ЕВАНГЕЛИЕ ЕЖЕ Ѿ ІОАННА
2:1
Ⰺ ⰲⱏ ⱅⱃⰵⱅⰻ ⰴⱐⱀⱐ. ⰱⱃⰰⰽⱏ ⰱⱏⰹ!ⱄ ⰲⱏ ⰽⰰⱀⰰ ⰳⰰⰾⰻⰾⱑⰺ҅ⱄⱌⱑⰹ. ⰺ҅ ⰱⱑ ⰿⱅ҃ⰻ ⰺ҅ⱄ҃ⰲⰰ ⱅⱆ.
2:2
ⰸⱏⰲⰰⱀⱏ ⰶⰵ ⰱⱏⰹ!ⱄ ⰻⱄ҃. ⰺ҅ ⱆⱍⰵⱀⰻⱌⰻ ⰵⰳⱁ ⱀⰰ ⰱⱃⰰⰽⱏ.
2:3
ⰺ҅ ⱀⰵⰴⱁⱄⱅⰰⰲⱏⱎⱓ ⰲⰻⱀⱆ. ⰳⰾ҃ⰰ ⰿⱅ҃ⰻ ⰺⱄ҃ⰲⰰ. ⰽⱏ ⱀ̑ⰵⰿⱆ. ⰲⰻⱀⰰ ⱀⰵ ⰺ҅ⰿⱘⱅⱏ
2:4
ⰳⰾ҃ⰰ ⰵⰹ ⰻⱄ҃. ⱍⱐⱅⱁ ⰵⱄⱅⱏ ⰿⱀⱑ ⰺ҅ ⱅⰵⰱⱑ ⰶⰵⱀⱁ. ⱀⰵ ⱓ ⱂⱃⰻⰴⰵ ⰳⱁⰴⰻⱀⰰ ⰿⱁⱑ.
2:5
ⰳⰾ҃ⰰ ⰿⱅ҃ⰻ ⰵⰳⱁ ⱄⰾⱆⰳⰰⰿⱏ. ⰵⰶⰵ ⰰⱎⱅⰵ ⰳⰾ҃ⰵⱅⱏ ⰲⰰⰿⱏ ⱄⱏⱅⰲⱁⱃⰻⱅⰵ.
2:6
ⰱⱑ ⰶⰵ ⱅⱆ ⰲⱁⰴⱁⱀⱁⱄⱏ ⰽⰰⰿⱑⱀⱏ ⱎⰵⱄⱅⱐ. ⱂⱁ ⱁⱍⰻⱎⱅⰵⱀⰻⱓ ⰺ҅ⱓⰴⱑⰺⱄⰽⱆ ⰾⰵⰶⱔⱎⱅⱐ. ⰲⱏⰿⱑⱄⱅⱔⱎⱅⱐ ⱂⱁ ⰴⱏⰲⱑⰿⰰ. ⰾⰻ ⱅⱃⰵⰿⱏ ⰿⱑⱃⰰⰿⱏ.
2:7
ⰳⰾ҃ⰰ ⰺ҅ⰿⱏ ⰻⱄ҃. ⱀⰰⱂⰾⱏⱀⰻⱅⰵ ⰲⱁⰴⱏⰹ. ⰺ҅ ⱀⰰⱂⰾⱏⱀⰻⱎⱔ ⰴⱁ ⰲⱃⱏⱈⰰ.
2:8
ⰺ҅ ⰳⰾ҃ⰰ ⰺ҅ⰿⱏ. ⱂⱁⱍⱃⱏⱂⱑⱅⰵ ⱀⱏⰹⱀ̑ⱑ ⰺ҅ ⱂⱃⰻⱀⰵⱄⱑⱅⰵ. ⰰⱃⱈⰻⱅⱃⰻⰽⰾⰻⱀⱏⱅⱁⰲⰻ. ⱁⱀⰻ ⰶⰵ ⱂⱃⰻⱀⰵⱄⱁⱎⱔ.
2:9
ⱑⰽⱁ ⰶⰵ ⰲⱏⰽⱆⱄⰻ ⰰⱃⱈⰻⱅⱃⰻⰽⰾⰻⱀⱏ ⰲⰻⱀⰰ ⰱⱏⰹⰲⱏⱎⰰⰳⱁ ⱁⱅⱏ ⰲⱁⰴⱏⰹ. ⰺ҅ ⱀⰵ ⰲⱑⰴⱑⰰⱎⰵ ⱁⱅⱏⰽⱘⰴⱆ ⰵⱄⱅⱏ. ⰰ ⱄⰾⱆⰳⱏⰹ ⰲⱑⰴⱑⰰⱈⱘ ⱂⱁⱍⱃⱏⱂⱏⱎⰵⰹ ⰲⱁⰴⱘ. ⱂⱃⰻⰳⰾⰰⱄⰻ ⰶⰵⱀⰻⱈⰰ ⰰⱃⱈⰻⱅⱃⰻⰽⰾⰻⱀⱏ.
2:10
ⰺ҅ ⰳⰾ҃ⰰ ⰵⰿⱆ. ⰲⱄⱑⰽⱏ ⱍⰽ҃ⱏ ⱂⱃⱑⰶⰴⰵ ⰴⱁⰱⱃⱁⰵ ⰲⰻⱀⱁ ⰴⰰⰵⱅⱏ. ⰺ҅ ⰵⰳⰴⰰ ⱆⱂⱐⱙⱅⱏ ⱄⱔ ⱅⰰⱍⰰⰵⰵ. ⱅⱏⰹ ⰶⰵ ⱄⱏⰱⰾ̑ⱓⰴⰵ ⰴⱁⰱⱃⱁⰵ ⰲⰻⱀⱁ ⰴⱁⱄⰵⰾⱑ.
2:11
Ⱄⰵ ⱄⱏⱅⰲⱁⱃⰻ ⱀⰰⱍⱔⱅⱏⰽⱏ ⰸⱀⰰⰿⰵⱀⰻⰵⰿⱏ ⰻⱄ҃. ⰲⱏ ⰽⰰⱀⰰ ⰳⰰⰾⰻⰾⰵⰹ. ⰺ҅ ⱑⰲⰻ ⱄⰾⰰⰲⱘ ⱄⰲⱁⱙ. ⰺ҅ ⰲⱑⱃⱁⰲⰰⱎⱔ ⰲⱏ ⱀ̑ⱐ ⱆⱍⰵⱀⰻⱌⰻ ⰵⰳⱁ.
2:12
ⱂⱁ ⱄⰵⰿⱐ ⱄⱏⱀⰻⰴⰵ ⰲⱏ ⰽⰰⱂⰵⱃⱏⱀⰰⱆⰿⱏ. ⱄⰰⰿⱏ ⰺ҅ ⰿⰰⱅⰻ ⰵⰳⱁ. ⰺ҅ ⰱⱃⰰⱅⱃⰻⱑ ⰵⰳⱁ. ⰺ҅ ⱆⱍⰵⱀⰻⱌⰻ ⰵⰳⱁ. ⰺ҅ ⱅⱆ ⱀⰵⰿⱀⱁⰳⱏⰹ ⰴⱐⱀⰻ ⱂⱃⱑⰱⱏⰹⱄⱅⱏ.
2:13
ⰺ҅ ⰱⰾⰹⰸⱏ ⰱⱑ ⱂⰰⱄⱈⰰ ⰺ҅ⱓⰴⰵⰺⱄⰽⰰ. ⰲⱐⰸⰻⰴⰵ ⰻⱄ҃. ⰲⱏ ⰺⰾ҃ⰿⱏ.
2:14
Ⰺ҅ ⱁⰱⱃⱑⱅⰵ ⰲⱏ ⱌⱃⱏⰽⱏⰲⰵ ⱂⱃⱁⰴⰰⱙⱎⱅⱔⱗ. ⱁⰲⱐⱌⱔ. ⰺ҅ ⰲⱁⰾⱏⰹ. ⰺ҅ ⰳⱁⰾⱘⰱⰻ. ⰺ҅ ⱂⱑⱀⱔⰶⱐⱀⰻⰽⱏⰹ ⱄⱑⰴⱔⱎⱅⱔ.
2:15
ⰺ҅ ⱄⱏⱅⰲⱁⱃⱐ ⱑⰽⱁ ⰱⰻⱍⱐ ⱁⱅⱏ ⰲⱃⱏⰲⰻⰹ. ⰲⱐⱄⱔ ⰺ҅ⰸⰳⱏⱀⰰ ⰺ҅ ⱌⱃⱏⰽⱏⰲⰵ. ⱁⰲⱐⱌⱔ ⰶⰵ ⰺ҅ ⰲⱁⰾⱏⰹ. ⰺ҅ ⱅⱃⱏⰶⱐⱀⰻⰽⱁⰿⱏ ⱃⰰⱄⱏⰹⱂⰰ ⱂⱑⱀⱔⰸⱔ. ⰺ҅ ⰴⱏⱄⰽⱏⰹ ⱁⱂⱃⱁⰲⱃⱏⰶⰵ.
2:16
ⰺ҅ ⱂⱃⱁⰴⰰⱙⱎⱅⰻⰿⱏ ⰳⱁⰾⱘⰱⰻ ⱃⰵⱍⰵ. ⰲⱏⰸⱏⰿⱑⱅⰵ ⱄⰻ ⱁⱅⱏⱄⱘⰴⱆ. ⱀⰵ ⱅⰲⱁⱃⰻⱅⰵ ⰴⱁⰿⱆ ⱁⱌ҃ⰰ ⰿⱁⰵⰳⱁ. ⰴⱁⰿⱆ ⰽⱆⱂⰾⱐⱀⰰⰵⰳⱁ.
2:17
Ⱂⱁⰿⱑⱀⱘⱎⱔ ⰶⰵ ⱆⱍⰵⱀⰻⱌⰻ ⰵⰳⱁ ⱑⰽⱁ ⱀⰰⱂⱄⰰⱀⱁ ⰵⱄⱅⱏ. ⰶⰰⰾⱁⱄⱅⱐ ⰴⱁⰿⱆ ⱅⰲⱁⰵⰳⱁ ⱄⱏⱀⱑⱄⱅⱏ ⰿⱔ.
2:18
ⱉⱅⱏⰲⱑⱎⱅⰰⱎⱔ ⰶⰵ ⰺ҅ⱓⰴⰵⰹ ⰺ҅ ⱃⱑⱎⱔ ⰵⰿⱆ. ⰽⱁⰵ ⱑⰲⰾ̑ⱑⰵⱎⰻ ⱑⰽⱁ ⱄⰻ ⱅⰲⱁⱃⰻⱎⰻ.
2:19
Ⱉⱅⱏⰲⱑⱎⱅⰰ ⰺⱄ҃ ⰺ҅ ⱃⰵⱍⰵ ⰺ҅ⰿⱏ. ⱃⰰⰸⱁⱃⰻⱅⰵ ⱌⱃⱏⰽⱁⰲⱐ ⱄⰻⱙ. ⰺ҅ ⱅⱃⱐⰿⰻ ⰴⱐⱀⱏⰹ ⰲⱐⰸⰴⰲⰹⰳⱀⱘ ⱙ.
2:20
ⱃⱑⱎⱔ ⰶⰵ ⰺ҅ⱓⰴⱑⰻ. ⱍⰵⱅⱏⰹⱃⱐⰿⰻ ⰴⰵⱄⱔⱅⱏⰹ. ⰺ҅ ⱎⰵⱄⱅⰻⱙ ⰾⱑⱅⱏ. ⱄⱏⰸⱏⰴⰰⱀⰰ ⰱⱏⰹ!ⱄ ⱌⱃ҃ⰽⱏⰹ ⱄⰻ. ⰺ҅ ⱅⱏⰹ ⰾⰻ ⱅⱃⱐⰿⰻ ⰴⱐⱀⱏⰹ ⰲⱐⰸⰴⰲⰹⰳⱀⰵⱎⰻ ⱙ.
2:21
ⱁⱀⱏ ⰶⰵ ⰳⰾ҃ⰰⰰⱎⰵ ⱁ ⱌⱃⱏⰽⱏⰲⰻ ⱅⱑⰾⰰ ⱄⰲⱁⰵⰳⱁ.
2:22
ⰵⰳⰴⰰ ⱆⰱⱁ ⰲⱏⱄⱅⰰ ⱁⱅⱏ ⰿⱃⱏⱅⰲⱏⰹⱈⱏ. ⱂⱁⰿⱔⱀⱘⱎⱔ ⱆⱍⰵⱀⰻⱌⰻ ⰵⰳⱁ. ⱑⰽⱁⰶⰵ ⰳⰾ҃ⰰⰰⱎⰵ. ⰺ҅ ⰲⱑⱃⱘ ⱗⱎⱔ ⰽⱏⱀ̑ⰻⰳⰰⰿⱏ. ⰺ҅ ⱄⰾⱁⰲⰵⱄⰻ ⰵⰶⰵ ⱃⰵⱍⰵ ⰻⱄ҃.
2:23
ⰵⰳⰴⰰ ⰱⱑ ⰲⱏ ⰹⰺⰾ҃ⰿⱑⱈⱏ. ⰲⱏ ⱂⰰⱄⱈⰰ ⰲⱏ ⱂⱃⰰⰸⰴⱐⱀⰻⰽⱏ. ⰿⱏⱀⱁⰸⰻ ⰲⱑⱃⱁⰲⰰⱎⱔ ⰲⱏ ⰹⰿⱔ ⰵⰳⱁ. ⰲⰻⰴⱔⱎⱅⰵ ⰸⱀⰰⰿⰵⱀⱐⱑ ⰵⰳⱁ. ⱑⰶⰵ ⱅⰲⱁⱃⱑⰰⱎⰵ.
2:24
ⱄⰰⰿⱏ ⰶⰵ ⰻⱄ҃. ⱀⰵ ⰲⱏⰴⰰⰰⱎⰵ ⱄⰵⰱⰵ ⰲⱏ ⰲⱑⱃⱘ ⰺ҅ⱈⱏ. ⰺ҅ⰿⱐⰶⰵ ⱄⰰⰿⱏ ⰲⱑⰴⱑⰰⱎⰵ ⰲⱐⱄⰵ.
2:25
ⰺ҅ ⱑⰽⱁ ⱀⰵ ⱅⱃⱑⰱⱁⰲⰰⱎⰵ. ⰴⰰ ⰽⱏⱅⱁ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⱍⱌ҃ⱑ. ⱄⰰⰿⱏ ⰱⱁ ⰲⱑⰴⱑⰰⱎⰵ ⱍⱐⱅⱁ ⰱⱑ ⰲⱏ ⱍⱌ҃ⱑ.