Бѣ чк҃ъ отъ фарисѣі никодимъ ꙇ҅мѧ емоу. кънѧзь ꙇ҅юдеꙇ҅скъ.

сь приде къ н̑емоу ноштиѭ. ꙇ҅ рече емоу равⸯви. вѣмь ѣко отъ б҃а пришьлъ еси оучител̑ь. никътоже бо не можетъ знамени сихъ творити. ѣже тꙑ сътвориши. аште не бѫдетъ б҃ъ съ н̑имь.

отъвѣшта ис҃. ꙇ҅ рече емоу. амин амин гл҃ѭ тебѣ. аште къто не родитъ сѧ съвꙑше. не можетъ видѣти цр҃сиѣ бж҃иѣ.

гл҃а къ н̑емоу никодимъ. како можетъ чк҃ъ родити сѧ старъ сꙑ. еда можетъ въторицеѭ въ ѫтробѫ вьлѣсти матере своеѩ ꙇ҅ родити сѧ.

отъвѣшта ис҃. амин амин гл҃ѭ тебѣ. аште къто не родитъ сѧ водоѭ ꙇ҅ дх҃омь. не можетъ вьнити вь цр҃сие бж҃ие.

рожденъ отъ плъти. плъть естъ. ꙇ҅ рождено отъ дх҃а дх҃ъ естъ.

не чюди сѧ ѣко рѣхъ ти. подобаетъ вамъ родити сѧ съвꙑше.

дх҃ъ ꙇ҅деже хоштетъ доушетъ. ꙇ҅ гласъ его слꙑшиши. нъ не вѣси отъкѫдоу приходитъ. ꙇ҅ камо ꙇ҅детъ. тако естъ рожденꙑ отъ дх҃а.

отъвѣшта никодимъ ꙇ҅ рече емоу. како могѫтъ си бꙑти.

отъвѣшта ис҃ ꙇ҅ рече емоу. тꙑ еси оучител̑ь ꙇл҃евъ. ꙇ҅ сихъ ли не вѣси.

амин амин гл҃ѭ тебѣ. ѣко еже вѣмь гл҃емъ. ꙇ҅ еже дастъ въ рѫцѣ его.

вѣроуѩі въ сн҃а ꙇ҅матъ животъ вѣчьнꙑ. а ꙇ҅же не вѣроуетъ въ сн҃а. не оузьритъ живота. нъ гнѣвъ бж҃і прѣбꙑваетъ на н̑емь.