ЕВАНГЕЛИЕ ЕЖЕ Ѿ ІОАННА
3:1
Ⰱⱑ ⱍⰽ҃ⱏ ⱁⱅⱏ ⱇⰰⱃⰻⱄⱑⰹ ⱀⰻⰽⱁⰴⰻⰿⱏ ⰺ҅ⰿⱔ ⰵⰿⱆ. ⰽⱏⱀⱔⰸⱐ ⰺ҅ⱓⰴⰵⰺ҅ⱄⰽⱏ.
3:2
ⱄⱐ ⱂⱃⰻⰴⰵ ⰽⱏ ⱀ̑ⰵⰿⱆ ⱀⱁⱎⱅⰻⱙ. ⰺ҅ ⱃⰵⱍⰵ ⰵⰿⱆ ⱃⰰⰲⸯⰲⰻ. ⰲⱑⰿⱐ ⱑⰽⱁ ⱁⱅⱏ ⰱ҃ⰰ ⱂⱃⰻⱎⱐⰾⱏ ⰵⱄⰻ ⱆⱍⰻⱅⰵⰾ̑ⱐ. ⱀⰻⰽⱏⱅⱁⰶⰵ ⰱⱁ ⱀⰵ ⰿⱁⰶⰵⱅⱏ ⰸⱀⰰⰿⰵⱀⰻ ⱄⰻⱈⱏ ⱅⰲⱁⱃⰻⱅⰻ. ⱑⰶⰵ ⱅⱏⰹ ⱄⱏⱅⰲⱁⱃⰻⱎⰻ. ⰰⱎⱅⰵ ⱀⰵ ⰱⱘⰴⰵⱅⱏ ⰱ҃ⱏ ⱄⱏ ⱀ̑ⰻⰿⱐ.
3:3
ⱁⱅⱏⰲⱑⱎⱅⰰ ⰻⱄ҃. ⰺ҅ ⱃⰵⱍⰵ ⰵⰿⱆ. ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⰰⱎⱅⰵ ⰽⱏⱅⱁ ⱀⰵ ⱃⱁⰴⰻⱅⱏ ⱄⱔ ⱄⱏⰲⱏⰹⱎⰵ. ⱀⰵ ⰿⱁⰶⰵⱅⱏ ⰲⰻⰴⱑⱅⰻ ⱌⱃ҃ⱄⰻⱑ ⰱⰶ҃ⰻⱑ.
3:4
ⰳⰾ҃ⰰ ⰽⱏ ⱀ̑ⰵⰿⱆ ⱀⰻⰽⱁⰴⰻⰿⱏ. ⰽⰰⰽⱁ ⰿⱁⰶⰵⱅⱏ ⱍⰽ҃ⱏ ⱃⱁⰴⰻⱅⰻ ⱄⱔ ⱄⱅⰰⱃⱏ ⱄⱏⰹ. ⰵⰴⰰ ⰿⱁⰶⰵⱅⱏ ⰲⱏⱅⱁⱃⰻⱌⰵⱙ ⰲⱏ ⱘⱅⱃⱁⰱⱘ ⰲⱐⰾⱑⱄⱅⰻ ⰿⰰⱅⰵⱃⰵ ⱄⰲⱁⰵⱗ ⰺ҅ ⱃⱁⰴⰻⱅⰻ ⱄⱔ.
3:5
ⱁⱅⱏⰲⱑⱎⱅⰰ ⰻⱄ҃. ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⰰⱎⱅⰵ ⰽⱏⱅⱁ ⱀⰵ ⱃⱁⰴⰻⱅⱏ ⱄⱔ ⰲⱁⰴⱁⱙ ⰺ҅ ⰴⱈ҃ⱁⰿⱐ. ⱀⰵ ⰿⱁⰶⰵⱅⱏ ⰲⱐⱀⰻⱅⰻ ⰲⱐ ⱌⱃ҃ⱄⰻⰵ ⰱⰶ҃ⰻⰵ.
3:6
ⱃⱁⰶⰴⰵⱀⱏ ⱁⱅⱏ ⱂⰾⱏⱅⰻ. ⱂⰾⱏⱅⱐ ⰵⱄⱅⱏ. ⰺ҅ ⱃⱁⰶⰴⰵⱀⱁ ⱁⱅⱏ ⰴⱈ҃ⰰ ⰴⱈ҃ⱏ ⰵⱄⱅⱏ.
3:7
ⱀⰵ ⱍⱓⰴⰻ ⱄⱔ ⱑⰽⱁ ⱃⱑⱈⱏ ⱅⰻ. ⱂⱁⰴⱁⰱⰰⰵⱅⱏ ⰲⰰⰿⱏ ⱃⱁⰴⰻⱅⰻ ⱄⱔ ⱄⱏⰲⱏⰹⱎⰵ.
3:8
ⰴⱈ҃ⱏ ⰺ҅ⰴⰵⰶⰵ ⱈⱁⱎⱅⰵⱅⱏ ⰴⱆⱎⰵⱅⱏ. ⰺ҅ ⰳⰾⰰⱄⱏ ⰵⰳⱁ ⱄⰾⱏⰹⱎⰻⱎⰻ. ⱀⱏ ⱀⰵ ⰲⱑⱄⰻ ⱁⱅⱏⰽⱘⰴⱆ ⱂⱃⰻⱈⱁⰴⰻⱅⱏ. ⰺ҅ ⰽⰰⰿⱁ ⰺ҅ⰴⰵⱅⱏ. ⱅⰰⰽⱁ ⰵⱄⱅⱏ ⱃⱁⰶⰴⰵⱀⱏⰹ ⱁⱅⱏ ⰴⱈ҃ⰰ.
3:9
ⱁⱅⱏⰲⱑⱎⱅⰰ ⱀⰻⰽⱁⰴⰻⰿⱏ ⰺ҅ ⱃⰵⱍⰵ ⰵⰿⱆ. ⰽⰰⰽⱁ ⰿⱁⰳⱘⱅⱏ ⱄⰻ ⰱⱏⰹⱅⰻ.
3:10
ⱁⱅⱏⰲⱑⱎⱅⰰ ⰻⱄ҃ ⰺ҅ ⱃⰵⱍⰵ ⰵⰿⱆ. ⱅⱏⰹ ⰵⱄⰻ ⱆⱍⰻⱅⰵⰾ̑ⱐ ⰺⰾ҃ⰵⰲⱏ. ⰺ҅ ⱄⰻⱈⱏ ⰾⰻ ⱀⰵ ⰲⱑⱄⰻ.
3:11
ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⱑⰽⱁ ⰵⰶⰵ ⰲⱑⰿⱐ ⰳⰾ҃ⰵⰿⱏ. ⰺ҅ ⰵⰶⰵ ⰴⰰⱄⱅⱏ ⰲⱏ ⱃⱘⱌⱑ ⰵⰳⱁ.
3:36
ⰲⱑⱃⱆⱗⰹ ⰲⱏ ⱄⱀ҃ⰰ ⰺ҅ⰿⰰⱅⱏ ⰶⰻⰲⱁⱅⱏ ⰲⱑⱍⱐⱀⱏⰹ. ⰰ ⰺ҅ⰶⰵ ⱀⰵ ⰲⱑⱃⱆⰵⱅⱏ ⰲⱏ ⱄⱀ҃ⰰ. ⱀⰵ ⱆⰸⱐⱃⰻⱅⱏ ⰶⰻⰲⱁⱅⰰ. ⱀⱏ ⰳⱀⱑⰲⱏ ⰱⰶ҃ⰹ ⱂⱃⱑⰱⱏⰹⰲⰰⰵⱅⱏ ⱀⰰ ⱀ̑ⰵⰿⱐ.