По сихъ же бѣ праздьникъ ꙇюдеꙇ҅скъ. ꙇ҅ вьзиде ис҃ въ ел҃мъ.

естъ же въ !ермѣхъ на овьчи кѫпѣли. ѣже нарицаетъ сѧ евреꙇскꙑ фезда. пѧть притворъ ꙇ҅мѫшти.

вь тѣхъ же лежааше мъножьство болѧштіхъ. слѣпъ. хромъ. соухъ. чаѭштеꙇ҅хъ движеньѣ водѣ.

!̆ађлъ бо гн҃ь на вьсѣ лѣта. мꙑѣше сѧ въ кѫпѣли. ꙇ҅ възмѫштааше водѫ. ꙇ҅ иже пръвѣе вълажаше по възмѫштени водꙑ. съдравъ бꙑвааше.

Бѣ же тоу етеръ чк҃ъ !ђ ꙇ !ѕ лѣтъ ꙇ҅мꙑ въ недѫзѣ своемъ.

сего видѣвъ ис҃. лежѧшта. ꙇ҅ разоумѣвъ ѣко мънога лѣта юже ꙇ҅мѣаше. гл҃а емоу хоштеши ли живъ бꙑти.

Ѡтъвѣшта емоу недѫжьнꙑ еи. г҃и. чк҃а не ꙇ҅мамь. да егда възмѫтитъ сѧ вода. въвръжетъ мѧ въ кѫпѣль. егда же прихождѫ азъ. ꙇ҅нъ прѣжде мене вълазитъ.

гл҃а емоу ис҃. въстани възъми одръ твои. ꙇ҅ иди въ домъ своі.

ꙇ҅ абье цѣлъ бꙑ!с чк҃ъ. ꙇ҅ вьзѧтъ одръ свои ꙇ҅ хождаше. Бѣ же сѫбота въ тъ дьнь.

гл҃ахѫ же ꙇ҅юдеі ꙇ҅цѣлѣвъшюемоу. сѫбота естъ ꙇ҅ не достоꙇтъ тебѣ вьзѧти одра своего.

Ѡнъ же отъвѣшта ꙇ҅мъ. ꙇ҅же мѧ сътвори цѣла. тъ мьнѣ рече възъми одръ твоі ꙇ҅ ходи.

въпросишѧ же і. къто естъ чк҃ъ. рекꙑ тебѣ възъми одръ твои ꙇ҅ ходи.

ꙇ҅сцѣлѣвꙑ же не вѣдѣаше къто естъ. ис҃ бо оуклони сѧ народоу сѫштю на мѣстѣ.

потомь же обрѣте ис҃ въ цркъве. ꙇ҅ рече емоу се цѣлъ. еси. къ томоу не съгрѣшаі да не горе чьто ти бѫдетъ.

ꙇ҅де же чк҃ъ. ꙇ҅ повѣдѣ ꙇ҅юдѣ̆омъ. ѣко ꙇс҃ естъ ꙇ҅же мѧ сътвори цѣла.

ꙇ сего ради гонѣхѫ ис҃ ꙇюдѣи ꙇ҅ искаахѫ его оубити. зане си твор̑ѣаше въ сѫботѫ.

ꙇс҃ же отъвѣштавааше ꙇ҅мъ. оц҃ь моі доселѣ дѣлаетъ. ꙇ҅ азъ дѣлаѭ.

сего ради паче ꙇ҅скахѫ его ꙇ҅юдеи оубити. ѣко не тъкъмо разарѣше сѫботѫ. нъ і оц҃а своего гл҃аше б҃а. равьнъ сѧ творѧ б҃ѵ.

отъвѣшта же ис҃. ꙇ҅ рече ꙇ҅мъ. амин амин гл҃ѭ вамъ. не можетъ сн҃ъ творити о себѣ ничесоже. аште не еже видитъ оц҃а творѧшта. ѣже бо онъ творитъ. си ꙇ҅ сн҃ъ такожде творитъ.

оц҃ь бо л̑юбитъ сн҃а. ꙇ҅ вьсѣ покажетъ емоу. ѣже самъ творитъ. ꙇ҅ больша си покажетъ емоу дѣла. да вꙑ чюдите сѧ.

ѣко бъ оц҃ь вьскрѣшаетъ мрътвꙑѩ ꙇ҅ живитъ. тако ꙇ҅ сн҃ъ егоже хоштетъ живитъ.

оц҃ь бо не сѫдитъ никомоуже. нъ сѫдъ вьсь дастъ сн҃ови.

да вьси чьтѫтъ сн҃а ѣкоже чьтѫтъ оц҃а. ꙇ҅же не чьтетъ сн҃а. не чьтетъ оц҃а ꙇ҅же і посъла.

амин амин гл҃ѭ вамъ. ѣко слоушаѩі словесе моего. ꙇ҅ вѣрѫ емлѧи посълавъшюемоу мѧ. ꙇ҅матъ живота вѣчьнаего. ꙇ҅ на сѫдъ не придетъ. нъ прѣꙇдетъ отъ съмръти въ животъ.

амин амин гл҃ѭ вамъ. ѣко грѧдетъ година. ꙇ҅ нꙑн̑ѣ естъ. егда мрътви оуслꙑшѧтъ гласъ сн҃а бж҃иѣ. ꙇ҅ слꙑшавъшеі оживѫтъ.

Ѣкоже бо оц҃ь животъ ꙇ҅матъ вь себѣ. тако дастъ ꙇ҅ сн҃ови животъ ꙇ҅мѣти вь себѣ.

ꙇ҅ область дастъ емоу ꙇ҅ сѫдꙑ творити. ѣко сн҃ъ чс҃къ естъ.

не дивите сѧ семоу ѣко грѧдетъ часъ. въ ньже вьси въходѧштеи въ гробѣхъ. оуслꙑшѧтъ гласъ сн҃а бж҃иѣ.

ꙇ҅ изидѫтъ сътворьшеи блага. въ въскрѣшенье животоу. а сътворьшеі зълаа. въ въскрѣшение сѫдоу.

не могѫ азъ о себѣ творити ничесоже. ѣкоже слꙑшѫ сѫждѫ. ꙇ҅ сѫдъ мои правьдьнъ естъ. ѣко не ꙇ҅штѫ вол̑ѧ моеѩ. нъ вол̑ѫ посълавъшаего мѧ оц҃а.

аште азъ съвѣдѣтел̑ьствоуѭ о мьнѣ. съвѣдѣтел̑ьство мое нѣстъ ꙇ҅стинъно.

ꙇ҅нъ естъ съвѣдѣтел̑ьствоуѩі о мнѣ. ꙇ҅ вѣмь ѣко ꙇ҅стинъно естъ съвѣдѣтельство еже съвѣдѣтел̑ьствоуетъ о мнѣ.

Вꙑ посъласте къ ꙇ҅оаноу. ꙇ҅ съвѣдѣтельствова о ꙇстинѣ.

азъ же не отъ чк҃а съвѣдѣтельства приемл̑ѭ. нъ си гл̑ѭ. да вꙑ сп҃ени бѫдете.

онъ бѣ свѣтильникъ горѧ. ꙇ҅ свьтѧ. вꙑ же хотѣсте въздрадовати сѧ. въ часъ свьтѣниѣ его.

азъ же ꙇ҅мамь съвѣдѣтел̑ьство. бол̑е ꙇ҅оаннова. дѣла бо ѣже дастъ мьнѣ оц҃ь да съвръшѫ ѣ. та дѣла ѣже твор̑ѭ. съвѣдѣтельствоуѭтъ о мьнѣ. ѣко оц҃ь мѧ посъла.

ꙇ҅ посълавꙑ мѧ оц҃ь. тъ съвѣдѣтел̑ьствоуетъ о мьнѣ. ни гласа его никъдеже слꙑшасте. ни видѣниѣ его видѣсте.

ꙇ҅ словесе его не ꙇ҅мате прѣбꙑваѭшта въ васъ. зан̑е егоже тъ посъла. семоу вꙑ вѣрꙑ не емл̑ете.

ꙇ҅спꙑтаꙇте кън̑игꙑ. ѣко вь нихъ мьните ꙇ҅мѣти животъ вѣчьнꙑ. ꙇ҅ тꙑ сѫтъ съвѣдѣтел̑ьствоуѭштѧ о мьнѣ.

ꙇ҅ не хоштете прити къ мнѣ. да животъ ꙇ҅мате.

славꙑ отъ чк҃ъ не приемлѭ.

нъ разоумѣхъ вꙑ ѣко л̑юбъве бж҃иѩ не ꙇ҅мате вь себѣ.

азъ придъ въ імѧ оц҃а моего ꙇ҅ не приемл̑ете мене. аште ꙇ҅нъ придетъ въ імѧ свое. того приемлете.

како вꙑ можете вѣровати. славѫ дроугъ. отъ дроуга приемл̑ѭште. ꙇ҅ славꙑ ѣже отъ ꙇ҅ночѧдаго бж҃иѣ не ꙇ҅штете.

не мьните ѣко на вꙑ рекѫ азъ къ оц҃ю. естъ ꙇ҅же на вꙑ речетъ мѡси. на н̑егоже вꙑ оупъваете.

аште бо бисте вѣрѫ ꙇ҅мали мосѣови. вѣрѫ бисте ѩли ꙇ҅ мьнѣ о мнѣ. бо тъ сⸯпа.

аште ли того кън̑игамъ вѣрꙑ не емл̑ете. како моꙇ҅мъ !гломъ вѣрѫ ꙇ҅мете.