ЕВАНГЕЛИЕ ЕЖЕ Ѿ ІОАННА
18:1
Ⱄⰻ ⱃⰵⰽⱏ ⰻⱄ҃. ⰺ҅ⰸⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ. ⱀⰰ ⱁⱀⱏ ⱂⱁⰾⱏ ⱁⱄⱅⱃⱁⰲⰰ ⰽⰵⰴⱃⱐⱄⰽⰰ. ⰺ҅ⰴⰵⰶⰵ ⰱⱑ ⰲⱃⱏⱅⱏ. ⰲⱏ ⱀ̑ⱐⰶⰵ ⰲⱐⱀⰻⰴⰵ ⱄⰰⰿⱏ ⰺ ⱆⱍⰵⱀⰻⱌⰻ ⰵⰳⱁ. !ⰽⱁ!ⱌ.
18:2
Ⰲⱑⰴⱑⰰⱎⰵ ⰶⰵ ⰺ҅ⱓⰴⰰ ⰺ҅ⰶⰵ ⰹ ⱂⱃⱑⰴⰰⱎⰵ ⰿⱑⱄⱅⱁ. ⱑⰽⱁ ⰿⱀⱁⰶⰻⱌⰵⱙ ⱄⱏⰱⰻⱃⰰⱎⰵ ⱄⱔ ⰻⱄ҃. ⱅⱆ ⱄⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ.
18:3
ⰺ҅ⱓⰴⰰ ⰶⰵ ⱂⱃⰻⰿⱏ ⱄⱂⰻⱃⱘ. ⰺ҅ ⱁⱅⱏ ⰰⱃⱈⰻⰵⱃⰵⰹ ⰺ҅ ⱇⰰⱃⰻⱄⱑⰹ ⱄⰾⱆⰳⱏⰹ. ⱂⱃⰻⰴⰵ ⱅⰰⰿⱁ ⱄⱏ ⱄⰲⱑⱅⰻⰾⱏⰹ. ⰺ҅ ⱄⰲⱑqⰰⰿⰻ. ⰺ҅ ⱁⱃⱘⰶⰻⰹ.
18:4
!Ⰺ҅ⱄ ⰶⰵ ⰲⱑⰴⱏⰹ ⰲⱐⱄⱑ ⰳⱃⱔⰴⱘⱎⱅⰰ ⱀⰰ ⱀ̑ⱐ. ⰺ҅ⱎⱐⰴⱏ ⱃⰵⱍⰵ ⰺⰿⱏ. ⰽⱁⰳⱁ ⰺ҅ⱎⱅⰵⱅⰵ.
18:5
ⱁⱅⱏⰲⱑⱎⱅⰰⱎⱔ ⰵⰿⱆ ⰺ҅ⱄ҃ⰰ ⱀⰰⰸⰰⱃⱑⰰ. ⰳⰾ҃ⰰ ⰺ҅ⰿⱏ ⰻⱄ҃ ⰰⰸⱏ ⰵⱄⰿⱐ ⱄⱅⱁⱑⰰⱎⰵ ⰶⰵ ⰺ҅ⱓⰴⰰ ⰺ҅ⰶⰵ ⰺ ⱂⱃⱑⰴⰰⰰⱎⰵ ⱄⱏ ⱀ̑ⰻⰿⰻ
18:6
ⰴⰰ ⱑⰽⱁ ⱃⰵⱍⰵ ⰺ҅ⰿⱏ ⰰⰸⱏ ⰵⱄⰿⱐ ⰺ҅ⰴⱘ ⰲⱐⱄⱂⱔⱅ̑ⱐ ⰺ҅ ⱂⰰⰴⱘ ⱀⰰ ⰸⰵⰿⰾ̑ⰻ.
18:7
ⱂⰰⰽⱏⰹ ⰶⰵ ⱗ ⰲⱏⱂⱃⱁⱄⰻ !ⰺ[ⱄ.] ⰽⱁⰳⱁ ⰺ҅ⱎⱅⰵⱅⰵ. ⱁⱀⰻ ⰶⰵ ⱃⱑⱎⱔ ⰺⱄ҃ⰰ ⱀⰰⰸⰰⱃⱑⰰ.
18:8
ⱁⱅⱏⰲⱑⱎⱅⰰ !ⰻ[ⱄ] ⱃⱑⱈⱏ ⰲⰰⰿⱏ ⱑⰽⱁ ⰰⰸⱏ ⰵⱄⰿⱐ. ⰰⱎⱅⰵ ⱆⰱⱁ ⰿⰵⱀⰵ ⰺ҅ⱎⱅⰵⱅⰵ ⱀⰵ ⰴⱑⰺⱅⰵ ⱄⰻⱈⱏ ⰺ҅ⱅⰻ.
18:9
ⰴⰰ ⱄⱏⰱⱘⰴⰵⱅⱏ ⱄⱔ ⱄⰾⱁⰲⱁ ⰵⰶⰵ ⱃⰵⱍⰵ. ⱑⰽⱁ ⱗⰶⰵ ⰴⰰⰾⱏ ⰵⱄⰻ ⰿⱐⱀⱑ. ⱀⰵ ⱂⱁⰳⱆⰱⰻⱈⱏ. ⱀⰻⰽⱁⰳⱁⰶⰵ ⱁⱅⱏ ⱀ̑ⰻⱈ[ⱏ.]
18:10
Ⱄⰻⰿⱁⱀⱏ ⰶⰵ ⱂⰵⱅⱃⱏ. ⰺ҅ⰿⱏⰹ ⱀⱁⰶⱐ ⰺ҅ⰸⰲⰾⱑⱍⰵ ⰹ. ⰺ҅ ⱆⰴⰰⱃⰻ ⰰⱃⱈⰻⰵⱃⰵⱁⰲⰰ ⱃⰰⰱⰰ. ⰺ҅ ⱆⱃⱑⰸⰰ ⰵⰿⱆ ⱆⱈⱁ ⰴⰵⱄⱀⱁⰵ. Ⰱⱑ ⰶⰵ ⰺ҅ⰿⱔ ⱃⰰⰱⱆ ⰿⰰⰾⱈⱏ.
18:11
Ⱃⰵⱍⰵ ⰶⰵ ⰻⱄ҃. ⱂⰵⱅⱃⱁⰲⰻ. ⰲⱏⱀⱐⰸⰻ ⱀⱁⰶⱐ ⰲⱏ ⱀⱁⰶⱐⱀⰻⱌⱔ. ⱍⰰⱎⱘ ⱙⰶⰵ ⰴⰰⱄⱅⱏ ⰿⱐⱀⱑ ⱁⱌ҃ⱐ. ⱀⰵ ⰺ҅ⰿⰰⰿⱐ ⰾⰻ ⱂⰻⱅⰻ ⰵⱗ.
18:12
ⱄⱂⰻⱃⰰ ⰶⰵ ⰺ҅ ⱅⱏⰹⱄⱘⱎⱅⱐⱀⰻⰽⱏ. ⰺ҅ ⱄⰾⱆⰳⱏⰹ ⰺ҅ⱓⰴⱑⰺⱄⰽⱏⰹ. ⱗⱎⱔ ⰻⱄ҃ⰰ. ⰺ҅ ⱄⱏⰲⱔⰸⰰⱎⱔ ⰹ.
18:13
Ⰺ҅ ⰲⰵⰴⱁⱎⱔ ⰹ ⰽⱏ ⰰⱀⱀⱑ ⱂⱃⱐⰲⱑⰵ. ⰱⱑ ⰱⱁ ⱅⱐⱄⱅⱐ ⰽⰰⰺⰰⱇⱑ. ⰺ҅ⰶⰵ ⰱⱑ ⰰⱃⱈⰻⰵⱃⰵⰻ ⰾⱑⱅⱆ ⱅⱁⰿⱆ.
18:14
ⰱⱑ ⰶⰵ ⰽⰰⰺⰰⱇⰰ. ⰴⰰⰲⱏⰹ ⱄⱏⰲⱑⱅⱏⰹ ⰺ҅ⱓⰴⱑ̆ⱁⰿⱏ. ⱑⰽⱁ ⰴⱁⰱⱃⱑⰵ ⰵⱄⱅⱏ ⰵⰴⰻⱀⱁⰿⱆ ⱍⰽ҃ⱆ ⱆⰿⱐⱃⱑⱅⰻ ⰸⰰ ⰾ̑ⱓⰴⰻ.
18:15
Ⱂⱁ ⰺⱄ҃ⱑ ⰶⰵ ⰺ҅ⰴⱑⰰⱎⰵ ⱄⰻⰿⱁⱀⱏ ⱂⰵⱅⱃⱏ. ⰺ҅ ⰴⱃⱆⰳⱏⰹ ⱆⱍⰵⱀⰻⰽⱏ. ⱆⱍⰵⱀⰻⰽⱏ ⰶⰵ ⱅⱏ ⰱⱑ ⰸⱀⰰⰵⰿⱏ. ⰰⱃⱈⰻⰵⱃⰵⱁⰲⰻ. ⰺ҅ ⰲⱐⱀⰻⰴⰵ ⱄⱏ ⰺ҅ⱄ҃ⱁⰿⱐ. ⰲⱏ ⰴⰲⱁⱃⱏ ⰰⱃⱈⰻⰵⱃⰵⱁⰲⱏ.
18:16
Ⱂⰵⱅⱃⱏ ⰶⰵ ⱄⱅⱁⱑⱎⰵ ⱂⱃⰻ ⰴⰲⱐⱃⰵⱈⱏ ⰲⱐⱀⱑ. Ⰺ҅ⰸⰻⰴⰵ ⰶⰵ ⱆⱍⰵⱀⰻⰽⱏ ⱅⱏ. ⰺ҅ⰶⰵ ⰱⱑ ⰸⱀⰰⰵⰿⱏ ⰰⱃⱈⰻⰵⱃⰵⱁⰲⰻ. ⰺ҅ ⱃⰵⱍⰵ ⰴⰲⱐⱃⱐⱀⰻⱌⰻ. ⰺ҅ ⰲⱏⰲⰵⰴⰵ ⱂⰵⱅⱃⰰ.
18:17
!Ⰳⰾⰰ ⰶⰵ ⱃⰰⰱⰰ ⰴⰲⱐⱃⱐⱀⰻⱌⰰ ⱂⰵⱅⱃⱁⰲⰻ. ⰵⰴⰰ ⰺ҅ ⱅⱏⰹ ⱁⱅⱏ ⱆⱍⰵⱀⰻⰽⱏ ⰵⱄⰻ ⱍⰽ҃ⰰ ⱅⱁⰳⱁ. ⰳⰾ҃ⰰ ⱁⱀⱏ ⱀⱑⱄⰿⱐ.
18:18
ⱄⱅⱁⱑⱈⱘ ⰶⰵ ⱃⰰⰱⰻ. ⰺ҅ ⱄⰾⱆⰳⱏⰹ ⱁⰳⱀ̑ⱐ ⱄⱏⱅⰲⱁⱃⱐⱎⰵ. ⱑⰽⱁ ⰸⰻⰿⰰ ⰱⱑ. ⰺ҅ ⰳⱃⱑⰰⱈⱘ ⰱⱑ ⰶⰵ ⱄⱏ ⱀ̑ⰻⰿⰻ ⱂⰵⱅⱃⱏ ⱄⱅⱁⱗ ⰺ ⰳⱃⱑⱗ [ⱄⱔ]
18:19
Ⰰⱃⱈⰻⰵⱃⰵⰹ ⰶⰵ ⰲⱏⱂⱃⱁⱄⰻ ⰺⱄ҃ⰰ ⱁ ⱆⱍⰵⱀⰻⱌⱑⱈⱏ ⰵⰳⱁ. ⰺ҅ ⱁ ⱆⱍⰵⱀⰻ ⰵⰳⱁ.
18:20
Ⱉⱅⱏⰲⱑⱎⱅⰰ ⰵⰿⱆ ⰻⱄ҃. ⰰⰸⱏ ⱀⰵ ⱁⰱⰻⱀⱆⱗ ⱄⱔ ⰳⰾ҃ⰰⱈⱏ ⰲⱐⱄⰵⰿⱆ ⰿⰻⱃⱆ. ⰰⰸⱏ ⰲⱐⱄⰵⰳⰴⰰ ⱆⱍⰻⱈⱏ ⱀⰰ ⱄⱏⱀⱏⰿⰻⱎⱅⰻ. ⰺ҅ ⰲⱏ ⱌⱃⱏⰽⱏⰲ[ⰵ] ⰺ҅ⰴⰵⰶⰵ ⰲⱐⱄⰻ ⰺ҅ⱓⰴⱑⰹ ⱄⱏⱀⰵⰿⰾⱘⱅⱏ ⱄⱔ. ⰺ ⱅⰰⰺ ⱀⰵ ⰳⰾ҃ⰰⱈⱏ ⱀⰻⱍⰵⱄⱁⰶⰵ.
18:21
Ⱍⱐⱅⱁ ⰿⱔ ⰲⱏⱂⱃⰰⱎⰰⰵⱎⰻ. ⰲⱏⱂⱃⱁⱄⰻ ⱄⰾⱏⰹⱎⰰⰲⱏⱎⱔⱗ. ⱍⱐⱅⱁ ⰳⰾ҃ⰰⱈⱏ ⰺ҅ⰿⱏ. ⱄⰵ ⱄⰻ ⰲⱑⰴⱔⱅⱏ ⰵⰶⰵ ⱃⱑⱈⱏ ⰰⰸⱏ.
18:22
Ⱄⰻ ⱃⰵⰽⱏⱎⱓ ⰵⰿⱆ. ⰵⰴⰻⱀⱏ ⱁⱅⱏ ⱂⱃⱑⱄⱅⱁⱗⱎⱅⰻⱈⱏ ⱄⰾⱆⰳⱏ. ⱆⰴⰰⱃⰻ ⰲⱏ ⰾⰰⱀⰻⱅⱘ ⰺⱄ҃ⰰ. ⱃⰵⰽⱏ. ⱅⰰⰽⱁ ⰾⰻ ⱁⱅⱏⰲⱑⱎⱅⰰⰲⰰⰵⱎⰻ ⰰⱃⱈⰻⰵⱃⰵⱁⰲⰻ.
18:23
Ⱉⱅⱏⰲⱑⱎⱅⰰ ⰵⰿⱆ ⰻⱄ҃. ⰰⱎⱅⰵ ⰸⱏⰾⱑ ⰳⰾ҃ⰰⱈⱏ ⱄⱐⰲⱑⰴⱑⱅⰵⰾ̑ⱐⱄⱅⰲⱆⰺ ⱁ ⰸⱐⰾⱑ. ⰰⱎⱅⰵ ⰾⰻ ⰴⱁⰱⱃⱑ ⱍⱐⱅⱁ ⰿⱔ ⰱⰻⰵⱎⰻ.
18:24
Ⱂⱁⱄⱏⰾⰰ ⰶⰵ ⰹ ⰰⱀⸯⱀⰰ ⱄⱏⰲⱔⰸⰰⱀⰰ ⰽⱏ ⰽⰰⰺⰰⱇⱑ ⰰⱃⱈⰻⰵⱃⰵⱁⰲⰻ.
18:25
Ⰱⱑ ⰶⰵ ⱄⰻⰿⱁⱀⱏ ⱂⰵⱅⱃⱏ ⱄⱅⱁⱗ ⰺ҅ ⰳⱃⱑⱗ ⱄⱔ. ⱃⱑⱎⱔ ⰶⰵ ⰵⰿⱆ. ⰵⰴⰰ ⰺ҅ ⱅⱏⰹ ⱁⱅⱏ ⱆⱍⰵⱀⰻⰽⱏ ⰵⰳⱁ ⰵⱄⰻ. ⱁⱀⱏ ⰶⰵ....... ⱁⱅⱏⰲⱃⱏⰶⰵ ⱄⱔ. ⰺ҅ ⱃⰵⱍⰵ ⱀⱑⱄⰿⱐ.
18:26
ⰳⰾ҃ⰰ ⰵⰴⰻⱀⱏ ⱁⱅⱏ ⱃⰰⰱⱏ ⰰⱃⱈⰻⰵⱃⰵⱁⰲⱏ. ⱘⰶⰻⰽⰰ ⱄⱏⰹ. ⰵⰿⱆⰶⰵ ⱆⱃⱑⰸⰰ ⱂⰵⱅⱃⱏ ⱆⱈⱁ. ⱀⰵ ⰰⰸⱏ ⰾⰻ ⱅⱔ ⰲⰻⰴⱑⱈⱏ ⰲⱏ ⰲⱃⱏⱅⱑ ⱄⱏ ⱀ̑ⰻⰿⱐ.
18:27
ⱂⰰⰽⱏⰹ ⰶⰵ ⱂⰵⱅⱃⱏ ⱁⱅⱏⰲⱃⱏⰶⰵ ⱄⱔ. ⰺ҅ ⰰⰱⰻⰵ ⰽⱆⱃⱏ ⰲⱏⰸⰳⰾⰰⱄⰻ. !ⰸⰰ!ⱍ.
18:28
Ⰲⱑⱄⱔ ⰶⰵ ⰺ҅ⱄ҃ⰰ ⱁⱅⱏ ⰽⰰⰺⰰⱇⱏⰹ. ⰲⱏ ⱂⱃⰵⱅⱁⱃⱏ. ⰱⱑ ⰶⰵ ⰸⰰ ⱆⱅⱃⰰ. ⰺ҅ ⱅⰻ ⱀⰵ ⰲⱐⱀⰻⰴⱘ ⰲⱏ ⱂⱃⰻⱅⰲⱁⱃⱏ. !ⰽⱁ!ⱌ. ⰴⰰ ⱀⰵ ⱁⱄⰽⰲⱃⱏⱀⱔⱅⱏ ⱄⱔ. ⱀⱏ ⰴⰰ ⱑⰴⱔⱅⱏ ⱂⰰⱄⱈⱘ. !ⰽⱁ!ⱌ.
18:29
Ⰺ҅ⰸⰻⰴⰵ ⰶⰵ ⰽⱏ ⱀ̑ⰻⰿⱏ ⰺ҅ ⱂⰻⰾⰰⱅⱏ ⰲⱏⱀⱏ. ⰺ҅ ⱃⰵⱍⰵ. ⰽⱘⱙ ⱃⱑⱍⱐ ⱂⱃⰻⱀⱁⱄⰻⱅⰵ ⱀⰰ ⱍⰽ҃ⰰ ⱄⰵⰳ[ⱁ.]
18:30
ⱁⱅⱏⰲⱑⱎⱅⰰⱎⱔ ⰶⰵ ⰺ҅ ⱃⱑⱎⱔ ⰵⰿⱆ. ⰰⱎⱅⰵ ⱀⰵ ⰱⰻ ⰱⱏⰹⰾⱏ. ⱄⱐ ⰸⱏⰾⱁⰴⱑⰹ. ⱀⰵ ⰱⰻⱈⱁⰿⱏ ⱂⱃⱑⰴⰰⰾⰻ ⰵⰳⱁ ⱅⰵⰱⱑ.
18:31
ⱃⰵⱍⰵ ⰶⰵ ⰺ҅ⰿⱏ ⱂⰻⰾⰰⱅⱏ. ⱂⱁⰺⰿⱑⱅⰵ ⰺ ⰲⱏⰹ. ⰺ҅ ⱂⱁ ⰸⰰⰽⱁⱀⱆ ⰲⰰⱎⰵⰿⱆ ⱄⱘⰴⰻⱅⰵ ⰵⰿⱆ. ⱃⱑⱎⱔ ⰶⰵ ⰵⰿⱆ ⰺ҅ⱓⰴⱑⰹ. ⱀⰰⰿⱏ ⱀⰵ ⰴⱁⱄⱅⱁⰺⱅⱏ ⱀⰻⰽⱁⰳⱁⰶⰵ ⱆⰱⰻⱅⰻ.
18:32
ⰴⰰ ⱄⰾⱁⰲⱁ ⰺⱄ҃ⰲ[ⱁ] ⱄⱏⰱⱘⰴⰵⱅⱏ ⱄⱔ. ⰵⰶⰵ ⱃⰵⱍⰵ ⰽⰾⰵⱂⰾ̑ⱔ. ⰽⱁⰵⱙ ⱄⱏⰿⱃⱏⱅⰻⱙ ⱈⱁⱅⱑⰰ... ⱆⰿⱐⱃⱑⱅⰻ.
18:33
Ⰲⱐⱀⰻⰴⰵ ⰶⰵ ⱂⰰⰽⱏⰹ ⱂⰻⰾⰰⱅⱏ ⰲⱏ ⱂⱃⰵⱅⱁⱃⱏ. ⰺ҅ ⰳⰾⰰⱄⰻ ⰺⱄ҃ⰰ ⰺ҅ ⱃⰵⱍⰵ ⰵⰿⱆ. ⱅⱏⰹ ⰾⰻ ⰵⱄⰻ ⱌⱃ҃ⱐ ⰺ҅ⱓⰴⰵⰺ҅ⱄⰽⱏ.
18:34
ⱁⱅⱏⰲⱑⱎⱅⰰ ⰵⰿⱆ ⰻⱄ҃. ⱁ ⱄⰵⰱⱑ ⰾⰻ ⱄⰵ ⱅ.. ⰳⰾ҃ⰵⱎⰻ. ⰾⰻ ⰺ҅ⱀⰻ ⱅⰵⰱⱑ ⱃⱑⱎⱔ ⱁ ⰿⱐⱀⱑ.
18:35
Ⱁⱅⱏⰲⱑⱎⱅⰰ ⱂⰻⰾⰰⱅⱏ ⰵⰴⰰ ⰰⰸⱏ ⰶⰻⰴⱁⰲⰻⱀⱏ ⰵⱄⰿⱐ ⱃ[ⱁ]ⰴⱏ ⱅⰲⱁⰹ. ⰺ҅ ⰰⱃⱈⰻⰵⱃⰵⰹ ⱂⱃⱑⰴ[ⰰ]ⱎⱔ ⱅⱔ ⰿⱀⱑ. ⱍⱐⱅⱁ ⰵⱄⰻ ⱄⱏⱅⰲ[ⱁ]ⱃⰻⰾⱏ.
18:36
ⱁⱅⱏⰲⱑⱎⱅⰰ ⰻⱄ҃. ⱌⱃ҃ⱄⱁ ⰿⱁⰵ ⱀⱑⱄⱅⱏ ⱁⱅⱏ ⱄⰵⰳⱁ ⰿⰻⱃⰰ ⰰⱎⱅⰵ ⱁⱅⱏ ⱄⰵⰳⱁ ⰿⰻⱃⰰ ⰱⰻ ⰱⱏⰹⰾⱁ ⱌⱃ҃ⱄⱁ ⰿⱁⰵ. ⱄⰾⱆⰳⱏⰹ ⱆⰱⱁ ⰿⱁⱗ ⱂⱁⰴⰲⰻⰸⰰⰾⱏⰹ ⱄⱔ ⰱⱏⰹⱎⱔ. ⰴⰰ ⱀⰵ ⱂⱃⱑⰴⰰⱀⱏ ⰱⰻⰿⱐ ⰺ҅ⱓⰴⰵⱁⰿⱏ. ⱀⱏⰹⱀ̑ⱑ ⰶⰵ ⱌⱃ҃ⱄⱁ ⰿⱁⰵ ⱀⱑⱄⱅⱏ ⱁⱅⱏⱄⱘⰴⱆ.
18:37
Ⱃⰵⱍⰵ ⰶⰵ ⰵⰿⱆ. ⱂⰻⰾⰰⱅⱏ. ⱆⰱⱁ ⱌⱃ҃ⱐ ⰾⰻ ⰵⱄⰻ ⱅⱏⰹ. ⱁⱅⱏⰲⱑⱎⱅⰰ ⰻⱄ҃. ⱅⱏⰹ ⰳⰾ҃ⰵⱎⰻ ⱑⰽⱁ ⱌⱃ҃ⱐ ⰵⱄⰿⱐ ⰰⰸⱏ. ⰰⰸⱏ ⱀⰰ ⱄⰵ ⱃⱁⰴⰻⱈⱏ ⱄⱔ. ⰺ҅ ⱀⰰ ⱄⰵ ⱂⱃⰻⰴⱏ. ⰲⱏ ⰲⱐⱄⱐ ⰿⰻⱃⱏ. ⰴⰰ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙ ⱁ ⰺ҅ⱄⱅⰻⱀⱑ. ⰲⱐⱄⱑⰽⱏ ⰺ҅ⰶⰵ ⰵⱄⱅⱏ ⱁⱅⱏ ⰺ҅ⱄⱅⰻⱀⱏⰹ. ⱂⱁⱄⰾⱆⱎⰰⰵⱅⱏ ⰳⰾⰰⱄⰰ ⰿⱁⰵⰳⱁ.
18:38
!Ⰳⰾⰰ ⰵⰿⱆ ⱂⰻⰾⰰⱅⱏ. ⱍⱐⱅⱁ ⰵⱄⱅⱏ ⰺ҅ⱄⱅⰻⱀⰰ. ⰺ҅ ⱄⰵ ⱃⰵⰽⱏ. ⱂⰰⰽⱏⰹ ⰺ҅ⰸⰻⰴⰵ ⰽⱏ ⰺⱓⰴⰵⱁⰿⱏ. ⰺ҅ ⰳⰾ҃ⰰ ⰺ҅ⰿⱏ. ⰰⰸⱏ ⱀⰻⰵⰴⰻⱀⱁⱗ ⰲⰻⱀⱏⰹ ⱀⰵ ⱁⰱⱃⱑⱅⰰⱙ ⰲⱐ ⱀ̑ⰵⰿⱐ.
18:39
*̆ⰵⱄⱅⱏ ⰶⰵ ⱁⰱⱏⰹⱍⰰⰹ ⰲⰰⰿⱏ. ⰴⰰ ⰵⰴⰻⱀⱁⰳⱁ ⰲⰰⰿⱏ ⱁⱅⱏⱂⱆⱎⱅⱘ ⱀⰰ ⱂⰰⱄⱈⱘ. Ⱈⱁⱎⱅⰵⱅⰵ ⰾⰻ ⱆⰱⱁ ⰴⰰ ⱁⱅⱏⱂⱆⱎⱅⱘ ⰲⰰⰿⱏ ⱌⱃ҃ⱑ ⰺ҅ⱓⰴⰵⰺⱄⰽⰰ.
18:40
Ⰲⱏⰸⱏⱂⰻⱎⱔ ⰶⰵ ⰲⸯⱄⰻ ⰳⰾ̑ⱙⱎⱅⰵ. ⱀⰵ ⱄⰵⰳⱁ ⱀⱏ ⰲⰰⱃⰰⰰⰲⱘ. Ⰱⱑ ⰶⰵ ⰲⰰⱃⰰⰰⰲⰰ ⱃⰰⰸⰱⱁⰺ҅ⱀⰻⰽⱏ.