ЕВАНГЕЛИЕ ЕЖЕ Ѿ ІОАННА
8:1
!Ⰺ҅ⰻⱄ ⰶⰵ ⰺ҅ⰴⰵ ⰲⱏ ⰳⱁⱃⱘ ⰵⰾⰵⱁⱀⱐⱄⰽⱘⱙ.
8:2
ⱓⱅⱃⱁ ⰶⰵ ⱂⰰⰽⱏⰹ ⱂⱃⰻⰴⰵ ⰲⱏ ⱌⱃⱏⰽⱁⰲⱐ. ⰺ҅ ⰲⱄⰻ ⰾ̑ⱓⰴⰻⰵ ⰺ҅ⰴⱑⰰⱈⱘ ⰽⱏ ⱀ̑ⰵⰿⱆ. ⰺ҅ ⱄⱑⰴⱏ ⱆⱍⰰⰰⱎⰵ ⱗ.
8:3
ⱂⱃⰻⰲⱑⱄⱔ ⰶⰵ ⰽⱏⱀⰻⰶⱐⱀⰻⱌⰻ ⰺ҅ ⱇⰰⱃⰻⱄⱑⰻ ⰶⰵⱀⱘ ⰲⱏ ⱂⱃⱑⰾ̑ⱓⰱⱁⰴⱑⰰⱀⰻ ⱗⱅⱘ: ⰺ҅ ⱂⱁⱄⱅⰰⰲⰾⱐⱎⰵ ⱙ ⱂⱁⱄⱃⱑⰴⱑ
8:4
ⰳⰾ҃ⰰⱎⱔ ⰵⰿⱆ. ⱆⱍⰻⱅⰵⰾ̑ⱓ ⱄⰻ ⰶⰵⱀⰰ ⱗⱅⰰ ⰵⱄⱅⱏ ⱀⱏⰹⱀ̑ⱑ ⰲⱏ ⱂⱃⱑⰾ̑ⱓⰱⱁⰴⱑⰰⱀⰻⰹ.
8:5
ⰲⱏ ⰸⰰⰽⱁⱀⱑ ⱀⰰⰿⱏ ⰿⱁⱄⰻ ⱂⱁⰲⰵⰾⱑ. ⱅⰰⰽⱁⰲⱏⰹⱗ ⰽⰰⰿⰵⱀⰻⰵⰿⱐ ⱂⱁⰱⰻⰲⰰⱅⰻ. ⱅⱏⰹ ⰶⰵ ⱍⱐⱅⱁ ⰳⰾ҃ⰵⱎⰻ.
8:6
ⱄⰵ ⰶⰵ ⱃⱑⱎⱔ ⰺ҅ⱄⰽⱆⱎⰰⱙⱎⱅⰵ ⰻ. ⰴⰰ ⰱⱘ ⰺ҅ⰿⱑⰾⰻ ⱀⰰ ⱀ̑ⱐ ⱍⱐⱅⱁ ⰳⰾ҃ⰰⱅⰻ. ⰻⱄ҃ ⰶⰵ ⱀⰻⰸⱏ ⱂⱁⰽⰾⱁⱀⱐ ⱄⱔ. ⱂⱃⱐⱄⱅⱁⰿⱐ ⱂⰻⱄⰰⱎⰵ ⱀⰰ ⰸⰵⰿⰻ.
8:7
ⱑⰽⱁ ⰶⰵ ⱂⱃⰻⰾⰵⰶⰰⱈⱘ ⰲⱏⱂⱃⰰⱎⰰⱙⱎⱅⰵ ⰹ. ⰲⱏⱄⰽⰾⱁⱀⰻ ⱄⱔ ⰺ ⱃⰵⱍⰵ ⰺ҅ⰿⱏ. ⰺ҅ⰶⰵ ⰲⰰⱄⱏ ⰱⰵⰸ ⰳⱃⱑⱈⰰ ⰵⱄⱅⱏ. ⱂⱃⱑⰶⰴⰵ ⰲⱃⱏⰷⰻ ⰽⰰⰿⰵⱀⱐ ⱀⰰ ⱀ̑ⱙ.
8:8
ⰺ҅ ⱂⰰⰽⱏⰹ ⱂⱁⰽⰾⱁⱀⱐ ⱄⱔ ⱂⰻⱄⰰⱎⰵ ⱀⰰ ⰸⰵⰿⰾ̑ⰻ.
8:9
ⱄⰾⱏⰹⱄⰰⰲⱏⱎⰵ ⰺ҅ⱄⱈⱁⰶⰴⰰⱈⱘ. ⰵⰴⰻⱀⱏ ⱂⱁ ⰵⰴⰻⱀⱁⰿⱆ. ⱀⰰⱍⱐⱀⱏⱎⰵ ⱁⱅⱏ ⱄⱅⰰⱃⱐⱌⱐ. ⰺ҅ ⱁⱄⱅⰰ ⰵⰴⰻⱀⱏ. ⰺ҅ ⰶⰵⱀⰰ ⱄⱅⱁⱗⱎⱅⰹ ⱂⱁⱄⱃⱑⰴⱑ.
8:10
ⰲⱏⱄⰽⰾⱁⱀⱐ ⰶⰵ ⱄⱔ ⰻⱄ҃ ⱃⰵⱍⰵ ⰵⰹ. ⰶⰵⱀⱁ. ⰽⱏⰴⰵ ⱄⱘⱅⱏ ⰺ҅ⰶⰵ ⱀⰰ ⱅⱔ ⰲⰰⰶⰴⰰⱈⱘ. ⱀⰻⰽⱏⰹⰶⰵ ⰾⰻ ⱅⰵⰱⰵ ⱁⱄⱘⰴⰻ.
8:11
ⱁⱀⰰ ⰶⰵ ⱃⰵⱍⰵ. ⱀⰻⰽⱏⱅⱁⰶⰵ ⰳ҃ⰻ. ⱃⰵⱍⰵ ⰶⰵ ⰻⱄ҃. ⱀⰻ. ⰰⰸⱏ ⱅⰵⰱⰵ ⱁⱄⱘⰶⰴⰰⱙ. ⰺ҅ⰴⰻ. ⰺ҅ ⱁⱅⱏⱄⰵⰾⱑ ⱀⰵ ⱄⱏⰳⱃⱑⱎⰰⰹ ⰽⱏ ⱅⱁⰿⱆ.
8:12
Ⱂⰰⰽⱏⰹ ⰶⰵ ⰺ҅ⰿⱏ ⱃⰵⱍⰵ ⰻⱄ҃ ⰳⰾ҃ⱔ. ⰰⰸⱏ ⰵⱄⰿⱐ ⱄⰲⱑⱅⱏ ⰿⰻⱃⱆ. ⱈⱁⰴⱔⰹ ⱂⱁ ⰿⱀⱑ. ⱀⰵ ⰺ҅ⰿⰰⱅⱏ ⱈⱁⰴⰻⱅⰻ ⰲⱏ ⱅⱏⰿⱑ. ⱀⱏ ⰺ҅ⰿⰰⱅⱏ ⱄⰲⱑⱅⰰ ⰶⰻⰲⱁⱅⱏⱀⰰⰳⱁ.
8:13
ⱃⱑⱎⱔ ⰶⰵ ⰵⰿⱆ ⱇⰰⱃⰻⱄⱑⰹ. ⱅⱏⰹ ⱁ ⱄⰵⰱⱑ ⱄⰰⰿⱏ ⱄⱏⰲⱑⰴⱑⱅⰵⰾⱐⱄⱅⰲⱆⰵⱎⰻ. ⱄⱏⰲⱑⰴⱑⱅⰵⰾⱐⱄⱅⰲⱁ ⱅⰲⱁⰵ ⱀⱑⱄⱅⱏ ⰺ҅ⱄⱅⰻⱀⱏⱀⱁ.
8:14
ⱁⱅⱏⰲⱑⱎⱅⰰ ⰻⱄ҃. ⰺ҅ ⱃⰵⱍⰵ ⰺ҅ⰿⱏ. ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾⱐⱄⱅⰲⱆⱙ ⱁ ⰿⱐⱀⱑ ⱄⰰⰿⱁⰿⱐ. ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰿⱁⰵ [ⱀⱑⱄⱅⱏ] ⰺ҅ⱄⱅⰻⱀⱏⱀⱁ ⰵⱄⱅⱏ. ⱑⰽⱁ ⰲⱑⰿⱐ ⱁⱅⱏⰽⱘⰴⱆ ⱂⱃⰻⰴⱏ. ⰺ҅ ⰽⰰⰿⱁ ⰳⱃⱔⰴⱘ. ⰺ҅ ⰽⰰⰿⱁ ⰺ҅ⰴⱘ.
8:15
ⰲⱏⰹ ⰶⰵ ⱂⱁ ⱂⰾⱏⱅⰻ ⱄⱘⰴⰻⱅⰵ. ⰰⰸⱏ ⱀⰵ ⱄⱘⰶⰴⱘ ⱀⰻⰽⱁⰿⱆⰶⰵ.
8:16
ⰰⱎⱅⰵ ⱄⱘⰶⰴⱘ ⰰⰸⱏ ⱄⱘⰴⱏ ⰿⱁⰹ ⰺ҅ⱄⱅⰻⱀⱐⱀⱏ ⰵⱄⱅⱏ. ⱑⰽⱁ ⰵⰴⰻⱀⱏ ⱀⱑⱄⰿⱐ. ⱀⱏ ⰰⰸⱏ ⰺ҅ ⱂⱁⱄⱏⰾⰰⰲⱏⰹ ⰿⱔ ⱁⱌ҃ⱐ.
8:17
ⰺ҅ ⰲⱏ ⰸⰰⰽⱁⱀⱑ ⰶⰵ ⰲⰰⱎⰵⰿⱐ. ⱄⱂⸯⰰⱀⱁ ⰵⱄⱅⱏ. ⱑⰽⱁ ⰴⱏⰲⱁⱓ ⱍⰽ҃ⱆ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰺ҅ⱄⱅⰻⱀⱐⱀⱁ ⰵⱄⱅⱏ.
8:18
ⰰⰸⱏ ⰵⱄⰿⱐ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱗⰹ ⱁ ⰿⱐⱀⱑ ⱄⰰⰿⱁⰿⱐ. ⰺ҅ ⱄⱏⰲⱑⰴⱑⱅⰵⰾⱐⱄⱅⰲⱆⰵⱅⱏ ⱁ ⰿⱐⱀⱑ. ⱂⱁⱄⱏⰾⰰⰲⱏⰹ ⰿⰵ ⱁⱌ҃ⱐ.
8:19
ⰳⰾ҃ⰰⱈⱘ ⰶⰵ ⰵⰿⱆ ⰽⱏⰴⰵ ⰵⱄⱅⱏ ⱁⱌ҃ⱐ ⱅⰲⱁⰹ. Ⱉⱅⱏⰲⱑⱎⱅⰰ ⰻⱄ҃. ⱀⰻ ⰿⰵⱀⰵ ⰲⱑⱄⱅⰵ ⱀⰻ ⱁⱌ҃ⰰ ⰿⰵⰳⱁ. ⰰⱎⱅⰵ ⰿⱔ ⰱⰻⱄⱅⰵ ⰲⱑⰴⱑⰾⰻ. ⰺ҅ ⱁⱌ҃ⰰ ⰿⱁⰵⰳⱁ ⱆⰱⱁ ⰱⰻⱄⱅⰵ ⰲⱑⰴⱑⰾⰻ.
8:20
Ⱄⰻⱗ ⰳⰾ҃ⱏⰹ ⰳⰾ҃ⰰ. ⰲⱏ ⰳⰰⰸⱁⱇⰻⰾⰰⰽⰻⰹ. ⱆⱍⱔ ⰲⱏ ⱌⱃⱏⰽⱏⰲⰵ. ⰺ ⱀⰻⰽⱏⱅⱁⰶⰵ ⱀⰵ ⰵⱅⱏ ⰵⰳⱁ. ⱑⰽⱁ ⱀⰵ ⱓ ⰱⱑ ⱂⱃⰻⱎⱐⰾⰰ ⰳⱁⰴⰻⱀⰰ ⰵⰳⱁ.
8:21
Ⱃⰵⱍⰵ ⰶⰵ ⰺ҅ⰿⱏ ⱂⰰⰽⱏⰹ ⰻⱄ҃. ⰰⰸⱏ ⰺ҅ⰴⱘ. ⰺ҅ ⰲⱐⰸⰻⱎⱅⰵⱅⰵ ⰿⰵⱀⰵ. ⰺ҅ ⰲⱏ ⰳⱃⱑⱄⱑ ⰲⰰⱎⰵⰿⱐ ⱆⰿⱐⱃⰵⱅⰵ. ⱑⰿⱁⰶⰵ ⰰⰸⱏ ⰺⰴⱘ. ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
8:22
ⰳⰾ҃ⰰⱈⱘ ⰶⰵ ⰺ҅ⱓⰴⰵⰹ. ⰵⰴⰰ ⱄⱔ ⱄⰰⰿⱏ ⱆⰱⰻⰵⱅⱏ. ⱑⰽⱁ ⰳⰾ҃ⰵⱅⱏ. ⱑⰿⱁⰶⰵ ⰰⰸⱏ ⰺ҅ⰴⱘ. ⰲⱏⰹ ⱀⰵ ⰿⱁⰶⰵⱅⰵ ⱂⱃⰻⱅⰻ.
8:23
ⰰⰸⱏ ⱁⱅⱏ ⰲⱏⰹⱎⱐⱀ̑ⰻⱈⱏ ⰵⱄⰿⱐ. ⰲⱏⰹ ⱁⱅⱏ ⰲⱐⱄⰵⰳⱁ ⰿⰻⱃⰰ ⰵⱄⱅⰵ. ⰰⰸⱏ ⱀⱑⱄⰿⱐ ⱁⱅⱏ ⰲⱐⱄⰵⰳⱁ ⰿⰻⱃⰰ
8:24
ⱃⱑⱈⱏ ⱆⰱⱁ ⱑⰽⱁ ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ. ⰰⱎⱅⰵ ⰱⱁ ⰲⱑⱃⱏⰹ ⱀⰵ ⰵⰿⰾⰵⱅⰵ ⰰⰸⱏ ⰵⱄⰿⱐ. ⱆⰿⱐⱃⰵⱅⰵ ⰲⱏ ⰳⱃⱑⱄⱑⱈⱏ ⰲⰰⱎⰻⱈⱏ.
8:25
ⰳⰾ҃ⰰⰰⱈⱘ ⰶⰵ ⰵⰿⱆ. ⱅⱏⰹ ⰽⱏⱅⱁ ⰵⱄⰻ. ⰺ҅ ⱃⰵⱍⰵ ⰺ҅ⰿⱏ ⰻⱄ҃. ⱀⰰⱍⱔⱅⱏⰽⱏ. ⱑⰽⱁ ⰺ҅ ⰳⰾ҃ⱙ ⰲⰰⰿⱏ.
8:26
ⰿⱏⱀⱁⰳⱁ ⰺ҅ⰿⰰⰿⱐ ⱁ ⰲⰰⱄⱏ ⰳⰾ҃ⰰⱅⰻ. ⰺ҅ ⱄⱘⰴⰻⱅⰻ. ⱀⱏ ⱂⱁⱄⱏⰾⰰⰲⱏⰹ ⰿⱔ ⰺ҅ⱄⱅⰻⱀⱀⱏ ⰵⱄⱅⱏ. ⰺ҅ ⰰⰸⱏ ⱑⰶⰵ ⱄⰾⱏⰹⱎⰰⱈⱏ ⱁⱅⱏ ⱀ̑ⰵⰳⱁ. ⱄⰻ ⰳⰾ҃ⱙ ⰲⱏ ⰿⰻⱃⱑ.
8:27
ⰺ҅ ⱀⰵ ⱃⰰⰸⱆⰿⱑⱎⱔ. ⱑⰽⱁ ⱁⱌ҃ⰰ ⰺ҅ⰿⱏ ⰳⰾ҃ⰰⰰⱎⰵ ⰱ҃ⰰ.
8:28
Ⱃⰵⱍⰵ ⰶⰵ ⰺⰿⱏ ⰻⱄ҃. ⰵⰳⰴⰰ ⰲⱐⰸⱀⰵⱄⰵⱅⰵ ⱄⱀ҃ⰰ ⱍⱄ҃ⰽⰰⰳⱁ. ⱅⱁⰳⰴⰰ ⱃⰰⰸⱆⰿⱑⰵⱅⰵ ⱑⰽⱁ ⰰⰸⱏ ⰵⱄⰿⱐ. ⰺ҅ ⱁ ⱄⰵⰱⱑ ⱀⰻⱍⰵⱄⱁⰶⰵ ⱀⰵ ⱅⰲⱁⱃⱘ. ⱀⱏ ⱑⰽⱁⰶⰵ ⱀⰰⱆⱍⰻ ⰿⱔ ⱁⱌ҃ⱐ. ⱄⰻ ⰳⰾ҃ⱙ.
8:29
ⰺ҅ ⱂⱁⱄⱏⰾⰰⰲⱏⰹ ⰿⱔ ⱄⱏ ⰿⱏⱀⱁⱙ ⰵⱄⱅⱏ. ⱀⰵ ⱁⱄⱅⰰⰲⰻ ⰿⰵⱀⰵ ⰵⰴⰻⱀⱁⰳⱁ ⱁⱌ҃ⱐ. ⱑⰽⱁ ⰰⰸⱏ ⱆⰳⱁⰴⱐⱀⰰ ⱅⰲⱁⱃ̑ⱙ ⰵⰿⱆ ⰲⱐⱄⰵⰳⰴⰰ.
8:30
ⱄⰻ ⰳⰾ҃ⱙⱎⱅⱓ ⰵⰿⱆ. ⰿⱀⱁⰸⰻ ⰲⱑⱃⱁⰲⰰⱎⱔ ⰲⱏ ⱀⱐ.
8:31
!Ⰳⰾⰰⱎⰵ ⰶⰵ ⰻⱄ҃. ⰽⱏ ⰲⱑⱃⱁⰲⰰⰲⱏⱎⰻⰿⱏ ⰲⱏ ⱀ̑ⱐ ⰺ҅ⱓⰴⰵⱁⰿⱏ. ⰰⱎⱅⰵ ⰲⱏⰹ ⱂⱃⱑⰱⱘⰴⰵⱅⰵ ⰲⱏ ⱄⰾⱁⰲⰵⱄⰻ ⰿⱁⰵⰿⱐ. ⰲⱏ ⰺⱄⱅⰻⱀⱘ ⱆⱍⰵⱀⰻⱌⰻ ⰿⱁⰹ ⰱⱘⰴⰵⱅⰵ.
8:32
ⰺ҅ ⱃⰰⰸⱆⰿⱑⰵⱅⰵ ⰺ҅ⱄⱅⰻⱀⱘ. ⰺ҅ ⰻⱄⱅⰻⱀⰰ ⱄⰲⱁⰱⱁⰴⰻⱅⱏ ⰲⱏⰹ.
8:33
ⱁⱅⱏⰲⱑⱎⱅⰰⱎⱔ ⰵⰿⱆ ⰺ҅ⱓⰴⰵⰹ. ⱄⱑⰿⱔ ⰰⰲⱃⰰⰰⰿⰾ̑ⰵ ⰵⱄⰿⱏ. ⰺ҅ ⱀⰻⰽⱁⰿⱆⰶⰵ ⱀⰵ ⱃⰰⰱⱁⱅⰰⱈⱁⰿⱏ ⱀⰻⰽⱁⰾⰻⰶⰵ. ⰽⰰⰽⱁ ⱅⱏⰹ ⰳⰾ҃ⰵⱎⰻ. ⱑⰽⱁ ⱄⰲⱁⰱⱁⰴⱐ ⰱⱘⰴⰵⱅⰵ.
8:34
ⱁⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰲⱄⱑⰽⱏ ⱅⰲⱁⱃⱔⰹ ⰳⱃⱑⱈⱏ. ⱃⰰⰱⱏ ⰵⱄⱅⱏ ⰳⱃⱑⱈⱆ.
8:35
Ⰰ ⱃⰰⰱⱏ ⱀⰵ ⱂⱃⱑⰱⱏⰹⰲⰰⰵⱅⱏ ⰲⱏ ⰴⱁⰿⱆ ⰲⱏ ⰲⱑⰽⱏ. ⱄⱀ҃ⱏ ⱂⱃⱑⰱⱏⰹⰲⰰⰵⱅⱏ ⰲⱏ ⰲⱑⰽⱏ.
8:36
ⰰⱎⱅⰵ ⱆⰱⱁ ⱄⱀ҃ⱏ ⰲⱏⰹ ⱄⰲⱁⰱⱁⰴⰻⱅⱏ. ⰲⱏ ⰺⱄⱅⰻⱀⱘ ⱄⰲⱁⰱⱁⰴⱐ ⰱⱘⰴⰵⱅⰵ.
8:37
ⰲⱑⰿⱐ ⱑⰽⱁ ⱄⱑⰿⱔ ⰰⰲⱃⰰⰰⰿⰾ̑ⰵ ⰵⱄⱅⰵ. ⱀⱏ ⰺⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱑⰽⱁ ⱄⰾⱁⰲⱁ ⰿⱁⰵ ⱀⰵ ⰲⱏⰿⱑⱎⱅⰰⰵⱅⱏ ⱄⱔ ⰲⱏ ⰲⱏⰹ.
8:38
ⰰⰸⱏ ⱑⰶⰵ ⰲⰻⰴⱑⱈⱏ ⱆ ⱁⱌ҃ⰰ ⰿⱁⰵⰳⱁ ⰳⰾ҃ⱙ. ⰺ҅ ⰲⱏⰹ ⱆⰱⱁ ⱑⰶⰵ ⰲⰻⰴⱑⱄⱅⰵ ⱆ ⱁⱌ҃ⰰ ⰲⰰⱎⰵⰳⱁ ⱅⰲⱁⱃⰻⱅⰵ.
8:39
ⱁⱅⱏⰲⱑⱎⱅⰰⱎⱔ ⰺ҅ ⱃⱑⱎⱔ ⰵⰿⱆ. ⱁⱌ҃ⱐ ⱀⰰⱎⱐ ⰰⰲⱃⰰⰰⰿⱏ ⰵⱄⱅⱏ. ⰳⰾ҃ⰰ ⰺ҅ⰿⱏ ⰻⱄ҃. ⰰⱎⱅⰵ ⱍⱔⰴⰰ ⰰⰲⱃⰰⰿⰾ̑ⱑ ⰱⱏⰹⱄⱅⰵ ⰱⱏⰹⰾⰻ. ⰴⱑⰾⰰ ⰰⰲⱃⰰⰰⰿⰾ̑ⱑ ⱅⰲⱁⱃⰻⰾⰻ ⰱⱏⰹⱄⱅⰵ.
8:40
ⱀⱏⰹⱀ̑ⱑ ⰶⰵ ⰺ҅ⱎⱅⰵⱅⰵ ⰿⰵⱀⰵ ⱆⰱⰻⱅⰻ. ⱍⰽ҃ⰰ ⰺ҅ⰶⰵ ⰺ҅ⱄⱅⰻⱀⱘ ⰲⰰⰿⱏ ⰳⰾ҃ⰰⱈⱏ ⱙⰶⰵ ⱄⰾⱏⰹⱎⰰⱈⱏ ⱁⱅⱏ ⰱ҃ⰰ. Ⱄⰵⰳⱁ ⰰⰲⱃⰰⰰⰿⱏ ⱀⱑⱄⱅⱏ ⱄⱏⱅⰲⱁⱃⰻⰾⱏ.
8:41
ⰲⱏⰹ ⱅⰲⱁⱃⰻⱅⰵ ⰴⱑⰾⰰ ⱁⱌ҃ⰰ ⰲⰰⱎⰵⰳⱁ. ⱃⱑⱎⱔ ⰶⰵ ⰵⰿⱆ. ⰿⱏⰹ ⱁⱅⱏ ⰾ̑ⱓⰱⱁⰴⱑⰰⱀⰻⱑ ⱀⱑⱄⰿⱏ ⱃⱁⰶⰴⰵⱀⰻ. ⰿⱏⰹ ⰵⰴⰻⱀⱁⰳⱁ ⱁⱌ҃ⰰ ⰺ҅ⰿⰰⰿⱏ ⰱ҃ⰰ.
8:42
ⱃⰵⱍⰵ ⰶⰵ ⰺ҅ⰿⱏ ⰻⱄ҃. ⰰⱎⱅⰵ ⰱ҃ⱏ ⱁⱌ҃ⱐ ⰲⰰⱎⱐ ⰱⰻ ⰱⱏⰹⰾⱏ. ⰾ̑ⱓⰱⰻⰾⰻ ⰿⱔ ⰱⰻⱄⱅⰵ. ⰰⰸⱏ ⰱⱁ ⱁⱅⱏ ⰱ҃ⰰ ⰺ҅ⰸⰻⰴⱏ ⰺ҅ ⱂⱃⰻⰴⱏ. !ⰽⱁ!ⱌ. ⱀⰵ ⱁ ⱄⰵⰱⱑ ⰱⱁ ⱂⱃⰻⰴⱏ. ⱀⱏ ⱅⱏ ⰿⱔ ⱂⱁⱄⱏⰾⰰ.
8:43
ⱂⱁ ⱍⱐⱅⱁ ⰱⰵⱄⱑⰴⱏⰹ ⰿⱁⰵⱗ ⱀⰵ ⱃⰰⰸⱆⰿⱑⰵⱅⰵ. ⱑⰽⱁ ⱀⰵ ⰿⱁⰶⰵⱅⰵ ⱄⰾⱏⰹⱎⰰⱅⰻ ⱄⰾⱁⰲⰵⱄⰵ ⰿⱁⰵⰳⱁ.
8:44
ⰲⱏⰹ ⱁⱅⱏ ⱁⱌ҃ⰰ ⰴⰻⱑⰲⱁⰾⰰ ⰵⱄⱅⰵ. ⰺ҅ ⱂⱁⱈⱁⱅⰻ ⱁⱌ҃ⰰ ⰲⰰⱎⰵⰳⱁ ⱈⱁⱎⱅⰵⱅⰵ ⱅⰲⱁⱃⰻⱅⰻ. ⱁⱀⱏ ⱍⰽ҃ⱁⱆⰱⰻⱌⰰ ⰱⱑ ⰺ҅ⱄⰽⱁⱀⰻ. ⰺ҅ ⰲⱏ ⰺⱄⱅⰻⱀⱑ ⱀⰵ ⱄⱅⱁⰺⱅⱏ. ⱑⰽⱁ ⱀⱑⱄⱅⱏ ⰺ҅ⱄⱅⰻⱀⱏⰹ ⰲⱐ ⱀ̑ⰵⰿⱐ. ⰵⰳⰴⰰ ⰳⰾ҃ⰵⱅⱏ ⰾⱏⰶⱘ. ⱁⱅⱏ ⱄⰲⱁⰺⱈⱏ ⰳⰾ҃ⰵⱅⱏ. ⱑⰽⱁ ⰾⱏⰶⱐ ⰵⱄⱅⱏ ⰺ҅ ⱁⱌ҃ⱐ ⰵⰳⱁ.
8:45
ⰰⰸⱏ ⰶⰵ ⰸⰰⱀⰵ ⰺ҅ⱄⱅⰻⱀⱘ ⰳⰾ҃ⱙ. ⱀⰵ ⰵⰿⰾ̑ⰵⱅⰵ ⰲⱑⱃⱏⰹ ⰿⱐⱀⱑ.
8:46
ⰽⱏⱅⱁ ⱁⱅⱏ ⰲⰰⱄⱏ ⱁⰱⰾⰻⱍⰰⰵⱅⱏ ⰿⱔ ⱁ ⰳⱃⱑⱄⱑ. ⰰⱎⱅⰵ ⰺ҅ⱄⱅⰻⱀⱘ ⰳⰾ҃ⱙ. ⱂⱁ ⱍⱐⱅⱁ ⰲⱏⰹ ⰲⱑⱃⱏⰹ ⱀⰵ ⰵⰿⰾⰵⱅⰵ ⰿⱐⱀⱑ.
8:47
ⰺ҅ⰶⰵ ⰵⱄⱅⱏ ⱁⱅⱏ ⰱ҃ⰰ. ⰳⰾ҃ⱏ ⰱⰶ҃ⰹⰻ ⱂⱁⱄⰾⱆⱎⰰⰵⱅⱏ. ⱄⰵⰳⱁ ⱃⰰⰴⰻ ⰲⱏⰹ ⱀⰵ ⱂⱁⱄⰾⱆⱎⰰⰵⱅⰵ. ⱑⰽⱁ ⱀⱑⱄⱅⰵ ⱁⱅⱏ ⰱ҃ⰰ.
8:48
ⱁⱅⱏⰲⱑⱎⱅⰰⱎⱔ ⰺ҅ⱓⰴⰵⰹ. ⰺ҅ ⱃⱑⱎⱔ ⰵⰿⱆ. ⱀⰵ ⰴⱁⰱⱃⱑ ⰾⰻ ⰳⰾ҃ⰵⰿⱏ ⰿⱏⰹ. ⱑⰽⱁ ⱄⰰⰿⰰⱃⱑⱀⰻⱀⱏ ⰵⱄⰻ ⱅⱏⰹ. ⰺ҅ ⰱⱑⱄⱏ ⰺ҅ⰿⰰⱎⰻ.
8:49
ⱁⱅⱏⰲⱑⱎⱅⰰ ⰻⱄ҃. ⰰⰸⱏ ⰱⱑⱄⰰ ⱀⰵ ⰺ҅ⰿⰰⰿⱐ. ⱀⱏ ⱍⱐⱅⱘ ⱁⱌ҃ⰰ ⰿⱁⰵⰳⱁ. ⰺ҅ ⰲⱏⰹ ⱀⰵ ⱍⱐⱅⰵⱅⰵ ⰿⰵⱀⰵ.
8:50
ⰰⰸⱏ ⰶⰵ ⱀⰵ ⰺ҅ⱎⱅⱘ ⱄⰾⰰⰲⱏⰹ ⰿⱁⰵⱗ. ⰵⱄⱅⱏ ⰺ҅ⱎⱅⱔⰻ ⰺ҅ ⱄⱘⰴⱔ.
8:51
ⰰⰿⰻⱀ ⰰⰿⰻⱀ ⰳⰾ̑ⱙ ⰲⰰⰿⱏ. ⰰⱎⱅⰵ ⰽⱏⱅⱁ ⱄⰾⱁⰲⱁ ⰿⱁⰵ ⱄⱏⰱⰾ̑ⱓⰴⰵⱅⱏ. ⱄⱏⰿⱃⱏⱅⰻ ⱀⰵ ⰺ҅ⰿⰰⱅⱏ ⰲⰻⰴⱑⱅⰻ ⰲⱏ ⰲⱑⰽⱏ.
8:52
ⱃⱑⱎⱔ ⰶⰵ ⰵⰿⱆ ⰺ҅ⱓⰴⰵⰹ. ⱀⱏⰹⱀ̑ⱑ ⱃⰰⰸⱆⰿⱑⱈⱁⰿⱏ ⱑⰽⱁ ⰱⱑⱄⱏ ⰺⰿⰰⱎⰻ. ⰰⰲⱃⰰⰰⰿⱏ ⱆⰿⱐⱃⱑⱅⱏ ⰺ҅ ⱂⱃⱁⱃⱁⱌⰻ. ⰺ҅ ⱅⱏⰹ ⰳⰾ҃ⰵⱎⰻ. ⱑⰽⱁ ⰰⱎⱅⰵ ⰽⱏⱅⱁ ⱄⰾⱁⰲⱁ ⰿⱁⰵ ⱄⱏⰱⰾ̑ⱓⰴⰵⱅⱏ. ⱀⰵ ⰺ҅ⰿⰰⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ ⰲⱏ ⰲⱑⰽⱏ.
8:53
ⰵⰴⰰ ⱅⱏⰹ ⰱⱁⰾ̑ⰻⰹ ⰵⱄⰻ ⱁⱌ҃ⰰ ⱀⰰⱎⰵⰳⱁ. ⰰⰲⱃⰰⰰⰿⰰ. ⰺ҅ⰶⰵ ⱆⰿⱃⱑⱅⱏ ⰺ҅ ⱂⱃⱁⱃⱁⱌⰻ ⱆⰿⱃⱑⱎⱔ. ⰽⱏⱅⱁ ⱄⱔ ⱄⰰⰿⱏ ⱅⱏⰹ ⱅⰲⱁⱃⰻⱎⰻ.
8:54
ⱁⱅⱏⰲⱑⱎⱅⰰ ⰻⱄ҃. ⰰⱎⱅⰵ ⰰⰸⱏ ⱄⰾⰰⰲⰾ̑ⱙ ⱄⱔ ⱄⰰⰿⱏ. ⱄⰾⰰⰲⰰ ⰿⱁⱑ ⱀⰻⱍⱐⱅⱁⰶⰵ ⰵⱄⱅⱏ. ⰵⱄⱅⱏ ⱁⱌ҃ⱐ ⰿⱁⰹ ⱄⰾⰰⰲⱔⰺ҅ ⰿⱔ. ⰵⰳⱁⰶⰵ ⰲⱏⰹ ⰳⰾ҃ⰵⱅⰵ ⱑⰽⱁ ⰱ҃ⱏ ⱀⰰⱎⱐ ⰵⱄⱅⱏ.
8:55
ⰺ҅ ⱀⰵ ⱂⱁⰸⱀⰰⱄⱅⰵ ⰵⰳⱁ. ⰰⰸⱏ ⰶⰵ ⰲⱑⰿⱐ ⰹ. ⰺ҅ ⰰⱎⱅⰵ ⱃⰵⰽⱘ. ⱑⰽⱁ ⱀⰵ ⰲⱑⰿⱐ ⰵⰳⱁ. ⰱⱘⰴⱘ ⱂⱁⰴⱁⰱⱐⱀⱏ ⰲⰰⰿⱏ ⰾⱏⰶⱐ. ⱀⱏ ⰲⱑⰿⱐ ⰹ. ⰺ҅ ⱄⰾⱁⰲⱁ ⰵⰳⱁ ⱄⱏⰱⰾ̑ⱓⰴⰰⱙ.
8:56
ⰰⰲⱃⰰⰰⰿⱏ ⱁⱌ҃ⱐ ⰲⰰⱎⱐ. ⱃⰰⰴⱏ ⰱⰻ ⰱⱏⰹⰾⱏ ⰴⰰ ⰱⰻ ⰲⰻⰴⱑⰾⱏ ⰴⱐⱀⱐ ⰿⱁⰹ. ⰺ҅ ⰲⰻⰴⱑ ⰺ҅ ⰲⱏⰸⰴⱃⰰⰴⱁⰲⰰ ⱄⱔ.
8:57
ⱃⱑⱎⱔ ⰶⰵ ⰺ҅ⱓⰴⰵⰹ ⰽⱏ ⱀ̑ⰵⰿⱆ. ⱂⱔⱅⰻ ⰴⰵⱄⱔⱅⱏ ⰾⱑⱅⱏ ⱀⰵ ⱓ ⰺ҅ⰿⰰⱎⰻ. ⰰⰲⱃⰰⰰⰿⱏ ⰾⰻ ⰵⱄⰻ ⰲⰻⰴⱑⰾⱏ.
8:58
ⱃⰵⱍⰵ ⰺ҅ⰿⱏ ⰻⱄ҃. ⰰⰿⰻⱀ , ⰰⰿⰻⱀ , ⰳⰾ҃ⱙ ⰲⰰⰿⱏ. ⱂⱃⱑⰶⰴⰵ ⰴⰰⰶⰵ ⱀⰵ ⰱⱏⰹⱄⱅⱏ ⰰⰲⱃⰰⰰⰿⱏ. ⰰⰸⱏ ⰵⱄⰿⱐ.
8:59
ⰲⱐⰸⱔⱎⱔ ⰶⰵ ⰽⰰⰿⰵⱀⰻⰵ. ⰴⰰ ⰲⱃⱏⰳⱘⱅⱏ ⱀⰰ ⱀⱐ. ⰺⱄ҃ ⰶⰵ ⱄⱏⰽⱃⱏⰹ ⱄⱔ. ⰺ҅ ⰻⰸⰻⰴⰵ ⰺ҅ ⱌⱃⱏⰽⱏⰲⰵ. ⰺ҅ ⱂⱃⱁⱎⱐⰴⱏ ⱂⱁⱄⱃⱑⰴⱑ ⰺ҅ⱈⱏ. ⰺ҅ⰴⱑⰰⱎⰵ ⰺ҅ ⱈⱁⰶⰴⰰⱎⰵ ⱅⰰⰽⱁ. !ⰽⱁ!ⱌ. !ⰸⰰ!ⱍ.