ЕВАНГЕЛИЕ ЕЖЕ Ѿ ІОАННА
15:1
ⰰⰸⱏ ⰵⱄⰿⱐ ⰾⱁⰸⰰ ⰺ҅ⱄⱅⰻⱀⱏⱀⰰⱑ. ⰺ҅ ⱁⱌ҃ⱐ ⰿⱁⰹ ⰴⱑⰾⰰⱅⰵⰾ̑ⱐ ⰵⱄⱅⱏ.
15:2
ⰲⱐⱄⱑⰽⱘ ⱃⰰⰸⰳⱘ ⱁ ⰿⱐⱀⱑ ⱀⰵ ⱅⰲⱁⱃⱔⱎⱅⱘ ⱂⰾⱁⰴⰰ. ⰺ҅ⰸⱏⰿⰵⱅⱏ ⱙ ⰺ҅ ⰲⱐⱄⱑⰽⱘ ⱅⰲⱁⱃⱔⱎⱅⱘ ⱂⰾⱁⰴⱏ ⱁⱅⱃⱑⰱⰻⱅⱏ ⱙ. ⰴⰰ ⱂⰾⱁⰴⱏ ⰱⱁⰾ.. ⱄⱏⱅⰲⱁⱃⰻⱅⱏ.
15:3
ⱓⰶⰵ ⰲⱏⰹ ⱍⰻⱄⱅ[ⰻ] ⰵⱄⱅⰵ. ⰸⰰ ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⰲⰰⰿⱏ.
15:4
ⰱⱘⰴⱑⱅⰵ ⰲⱏ ⰿⱐⱀⱑ. ⰺ҅ ⰰⰸⱏ ⰲⱏ ⰲⰰⱄⱏ. ⱑⰽⱁ ⰱⱁ ⱃⱁⰸⰳⰰ ⱀⰵ ⰿⱁⰶⰵⱅⱏ ⱂⰾⱁⰴⰰ ⱅⰲⱁⱃⰻⱅⰻ ⱁ ⱄⰵⰱⱑ. ⰰⱎⱅⰵ ⱀⰵ ⰱⱘⰴⰵⱅⱏ ⱀⰰ ⰾⱁⰸⱑ. ⱅⰰⰽⱁ ⱀⰻ ⰲⱏⰹ. ⰰⱎⱅⰵ ⰲ[ⱏ] ⰿⱐⱀⱑ ⱀⰵ ⱂⱃⱑⰱⱘⰴⰵⱅⰵ.
15:5
ⰰⰸⱏ [ⰵ]ⱄⰿⱐ ⰾⱁⰸⰰ. ⰲⱏⰹ ⱃⰰⰶⰴⰹⰵ. ⰺ҅[ⰶⰵ] ⰱⱘⰴⰵⱅⱏ ⰲⱏ ⰿⸯⱀⱑ. ⰺ҅ ⰰⰸⱏ ⰲⱐ ⱀ̑[ⰵⰿⱐ] ⱄⱏⱅⰲⱁⱃⰻⱅⱏ ⱂⰾⱁⰴⱏ ⰿⱀⱁⰳ[ⱏ]. ⱑⰽⱁ ⰱⰵⰸ ⰿⰵⱀⰵ ⱀⰵ ⰿⱁⰶⰵⱅⱏ ⱅⰲⱁⱃⰻⱅⰻ ⱀⰻⱍⰵⱄⱁⰶⰵ.
15:6
ⰰⱎⱅⰵ ⰽ[ⱅⱁ] ⰲⱏ ⰿⱀⱑ ⱀⰵ ⱂⱃⱑⰱⱘⰴⰵⱅⱏ. ⰺ҅ⰸⰲⱃⱏⰶⰵⱅⱏ ⱄⱔ ⰲⱏⱀⱏ. ⱑⰽⱁⰶⰵ ⱃⱁⰸⰳⰰ. ⰺ҅ ⰻⱄⱏⱎⰵⱅⱏ. ⰺ҅ ⱄⱏⰱⰻⱃⰰⱙⱅⱏ ⱙ. ⰺ҅ ⰲⱏ ⱁⰳⱀ̑ⱐ ⰲⱏⰾⰰⰳⰰⱙⱅⱏ.
15:7
Ⰰⱎⱅⰵ ⱂⱃⱑⰱⱘⰴⰵⱅⰵ ⰲⱏ ⰿⱐⱀⱑ. ⰺ҅ ⰳⰾ҃ⰻ ⰿⱁⰹ ⰲⱏ ⰲⰰⱄⱏ ⱂⱃⱑⰱⱘⰴⱘⱅⱏ. ⰵⰿⱆⰶⰵ ⰽⱁⰾⰻⰶⰴⱁ ⱈⱁⱎⱅⰵⱅⰵ. ⱂⱃⱁⱄⰻⱅⰵ ⰺ҅ ⰱⱘⰴⰵⱅⱏ ⰲⰰⰿⱏ.
15:8
ⱉ ⱄⰵⰿⱐ ⰱⱁ ⱂⱃⱁⱄⰾⰰⰲⰻ ⱄⱔ ⱁⱌ҃ⱐ ⰿⱁⰹ. ⰴⰰ ⱂⰾⱁⰴⱏ ⰿⱀⱁⰳⱏ ⱄⱏⱅⰲⱁⱃⰻⱅⰵ. ⰺ҅ ⰱⱘⰴⰵⱅⰵ ⰿⱁⰹ ⱆⱍⰵⱀⰻⱌⰻ.
15:9
ⱑⰽⱁⰶⰵ ⰲⱐⰸⰾ̑ⱓⰱⰻ ⰿⱔ ⱁⱌ҃ⱐ. ⰺ҅ ⰰⰸⱏ ⰲⱏⰸⰾⱓⰱⰻⱈⱏ ⰲⱏⰹ. ⰱⱘⰴⱑⱅⰵ ⰲⱏ ⰾ̑ⱓⰱⱏⰲⰻ ⰿⱁⰵⰹ.
15:10
ⰰⱎⱅⰵ ⰸⰰⱂⱁⰲⱑⰴⰻ ⰿⱁⱗ ⱄⱏⰱⰾ̑ⱓⰴⰵⱅⰵ. ⱂⱃⱑⰱⱘⰴⰵⱅⰵ ⰲⱏ ⰾ̑ⱓⰱⱏⰲⰻ ⰿⱁⰵⰹ. ⱑⰽⱁⰶⰵ ⰰⰸⱏ. ⰸⰰⱂⱁⰲⱑⰴⰻ ⱁⱌ҃ⰰ ⰿⱁⰵⰳⱁ ⱄⱏⰱⰾ̑ⱓⰴⱁⱈⱏ. ⰺ҅ ⱂⱃⱑⰱⱏⰹⰲⰰⱙ ⰲⱐ ⱀ̑ⰵⰳⱁ ⰾ̑ⱓⰱⱏⰲⰵ.
15:11
ⱄⰵ ⰳⰾ҃ⰰⱈⱏ ⰲⰰⰿⱏ. ⰴⰰ ⱃⰰⰴⱁⱄⱅⱐ ⰿⱁⱑ ⰲⱏ ⰲⰰⱄⱏ ⰱⱘⰴⰵⱅⱏ. ⰺ҅ ⱃⰰⰴⱁⱄⱅⱐ ⰲⰰⱎⰰ ⰺⱄⱂⰾⱏⱀⰻⱅⱏ ⱄⱔ.
15:12
ⱄⰻ ⰶⰵ ⰵⱄⱅⱏ ⰸⰰⱂⱁⰲⱑⰴⱐ ⰿⱁⱑ. ⰴⰰ ⰾ̑ⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ. ⱑⰽⱁⰶⰵ ⰲⱏⰸⰾ̑ⱓⰱⰻⱈⱏ ⰲⱏⰹ.
15:13
Ⰱⱁⰾⱐⱎⱔ ⱄⰵⱗ ⰾ̑ⱓⰱⱏⰲⰵ ⱀⰵ ⰺ҅ⰿⰰⱅⱏ ⱀⰻⰽⱅⱁⰶⰵ. ⰴⰰ ⰽⸯⱅⱁ ⰴⱎ҃ⱘ ⱄⰲⱁⱙ ⱂⱁⰾⱁⰶⰻⱅⱏ ⰸⰰ ⰴⱃⱆⰳⱏⰹ ⱄⰲⱁⱗ.
15:14
Ⰲⱏⰹ ⰴⱃⱆⰸⰻ ⰿ[ⱁⰹ] ⰵⱄⱅⰵ. ⰰⱎⱅⰵ ⱅⰲⱁⱃⰻⱅⰵ ⰵⰾⰻⰽⱁ ⰰⰸⱏ ⰸⰰⱂⱁⰲⱑⰴⰰⱙ ⰲⰰⰿⱏ.
15:15
ⱓⰶ[ⰵ] ⱀⰵ ⰳⰾ҃ⱙ ⰲⰰⰿⱏ ⱃⱁⰱⱏ. ⱃⰰⰱⱏ ⰱⱁ ⱀ[ⰵ] ⰲⱑⱄⱅⱏ ⱍⱐⱅⱁ ⱅⰲⱁⱃⰻⱅⱏ ⰳ҃ⱐ ⰵⰳⱁ ⰲⱏⰹ ⰶⰵ ⱃⱑⱈⱏ ⰴⱃⱆⰳⱏⰹ. ⱑⰽⱁ ⰲ[ⱐ]ⱄⱑ ⱑⰶⰵ ⱄⰾⱏⰹⱎⰰⱈⱏ ⱁⱅⱏ ⱁⱌ҃ⰰ ⰿⱁⰵⰳⱁ. ⱄⱏⰽⰰⰸⰰⱈⱏ ⰲⰰⰿⱏ.
15:16
ⱀ[ⰵ] ⰲⱏⰹ ⰿⰵⱀⰵ ⰺ҅ⰸⰱⱏⱃⰰⱄⱅⰵ. ⱀⱏ ⰰⰸⱏ ⰺ҅ⰸⰱⱏⱃⰰⱈⱏ ⰲⱏⰹ. ⰺ҅ ⱂⱁⰾⱁⰶⰻⱈⱏ ⰲⱏⰹ. ⰴⰰ ⰲⱏⰹ ⰺ҅ⰴⰵⱅⰵ. ⰺ҅ ⱂⰾⱁⰴⱏ ⱂⱃⰻⱀⰵⱄⰵⱅⰵ. ⰺ҅ ⱂⰾ[ⱁ]ⰴⱏ ⰲⰰⱎⱐ ⱂⱃⱑⰱⱘⰴⰵⱅⱏ. Ⰴⰰ [ⰵ]ⰳⱁⰶⰵ ⰽⱁⰾⰻⰶⰴⱁ ⱂⱃⱁⱄⰻⱅⰵ. ⱁⱅⱏ ⱁⱌ҃ⰰ ⰲⱏ ⰺⰿⱔ ⰿⱁⰵ ⰴⰰⱄⱅ[ⱏ] ⰲⰰⰿⱏ.
15:17
Ⱄⰻ ⰸⰰⱂⱁⰲⱑⰴⰰⱙ [ⰲⰰ]ⰿⱏ ⰴⰰ ⰾ̑ⱓⰱⰻⱅⰵ ⰴⱃⱆⰳⱏ ⰴⱃⱆⰳⰰ.
15:18
ⰰⱎⱅⰵ ⰿⰻⱃⱏ ⰲⰰⱄⱏ ⱀⰵⱀⰰⰲⰻⰴⰻⱅⱏ. ⰲⱑⰴⰻⱅⰵ ⱑⰽⱁ ⰿⰵⱀⰵ ⱂⱃⱑⰶⰴⰵ ⰲⱐⰸⱀⰵⱀⰰⰲⰻⰴⱑ.
15:19
ⰰⱎⱅⰵ ⱁⱅⱏ ⰿⰻⱃⰰ ⰱⱏⰹⱄⱅⰵ ⰱⱏⰹⰾⰻ. ⰿⰻⱃⱏ ⱆⰱⱁ ⱄⰲⱁⱗ ⰾ̑ⱓⰱⰻⰾⱏ ⰱⰻ. ⱑⰽⱁ ⰶⰵ ⱁⱅⱏ ⰿⰻⱃⰰ ⱀⱑⱄⱅⰵ. ⱀⱏ ⰰⰸⱏ ⰺ҅ⰸⰱⱏⱃⰰⱈⱏ ⰲⱏⰹ ⱁⱅⱏ ⰿⰻⱃⰰ. ⱄⰵⰳⱁ ⱃⰰⰴⰻ ⱀⰵⱀⰰⰲⰻⰴⰻⱅⱏ ⰲⰰⱄⱏ ⰿⰻⱃⱏ.
15:20
Ⱂⱁⰿⱐⱀⰻⱅⰵ ⱄⰾⱁⰲⱁ ⰵⰶⰵ ⰰⰸⱏ ⱃⱑⱈⱏ ⰲⰰⰿⱏ. ⱀⱑⱄⱅⱏ ⱃⰰⰱⱏ ⰱⱁⰾⰻ !ⰳⱑ ⱄⰲⱁⰵⰳⱁ. ⰰⱎⱅⰵ ⰿⰵⱀⰵ ⰺ҅ⰸⰳⱏⱀⰰⱎⱔ. ⰺ҅ ⰲⰰⱄⱏ ⰺ҅ⰶⰴⰵⱀⱘⱅⱏ. ⰰⱎⱅⰵ ⱄⰾⱁⰲⱁ ⰿⱁⰵ ⱄⱏⰱⰾ̑ⱓⰴⱁⱎⱔ. ⰺ҅ ⰲⰰⱎⰵ ⱄⱏⰱⰾ̑ⱓⰴⱘⱅⱏ.
15:21
ⱀⱏ ⱄⰻ ⰲⱐⱄⱑ ⱅⰲⱁⱃⱔⱅⱏ ⰲⰰⰿⱏ ⰸⰰ ⰺ҅ⰿⱔ ⰿⱁⰵ. ⱑⰽⱁ ⱀⰵ ⰲⱑⰴⱔⱅⱏ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.
15:22
Ⰰⱎⱅⰵ ⱀⰵ ⰱⰻⰿⱐ ⱂⱃⰻⱎⱐⰾⱏ ⰺ҅ ⰳⰾ҃ⰰⰾⱏ ⰺ҅ⰿⱏ. ⰳⱃⱑⱈⰰ ⱀⰵ ⰱⱘ ⰺ҅ⰿⱑⰾⰻ. ⱀⱏⰹⱀ̑ⱑ ⰶⰵ ⰲⰻⱀⱏⰹ ⱀⰵ ⰺ҅ⰿⱘⱅⱏ ⱁ ⰳⱃⱑⱄⱑ ⱄⰲⱁⰵⰿⱐ.
15:23
ⱀⰵⱀⰰⰲⰻⰴⱔⰻ ⰿⰵⱀⰵ ⰺ҅ ⱁⱌ҃ⰰ ⰿⱁⰵⰳⱁ ⱀⰵⱀⰰⰲⰻⰴⰻⱅⱏ.
15:24
ⰰⱎⱅⰵ ⰴⱑⰾⰰ ⱀⰵ ⰱⰻⰿⱐ ⱄⱏⱅⰲⱁⱃⰻⰾⱏ ⰲⱐ ⱀ̑ⰻⱈⱏ. ⰺ҅ⱈⱏⰶⰵ ⱀⰻⰽⱏⱅⱁⰶⰵ ⰺ҅ⱀⱏ ⱀⰵ ⱄⱏⱅⰲⱁⱃⰻ. ⰳⱃⱑⱈⰰ ⱀⰵ ⰱⱘ ⰺ҅ⰿⱑⰾⰻ. ⱀⱏⰹⱀ̑ⱑ ⰶⰵ ⰺ ⰲⰻⰴⱑⱎⱔ. ⰺ҅ ⰲⱐⰸⱀⰵⱀⰰⰲⰻⰴⱑⱎⱔ. ⰺ҅ ⰿⰵⱀⰵ ⰺ҅ ⱁⱌ҃ⰰ ⰿⱁⰵⰳⱁ.
15:25
ⱀⱏ ⰴⰰ ⱄⱏⰱⱘⰴⰵⱅⱏ ⱄⱔ ⱄⰾⱁⰲⱁ. ⱂⸯⱄⰰⱀⱁⰵ ⰲⱏ ⰸⰰⰽⱁⱀⱑ ⰺ҅ⱈⱏ. ⱑⰽⱁ ⰲⱐⰸⱀⰵⱀⰰⰲⰻⰴⱑⱎⱔ ⰿⱔ ⱄⱂⱏⰹⱅⰻ.
15:26
Ⰵⰳⰴⰰ ⰶⰵ ⱂⱃⰻⰴⰵⱅⱏ ⱂⰰⱃⰰⰽⰾⰻⱅⱏ. ⰵⰳⱁⰶⰵ ⱂⱁⱄⱏⰾ̑ⱙ ⰲⰰⰿⱏ ⱁⱅⱏ ⱁⱌ҃ⰰ ⰴⱈ҃ⱏ ⰺ҅ⱄⱅⰻⱀⱐⱀⱏⰹ. ⰺ҅ⰶⰵ ⱁⱅⱏ ⱁⱌ҃ⰰ. ⰺ҅ⱄⱈⱁⰴⰻⱅⱏ. ⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⰿⱐⱀⱑ.
15:27
ⰺ҅ [ⰲⱏⰹ] ⰶⰵ ⱄⱏⰲⱑⰴⱑⱅⰵⰾⱐⱄⱅⰲⱆ[ⰻ]ⱅⰵ ⱑⰽⱁ ⰺ҅ⱄⰽⱁⱀⰻ ⱄⱏ ⰿⱀⱁⱙ ⰵⱄⱅⰵ.