ЕВАНГЕЛИЕ ЕЖЕ Ѿ ЛОУКꙐ
11:1
Ⰺ҅ ⰱⱏⰹⱄⱅⱏ ⱄⱘⱎⱅⱓ ⰵⰿⱆ ⱀⰰ ⰿⱑⱄⱅⱑ ⰵⱅⰵⱃⱑ. ⰿⱁⰾⱔⱎⱅⱆ ⱄⱔ. ⰺ҅ ⱑⰽⱁ ⱂⱃⱑⱄⱅⰰ. ⱃⰵⱍⰵ ⰵⱅⰵⱃⱏ ⱁⱅⱏ ⱆⱍⰵⱀⰻⰽⱏ ⰵⰳⱁ ⰽⱏ ⱀ̑ⰵⰿⱆ. ⰳ҃ⰻ. ⱀⰰⱆⱍⰻ ⱀⱏⰹ ⰿⱁⰾⰻⱅⰻ ⱄⱔ. ⱑⰽⱁⰶⰵ ⰺ҅ⱁⰰⱀⱏ. ⱀⰰⱆⱍⰻ ⱆⱍⰵⱀⰻⰽⱏⰹ ⱄⰲⱁⱗ.
11:2
ⱃⰵⱍⰵ ⰶⰵ ⰺ҅ⰿⱏ. ⰵⰳⰴⰰ ⰿⱁⰾⰻⱅⰵ ⱄⱔ ⰳⰾ҃ⰻⱅⰵ. !Ⱉⱍⰵ ⱀⰰⱎⱐ. ⰺ҅ⰶⰵ ⰵⱄⰻ ⱀⰰ !ⱀⱄⰵⱈⱏ. ⰴⰰ ⱄⱅ҃ⰻⱅⱏ ⱄⱔ ⰺ҅ⰿⱔ ⱅⰲⱁⰵ. ⰴⰰ ⱂⱃⰻⰴⰵⱅⱏ ⱌⱃ҃ⱄⰻⰵ ⱅⰲⱁⰵ. ⰴⰰ ⰱⱘⰴⰵⱅⱏ ⰲⱁⰾ̑ⱑ ⱅⰲⱁⱑ. ⱑⰽⱁ ⱀⰰ !ⱀⱄⰵ. ⰺ҅ ⱀⰰ ⰸⰵⰿⰻ.
11:3
ⱈⰾⱑⰱⱏ ⱀⰰⱎⱐ ⱀⰰⰴⱐⱀⰵⰲⱏⱀⱏⰹ. ⰴⰰⰹ ⱀⰰⰿⱏ ⱀⰰ ⰲⱄⱑⰽⱏ ⰴⸯⱀⱐ.
11:4
ⰺ҅ ⱁⱄⱅⰰⰲⰻ ⱀⰰⰿⱏ ⰳⱃⱑⱈⱏⰹ ⱀⰰⱎⱔ. ⰺ҅ⰱⱁ ⰺ҅ ⱄⰰⰿⰻ ⱁⱄⱅⰰⰲⰾ̑ⱑⰵⰿⱏ. ⰲⱄⱑⰽⱁⰿⱆ ⰴⰾⱏⰶⱐⱀⰻⰽⱆ ⱀⰰⱎⰵⰿⱆ. ⰺ҅ ⱀⰵ ⰲⱏⰲⰵⰴⰻ ⱀⰰⱄⱏ ⰲⱏ ⰺⱄⰽⱆⱎⰵⱀⱐⰵ. ⱀⱏ ⰺ҅ⰸⰱⰰⰲⰻ ⱀⱏⰹ ⱁⱅⱏ ⱀⰵⱂⱃⰻⱑⰸⱀⰻ.
11:5
Ⰺ҅ ⱃⰵⱍⰵ ⰽⱏ ⱀ̑ⰻⰿⱏ. ⰽⱏⱅⱁ ⱁⱅⱏ ⰲⰰⱄⱏ ⰺ҅ⰿⰰⱅⱏ ⰴⱃⱆⰳⱏ. ⰺ҅ ⰻⰴⰵⱅⱏ ⰽⱏ ⱀ̑ⰵⰿⱆ ⱂⱁⰾⱆ ⱀⱁⱎⱅⰻ. ⰺ҅ ⱃⰵⱍⰵⱅⱏ ⰵⰿⱆ ⰴⱃⱆⰶⰵ. ⰴⰰⰶⰴⱐ ⰿⰻ ⰲⱏ ⰸⰰⰵⰿⱏ ⱅⱃⰻ ⱈⰾⱑⰱⱏⰹ.
11:6
ⰺ҅ⰶⰴⰵ ⰽⱏ ⰿⸯⱀⱑ. ⰴⱃⱆⰳⱏ ⰿⰻ. ⱂⱃⰻⰴⰵ ⱄⱏ ⱂⱘⱅⰻ ⰺ҅ ⱀⰵ ⰺ҅ⰿⰰⰿⱏ ⱍⱐⱄⱁ ⱂⱁⰾⱁⰶⰻⱅⰻ ⱂⱃⱑⰴⱏ ⱀ̑ⰻⰿⱐ.
11:7
ⰺ҅ ⱅⱏ ⰺ҅ⰸⱘⱅⱃⱐⱘⰴⱆ ⱁⱅⱐⰲⱑⱎⱅⰰⰲⱏ ⱃⰵⱍⰵⱅⱏ. ⱀⰵ ⱅⰲⱁⱃⰻ ⰿⰻ ⱅⱃⱆⰴⰰ. ⱓⰶⰵ ⰴⰲⱐⱃⰻ ⰸⰰⱅⰲⱁⱃⰵⱀⱏⰹ ⱄⱘⱅⱏ. ⰺ҅ ⰴⱑⱅⰻ ⰿⱁⱗ ⱄⱏ ⰿⱏⱀⱁⱙ ⱀⰰ ⰾⱁⰶⰻ ⱄⱘⱅⱏ. ⱀⰵ ⰿⱁⰳⱘ ⰲⱏⱄⱅⰰⱅⰻ ⰴⰰⱅⱏ ⱅⰵⰱⱑ.
11:8
ⰳⰾ҃ⱙ ⰲⰰⰿⱏ. ⰰⱎⱅⰵ ⱀⰵ ⰴⰰⱄⱅⱏ ⰵⰿⱆ ⰲⱏⱄⱅⰰⰲⱏ. ⰸⰰⱀ̑ⰵ ⰵⱄⱅⱏ ⰴⱃⱆⰳⱏ ⰵⰿⱆ. ⱀⱏ ⰸⰰ ⰱⰵⰸⱁⱍⱐⱄⱅⰲⱁ ⰵⰳⱁ. ⰲⱏⱄⱅⰰⰲⱏ ⰴⰰⱄⱅⱏ ⰵⰿⱆ. ⰵⰾⰻⰽⱁ ⱅⱃⱑⰱⱆⰵⱅⱏ.
11:9
ⰺ҅ ⰰⰸⱏ ⰳⰾ҃ⱙ ⰲⰰⰿⱏ. ⱂⱃⱁⱄⰻⱅⰵ ⰺ҅ ⰴⰰⱄⱅⱏ ⱄⱔ ⰲⰰⰿⱏ. ⰺ҅ⱎⱅⰰⱅⰵ ⰺ҅ ⱁⰱⱃⱔⱎⱅⰵⱅⰵ. ⱅⰾⱏⱌⱑⱅⰵ ⰺ҅ ⱁⱅⰲⱃⱏⰸⰵⱅⱏ ⱄⱔ ⰲⰰⰿⱏ.
11:10
ⰲⸯⱄⱑⰽⱏ ⰱⱁ ⱂⱃⱁⱄⱔⰹ ⱂⱃⰻⰵⰿⰾ̑ⰵⱅⱏ. ⰺ҅ ⰻⱎⱅⱔⰹ ⱁⰱⱃⱑⱅⰰⰵⱅⱏ. ⰺ҅ ⱅⰾⱏⰽⱘⱎⱅⱓⰿⱆ ⱁⱅⰲⱃⱏⰸⰵⱅⱏ ⱄⱔ.
11:11
ⰽⱁⱅⱁⱃⰰⰰⰳⱁ ⰶⰵ ⱁⱅⱏ ⰲⰰⱄⱏ ⱁⱌ҃ⰰ. ⰲⱏⱄⱂⱃⱁⱄⰻⱅⱏ ⱄⱀ҃ⱏ ⱅⰲⱁⰹ ⱈⰾⱑⰱⰰ. ⰵⰴⰰ ⰽⰰⰿⰵⱀⱐ ⱂⱁⰴⰰⱄⱅⱏ ⰵⰿⱆ. ⰾⰻ ⱃⱏⰹⰱⱏⰹ. ⰵⰴⰰ ⰲⱏ ⱃⱏⰹⰱⱏⰹ ⰿⱑⱄⱅⱁ ⰸⰿⰻⱙ ⱂⱁⰴⰰⱄⱅⱏ ⰵⰿⱆ.
11:12
ⰺⰾⰻ ⰰⱎⱅⰵ ⱂⱃⱁⱄⰻⱅⱏ ⰰⰹⱌⰰ. ⰵⰴⰰ ⱂⱁⰴⰰⱄⱅⱏ ⰵⰿⱆ ⱄⰽⱁⱃⱏⱂⰻⰹ.
11:13
ⰰⱎⱅⰵ ⱆⰱⱁ ⰲⱏⰹ ⰸⱐⰾⰻ ⱄⱘⱎⱅⰵ. ⱆⰿⱑⰵⱅⰵ. ⰴⰰⰰⱀⱐⱑ ⰱⰾⰰⰳⰰⰰ ⰴⰰⰰⱅⰻ ⱍⱔⰴⱁⰿⱏ ⰲⰰⱎⰻⰿⱏ. ⰽⱁⰾⱐⰿⰻ ⱂⰰⱍⰵ ⱁⱌ҃ⱐ ⰲⰰⱎⱐ. ⱄⱏ ⱀⰵⰱ҃ⱄⰵ ⰴⰰⱄⱅⱏ ⰴⱈ҃ⱏ ⰱⰾⰰⰳⱏ. ⱂⱃⱁⱄⱔⱎⱅⰻⰹⰿⱏ ⱆ ⱀ̑ⰵⰳⱁ.
11:14
Ⰺ҅ ⰱⱑ ⰺⰸⰳⱁⱀⱔ ⰱⱑⱄⱏⰹ. ⰺ҅ ⱅⱆ ⰱⱑ ⱀⱑⰿⱏ. ⰱⱏⰹ!ⱄ ⰶⰵ ⰱⱑⱄⱆ ⰺ҅ⰸⰳⱏⱀⰰⱀⱆ. !ⱂⱃⱁⰳⰾⰰ ⱀⱑⰿⱏⰹ. ⰺ҅ ⰴⰻⰲⰾ̑ⱑⰰⱈⱘ ⱄⱔ ⱀⰰⱃⱁⰴⰻ.
11:15
ⰵⱅⰵⱃⰻⰹ ⰶⰵ ⱁⱅⱏ ⱀ̑ⰻⱈⱏ ⱃⱑⱎⱔ. ⱁ ⰲⰵⰾⱐⰸⱑⱆⰾⱑ ⰽⱏⱀⱔⰸⰻ ⰱⱑⱄⱏ. ⰺ҅ⰸⰳⱁⱀⰻⱅⱏ ⰱⱑⱄⱏⰹ.
11:16
ⰴⱃⱆⰸⰻⰹ ⰶⰵ ⰺ҅ⱄⰽⱆⱎⰰⱙⱎⱅⰵ ⰹ ⰸⱀⰰⰿⰵⱀⱐⱑ. ⰺ҅ⱄⰽⰰⰰⱈⱘ ⱄⱏ ⱀⰵⰱ҃ⱄⰵ.
11:17
ⱁⱀⱏ ⰶⰵ ⰲⱑⰴⱏⰹ ⰻⱈⱏ ⱂⱁⰿⱏⰹⱎⰾⰵⱀⱐⱑ. ⱃⰵⱍⰵ ⰺ҅ⰿⱏ. ⰲⱄⱑⰽⱁ ⱌⱃ҃ⱄⰻⰵ. ⱃⰰⰸⰴⱑⰾ̑ⱑⱗ ⱄⱔ ⱄⰰⰿⱁ ⰲⱐ ⱄⰵⰱⱑ ⰸⰰⱂⱆⱄⱅⱑⰵⱅⱏ. ⰺ҅ ⰴⱁⰿⱏ ⱀⰰ ⰴⱁⰿⱏ ⱂⰰⰴⰰⰵⱅⱏ.
11:18
ⰰⱎⱅⰵ ⰶⰵ ⰺ҅ ⱄⱁⱅⱁⱀⰰ ⱄⰰⰿⱏ ⰲⱐ ⱄⰵⰱⱑ ⱃⰰⰸⰴⱑⰾⰻ ⱄⱔ. ⰽⰰⰽⱁ ⱄⱅⰰⱀⰵⱅⱏ ⱌⱃ҃ⱄⱐⰵ ⰵⰳⱁ. ⱑⰽⱁ ⰳⰾ҃ⰵⱅⰵ. ⱁ ⰲⰵⰾⱐⰸⱑⰲⱁⰾⱑ ⰺ҅ⰸⰳⱁⱀ[ⱔqⱏ ⰿⱔ] ⰱⱑⱄⱏⰹ.
11:19
ⰰⱎⱅⰵ ⰶⰵ ⰰⰸⱏ ⱁ ⰲⰵⰾⱐⰸⱑⰲⱁⰾⱑ ⰺ҅ⰸⰳⱁⱀ̑ⱙ ⰱⱑⱄⱏⰹ. ⱆⰱⱁ ⱂⱁⱄⱅⰻⰶⰵ ⱀⰰ ⰲⰰⱄⱏ ⱌⱃ҃ⱄⱐⰵ ⰱⰶ҃ⱐⰵ.
11:21
ⰵⰳⰴⰰ ⰽⱃⱑⱂⱏⰽⱏⰹ ⰲⱏⱁⱃⱘⰶⱐ ⱄⱔ ⱈⱃⰰⱀⰻⱅⱏ. ⱄⰲⱁⰹ ⰴⰲⱁⱃⱏ. ⰲⱏ ⰿⰻⱃⱑ ⱄⱘⱅⱏ ⰺ҅ⰿⱑⱀⱐⱑ ⰵⰳⱁ.
11:22
ⰰ ⱂⱁⱀ̑ⰵⰶⰵ ⰽⱃⱑⱂⰾ̑ⰻⰹ ⰵⰳⱁ ⱀⰰⱎⱐⰴⱏ ⱂⱁⰱⱑⰴⰻⱅⱏ ⰹ. ⰲⱐⱄⱑ ⱁⱃⱘⰶⱐⱑ ⰵⰳⱁ ⱁⱅⱏⰿⰵⱅⱏ. ⱀⰰ ⱀ̑ⰵⰶⰵ ⱆⱂⱏⰲⰰⰰⱎⰵ. ⰺ҅ ⰽⱁⱃⰻⱄⱅⱐ ⰵⰳⱁ ⱃⰰⰸⰴⰰⰵⱅⱏ.
11:23
ⰺ҅ⰶⰵ ⱀⱑⱄⱅⱏ ⱄⱏ ⰿⱀⱁⱙ ⱀⰰ ⰿⱔ ⰵⱄⱅⱏ. ⰺ҅ ⰻⰶⰵ ⱀⰵ ⱄⱏⰱⰻⱃⰰⰵⱅⱏ ⱄⱏ ⰿⱏⱀⱁⱙ ⱃⰰⱄⱅⰰⱍⰰⱙⱅⱏ.
11:24
Ⰵⰳⰴⰰ ⱀⰵⱍⰻⱄⱅⱏⰹ ⰴⱈ҃ⱏ. ⰺ҅ⰸⰻⰴⰵⱅⱏ ⱁⱅⱏ ⱍⰽ҃ⰰ. ⱂⱃⱑⱈⱁⰴⰻⱅⱏ ⱄⰽⰲⱁⰸⱑ ⰱⰵⰸⰴⱏⱀⰰⰰ ⰿⱑⱄⱅⰰ. ⰺ҅ⱎⱅⱔ ⱂⱁⰽⱁⱑ. ⰺ҅ ⱀⰵ ⱁⰱⱃⱑⱅⰰⱗ ⰳⰾ҃ⰵⱅⱏ. ⰲⱏⰸⰲⱃⰰⱎⱅⱘ ⱄⱔ ⰲⱏ ⰴⱁⰿⱏ ⰿⱁⰹ. ⱁⱅⱏⱀ̑ⱙⰴⱆⰶⰵ ⰺ҅ⰸⰻⰴⱏ.
11:25
ⰺ ⱂⱃⰻⱎⱐⰴⱏ ⱁⰱⱃⱑⱅⰰⰵⱅⱏ. ⱂⱁⰿⰵⱅⰵⱀⱏ. ⱆⰽⱃⰰⱎⰵⱀⱏ.
11:26
ⱅⱏⰳⰴⰰ ⰺ҅ⰴⰵⱅⱏ. ⰺ҅ ⱂⱁⰺ҅ⰿⰵⱅⱏ ⰴⱃⱆⰳⱏⰹⱈⱏ ⰳⱁⱃⱐⱎⱐ ⱄⰵⰱⰵ ⱄⰵⰴⰿⱐ. ⰺ҅ ⰲⱏⱎⱐⰴⱏⱎⰵ ⰶⰻⰲⱘⱅⱏ ⱅⱆ. ⰺ҅ ⰱⱏⰹⰲⰰⱙⱅⱏ ⱂⱁⱄⰾⱑⰴⱐⱀ̑ⱑⰰ ⱍⰽ҃ⱆ ⱅⱁⰿⱆ. ⰳⱁⱃⱐⱎⰻ ⱂⱃⱏⰲⱏⰹⱈⱏ.
11:27
Ⰱⱏⰹ!ⱄ ⰶⰵ ⰵⰳⰴⰰ ⰳⰾ҃ⰰⰰⱎⰵ ⱄⰵ. ⰲⱏⰸⰴⰲⰻⰳⱏⱎⰻ ⰳⰾⰰⱄⱏ ⰵⱅⰵⱃⰰ ⰶⰵⱀⰰ. ⱁⱅⱏ ⱀⰰⱃⱁⰴⰰ. ⱃⰵⱍⰵ ⰵⰿⱆ. ⰱⰾⰰⰶⰵⱀⱁ ⱍⱃⱑⰲⱁ ⱀⱁⱎⱐⱎⰵⰵ ⱅⱔ. ⰺ҅ ⱄⱏⱄⱐⱌⰰ ⱑⰶⰵ ⰵⱄⰻ ⱄⱏⱄⰰⰾⱏ.
11:28
ⱁⱀⱏ ⰶⰵ ⱃⰵⱍⰵ. ⱅⱑⰿⱐ ⰶⰵ ⱆⰱⱁ ⰱⰾⰰⰶⰵⱀⰹⰻ. ⱄⰾⱏⰹⱎⱔⱎⱅⰵⰹ ⱄⰾⱁⰲⱁ ⰱⰶ҃ⱐⰵ. ⰺ҅ ⱈⱃⰰⱀⱔⱎⱅⰵ ⰵ. !ⰽⱁ!ⱌ.
11:29
Ⱀⰰⱃⱁⰴⱁⰿⱏ ⰶⰵ ⱄⱏⰱⰻⱃⰰⱙⱎⱅⰵⰿⱏ ⱄⱔ. ⱀⰰⱍⱔⱅⱏ ⰳⰾ҃ⰰⱅⰻ. ⱃⱁⰴⱁⱄⱐ. ⱃⱁⰴⱏ ⰾⱘⰽⰰⰲⱏ ⰵⱄⱅⱏ. ⰺ҅ ⰸⱀⰰⰿⰵⱀⱐⱑ ⰺ҅ⱎⱅⰵⱅⱏ. ⰺ҅ ⰸⱀⰰⰿⰵⱀⱐⰵ ⱀⰵ ⰴⰰⱄⱅⱏ ⱄⱔ ⰵⰿⱆ. ⱅⱏⰽⰿⱁ. ⰸⱀⰰⰿⰵⱀⱐⰵ ⰺ҅ⱁⱀⱏⰹ !ⱂⱃⱁ!ⱃⰽⰰ.
11:30
ⱑⰽⱁⰶⰵ ⰱⱁ ⰱⱏⰹ!ⱄ ⰺ҅ⱁⱀⰰ. ⰸⱀⰰⰿⰵⱀⰻⰵ ⱀⰻⱀⰵⰲⱐⰼⰻⱅⱁⰿⱏ. ⱅⰰⰽⱁ ⰱⱘⰴⰵⱅⱏ ⱄⱀ҃ⱏ ⱍⱄ҃ⰽⱏⰹ ⱃⱁⰴⱆ ⱄⰵⰿⱆ.
11:31
ⱌⱑⱄⰰⱃⰻⱌⰰ ⱓⰶⱐⱄⰽⰰ. ⰲⱏⱄⱅⰰⱀⰵⱅⱏ ⱀⰰ ⱄⱘⰴⱏ. ⱄⱏ ⰿⱘⰶⰻ ⱃⱁⰴⰰ ⱄⰵⰳⱁ. ⰺ҅ ⱁⱄⱘⰴⱔⱅⱏ ⱗ. ⱑⰽⱁ ⱂⱃⰻⰴⰵ ⱁⱅⱏ ⰽⱁⱀⱐⱌⰰ ⰸⰵⰿⰾ̑ⱔ. ⱄⰾⱏⰹⱎⰰⱅⱏ ⱂⱃⱑⰿⱘⰴⱃⱁⱄⱅⰻ ⱄⱁⰾⱁⰿⱆⱀ̑ⱔ. ⰺ҅ ⱄⰵ ⰿⱀⱁⰶⰰⰵ ⱄⱐⰴⰵ. ⱄⱁⰾⱁⰿⱆⱀⰰ.
11:32
ⰿⱘⰶⰻ ⱀⰹⱀⰵⰲⱐⰼⰻⱅⱐⱄⱌⰻ. ⰲⱏⱄⰽⱃⱏⱄⱀⱘⱅⱏ. ⱀⰰ ⱄⱘⰴⱏ ⱄⱏ ⱃⱁⰴⱁⰿⱐ ⱄⰻⰿⱐ. ⰺ҅ ⱁⱄⱘⰴⱔⱅⱏ ⰹ. ⱑⰽⱁ ⱂⱁⰽⰰⰰⱎⱔ ⱄⱔ ⰲⱏ ⱂⱃⱁⱂⱁⰲⱑⰴⱐ. ⰺ҅ⱁⱀⰻⱀⱘ. ⰺ҅ ⱄⰵ ⰿⱏⱀⱁⰶⰰⰵ ⱄⱐⰴⰵ ⰺ҅ⱁⱀⱏⰹ.
11:33
Ⱀⰻⰽⱏⱅⱁⰶⰵ ⱄⰲⱑⱅⰻⰾⱐⱀⰻⰽⰰ ⰲⱐⰶⰵⰳⱏ. ⰲⱏ ⰽⱃⱁⰲⱑ ⱂⱁⰾⰰⰳⰰⰵⱅⱏ. ⱀⰻ ⱂⱁⰴⱏ ⱄⱂⱘⰴⱁⰿⱐ. ⱀⱏ ⱀⰰ ⱄⰲⱑⱎⱅⱐⱀⰻⱌⱑ. ⰴⰰ ⰲⱏⱈⱁⰴⱔⱎⱅⰵⰹ ⰲⰻⰴⱔⱅⱏ ⱄⰲⱑⱅⱏ.
11:34
Ⱄⰲⱑⱅⰻⰾⱐⱀⰻⰽⱏ ⱅⱑⰾⱆ ⰵⱄⱅⱏ ⱁⰽⱁ ⱅⰲⱁⰵ. ⰵⰳⰴⰰ ⱆⰱⱁ ⱁⰽⱁ ⱅⰲⱁⰵ ⱂⱃⱁⱄⱅⱁ ⰱⱘⰴⰵⱅⱏ. ⰺ҅ ⰲⱐⱄⰵ ⱅⱑⰾⱁ ⱅⰲⱁⰵ ⱂⱃⱁⱄⱅⱁ ⰱⱘⰴⰵⱅⱏ. ⰰ ⱂⱁⱀ̑ⰵⰶⰵ ⰾⱘⰽⰰⰲⱁ ⰱⱘⰴⰵⱅⱏ. ⰺ҅ ⱅⱑⰾⱁ ⱅⰲⱁⰵ ⱅⱐⰿⱐⱀⱁ ⰱⱘⰴⰵⱅⱏ.
11:35
ⰱⰾ̑ⱓⰴⰻ ⱆⰱⱁ. ⰵⰴⰰ ⱄⰲⱑⱅⱏ ⰺ҅ⰶⰵ [̆ⰵⱄⱅⱏ] ⰲⱐ ⱅⰵⰱⱑ. ⱅⱏⰿⰰ ⰵⱄⱅⱏ.
11:36
ⰰⱎⱅⰵ ⱆⰱⱁ ⱅⱑⰾⱁ ⱅⰲⱁⰵ ⱄⰲⱑⱅⱏⰾⱁ ⰱⱘⰴⰵⱅⱏ. ⱀⰵ ⰺ҅ⰿⱏⰹ ⱍⱔⱄⱅⰻ ⰵⱅⰵⱃⱏⰹ ⱅⱐⰿⱏⱀⱏⰹ. ⰱⱘⰴⰵⱅⱏ ⱄⰲⱑⱅⱏⰾⱁ ⰲⸯⱄⰵ. ⱑⰽⱁ ⱄⰵ ⰵⰳⰴⰰ ⱄⰲⱑⱅⰻⰾⱐⱀⰻⰽⱏ. ⰱⰾⰻⱄⱌⰰⱀⱐⰵⰿⱐ ⱂⱃⱁⱄⰲⱑⱎⱅⰰⰵⱅⱏ ⱄⱔ.
11:37
*̆ⰵⰳⰴⰰ ⰶⰵ ⰳⰾ҃ⰰⰰⱎⰵ. ⰿⱁⰾ̑ⱑⰰⱎⰵ ⰹ ⱇⰰⱃⰻⱄⱑⰹ ⰵⱅⰵⱃⱏ. ⰴⰰ ⱁⰱⱑⰴⱆⰵⱅⱏ ⱆ ⱀ̑ⰵⰳⱁ. ⰲⱐⱎⱐⰴⱏ ⰶⰵ ⰲⱐⰸⰾⰵⰶⰵ.
11:38
ⱇⰰⱃⰻⱄⱑⰹ ⰶⰵ ⰲⰻⰴⱑⰲⱏ ⰴⰻⰲⰻ ⱄⱔ. ⱑⰽⱁ ⱀⰵ ⱂⱃⱑⰶⰴⰵ ⰽⱃⱐⱄⱅⰻ ⱄⱔ ⱂⱃⱏⰲⱑⰵ ⱁⰱⱑⰴⰰ.
11:39
Ⱃⰵⱍⰵ ⰶⰵ ⰻⱄ҃. ⰽⱏ ⱀ̑ⰵⰿⱆ. ⱀⱏⰹⱀ̑ⱑ ⰲⱏⰹ ⱇⰰⱃⰻⱄⱑⰻ. ⰲⱐⱀⱑⱎⱐⱀ̑ⱔⱗ ⱄⱅⱐⰽⰾⱑⱀⰻⱌⱔ. ⰺ҅ ⰱⰾ̑ⱓⰴⱁⰿⱏ ⱁⱍⰻⱎⱅⰰⰵⱅⰵ. ⰰ ⰲⱏⱀⱘⱅⱃⱐⱀ̑ⱑⰰ ⰲⰰⱎⰰ ⱂⰾⱏⱀⰰ ⱄⱘⱅⱏ. ⱈⱏⰹⱎⱅⰵⱀⱐⱑ ⰺ҅ ⰸⱏⰾⱁⰱⱏⰹ.
11:40
ⰱⰵⰸⱆⰿⱐⱀⰻ. ⱀⰵ ⰺⰶⰵ ⰾⰻ ⰵⱄⱅⱏ. ⱄⱏⱅⰲⱁⱃⰻⰾⱏ ⰲⱐⱀⱑⱎⱐⱀ̑ⰵⰵ. ⰺ҅ ⰲⱏⱀⱘⱅⱃⱐⱀ̑ⰵⰵ ⱄⱏⱅⰲⱁⱃⰻⰾⱏ.
11:41
Ⱉⰱⰰⱍⰵ ⱄⱘⱎⱅⰰⰰ ⰴⰰⰴⰻⱅⰵ ⰿⰻⰾⱁⱄⱅⱏⰹⱀ̑ⱙ. ⰺ҅ ⰲⱄⰰ ⱍⰻⱄⱅⰰ ⰲⰰⰿⱏ ⱄⱘⱅⱏ.
11:42
Ⱀⱏ ⰳⱁⱃⰵ ⰲⰰⰿⱏ. ⱇⰰⱃⰻⱄⱑⱁⰿⱏ. ⱑⰽⱁ ⰴⰵⱄⱔⱅⰻⱀⱘ ⰴⰰⰵⱅⰵ ⱁⱅⱏ ⰿⱔⱅⱏⰹ. ⰺ҅ ⱂⰻⰳⰰⱀⱏ. ⰺ҅ ⰲⱐⱄⱑⰽⱁⰳⱁ ⰸⰵⰾⱐⱑ. ⰺ҅ ⰿⰻⰿⱁⱈⱁⰴⰻⱅⰵ ⱄⱘⰴⱏ. ⰺ҅ ⰾ̑ⱓⰱⱁⰲⱐ ⰱⰶ҃ⰻⱙ. ⱄⰻ ⰶⰵ ⱂⱁⰴⱁⰱⰰⰰⱎⰵ ⱄⱏⱅⰲⱁⱃⰻⱅⰻ. ⰺ҅ ⱁⱀⱑⱈⱏ ⱀⰵ ⱁⱄⱅⰰⰲⰾ̑ⱑⱅⰻ.
11:43
Ⰳⱁⱃⰵ ⰲⰰⰿⱏ ⱇⰰⱃⰻⱄⱑⱁⰿⱏ. ⱑⰽⱁ ⰾ̑ⱓⰱⰻⱅⰵ ⱂⱃⱑⰴⱏⱄⱑⰴⰰⱀⱐⰵ. ⱀⰰ ⱄⱏⱀⱏⰿⰻⱎⱅⰻⱈⱏ. ⰺ҅ ⱌⱑⰾⱁⰲⰰⱀⱐⱑ ⱀⰰ ⱅⱃⱏⰶⰻⱎⱅⰻⱈⱏ.
11:44
Ⰳⱁⱃⰵ ⰲⰰⰿⱏ ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰹ. ⰺ҅ ⰾⰻⱌⰵⰿⱑⱃⰻ. ⰺ҅ⰶⰴⰵ ⰵⱄⱅⰵ ⰰⰽⱁ ⰺ҅ ⰳⱃⱁⰱⰻ ⱀⰵⰲⱑⰴⱁⰿⰻ. ⰺ҅ ⱍⱌ҃ⰻ ⱈⱁⰴⱔⱎⱅⰵⰹ ⰲⱃⱏⱈⱆ ⱀⰵ ⰲⰻⰴⱔⱅⱏ.
11:45
Ⱉⱅⱏⰲⱑⱎⱅⰰⰲⱏ ⰶⰵ ⰵⱅⰵⱃⱏ ⱁⱅⱏ ⰸⰰⰽⱁⱀⱐⱀⰻⰽⱏ. ⰳⰾ҃ⰰ ⰵⰿⱆ. ⱆⱍⰻⱅⰵⰾ̑ⱓ. ⱄⰵ ⰳⰾ҃ⱔ ⰺ҅ ⱀⰰⰿⱏ ⰴⱁⱄⰰⰶⰴⰰⰵⱎⰻ.
11:46
ⱁⱀⱏ ⰶⰵ ⱃⰵⱍⰵ. ⰺ҅ ⰲⰰⰿⱏ ⰸⰰⰽⱁⱀⸯⱀⰻⰽⱁⰿⱏ ⰳⱁⱃⰵ. ⱑⰽⱁ ⱀⰰⰽⰾⰰⰴⰰⰵⱅⰵ ⱀⰰ ⱍⰽ҃ⱏⰹ ⰱⱃⱑⰿⰵⱀⰰ. ⱀⰵⱆⰴⱁⰱⱐ ⱀⱁⱄⰻⰿⰰ. ⰰ ⱄⰰⰿⰻ ⱀⰻⰵⰴⰻⱀⱑⰿⱐⰶⰵ ⱂⱃⱏⱄⱅⱁⰿⱐ ⰲⰰⱎⰻⰿⱐ. ⱂⱃⰻⰽⰰⱄⰰⰵⱅⰵ ⱄⱔ ⰱⱃⱑⰿⰵⱀⰵⱈⱏ.
11:47
Ⰳⱁⱃⰵ ⰲⰰⰿⱏ ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰹ. ⰺ҅ ⱛⱂⱁⰽⱃⰻⱅⰻ. ⱑⰽⱁ ⰸⰻⰶⰴⰵⱅⰵ ⰳⱃⱁⰱⱏⰹ ⱂⱃⱁⱃⱁⰽⱏ. !ⱁⱌⰻ ⰶⰵ ⰲⰰⱎⰻ ⰺ҅ⰸⰱⰻⱎⱔ ⱗ.
11:48
ⰺ҅ⰱⱁ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⰵ. ⰺ҅ ⰲⱁⰾ̑ⱙ ⰺⰿⰰⱅⰵ. ⱄⱏ ⰴⱑⰾⱏⰹ ⱁⱌ҃ⱐ ⰲⰰⱎⰻⱈⱏ. ⱑⰽⱁ ⱅⰻ ⱆⰱⱁ ⰺ҅ⰸⰱⰻⱎⱔ ⱗ. ⰲⱏⰹ ⰶⰵ ⰸⰻⰶⰴⰵⱅⰵ ⰺ҅ⱈⱏ ⰳⱃⱁⰱⱏⰹ.
11:49
Ⱄⰵⰳⱁ ⱃⰰⰴⰻ ⰺ҅ ⱂⱃⱑⰿⱘⰴⱃⱁⱄⱅⱐ ⰱⰶ҃ⰻⱑ ⱃⰵⱍⰵ. ⱂⱁⱄⱏⰾ̑ⱙ ⰲⱐ ⱀ̑ⱔ ⱂⱃⱁⱃⱁⰽⱏⰹ ⰺ҅ ⰰⱂ҃ⱁⰾⱏⰹ. ⰺ҅ ⱁⱅⱏ ⱀⰻⱈⱏ ⱆⰱⱐⱙⱅⱏ. ⰺ҅ⰶⰴⰵⱀⱘⱅⱏ.
11:50
ⰴⰰ ⰿⱐⱄⱅⰻⱅⱏ ⱄⱔ. ⰽⱃⱏⰲⱐ ⰲⱐⱄⱑⱈⱏ ⱂⱃⱁⱃⱁⰽⱏ. ⱂⱃⱁⰾⰻⰲⰰⰵⰿⰰⱑ ⱁⱅⱏ ⱄⱏⰾⱁⰶⰵⱀⱐⱑ ⰲⱐⱄⰵⰳⱁ ⰿⰻⱃⰰ. ⱁⱅⱏ ⱃⱁⰴⰰ ⱄⰵⰳⱁ.
11:51
ⱁⱅⱏ ⰽⱃⱏⰲⰵ ⰰⰲⰵⰾ̑ⱑ ⱂⱃⰰⰲⱐⰴⱏⱀⰰⰰⰳⱁ. ⰴⱁ ⰽⱃⱏⰲⰵ ⰸⰰⱈⰰⱃⰻⱗ. ⱂⱁⰳⱏⰹⰱⱏⱎⰰⰰⰳⱁ ⰿⰵⰶⰴⱓ ⱁⰾⸯⱅⰰⱃⰵⰿⱐ. ⰺ҅ ⱈⱃⰰⰿⱁⰿⱐ. ⰵⰹ ⰳⰾ̑ⱙ ⰲⰰⰿⱏ. ⰲⱐⰸⰻⱎⱅⰵⱅⱏ ⱄⱔ ⱁⱅⱏ ⱃⱁⰴⰰ ⱄⰵⰳⱁ.
11:52
Ⰳⱁⱃⰵ ⰲⰰⰿⱏ ⰸⰰⰽⱁⱀⱐⱀⰻⰽⱁⰿⱏ. ⱑⰽⱁ ⰲⱐⰸⱔⱄⱅⰵ ⰽⰾⱓⱍⱐ ⱃⰰⰸⱆⰿⱑⱀⱐⱓ. ⱄⰰⰿⰻ ⰲⱐⱀⰻⰴⱁⱄⱅⰵ. ⰺ҅ ⰲⱏⱈⱁⰴⱔⱎⱅⰻⰹⰿⱏ ⰲⱏⰸⰱⱃⰰⱀⰻⱄⱅⰵ.
11:53
!Ⰳⰾⱙⱎⱅⱓ ⰶⰵ ⰵⰿⱆ ⰽⱏ ⱀ̑ⰻⰿⱏ ⱄⰻⱌⰵ. ⱀⰰⱍⱔⱎⱔ ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰻ. ⰺ҅ ⰾ̑ⱓⱅⱑ ⱑⰽⱁ ⰳⱀⱑⰲⰰⱅⰻ ⱄⱔ. ⰺ҅ ⱂⱃⱑⱄⱅⰰⰰⱅⰻ ⰹ. ⱁ ⰿⱏⱀⱁⰶⰰⰺⱎⰹⰻⱈⱏ.
11:54
ⰾⰰⱙⱎⱅⰵ ⰵⰳⱁ. ⱆⰾⱁⰲⰻⱅⰻ ⱀⱑⱍⱐⱅⱁ ⱁⱅⱏ ⱆⱄⱅⱏ ⰵⰳⱁ. ⰴⰰ ⱀⰰ ⱀ̑ⱐ !ⰲⱏⰸⰳⰾⱙⱅⱏ.