!Ⰺⱄ ⰶⰵ ⱂⱃⱑⰶⰴⰵ ⱎⰵⱄⱅⰻ ⰴⱐⱀⱏ ⱂⰰⱄⱈⱏⰹ. ⱂⱃⰻⰴⰵ ⰲⱏ ⰲⰻⱅⰰⱀⰻⱙ. ⰺ҅ⰴⰵⰶⰵ ⰱⱑ ⰾⰰⰸⰰⱃⱐ ⱆⰿⱐⱃⱏⰹ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰹⱈⱏ ⰻⱄ҃.

ⱄⱏⱅⰲⱁⱃⰻⱎⱔ ⰶⰵ ⰵⰿⱆ ⰲⰵⱍⰵⱃⱘ ⱅⱆ. ⰺ҅ ⰿⰰⱃⸯⱅⰰ ⱄⰾⱆⰶⰰⰰⱎⰵ. ⰾⰰⰸⰰⱃⱐ ⰶⰵ ⰵⰴⰻⱀⱏ ⰱⱑ ⱁⱅⱏ ⰲⱐⰸⰾⰵⰶⱔⱎⱅⰻⱈⱏ ⱄⱏ ⱀ̑ⰻⰿⱐ.

Ⰿⰰⱃⰻⱑ ⰶⰵ ⱂⱃⰻⰹⰿⱏⱎⰻ. ⰾⰻⰲⱃⱘ ⱈⱃⰻⰸⰿⱏⰹ. ⱀⰰⱃⰴⰰ ⱂⰻⱄⱅⰻⰽⰻⱗ. ⰿⱀⱁⰳⱁⱌⱑⱀⱀⱏⰹ. ⱂⱁⰿⰰⰸⰰ ⱀⱁⰷⱑ ⰺⱄ҃ⰲⱑ. ⰺ҅ ⱁⱅⱃⱏ ⰲⰾⰰⱄⱏⰹ ⱄⰲⱁⰺⰿⰻ ⱀⱁⰷⱑ ⰵⰳⱁ. ⱈⱃⰰⰿⰻⱀⰰ ⰶⰵ ⰺ҅ⱄⱂⰾⱏⱀⰻ ⱄⱔ. ⱁⱅⱏ ⰲⱁⱀ̑ⱔ ⱈⱃⰻⰸⰿⱐⱀⱏⰹⱗ.

!Ⰳⰾⰰ ⰶⰵ ⰵⰴⰻⱀⱏ. ⱁⱅⱏ ⱆⱍⰵⱀⰻⰽⱏ ⰵⰳⱁ. ⰺ҅ⱓⰴⰰ ⱄⰻⰿⱁⱀⱏ ⰺ҅ⱄⰽⰰⱃⰻⱁⱅⱐⱄⰽⱏⰹ. ⰺ҅ⰶⰵ ⰹ ⱈⱁⱅⱑⰰⱎⰵ ⱂⱃⱑⰴⰰⱅⰻ.

ⱍⰵⱄⱁ ⱃⰰⰴⰻ ⱈⱃⰻⰸⰿⰰ ⱄⰻ ⱀⰵ ⱂⱃⱁⰴⰰⱀⰰ ⰱⱏⰹⱄⱅⱏ. ⱀⰰ ⱅⱃⱐⱈⱏ ⱄⱏⱅⱑⱈⱏ ⱂⱑⱀⱔⰸⱐ. ⰺ҅ ⰴⰰⱀⰰ ⱀⰻⱎⱅⰻⰿⱏ.

ⱄⰵ ⰶⰵ ⱃⰵⱍⰵ. ⱀⰵ ⱑⰽⱁ ⱁ ⱀⰻⱎⱅⰻⱈⱏ ⱂⰵⱍⰰⰰⱎⰵ ⱄⱔ ⱀⱏ ⱑⰽⱁ ⱅⰰⱅⱐ ⰱⱑ. ⰺ҅ ⰽⱁⰲⱐⱍⰵⰶⱐⱌⱐ ⰺ҅ⰿⱏⰹ. ⰺ҅ ⰲⱏⰿⰵⱅⰰⰵⰿⰰⰰ ⱀⱁⱎⰰⰰⱎⰵ.

ⱃⰵⱍⰵ ⰶⰵ ⰻⱄ҃. ⱀⰵ ⰴⱑⰹ ⰵⱗ. ⰴⰰ ⰲⱐ ⰴⱐⱀⱐ ⱂⱁⰳⱃⰵⰱⰵⱀⰻⱑ ⰿⱁⰵⰳⱁ ⱄⱏⰱⰾ̑ⱓⰴⰵⱅⱏ ⱙ.

ⱀⰻⱎⱅⱔⱗ ⰱⱁ ⰲⱐⱄⰵⰳⰴⰰ ⱄⱏ ⱄⱁⰱⱁⱙ ⰺ҅ⰿⰰⱅⰵ. ⰰ ⰿⰵⱀⰵ ⱀⰵ ⰲⱐⱄⰵⰳⰴⰰ ⰺ҅ⰿⰰⱅⰵ.

Ⱃⰰⰸⱆⰿⱑ ⰶⰵ ⱀⰰⱃⱁⰴⱏ. ⰿⱀⱁⰳⱏ ⱁⱅⱏ ⰺ҅ⱓⰴⰵⰹ ⱑⰽⱁ ⱅⱆ ⰵⱄⱅⱏ. ⰺ҅ ⱂⱃⰻⰴⱘ ⱀⰵ ⰻⱄ҃ⰰ ⱃⰰⰴⰻ ⱅⱏⰽⱏⰿⱁ. ⱀⱏ ⰴⰰ ⰺ҅ ⰾⰰⰸⰰⱃⱑ ⰲⰻⰴⱔⱅⱏ. ⰵⰳⱁⰶⰵ ⰲⱏⱄⰽⱃⱑⱄⰻ ⱁⱅⱏ ⰿⱃⱏⱅⰲⱏⰺⱈⱏ.

ⱄⱏⰲⱑⱎⱅⰰⱎⱔ ⰶⰵ ⰰⱃⱈⰻⰵⱃⰵⰹ. ⰴⱁ ⰺ҅ ⰾⰰⰸⰰⱃⱑ ⱆⰱⰻⱙⱅⱏ.

ⱑⰽⱁ ⰿⱀⱁⰸⰻ ⰵⰳⱁ ⱃⰰⰴⰻ ⰺ҅ⰴⱑⰰⱈⱘ ⰺ҅ⱓⰴⱑⰹ. ⰺ҅ ⰲⱑⱃⱁⰲⰰⱈⱘ ⰲⱏ ⰺⱄ҃ⰰ.

Ⰲⱏ ⱆⱅⱃⱑⰺ ⰶⰵ ⰴⱐⱀⱐ ⱀⰰⱃⱁⰴⱏ ⰿⱀⱁⰳⱏ. ⱂⱃⰻⱎⱐⰴⱏⰹ ⰲⱏ ⱂⱃⰰⰸⰴⱐⱀⰻⰽⱏ. ⱄⰾⱏⰹⱎⰰⰲⱏⱎⰵ ⱑⰽⱁ ⰻⱄ҃. ⰳⱃⱔⰴⰵⱅⱏ ⰲⱏ ⰺⰾ҃ⰿⱏ.

ⱂⱃⰻⱗⱎⱔ ⰲⰰⰺ ⱁⱅⱏ ⱇⰻⱀⰻⰽⱏ. ⰺ҅ ⰻⰸⰻⰴⱘ ⱂⱃⱁⱅⰻⰲⱘ ⰵⰿⱆ. ⰺ҅ ⰸⱏⰲⰰⰰⱈⱘ ⰳⰾ҃ⱙⱎⱅⰵ. ̆ⱉⱄⰰⱀⱀⰰ. ⰱⰾⰰⰳⱁⱄⰾⱁⰲⰵⱀⱏ ⰳⱃⱔⰴⱔⰻ ⰲⱏ ⰺⰿⱔ ⰳⱀ҃ⰵ. ⱌⱃ҃ⱐ ⰺⰸⰴⱃⰰⰺⰾⰵⰲⱏ.

Ⱉⰱⱃⱑⱅⰵ ⰶⰵ ⰻⱄ҃ ⱁⱄⱐⰾⱔ ⰲⱐⱄⱑⰴⰵ ⱀⰰ ⱀ̑ⰵ. ⱑⰽⱁⰶⰵ ⰵⱄⱅⱏ ⱂⱄⰰⱀⱁ.

ⱀⰵ ⰱⱁⰺ ⱄⱔ ⰴⱏⱎⱅⰻ ⱄⰻⱁⱀⱁⰲⰰ. ⱄⰵ ⱌⱃ҃ⱐ ⱅⰲⱁⰹ ⰳⱃⱔⰴⰵⱅⱏ. ⱄⱑⰴⱔ ⱀⰰ ⰶⱃⱑⰱⱔⱅⰵ ⱁⱄⱏⰾ̑ⰻ.

Ⱄⰻⱈⱏ ⰶⰵ ⱀⰵ ⱃⰰⰸⱆⰿⱑⱎⱔ. ⱆⱍⰵⱀⰻⱌⰻ ⰵⰳⱁ ⱂⱃⱑⰶⰴⰵ. ⱀⱏ ⰵⰳⰴⰰ ⱂⱃⱁⱄⰾⰰⰲⰻ[ⱅⱏ] ⱄⱔ ⰻⱄ҃. ⱅⱁⰳⰴⰰ ⱂⱁⰿⱑⱀⱘⱎⱔ ⱑⰽⱁ ⱄⰻ ⰱⱑⱎⱔ ⱁ ⱀ̑ⰵⰿⱐ ⱂⱄⰰⱀⰰ. ⰺ҅ ⱄⰻ ⱄⱏⱅⰲⱁⱃⰻⱎⱔ ⰵⰿⱆ.

ⱄⱏⰲⱑⰴⱑⱅⰵⰾ̑ⱐⱄⱅⰲⱁⰲⰰⰰⱎⰵ ⱀⰰⱃⱁⰴⱏ. ⰺ҅ⰶⰵ ⰱⱑ ⱄⱏ ⱀ̑ⰻⰿⱐ. ⰵⰳⰴⰰ ⰾⰰⰸⰰⱃⱑ ⰲⱏⰸⰳⰾⰰⱄⰻ ⱁⱅⱏ ⰳⱃⱁⰱⰰ. ⰺ҅ ⰲⱏⱄⰽⱃⱑⱄⰻ ⰵⰳⱁ ⱁⱅⱏ ⰿⱃⱏⱅⰲⱏⰹⱈⱏ.

ⱄⰵⰳⱁ ⱃⰰⰴⰻ ⰺ҅ ⱂⱃⱁⱅⰻⰲⱘ ⰺ҅ⰸⰻⰴⰵ ⰵⰿⱆ ⱀⰰⱃⱁⰴⱏ. ⱑⰽⱁ ⱄⰾⱏⰹⱎⰰⱎⱔ ⱄⱏⱅⰲⱁⱃⱐⱎⰰ ⰸⱀⰰⰿⰵⱀⰻⱑ.

ⱇⰰⱃⰻⱄⱑⰹ ⰶⰵ ⱃⱑⱎⱔ ⰽⱏ ⱄⰵⰱⱑ. ⰲⰻⰴⰻⱅⰵ ⱑⰽⱁ ⱀⰻⰽⰰⰰⰶⰵ ⱂⱁⰾⱐⰸⰰ ⰵⱄⱅⱏ. ⱄⰵ ⰲⱐⱄⱐ ⰿⰻⱃⱏ ⱂⱁ ⱀ̑ⰵⰿⱐ ⰺ҅ⰴⰵ.

Ⰱⱑⰰⱈⱘ ⰶⰵ ⰵⰾⰾⰻⱀⰻ. ⰵⱅⰵⱃⰻ ⱁⱅⱏ ⰲⱏⱎⱐⰴⱏⱎⰻⱈⱏ. ⰴⰰ ⱂⱁⰽⰾⱁⱀⱔⱅⱏ ⱄⱔ ⰲⱏ ⱂⱃⰰⰸⰴⱐⱀⰻⰽⱏ.

ⱄⰻⰹ ⰶⰵ ⱂⱃⰻⱄⱅⱘⱂⰻⱎⱔ ⰽⱏ ⱇⰻⰾⰻⱂⱆ. ⰺ҅ⰶⰵ ⰱⱑ ⱁⱅⱏ ⰲⰻⰴⱏⱄⰰⰺ҅ⰴⱏⰹ ⰳⰰⰾⰻⰾⱑⰺ҅ⱄⰽⱏⰹⱗ. ⰺ҅ ⰿⱁⰾ̑ⱑⰰⱈⱘ ⰹ ⰳⰾ҃ⱙⱎⱅⰵ. ⰳ҃ⰻ. ⱈⱁⱎⱅⰵⰿⱏ ⰺⱄ҃ⰰ ⰲⰻⰴⱑⱅⰻ.

ⱂⱃⰻⰴⰵ ⱇⰻⰾⰻⱂⱂⱏ ⰺ҅ ⰳⰾ҃ⰰ. ⰰⱀⱐⰴⱃⱑⱁⰲⰻ. ⰺ҅ ⱂⰰⰽⱏⰹ ⰰⱀⰴⱃⱑⰰ ⰺ҅ ⱇⰻⰾⰻⱂⱏ. ⰳⰾ҃ⰰⱄⱅⰵ ⰺ҅ⱄ҃ⰲⰻ.

!Ⰺⱄ ⰶⰵ ⱁⱅⱏⰲⱑⱎⱅⰰ ⰺ҅ⰿⰰ ⰳⰾ҃ⱔ. ⱂⱃⰻⰴⰵ ⱍⰰⱄⱏ. ⰴⰰ ⱂⱃⱁⱄⰾⰰⰲⰻⱅⱏ ⱄⱔ ⱄⱀ҃ⱏ ⱍⱄ҃ⰽⱏⰹ.

*̆ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⰰⱎⱅⰵ ⰸⱃⱏⱀⱁ ⱂⱐⱎⰵⱀⱐⱀⱁ ⱀⰵ ⱆⰿⱐⱃ̑ⰵⱅⱏ ⱂⰰⰴⱏ ⰲⱏ ⰸⰵⰿⰾ̑ⰻ. ⱅⱁ ⰵⰴⰻⱀⱁ ⱂⱃⱑⰱⱏⰹⰲⰰⰵⱅⱏ. ⰰⱎⱅⰵ ⰾⰻ ⱆⰿⱐⱃ̑ⰵⱅⱏ. ⰿⱀⱁⰳⱏ ⱂⰾⱁⰴⱏ ⱄⱏⱅⰲⱁⱃⰻⱅⱏ.

Ⰾ̑ⱓⰱⱔⰻ ⰴⱎ҃ⱘ ⱄⰲⱁⱙ ⱂⱁⰳⱆⰱⰻⱅⱏ ⱙ. ⰺ҅ ⱀⰵⱀⰰⰲⰻⰴⱔⰻ ⰴⱎ҃ⱔ ⱄⰲⱁⰵⱗ ⰲⱏ ⰿⰻⱃⱑ ⱄⰵⰿⱐ. ⰲⱏ ⰶⰻⰲⱁⱅⱑ ⰲⱑⱍⱐⱀⱑⰿⱐ ⱄⱏⱈⱃⰰⱀⰻⱅⱏ ⱙ.

ⰰⱎⱅⰵ ⰽⱅⱁ ⰿⸯⱀⱑ ⱄⰾⱆⰶⰻⱅⱏ. ⱂⱁ ⰿⱀⱑ ⰴⰰ ⱈⱁⰴⰻⱅⱏ. ⰺ҅ⰴⰵⰶⰵ ⰵⱄⰿⱐ ⰰⰸⱏ. ⱅⱆ ⰺ҅ ⱄⰾⱆⰳⰰ ⰿⱁⰹ ⰱⱘⰴⰵⱅⱏ. ⰺ҅ ⰰⱎⱅⰵ ⰽⱏⱅⱁ ⰿⱐⱀⱑ ⱄⰾⱆⰶⰻⱅⱏ. ⱂⱁⱍⱐⱅⰵⱅⱏ ⰹ ⱁⱌ҃ⱐ.

Ⱀⱏⰹⱀ̑ⱑ ⰴⱎ҃ⰰ ⰿⱁⱑ ⰲⱏⰸⰿⱘⱅⰻ ⱄⱔ. ⰺ҅ ⱍⱐⱅⱁ ⱃⰵⰽⱘ. !ⱁⱍⰵ ⱄⱂ҃ⰻ ⰿⱔ ⱁⱅⱏ ⱍⰰⱄⰰ ⱄⰵⰳⱁ. ⱀⱏ ⱄⰵⰳⱁ ⱃⰰⰴⰻ ⱂⱃⰻⰴⱏ ⱀⰰ ⰳⱁⰴⰻⱀⱘ ⱄⰻⱙ.

!Ⱉⱍⰵ ⱂⱃⱁⱄⰾⰰⰲⰻ ⰺ҅ⰿⱔ ⱅⰲⱁⰵ. ⱂⱃⰻⰴⰵ ⰶⰵ ⰳⰾ҃ⰰ!ⱄ ⱄⱏ ⱀⰱ҃ⱄⰵ. ⰺ҅ ⱂⱃⱁⱄⰾⰰⰲⰻⱈⱏ ⰺ҅ ⱂⰰⰽⱏⰹ ⱂⱃⱁⱄⰾⰰⰲⰾ̑ⱘ.

ⱀⰰⱃⱁⰴⱏ ⰶⰵ ⱄⱅⱁⱗ ⰺ҅ ⱄⰾⱏⰹⱎⰰⰲⱏ. ⰳⰾ҃ⰰⰰⱈⱘ ⰳⱃⱁⰿⱏ ⰱⱏⰹⱄⱅⱏ. ⰺ҅ⱀⰻ ⰳⰾ҃ⰰⱈⱘ ⰰⰼ҃ⰾⱏ. ⰳⰾ҃ⰰ ⰵⰿⱆ.

ⱁⱅⱏⰲⱑⱎⱅⰰ ⰻⱄ҃. ⰺ ⱃⰵⱍⰵ. ⱀⰵ ⰿⰵⱀⰵ ⱃⰰⰴⰻ ⰳⰾⰰⱄⱏ ⱄⱐ ⰱⱏⰹ!ⱄ. ⱀⱏ [ⱀⰰⱃⱁⰴⰰ] ⱃⰰⰴⰻ

ⱀⱏⰹⱀ̑ⱑ ⰶⰵ ⱄⱘⰴⱏ ⰵⱄⱅⱏ ⰿⰻⱃⱆ ⱄⰵⰿⱆ. ⱀⱏⰹⱀ̑ⱑ ⰽⱏⱀⱔⰸⱐ ⰿⰻⱃⰰ ⱄⰵⰳⱁ ⰺ҅ⰸⰳⱏⱀⰰⱀⱏ ⰱⱘⰴⰵⱅⱏ ⰲⱏⱀⱏ.

ⰺ҅ ⰰⰸⱏ ⰰⱎⱅⰵ ⰲⱐⰸⱀⰵⱄⰵⱀⱏ ⰱⱘⰴⱘ ⱁⱅⱏ ⰸⰵⰿⰾ̑ⱔ. ⰲⱐⱄⱔ ⱂⱃⰻⰲⰾⱑⰽⱘ ⰽⱏ ⱄⰵⰱⱑ.

ⱄⰵ ⰶⰵ ⰳⰾ҃ⰰⰰⱎⰵ ⰽⰾⰵⱂⰾ̑ⱔ. ⰽⱁⰵⱙ ⱄⱏⰿⱃⱏⱅⰻⱙ ⱈⱁⱅⱑⰰⱎⰵ ⱆⰿⱐⱃⱑⱅⰻ.

ⱁⱅⱏⰲⱑⱎⱅⰰ ⰵⰿⱆ ⱀⰰⱃⱁⰴⱏ. ⰿⱏⰹ ⱄⰾⱏⰹⱎⰰⱈⱁⰿⱏ ⱁⱅⱏ ⰸⰰⰽⱁⱀⰰ. ⱑⰽⱁ ⱈ҃ⱏ ⱂⱃⱑⰱⱏⰹⰲⰰⰵⱅⱏ ⰲⱏ ⰲⱑⰽⱏ. ⰺ҅ ⰽⰰⰽⱁ ⱅⱏⰹ ⰳⰾ҃ⰵⱎⰻ. ⰲⱐⰸⱀⰵⱄⱅⰻ ⱄⱔ ⱂⱁⰴⱁⰱⰰⰵⱅⱏ ⱄⱀ҃ⱆ ⱍⱄ҃ⰽⱆⰵⰿⱆ. ⰽⱏⱅⱁ ⱄⱐ ⰵⱄⱅⱏ ⱄⱀ҃ⱏ ⱍⱄ҃ⰽⱏⰹ.

ⱃⰵⱍⰵ ⰶⰵ [ⰵ]ⰿ[ⱆ] ⰻⱄ҃. ⰵⱎⱅⰵ ⰲⱏ ⰿⰰⰾⱁ ⰲⱃⱑⰿⱔ ⱄⰲⱑⱅⱏ ⰲⱏ ⰲⰰⱄⱏ ⰵⱄⱅⱏ. ⱈⱁⰴⰻⱅⰵ ⰴⱁⱀⱐⰴⰵⰶⰵ ⱄⰲⱑⱅⱏ ⰺ҅ⰿⰰⱅⰵ. ⰴⰰ ⱅⱐⰿⰰ ⰲⰰⱄⱏ ⱀⰵ ⰺ҅ⰿⰵⱅⱏ. ⰺ҅ ⱈⱁⰴⱔⰹ ⰲⱏ ⱅⱐⰿⱑ. ⱀⰵ ⰲⱑⱄⱅⱏ ⰽⰰⰿⱁ ⰺ҅ⰴⰵⱅⱏ.

ⰴⱁⱀⱐⰴⰵⰶⰵ ⱄⰲⱑⱅⱏ ⰺ҅ⰿⰰⱅⰵ. ⰲⱑⱃⱆⰵⱅⰵ ⰲⱏ ⱄⰲⱑⱅⱏ. ⰴⰰ !ⱄⱀⰻ ⱄⰲⱑⱅⱆ ⰱⱘⰴⰵⱅⰵ. ⱄⰻ ⰳⰾ҃ⰰ ⰻⱄ҃. ⰺ ⱎⱐⰴⱏ ⱄⱏⰽⱃⱏⰹ ⱄⱔ ⱁⱅⱏ ⱀ̑ⰻⱈⱏ.

ⱅⱁⰾⰻⰽⰰ ⰶⰵ ⰸⱀⰰⰿⰵⱀⰻⱑ ⱄⱏⱅⰲⱁⱃⱐⱎⱓ ⰵⰿⱆ ⱂⱃⱑⰴⱏ ⱀ̑ⰻⰿⰻ. ⱀⰵ ⰲⱑⱃⱁⰲⰰⰰⱈⱘ ⰵⰿⱆ.

ⰴⰰ ⱄⱏⰱⱘⰴⱘⱅⱏ ⱄⱔ ⱄⰾⱁⰲⰵⱄⰰ ⰺ҅ⱄⰰⰺ҅ⱗ ⱂⱃⱁⱃⱁⰽⰰ ⰵⰶⰵ ⱃⰵⱍⰵ. ⰳ҃ⰻ ⰽⱏⱅⱁ ⰲⱑⱃⱁⰲⰰ ⱄⰾⱆⱈⱆ ⰲⰰⱎⰵⰿⱆ. ⰺ҅ ⰿⱏⰹⱎⱐⱌⰰ ⰳⱀ҃ⱑ. ⰽⱁⰿⱆ ⱁⱅⱏⰽⱃⱏⰹ ⱄⱔ.

Ⱄⰵⰳⱁ ⱃⰰⰴⰻ ⱀⰵ ⰿⱁⰶⰰⱈⱘ ⰲⱑⱃⱁⰲⰰⱅⰻ. ⱑⰽⱁ ⱂⰰⰽⱏⰹ ⱃⰵⱍⰵ ⰺ҅ⱄⰰⰹⱑ.

ⱁⱄⰾⱑⱂⰻ ⱁⱍⰻ ⰺ҅ⱈⱏ. ⰺ҅ ⱁⰽⰰⰿⱑⱀⰻⰾⱏ %̆ⰵⱄⱅⱏ ⱄⱃⱏⰴⱐⱌⰰ ⰺ҅ⱈⱏ. ⰴⰰ ⱀⰵ ⰲⰻⰴⱔⱅⱏ ⱁⱍⰻⰿⰰ. ⱀⰻ ⱃⰰⰸⱆⰿⱑⱙⱅⱏ ⱄⱃⱏⰴⱐⱌⰵⰿⱐ. ⰺ҅ ⱁⰱⱃⰰⱅⱔⱅⱏ ⱄⱔ ⰺ҅ ⰻⱌⱑⰾ̑ⱘ ⱗ.

Ⱄⰻ ⱃⰵⱍⰵ ⰺ҅ⱄⰰⰺⱑ. ⰵⰳⰴⰰ ⰲⰻⰴⱑ ⱄⰾⰰⰲⱘ ⰵⰳⱁ. ⰺ҅ ⰳⰾ҃ⰰ ⱁ ⱀ̑ⰵⰿⱐ.

ⱁⰱⰰⱍⰵ ⱆⰱⱁ ⰺ҅ ⱁⱅⱏ ⰽⱏⱀⱔⰸⱐ. ⰿⱀⱁⰸⰻ ⰲⱑⱃⱁⰲⰰⱎⱔ ⰲⱐ ⱀ̑ⰵⰳⱁ. ⱀⱏ ⱇⰰⱃⰻⱄⱑⰻ ⱃⰰⰴⰻ ⱀⰵ ⰺ҅ⱄⱂⱁⰲⱑⰴⰰⰰⱈⱘ. ⰴⰰ ⱀⰵ ⰺ҅ ⱄⱏⱀⱏⰿⰻⱎⱅⱐ ⰺ҅ⰸⰳⱏⱀⰰⱀⰻ ⰱⱘⰴⱘⱅⱏ.

ⰲⱐⰸⰾ̑ⱓⰱⰻⱎⱔ ⰱⱁ ⱂⰰⱍⰵ ⱄⰾⰰⰲⱘ ⱍⱄ҃ⰽⱘ. ⱀⰵⰶⰵ ⱄⰾⰰⰲⱘ ⰱⰶ҃ⰻⱙ.

!Ⰺⱄ ⰶⰵ ⰲⱏⰸⱏⰲⰰ ⰺ҅ ⱃⰵⱍⰵ. ⰲⱑⱃⱆⱗⰻ ⰲⱐ ⰿⱔ ⱀⰵ ⰲⱑⱃⱆⰵⱅⱏ ⰲⱏ ⰿⰵⱀⰵ. ⱀⱏ ⰲⱏ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.

ⰺ҅ ⰲⰻⰴⱔⰹ ⰿⱔ ⰲⰻⰴⰻⱅⱏ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.

*̆ⰰⰸⱏ ⱄⰲⱑⱅⱏ ⰲⱏ ⰲⱐⱄⱐ ⰿⰻⱃⱏ ⱂⱃⰻⰴⱏ. ⰴⰰ ⰲⱐⱄⱑⰽⱏ ⰲⱑⱃⱆⱗⰹ ⰲⱏ ⰿⱔ. ⰲⱏ ⱅⱐⰿⱑ ⱀⰵ ⱂⱃⱑⰱⱘⰴⰵⱅⱏ.

ⰺ҅ ⰰⱎⱅⰵ ⰽⱅⱁ ⱆⱄⰾⱏⰹⱎⰻⱅⱏ. ⰳⰾ҃ⱏⰹ ⰿⱁⱗ. ⰺ҅ ⱀⰵ ⱄⱏⱈⱃⰰⱀⰻⱅⱏ ⰺ҅ⱈⱏ. ⰰⰸⱏ ⱀⰵ ⱄⱘⰶⰴⱘ ⰵⰿⱆ. ⱀⰵ ⱂⱃⰻⰴⱏ ⰱⱁ ⰴⰰ ⱄⱘⰶⰴⱘ ⰿⰻⱃⱆ. ⱀⱏ ⰴⰰ ⱄⱏⱂⰰⱄⱘ ⰿⰻⱃⱏ.

ⱁⱅⱏⰿⱑⱅⰰⱗⰻ ⱄⱔ ⰿⰵⱀⰵ. ⰺ҅ ⱀⰵ ⱂⱃⰻⰵⰿⰾ̑ⱔ ⰳⰾ҃ⱏ ⰿⱁⰹⱈⱏ. ⰺ҅ⰿⰰⱅⱏ ⱄⱘⰴⱔⱎⱅⰰⰵⰳⱁ ⰵⰿⱆ. ⱄⰾⱁⰲⱁ ⰵⰶⰵ ⰳⰾ҃ⰰⱈⱏ ⱅⱁ ⱄⱘⰴⰻⱅⱏ ⰵⰿⱆ. ⰲⱏ ⱂⱁⱄⰾⱑⰴⱐⱀ̑ⰻ ⰴⱐⱀⱐ.

ⱑⰽⱁ ⰰⰸⱏ ⱁ ⱄⰵⰱⱑ ⱀⰵ ⰳⰾ҃ⰰⰰⱈⱏ. ⱀⱏ ⱂⱁⱄⱏⰾⰰⰲⱏⰺ ⰿⱔ ⱁⱌ҃ⱐ. ⱅⱏ ⰿⱐⱀⱑ ⰸⰰⱂⱁⰲⱑⰴⱐ ⰴⰰⱄⱅⱏ. ⱍⱐⱅⱁ ⱃⰵⰽⱘ. ⰺ҅ ⱍⱐⱅⱁ ⰲⱏⰸⰳⰾⰰⰳⱁⰾⱘ.

ⰺ҅ ⰲⱑⰿⱐ [ⱑⰽⱁ] ⰸⰰⱂⱁⰲⱑⰴⱐ ⰵⰳⱁ. ⰶⰻⰲⱁⱅⱏ ⰲⱑⱍⱐⱀⱏⰹ ⰵⱄⱅⱏ. ⱑⰶⰵ ⱆⰱⱁ ⰰⰸⱏ ⰳⰾ҃ⱙ. ⱑⰽⱁⰶⰵ ⱃⰵⱍⰵ ⰿⱀⱑ ⱁⱌ҃ⱐ ⱅⰰⰽⱁ ⰳⰾ҃ⱙ.