ꙇ҅ хождааше съ н̑ими ꙇс҃. въ галилеи. не хотѣаше бо въ ꙇ҅юдѣи ходити. ѣко ꙇ҅скаахѫ его ꙇ҅юдеі оубити.

бѣ же близъ праздьникъ ꙇ҅юдеꙇ҅скъ. скинопигиѣ.

рѣшѧ же къ н̑емоу братриѣ его. прѣꙇ҅ди отъсѫдоу. ꙇ҅ иди въ ꙇюдеѩ. до ꙇ оученици твоі видѧтъ дѣла твоѣ. ѣже твориши.

никътоже бо въ таꙇнѣ ничесоже творитъ. ꙇ҅ иштетъ самъ ѣвѣ бꙑти. аште си [всѣ] твориши ѣви сѧ вьсемоу мироу.

ни братиѣ бо вѣровахѫ вь н̑его.

гл҃а же ꙇ҅мъ ис҃. врѣмѧ мое не оу приде. а врѣмѧ ваше вьсегда готово естъ.

не можетъ миръ ненавидѣти васъ. мене же ненавидитъ. ѣко азъ съвѣдѣтел̑ьствоуѭ о н̑емь. ѣко дѣла его зъла сѫтъ.

вꙑ вьзидѣте въ праздьникось. *̆азъ не вьзидѫ въ праздьникъ сь. ѣко врѣмѧ мое не ꙇ҅сплъни сѧ.

си рекъ самъ оста въ галилеі.

егда же вьзидѫ братриѣ его въ праздьникъ. тогда ꙇ҅ самъ вьзиде. не ѣвѣ нъ ако таі.

ꙇ҅юдеі же его ꙇ҅скахѫ въ праздьникъ. ꙇ҅ гл҃ахѫ. къде естъ онъ.

ꙇ҅ ръпътъ мъногъ бѣ о н̑емь въ народѣхъ. ови гл҃ахѫ ѣко благъ естъ. ꙇ҅ни же гл҃ахѫ ни. нъ льститъ народꙑ.

никотерꙑ же оубо ѣвѣ гл҃аше о н̑емь. страха ради ꙇ҅юдеꙇ҅ска.

*̆абие же въ прѣполовл̑ение праздьника. вьзиде ис҃ въ цръкъве ꙇ҅ оучааше.

ꙇ҅ дивл̑ѣахѫ сѧ ꙇ҅юдеи гл̑ѭште. како сь кън̑игꙑ оумѣетъ не оучь сѧ.

отъвѣшта же ис҃. ꙇ҅ рече ꙇ҅мъ. мое оучение нѣстъ мое. нъ посълавъшаего мѧ.

аште къто хоштетъ вол̑ѭ его творити. разоумѣетъ о оучени кое отъ б҃а естъ. ли азъ себѣ гл̑ѭ.

гл҃ѧи о себѣ. славꙑ своеѩ ꙇ҅штетъ. а ꙇштѧі славꙑ посълавъшаего і. сь ꙇ҅стиненъ естъ. ꙇ҅ нѣстъ неправъдꙑ вь н̑емь.

не моси ли дастъ вамъ законъ. ꙇ҅ никътозе отъ васъ творитъ закона. Чьто мене ꙇ҅штете оубити.

отъвѣшта народъ ꙇ҅ рече. бѣсъ ли ꙇ҅маши. къто тебе ꙇ҅штетъ оубити.

отъвѣшта ис҃. ꙇ҅ рече ꙇ҅мъ. едино дѣло сътворихъ. ꙇ҅ вьси дивите сѧ.

сего ради дастъ вамъ моси обрѣзание. не ѣко отъ мосѣа естъ. нъ отъ оц҃ь. ꙇ҅ въ сѫботѫ обрѣзаете чк҃а.

аште обрѣзание приемл̑етъ чк҃ъ въ сѫботѫ. да не разоритъ сѧ законъ мосѣовъ. на мѧ ли гнѣваете сѧ. ѣко вьсего чк҃а съдрава сътворихъ въ сѫботѫ.

не сѫдите на лица. нъ правьдьнꙑ сѫдъ сѫдите.

гл҃ахѫ же етериі отъ !ꙇ҅илмлѣнъ. не сь ли естъ егоже ꙇ҅штѫтъ оубити.

ꙇ҅ се не обиноуѩ сѧ гл҃етъ. ꙇ҅ ничесоже емоу не !глѭтъ. еда како разоумѣшѧ кънѧзи ѣко сь естъ х҃ъ.

нъ сего вѣмъ отъкѫдоу сь естъ. а х҃ъ егда придетъ. Никътоже не вѣстъ отъкѫдоу естъ.

възъва же въ цръкъве. оучѧ ис҃. ꙇ҅ гл҃ѧ. ꙇ҅ мене вѣсте. ꙇ҅ вѣсте отъ кѫдоу есмь. ꙇ҅ о себѣ не придъ. нъ естъ ꙇ҅стиньнъ посълавꙑ мѧ. егоже вꙑ не вѣсте.

азъ и вѣмь. Ѣко отъ н̑его есмь ꙇ҅ тъ мѧ посъла.

ꙇ҅скахѫ же ѩти і. ꙇ҅ никътоже не възложи рѫкꙑ на н̑ь. ѣко не ю бѣ пришьлъ годъ его.

Ѡтъ народа же мнози вѣровашѧ въ нь. ꙇ҅ гл҃ахѫ. ѣко х҃ъ егда придетъ. еда больша знамениѣ сътворитъ. ѣже естъ сътворилъ.

слꙑшашѧ же фарисѣі. народъ ръпъштѫшть о н̑емь се. Ꙇ посълашѧ архиереі. слоугꙑ да ꙇмѫтъ і.

Рече же ис҃. еште мало врѣмѧ съ вами есмь. ꙇ҅ идѫ къ посълавъшюемоу мѧ.

Поꙇ҅штете мене ꙇ҅ не обрѧштете. ꙇ҅деже есмь азъ вꙑ не можете прити.

рѣшѧ же ꙇ҅юдеі къ себѣ сами. камо хоштетъ ꙇ҅ти. ꙇ҅ оучити. елинꙑ.

Чьто естъ слово се еже рече. вьзиштете мене ꙇ҅ не обрѧштете. ꙇ҅ идеже есмь азъ вꙑ не можете прити.

въ послѣдьни же дьнь великꙑ. праздьникъ. стоѣаше ис҃. ꙇ҅ зъваше гл҃ѧ. аште къто жѧждетъ. да придетъ. къ мьнѣ ꙇ҅ пиетъ.

ꙇ҅ вѣроуѩі въ мѧ. ѣкоже кън̑игꙑ рѣшѧ. рѣкꙑ отъ чрѣва его ꙇ҅стекѫтъ водꙑ живꙑ.

се же рече о дс҃ѣ. ꙇ҅же хотѣхѫ приемати. вѣроуѭштеі вь н̑его. не ю бо бѣ дх҃ъ ст҃ꙑ данъ. ѣко ис҃ не ю бѣ прославл̑енъ.

Мнози же отъ народа слꙑшавъше словеса си. гл҃ахѫ сь естъ въ ꙇ҅стинѫ пророкъ.

Дроузи же гл҃ахѫ сь естъ х҃ъ. ови же гл҃ахѫ. еда отъ галилеѩ х҃ъ придетъ.

не кънигꙑ ли рѣшѧ. ѣко отъ сѣмене !дава. ꙇ҅ отъ витьлеомьскаго градьца. ꙇ҅деже бѣ да҃дъ придетъ х҃ъ.

Распьрѣ же бꙑ!с въ народѣ его ради.

Етеріи же отъ н̑ихъ хотѣахѫ ѩти і. нъ никътоже не възложи на н̑ь рѫкоу.

Придѫ же слоугꙑ. къ архиереомъ ꙇ҅ фарисеомъ. Ꙇ҅ рѣшѧ ꙇ҅мъ ти. по чьто не привѣсте его.

отъвѣшташѧ слоугꙑ. николиже тако естъ. гл҃ъ чк҃ъ. ѣко сь чк҃ъ. отъвѣшташѧ ꙇ҅мъ фарисѣі.

нъ народось. ꙇ҅же не вѣстъ закона проклѧти сѫтъ.

гл҃а никодимъ къ н̑имъ. пришедꙑ къ н̑емоу ноштиѭ. единъ сꙑ отъ н̑ихъ.

еда законъ нашь сѫдитъ чк҃оу. аште не слꙑшитъ отъ н̑его прѣжде. ꙇ҅ разоумѣѭтъ чьто творитъ.

отъвѣшташѧ ꙇ҅ рѣшѧ емоу. еда тꙑ отъ галилеѩ еси. ꙇ҅спꙑтаи і ꙇ҅ виждь. ѣко отъ галилеѩ пророкъ не придетъ.

ꙇ҅ иде къжьдо въ домъ своі.