ЕВАНГЕЛИЕ ЕЖЕ Ѿ МАТѲЕꙖ
9:1
ⰺ҅ ⰲⱐⰾⱑⰸⱏ ⰲⱏ ⰽⱁⱃⰰⰱⱐ ⰻⱄ҃. ⱂⱃⱑⱑⰴⰵ ⰺ҅ ⱂⱃⰻⰴⰵ ⰲⱏ ⱄⰲⱁⰻ !ⰳⱃⰰ!ⰴ:
9:2
Ⰺ ⱄⰵ ⱂⱃⰻⱀⰵⱄⱁⱎⱔ ⰵⰿⱆ ⱁⱄⰾⰰⰱⰾ̑ⰵⱀⱏ ⰶⰻⰾⰰⰿⰻ. ⱀⰰ ⱁⰴⱃⱑ ⰾⰵⰶⱔⱎⱅⱐ. ⰺ҅ ⰲⰻⰴⱑⰲⱏ ⰻⱄ҃ ⰲⱑⱃⱘ ⰺⱈⱏ. ⱃⰵⱍⰵ ⱁⱄⰾⰰⰱⰾ̑ⰵⱀⱆⰵⰿⱆ. ⰴⱃⱏⰸⰰⰻ ⱍⱔⰴⱁ ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ ⱅⰲⱁⰻ.
9:3
ⰺ҅ ⱄⰵ ⰵⱅⰵⱃⰻ ⱁⱅⱏ ⰽⱏⱀⰻⰶⱐⱀⰻⰽⱏ ⱃⱑⱎⱔ ⰽⱏ ⱄⰵⰱⱑ. ⱄⱐ ⰲⰾⰰⱄⰲⰻⰿⰻⱄⰰⰵⱅⱏ
9:4
ⰺ҅ ⰲⰻⰴⱑⰲⱏ ⰻⱄ҃ ⱂⱁⰿⱏⰹⱎⰾ̑ⰵⱀⰻⱑ ⰺ҅ⱈⱏ. ⱃⰵⱍⰵ. ⰲⱏⱄⰽⱘⱙ ⰲⱏⰹ ⰿⱏⰹⱄⰾⰻⱅⰵ ⰸⱏⰾⱁ ⰲⱏ ⱄⱃⱏⰴⱐⱌⰻⱈⱏ ⰲⰰⱎⰻⱈⱏ.
9:5
ⱍⱐⱅⱁ ⰱⱁ ⰵⱄⱅⱏ ⱆⰴⱁⰱⱑⰵ ⱃⰵⱎⱅⰻ. ⱁⱅⱏⱂⱆⱎⱅⰰⱙⱅⱏ ⱅⰻ ⱄⱔ ⰳⱃⱑⱄⰻ ⱅⰲⱁⰻ. ⰾⰻ ⱃⰵⱎⱅⰻ ⰲⱏⱄⱅⰰⰲⱏ ⱈⱁⰴⰻ.
9:6
ⱀⱏ ⰴⰰ ⱆⰲⱑⱄⱅⰵ ⱑⰽⱁ ⰲⰾⰰⱄⱅⱐ ⰺ҅ⰿⰰⱅⱏ ⱄⱀ҃ⱏ ⱍⱄ҃ⰽⱏⰺ ⱀⰰ ⰸⰵⰿ̑ⰻ. ⱁⱅⱏⱂⱆⱎⱅⰰⱅⰻ ⰳⱃⱑⱈⱏⰹ. ⱅⱏⰳⰴⰰ ⰳⰾ҃ⰰ ⱁⱄⰾⰰⰱⰾ̑ⰵⱀⱆⰿⱆ. ⰲⱏⱄⱅⰰⰲⱏ. ⰲⱏⰸⱐⰿⰻ ⱁⰴⱃⱏ ⱅⰲⱁⰻ ⰺ҅ ⰻⰴⰻ ⰲⱏ ⰴⱁⰿⱏ ⱅⰲⱁⰻ:
9:8
ⰲⰻⰴⱑⰲⱏⱎⰵ ⰶⰵ ⱀⰰⱃⱁⰴⰻ ⱍⱓⰴⰻⱎⱔ ⱄⱔ. ⰺ҅ ⱂⱃⱁⱄⰾⰰⰲⰻⱎⱔ ⰱ҃ⰰ ⰴⰰⰲⱏⱎⰰⰰⰳⱁ ⰲⰾⰰⱄⱅⱐ ⱅⰰⰽⱘ ⱍⰽ҃ⱁⰿⱏ.
9:9
Ⰺ ⱂⱃⱑⱈⱁⰴⱔ ⰻⱄ҃. ⱁⱅⱏⱅⱘⰴⱆ. ⰲⰻⰴⱑ ⱍⰽ҃ⰰ ⱀⰰ ⰿⱐⰸⰴⱐⱀⰻⱌⰻ ⱄⱑⰴⱔⱎⱅⰰ. ⰺ҅ⰿⰵⱀⰵⰿⱐ ⰿⰰⱅⸯⱅⸯⰵⰰ ⰺ ⰳⰾ҃ⰰ ⰵⰿⱆ ⱂⱁ ⰿⱀⱑ ⰳⱃⱔⰴⰻ. ⰺ҅ ⰲⱏⱄⱅⰰⰲⱏ ⱂⱁ ⱀ̑ⰵⰿⱐ ⰺ҅ⰴⰵ.
9:10
ⰺ҅ ⰱⱏⰹ!ⱄ ⰵⰿⱆ ⰲⱐⰸⰾⰵⰶⱔⱎⱅⱓ ⰲⱏ ⰴⱁⰿⱆ. Ⰺ ⱄⰵ ⰿⱀⱁⰸⰻ ⰳⱃⱑⱎⱐⱀⰻⱌⰻ. ⰺ҅ ⰿⱐⰸⰴⱁⰺ҅ⰿⱐⱌⰻ ⱂⱃⰻⱎⰵⰴⱏⱎⰵ ⰲⱏⰸⰾⰵⰶⰰⰰⱈⱘ ⱄⱏ ⰻⱄ҃ⱁⰿⱐ. ⰺ҅ ⱄⱏ ⱆⱍⰵⱀⰻⰽⱏⰹ ⰵⰳⱁ.
9:11
ⰺ҅ ⰲⰻⰴⱑⰲⱏⱎⰵ ⱇⰰⱃⰻⱄⱑⰻ. ⰳⰾ҃ⰰⰰⱈⱘ ⱆⱍⰵⱀⰻⰽⱁⰿⱏ ⰵⰳⱁ. ⱂⱁ ⱍⱐⱅⱁ ⱄⱏ ⰿⱏⰸⰴⱁⰺ҅ⰿⱐⱌⰻ. ⰺ҅ ⰳⱃⱑⱎⱐⱀⰻⰽⱏⰹ. ⱆⱍⰻⱅⰵⰾ̑ⱐ ⰲⰰⱎⱐ ⱑⱄⱅⱏ.
9:12
ⰻⱄ҃ ⰶⰵ ⱄⰾⱏⰹⱎⰰⰲⱏ ⱃⰵⱍⰵ ⰺ҅ⰿⱏ. ⱀⰵ ⱅⱃⱑⰱⱆ ⱄⱂ҃ⰵⱀⰰ ⰱⱘⰴⱘ.
9:22
ⰻⱄ҃ ⰶⰵ ⱁⰱⱃⰰⱎⱅⱐ ⱄⱔ ⰺ ⰲⰻⰴⱑⰲⱏ ⱙ ⱃⰵⱍⰵ. ⰴⱃⱏⰸⰰⰻ ⰴⱏⱎⱅⰻ. ⰲⱑⱃⰰ ⱅⰲⱁⱑ ⱄⱂ҃ⰵ ⱅⱔ. ⰺ҅ ⱄⱂ҃ⰵⱀⰰ ⰱⱏⰹ!ⱄ ⰶⰵⱀⰰ ⱁⱅⱏ ⱍⰰⱄⰰ ⱅⱁⰳⱁ.
9:23
ⰺ҅ ⱂⱃⰻⱎⰵⰴⱏ ⰻⱄ҃ ⰲⱏ ⰴⱁⰿⱏ ⰽⱏⱀⱔⰶⱐ. ⰺ҅ ⰲⰻⰴⱑⰲⱏ ⱄⰲⰻⱃⸯⱌⱔ. ⰺ҅ ⱀⰰⱃⱁⰴⱏ ⰿⰾⱐⰲⱔⱎⱅⱐ. ⰳⰾ҃ⰰ ⰺ҅ⰿⱏ.
9:24
ⱁⱅⰻⰴⱑⱅⰵ. ⱀⰵ ⱆⰿⱃⱑⱅⱏ ⰱⱁ ⰴⱑⰲⰻⱌⰰ ⱀⱏ ⱄⱏⱂⰻⱅⱏ. ⰺ҅ ⱃⱘⰳⰰⱈⱘ ⱄⱔ ⰵⰿⱆ.
9:25
ⰵⰳⰴⰰⰶⰵ ⰺ҅ⰸⰳⱏⱀⰰⱀⱏ ⰱⱏⰹ!ⱄ ⱀⰰⱃⱁⰴⱏ. ⰲⱏⱎⱐⰴⱏ ⰶⰵ ⱗⱅⱏ ⱙ ⰸⰰ ⱃⱘⰽⱘ. ⰺ҅ ⰲⱏⱄⱅⰰ ⰴⱑⰲⰻⱌⰰ.
9:26
ⰺ҅ ⰻⰸⰻⰴⰵ ⰲⱑⱄⱅⱐ ⱄⰻ ⱂⱁ ⰲⱄⰵⰻ ⰸⰵⰿⰻ ⱅⱁⰹ.
9:27
Ⰺ҅ ⱂⱃⱑⱈⱁⰴⱔⱎⱅⱓ ⰻⱄ҃ⰲⰻ. ⱂⱁ ⱀ̑ⰵⰿⱐ ⰺ҅ⰴⰵⱅⰵ ⰱ҃ ⱄⰾⱑⱂⱌⰰ. ⰸⱁⰲⱘⱎⱅⰰ ⰺ҅ ⰳⰾ̑ⱙⱎⱅⰰ. ⱂⱁⰿⰻⰾⱆⰺ ⱀⱏⰹ ⰻⱄ҃ ⱄⱀ҃ⰵ ⰴⰰ҃ⰲⱏ.
9:28
ⱂⱃⰻⱎⱐⰴⱏⱎⱆ ⰶⰵ ⰵⰿⱆ ⰲⱏ ⰴⱁⰿⱏ. ⱂⱃⰻⱄⱅⱘⱂⰻⱄⱅⰵ ⰽⱏ ⱀ̑ⰵⰿⱆ ⱄⰾⱑⱂⸯⱌⰰ. ⰺ҅ ⰳⰾ҃ⰰ ⰺ҅ⰿⰰ. ⰻⱄ҃. ⰲⱑⱃⱆⰵⱅⰰ ⰾⰻ. ⱑⰽⱁ ⰿⱁⰳⱘ ⱄⰵ ⱄⱅⰲⱁⱃⰻⱅⰻ. ⰳⰾ҃ⰰⱄⱅⰵ ⰵⰿⱆ. ⰵⰹ ⰳ҃ⰻ.
9:29
ⱅⱏⰳⰴⰰ ⰽⱁⱄⱀⱘ ⱑ ⰲⱏ ⱁⱍⰻ ⰳⰾ̑ⱔ. ⱂⱁ ⰲⱑⱃⱑ ⰲⰰⱓ ⰱⱘⰴⰻ ⰲⰰⰿⰰ.
9:30
ⰺ҅ ⱁⱅⰲⱃⱏⰸⱁⱄⱅⰵ ⱄⱔ ⱁⱍⰻ ⰺ҅ⰿⰰ. ⰺ҅ ⰸⰰⱂⱃⱑⱅⰻ ⰺ҅ⰿⰰ ⰻⱄ҃. ⰳⰾ҃ⱔ. ⰱⰾ̑ⱓⰴⱑⱅⰰ ⰴⰰ ⱀⰻⰽⱅⱁⰶⰵ ⱀⰵ ⱆⰲⱑⱄⱅⱏ.
9:31
ⱁⱀⰰ ⰶⰵ ⱎⰵⰴⱏⱎⰰ ⱂⱃⱁⱄⰾⰰⰲⰻⱄⱅⰵ ⰻ ⱂⱁ ⰲⱄⰵⰻ ⰸⰵⰿⰻ ⱅⱁⰻ.
9:32
ⱅⱑⰿⰰ ⰶⰵ ⰺ҅ⱄⱈⱁⰴⱔⱎⱅⰵⰿⰰ. ⱄⰵ ⱂⱃⰻⰲⱑⱄⱔ ⱍⰽ҃ⱏ ⰽⱏ ⱀ̑ⰵⰿⱆ. ⱀⱑⰿⱏ ⰱⱑⱄⰵⱀⱏ.
9:33
ⰺ҅ ⰻⰸⰳⱏⱀⰰⱀⱆ ⰱⱑⱄⱆ. !ⱂⱃⱁⰳⰾⰰ ⱀⱑⰿⱏⰹ. ⰺ҅ ⰴⰻⰲⰻⱎⱔ ⱄⱔ ⱀⰰⱃⱁⰴⰻ ⰳⰾ҃ⱙⱎⱅⰵ. ⱀⰻⰽⱁⰾⰻⰶⰵ ⰰⰲⰻ ⱄⱔ ⱅⰰⰽⱁ ⰲⱏ ⰺⰾ҃ⰻ.
9:34
Ⱇⰰⱃⰻⱄⰵⰻ ⰶⰵ ⰳⰾ҃ⰰⱈⱘ. ⱁ ⰽⱏⱀⱔⰸⰻ ⰱⱑⱄⱏ ⰺ҅ⰸⰳⱁⱀⰻⱅⱏ ⰱⱑⱄⱏⰹ.
9:35
ⰺ҅ ⱂⱃⱁⱈⱁⰶⰴⰰⰰⱎⰵ ⰻⱄ҃. ⰳⱃⰰⰴⱏⰹ ⰲⱄⱔ ⰺ҅ ⰲⱄⰻ. ⱆⱍⱔ ⱀⰰ ⱄⱏⱀⱏⰿⰻⱎⱅⰻⱈⱏ ⰺ҅ⱈⱏ. ⰺ҅ ⱂⱃⱁⱂⱁⰲⱑⰴⰰⱗ ⰵⰲⰰⰼ҃ⰾⰻⰵ ⱌⱃ҃ⱄⰻⱑ. ⰺ҅ ⰻⱌⱑⰾⱑⱗ ⰲⱄⱑⰽⱏ ⱀⰵⰴⱘⰳⱏ ⰺ҅ ⰲⱐⱄⱑⰽⱘ ⱗⰸⱘ ⰲⱏ ⰾ̑ⱓⰴⰵⱈⱏ.
9:36
Ⰲⰻⰴⱑⰲⱏ ⰶⰵ ⱀⰰⱃⱁⰴⱏⰹ ⰻⱄ҃. ⰿⰻⰾⱁⱄⱃⱏⰴⱁⰲⰰ ⱁ ⱀ̑ⰻⱈⱏ. ⱑⰽⱁ ⰱⱑⰰⱈⱘ ⱄⱏⰿⱔⱅⰵⱀⰻ. ⰺ҅ ⱁⱅⱏⰲⱃⱏⰶⰵⱀⰻ ⱑⰽⱁⰶⰵ ⱁⰲⱐⱌⱔ ⱀⰵ ⰺ҅ⰿⱘⱎⱅⱔ ⱂⰰⱄⱅⱆⱈⰰ.
9:37
ⱅⱏⰳⰴⰰ ⰳⰾ҃ⰰ ⱆⱍⰵⱀⰻⰽⱁⰿⱏ ⱄⰲⱁⰺⰿⱏ. ⰶⱔⱅⰲⰰ ⱆⰱⱁ ⰿⱀⱁⰳⰰ. ⰰ ⰴⱑⰾⰰⱅⰵⰾ̑ⱐ ⰿⰰⰾⱁ.
9:38
ⰿⱁⰾⰻⱅⰵ ⱄⱔ ⱆⰱⱁ ⰳⰴ҃ⱀⱆ ⰶⱔⱅⰲⱑ. ⰴⰰ ⰺ҅ⰸⰲⰵⰴⰵⱅⱏ ⰴⱑⰾⰰⱅⰵⰾ̑ⱔ. ⱀⰰ ⰶⱔⱅⰲⱘ ⱄⰲⱁⱙ:.