ЕВАНГЕЛИЕ ЕЖЕ Ѿ ІОАННА
9:1
Ⰺ҅ ⰿⰻⰿⱁⰺⰴⱏⰹ ⰲⰻⰴⱑ ⱍⰽ҃ⰰ ⱄⰾⱑⱂⰰ. ⱁⱅⱏ !ⱃⱄⰰ.
9:2
ⰺ҅ ⰲⱏⱂⱃⱁⱄⰻⱎⱔ ⰹ ⱆⱍⰵⱀⰻⱌⰻ ⰳⰾ҃ⱙⱎⱅⰵ. ⱃⰰⰲⰲⰻ. ⰽⱏⱅⱁ ⱄⱏⰳⱃⱑⱎⰻ. ⱄⱐ ⰾⰻ ⰺ҅ⰾⰻ ⱃⱁⰴⰻⱅⰵⰾ̑ⱑ ⰵⰳⱁ. ⰴⰰ ⱄⰾⱑⱂⱏ ⱃⱁⰴⰻ ⱄⱔ.
9:3
ⱁⱅⱏⰲⱑⱎⱅⰰ ⰻⱄ҃. ⱀⰻ ⱄⱐ ⱄⱏⰳⱃⱑⱎⰻ. ⱀⰻ ⱃⱁⰴⰻⱅⰵⰾ̑ⱑ ⰵⰳⱁ. ⱀⱏ ⰴⰰ ⱑⰲⱔⱅⱏ ⱄⱔ ⰴⱑⰾⰰ ⰱⰶ҃ⰻⱑ ⱀⰰ ⱀ̑ⰵⰿⱐ.
9:4
ⰿⱐⱀⱑ ⱂⱁⰴⱁⰱⰰⰵⱅⱏ. ⰴⱑⰾⰰⱅⰻ ⰴⱑⰾⰰ. ⱂⱁⱄⱏⰾⰰⰲⱏⱎⰰⰰⰵⰳⱁ ⰿⱔ. ⰴⱁⱀⱐⰴⰵⰶⰵ ⰴⱐⱀⱐ ⰵⱄⱅⱏ ⱂⱃⰻⰴⰵⱅⱏ ⱀⱁⱎⱅⱐ. ⰵⰳⰴⰰ ⱀⰻⰽⱏⱅⱁⰶⰵ ⱀⰵ ⰿⱁⰶⰵⱅⱏ ⰴⱑⰾⰰⱅⰻ.
9:5
ⰵⰳⰴⰰ ⰲⱏ ⰿⰻⱃⱑ ⰵⱄⰿⱐ ⱄⰲⱑⱅⱏ ⰵⱄⰿⱐ ⰿⰻⱃⱆ.
9:6
ⱄⰻ ⱃⰵⰽⱏ ⱂⰾⰻⱀⱘ ⱀⰰ ⰸⰵⰿⰾ̑ⱘ. ⰺ҅ ⱄⱏⱅⰲⱁⱃⰻ ⰱⱃⱐⱀⰻⰵ ⱁⱅⱏ ⱂⰾⰻⱀⱁⰲⰵⱀⰻⱑ. ⰺ҅ ⱂⱁⰿⰰⰸⰰ ⰵⰿⱆ ⱁⱍⰻ ⰱⱃⱐⱀⰻⰵⰿⱐ.
9:7
ⰺ҅ ⱃⰵⱍⰵ ⰵⰿⱆ ⰺ҅ⰴⰻ ⱆⰿⱏⰹ ⱄⱔ. ⰲⱏ ⰽⱘⱂⱑⰾⰻ ⱄⰻⰾⱆⰰⰿⱐⱄⱌⱑ. ⰵⰶⰵ ⱄⱏⰽⰰⰸⰰⰵⱅⱏ ⱄⱔ ⱂⱁⱄⱏⰾⰰⱀⱏ. ⰺ҅ ⰻⰴⰵ ⰶⰵ. ⰺ҅ ⱆⰿⱏⰹ ⱄⱔ ⰺ҅ ⱂⱃⰻⰴⰵ ⰲⱔⰴⱔ.
9:8
ⱄⱘⱄⱑⰴⰻ ⰶⰵ. ⰺ҅ ⰻⰶⰵ ⰱⱑⰰⱈⱘ ⰲⰻⰴⱑⰾⰻ ⱂⱃⱑⰶⰴⰵ. ⱑⰽⱁ ⱂⱃⱁⱄⰻⱅⰵⰾⱐ ⰱⱑ. ⰳⰾ҃ⰰⱈⱘ. ⱀⰵ ⱄⱐ ⰾⰻ ⰵⱄⱅⱏ ⱄⱑⰴⱔ ⰺ҅ ⱂⱃⱁⱄⱔ. ⱁⰲⰻ ⰳⰾ҃ⰰⱈⱘ ⱑⰽⱁ ⱄⱐ ⰵⱄⱅⱏ.
9:9
Ⰰ ⰺ҅ⱀⰻ ⰳⰾ҃ⰰⱈⱘ ⱂⱁⰴⱁⰱⱐⱀⱏ ⰵⰿⱆ ⰵⱄⱅⱏ. ⱁⱀⱏ ⰶⰵ ⰳⰾ҃ⰰⱎⰵ ⱑⰽⱁ ⰰⰸⱏ ⰵⱄⰿⱐ.
9:10
ⰳⰾ҃ⰰⱈⱘ ⰶⰵ ⰵⰿⱆ. ⰽⰰⰽⱁ ⱅⰻ ⱄⱔ ⱁⱅⰲⱃⱑⱄⱅⰵ ⱁⱍⰻ.
9:11
ⱁⱅⱏⰲⱑⱎⱅⰰ ⱁⱀⱏ ⰺ҅ ⱃⰵⱍⰵ. ⱍⰽ҃ⱏ. ⱀⰰⱃⰻⱌⰰⰵⰿⱏⰹ ⰻⱄ҃. ⰱⱃⱐⱀⰻⰵ ⱄⱏⱅⰲⱁⱃⰻ. ⰺ҅ ⱂⱁⰿⰰⰸⰰ ⱁⱍⰻ ⰿⰻ. ⰺ҅ ⱃⰵⱍⰵ ⰿⰻ. ⰺ҅ⰴⰻ ⰲⱏ ⰽⱘⱂⱑⰾⱐ ⱄⰻⰾⰰⰰⰿⰾ̑ⱘ. ⰺ҅ ⱆⰿⱏⰹ ⱄⱔ. ⱎⱐⰴⱏ ⰶⰵ ⰺ҅ ⱆⰿⱏⰹⰲⱏ ⱄⱔ ⱂⱃⱁⰸⱐⱃⱑⱈⱏ.
9:12
ⱃⱑⱎⱔ ⰶⰵ ⰵⰿⱆ ⰽⱏⱅⱁ ⱅⱏ ⰵⱄⱅⱏ. ⰳⰾ҃ⰰ ⱀⰵ ⰲⱑⰿⱐ.
9:13
ⰲⱑⱄⱔ ⰹ ⰽⱏ ⱇⰰⱃⰻⱄⱑⱁⰿⱏ. ⰺ҅ⰶⰵ ⰱⱑ ⰺ҅ⱀⱁⰳⰴⰰ ⱄⰾⱑⱂⱏ.
9:14
ⰱⱑ ⰶⰵ ⱄⱘⰱⱁⱅⰰ. ⰵⰳⰴⰰ ⱄⱏⱅⰲⱁⱃⰻ ⰱⱃⱐⱀⰻⰵ ⰻⱄ҃. ⰺ҅ ⱁⱅⰲⱃⱏⰸⰵ ⰵⰿⱆ ⱁⱍⰻ.
9:15
ⱂⰰⰽⱏⰹ ⰶⰵ ⰲⱏⱂⱃⰰⱎⰰⱈⱘ ⰹ ⱇⰰⱃⰻⱄⱑⰻ ⰽⰰⰽⱁ ⱂⱃⱁⰸⱐⱃⱑ. ⱁⱀⱏ ⰶⰵ ⱃⰵⱍⰵ ⰺ҅ⰿⱏ. ⰱⱃⱐⱀⰻⰵ ⱂⱁⰾⱁⰶⰻ ⰿⱐⱀⱑ ⱀⰰ ⱁⱍⰻⱓ. ⰺ҅ ⱆⰿⱏⰹⱈⱏ ⱄⱔ ⰺ ⰲⰻⰶⰴⱘ.
9:16
ⰳⰾ҃ⰰⱈⱘ ⰶⰵ ⱁⱅⱏ ⱇⰰⱃⰻⱄⱑⰻ ⰵⱅⰵⱃⰻ. ⱀⱑⱄⱅⱏ ⱄⱐ ⱁⱅⱏ ⰱ҃ⰰ ⱍⰽ҃ⱏ. ⱑⰽⱁ ⱄⱘⰱⱁⱅⱏⰹ ⱀⰵ ⱈⱃⰰⱀⰻⱅⱏ. ⱁⰲⰻ ⰳⰾ҃ⰰⰰⱈⱘ. ⰽⰰⰽⱁ ⰿⱁⰶⰵⱅⱏ ⱍⰽ҃ⱏ ⰳⱃⱑⱎⱐⱀⱏ. ⱄⰻⱌⰵ ⰸⱀⰰⰿⰵⱀⰻⱑ ⱅⰲⱁⱃⰻⱅⰻ. ⰺ҅ ⱃⰰⱄⱂⱐⱃⱑ ⰱⱑ ⰲⱐ ⱀ̑ⰻⱈⱏ.
9:17
!ⰳⰾ̆ⰰⱎⱔ ⱄⰾⱑⱂⱐⱌⱓ ⱂⰰⰽⱏⰹ. ⱅⱏⰹ ⱍⱐⱅⱁ ⰳⰾ҃ⰵⱎⰻ ⱁ ⱀ̑ⰵⰿⱐ. ⱑⰽⱁ ⱁⱅⰲⱃⱏⰸⰵ ⱁⱍⰻ ⱅⰲⱁⰹ. ⱁⱀⱏ ⰶⰵ ⱃⰵⱍⰵ ⱑⰽⱁ ⱂⱃⱁⱃⱁⰽⱏ ⰵⱄⱅⱏ.
9:18
ⱀⰵ ⱗⱄⱔ ⰶⰵ ⰲⱑⱃⱏⰹ ⰺ҅ⱓⰴⰵⰹ ⱁ ⱀ̑ⰵⰿⱐ. ⱑⰽⱁ ⰱⱑ ⱄⰾⱑⱂⱏ ⰺ҅ ⱂⱃⱁⰸⱐⱃⱑ. ⰴⱁⱀⱐⰴⰵⰶⰵ ⰲⱏⰸⰳⰾⰰⱄⰻⱎⱔ ⱃⱁⰴⰻⱅⰵⰾ̑ⱑ. ⱅⱁⰳⱁ ⱂⱃⱁⰸⱐⱃⱑⰲⱏⱎⰰⰵⰳⱁ.
9:19
ⰺ҅ ⰲⱏⱂⱃⱁⱄⰻⱎⱔ ⱑ ⰳⰾ̑ⱙⱎⱅⰵ. ⱄⱐ ⰾⰻ ⰵⱄⱅⱏ ⱄⱀ҃ⱏ ⰲⰰⱓ. ⰵⰳⱁⰶⰵ ⰲⱏⰹ ⰳⰾ҃ⰵⱅⰰ. ⱑⰽⱁ ⱄⰾⱑⱂⱏ ⱃⱁⰴⰻ ⱄⱔ. ⰽⰰⰽⱁ ⱆⰱⱁ ⱀⱏⰹⱀ̑ⱑ ⰲⰻⰴⰻⱅⱏ.
9:20
ⱁⱅⱏⰲⱑⱎⱅⰰⱄⱅⰵ ⰺ҅ⰿⱏ ⱃⱁⰴⰻⱅⰵⰾ̑ⱑ ⰵⰳⱁ ⰺ҅ ⱃⱑⱄⱅⰰ. ⱅⱁ ⰲⱑⰲⱑ ⱑⰽⱁ ⱄⱐ ⰵⱄⱅⱏ ⱄⱀ҃ⱏ ⱀⰰⱓ. ⰺ҅ ⱑⰽⱁ ⱄⰾⱑⱂⱏ ⱃⱁⰴⰻ ⱄⱔ.
9:21
ⰽⰰⰽⱁ ⰶⰵ ⱀⱏⰹⱀ̑ⱑ ⰲⰻⰴⰻⱅⱏ ⱀⰵ ⰲⱑⰲⱑ. ⰾⰻ ⰽⱏⱅⱁ ⰵⰿⱆ ⱁⱅⰲⱃⱏⰸⰵ ⱁⱍⰻ ⱀⰵ ⰲⱑⰲⱑ. ⱄⰰⰿⱁⰳⱁ ⰲⱏⱂⱃⱁⱄⰻⱅⰵ. ⰲⱏⰸⰴⱃⰰⱄⱅⱏ ⰺ҅ⰿⰰⱅⱏ ⱄⰰⰿⱏ. ⱁ ⱄⰵⰱⱑ ⰴⰰ ⰳⰾ҃ⰵⱅⱏ.
9:22
ⱄⰻⱌⰵ ⱃⱑⱄⱅⰵ ⱃⱁⰴⰻⱅⰵⰾ̑ⱑ ⰵⰳⱁ. ⱑⰽⱁ ⰱⱁⱑⰰⱎⰵⱅⰵ ⱄⱔ ⰺ҅ⱓⰴⱑⰹ. ⱓⰶⰵ ⰱⱁ ⱄⱔ ⰱⱑⰰⱈⱘ ⱄⱏⰾⱁⰶⰻⰾⰻ ⰺ҅ⱓⰴⰵⰹ. ⰴⰰ ⰰⱎⱅⰵ ⰽⱏⱅⱁ ⰺ҅ⱄⱂⱁⰲⱑⱄⱅⱏ ⱈ҃ⰰ. ⱁⱅⱏⰾⱘⱍⱐⱀⱏ ⱄⱏⱀⱏⰿⰻⱎⱅⰰ ⰱⱘⰴⰵⱅⱏ.
9:23
ⱄⰵⰳⱁ ⱃⰰⰴⰻ ⱃⱁⰴⰻⱅⰵⰾ̑ⱑ ⰵⰳⱁ ⱃⱑⱄⱅⰵ. ⱑⰽⱁ ⰲⱏⰸⰴⱃⰰⱄⱅⱏ ⰺ҅ⰿⰰⱅⱏ. ⱄⰰⰿⱁⰳⱁ ⰲⱏⱂⱃⱁⱄⰻⱅⰵ.
9:24
ⰲⱏⰸⰳⰾⰰⱄⰻⱎⱔ ⰶⰵ ⰲⱏⱅⱁⱃⰻⱌⰵⱙ ⱍⰽ҃ⰰ. ⰺ҅ⰶⰵ ⰱⱑ ⱄⰾⱑⱂⱏ. ⰺ҅ ⱃⱑⱎⱔ ⰵⰿⱆ. ⰴⰰⰶⰴⱐ ⱄⰾⰰⰲⱘ ⰱ҃ⱛ. ⰿⱏⰹ ⰲⱑⰿⱏ ⱑⰽⱁ ⱍⰽ҃ⱏ ⱄⱐ ⰳⱃⱑⱎⱐⱀⱏ ⰵⱄⱅⱏ.
9:25
ⱁⱅⱏⰲⱑⱎⱅⰰ ⰶⰵ ⱁⱀⱏ ⰺ҅ ⱃⰵⱍⰵ. ⰰⱎⱅⰵ ⰳⱃⱑⱎⱐⱀⰻⰽⱏ ⰵⱄⱅⱏ ⱀⰵ ⰲⱑⰿⱐ. ⰵⰴⰻⱀⱁ ⰲⱑⰿⱐ. ⱑⰽⱁ ⱄⰾⱑⱂⱏ ⰱⱑⱈⱏ. ⱀⱏⰹⱀ̑ⱑ ⰶⰵ ⰲⰻⰶⰴⱘ.
9:26
ⱃⱑⱎⱔ ⰶⰵ ⰵⰿⱆ ⱂⰰⰽⱏⰹ. ⱍⱐⱅⱁ ⱄⱏⱅⰲⱁⱃⰻ ⱅⰵⰱⱑ. ⰽⰰⰽⱁ ⱁⱅⰲⱃⱏⰸⰵ ⱅⰲⱁⰹ ⱁⱍⰻ.
9:27
ⱁⱅⱏⰲⱑⱎⱅⰰ ⰺ҅ⰿⱏ. ⱃⱑⱈⱏ ⰲⰰⰿⱏ ⱓⰶⰵ. ⰺ҅ ⱀⰵ ⱄⰾⱏⰹⱎⰰⱄⱅⰵ. ⱍⱐⱅⱁ ⱂⰰⰽⱏⰹ ⱈⱁⱎⱅⰵⱅⰵ ⱄⰾⱏⰹⱎⰰⱅⰻ. ⰵⰴⰰ ⰺ҅ ⰲⱏⰹ ⱆⱍⰵⱀⰻⱌⰻ ⰵⰳⱁ ⱈⱁⱎⱅⰵⱅⰵ ⰱⱏⰹⱅⰻ.
9:28
ⱁⱀⰻ ⰶⰵ ⱆⰽⱁⱃⰻⱎⱔ ⰹ ⰺ҅ ⱃⱑⱎⱔ. ⱅⱏⰹ ⱆⱍⰵⱀⰻⰽⱏ ⰵⱄⰻ ⱅⱁⰳⱁ. ⰿⱏⰹ ⰿⱁⱄⱑⱁⰲⰻ ⰵⱄⰿⱏ ⱆⱍⰵⱀⰻⱌⰻ.
9:29
ⰿⱏⰹ ⰲⱑⰿⱏⰹ ⱑⰽⱁ ⰿⱁⱄⱑⱁⰲⰻ ⰳⰾ҃ⰰ ⰱ҃ⱏ. ⱄⰵⰳⱁ ⰶⰵ ⱀⰵ ⰲⱑⰿⱏ ⱁⱅⱏⰽⱘⰴⱆ ⰵⱄⱅⱏ.
9:30
ⱁⱅⱏⰲⱑⱎⱅⰰ ⱍⰽ҃ⱏ ⰺ҅ ⱃⰵⱍⰵ ⰺ҅ⰿⱏ. ⱁ ⱄⰵⰿⱐ ⱆⰱⱁ ⰴⰻⰲⱏⱀⱁ ⰵⱄⱅⱏ. ⱑⰽⱁ ⰲⱏⰹ ⱀⰵ ⰲⱑⱄⱅⰵ ⱁⱅⱏⰽⱘⰴⱆ ⰵⱄⱅⱏ. ⰺ҅ ⱁⱅⰲⱃⱐⰸⰵ ⱁⱍⰻ ⰿⱁⰹ.
9:31
ⰲⱑⰿⱐ ⰶⰵ ⱑⰽⱁ ⰳⱃⱑⱎⱐⱀⰻⰽⱏ ⰱ҃ⱏ ⱀⰵ ⱂⱁⱄⰾⱆⱎⰰⰵⱅⱏ. ⱀⱏ ⰰⱎⱅⰵ ⰽⱏⱅⱁ !ⰱⰳⱁⱍⱐⱅⱐⱌⱐ ⰵⱄⱅⱏ. ⰺ҅ ⰲⱁⰾ̑ⱘ ⰵⰳⱁ ⱅⰲⱁⱃⰻⱅⱏ. ⱅⱁⰳⱁ ⱂⱁⱄⰾⱆⱎⰰⰵⱅⱏ.
9:32
ⱁⱅⱏ ⰲⱑⰽⰰ ⱀⱑⱄⱅⱏ ⱄⰾⱏⰹⱎⰰⱀⱁ. ⱑⰽⱁ ⰽⱏⱅⱁ ⱁⱅⰲⱃⱏⰸⰵ ⱁⱍⰻ ⱄⰾⱑⱂⱆ ⱃⱁⰶⰴⰵⱀⱆ.
9:33
ⰰⱎⱅⰵ ⱄⱐ ⱀⰵ ⰱⰻ ⱁⱅⱏ ⰱ҃ⰰ ⰱⱏⰹⰾⱏ. ⱀⰵ ⰿⱁⰳⰾⱏ ⰱⰻ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ.
9:34
ⱁⱅⱏⰲⱑⱎⱅⰰⱎⱔ ⰺ҅ ⱃⱑⱎⱔ ⰵⰿⱆ. ⰲⱏ ⰳⱃⱑⱄⱑⱈⱏ ⱅⱏⰹ ⱃⱁⰴⰻⰾⱏ ⱄⱔ ⰵⱄⰻ ⰲⱐⱄⱐ. ⰺ҅ ⱅⱏⰹ ⰾⰻ ⱀⱏⰹ ⱆⱍⰻⱎⰻ. ⰺ҅ⰸⰳⱏⱀⰰⱎⱔ ⰶⰵ ⰹ ⰲⱏⱀⱏ.
9:35
ⱄⰾⱏⰹⱎⰰⰲⱏ ⰶⰵ ⰻⱄ҃. ⱑⰽⱁ ⰺ҅ⰸⰳⱏⱀⰰⱎⱔ ⰹ ⰲⱏⱀⱏ. ⰺ҅ ⱁⰱⱃⱑⱅⱏ ⰹ ⱃⰵⱍⰵ ⰵⰿⱆ. ⱅⱏⰹ ⰲⱑⱃⱆⰵⱎⰻ ⰾⰻ ⰲⱏ ⱄⱀ҃ⰰ ⰱⰶ҃ⰻⱑ.
9:36
ⱁⱅⱏⰲⱑⱎⱅⰰ ⱁⱀⱏ ⰺ҅ ⱃⰵⱍⰵ ⰺ҅ ⰽⱏⱅⱁ ⰵⱄⱅⱏ ⰳ҃ⰻ. ⰴⰰ ⰲⱑⱃⱘ ⰺ҅ⰿⱘ ⰲⱐ ⱀ̑ⰵⰳⱁ.
9:37
ⱃⰵⱍⰵ ⰶⰵ ⰵⰿⱆ ⰻⱄ҃. ⰺ҅ ⰲⰻⰴⱑⰾⱏ ⰹ ⰵⱄⰻ. ⰺ҅ ⰳⰾ҃ⱔⰹ ⱄⱏ ⱅⱁⰱⱁⱙ ⱅⱏ ⰵⱄⱅⱏ.
9:38
ⱁⱀⱏ ⰶⰵ ⱃⰵⱍⰵ. ⰲⱑⱃⱆⱙ ⰳ҃ⰻ. ⰺ҅ ⱂⱁⰽⰾⱁⱀⰻ ⱄⱔ ⰵⰿⱆ. !ⰽⱁ!ⱌ
9:39
Ⰺ҅ ⱃⰵⱍⰵ ⰻⱄ҃. ⱀⰰ ⱄⱘⰴⱏ ⰰⰸⱏ ⰲⱏ ⰿⰻⱃⱏ ⱄⰵ ⱂⱃⰻⰴⱏ. ⰴⰰ ⱀⰵⰲⰻⰴⱔⱎⱅⰵⰹ ⰲⰻⰴⱔⱅⱏ. ⰺ҅ ⰲⰻⰴⱔⱎⱅⰵⰹ ⱄⰾⱑⱂⰻ ⰱⱘⰴⱘⱅⱏ.
9:40
ⱄⰾⱏⰹⱎⰰⱎⱔ ⱄⰵ ⱁⱅⱏ ⱇⰰⱃⰻⱄⱑⰹ. ⱄⰻⰹ ⱄⱘⱎⱅⰵⰹ ⱄⱏ ⱀ̑ⰻⰿⱐ. ⰺ҅ ⱃⱑⱎⱔ ⰵⰿⱆ. ⰵⰴⰰ ⰺ҅ ⰿⱏⰹ ⱄⰾⱑⱂⰻ ⰵⱄⰿⱏ.
9:41
ⱃⰵⱍⰵ ⰶⰵ ⰺ҅ⰿⱏ ⰻⱄ҃. ⰰⱎⱅⰵ ⰱⰻⱄⱅⰵ ⱄⰾⱑⱂⰻ ⰱⱏⰹⰾⰻ. ⱀⰵ ⰱⰻⱄⱅⰵ ⰺ҅ⰿⱑⰾⰻ ⰳⱃⱑⱈⰰ. ⱀⱏⰹⱀ̑ⱑ ⰶⰵ ⰳⰾ҃ⰵⱅⰵ. ⱑⰽⱁ ⰲⰻⰴⰻⰿⱏ. ⰺ҅ ⰳⱃⱑⱈⱏ [ⰲ]ⰰⱎⱐ ⱂⱃⱑⰱⱏⰹⰲⰰⰵⱅⱏ.