⱔⱅⰻ ⰴⰵⱄⱔⱅⱏ. ⰺ҅ ⰴⰵⰲⱔⱅⱐ ⰲⱏ ⱂⱆⱄⱅⱏⰹⱀ̑ⰻ. ⰺ҅ ⰻⰴⰵⱅⱏ ⰲⱏ ⱄⰾⱑⰴⱏ ⱂⱁⰳⱏⰹⰱⱏⱎⱔⱗ. ⰴⱁⱀ̑ⰴⰵⰶⰵ ⱁⰱⱃⱔⱎⱅⰵⱅⱏ ⱙ.
15:5
ⰺ҅ ⱁⰱⱃⱑⱅⱏ ⱙ ⰲⱏⰸⰾⰰⰳⰰⰵⱅⱏ ⱀⰰ ⱃⰰⰿⱑ ⱄⰲⱁⰹ. ⱃⰰⰴⱆⱗ ⱄⱔ.
15:6
ⰺ҅ ⱂⱃⰻⱎⱐⰴⱏ ⰲⱏ ⰴⱁⰿⱏ ⱄⰲⱁⰹ. ⱄⱏⰸⱏⰹⰲⰰⰵⱅⱏ ⰴⱃⱆⰳⱏⰹ. ⰺ҅ ⱄⱘⱄⱑⰴⱏⰹ. ⰳⰾ҃ⱔ ⰺ҅ⰿⱏ. ⱃⰰⰴⱆⰺ҅ⱅⰵ ⱄⱔ ⱄⱏ ⰿⱀⱁⱙ. ⱑⰽⱁ ⱁⰱⱃⱑⱅⱏ ⱁⰲⱐⱌⱘ ⰿⱁⱙ ⱂⱁⰳⱏⰹⰱⱏⱎⱘⱙ.
15:7
ⰳⰾ҃ⱙ ⰲⰰⰿⱏ. ⱑⰽⱁ ⱅⰰⰽⱁ ⱃⰰⰴⱁⱄⱅⱐ ⰱⱘⰴⰵⱅⱏ ⱀⰰ !ⱀⱄⰵ. ⱁ ⰵⰴⰻⱀⱁⰿⱐ ⰳⱃⱑⱎⱐⱀⰻⱌⱑ ⰽⰰⱙⱎⱅⰻ ⱄⱔ. ⱀⰵⰶⰵ. ⱁ !ⱂⱅⱏ. ⰺ҅ ⱁ ⰴⰵⰲⱔⱅⰻ ⱂⱃⰰⰲⱐⰴⱐⱀⰻⰽⱏ. ⰺ҅ⰶⰵ ⱀⰵ ⱅⱃⱑⰱⱆⱙⱅⱏ ⱂⱁⰽⰰⱀⰻⱑ.
15:8
Ⰾⰻ ⰽⰰⱑ ⰶⰵⱀⰰ ⰺ҅ⰿⱘⱎⱅⰻ ⰴⰵ=ⱄ=ⱔⱅⱏ ⰴⱃⰰⰳⱏⰿⱏ. ⰰⱎⱅⰵ ⱂⱁⰳⱆⰱⰻⱅⱏ ⰴⱃⰰⰳⱏⰿⱘ ⰵⰴⰻⱀⱘ. ⱀⰵ ⰲⱏⰶⰻⰸⰰⰵⱅⱏ ⰾⰻ ⱄⰲⱑⱅⰻⰾⱐⱀⰻⰽⰰ. ⰺ҅ ⱂⱁⰿⰵⱅⰵⱅⱏ ⱈⱃⰰⰿⰻⱀⱏⰹ. ⰺ҅ ⰻⱎⱅⰵⱅⱏ ⱂⱃⰻⰾⰵⰶⱐⱀⱁ. ⰴⱁⱀⱐⰴⰵⰶⰵ ⱁⰱⱃⱔⱎⱅⰵⱅⱏ.
15:9
ⰺ҅ ⱁⰱⱃⱑⱅⱏⱎⰻ ⱄⱏⰸⱏⰹⰲⰰⰵⱅⱏ ⰴⱃⱆⰳⱏⰹ ⰺ҅ ⱄⱘⱄⱑⰴⱏⰹⱀ̑ⱔ. ⰳⰾ҃ⱙⱎⱅⰻ. ⱃⰰⰴⱆⰺ҅ⱅⰵ ⱄⱔ ⱄⱏ ⰿⱀⱁⱙ. ⱑⰽⱁ ⱁⰱⱃⱑⱅⱏ ⰴⱃⰰⰳⱏⰿⱘ ⱙⰶⰵ ⱂⱁⰳⱆⰱⰻⱈⱏ.
15:10
ⱅⰰⰽⱁ ⰳⰾ҃ⱙ ⰲⰰⰿⱏ. ⱃⰰⰴⱁⱄⱅⱐ ⰱⱏⰹⰲⰰⰵⱅⱏ ⱂⱃⱑⰴⱏ ⰰⰼ҃ⰾⱏⰹ ⰱⰶ҃ⰹⰻ. ⱁ ⰵⰴⰻⱀⱁⰿⱐ ⰳⱃⱑⱎⱐⱀⰻⱌⱑ ⰽⰰⱙⱎⱅⰵⰺ҅ⰿⱐ ⱄⱔ.
15:11
Ⱃⰵⱍⰵ ⰶⰵ. ⱍⰽ҃ⱏ ⰵⱅⰵⱃⱏ ⰺ҅ⰿⱑ ⰴⱏⰲⰰ ⱄⱀ҃ⰰ.
15:12
ⰺ҅ ⱃⰵⱍⰵ ⰿⱐⱀⰻⰹ ⱄⱀ҃ⱏ ⰵⱓ ⱁⱌ҃ⱓ !ⱁⱍⰵ ⰴⰰⰶⰴⱐ ⰿⰻ. ⰴⱁⱄⱅⱁⰺⱀⱘⱙ ⱍⱔⱄⱅⱐ. ⰺ҅ⰿⱑⱀⱐⱑ. ⰺ҅ ⱃⰰⰸⰴⱑⰾⰻ ⰺ҅ⰿⰰ ⰺ҅ⰿⱑⱀⱐⰵ.
15:13
ⰺ҅ ⱀⰵ ⱂⱁ ⰿⱀⱁⰸⱑⱈⱏ ⰴⱐⱀⰵⱈⱏ. ⱄⱏⰱⱏⱃⰰⰲⱏ ⰲⱄⰵ ⰿⱐⱀⰻ ⱄⱀ҃ⱏ. ⱁⱅⰻⰴⰵ ⱀⰰ ⱄⱅⱃⰰⱀⱘ ⰴⰰⰾⰵⱍⰵ. ⰺ҅ ⱅⱆ ⱃⰰⱄⱅⱁⱍⰻ ⰺ҅ⰿⱑⱀⱐⰵ ⱄⰲⱁⰵ ⰶⰻⰲⱏⰹ ⰱⰾⱘⰴⱏⱀⱁ.
15:14
ⰺⰶⰴⰻⰲⱏⱎⱓ ⰶⰵ ⰵⰿⱆ ⰲⱐⱄⱑ. ⰱⱏⰹⱄⱅⱏ ⰳⰾⰰⰴⱐ ⰽⱃⱑⱂⱏⰽⱏ ⱀⰰ ⱄⱅⱃⰰⱀⱑ ⱅⱁⰹ. ⰺ҅ ⱅⱏ ⱀⰰⱍⱔⱅⱏ ⰾⰻⱎⰻⱅⰻ ⱄⱔ.
15:15
ⰺ҅ ⱎⱐⰴⱏ ⱂⱃⰻⰾⱑⱂⰻ ⱄⱔ ⰵⰴⰻⱀⱁⰿⱐ ⱁⱅⱏ ⰶⰻⱅⰵⰾⱏ ⱅⱁⱗ ⱄⱅⱃⰰⱀⱏⰹ. ⰺ҅ ⱂⱁⱄⱏⰾⰰ ⰹ ⱀⰰ ⱄⰵⰾⰰ ⱄⰲⱁⱑ. ⱂⰰⱄⱅⱏ ⱄⰲⰻⱀⰹⰻ.
15:16
ⰺ҅ ⰶⰵⰾⰰⰰⱎⰵ ⱀⰰⱄⱏⰹⱅⰻⱅⰻ ⱄⱔ. ⱁⱅⱏ ⱃⱁⰶⱐⱌⱐ ⱗⰶⰵ ⱑⰴⱑⰰⱈⱘ ⱄⰲⰻⱀⰻⱗ. ⰺ҅ ⱀⰻⰽⱏⱅⱁⰶⰵ ⰴⰰⰰⱎⰵ ⰿⱆ.
15:17
ⰲⱐ ⱄⰵⰱⱑ ⰶⰵ ⱂⱃⰻⱎⱐⰴⱏ ⱃⰵⱍⰵ. ⰽⱁⰾⰻⰽⱆ ⱀⰰⰺ҅ⰿⱐⱀⰻⰽⱏ ⱁⱌ҃ⰰ ⰿⱁⰵⰳⱁ ⰺ҅ⰸⰱⱏⰹⰲⰰⱙⱅⱏ ⱈⰾⱑⰱⰻ. ⰰⰸⱏ ⰶⰵ ⱄⱐⰴⰵ ⰳⰾⰰⰴⱁⰿⱐ ⰳⱏⰹⰱⰾ̑ⱘ.
15:18
ⰲⱏⱄⱅⰰⰲⱏ ⰺ҅ⰴⱘ ⰽⱏ ⱁⱌ҃ⱓ ⰿⱁⰵⰿⱆ. ⰺ҅ ⱃⰵⰽⱘ ⰵⰿⱆ. !ⱉⱍⰵ ⱄⱏⰳⱃⱑⱎⰻⱈⱏ ⱀⰰ ⱀⰱ҃ⱁ ⰺ҅ ⱂⱃⱑⰴⱏ ⱅⱁⰱⱁⱙ.
15:19
ⱓⰶⰵ ⱀⱑⱄⰿⱐ ⰴⱁⱄⱅⱁⰺ҅ⱀⱏ. ⱀⰰⱃⰵⱎⱅⰻ ⱄⱔ ⱄⱀ҃ⱏ ⱅⰲⱁⰹ. ⱄⱏⱅⰲⱁⱃⰻ ⰿⱔ. ⱑⰽⱁ ⰵⰴⰻⱀⱁⰳⱁ ⱁⱅⱏ ⱀⰰⰺ҅ⰿⱐⱀⰻⰽⱏ ⱅⰲⱁⰺⱈⱏ.
15:20
ⰺ҅ ⰲⱏⱄⱅⰰⰲⱏ ⰺ҅ⰴⰵ ⰽⱏ ⱁⱌ҃ⱓ ⱄⰲⱁⰵⰿⱆ. ⰵⱎⱅⰵ ⰶⰵ ⰵⰿⱆ ⰴⰰⰾⰵⱍⰵ ⱄⱘⱎⱅⱓ. ⱆⰸⱐⱃⱑ ⰹ ⱁⱌ҃ⱐ ⰵⰳⱁ. ⰺ҅ ⰿⰻⰾⱏ ⰵⰿⱆ ⰱⱏⰹ!ⱄ. ⰺ҅ ⱅⰵⰽⱏ ⱀⰰⱂⰰⰴⰵ ⱀⰰ ⰲⱏⰹⱙ ⰵⰳⱁ. ⰺ҅ ⱁⰱⰾⱁⰱⱏⰹⰸⰰ ⰹ.
15:21
ⱃⰵⱍⰵ ⰶⰵ ⰵⰿⱆ ⱄⱀ҃ⱏ. !ⱁⱍⰵ. ⱄⱏⰳⱃⱑⱎⰻⱈⱏ ⱀⰰ ⱀⰱ҃ⱁ ⰺ҅ ⱂⱃⱑⰴⱏ ⱅⱁⰱⱁⱙ. ⱓⰶⰵ ⱀⱑⱄⰿⱐ ⰴⱁⱄⱅⱁⰺⱀⱏ ⱀⰰⱃⰵⱎⱅⰻ ⱄⱔ ⱄⱀ҃ⱏ ⱅⰲⱁⰹ. ⱄⱏⱅⰲⱁⱃⰻ ⰿⱔ. ⱑⰽⱁ ⰵⰴⰻⱀⱁⰳⱁ ⱁⱅⱏ ⱀⰰⰺ҅ⰿⱐⱀⰻⰽⱏ ⱅⰲⱁⰺⱈⱏ.
15:22
ⱃⰵⱍⰵ ⰶⰵ ⱁⱌ҃ⱐ ⰽⱏ ⱃⰰⰱⱁⰿⱏ ⱄⰲⱁⰺ҅ⰿⱏ. ⱄⰽⱁⱃⱁ ⰺ҅ⰸⱀⰵⱄⱑⱅⰵ ⱁⰴⰵⰶⰴⱘ ⱂⱃⱏⰲⱘⱙ. ⰺ҅ ⱁⰱⰾⱑⱌⱑⱅⰵ ⰹ. ⰺ҅ ⰴⰰⰴⰻⱅⰵ ⱂⱃⱏⱄⱅⰵⱀⱐ ⱀⰰ ⱃⱘⰽⱘ ⰵⰳⱁ. ⰺ҅ ⱄⰰⱂⱁⰳⱏⰹ ⱀⰰ ⱀⱁⰸⱑ.
15:23
ⰺ҅ ⱂⱃⰻⰲⰵⰴⱏⱎⰵ ⱅⰵⰾⱐⱌⱐ ⱆⱂⰻⱅⱑⱀⱏⰹ. ⰸⰰⰽⱁⰾⱑⱅⰵ. ⰺ҅ ⱑⰴⱏⱎⰵ ⰴⰰ ⰲⰵⱄⰵⰾⰻⰿⱏ ⱄⱔ.
15:24
ⱑⰽⱁ ⱄⱀ҃ⱏ ⰿⱁⰹ ⱄⱐ. ⰿⱃⱏⱅⰲⱏ ⰱⱑ ⰺ҅ ⱁⰶⰻⰲⰵ. ⰺ҅ⰸⰳⱏⰹⰱⰾⱏ ⰱⱑ ⰺ҅ ⱁⰱⱃⱑⱅⰵ ⱄⱔ. ⰺ҅ ⱀⰰⱍⱔⱎⱔ ⰲⰵⱄⰵⰾⰻⱅⰻ ⱄⱔ.
15:25
ⰱⱑ ⰶⰵ ⱄⱀ҃ⱏ ⰵⰳⱁ ⱄⱅⰰⱃⱑⰹ ⱀⰰ ⱄⰵⰾⱑ. ⰺ҅ ⱑⰽⱁ ⰳⱃⱔⰴⱏⰹ ⱂⱃⰻⰱⰾⰻⰶⰹ ⱄⱔ ⰽⱏ ⰴⱁⰿⱆ. ⰺ҅ ⱄⰾⱏⰹⱎⰰ ⱂⱑⱀⰻⱑ ⰺ҅ ⰾⰻⰽⱏⰹ.
15:26
ⰺ҅ ⱂⱃⰻⰸⱏⰲⰰⰲⱏ ⰵⰴⰻⱀⱁⰳⱁ ⱁⱅⱏ ⱃⰰⰱⱏ. ⰲⱏⱂⱃⰰⱎⰰⰰⱎⰵ ⰹ. ⱍⱐⱅⱁ ⱆⰱⱁ ⱄⰻ ⱄⱘⱅⱏ.
15:27
ⱁⱀⱏ ⰶⰵ ⱃⰵⱍⰵ ⰵⰿⱆ. ⰱⱃⰰⱅⱏ ⱅⰲⱁⰹ ⱂⱃⰻⰴⰵ ⰺ҅ ⰸⰰⰽⱏⰾⰰ ⱁⱌ҃ⱐ ⱅⰲⱁⰹ. ⱅⰵⰾⱐⱌⱐ ⱆⱂⰻⱅⱑⱀⱏⰹ. ⱑⰽⱁ ⱄⱏⰴⱃⰰⰲⰰ ⰹ ⱂⱃⰻⱗⱅⱏ.
15:28
ⱃⰰⰸⰳⱀⱑⰲⰰ ⰶⰵ ⱄⱔ. ⰺ҅ ⱀⰵ ⱈⱁⱅⱑⰰⱎⰵ ⰲⱐⱀⰻⱅⰻ. ⱁⱌ҃ⱐ ⰶⰵ ⰵⰳⱁ ⰺ҅ⱎⱐⰴⱏ ⰿⱁⰾ̑ⱑⰰⱎⰵ ⰹ.
15:29
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⱁⱌ҃ⱓ ⱄⰲⱁⰵⰿⱆ. ⱄⰵ ⰽⱁⰾⰻⰽⱁ ⰾⱑⱅⱏ ⱃⰰⰱⱁⱅⰰⱙ ⱅⰵⰱⱑ. ⰺ҅ ⱀⰻⰽⱁⰾⰻⰶⰵ ⰸⰰⱂⱁⰲⱑⰴⰻ ⱅⰲⱁⰵⱗ ⱀⰵ ⱂⱃⱑⱄⱅⱘⱂⰻⱈⱏ. ⰺ҅ ⰿⱐⱀⱑ ⱀⰻⰽⱁⰾⰻⰶⰵ ⱀⰵ ⰴⰰⰾⱏ ⰵⱄⰻ ⰽⱁⰸⱐⰾⱔⱅⰵ. ⰴⰰ ⱄⱏ ⰴⱃⱆⰳⱏⰹ ⰿⱁⰺ҅ⰿⰻ ⰲⱏⰸⰲⰵⱄⰵⰾⰻⰾⱏ ⱄⱔ ⰱⰻⰿⱐ.
15:30
ⰵⰳⰴⰰ ⰶⰵ ⱄⱀ҃ⱏ ⱅⰲⱁⰹ. ⰺ҅ⰸⱑⰴⱏⰹ ⱅⰲⱁⰵ ⰺ҅ⰿⱑⱀⱐⰵ. ⱄⱏ ⰾ̑ⱓⰱⱁⰴⱑⰺⱌⰰⰿⰻ. ⱂⱃⰻⰴⰵ. ⰺ҅ ⰸⰰⰽⰾⰰ ⰵⰿⱆ ⱅⰵⰾⰵⱌⱐ ⱂⰻⱅⱁⰿⱏⰹ.
15:31
ⱁⱀⱏ ⰶⰵ ⱃⰵⱍⰵ ⰵⰿⱆ ⱍⱔⰴⱁ. ⱅⱏⰹ ⰲⱄⰵⰳⰴⰰ ⱄⱏ ⰿⱀⱁⱙ ⰵⱄⰻ. ⰺ҅ ⰲⸯⱄⱑ ⰿⱁⱑ ⱅⰲⱁⱑ ⱄⱘⱅⱏ.
15:32
ⰲⱏⰸⰲⰵⱄⰵⰾⰻⱅⰻ ⰶⰵ ⱄⱔ ⰺ҅ ⰲⱏⰸⰴⱃⰰⰴⱁⰲⰰⱅⰻ ⱂⱁⰴⱁⰱⰰⰰⱎⰵ. ⱑⰽⱁ ⰱⱃⰰⱅⱃⱏ ⱅⰲⱁⰹ ⱄⱐ. ⰿⱃⱏⱅⰲⱏ ⰱⱑ ⰺ҅ ⱁⰶⰻⰲⰵ. ⰺ҅ⰸⰳⱏⰹⰱⰾⱏ ⰱⱑ ⰺ҅ ⱁⰱⱃⱑⱅⰵ ⱄⱔ.