ЕВАНГЕЛИЕ ЕЖЕ Ѿ ІОАННА
1:1
Ⰺⱄⰽⱁⱀⰻ. ⰱⱑⰰⱎⰵ ⱄⰾⱁⰲⱁ. ⰺ҅ ⱄⰾⱁⰲⱁ ⰱⱑⰰⱎⰵ ⱁⱅⱏ ⰱ҃ⰰ. ⰺ҅ ⰱ҃ⱏ ⰱⱑⰰⱎⰵ ⱄⰾⱁⰲⱁ.
1:2
ⱄⰵ ⰱⱑ ⰺ҅ⱄⰽⱁⱀⰻ ⱁⱅⱏ ⰱ҃ⰰ.
1:3
ⰲⱐⱄⱑ ⱅⱑⰿⱐ ⰱⱏⰹⱎⱔ. ⰺ҅ ⰱⰵⰶ ⱀ̑ⰵⰳⱁ ⱀⰻⱍⱐⱅⱁⰶⰵ ⱀⰵ ⰱⱏⰹⱄⱅⱏ. ⰵⰶⰵ ⰱⱏⰹⱄⱅⱏ.
1:4
ⰲⱏ ⱅⱁⰿⱐ ⰶⰻⰲⱁⱅⱏ ⰱⱑ. ⰺ҅ ⰶⰻⰲⱁⱅⱏ ⰱⱑ ⱄⰲⱑⱅⱏ ⱍⰽ҃ⱁⰿⱏ.
1:5
ⰺ҅ ⱄⰲⱑⱅⱏ ⰲⱏ ⱅⱏⰿⱑ ⱄⰲⱐⱅⰻⱅⱏ ⱄⱔ. ⰺ҅ ⱅⱏⰿⰰ ⰵⰳⱁ ⱀⰵ ⱁⰱⱐⱗⱅⱏ.
1:6
Ⰱⱏⰹⱄⱅⱏ ⱍⰽ҃ⱏ. ⱂⱁⱄⱏⰾⰰⱀⱏ ⱁⱅⱏ ⰱ҃ⰰ. ⰺ҅ⰿⱔ ⰵⰿⱆ ⰺ҅ⱁⰰⱀⱏ.
1:7
ⱄⱐ ⱂⱃⰻⰴⰵ ⰲⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ. ⰴⰰ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⱄⰲⱑⱅⱑ. ⰴⰰ ⰲⱐⱄⰻ ⰲⱑⱃⱘ ⰺ҅ⰿⱘⱅⱏ ⰺ҅ⰿⱐ.
1:8
ⱀⰵ ⰱⱑ ⱅⱏ ⱄⰲⱑⱅⱏ. ⱀⱏ ⰴⰰ ⱄⱏⰲⱑⰴⱑⱅⰵⰾ̑ⱐⱄⱅⰲⱆⰵⱅⱏ ⱁ ⱄⰲⱑⱅⱑ.
1:9
Ⰱⱑ ⱄⰲⱑⱅⱏ ⰺ҅ⱄⱅⰻⱀⱏⱀⱏⰹ. ⰺ҅ⰶⰵ ⱂⱃⱁⱄⰲⱑⱎⱅⰰⰵⱅⱏ ⰲⱄⱑⰽⱁⰳⱁ ⱍⰽ҃ⰰ. ⰳⱃⱔⰴⱘⱎⱅⰰⰵⰳⱁ ⰲⱏ ⰿⰻⱃⱏ.
1:10
ⰲⱏ ⰿⰻⱃⱑ ⰱⱑ. ⰺ҅ ⰿⰻⱃⱏ ⱅⱑⰿⱐ ⰱⱏⰹ!ⱄ. ⰺ҅ ⰿⰻⱃⱏ ⰵⰳⱁ ⱀⰵ ⱂⱁⰸⱀⰰ.
1:11
Ⰲⱏ ⱄⰲⱁⱗ ⱂⱃⰻⰴⰵ. ⰺ҅ ⱄⰲⱁⰻ ⰵⰳⱁ ⱀⰵ ⱂ[ⱃⰻⱔ]ⱎⱔ.
1:12
ⰵⰾⰻⰽⱁ ⰶⰵ ⰺⱈⱏ ⱂⱃⰻⱗⱅⱏ ⰹ. ⰴⰰⱄⱅⱏ ⰺ҅ⰿⱏ ⰲⰾⰰⱄⱅⱐ ⱍⱔⰴⱁⰿⱏ ⰱⰶ҃ⰻⰵⰿⱏ ⰱⱏⰹⱅⰻ. ⰲⱑⱃⱆⱙⱎⱅⰻⰿⱏ ⰲⱏ ⰺⰿⱔ ⰵⰳⱁ.
1:13
ⰺ҅ⰶⰵ ⱀⰵ ⱁⱅⱏ ⰽⱃⱏⰲⰻⰹ. ⱀⰻ ⱁⱅⱏ ⱂⱁⱈⱁⱅⰻ ⱂⰾⱏⱅⱐⱄⰽⱏⰹ. ⱀⰻ ⱁⱅⱏ ⱂⱁⱈⱁⱅⰻ ⰿⱘⰶⱐⱄⰽⱏⰹ. ⱀⱏ ⱁⱅⱏ ⰱ҃ⰰ ⱃⱁⰴⰻⱎⱔ ⱄⱔ.
1:14
Ⰺ҅ ⱄⰾⱁⰲⱁ ⱂⰾⱏⱅⱐ ⰱⱏⰹⱄⱅⱏ. ⰺ҅ ⰲⱐⱄⰵⰾⰻ ⱄⱔ ⰲⱏ ⱀⱏⰹ. ⰺ҅ ⰲⰻⰴⱑⱈⱁⰿⱏ ⱄⰾⰰⰲⱘ ⰵⰳⱁ. ⱄⰾⰰⰲⱘ ⱑⰽⱁ ⰺⱀⱁⱍⱔⰴⰰⰵⰳⱁ ⱁⱅⱏ ⱁⱌ҃ⰰ. ⰺ҅ⱄⱂⰾⱏⱀⱐ ⰱⰾⰰⰳⱁⰴⱑⱅⰻ ⰺ҅ⱄⱅⰻⱀⱏⰹ.
1:15
Ⰺ҅ⱁⰰⱀⱏ ⱄⱏⰲⱑⰴⱑⱅⰵⰾⱐⱄⱅⰲⱆⰵⱅⱏ ⱁ ⱀ̑ⰵⰿⱐ. ⰺ҅ ⰲⱏⰸⱏⰲⰰ ⰳⰾ҃ⱔ. ⱄⱐ ⰱⱑ ⰵⰳⱁⰶⰵ ⱃⱑⱈⱏ. ⰳⱃⱔⰴⱏⰹ ⱂⱁ ⰿⱀⱑ ⱂⱃⱑⰴⱏ ⰿⱏⱀⱁⱙ ⰱⱏⰹⱄⱅⱏ. ⱑⰽⱁ ⱂⱃⱏⰲⱑⰹ ⰿⰵⱀⰵ ⰱⱑ.
1:16
ⰺ҅ ⱁⱅⱏ ⰺ҅ⱄⱂⰾⱏⱀ̑ⰵⱀⰻⱑ ⰵⰳⱁ ⰿⱏⰹ ⰲⱐⱄⰻ ⱂⱃⰻⱗⱈⱁⰿⱏ. Ⰱⰾⰰⰳⱁⰴⱑⱅⱐ ⰲⱏⰸ ⰱⰾⰰⰳⱁⰴⱑⱅⱐ.
1:17
ⱑⰽⱁ ⰸⰰⰽⱁⱀⱏ ⰿⱁⱄⱑⱁⰿⱐ ⰴⰰⱀⱏ ⰱⱏⰹ!ⱄ. ⰱⰾⰰⰳⱁⰴⱑⱅⱐ ⰺ҅ ⰻⱄⱅⰻⱀⰰ ⰺⱄ҃ ⱈⰿ҃ⱐ ⰱⱏⰹⱄⱅⱏ. !ⰽⱁ!ⱌ.
1:18
!Ⰱⰰ ⱀⰻⰽⱏⱅⱁⰶⰵ ⱀⰵ ⰲⰻⰴⱑ. ⱀⰻⰽⱁⰾⰻⰶⰵ. ⰺ҅ⱀⱁⱍⱔⰴⱏⰹ ⱄⱀ҃ⱏ. ⱄⱔⰻ ⰲⱏ ⰾⱁⱀⱑ ⱁⱍ҃ⰻ. ⱅⱏ ⰺ҅ⱄⱂⱁⰲⱑⰴⱑ.
1:19
ⰺ҅ ⱄⰵ ⰵⱄⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰺ҅ⱁⰰⱀⱁⰲⱁ. ⰵⰳⰴⰰ ⱂⱁⱄⱏⰾⰰⱎⱔ ⰺ҅ⱓⰴⱑⰻ ⱁⱅⱏ ⰺⰾ҃ⰿⰰ. ⰺⰵⱃⰵⱗ ⰺ҅ ⰾⰵⰲⱐⰼⰻⱅⱏⰹ. ⰴⰰ ⰲⱏⱂⱃⱁⱄⱔⱅⱏ ⰹ. ⱅⱏⰹ ⰽⱏⱅⱁ ⰵⱄⰻ.
1:20
ⰺ҅ ⰻⱄⱂⱁⰲⱑⰴⱑ. ⱑⰽⱁ ⱀⱑⱄⰿⱐ ⰰⰸⱏ ⱈ҃ⱏ.
1:21
ⰺ҅ ⰲⱏⱂⱃⱁⱄⰻⱎⱔ ⰻ. ⱍⱐⱅⱁ ⱆⰱⱁ ⱅⱏⰹ ⰵⱄⰻ. ⰺ҅ⰾⰻⱑ ⰾⰻ ⰵⱄⰻ. ⰺ҅ ⰳⰾ҃ⰰ ⱀⱑⱄⰿⱐ. ⱂⱃⱁⱃⱁⰽⱏ ⰵⱄⰻ ⱅⱏⰹ. ⰺ҅ ⱁⱅⱏⰲⱑⱎⱅⰰ ⱀⰻ.
1:22
ⱃⱑⱎⱔ ⰶⰵ ⰵⰿⱆ ⰽⱏⱅⱁ ⰵⱄⰻ. ⰴⰰ ⱁⱅⱏⰲⱑⱅⱏ ⰴⰰⰿⱐ ⱂⱁⱄⱏⰾⰰⰲⱏⱎⰵⰺⰿⱏ ⱀⱏⰹ. ⱍⱐⱅⱁ ⰳⰾ҃ⰵⱎⰻ ⱁ ⱅⰵⰱⱑ ⱄⰰⰿⱁⰿⱐ.
1:23
Ⱃⰵⱍⰵ ⰰⰸⱏ ⰳⰾⰰⱄⱏ ⰲⱏⱂⰻⱙⱎⱅⰰⰳⱁ ⰲⱏ ⱂⱆⱄⱅⱏⰹⱀ̑ⰻ. ⰺ҅ⱄⱂⱃⰰⰲⰻⱅⰵ ⱂⱘⱅⱐ ⰳⱀ҃ⱐ. ⱑⰽⱁⰶⰵ ⱃⰵⱍⰵ ⰺ҅ⱄⰰⰺⱑ ⱂⱃⱁⱃⱁⰽⱏ.
1:24
Ⰺ ⱂⱁⱄⱏⰾⰰⱀⰻ ⰱⱑⰰⱈⱘ ⱁⱅⱏ ⱇⰰⱃⰻⱄⱑⰹ.
1:25
ⰺ҅ ⰲⱏⱂⱃⱁⱄⰻⱎⱔ ⰹ ⰺ҅ ⱃⱑⱎⱔ ⰵⰿⱆ. ⱍⱐⱅⱁ ⱆⰱⱁ ⰽⱃⱐⱎⱅⰰⰵⱎⰻ ⰰⱎⱅⰵ ⱅⱏⰹ ⱀⱑⱄⰻ ⱈ҃ⱏ. ⱀⰻ ⰺ҅ⰾⰻⱑ. ⱀⰻ ⱂⱃⱁⱃⱁⰽⱏ.
1:26
Ⱉⱅⱏⰲⱑⱎⱅⰰ ⰺ҅ⰿⱏ ⰺ҅ⱁⰰⱀⱏ ⰳⰾ҃ⱔ. ⰰⰸⱏ ⰽⱃⱐⱎⱅⰰⱙ ⰲⱏⰹ ⰲⱏ ⰲⱁⰴⱑ. ⱂⱁⱄⱃⱑⰴⱑ ⰶⰵ ⰲⰰⱄⱏ ⱄⱅⱁⰺⱅⱏ. ⰵⰳⱁⰶⰵ ⰲⱏⰹ ⱀⰵ ⰲⱑⱄⱅⰵ.
1:27
ⱅⱏ ⰵⱄⱅⱏ ⰳⱃⱔⰴⱏⰹ ⱂⱁ ⰿⱀⱑ. ⰺ҅ⰶⰵ ⱂⱃⱑⰴⱏ ⰿⱀⱁⱙ ⰱⱏⰹⱄⱅⱏ. ⰵⰿⱆⰶⰵ ⰰⰸⱏ ⱀⱑⱄⰿⱐ ⰴⱁⱄⱅⱁⰺⱀⱏ. ⰴⰰ ⱁⱅⱃⱑⱎⱘ ⱃⰵⰿⰵⱀⱐ ⱄⰰⱂⱁⰳⱆ ⰵⰳⱁ.
1:28
Ⱄⰻ ⰲⱏ ⰲⰻⱅⰰⱀⰻ ⰱⱏⰹⱎⱔ. ⱁⰱ ⱁⱀⱏ ⱂⱁⰾⱏ ⰺ҅ⱁⱃⰴⰰⱀⰰ. ⰺ҅ⰴⰵⰶⰵ ⰱⱑ ⰺ҅ⱁⰰⱀⱏ ⰽⱃⱐⱄⱅⱔ.: !ⰽⱁ!ⱌ: -
1:29
ⰲⱏ ⱆⱅⱃⱑⰺ ⰶⰵ ⰴⱐⱀⱐ ⰲⰻⰴⰻ ⱅⱏ ⰺⱄ҃ⰰ ⰳⱃⱔⰴⱘⱎⱅⰰ ⰽⱏ ⱄⰵⰱⱑ. ⰺ҅ ⰳⰾ҃ⰰ ⱄⰵ ⰰⰳⱀⱐⱌⱐ ⰱⰶ҃ⰹ ⰲⱏⰸⰵⰿⰾ̑ⱔⰹ ⰳⱃⱑⱈⱏⰹ ⰲⱐⱄⰵⰳⱁ ⰿⰻⱃⰰ.
1:30
Ⱄⱐ ⰵⱄⱅⱏ ⱁ ⱀ̑ⰵⰿⱐⰶⰵ ⰰⰸⱏ ⱃⱑⱈⱏ. ⱂⱁ ⰿⱀⱑ ⰳⱃⱔⰴⰵⱅⱏ ⰿⱘⰶⱐ. ⰺ҅ⰶⰵ ⱂⱃⱑⰴⱏ ⰿⱏⱀⱁⱙ ⰱⱏⰹⱄⱅⱏ. ⱑⰽⱁ ⱂⱃⱏⰲⱑⰹ ⰿⰵⱀⰵ ⰱⱑ.
1:31
ⰺ҅ ⰰⰸⱏ ⱀⰵ ⰲⱑⰴⱑⱈⱏ ⰵⰳⱁ. ⱀⱏ ⰴⰰ ⰰⰲⰻⱅⱏ ⱄⱔ !ⰺⰾ̑ⰵⰲⰻ. ⱄⰵⰳⱁ ⱃⰰⰴⰻ ⱂⱃⰻⰴⱏ ⰰⰸⱏ. ⰲⱏ ⰲⱁⰴⱑ ⰽⱃⱐⱄⱅⱔ.
1:32
Ⰺ҅ ⱄⱏⰲⱑⰴⱑⱅⰵⰾ̑ⱐⱄⱅⰲⱁⰲⰰ ⰺ҅ⱁⰰⱀⱏ ⰳⰾ̑ⱔ ⱑⰽⱁ ⰲⰻⰴⱑⱈⱏ ⰴⱈ҃ⱏ ⱄⱏⱈⱁⰴⱔⱎⱅⱐ ⱑⰽⱁ ⰳⱁⰾⱘⰱⱐ..... ⱄⱏ ⱀⰵⰱ҃ⱄⰵ. ⰺ҅ ⱂⱃⱑⰱⱏⰹⱄⱅⱏ ⱀⰰ ⱀ̑ⰵⰿⱐ.
1:33
ⰺ҅ ⰰⰸⱏ ⱀⰵ ⰲⰻⰴⱑⱈⱏ ⰵⰳⱁ. ⱀⱏ ⱂⱁⱄⱏⰾⰰⰲⱏⰹ ⰿⱔ ⰽⱃⱐⱄⱅⰻⱅⱏ ⰲⱏ ⰲⱁⰴⱑ. ⱅⱏ ⰿⱀⱑ ⱃⰵⱍⰵ. ⱀⰰⰴⱏ ⱀⱐⰶⰵ ⱆⰸⱐⱃⰻⱎⰻ ⰴⱈ҃ⱏ. ⱄⱏⱈⱁⰴⱔⱎⱅⱐ ⰺ҅ ⱂⱃⱑⰱⱏⰹⰲⰰⱙⱎⱅⱐ ⱀⰰ ⱀ̑ⰵⰿⱐ. ⱄⱐ ⰵⱄⱅⱏ ⰽⱃⱐⱄⱅⱔⰹ ⰴⱈ҃ⱁⰿⱐ ⱄⱅ҃ⱏⰺⰿⱐ.
1:34
ⰺ҅ ⰰⰸⱏ ⰲⰻⰴⱑⱈⱏ ⰹ. ⰺ҅ ⱄⱏⰲⱑⰴⱑⱅⰵⰾ̑ⱐⱄⱅⰲⱁⰲⰰⱈⱏ ⱑⰽⱁ ⱄⱐ ⰵⱄⱅⱏ ⱄⱀ҃ⱏ ⰱⰶ҃ⰻ.
1:35
Ⰲⱏ ⱆⱅⱃⱑⰹ ⰶⰵ ⰴⱐⱀⱐ ⱂⰰⰽⱏⰹ ⱄⱅⱁⱑⱎⰵ ⰺ҅ⱁⰰⱀⱏ. ⰺ҅ ⱁⱅⱏ ⱆⱍⰵⱀⰻⰽⱏ ⰵⰳⱁ ⰴⱏⰲⰰ.
1:36
ⰺ҅ ⱆⰸⱐⱃⱑ ⰺⱄ҃ⰰ ⱈⱁⰴⱔⱎⱅⰰ. ⰺ҅ ⰳⰾ҃ⰰ. ⱄⰵ ⰰⰳⱀⱐⱌⱐ ⰱⰶ҃ⰻ.
1:37
ⰺ҅ ⱄⰾⱏⰹⱎⰰⱄⱅⰵ ⰹ ⱁⰱⰰ ⱆⱍⰵⱀⰻⰽⰰ ⰳⰾ̑ⱙⱎⱅⱐ. ⰺ҅ ⱂⱁ ⰺⱄ҃ⱑ ⰺⰴⰵⱅⰵ.
1:38
ⱁⰱⱃⰰⱎⱅⱐ ⰶⰵ ⱄⱔ ⰺⱄ҃. ⰺ҅ ⰲⰻⰴⱑⰲⱏ ⱑ ⱂⱁ ⱄⰵⰱⱑ ⰺ҅ⰴⱘⱎⱅⰰ. ⰳⰾ҃ⰰ ⰺ҅ⰿⰰ
1:39
ⱍⰵⱄⱁ ⰺ҅ⱎⱅⰵⱅⰰ. ⱁⱀⰰ ⰶⰵ ⱃⱑⱄⱅⰵ ⰵⰿⱆ. ⱃⰰⰲⰲⰻ. ⰵⰶⰵ ⰳⰾ҃ⰵⱅⱏ ⱄⱔ ⱄⱏⰽⰰⰸⰰⰵⰿⱁ ⱆⱍⰻⱅⰵⰾ̑ⱓ. ⰽⱏⰴⰵ ⰶⰻⰲⰵⱎⰻ.
1:40
ⰳⰾ҃ⰰ ⰺ҅ⰿⰰ. ⱂⱃⰻⰴⱑⱅⰰ ⰺ҅ ⰲⰻⰴⰻⱅⰰ. ⱂⱃⰻⰴⱁⱄⱅⰵ ⰶⰵ ⰺ҅ ⰲⰻⰴⱑⱄⱅⰰ ⰽⱏⰴⰵ ⰶⰻⰲⱑⰰⱎⰵ. ⰺ҅ ⱆ ⱀ̑ⰵⰳⱁ ⱂⱃⱑⰱⱏⰹⱄⱅⰵ ⰴⱐⱀⱐ ⱅⱏ. ⰱⱑ ⰶⰵ ⰳⱁⰴⰻⱀⰰ ⱑⰽⱁ ⰴⰵⰲⱔⱅⰰⰰ.
1:41
ⰱⱑ ⰶⰵ ⰰⱀⰴⱃⰵⰰ ⱄⰻⰿⱁⱀⰰ ⱂⰵⱅⱃⰰ. ⰺ҅ ⰵⰴⰻⱀⱏ ⱁⱅⱏ ⱁⰱⱁⱓ ⱄⰾⱏⰹⱎⰰⰲⱏⱎⱓⱓ ⱁⱅⱏ ⰺ҅ⱁⰰⱀⱀⰰ. ⰺ҅ ⱂⱁ ⱀ̑ⰵⰿⱐ ⱎⱐⰴⱏⱎⱓⱓ.
1:42
Ⱉⰱⱃⱑⱅⰵ ⱄⱐ ⱂⱃⱑⰶⰴⰵ ⱄⰻⰿⱁⱀⰰ ⰱⱃⰰⱅⱃⰰ ⱄⰲⱁⰵⰳⱁ. ⰺ҅ ⰳⰾ҃ⰰ ⰵⰿⱆ ⱁⰱⱃⱑⱅⱁⰿⱏ ⰿⰵⱄⰻⱙ. ⰵⰶⰵ ⰵⱄⱅⱏ ⱄⱏⰽⰰⰸⰰⰵⰿⱁ ⱈ҃ⱏ.
1:43
ⰺ҅ ⱂⱃⰻⰲⰵⰴⰵ ⰹ ⰽⱏ ⰺⱄ҃ⰲⰻ. ⰲⱏⰸⱐⱃⱑⰲⱏ ⰶⰵ ⱀⰰ ⱀⱐ ⰺⱄ҃ ⱃⰵⱍⰵ. ⱅⱏⰹ [ⰾⰻ] ⰵⱄⰻ ⱄⰻⰿⱁⱀⱏ ⱄⱀ҃ⱏ ⰺ҅ⱁⱀⰻⱀⱏ. ⱅⱏⰹ ⱀⰰⱃⰵⱍⰵⱎⰻ ⱄⱔ ⰽ̑ⰻⱇⰰ. ⰵⰶⰵ ⱄⱏⰽⰰⰸⰰⰵⱅⱏ ⱄⱔ ⱂⰵⱅⱃⱏ.
1:44
Ⰲⱏ ⱆⱅⱃⱑⰺ ⰶⰵ ⰴⱐⱀⱐ ⰲⱏⱄⱈⱁⱅⱑ ⰺⱄ҃ ⰺ҅ⰸⰻⱅⰻ ⰲⱏ ⰳⰰⰾⰻⰾⰵⱙ. ⰺ҅ ⱁⰱⱃⱑⱅⰵ ⱇⰻⰾⰻⱂⰰ. ⰺ҅ ⰳⰾ҃ⰰ ⰵⰿⱆ. ⰻⱄ҃. ⰳⱃⱔⰴⰻ ⱂⱁ ⰿⱀⱑ.
1:45
ⰱⱑ ⰶⰵ ⱇⰻⰾⰻⱂⱏ ⱁⱅⱏ ⰲⰻⰴⱄⰰⰺⰴⱐⱄⰽⰰ ⰳⱃⰰⰴⰰ. ⰰⱀⰴⱃⰵⱁⰲⰰ ⰺ҅ ⱂⰵⱅⱃⱁⰲⰰ.
1:46
ⱁⰱⱃⱑⱅⰵ ⱇⰻⰾⰻⱂⱏ ⱀⰰⱅⰰⱀⰰⰺ҅ⰾ̑ⱑ. ⰺ҅ ⰳⰾ҃ⰰ ⰵⰿⱆ. ⰵⰳⱁⰶⰵ ⱂⱄⰰ ⰿⱁⱄⰻ ⰲⱏ ⰸⰰⰽⱁⱀⱑ ⰺ҅ ⱂⱃⱁⱃⱁⱌⰻ. ⱁⰱⱃⱑⱅⱁⰿⱏ ⰺⱄ҃ⰰ ⱄⱀ҃ⰰ ⰺⱁⱄⰻⱇⱁⰲⰰ. ⰺ҅ⰶⰵ ⱁⱅⱏ ⱀⰰⰸⰰⱃⰵⱅⰰ.
1:47
ⰺ҅ ⰳⰾ҃ⰰ ⰵⰿⱆ ⱀⰰⱅⰰⱀⰰⰺⰾ̑ⱐ. ⱁⱅⱏ ⱀⰰⰸⰰⱃⰵⱅⰰ. ⰿⱁⰶⰵⱅⱏ ⰾⰻ ⱍⱐⱅⱁ ⰴⱁⰱⱃⱁ ⰱⱏⰹⱅⰻ. ⰳⰾ҃ⰰ ⰵⰿⱆ ⱇⰻⰾⰻⱂⱏ. ⱂⱃⰻⰴⰻ ⰺ҅ ⰲⰻⰶⰴⱐ.
1:48
ⰲⰻⰴⱑ ⰶⰵ ⰻⱄ҃ ⱀⰰⱅⰰⱀⰰⰺⰾ̑ⱑ. ⰳⱃⱔⰴⱘⱎⱅⰰ ⰽⱏ ⱄⰵⰱⱑ. ⰺ҅ ⰳⰾ҃ⰰ ⰵⰿⱆ. ⱄⰵ ⰲⱏ ⰺ҅ⱄⱅⰻⱀⱘ !ⰺⰾ̑ⰻⱅⱑⱀⰻⱀⱏ. ⰲⱐ ⱀ̑ⰵⰿⱐⰶⰵ ⰾⱐⱄⱅⰻ ⱀⱑⱄⱅⱏ.
1:49
ⰳⰾ҃ⰰ ⰵⰿⱆ ⱀⰰⱅⰰⱀⰰⰺⰾ̑ⱐ. ⰽⰰⰽⱁ ⰿⱔ ⰸⱀⰰⰵⱎⰻ. ⱁⱅⱏ{ⱁ}ⰲⱑⱎⱅⰰ ⰻⱄ҃ ⰺ҅ ⱃⰵⱍⰵ ⰵⰿⱆ. ⱂⱃⱑⰶⰴⰵ ⰴⰰⰶⰵ ⱀⰵ ⰲⱏⰸⰳⰾⰰⱄⰻ ⱅⰵⰱⰵ ⱇⰻⰾⰻⱂⱏ. ⱄⱘⱎⱅⰰ ⱂⱁⰴⱏ ⱄⰿⱁⰽⱁⰲⱐⱀⰻⱌⰵⱙ ⰲⰻⰴⱑⱈⱏ ⱅⱔ.
1:50
ⱁⱅⱏⰲⱑⱎⱅⰰ ⱀⰰⱅⰰⱀⰰⰺⰾ̑ⱐ ⰺ҅ ⰳⰾ҃ⰰ ⰵⰿⱆ. ⱃⰰⰲⸯⰲⰻ. ⱅⱏⰹ ⰵⱄⰻ ⱄⱀ҃ⱏ ⰱⰶ҃ⰹⰻ. ⱅⱏⰹ ⱌⱃ҃ⱐ ⰵⱄⰻ !ⰺ҅ⰾⰵⰲⱏ.
1:51
ⱁⱅⱏⰲⱑⱎⱅⰰ ⰻⱄ҃. ⰺ҅ ⱃⰵⱍⰵ ⰵⰿⱆ. ⰸⰰⱀⰵ ⱃⱑⱈⱏ ⱅⰻ ⱑⰽⱁ ⰲⰻⰴⱑⱈⱏ ⱅⱔ ⱂⱁⰴⱏ ⱄⰿⱁⰽⱁⰲⱐⱀⰻⱌⰵⱙ. ⰲⱑⱃⱆⰹ. ⰱⱁⰾⱐⱎⰰ ⱄⰻⱈⱏ ⱆⰸⱐⱃⰻⱎⰻ.
1:52
ⰺ҅ ⰳⰾ҃ⰰ ⰵⰿⱆ. ⰰⰿⰻⱀ ⰰⰿⰻⱀ ⰳⰾ̑ⱙ ⰲⰰⰿⱏ. ⱁⱅⱏⱄⰵⰾⱑ ⱆⰸⱐⱃⰻⱅⰵ ⱀⰱ҃ⱁ ⱁⱅⰲⱃⱏⱄⱅⱁ. ⰺ҅ ⰰⰼ҃ⰾⱏⰹ ⰱⰶ҃ⰻⱗ. ⰲⱏⱄⱈⱁⰴⱔⱎⱅⱔ. ⰺ ⱄⱏⱈⱁⰴⱔⱎⱅⱔ. ⱀⰰⰴⱏ ⱄⱀ҃ⰰ ⱍⱄ҃ⰽⰰⰰⰳⱁ.