ЕВАНГЕЛИЕ ЕЖЕ Ѿ ІОАННА
5:1
Ⱂⱁ ⱄⰻⱈⱏ ⰶⰵ ⰱⱑ ⱂⱃⰰⰸⰴⱐⱀⰻⰽⱏ ⰺⱓⰴⰵⰺ҅ⱄⰽⱏ. ⰺ҅ ⰲⱐⰸⰻⰴⰵ ⰻⱄ҃ ⰲⱏ ⰵⰾ҃ⰿⱏ.
5:2
ⰵⱄⱅⱏ ⰶⰵ ⰲⱏ !ⰵⱃⰿⱑⱈⱏ ⱀⰰ ⱁⰲⱐⱍⰻ ⰽⱘⱂⱑⰾⰻ. ⱑⰶⰵ ⱀⰰⱃⰻⱌⰰⰵⱅⱏ ⱄⱔ ⰵⰲⱃⰵⰺⱄⰽⱏⰹ ⱇⰵⰸⰴⰰ. ⱂⱔⱅⱐ ⱂⱃⰻⱅⰲⱁⱃⱏ ⰺ҅ⰿⱘⱎⱅⰻ.
5:3
ⰲⱐ ⱅⱑⱈⱏ ⰶⰵ ⰾⰵⰶⰰⰰⱎⰵ ⰿⱏⱀⱁⰶⱐⱄⱅⰲⱁ ⰱⱁⰾⱔⱎⱅⰹⱈⱏ. ⱄⰾⱑⱂⱏ. ⱈⱃⱁⰿⱏ. ⱄⱆⱈⱏ. ⱍⰰⱙⱎⱅⰵⰺ҅ⱈⱏ ⰴⰲⰻⰶⰵⱀⱐⱑ ⰲⱁⰴⱑ.
5:4
!̆ⰰⰼⰾⱏ ⰱⱁ ⰳⱀ҃ⱐ ⱀⰰ ⰲⱐⱄⱑ ⰾⱑⱅⰰ. ⰿⱏⰹⱑⱎⰵ ⱄⱔ ⰲⱏ ⰽⱘⱂⱑⰾⰻ. ⰺ҅ ⰲⱏⰸⰿⱘⱎⱅⰰⰰⱎⰵ ⰲⱁⰴⱘ. ⰺ҅ ⰻⰶⰵ ⱂⱃⱏⰲⱑⰵ ⰲⱏⰾⰰⰶⰰⱎⰵ ⱂⱁ ⰲⱏⰸⰿⱘⱎⱅⰵⱀⰻ ⰲⱁⰴⱏⰹ. ⱄⱏⰴⱃⰰⰲⱏ ⰱⱏⰹⰲⰰⰰⱎⰵ.
5:5
Ⰱⱑ ⰶⰵ ⱅⱆ ⰵⱅⰵⱃⱏ ⱍⰽ҃ⱏ !ⰼ ⰺ !ⰷ ⰾⱑⱅⱏ ⰺ҅ⰿⱏⰹ ⰲⱏ ⱀⰵⰴⱘⰸⱑ ⱄⰲⱁⰵⰿⱏ.
5:6
ⱄⰵⰳⱁ ⰲⰻⰴⱑⰲⱏ ⰻⱄ҃. ⰾⰵⰶⱔⱎⱅⰰ. ⰺ҅ ⱃⰰⰸⱆⰿⱑⰲⱏ ⱑⰽⱁ ⰿⱏⱀⱁⰳⰰ ⰾⱑⱅⰰ ⱓⰶⰵ ⰺ҅ⰿⱑⰰⱎⰵ. ⰳⰾ҃ⰰ ⰵⰿⱆ ⱈⱁⱎⱅⰵⱎⰻ ⰾⰻ ⰶⰻⰲⱏ ⰱⱏⰹⱅⰻ.
5:7
Ⱉⱅⱏⰲⱑⱎⱅⰰ ⰵⰿⱆ ⱀⰵⰴⱘⰶⱐⱀⱏⰹ ⰵⰻ. ⰳ҃ⰻ. ⱍⰽ҃ⰰ ⱀⰵ ⰺ҅ⰿⰰⰿⱐ. ⰴⰰ ⰵⰳⰴⰰ ⰲⱏⰸⰿⱘⱅⰻⱅⱏ ⱄⱔ ⰲⱁⰴⰰ. ⰲⱏⰲⱃⱏⰶⰵⱅⱏ ⰿⱔ ⰲⱏ ⰽⱘⱂⱑⰾⱐ. ⰵⰳⰴⰰ ⰶⰵ ⱂⱃⰻⱈⱁⰶⰴⱘ ⰰⰸⱏ. ⰺ҅ⱀⱏ ⱂⱃⱑⰶⰴⰵ ⰿⰵⱀⰵ ⰲⱏⰾⰰⰸⰻⱅⱏ.
5:8
ⰳⰾ҃ⰰ ⰵⰿⱆ ⰻⱄ҃. ⰲⱏⱄⱅⰰⱀⰻ ⰲⱏⰸⱏⰿⰻ ⱁⰴⱃⱏ ⱅⰲⱁⰻ. ⰺ҅ ⰻⰴⰻ ⰲⱏ ⰴⱁⰿⱏ ⱄⰲⱁⰹ.
5:9
ⰺ҅ ⰰⰱⱐⰵ ⱌⱑⰾⱏ ⰱⱏⰹ!ⱄ ⱍⰽ҃ⱏ. ⰺ҅ ⰲⱐⰸⱔⱅⱏ ⱁⰴⱃⱏ ⱄⰲⱁⰻ ⰺ҅ ⱈⱁⰶⰴⰰⱎⰵ. Ⰱⱑ ⰶⰵ ⱄⱘⰱⱁⱅⰰ ⰲⱏ ⱅⱏ ⰴⱐⱀⱐ.
5:10
ⰳⰾ҃ⰰⱈⱘ ⰶⰵ ⰺ҅ⱓⰴⰵⰹ ⰺ҅ⱌⱑⰾⱑⰲⱏⱎⱓⰵⰿⱆ. ⱄⱘⰱⱁⱅⰰ ⰵⱄⱅⱏ ⰺ҅ ⱀⰵ ⰴⱁⱄⱅⱁⰺⱅⱏ ⱅⰵⰱⱑ ⰲⱐⰸⱔⱅⰻ ⱁⰴⱃⰰ ⱄⰲⱁⰵⰳⱁ.
5:11
Ⱉⱀⱏ ⰶⰵ ⱁⱅⱏⰲⱑⱎⱅⰰ ⰺ҅ⰿⱏ. ⰺ҅ⰶⰵ ⰿⱔ ⱄⱏⱅⰲⱁⱃⰻ ⱌⱑⰾⰰ. ⱅⱏ ⰿⱐⱀⱑ ⱃⰵⱍⰵ ⰲⱏⰸⱏⰿⰻ ⱁⰴⱃⱏ ⱅⰲⱁⰹ ⰺ҅ ⱈⱁⰴⰻ.
5:12
ⰲⱏⱂⱃⱁⱄⰻⱎⱔ ⰶⰵ ⰹ. ⰽⱏⱅⱁ ⰵⱄⱅⱏ ⱍⰽ҃ⱏ. ⱃⰵⰽⱏⰹ ⱅⰵⰱⱑ ⰲⱏⰸⱏⰿⰻ ⱁⰴⱃⱏ ⱅⰲⱁⰻ ⰺ҅ ⱈⱁⰴⰻ.
5:13
ⰺ҅ⱄⱌⱑⰾⱑⰲⱏⰹ ⰶⰵ ⱀⰵ ⰲⱑⰴⱑⰰⱎⰵ ⰽⱏⱅⱁ ⰵⱄⱅⱏ. ⰻⱄ҃ ⰱⱁ ⱆⰽⰾⱁⱀⰻ ⱄⱔ ⱀⰰⱃⱁⰴⱆ ⱄⱘⱎⱅⱓ ⱀⰰ ⰿⱑⱄⱅⱑ.
5:14
ⱂⱁⱅⱁⰿⱐ ⰶⰵ ⱁⰱⱃⱑⱅⰵ ⰻⱄ҃ ⰲⱏ ⱌⱃⰽⱏⰲⰵ. ⰺ҅ ⱃⰵⱍⰵ ⰵⰿⱆ ⱄⰵ ⱌⱑⰾⱏ. ⰵⱄⰻ. ⰽⱏ ⱅⱁⰿⱆ ⱀⰵ ⱄⱏⰳⱃⱑⱎⰰⰹ ⰴⰰ ⱀⰵ ⰳⱁⱃⰵ ⱍⱐⱅⱁ ⱅⰻ ⰱⱘⰴⰵⱅⱏ.
5:15
ⰺ҅ⰴⰵ ⰶⰵ ⱍⰽ҃ⱏ. ⰺ҅ ⱂⱁⰲⱑⰴⱑ ⰺ҅ⱓⰴⱑ̆ⱁⰿⱏ. ⱑⰽⱁ ⰺⱄ҃ ⰵⱄⱅⱏ ⰺ҅ⰶⰵ ⰿⱔ ⱄⱏⱅⰲⱁⱃⰻ ⱌⱑⰾⰰ.
5:16
ⰺ ⱄⰵⰳⱁ ⱃⰰⰴⰻ ⰳⱁⱀⱑⱈⱘ ⰻⱄ҃ ⰺⱓⰴⱑⰻ ⰺ҅ ⰻⱄⰽⰰⰰⱈⱘ ⰵⰳⱁ ⱆⰱⰻⱅⰻ. ⰸⰰⱀⰵ ⱄⰻ ⱅⰲⱁⱃ̑ⱑⰰⱎⰵ ⰲⱏ ⱄⱘⰱⱁⱅⱘ.
5:17
ⰺⱄ҃ ⰶⰵ ⱁⱅⱏⰲⱑⱎⱅⰰⰲⰰⰰⱎⰵ ⰺ҅ⰿⱏ. ⱁⱌ҃ⱐ ⰿⱁⰹ ⰴⱁⱄⰵⰾⱑ ⰴⱑⰾⰰⰵⱅⱏ. ⰺ҅ ⰰⰸⱏ ⰴⱑⰾⰰⱙ.
5:18
ⱄⰵⰳⱁ ⱃⰰⰴⰻ ⱂⰰⱍⰵ ⰺ҅ⱄⰽⰰⱈⱘ ⰵⰳⱁ ⰺ҅ⱓⰴⰵⰻ ⱆⰱⰻⱅⰻ. ⱑⰽⱁ ⱀⰵ ⱅⱏⰽⱏⰿⱁ ⱃⰰⰸⰰⱃⱑⱎⰵ ⱄⱘⰱⱁⱅⱘ. ⱀⱏ ⰹ ⱁⱌ҃ⰰ ⱄⰲⱁⰵⰳⱁ ⰳⰾ҃ⰰⱎⰵ ⰱ҃ⰰ. ⱃⰰⰲⱐⱀⱏ ⱄⱔ ⱅⰲⱁⱃⱔ ⰱ҃ⱛ.
5:19
ⱁⱅⱏⰲⱑⱎⱅⰰ ⰶⰵ ⰻⱄ҃. ⰺ҅ ⱃⰵⱍⰵ ⰺ҅ⰿⱏ. ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱀⰵ ⰿⱁⰶⰵⱅⱏ ⱄⱀ҃ⱏ ⱅⰲⱁⱃⰻⱅⰻ ⱁ ⱄⰵⰱⱑ ⱀⰻⱍⰵⱄⱁⰶⰵ. ⰰⱎⱅⰵ ⱀⰵ ⰵⰶⰵ ⰲⰻⰴⰻⱅⱏ ⱁⱌ҃ⰰ ⱅⰲⱁⱃⱔⱎⱅⰰ. ⱑⰶⰵ ⰱⱁ ⱁⱀⱏ ⱅⰲⱁⱃⰻⱅⱏ. ⱄⰻ ⰺ҅ ⱄⱀ҃ⱏ ⱅⰰⰽⱁⰶⰴⰵ ⱅⰲⱁⱃⰻⱅⱏ.
5:20
ⱁⱌ҃ⱐ ⰱⱁ ⰾ̑ⱓⰱⰻⱅⱏ ⱄⱀ҃ⰰ. ⰺ҅ ⰲⱐⱄⱑ ⱂⱁⰽⰰⰶⰵⱅⱏ ⰵⰿⱆ. ⱑⰶⰵ ⱄⰰⰿⱏ ⱅⰲⱁⱃⰻⱅⱏ. ⰺ҅ ⰱⱁⰾⱐⱎⰰ ⱄⰻ ⱂⱁⰽⰰⰶⰵⱅⱏ ⰵⰿⱆ ⰴⱑⰾⰰ. ⰴⰰ ⰲⱏⰹ ⱍⱓⰴⰻⱅⰵ ⱄⱔ.
5:21
ⱑⰽⱁ ⰱⱏ ⱁⱌ҃ⱐ ⰲⱐⱄⰽⱃⱑⱎⰰⰵⱅⱏ ⰿⱃⱏⱅⰲⱏⰹⱗ ⰺ҅ ⰶⰻⰲⰻⱅⱏ. ⱅⰰⰽⱁ ⰺ҅ ⱄⱀ҃ⱏ ⰵⰳⱁⰶⰵ ⱈⱁⱎⱅⰵⱅⱏ ⰶⰻⰲⰻⱅⱏ.
5:22
ⱁⱌ҃ⱐ ⰱⱁ ⱀⰵ ⱄⱘⰴⰻⱅⱏ ⱀⰻⰽⱁⰿⱆⰶⰵ. ⱀⱏ ⱄⱘⰴⱏ ⰲⱐⱄⱐ ⰴⰰⱄⱅⱏ ⱄⱀ҃ⱁⰲⰻ.
5:23
ⰴⰰ ⰲⱐⱄⰻ ⱍⱐⱅⱘⱅⱏ ⱄⱀ҃ⰰ ⱑⰽⱁⰶⰵ ⱍⱐⱅⱘⱅⱏ ⱁⱌ҃ⰰ. ⰺ҅ⰶⰵ ⱀⰵ ⱍⱐⱅⰵⱅⱏ ⱄⱀ҃ⰰ. ⱀⰵ ⱍⱐⱅⰵⱅⱏ ⱁⱌ҃ⰰ ⰺ҅ⰶⰵ ⰹ ⱂⱁⱄⱏⰾⰰ.
5:24
ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⱄⰾⱆⱎⰰⱗⰹ ⱄⰾⱁⰲⰵⱄⰵ ⰿⱁⰵⰳⱁ. ⰺ҅ ⰲⱑⱃⱘ ⰵⰿⰾⱔⰻ ⱂⱁⱄⱏⰾⰰⰲⱏⱎⱓⰵⰿⱆ ⰿⱔ. ⰺ҅ⰿⰰⱅⱏ ⰶⰻⰲⱁⱅⰰ ⰲⱑⱍⱐⱀⰰⰵⰳⱁ. ⰺ҅ ⱀⰰ ⱄⱘⰴⱏ ⱀⰵ ⱂⱃⰻⰴⰵⱅⱏ. ⱀⱏ ⱂⱃⱑⰺⰴⰵⱅⱏ ⱁⱅⱏ ⱄⱏⰿⱃⱏⱅⰻ ⰲⱏ ⰶⰻⰲⱁⱅⱏ.
5:25
ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱑⰽⱁ ⰳⱃⱔⰴⰵⱅⱏ ⰳⱁⰴⰻⱀⰰ. ⰺ҅ ⱀⱏⰹⱀ̑ⱑ ⰵⱄⱅⱏ. ⰵⰳⰴⰰ ⰿⱃⱏⱅⰲⰻ ⱆⱄⰾⱏⰹⱎⱔⱅⱏ ⰳⰾⰰⱄⱏ ⱄⱀ҃ⰰ ⰱⰶ҃ⰻⱑ. ⰺ҅ ⱄⰾⱏⰹⱎⰰⰲⱏⱎⰵⰹ ⱁⰶⰻⰲⱘⱅⱏ.
5:26
Ⱑⰽⱁⰶⰵ ⰱⱁ ⱁⱌ҃ⱐ ⰶⰻⰲⱁⱅⱏ ⰺ҅ⰿⰰⱅⱏ ⰲⱐ ⱄⰵⰱⱑ. ⱅⰰⰽⱁ ⰴⰰⱄⱅⱏ ⰺ҅ ⱄⱀ҃ⱁⰲⰻ ⰶⰻⰲⱁⱅⱏ ⰺ҅ⰿⱑⱅⰻ ⰲⱐ ⱄⰵⰱⱑ.
5:27
ⰺ҅ ⱁⰱⰾⰰⱄⱅⱐ ⰴⰰⱄⱅⱏ ⰵⰿⱆ ⰺ҅ ⱄⱘⰴⱏⰹ ⱅⰲⱁⱃⰻⱅⰻ. ⱑⰽⱁ ⱄⱀ҃ⱏ ⱍⱄ҃ⰽⱏ ⰵⱄⱅⱏ.
5:28
ⱀⰵ ⰴⰻⰲⰻⱅⰵ ⱄⱔ ⱄⰵⰿⱆ ⱑⰽⱁ ⰳⱃⱔⰴⰵⱅⱏ ⱍⰰⱄⱏ. ⰲⱏ ⱀⱐⰶⰵ ⰲⱐⱄⰻ ⰲⱏⱈⱁⰴⱔⱎⱅⰵⰻ ⰲⱏ ⰳⱃⱁⰱⱑⱈⱏ. ⱆⱄⰾⱏⰹⱎⱔⱅⱏ ⰳⰾⰰⱄⱏ ⱄⱀ҃ⰰ ⰱⰶ҃ⰻⱑ.
5:29
ⰺ҅ ⰻⰸⰻⰴⱘⱅⱏ ⱄⱏⱅⰲⱁⱃⱐⱎⰵⰻ ⰱⰾⰰⰳⰰ. ⰲⱏ ⰲⱏⱄⰽⱃⱑⱎⰵⱀⱐⰵ ⰶⰻⰲⱁⱅⱆ. ⰰ ⱄⱏⱅⰲⱁⱃⱐⱎⰵⰹ ⰸⱏⰾⰰⰰ. ⰲⱏ ⰲⱏⱄⰽⱃⱑⱎⰵⱀⰻⰵ ⱄⱘⰴⱆ.
5:30
ⱀⰵ ⰿⱁⰳⱘ ⰰⰸⱏ ⱁ ⱄⰵⰱⱑ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ. ⱑⰽⱁⰶⰵ ⱄⰾⱏⰹⱎⱘ ⱄⱘⰶⰴⱘ. ⰺ҅ ⱄⱘⰴⱏ ⰿⱁⰻ ⱂⱃⰰⰲⱐⰴⱐⱀⱏ ⰵⱄⱅⱏ. ⱑⰽⱁ ⱀⰵ ⰺ҅ⱎⱅⱘ ⰲⱁⰾ̑ⱔ ⰿⱁⰵⱗ. ⱀⱏ ⰲⱁⰾ̑ⱘ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ ⱁⱌ҃ⰰ.
5:31
ⰰⱎⱅⰵ ⰰⰸⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙ ⱁ ⰿⱐⱀⱑ. ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰿⱁⰵ ⱀⱑⱄⱅⱏ ⰺ҅ⱄⱅⰻⱀⱏⱀⱁ.
5:32
ⰺ҅ⱀⱏ ⰵⱄⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱗⰹ ⱁ ⰿⱀⱑ. ⰺ҅ ⰲⱑⰿⱐ ⱑⰽⱁ ⰺ҅ⱄⱅⰻⱀⱏⱀⱁ ⰵⱄⱅⱏ ⱄⱏⰲⱑⰴⱑⱅⰵⰾⱐⱄⱅⰲⱁ ⰵⰶⰵ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⰿⱀⱑ.
5:33
Ⰲⱏⰹ ⱂⱁⱄⱏⰾⰰⱄⱅⰵ ⰽⱏ ⰺ҅ⱁⰰⱀⱆ. ⰺ҅ ⱄⱏⰲⱑⰴⱑⱅⰵⰾⱐⱄⱅⰲⱁⰲⰰ ⱁ ⰺⱄⱅⰻⱀⱑ.
5:34
ⰰⰸⱏ ⰶⰵ ⱀⰵ ⱁⱅⱏ ⱍⰽ҃ⰰ ⱄⱏⰲⱑⰴⱑⱅⰵⰾⱐⱄⱅⰲⰰ ⱂⱃⰻⰵⰿⰾ̑ⱙ. ⱀⱏ ⱄⰻ ⰳⰾ̑ⱙ. ⰴⰰ ⰲⱏⰹ ⱄⱂ҃ⰵⱀⰻ ⰱⱘⰴⰵⱅⰵ.
5:35
ⱁⱀⱏ ⰱⱑ ⱄⰲⱑⱅⰻⰾⱐⱀⰻⰽⱏ ⰳⱁⱃⱔ. ⰺ҅ ⱄⰲⱐⱅⱔ. ⰲⱏⰹ ⰶⰵ ⱈⱁⱅⱑⱄⱅⰵ ⰲⱏⰸⰴⱃⰰⰴⱁⰲⰰⱅⰻ ⱄⱔ. ⰲⱏ ⱍⰰⱄⱏ ⱄⰲⱐⱅⱑⱀⰻⱑ ⰵⰳⱁ.
5:36
ⰰⰸⱏ ⰶⰵ ⰺ҅ⰿⰰⰿⱐ ⱄⱏⰲⱑⰴⱑⱅⰵⰾ̑ⱐⱄⱅⰲⱁ. ⰱⱁⰾ̑ⰵ ⰺ҅ⱁⰰⱀⱀⱁⰲⰰ. ⰴⱑⰾⰰ ⰱⱁ ⱑⰶⰵ ⰴⰰⱄⱅⱏ ⰿⱐⱀⱑ ⱁⱌ҃ⱐ ⰴⰰ ⱄⱏⰲⱃⱏⱎⱘ ⱑ. ⱅⰰ ⰴⱑⰾⰰ ⱑⰶⰵ ⱅⰲⱁⱃ̑ⱙ. ⱄⱏⰲⱑⰴⱑⱅⰵⰾⱐⱄⱅⰲⱆⱙⱅⱏ ⱁ ⰿⱐⱀⱑ. ⱑⰽⱁ ⱁⱌ҃ⱐ ⰿⱔ ⱂⱁⱄⱏⰾⰰ.
5:37
ⰺ҅ ⱂⱁⱄⱏⰾⰰⰲⱏⰹ ⰿⱔ ⱁⱌ҃ⱐ. ⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⰿⱐⱀⱑ. ⱀⰻ ⰳⰾⰰⱄⰰ ⰵⰳⱁ ⱀⰻⰽⱏⰴⰵⰶⰵ ⱄⰾⱏⰹⱎⰰⱄⱅⰵ. ⱀⰻ ⰲⰻⰴⱑⱀⰻⱑ ⰵⰳⱁ ⰲⰻⰴⱑⱄⱅⰵ.
5:38
ⰺ҅ ⱄⰾⱁⰲⰵⱄⰵ ⰵⰳⱁ ⱀⰵ ⰺ҅ⰿⰰⱅⰵ ⱂⱃⱑⰱⱏⰹⰲⰰⱙⱎⱅⰰ ⰲⱏ ⰲⰰⱄⱏ. ⰸⰰⱀ̑ⰵ ⰵⰳⱁⰶⰵ ⱅⱏ ⱂⱁⱄⱏⰾⰰ. ⱄⰵⰿⱆ ⰲⱏⰹ ⰲⱑⱃⱏⰹ ⱀⰵ ⰵⰿⰾ̑ⰵⱅⰵ.
5:39
ⰺ҅ⱄⱂⱏⰹⱅⰰⰺⱅⰵ ⰽⱏⱀ̑ⰻⰳⱏⰹ. ⱑⰽⱁ ⰲⱐ ⱀⰻⱈⱏ ⰿⱐⱀⰻⱅⰵ ⰺ҅ⰿⱑⱅⰻ ⰶⰻⰲⱁⱅⱏ ⰲⱑⱍⱐⱀⱏⰹ. ⰺ҅ ⱅⱏⰹ ⱄⱘⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙⱎⱅⱔ ⱁ ⰿⱐⱀⱑ.
5:40
ⰺ҅ ⱀⰵ ⱈⱁⱎⱅⰵⱅⰵ ⱂⱃⰻⱅⰻ ⰽⱏ ⰿⱀⱑ. ⰴⰰ ⰶⰻⰲⱁⱅⱏ ⰺ҅ⰿⰰⱅⰵ.
5:41
ⱄⰾⰰⰲⱏⰹ ⱁⱅⱏ ⱍⰽ҃ⱏ ⱀⰵ ⱂⱃⰻⰵⰿⰾⱙ.
5:42
ⱀⱏ ⱃⰰⰸⱆⰿⱑⱈⱏ ⰲⱏⰹ ⱑⰽⱁ ⰾ̑ⱓⰱⱏⰲⰵ ⰱⰶ҃ⰻⱗ ⱀⰵ ⰺ҅ⰿⰰⱅⰵ ⰲⱐ ⱄⰵⰱⱑ.
5:43
ⰰⰸⱏ ⱂⱃⰻⰴⱏ ⰲⱏ ⰹⰿⱔ ⱁⱌ҃ⰰ ⰿⱁⰵⰳⱁ ⰺ҅ ⱀⰵ ⱂⱃⰻⰵⰿⰾ̑ⰵⱅⰵ ⰿⰵⱀⰵ. ⰰⱎⱅⰵ ⰺ҅ⱀⱏ ⱂⱃⰻⰴⰵⱅⱏ ⰲⱏ ⰹⰿⱔ ⱄⰲⱁⰵ. ⱅⱁⰳⱁ ⱂⱃⰻⰵⰿⰾⰵⱅⰵ.
5:44
ⰽⰰⰽⱁ ⰲⱏⰹ ⰿⱁⰶⰵⱅⰵ ⰲⱑⱃⱁⰲⰰⱅⰻ. ⱄⰾⰰⰲⱘ ⰴⱃⱆⰳⱏ. ⱁⱅⱏ ⰴⱃⱆⰳⰰ ⱂⱃⰻⰵⰿⰾ̑ⱙⱎⱅⰵ. ⰺ҅ ⱄⰾⰰⰲⱏⰹ ⱑⰶⰵ ⱁⱅⱏ ⰺ҅ⱀⱁⱍⱔⰴⰰⰳⱁ ⰱⰶ҃ⰻⱑ ⱀⰵ ⰺ҅ⱎⱅⰵⱅⰵ.
5:45
ⱀⰵ ⰿⱐⱀⰻⱅⰵ ⱑⰽⱁ ⱀⰰ ⰲⱏⰹ ⱃⰵⰽⱘ ⰰⰸⱏ ⰽⱏ ⱁⱌ҃ⱓ. ⰵⱄⱅⱏ ⰺ҅ⰶⰵ ⱀⰰ ⰲⱏⰹ ⱃⰵⱍⰵⱅⱏ ⰿⱉⱄⰻ. ⱀⰰ ⱀ̑ⰵⰳⱁⰶⰵ ⰲⱏⰹ ⱆⱂⱏⰲⰰⰵⱅⰵ.
5:46
ⰰⱎⱅⰵ ⰱⱁ ⰱⰻⱄⱅⰵ ⰲⱑⱃⱘ ⰺ҅ⰿⰰⰾⰻ ⰿⱁⱄⱑⱁⰲⰻ. ⰲⱑⱃⱘ ⰱⰻⱄⱅⰵ ⱗⰾⰻ ⰺ҅ ⰿⱐⱀⱑ ⱁ ⰿⱀⱑ. ⰱⱁ ⱅⱏ ⱄⸯⱂⰰ.
5:47
ⰰⱎⱅⰵ ⰾⰻ ⱅⱁⰳⱁ ⰽⱏⱀ̑ⰻⰳⰰⰿⱏ ⰲⱑⱃⱏⰹ ⱀⰵ ⰵⰿⰾ̑ⰵⱅⰵ. ⰽⰰⰽⱁ ⰿⱁⰺ҅ⰿⱏ !ⰳⰾⱁⰿⱏ ⰲⱑⱃⱘ ⰺ҅ⰿⰵⱅⰵ.