ЕВАНГЕЛИЕ ЕЖЕ Ѿ МАТѲЕꙖ
11:1
Ⰺ ⰱⱏⰹⱄⱅⱏ ⰵⰳⰴⰰ ⱄⱏⰽⱁⱀⱐⱍⰰ ⰻⱄ҃. ⰸⰰⱂⱁⰲⱑⰴⰰⱗ ⱁⰱⱑⰿⰰ ⱀⰰ ⰴⰵⱄⱔⱅⰵ ⱆⱍⰵⱀⰻⰽⱁⰿⰰ ⱄⰲⱁⰺ҅ⰿⰰ. ⱂⱃⱑⰺⰴⱑⱅⰵ ⱁⱅⱏⱅⱘⰴⱑ ⱆⱍⰻⱅⱏ. ⰺ҅ ⱂⱃⱁⱂⱁⰲⱑⰴⰰⱅⱏ ⰲⱏ ⰳⱃⰰⰴⱑⱈⱏ ⰺⱈⱏ.
11:2
Ⰺⱁⰰⱀⱏ ⰶⰵ ⱄⰾⱏⰹⱎⰰⰲⱏ. ⰲⱏ ⱘⰸⰻⰾⰻⱎⱅⰻ ⰴⱑⰾⰰ ⱈⰲ҃ⰰ ⱂⱁⱄⱏⰾⰰⰲⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ.
11:3
ⱃⰵⱍⰵ ⰽⱏ ⱀ̑ⰵⰿⱆ. ⱅⱏⰹ ⰾⰻ ⰵⱄⰻ ⰳⱃⱔⰴⱔⰻ. ⰺ҅ⰾⰻ ⰺ҅ⱀⱁⰳⱁ ⱍⰰⰵⰿⱏ.
11:4
Ⰺ҅ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰺ҅ⰿⱏ. ⱎⰵⰴⱏⱎⰵ ⰲⱏⰸⰲⱑⱄⱅⰻⱅⰵ ⰺ҅ⱁⰰⱀⱁⰲⰻ.
11:5
ⱄⰾⱑⱂⰻⰹ ⱂⱃⱁⰸⰻⱃⰰⱙⱅⱏ. ⰺ҅ ⱈⱃⱁⰿⰻ ⱈⱁⰴⱔⱅⱏ. ⱂⱃⱁⰽⰰⰶⰵⱀⰻⰹ ⱁⱍⰻⱎⱅⰰⱙⱅⱏ ⱄⱔ. ⰺ҅ ⰳⰾⱆⱄⰻⰹ ⱄⰾⱏⰹⱎⱔⱅⱏ. ⰺ҅ ⰿⱃⱏⱅⰲⰻⰹ ⰲⱏⱄⱅⰰⱙⱅⱏ.
11:6
ⰺ҅ ⰱⰾⰰⰶⰵⱀⱏⱄⱅⱏ ⰺ҅ⰶⰵ ⱀⰵ ⱄⱏⰱⰾⰰⰸⱀⰻⱅⱏ ⱄⱔ ⱁ ⰿⱀⱑ.
11:7
ⱅⱑⰿⱏ ⰶⰵ ⰺ҅ⱄⱈⱁⰴⱔⱎⱅⰵⰿⱏ. ⱀⰰⱍⱔⱅⱏ ⰻⱄ҃ ⰳⰾ҃ⰰⱅⰻ ⱀⰰⱃⱁⰴⱁⰿⱏ ⱁ ⰺ҅ⱁⰰⱀⱀⱑ. ⱍⰵⱄⱁ ⰲⰻⰴⱑⱅⱏ ⰺ҅ⰸⰻⰴⰵⱅⰵ ⰲⱏ ⱂⱆⱄⱅⱏⰹⱀ̑ⱙ. ⱅⱃⱐⱄⱅⰻ ⰾⰻ ⰲⱑⱅⱃⱁⰿⱐ ⰽⱁⰾⱑⰱⰾ̑ⰵⰿⱏⰹ.
11:8
ⱀⱏ ⱍⱐⱄⱁ ⰺ҅ⰸⰻⰴⱁⱄⱅⰵ ⰲⰻⰴⱑⱅⱏ. ⱍⰽ҃ⰰ ⰾⰻ ⰲⱏ ⰿⱔⰽⱏⰽⱏⰹ ⱃⰻⰸⱏⰹ ⱁⰱⰾⱐⱍⰵⱀⰰ. ⱄⰵ ⰺⰶⰵ ⰿⱔⰽ.ⰽⰰ ⱀⱁⱄⱔⱅⱏ. ⰲⱏ ⰴⱁⰿⱁⱈⱏ ⱌⱃ҃ⰻⱈⱏ ⱄⱘⱅⱏ.
11:9
ⱀⱏ ⱍⱐⱄⱁ ⰺ҅ⰸⰻⰴⱁⱄⱅⰵ ⰲⰻⰴⱑⱅⱏ. ⱂⱃⱁⱃⱁⰽⰰ ⰾⰻ. ⰵⰹ. ⰳⰾ̑ⱙ ⰲⰰⰿⱏ. ⰺ҅ ⰾⰻⱎⰵ ⱂⱃⱁⱃⱁⰽⰰ.
11:10
Ⱄⱐ ⰱⱁ ⰵⱄⱅⱏ ⱁ ⱀ̑ⰵⰿⱐⰶⰵ ⰵⱄⱅⱏ ⱂⱄⰰⱀⱁ. ⱄⰵ ⰰⰸⱏ ⱂⱁⱄⱏⰾ̑ⱙ ⰰⰼ҃ⰾⱏ ⰿⱁⰻ ⱂⱃⱑⰴⱏ ⰾⰻⱌⰵⰿⱐ ⱅⰲⱁⰺⰿⱐ. ⰺ҅ ⱆⰳⱁⱅⱁⰲⰰⰵⱅⱏ ⱂⱘⱅⱐ ⱅⰲⱁⰻ ⱂⱃⱑⰴⱏ ⱅⱁⰱⱁⱙ.
11:11
ⰰⰿⰻⱀ. ⰳⰾ̑ⱙ ⰲⰰⰿⱏ. ⱀⰵ ⰲⱏⱄⱅⰰ. ⰲⱏ ⱃⱁⰶⰴⰵⱀⱏⰺⱈⱏ ⰶⰵⱀⰰⰿⰻ. ⰱⱁⰾ̑ⰻⰹ ⰺ҅ⱁⰰⱀⰰ ⰽⱃⱄⱅⰻⱅⰵⰾ̑ⱑ. ⰿⱐⱀ̑ⰻ ⰶⰵ ⰲⱏ ⱌⱃ҃ⱄⱑ ⱀⰱ҃ⱄⱌⱑⰵⰿⱐ ⰱⱁⰾ̑ⰻⰹ ⰵⰳⱁ ⰵⱄⱅⱏ.
11:12
Ⱉⱅⱏ ⰴⱐⱀⰻⰹ ⰶⰵ ⰺⱁⰰⱀⰰ ⰽⱃ̑ⱄⱅⰻⱅⰵⰾ̑ⱑ ⰴⱁⱄⰵⰾⱑ. ⱌⱃ҃ⱄⱁ ⱀⰵⰱ҃ⱄⰽⱁⰵ ⱀⱘⰴⰻⱅⱏ ⱄⱔ. ⰺ҅ ⱀⱘⰶⰴⱐⱀⰻⱌⰻ ⰲⱏⱄⱈⱏⰹⱅⰰⱙⱅⱏ ⰵ.
11:13
ⰲⱄⰻ ⰱⱁ ⱂⱃⱁⱃⱁⱌⰻ ⰺ ⰸⰰⰽⱁⱀⱏ. ⰴⱁ ⰺⱁⰰⱀⰰ ⱂⱃⱁⱃⱑⱎⱔ.
11:14
ⰺ҅ ⰰⱎⱅⰵ ⱈⱁⱎⱅⰵⱅⰵ ⱂⱃⰻⱗⱅⰻ. ⱅⱏ ⰵⱄⱅⱏ ⰺ҅ⰾⰻⱑ ⱈⱁⱅⱔⰹ ⱂⱃⰻⱅⰻ.
11:15
ⰺ҅ⰿⱑⱗⰻ ⱆ!ⱎ!ⰻ ⱄⰾⱏⰹⱎⰰⱅⰻ. ⰴⰰ ⱄⰾⱏⰹⱎⰻⱅⱏ.
11:16
Ⰽⱁⰿⱆ ⰶⰵ ⱆⱂⱁⰴⱁⰱⰾ̑ⱙ ⱃⱁⰴⱁⱄⱐ. ⱂⱁⰴⱁⰱⰵⱀⱏ ⰵⱄⱅⱏ ⰴⱑⱅⰻⱎⱅⰵⰿⱏ. ⱄⱑⰴⱔⱎⱅⰵⰿⱏ ⱀⰰ ⱅⱃⱏⰶⰻⱎⱅⰻⱈⱏ. ⰺ҅ⰶⰵ ⰲⱏ!ⰸⰳⰾⰰⱎⰰⱙⱅⱏ ⰴⱃⱆⰳⱁⰿⱏ ⱄⰲⱁⰺⰿⱏ.
11:17
ⰺ҅ ⰳⰾ̑ⱙⱅⱏ. ⱄⰲⰻⱃⰰⱈⱁⰿⱏ ⰲⰰⰿⱏ. ⰺ҅ ⱀⰵ ⱂⰾⱔⱄⰰⱄⱅⰵ. ⱂⰾⰰⰽⰰⱈⱁⰿⱏ ⰲⰰⰿⱏ. ⰺ҅ ⱀⰵ ⱃⱏⰹⰴⰰⱄⱅⰵ.
11:18
ⱂⱃⰻⰴⰵ ⰱⱁ ⰺ҅ⱁⰰⱀⱏ. ⱀⰻ ⱂⰻⱗ ⱀⰻ ⱑⰴⱏⰹ. ⰺ҅ !ⰳⰾⱙ!ⱅ ⰱⱑⱄⱏ ⰺ҅ⰿⰰⱅⱏ.
11:19
ⱂⱃⰻⰴⰵ ⱄⱀ҃ⱏ ⱍⱄ҃ⰽⱏⰹ ⱑⰴⱏⰹ ⰺ҅ ⱂⰻⱗ. ⰺ҅ ⰳⰾ̑ⱙⱅⱏ ⱄⰵ ⱍⰽ҃ⱏ ⱑⰴⱐⱌⰰ ⰺ҅ ⱂⰻⰲⱐⱌⰰ. ⰿⱏⰸⰴⱁⰺ҅ⰿⱐⱌⰵⰿⱏ ⰴⱃⱆⰳⱏ. ⰺ҅ ⰳⱃⱑⱎⱐⱀⰻⰽⱁⰿⱏ. ⰺ ⱁⱂⱃⰰⰲⰴⰻ ⱄⱔ. Ⱂⱃⱑⰿⱘⰴⱃⱁⱄⱅⱐ ⱁⱅⱏ ⰴⱑⰾⱏ ⱍⱔⰴⱏ ⱄⰲⱁⰺⱈⱏ.
11:20
ⱅⱏⰳⰴⰰ ⱀⰰⱍⱔⱅⱏ ⱂⱁⱀⱁⱄⰻⱅⰻ ⰳⱃⰰⰴⱁⰿⱏ. ⰲⱐ ⱀ̑ⰻⱈⱏⰶⰵ ⰱⱏⰹⱎⱔ ⰿⱀⱁⰶⰰⰺⱎⱔ ⱄⰻⰾⱏⰹ... ⰸⰰⱀ̑ⰵ ⱀⰵ ⱂⱁⰽⰰⰰⱎⱔ ⱄⱔ.
11:21
ⰳⱁⱃⰵ ⱅⰵⰱⱑ ⱈⱁⱃⰰⰸⰻⱀⱏ. ⰳⱁⱃⰵ ⱅⰵⰱⱑ. ⰲⰻⱅⸯⱏⱄⰰⰺ҅ⰴⰰ. ⱑⰽⱁ ⰰⱎⱅⰵ ⰲⱏ ⱅⸯⱛⱃⱑ. ⰺ҅ ⱄⰻⰴⱁⱀⱑ. ⰱⰻⱎⱔ ⱄⰻⰾⱏⰹ ⰱⱏⰹⰾⱏⰹ. ⰱⱏⰹⰲⱏⱎⱔⱗ ⰲⱏ ⰲⰰⱄⱏ. ⰴⱃⰵⰲⰾ̑ⰵ ⱆⰱⱁ ⰲⱏ ⰲⱃⱑⱅⰻⱎⱅⰻ. ⰺ҅ ⱂⱁⱂⰵⰾⱑ ⱂⱁⰽⰰⰰⰾⰻ ⱄⱔ ⰱⰻⱎⱔ.
11:22
ⱁⰱⰰⱍⰵ ⰳⰾ̑ⱙ ⰲⰰⰿⱏ. ⱅⸯⱛⱃⱆ ⰺ҅ ⱄⰻⰴⱁⱀⱆ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⰲⱐ ⰴⱐⱀⱐ ⱄⱘⰴⱏⱀⱏⰺ. ⱀⰵⰶⰵ ⰲⰰⰿⰰ.
11:23
Ⰺ ⱅⱏⰹ ⰽⰰⱇⸯⰵⱃⱏⱀⰰⱆⰿⱏ. ⰲⱐⰸⱀⰵⱄⱏⰹ ⱄⱔ ⰴⱁ ⱀⰵⰱ҃ⱄⱏ. ⰴⱁ ⰰⰴⰰ ⱄⱏⱀⰻⰴⰵⱎⰻ. ⰸⰰⱀ̑ⰵ ⰰⱎⱅⰵ ⰲⱏ ⱄⱁⰴⱁⰿⱑⱈⱏ. ⰱⰻⱎⱔ ⱄⰻⰾⱏⰹ ⰱⱏⰹⰾⱏⰹ. ⰱⱏⰹⰲⱏⱎⱔⱗ ⰲⱏ ⱅⰵⰱⱑ. ⱂⱃⱑⰱⱏⰹⰾⱏⰹ ⰱⱏⰹⱎⱔ. ⰴⱁ ⰴⱐⱀⰵⱄⱏⱀ̑ⱑⰰⰳⱁ ⰴⸯⱀⰵ.
11:24
ⱁⰱⰰⱍⰵ ⰳⰾ̑ⱙ ⰲⰰⰿⱏ. ⱑⰽⱁ ⰸⰵⰿⰾⰻ ⱄⱁⰴⱁⰿⱐⱄⱌⱑ. ⱁⱅⱏⱃⰰⰴⱐⱀⱑⰵ ⰱⱘⰴⰵⱅⱏ ⰲⱏ ⰴⱀⱐ ⱄⱘⰴⱏⱀⱏⰺ. ⱀⰵⰶⰵ ⰲⰰⰿⱏ.
11:25
Ⰲⱏ ⱅⱁ ⰲⱃⱑⰿⱔ. ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ. ⰺ҅ⱄⱂⱁⰲⱑⰴⰰⱙ ⱄⱔ ⱅⰵⰱⱑ !ⱁⱍⰵ. ⰳ҃ⰻ ⱀⰵⰱⱆ ⰺ҅ ⰸⰵⰿⰾⰻ. ⱑⰽⱁ ⱆⱅⰰⰺⰾⱏ ⰵⱄⰻ ⱄⰻ. ⱁⱅⱏ ⱂⱃⱑⰿⱘⰴⱃⱏⰺⱈⱏ ⰺ҅ ⱃⰰⰸⱆⰿⱏⱀⱏⰺⱈⱏ. ⰺ҅ ⰰⰲⰻⰾⱏ ⱑ ⰵⱄⰻ ⰿⰾⰰⰴⰵⱀⱐⱌⰵⰿⱏ.
11:26
ⰵⰻ. !ⱁⱍⰵ. ⱑⰽⱁ ⱅⰰⰽⱁ ⰱⱏⰹ!ⱄ ⰲⱁⰾ̑ⱑ ⱂⱃⱑⰴⱏ ⱅⱁⰱⱁⱙ.
11:27
Ⰲⱐⱄⱑ ⰿⱀⱑ ⱂⱃⱑⰴⰰⱀⰰ ⱄⱘⱅⱏ ⱁⱌ҃ⰵⰿⱐ ⰿⱁⰺⰿⱐ. ⰺ҅ ⱀⰻⰽⱅⱁⰶⰵ ⱀⰵ ⰸⱀⰰⰵⱅⱏ ⱄⱀ҃ⰰ. ⱅⱏⰽⰿⱁ ⱁⱌ҃ⱐ. Ⱀⰻ ⱁⱌ҃ⰰ ⰽⱅⱁ ⰸⱀⰰⰵⱅⱏ ⱅⱏⰽⰿⱁ ⱄⱀ҃ⱏ. ⰺ҅ ⰵⰿⱆⰶⰵ ⰲⱁⰾⰻⱅⱏ ⱄⱀ҃ⱏ ⱁⱅⱏⰽⱃⱏⰹⱅⰻ.
11:28
ⱂⱃⰻⰴⱑⱅⰵ ⰽⱏ ⰿⱀⱑ ⰲⱄⰻ ⱅⱃⱆⰶⰴⰰⱙⱎⱅⰵⰺ ⱄⱔ. ⰺ҅ ⱁⰱⱃⱑⰿⰵⱀ̑ⰵⱀⰻⰹ. ⰺ҅ ⰰⰸⱏ ⱂⱁⰽⱁⱙ ⰲⱏⰹ.
11:29
ⰲⱐⰸⱐⰿⱑⱅⰵ ⰺ҅ⰳⱁ ⰿⱁⰵ ⱀⰰ ⱄⰵⰱⱑ. ⰺ҅ ⱀⰰⱆⱍⰻⱅⰵ ⱄⱔ ⱁⱅⱏ ⰿⰵⱀⰵ. ⱑⰽⱁ ⰽⱃⱁⱅⱏⰽⱏ ⰵⱄⰿⱐ. ⰺ҅ ⱄⱏⰿⱑⱃⰵⱀⱏ ⱄⱃⱏⰴⸯⱌⰵⰿⱐ. ⰺ҅ ⱁⰱⱃⱔⱎⱅⰵⱅⰵ ⱂⱁⰽⱁⰻ. ⰴⱎ҃ⰰⰿⱏ ⰲⰰⱎⰻⰿⱏ.
11:30
ⰺ҅ⰳⱁ ⰿⱁⰵ ⰱⰾⰰⰳⱁ. ⰺ҅ ⰱⱃⱑⰿⱔ ⰿⱁⰵ ⰾⱐⰳⱏⰽⱁ ⰵⱄⱅⱏ. !ⰽⱁ!ⱀ