ЕВАНГЕЛИЕ ЕЖЕ Ѿ ЛОУКꙐ
10:1
Ⱂⱁ ⱄⰻⱈⱏ ⰶⰵ ⰰⰲⰻ ⰳ҃ⱐ ⰺ҅ⱀⱑⱈⱏ. !ⱀⱅⱏ. ⰺ҅ ⱂⱁⱄⱏⰾⰰ ⱗ ⱂⱁ ⰴⸯⰲⱑⰿⰰ. ⱂⱃⱑⰴⱏ ⰾⰻⱌⰵⰿⱐ ⱄⰲⱁⰺⰿⱐ. ⰲⱏ ⰲⸯⱄⱑⰽⱏ ⰳⱃⰰⰴⱏ ⰺ҅ ⰿⱑⱄⱅⱁ. ⱑⰿⱁⰶⰵ ⱈⱁⱅⱑⰰⱎⰵ ⱄⰰⰿⱏ ⰺ҅ⱅⰻ.
10:2
!Ⰳⰾⰰⰰⱎⰵ ⰶⰵ ⰽⱏ ⱀ̑ⰻⰿⱏ. ⰶⱔⱅⰲⰰ ⱆⰱⱁ ⰿⱀⱁⰳⰰ. ⰰ ⰴⱑⰾⰰⱅⰵⰾ̑ⱐ ⰿⰰⰾⱁ. ⰿⱁⰾⰻⱅⰵ ⱄⱔ ⱆⰱⱁ ⰳⱀ҃ⱆ ⰶⱔⱅⰲⱑ. ⰴⰰ ⰺ҅ⰸⰲⰵⰴⰵⱅⱏ ⰴⱑⰾⰰⱅⰵⰾ̑ⱔ ⱀⰰ ⰶⱔⱅⰲⱘ ⱄⰲⱁⱙ.
10:3
Ⰺⰴⱑⱅⰵ ⱄⰵ ⰰⰸⱏ ⱂⱁⱄⱏⰹⰾⰰⱙ ⰲⱏⰹ. ⱑⰽⱁ ⰰⰳⱀⱔ ⱂⱁⱄⱃⱑⰴⱑ ⰲⰾⱐⰽⱏ.
10:4
ⱀⰻ ⱀⱁⱄⰻⱅⰵ ⰲⱏⰾⰰⰳⰰⰾⰻⱎⱅⰰ ⱀⰻ ⰲⱃⱑⱅⰻⱎⱅⰰ. ⱀⰻ ⱄⰰⱂⱁⰳⱏ. ⰺ҅ ⱀⰻⰽⱁⰳⱁⰶⰵ ⱀⰰ ⱂⱘⱅⰻ ⱀⰵ ⱌⱑⰾⱆⰻⱅⰵ.
10:5
Ⰲⱏ ⱀ̑ⱐⰶⰵ ⰴⱁⰿⱏ ⰲⱐⱀⰻⰴⰵⱅⰵ ⰽⱁⰾⰻⰶⱐⰴⱁ. ⱂⱃⱏⰲⱑⰵ ⰳⰾ҃ⰻⱅⰵ. ⰿⰻⱃⱏ ⰴⱁⰿⱆ ⱄⰵⰿⱆ.
10:6
ⰰⱎⱅⰵ ⰾⰻ ⰱⱘⰴⱘⱅⱏ. ⱄⱀ҃ⱁⰲⰵ ⰿⰻⱃⰰ. ⱂⱁⱍⰻⰵⱅⱏ ⱀⰰ ⱀ̑ⰵⰿⱐ ⰿⰻⱃⱏ ⰲⰰⱎⱐ. ⰰⱎⱅⰵ ⰾⰻ ⱀⰻ. ⰽⱏ ⰲⰰⰿⱏ ⰲⱏⰸⰲⱃⰰⱅⰻⱅⱏ ⱄⱔ.
10:7
Ⰲⱏ ⱅⱁⰿⱐⰶⰵ ⰴⱁⰿⱆ ⱂⱃⱑⰱⱏⰹⰲⰰⰺ҅ⱅⰵ. ⱑⰴⱘⱎⱅⰵ ⰺ ⱂⱐⱙⱎⱅⰵ. ⱑⰶⰵ ⱄⱘⱅⱏ ⱆ ⱀ̑ⰻⱈⱏ. ⰴⱁⱄⱅⱁⰺ҅ⱀⱏ ⰱⱁ ⰵⱄⱅⱏ ⰴⱑⰾⰰⱅⰵⰾ̑ⱐ ⰿⱏⰸⰴⱏⰹ ⱄⰲⱁⰵⱗ. ⱀⰵ ⱂⱃⱑⱈⱁⰴⰻⱅⰵ ⰶⰵ ⰺ҅ⰸ ⰴⱁⰿⱆ ⰲⱏ ⰴⱁⰿⱏ
10:8
Ⰺ҅ ⰲⱏ ⱀ̑ⱐⰶⰵ ⰳⱃⰰⰴⱏ ⰽⱁⰾⰻⰶⱐⰴⱁ ⰲⱐⱀⰻⰴⰵⱅⰵ. ⰺ ⱂⱃⰻⰵⰿⰾ̑ⱙⱅⱏ ⰲⱏⰹ. ⱑⰴⰻⱅⰵ ⱂⱃⱑⰴⱏⰾⰰⰳⰰⰵⰿⰰⱑ ⰲⰰⰿⱏ.
10:9
ⰺ҅ ⱌⱑⰾⰻⱅⰵ ⱀⰵⰴⱘⰶⱐⱀⱏⰹⱗ. ⰺ҅ⰶⰵ ⱄⱘⱅⱏ ⰲⱐ ⱀ̑ⰵⰿⱐ. ⰺ҅ ⰳⰾ҃ⰻⱅⰵ ⰺ҅ⰿⱏ. ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱃ҃ⱄⰻⰵ ⰱⰶ҃ⱐⰵ.
10:10
Ⰲⱏ ⱀ̑ⱐⰶⰵ ⰽⱁⰾⰻⰶⱐⰴⱁ ⰳⱃⰰⰴⱏ ⰲⱏⱈⱁⰴⰻⱅⰵ. ⰺ҅ ⱀⰵ ⱂⱃⰻⰵⰿⰾ̑ⱙⱅⱏ ⰲⰰⱄⱏ. ⰺ҅ⱎⱐⰴⱏⱎⰵ ⱀⰰ ⱃⰰⱄⱂⱘⱅⱐⱑ ⰵⰳⱁ ⱃⱐⱌⱑⱅⰵ.
10:11
ⰺ҅ ⱂⱃⰰⱈⱏ ⱂⱃⰻⰾⱐⱂⱏⱎⰻⰹ ⱀⰰⱄⱏ. ⱁⱅⱏ ⰳⱃⰰⰴⰰ ⰲⰰⱎⰵⰳⱁ ⰲⱏ ⱀⱁⰳⰰⱈⱏ =ⱀ=ⰰⱎⰻⱈⱏ. ⱁⱅⱏⱅⱃⱔⱄⰰⰵⰿⱏ ⰲⰰⰿⱏ. Ⱉⰱⰰⱍⰵ ⱄⰵ ⰲⱑⰴⰻⱅⰵ. ⱑⰽⱁ ⱂⱃⰻⰱⰾⰻⰶⰻ ⱄⱔ ⱀⰰ ⰲⱏⰹ ⱌⱃ҃ⱄⰻⰵ ⰱⰶ҃ⰻⰵ.
10:12
ⰳⰾ҃ⱙ ⰲⰰⰿⱏ. ⱑⰽⱁ ⱄⱁⰴⱁⰿⰾ̑ⱑⱀⰵⰿⱏ ⰲⱏ ⱅⱏ ⰴⱐⱀⱐ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ. ⱀⰵⰶⰵ ⰳⱃⰰⰴⱆ ⱅⱁⰿⱆ.
10:13
Ⰳⱁⱃⰵ ⱅⰵⰱⱑ ⱈⱁⱃⰰⰸⰻⱀⱏ. ⰳⱁⱃⰵ ⱅⰵⰱⱑ ⰲⰻⰴⱏⱄⰰⰺ҅ⰴⰰ. ⱑⰽⱁ ⰰⱎⱅⰵ ⰲⱏ ⱅⸯⱛⱃⱑ. ⰺ҅ ⱄⰻⰴⱁⱀⱑ ⱄⰻⰾⱏⰹ ⰱⰻⱎⱔ ⰱⱏⰹⰾⱏⰹ. ⰱⱏⰹⰲⱏⱎⱔⱗ ⰲⱏ ⰲⰰⱓ. ⰴⱃⰵⰲⰾ̑ⰵ. ⱆⰱⱁ ⰲⱏ ⰲⱃⱑⱅⰻⱎⱅⰻ ⰺ҅ ⱂⱁⱂⰵⰾⱑ. ⱄⱑⰴⱔⱎⱅⰵ ⱂⱁⰽⰰⰰⰾⰻ ⱄⱔ ⰱⰻⱎⱔ.
10:14
ⱁⰱⰰⱍⰵ ⱅⸯⱛⱃⱆ ⰺ҅ ⱄⰻⰴⱁⱀⱆ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⱀⰰ ⱄⱘⰴⱑ. ⱀⰵⰶⰵ ⰲⰰⰿⰰ.
10:15
ⰺ҅ ⱅⱏⰹ ⰽⰰⱇⰵⱃⱏⱀⰰⱆⰿⱏ. ⰴⱁ !ⱀⱄⰵ ⰲⱐⰸⱀⰵⱄⱏ ⱄⱔ. ⰴⱁ ⰰⰴⰰ ⱄⱏⰲⰵⰴⰵⱎⰻ ⱄⱔ.
10:16
Ⱄⰾⱆⱎⰰⱗⰹ ⰲⰰⱄⱏ. ⰿⰵⱀⰵ ⱄⰾⱆⱎⰰⰵⱅⱏ. ⰺ҅ ⱄⰾⱆⱎⰰⱗⰻ ⰿⰵⱀⰵ. ⱄⰾⱆⱎⰰⰵⱅⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ. ⰺ҅ ⱁⱅⱏⰿⱑⱅⰰⱗⰹ ⱄⱔ ⰲⰰⱄⱏ. ⰿⰵⱀⰵ ⱄⱔ ⱁⱅⱏⰿⱑⱅⰰⰵⱅⱏ. ⰰ ⱁⱅⱏⰿⱑⱅⰰⱗⰹ ⱄⱔ ⰿⰵⱀⰵ. ⱁⱅⱏⰿⱑⱅⰰⰵⱅⱏ ⱄⱔ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
10:17
Ⰲⱏⰸⰲⱃⰰⱅⰻⱎⱔ ⰶⰵ ⱄⱔ ⱄⰵⰴⰿⱐ ⰴⰵⱄⱔⱅⰻⰹ. ⱄⱏ ⱃⰰⰴⱁⱄⱅⰻⱙ ⰳⰾ҃ⱙⱎⱅⰵ. ⰳ҃ⰻ. ⰺ҅ ⰱⱑⱄⰻ ⱂⱁⰲⰻⱀⱆⱙⱅⱏ ⱄⱔ ⱀⰰⰿⱏ ⱁ ⰺ҅ⰿⰵⱀⰻ ⱅⰲⱁⰵⰿⱐ.
10:18
ⱃⰵⱍⰵ ⰶⰵ ⰺ҅ⰿⱏ. ⰲⰻⰴⱑⱈⱏ ⱄⱁⱅⱁⱀⱘ. ⱑⰽⱁ ⰿⰾⱏⱀⰻⱙ ⱄⱏ !ⱀⱄⰵ ⱂⰰⰴⱏⱎⰰ.
10:19
ⱄⰵ ⰴⰰⱈⱏ ⰲⰰⰿⱏ ⰲⰾⰰⱄⱅⱐ. ⱀⰰⱄⱅⱘⱂⰰⱅⰻ ⱀⰰ ⰸⰿⱐⱗ. ⰺ҅ ⱄⰽⱁⱃⱏⱂⰻⱗ. ⰺ҅ ⱀⰰ ⰲⱄⱘ ⱄⰻⰾⱘ ⰲⱃⰰⰶⱐⱙ. ⰺ҅ ⱀⰻⱍⱐⱅⱁⰶⰵ ⰲⰰⱄⱏ ⱀⰵ ⰲⱃⱑⰴⰻⱅⱏ.
10:20
ⱁⰱⰰⱍⰵ ⱁ ⱄⰵⰿⱐ ⱀⰵ ⱃⰰⰴⱆⰺⱅⰵ ⱄⱔ. ⱑⰽⱁ ⰱⱑⱄⰻ ⰲⰰⰿⱏ ⱂⱁⰲⰻⱀⱆⱙⱅⱏ ⱄⱔ. ⱃⰰⰴⱆⰺ҅ⱅⰵ ⰶⰵ ⱄⱔ. ⱑⰽⱁ ⰺ҅ⰿⰵⱀⰰ ⰲⰰⱎⰰ ⱀⰰⱂⱄⰰⱀⰰ ⱄⱘⱅⱏ. ⱀⰰ !ⱀⱄⱈⱏ.
10:21
Ⰲⱏ ⱅⱏ ⱍⰰⱄⱏ ⰲⱏⰸⰴⱃⰰⰴⱁⰲⰰ ⱄⱔ ⰴⱈ҃ⱁⰿⱐ ⰻⱄ҃. ⰺ҅ ⱃⰵⱍⰵ. ⰺ҅ⱄⱂⱁⰲⱑⰴⰰⱙ ⱅⰻ ⱄⱔ !ⱁⱍⰵ. ⰳ҃ⰻ ⱀⰵⰱ҃ⱄⰵ ⰺ҅ ⰸⰵⰿⰾ̑ⱔ. ⱑⰽⱁ ⱆⱅⰰⰺ҅ⰾⱏ ⰵⱄⰻ ⱄⰻ ⱁⱅⱏ ⱂⱃⱑⰿⱘⰴⱃⱏ. ⰺ҅ ⱃⰰⰸⱆⰿⱐⱀⱏ. ⰺ҅ ⱁⱅⱏⰽⱃⱏⰹ ⱄⰻ ⰿⰾⰰⰴⱐⱀⱐⱌⰵⰿⱏ. ⰵⰹ !ⱁⱍⰵ ⱑⰽⱁ ⱅⰰⰽⱁ ⰱⱏⰹⱄⱅⱏ. ⰱⰾⰰⰳⱁⰲⱁⰾ̑ⰵⱀⰻⰵ ⱂⱃⱑⰴⱏ ⱅⱁⰱⱁⱙ.
10:22
Ⰲⸯⱄⱑ ⰿⱀⱑ ⱂⱃⱑⰴⰰⱀⰰ ⰱⱏⰹⱎⱔ. ⱁⱅⱏ ⱁⱌ҃ⰰ ⰿⱁⰵⰳⱁ. ⰺ҅ ⱀⰻⰽⱏⱅⱁⰶⰵ ⱀⰵ ⰲⱑⱄⱅⱏ ⰽⱏⱅⱁ ⰵⱄⱅⱏ ⱄⱀ҃ⱏ. ⱅⱏⰽⱏⰿⱁ ⱁⱌ҃ⱐ. ⰺ҅ ⰽⱏⱅⱁ ⰵⱄⱅⱏ ⱁⱌ҃ⱐ ⱅⱁⰽⸯⰿⱁ ⱄⱀ҃ⱏ. ⰺ҅ ⰵⰿⱆⰶⰵ ⰰⱎⱅⰵ ⱈⱁⱎⱅⰵⱅⱏ !ⱄⱀⱏ ⰰⰲⰻⱅⰻ.
10:23
ⰺ҅ ⱁⰱⱃⰰⱎⱅⱐ ⱄⱔ ⰽⱏ ⱆⱍⰵⱀⰻⰽⱁⰿⱏ ⰵⰴⰻⱀⱏ ⱃⰵⱍⰵ. Ⰱⰾⰰⰶⰵⱀⱑ ⱁⱍⰻ ⰲⰻⰴⱔⱎⱅⰻⰹ. ⱑⰶⰵ ⰲⰻⰴⰻⱅⰵ.
10:24
ⰳⰾ҃ⱙ ⰱⱁ ⰲⰰⰿⱏ. ⱑⰽⱁ ⰿⱀⱁⰸⰻ !ⱂⱃⱁ!ⱃⱌⰻ. ⰺ҅ !ⱌⱃⰻ. ⰲⱏⱄⱈⱁⱅⱑⱎⱔ ⰲⰻⰴⱑⱅⰻ. ⱑⰶⰵ ⰲⰻⰴⰻⱅⰵ. ⰺ҅ ⱀⰵ ⰲⰻⰴⱑⱎⱔ. ⰺ҅ ⱄⰾⱏⰹⱎⰰⱅⰻ. ⱑⰶⰵ ⱄⰾⱏⰹⱎⰻⱅⰵ. ⰺ҅ ⱀⰵ ⱄⰾⱏⰹⱎⰰⱎⱔ.
10:25
Ⰺ ⱄⰵ ⰸⰰⰽⱁⱀⱀⰻⰽⱏ ⰵⱅⰵⱃⱏ ⰲⱏⱄⱅⰰ. ⰺ҅ⱄⰽⱆⱎⰰⱗ ⰹ ⰺ҅ ⰳⰾ҃ⱔ. ⱆⱍⰻⱅⰵⰾ̑ⱓ. ⱍⱐⱅⱁ ⱄⱏⱅⰲⱁⱃⱐ. ⰶⰻⰲⱁⱅⱏ ⰲⱑⱍⱐⱀⱏⰹ ⱀⰰⱄⰾⱑⰴⱆⱙ.
10:26
ⱁⱀⱏ ⰶⰵ ⱃⰵⱍⰵ ⰽⱏ ⱀ̑ⰵⰿⱆ. ⰲⱏ ⰸⰰⰽⱁⱀⱑ ⱍⱐⱅⱁ ⰵⱄⱅⱏ ⱂⸯⱄⰰⱀⱁ. ⰽⰰⰽⱁ ⱍⱐⱅⰵⱎⰻ.
10:27
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⰲⱐⰸⰾ̑ⱓⰱⰻⱎⰻ !ⰳⰰ ⰱ҃ⰰ ⱄⰲⱁⰵⰳⱁ. ⱁⱅⱏ ⰲⱄⰵⰳⱁ ⱄⱃⱏⰴⱐⱌⰰ ⱅⰲⱁⰵⰳⱁ. ⰺ҅ ⰲⸯⱄⰵⱙ ⰴⱎ҃ⰵⱙ. ⰺ҅ ⰲⱐⱄⰵⱙ ⰽⱃⱑⱂⱁⱄⱅⰻⱙ ⱅⰲⱁⰵⱙ. ⰺ҅ ⰲⸯⱄⱑⰿⱐ ⱂⱁⰿⱏⰹⱎⰾ̑ⰵⱀⱐⰵⰿⱐ ⱅⰲⱁⰺ҅ⰿⱐ. ⰺ҅ ⱂⱁⰴⱃⱆⰳⰰ ⱄⰲⱁⰵⰳⱁ ⱑⰽⱁ ⱄⰰⰿⱏ ⱄⱔ.
10:28
ⱃⰵⱍⰵ ⰶⰵ ⰵⰿⱆ ⰻⱄ҃. ⱂⱃⰰⰲⱑ ⱁⱅⱏⰲⱑⱎⱅⰰ. ⱄⰵ ⱅⰲⱁⱃⰻ. ⰺ҅ ⰶⰻⰲⱏ ⰱⱘⰴⰵⱎⰻ.
10:29
ⱁⱀⱏ ⰶⰵ ⱈⱁⱅⱔ ⱁⱂⱃⰰⰲⱐⰴⰻⱅⰻ ⱄⱔ ⱄⰰⰿⱏ. ⱃⰵⱍⰵ ⰽⱏ ⰺⱄ҃ⰲⰻ. ⰺ҅ ⰽⱏⱅⱁ ⰵⱄⱅⱏ ⰺ҅ⱄⰽⱃⱐⱀ̑ⰻⰹ ⰿⰻ.
10:30
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃. ⱃⰵⱍⰵ. !Ⱍⰽⱏ ⰵⱅⰵⱃⱏ ⱄⱏⱈⱁⰶⰴⰰⰰⱎⰵ. ⱁⱅⱏ ⰺⰾ҃ⰿⰰ ⰲⱏ ⰵⱃⰻⱈⱘ. ⰺ҅ ⰲⱏ ⱃⰰⰸⰱⱁⰺ҅ⱀⰻⰽⱏⰹ ⰲⱏⱂⰰⰴⰵ. ⰺ҅ⰶⰵ ⰺ҅ ⱄⱏⰲⰾⱏⰽⱏⱎⰵ ⰹ. ⰺ҅ ⱑⰸⰲⱏⰹ ⰲⱏⰸⰾⱁⰶⱐⱎⰵ ⱁⱅⰻⰴⱁⱎⱔ. ⰺ҅ ⱁⱄⱅⰰⰲⱐⱎⰵ ⰹ ⰵⰾⱑ ⰶⰻⰲⱏ ⱄⱘⱎⱅⱐ.
10:31
ⱂⱁ ⱂⱃⰻⰽⰾ̑ⱓⱍⰰⱓ ⰶⰵ. ⰺ҅ⰵⱃⱑⰹ ⰵⱅⰵⱃⱏ. ⱄⱏⱈⱁⰶⰴⰰⰰⱎⰵ ⱂⱘⱅⱐⰿⱐ ⱅⱑⰿⱐ. ⰺ҅ ⰲⰻⰴⱑⰲⱏ ⰹ ⰿⰻⰿⱁⰺ҅ⰴⰵ.
10:32
ⱅⰰⰽⱁⰶⰴⰵ ⰶⰵ ⰺ҅ ⰾⰵ̆ⱛⰼⰻⱅⱏ. ⰱⱏⰹⰲⱏ ⱀⰰ ⱅⱁⰿⱐ ⰿⱑⱄⱅⱑ. ⱂⱃⰻⱎⱐⰴⱏ. ⰺ҅ ⰲⰻⰴⱑⰲⱏ ⰹ ⰿⰻⰿⱁⰺ҅ⰴⰵ.
10:33
ⱄⰰⰿⰰⱃⱑⱀⰻⱀⱏ ⰶⰵ ⰵⱅⰵⱃⱏ ⰳⱃⱔⰴⱏⰹ. ⱂⱃⰻⰴⰵ ⱀⰰⰴⱏ ⱀ̑ⱐ. ⰺ҅ ⰲⰻⰴⱑⰲⱏ ⰹ ⰿⰻⰾⱁⱄⱃⱏⰴⱁⰲⰰ.
10:34
ⰺ҅ ⱂⱃⰻⱄⱅⱘⱂⰾ̑ⱐ ⱁⰱⱔⰸⰰ ⱄⱅⱃⱆⱂⱏⰹ ⰵⰳⱁ. ⰲⱐⰸⰾⰻⰲⰰⱗ ⰿⰰⱄⰾⱁ ⰺ҅ ⰲⰻⱀⱁ. ⰲⱏⱄⰰⰶⰴⱐ ⰶⰵ ⰹ ⱀⰰ ⱄⰲⱁⰹ ⱄⰽⱁⱅⱏ. ⱂⱃⰻⰲⰵⰴⰵ. ⰶⰵ ⰹ ⰲⱏ ⰳⱁⱄⱅⰻⱀⰻⱌⱘ. ⰺ҅ ⱂⱃⰻⰾⰵⰶⰰ ⰵⰿⱐ.
10:35
ⰺ҅ ⱀⰰ ⱆⱅⱃⱐⱑ ⰺ҅ⱎⱐⰴⱏ. ⰺ҅ⰸⱐⰿⱏ ⰴⸯⰲⰰ ⱂⱑⱀⱔⰸⰰ ⰴⰰⱄⱅⱏ ⰳⱁⱄⱅⰻⱀⱀⰻⰽⱆ. ⰺ҅ ⱃⰵⱍⰵ ⰵⰿⱆ. ⱂⱃⰻⰾⰵⰶⰻ ⰵⰿⱐ. ⰺ҅ ⰵⰶⰵ ⰰⱎⱅⰵ ⱂⱃⰻⰹⰶⰴⰹⰲⰵⱎⰻ. ⰰⰸⱏ ⰵⰳⰴⰰ ⰲⱏⰸⰲⱃⰰⱎⱅⱘ ⱄⱔ ⰲⱏⰸⰴⰰⰿⱐ ⱅⰻ.
10:36
ⰽⱏⱅⱁ ⱆⰱⱁ ⱅⱑⱈⱏ ⱅⱃⰹⰻ. ⰺ҅ⱄⰽⱃⱐⱀ̑ⰻⰹ ⰿⱐⱀⰻⱅⱏ ⱅⰻ ⱄⱔ ⰱⱏⰹⱅⰻ. ⰲⱏⱂⰰⰴⱏⱎ̑ⱓⰿⱆ ⰲⱏ ⱃⰰⰸⰱⱁⰺ҅ⱀⰻⰽⱏⰹ.
10:37
ⱁⱀⱏ ⰶⰵ ⱃⰵⱍⰵ. ⱄⱏⱅⰲⱁⱃⱐⰹ ⰿⰻⰾⱁⱄⱅⱏⰹⱀ̑ⱙ ⱄⱏ ⱀ̑ⰻⰿⱐ. ⱃⰵⱍⰵ ⰶⰵ ⰵⰿⱆ ⰻⱄ҃. ⰺ҅ⰴⰻ ⰺ҅ ⱅⱏⰹ ⱅⰲⱁⱃⰻ ⱅⰰⰽⱁⰶⰴⰵ.
10:38
Ⰱⱏⰹⱄⱅⱏ ⰶⰵ ⱈⱁⰴⱔⱎⱅⱓ ⰵⰿⱆ. ⰺ҅ ⱅⱏ ⰲⱐⱀⰻⰴⰵ ⰲⱏ ⰲⱐⱄⱐ ⰵⱅⰵⱃⱘ. ⰶⰵⱀⰰ ⰶⰵ ⰵⱅⰵⱃⰰ ⰺ҅ⰿⰵⱀⰵⰿⱐ ⰿⰰⱃⸯⱅⰰ. ⱂⱃⰻⱗⱅⱏ ⰹ ⰲⱏ ⰴⱁⰿⱏ ⱄⰲⱁⰻ.
10:39
ⰺ҅ ⱄⰵ ⰵⰹ ⰱⱑ ⱄⰵⱄⱅⱃⰰ. ⰺ҅ⰿⰵⱀⰵⰿⱐ ⰿⰰⱃⰻⱑ. ⱑⰶⰵ ⰺ҅ ⱄⱑⰴⱏⱎⰻ ⱂⱃⰻ ⱀⱁⰳⱆ ⰺ҅ⱄ҃ⰲⱆ. ⱄⰾⱏⰹⱎⰰⰰⱎⰵ ⱄⰾⱁⰲⱁ ⰵⰳⱁ.
10:40
ⰺ҅ ⰿⰰⱃⸯⱅⰰ ⰿⰾⱏⰲⰾ̑ⱑⰰⱎⰵ. ⱁ ⰿⱀⱁⰸⱑ ⱄⰾⱆⰶⱐⰱⱑ. ⱄⱅⰰⰲⱐⱎⰻ ⰶⰵ ⱃⰵⱍⰵ. ⰳ҃ⰻ. ⱀⰵ ⱃⱁⰴⰻⱎⰻ ⰾⰻ ⱑⰽⱁ ⱄⰵⱄⱅⱃⰰ ⰿⱁⱑ. ⰵⰴⰻⱀⱘ ⰿⱔ ⱁⱄⱅⰰⰲⰻ ⱄⰾⱆⰶⰻⱅⰻ. ⱃⱐⱌⰻ ⱆⰱⱁ ⰵⰹ ⰴⰰ ⰿⰻ ⱂⱁⰿⱁⰶⰵⱅⱏ.
10:41
ⱁⱅⱏⰲⱑⱎⱅⰰⰲⱏ ⰶⰵ ⱃⰵⱍⰵ ⰵⰹ ⰻⱄ҃. ⰿⰰⱃⸯⱅⰰ. ⰿⰰⱃⸯⱅⰰ. ⱂⰵⱍⰵⱎⰻ ⱄⱔ ⰺ҅ ⰿⰾⱐⰲⰻⱎⰻ ⱁ ⰿⱀⱁⰸⱑ.
10:42
ⰵⰴⰻⱀⱁ ⰶⰵ ⰵⱄⱅⱏ ⱀⰰ ⱂⱁⱅⱃⱑⰱⱘ. ⰿⰰⱃⰻⱑ ⰱⱁ ⰱⰾⰰⰳⱘⱙ ⱍⱔⱄⱅⱐ ⰺ҅ⰸⰱⱏⱃⰰ. ⱑⰶⰵ ⱀⰵ ⱁⱅⱏⰺ҅ⰿⰵⱅⱏ ⱄⱔ ⱁⱅⱏ ⱀ̑ⰵⱗ.