ЕВАНГЕЛИЕ ЕЖЕ Ѿ ЛОУКꙐ
14:3
ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃. ⱃⰵⱍⰵ ⰽⱏ ⰸⰰⰽⱁⱀⱐⱀⰻⰽⱁⰿⱏ. ⰺ҅ ⱇⰰⱃⰻⱄⱑⱁⰿⱏ ⰳⰾ҃ⱔ. ⰰⱎⱅⰵ ⰴⱁⱄⱅⱁⰺⱅⱏ ⰲⱏ ⱄⱘⰱⱁⱅⱏⰹ ⱌⱑⰾⰻⱅⰻ. ⱁⱀⰻ ⰶⰵ ⱆⰿⰾⱐⱍⰰⱎⱔ.
14:4
ⰺ҅ ⱂⱃⰻⰹⰿⱏ ⰺ҅ⱌⱑⰾⰻ ⰹ. ⰺ҅ ⱁⱅⱏⱂⱆⱄⱅⰻ ⰹ.
14:5
ⰺ҅ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰽⱏ ⱀ̑ⰻⰿⱏ. ⰽⱁⱅⱁⱃⰰⰰⰳⱁ ⰲⰰⱄⱏ. ⱁⱄⱐⰾⱏ. ⰾⰻ ⰲⱁⰾⱏ. ⰲⱏ ⰽⰾⰰⰴⱔⰸⱐ ⰲⱏⱂⰰⰴⰵⱅⱏ ⱄⱔ. ⰺ҅ ⱀⰵ ⰰⰱⱐⰵ ⰾⰻ ⰺ҅ⱄⱅⱃⱏⰳⱀⰵⱅⰵ ⰵⰳⱁ. ⰲⱐ ⰴⱐⱀⱐ ⱄⱘⰱⱁⱅⱏⱀⱏⰹ.
14:6
ⰺ҅ ⱀⰵ ⰲⱏⰸⰿⱁⰳⱘ ⱁⱅⱏⰲⱑⱎⱅⰰⱅⰻ ⰵⰿⱆ ⰽⱏ ⱄⰵⰿⱆ.
14:7
!Ⰳⰾⰰⰰⱎⰵ ⰶⰵ ⰽⱏ ⰸⱏⰲⰰⱀⱏⰹⰿⱏ ⱂⱃⰻⱅⱏⱍⱘ. ⱁⰴⱃⱏⰶⱔ. ⰽⰰⰽⱁ ⱂⱃⱑⰴⱏⱄⱑⰴⰰⱀⱐⱑ. ⰺ҅ⰸⰱⰻⱃⰰⰰⱈⱘ. ⰳⰾ҃ⱔ ⰽⱏ ⱀ̑ⰻⰿⱏ.
14:8
ⰵⰳⰴⰰ ⰲⱏⰸⱏⰲⰰⱀⱏ ⰱⱘⰴⰵⱎⰻ ⱀⰰ ⰱⱃⰰⰽⱏ. ⱀⰵ ⱄⱔⰴⰻ ⱀⰰ ⱂⱃⱑⰴⱐⱀ̑ⰻⰿⱐ ⰿⱑⱄⱅⱑ. ⰵⰴⰰ ⰽⱏⱅⱁ ⱍⱐⱄⱅⱐⱀⱑⰻ ⱅⰵⰱⰵ ⰱⱘⰴⰵⱅⱏ. ⰸⱏⰲⰰⱀⱏⰹⱈⱏ.
14:9
ⰺ҅ ⱂⱃⰻⱎⱐⰴⱏ ⰸⱏⰲⰰⰲⱏⰹ ⱅⱔ. ⰺ҅ ⱁⱀⱁⰳⱁ. ⱃⰵⱍⰵⱅⱏ ⱅⰻ. ⰴⰰⰶⰴⱐ ⱄⰵⰿⱆ ⰿⱑⱄⱅⱁ. ⰺ҅ ⱅⱏⰳⰴⰰ ⱀⰰⱍⱐⱀⰵⱎⰻ ⱄⱏ ⱄⱅⱆⰴⱁⰿⱐ. ⱂⱁⱄⰾⱑⰴⱐⱀ̑ⰵⰵ ⰿⱑⱄⱅⱁ ⰴⱃⱏⰶⰰⱅⰻ.
14:10
ⱀⱏ ⰵⰳⰴⰰ ⰸⱏⰲⰰⱀⱏ ⰱⱘⰴⰵⱎⰻ. ⱎⱐⰴⱏ ⱄⱔⰴⰻ ⱀⰰ ⱂⱁⱄⰾⱑⰴⱐⱀ̑ⰹⰻⰿⱐ ⰿⱑⱄⱅⱑ. ⰴⰰ ⰵⰳⰴⰰ ⱂⱃⰻⰴⰵⱅⱏ ⰸⱏⰲⰰⰲⱏⰹ ⱅⱔ. ⱃⰵⱍⰵⱅⱏ ⱅⰻ. ⰴⱃⱆⰶⰵ ⱂⱁⱄⱔⰴⰻ ⰲⱏⰹⱎⰵ. ⱅⱏⰳⰴⰰ ⰱⱘⰴⰵⱅⱏ ⱅⰻ ⱄⰾⰰⰲⰰ. ⱂⱃⱑⰴⱏ ⰲⱄⱑⰿⰻ ⰸⱏⰲⰰⱀⱏⰺⰿⰻ ⱄⱏ ⱅⱁⰱⱁⱙ.
14:11
ⱑⰽⱁ ⰲⱄⱑⰽⱏ ⰲⱏⰸⱀⱁⱄⱔⰺ ⱄⱔ ⱄⱏⰿⱑⱃⰻⱅⱏ ⱄⱔ. ⰺ҅ ⱄⱏⰿⱑⱃⱑⱗⰹ ⱄⱔ. ⰲⱐⰸⱀⰵⱄⰵⱅⱏ ⱄⱔ.
14:12
!Ⰳⰾⰰⰰⱎⰵ ⰶⰵ ⰺ҅ ⰽⱏ ⰸⱏⰲⰰⰲⱏⱎⱓⰿⱆ ⰻ. ⰵⰳⰴⰰ ⱅⰲⱁⱃⰻⱎⰻ ⱁⰱⱑⰴⱏ. ⰾⰻ ⰲⰵⱍⰵⱃ̑ⱙ. ⱀⰵ ⰸⱁⰲⰻ ⰴⱃⱆⰳⱏ ⱅⰲⱁⰺⱈⱏ. ⱀⰻ ⰱⱃⰰⱅⱃⰻⱗ ⱅⰲⱁⱗ. ⱀⰻ ⱃⱁⰶⰴⰵⱀⱐⱑ ⱅⰲⱁⰵⰳⱁ. ⱀⰻ ⱄⱘⱄⱑⰴⱏ ⰱⱁⰳⰰⱅⱏ. ⰵⰴⰰ ⰽⱁⰾⰻ ⰺ҅ ⱅⰻ ⱅⰰⰽⱁⰶⰴⰵ ⰲⱏⰸⰴⰰⰰⱀⱐⰵ
14:13
ⱀⱏ ⰵⰳⰴⰰ ⱅⰲⱁⱃⰻⱎⰻ ⱂⰻⱃⱏ. ⰸⱁⰲⰻ ⱀⰻⱎⱅⱔⱗ. ⰿⰰⰾⱁⰿⱁⱎⱅⰻ. ⱈⱃⱁⰿⱏⰹ. ⱄⰾⱑⱂⱏⰹ.
14:14
ⰺ҅ ⰱⰾⰰⰶⰵⱀⱏ ⰱⱘⰴⰵⱎⰻ. ⱑⰽⱁ ⱀⰵ ⰺⰿⱘⱅⱏ ⱅⰻ ⱍⰵⱄⱁ ⰲⱏⰸⰴⰰⱅⰻ. ⰲⱏⰸⰴⰰⱄⱅⱏ ⰱⱁ ⱅⰻ ⱄⱔ. ⰲⱏ ⰲⱏⱄⰽⱃⱑⱎⰵⱀⱐⰵ ⱂⱃⰰⰲⱐⰴⱏⱀⱏⰹⱈⱏ.
14:15
Ⱄⰾⱏⰹⱎⰰⰲⱏ ⰶⰵ ⰵⱅⰵⱃⱏ. ⱁⱅⱏ ⰲⱏⰸⰾⰵⰶⱔⱎⱅⰻⱈⱏ ⱄⱏ ⱀ̑ⰻⰿⱐ. ⱄⰻ ⱃⰵⱍⰵ ⰵⰿⱆ. Ⰱⰾⰰⰶⰵⱀⱏ ⰺ҅ⰶⰵ. ⱄⱏⱀⱑⱄⱅⱏ ⱈⰾⱑⰱⱏ ⰲⱏ ⱌⱃ҃ⱄⱅⰲⰻⰹ ⰱⰶ҃ⰹⰻ.
14:16
ⱁⱀⱏ ⰶⰵ ⱃⰵⱍⰵ. !Ⱍⰽⱏ ⰵⱅⰵⱃⱏ. ⱄⱏⱅⰲⱁⱃⰻ ⰲⰵⱍⰵⱃⱘ ⰲⰵⰾⱐⱙ. ⰺ҅ ⰲⱏⰸⱏⰲⰰ ⰿⱀⱁⰳⱏⰹ.
14:17
ⰺ҅ ⱂⱁⱄⱏⰾⰰ ⱃⰰⰱⱏⰹ ⱄⰲⱁⱗ ⰲⱏ ⰳⱁⰴⰻⱀⱘ ⰲⰵⱍⰵⱃⱔ. ⱃⰵⱍⰵ ⰸⱏⰲⰰⱀⱏⰺⰿⱏ ⰳⱃⱔⰴⱑⱅⰵ. ⱑⰽⱁ ⱆⰶⰵ ⰳⱁⱅⱁⰲⰰ ⱄⱘⱅⱏ ⰲⱄⱑ.
14:18
ⰺ҅ ⱀⰰⱍⱔⱎⱔ ⰲⱏ ⰽⱆⱂⱑ ⱁⱅⱏⱃⰻⱌⰰⱅⰻ ⱄⱔ ⰲⸯⱄⰻ. ⱂⱃⱏⰲⱏⰹ ⱃⰵⱍⰵ ⰵⰿⱆ. ⱄⰵⰾⱁ ⰽⱆⱂⰻⱈⱏ. ⰺ҅ⰿⰰⰿⱐ ⱀⱘⰶⰴⱘ ⰺ҅ⰸⰻⱅⰻ. ⰺ҅ ⰲⰻⰴⱑⱅⰻ ⰵ ⰿⱁⰾ̑ⱙ ⱅⱔ ⰺ҅ⰿⱑⰺ҅ ⰿⱔ ⱁⱅⱏⱃⰵⱍⰵⱀⰰ.
14:19
ⰺ҅ ⰴⱃⱆⰳⱏⰹ ⱃⰵⱍⰵ ⰵⰿⱆ. ⱄⱘⱂⱃⱘⰳⱏ ⰲⱁⰾⱁⰲⱏⱀⱏⰹⱈⱏ. ⰽⱆⱂⰻⱈⱏ ⱂⱔⱅⱐ. ⰺ҅ ⰳⱃⱔⰴⱘ ⰺ҅ⱄⰽⱆⱄⰻⱅⱏ ⰺ҅ⱈⱏ. ⰿⱁⰾ̑ⱙ ⱅⱔ ⰺ҅ⰿⱑⰺ҅ ⰿⱔ ⱁⱅⱏⱃⰵⰽⱏⱎⰰ ⱄⱔ.
14:20
ⰺ҅ ⰴⱃⱆⰳⱏⰹ ⱃⰵⱍⰵ. ⰶⰵⱀⱘ ⱂⱁⱗⱈⱏ. ⰺ҅ ⱄⰵⰳⱁ ⱃⰰⰴⰻ ⱀⰵ ⰿⱁⰳⱘ ⱂⱃⰻⱅⰻ.
14:21
Ⰺ҅ ⱂⱃⰻⱎⱐⰴⱏ ⱃⰰⰱⱏ ⱂⱁⰲⱑⰴⰰ ⰳⱀ҃ⱆ ⱄⰲⱁⰵⰿⱆ. Ⱅⱁⰳⰴⰰ ⱃⰰⰸⰳⱀⱑⰲⰰⰲⱏ ⱄⱔ ⰳⱀ҃ⱏ ⰴⱁⰿⱆ. ⱃⰵⱍⰵ ⱃⰰⰱⱆ ⱄⰲⱁⰵⰿⱆ. Ⰺ҅ⰸⰻⰴⰻ ⱀⰰ ⱃⰰⱄⱂⱘⱅⱐⱑ ⰺ ⱄⱅⱏⰳⱀⱏⰹ ⰳⱃⰰⰴⰰ. ⰺ҅ ⱀⰻⱎⱅⱔⱗ ⰺ҅ ⰱⱑⰴⱏⱀⱏⰹⱗ. ⰺ҅ ⱈⱃⱁⰿⱏⰹⱗ ⰺ҅ ⱄⰾⱑⱂⱏⰹⱗ ⰲⱏⰲⰵⰴⰻ ⱄⱑⰿⱁ.
14:22
ⰺ҅ ⱃⰵⱍⰵ ⱃⰰⰱⱏ. ⰳ҃ⰻ ⰱⱏⰹ!ⱄ ⰵⰶⰵ ⱂⱁⰲⰵⰾⱑ. ⰺ҅ ⰵ[q]ⰵ ⰿⱑⱄⱅⱁ ⰵⱄⱅⱏ.
14:23
Ⰺ҅ ⱃⰵⱍⰵ ⰳ҃ⱐ ⱃⰰⰱⱆ. ⰺ҅ⰸⰻⰴⰻ ⱀⰰ ⱂⱘⱅⰻ. ⰺ҅ ⱈⰰⰾⱘⰳⱏⰹ. ⰺ҅ ⱆⰱⱑⰴⰻ ⰲⱐⱀⰻⱅⰻ. ⰴⰰ ⱀⰰⱂⰾⱏⱀⰻⱅⱏ ⱄⱔ ⰴⱁⰿⱏ ⰿⱁⰹ.
14:24
ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⱀⰻⰵⰴⰻⱀⱏⰶⰵ ⰿⱘⰶⱐ. ⱅⱑⱈⱏ ⰸⱏⰲⰰⱀⱏⰹⱈⱏ. ⱀⰵ ⰲⱏⰽⱆⱄⰻⱅⱏ ⰿⱁⰵⱗ ⰲⰵⱍⰵⱃⱔ.
14:25
Ⱄⱏ ⱀ̑ⰻⰿⱐ ⰶⰵ ⰺ҅ⰴⱑⰰⱈⱘ ⱀⰰⱃⱁⰴⰻ ⰿⱀⱁⰸⰻ. ⰺ҅ ⱁⰱⱃⰰⱎⱅⱐ ⱄⱔ ⱃⰵⱍⰵ ⰽⱏ ⱀ̑ⰻⰿⱏ.
14:26
ⰰⱎⱅⰵ ⰽⱏⱅⱁ ⰳⱃⱔⰴⰵⱅⱏ ⰽⱏ ⰿⱀⱑ. ⰺ҅ ⱀⰵ ⰲⱏⰸⱀⰵⱀⰰⰲⰻⰴⰻⱅⱏ ⱁⱌ҃ⰰ ⱄⰲⱁⰵⰳⱁ. ⰺ҅ ⰿⰰⱅⰵⱃⰵ. ⰺ҅ ⰶⰵⱀⱏⰹ. ⰺ҅ ⱍⱔⰴⰰ. ⰺ҅ ⰱⱃⰰⱅⱃⰻⱗ ⱀⰻ ⱄⰵⱄⱅⱃⱏ. ⰵⱎⱅⰵ ⰶⰵ ⰺ҅ ⰴⱎ҃ⱔ ⱄⰲⱁⰵⱗ. ⱀⰵ ⰿⱁⰶⰵⱅⱏ ⰿⱁⰹ ⱆⱍⰵⱀⰻⰽⱏ ⰱⱏⰹⱅⰻ.
14:27
ⰺ҅ⰶⰵ ⱀⰵ ⱀⱁⱄⰻⱅⱏ !ⰽⱃⱄⱅⰰ ⱄⰲⱁⰵⰳⱁ. ⰺ҅ ⰲⱏ ⱄⰾⱑⰴⱏ ⰿⰵⱀⰵ ⰺ҅ⰴⰵⱅⱏ. ⱀⰵ ⰿⱁⰶⰵⱅⱏ ⰱⱏⰹⱅⰻ ⰿⱁⰹ ⱆⱍⰵⱀⰻⰽⱏ.
14:28
Ⰽⱏⱅⱁ ⱁⱅⱏ ⰲⰰⱄⱏ ⱈⱁⱅⱔ ⱄⱅⰾⱏⱂⱏ ⱄⱏⰸⱏⰴⰰⱅⰻ. ⱀⰵ ⱂⱃⱑⰶⰴⰵ ⰾⰻ ⱄⱑⰴⱏ. ⱃⰰⱎⱅⱐⱅⰵⱅⱏ ⰴⱁⰲⱁⰾⱏ. ⰰⱎⱅⰵ ⰺ҅ⰿⰰⱅⱏ ⰵⰶⰵ ⰵⱄⱅⱏ ⱀⰰ ⱄⱏⰲⱃⱏⱎⰵⱀⱐⰵ.
14:29
ⰺ҅ ⰴⰰ ⱀⰵ ⰵⰳⰴⰰ ⱂⱁⰾⱁⰶⰻⱅⱏ ⱁⱄⱀⱁⰲⰰⱀⱐⰵ. ⰺ҅ ⱀⰵ ⰿⱁⰶⰵⱅⱏ ⱄⱏⰲⱃⱏⱎⰻⱅⰻ. ⰺ҅ ⰲⱐⱄⰻ ⰲⰻⰴⱔⱎⱅⰵⰹ. ⱀⰰⱍⱐⱀⱘⱅⱏ ⱃⱘⰳⰰⱅⰻ ⱄⱔ ⰵⰿⱆ
14:30
ⰳⰾ҃ⱙⱎⱅⰵ. ⱑⰽⱁ ⱄⱐ ⱍⰽ҃ⱏ ⱀⰰⱍⱔⱅⱏ ⰸⱏⰴⰰⱅⰻ. ⰺ҅ ⱀⰵ ⰿⱁⰶⰵ ⱄⱏⰲⱃⱏⱎⰻⱅⰻ.
14:31
ⰾⰻ ⰽⱏⰹ ⱌⱃ҃ⱐ. ⰺ҅ⰴⱏⰹ ⰽⱏ ⰺ҅ⱀⱁⰿⱆ !ⱌⱃⱓ. ⱄⱏⱀⰻⱅⰻ ⱄⱔ ⱀⰰ ⰱⱃⰰⱀⱐ. ⱀⰵ ⱄⱑⰴⱏ ⰾⰻ ⱂⱃⱑⰶⰴⰵ ⱄⱏⰲⱑⱎⱅⰰⰲⰰⰵⱅⱏ. ⰰⱎⱅⰵ ⱄⰻⰾⱐⱀⱏ ⰵⱄⱅⱏ. ⱄⱏ ⰴⰵⱄⱔⱅⰻⱙ ⱅⱏⰹⱄⱔⱎⱅⱘ ⱄⱏⱃⱑⱄⱅⰻ ⰳⱃⱔⰴⱘⱎⱅⰰⰰⰳⱁ. ⱄⱏ ⰴⱐⰲⱑⰿⰰ !ⰺⰿⰰ ⱅⱏⰹⱄⱘⱎⱅⰰⰿⰰ ⱀⰰ ⱀ̑ⱐ.
14:32
ⰰⱎⱅⰵ ⰾⰻ ⰶⰵ ⱀⰻ. ⰵⱎⱅⰵ ⰴⰰⰾⰵⱍⰵ ⰵⰿⱆ ⱄⱘⱎⱅⱓ. ⰿⱁⰾⰻⱅⰲⱘ ⱂⱁⱄⱏⰾⰰⰲⱏ ⰿⱁⰾⰻⱅⱏ ⱄⱔ ⱁ ⰿⰻⱃⱑ.
14:33
ⱅⰰⰽⱁ ⱆⰱⱁ ⰲⸯⱄⱑⰽⱏ ⰲⰰⱄⱏ. ⰺ҅ⰶⰵ ⱁⱅⱏⱃⰵⱍⰵⱅⱏ ⱄⱔ ⰲⱄⰵⰳⱁ ⱄⰲⱁⰵⰳⱁ ⰺ҅ⰿⱑⱀⱐⱑ. ⱀⰵ ⰿⱁⰶⰵⱅⱏ ⰿⱁⰹ ⰱⱏⰹⱅⰻ ⱆⱍⰵⱀⰻⰽⱏ.
14:34
Ⰴⱁⰱⱃⱁ ⰵⱄⱅⱏ ⱄⱁⰾⱐ. ⰰⱎⱅⰵ ⰶⰵ ⱄⱁⰾⱐ ⱁⰱⱆⱑⰵⱅⱏ. ⱁ ⱍⰵⰿⱐ ⱆⰱⱁ ⱁⱄⱁⰾⰻⱅⱏ ⱄⱔ.
14:35
ⱀⰻ ⰲⱏ ⰸⰵⰿ̑ⰻ ⱀⰻ ⰲⱏ ⰳⱀⱁⰹ. ⱅⱃⱑⰱⱑ ⰵⱄⱅⱏ. ⰲⱏⱀⱏ ⰺ҅ⱄⱏⰹⱂⰰⰵⱅⱏ ⱄⱔ. ⰺ҅ⰿⱑⱗⰹ ⱆⱎⰻ ⱄⰾⱏⰹⱎⰰⱅⰻ. ⰴⰰ ⱄⰾⱏⰹⱎⰻⱅⱏ.