Ꙇскони. бѣаше слово. ꙇ҅ слово бѣаше отъ б҃а. ꙇ҅ б҃ъ бѣаше слово.

се бѣ ꙇ҅скони отъ б҃а.

вьсѣ тѣмь бꙑшѧ. ꙇ҅ беж н̑его ничьтоже не бꙑстъ. еже бꙑстъ.

въ томь животъ бѣ. ꙇ҅ животъ бѣ свѣтъ чк҃омъ.

ꙇ҅ свѣтъ въ тъмѣ свьтитъ сѧ. ꙇ҅ тъма его не обьѩтъ.

Бꙑстъ чк҃ъ. посъланъ отъ б҃а. ꙇ҅мѧ емоу ꙇ҅оанъ.

сь приде въ съвѣдѣтел̑ьство. да съвѣдѣтел̑ьствоуетъ о свѣтѣ. да вьси вѣрѫ ꙇ҅мѫтъ ꙇ҅мь.

не бѣ тъ свѣтъ. нъ да съвѣдѣтел̑ьствоуетъ о свѣтѣ.

Бѣ свѣтъ ꙇ҅стинънꙑ. ꙇ҅же просвѣштаетъ всѣкого чк҃а. грѧдѫштаего въ миръ.

въ мирѣ бѣ. ꙇ҅ миръ тѣмь бꙑ!с. ꙇ҅ миръ его не позна.

Въ своѩ приде. ꙇ҅ свои его не п[риѧ]шѧ.

елико же ꙇхъ приѩтъ і. дастъ ꙇ҅мъ власть чѧдомъ бж҃иемъ бꙑти. вѣроуѭштимъ въ ꙇмѧ его.

ꙇ҅же не отъ кръвиі. ни отъ похоти плътьскꙑ. ни отъ похоти мѫжьскꙑ. нъ отъ б҃а родишѧ сѧ.

Ꙇ҅ слово плъть бꙑстъ. ꙇ҅ вьсели сѧ въ нꙑ. ꙇ҅ видѣхомъ славѫ его. славѫ ѣко ꙇночѧдаего отъ оц҃а. ꙇ҅сплънь благодѣти ꙇ҅стинꙑ.

Ꙇ҅оанъ съвѣдѣтельствоуетъ о н̑емь. ꙇ҅ възъва гл҃ѧ. сь бѣ егоже рѣхъ. грѧдꙑ по мнѣ прѣдъ мъноѭ бꙑстъ. ѣко пръвѣі мене бѣ.

ꙇ҅ отъ ꙇ҅сплън̑ениѣ его мꙑ вьси приѩхомъ. Благодѣть въз благодѣть.

ѣко законъ мосѣомь данъ бꙑ!с. благодѣть ꙇ҅ истина ꙇс҃ хм҃ь бꙑстъ. !ко!ц.

!Ба никътоже не видѣ. николиже. ꙇ҅ночѧдꙑ сн҃ъ. сꙙи въ лонѣ оч҃и. тъ ꙇ҅сповѣдѣ.

ꙇ҅ се естъ съвѣдѣтел̑ьство ꙇ҅оаново. егда посълашѧ ꙇ҅юдѣи отъ ꙇл҃ма. ꙇереѩ ꙇ҅ левьђитꙑ. да въпросѧтъ і. тꙑ къто еси.

ꙇ҅ исповѣдѣ. ѣко нѣсмь азъ х҃ъ.

ꙇ҅ въпросишѧ и. чьто оубо тꙑ еси. ꙇ҅лиѣ ли еси. ꙇ҅ гл҃а нѣсмь. пророкъ еси тꙑ. ꙇ҅ отъвѣшта ни.

рѣшѧ же емоу къто еси. да отъвѣтъ дамь посълавъшеꙇмъ нꙑ. чьто гл҃еши о тебѣ самомь.

Рече азъ гласъ въпиѭштаго въ поустꙑн̑и. ꙇ҅справите пѫть гн҃ь. ѣкоже рече ꙇ҅саꙇѣ пророкъ.

Ꙇ посълани бѣахѫ отъ фарисѣі.

ꙇ҅ въпросишѧ і ꙇ҅ рѣшѧ емоу. чьто оубо крьштаеши аште тꙑ нѣси х҃ъ. ни ꙇ҅лиѣ. ни пророкъ.

Ѡтъвѣшта ꙇ҅мъ ꙇ҅оанъ гл҃ѧ. азъ крьштаѭ вꙑ въ водѣ. посрѣдѣ же васъ стоꙇтъ. егоже вꙑ не вѣсте.

тъ естъ грѧдꙑ по мнѣ. ꙇ҅же прѣдъ мноѭ бꙑстъ. емоуже азъ нѣсмь достоꙇнъ. да отрѣшѫ ремень сапогоу его.

Си въ витани бꙑшѧ. об онъ полъ ꙇ҅ордана. ꙇ҅деже бѣ ꙇ҅оанъ крьстѧ.: !ко!ц: -

въ оутрѣꙇ же дьнь види тъ ꙇс҃а грѧдѫшта къ себѣ. ꙇ҅ гл҃а се агньць бж҃і въземл̑ѧі грѣхꙑ вьсего мира.

Сь естъ о н̑емьже азъ рѣхъ. по мнѣ грѧдетъ мѫжь. ꙇ҅же прѣдъ мъноѭ бꙑстъ. ѣко пръвѣі мене бѣ.

ꙇ҅ азъ не вѣдѣхъ его. нъ да авитъ сѧ !ꙇл̑еви. сего ради придъ азъ. въ водѣ крьстѧ.

Ꙇ҅ съвѣдѣтел̑ьствова ꙇ҅оанъ гл̑ѧ ѣко видѣхъ дх҃ъ съходѧшть ѣко голѫбь..... съ неб҃се. ꙇ҅ прѣбꙑстъ на н̑емь.

ꙇ҅ азъ не видѣхъ его. нъ посълавꙑ мѧ крьститъ въ водѣ. тъ мнѣ рече. надъ ньже оузьриши дх҃ъ. съходѧшть ꙇ҅ прѣбꙑваѭшть на н̑емь. сь естъ крьстѧі дх҃омь ст҃ъꙇмь.

ꙇ҅ азъ видѣхъ і. ꙇ҅ съвѣдѣтел̑ьствовахъ ѣко сь естъ сн҃ъ бж҃и.

Въ оутрѣі же дьнь пакꙑ стоѣше ꙇ҅оанъ. ꙇ҅ отъ оученикъ его дъва.

ꙇ҅ оузьрѣ ꙇс҃а ходѧшта. ꙇ҅ гл҃а. се агньць бж҃и.

ꙇ҅ слꙑшасте і оба оученика гл̑ѭшть. ꙇ҅ по ꙇс҃ѣ ꙇдете.

обрашть же сѧ ꙇс҃. ꙇ҅ видѣвъ ѣ по себѣ ꙇ҅дѫшта. гл҃а ꙇ҅ма

чесо ꙇ҅штета. она же рѣсте емоу. равви. еже гл҃етъ сѧ съказаемо оучител̑ю. къде живеши.

гл҃а ꙇ҅ма. придѣта ꙇ҅ видита. придосте же ꙇ҅ видѣста къде живѣаше. ꙇ҅ оу н̑его прѣбꙑсте дьнь тъ. бѣ же година ѣко девѧтаа.

бѣ же андреа симона петра. ꙇ҅ единъ отъ обою слꙑшавъшюю отъ ꙇ҅оанна. ꙇ҅ по н̑емь шьдъшюю.

Ѡбрѣте сь прѣжде симона братра своего. ꙇ҅ гл҃а емоу обрѣтомъ месиѭ. еже естъ съказаемо х҃ъ.

ꙇ҅ приведе і къ ꙇс҃ви. възьрѣвъ же на нь ꙇс҃ рече. тꙑ [ли] еси симонъ сн҃ъ ꙇ҅онинъ. тꙑ наречеши сѧ к̑ифа. еже съказаетъ сѧ петръ.

Въ оутрѣꙇ же дьнь въсхотѣ ꙇс҃ ꙇ҅зити въ галилеѭ. ꙇ҅ обрѣте филипа. ꙇ҅ гл҃а емоу. ис҃. грѧди по мнѣ.

бѣ же филипъ отъ видсаꙇдьска града. андреова ꙇ҅ петрова.

обрѣте филипъ натанаꙇ҅л̑ѣ. ꙇ҅ гл҃а емоу. егоже пса моси въ законѣ ꙇ҅ пророци. обрѣтомъ ꙇс҃а сн҃а ꙇосифова. ꙇ҅же отъ назарета.

ꙇ҅ гл҃а емоу натанаꙇл̑ь. отъ назарета. можетъ ли чьто добро бꙑти. гл҃а емоу филипъ. приди ꙇ҅ виждь.

видѣ же ис҃ натанаꙇл̑ѣ. грѧдѫшта къ себѣ. ꙇ҅ гл҃а емоу. се въ ꙇ҅стинѫ !ꙇл̑итѣнинъ. вь н̑емьже льсти нѣстъ.

гл҃а емоу натанаꙇл̑ь. како мѧ знаеши. отъ{о}вѣшта ис҃ ꙇ҅ рече емоу. прѣжде даже не възгласи тебе филипъ. сѫшта подъ смоковьницеѭ видѣхъ тѧ.

отъвѣшта натанаꙇл̑ь ꙇ҅ гл҃а емоу. равⸯви. тꙑ еси сн҃ъ бж҃іи. тꙑ цр҃ь еси !ꙇ҅левъ.

отъвѣшта ис҃. ꙇ҅ рече емоу. зане рѣхъ ти ѣко видѣхъ тѧ подъ смоковьницеѭ. вѣроуі. больша сихъ оузьриши.

ꙇ҅ гл҃а емоу. амин амин гл̑ѭ вамъ. отъселѣ оузьрите нб҃о отвръсто. ꙇ҅ ађ҃лꙑ бж҃иѩ. въсходѧштѧ. ꙇ съходѧштѧ. надъ сн҃а чс҃кааго.