ЕВАНГЕЛИЕ ЕЖЕ Ѿ МАРЪКА
9:1
ⰺ҅ ⰳⰾ҃ⰰⰰⱎⰵ ⰺ҅ⰿⱏ. ⰰⰿⰻⱀⸯ. ⰳⰾ̑ⱙ ⰲⰰⰿⱏ. ⱄⱘⱅⱏ ⰵⱅⰵⱃⰻ ⱁⱅⱏ ⱄⱐⰴⰵ ⱄⱅⱁⱗⱎⱅⰻⰹⱈⱏ. ⰺ҅ⰶⰵ ⱀⰵ ⰺ҅ⰿⱘⱅⱏ ⰲⱏⰽⱆⱄⰻⱅⰻ ⱄⱏⰿⱃⱏⱅⰻ. ⰴⱁⱀⱐⰴⰵⰶⰵ ⰲⰻⰴⱔⱅⱏ ⱌⱃ҃ⱄⰻⰵ ⰱⰶ҃ⰻⰵ. ⱂⱃⰻⱎⱐⰴⱏⱎⰵⰵ ⰲⱐ ⱄⰻⰾⱑ.
9:2
Ⰺ҅ ⱂⱁ ⱎⰵⱄⱅⰻ ⰴⱀⱏ. ⱂⱁⱗⱅⱏ ⰻⱄ҃. ⱂⰵⱅⱃⰰ. ⰺ҅ ⱑⰽⱁⰲⰰ. ⰺ҅ⱁⰰⱀⰰ. ⰺ҅ ⰲⱐⰸⰲⰵⰴⰵ ⱗ ⱀⰰ ⰳⱁⱃⱘ ⰲⱏⰹⱄⱁⰽⱘ. ⰵⰴⰻⱀⱏⰹ. ⰺ҅ ⱂⱃⱑ̆ⱁⰱⱃⰰⰸⰻ ⱄⱔ ⱂⱃⱑⰴⱐ ⱀ̑ⰻⰿⰻ.
9:3
ⰺ҅ ⰱⱏⰹⱎⱔ ⱃⰻⰸⱏⰹ ⰵⰳⱁ ⰾⱐⱎⱅⱔⱎⱅⱔ ⱄⱔ. ⰱⱑⰾⱏⰹ ⰷⱑⰾⱁ ⱑⰽⱁ ⰺ҅ ⱄⱀⱑⰳⱏ. ⱑⱌⱑⱈⱏⰶⰵ ⱀⰵ ⰿⱁⰶⰵⱅⱏ. ⰳⱀⰰⱇⰵ ⰺ҅ ⱀⰰ ⰸⰵⰿⰾ̑ⱑ ⱅⰰⰽⱁ ⰱⱑⰾⰻⱅⰻ.
9:4
ⰺ҅ ⰰⰲⰻ ⱄⱔ ⰺ҅ⰿⱏ ⰺ҅ⰾⰻⱑ ⱄⱏ ⰿⱁⱄⱑⱁⰿⱐ. ⰺ҅ ⰱⱑⰰⱎⰵⱅⰵ ⰳⰾ̑ⱙⱎⱅⰰ ⱄⱏ ⰺⱄ҃ⰿⱐ.
9:5
ⰺ҅ ⱁⱅⱏⰲⱑⱎⱅⰰⰲⱏ ⱂⰵⱅⱃⱏ ⰳⰾ҃ⰰ ⰻⱄ҃ⰲⰻ. ⱃⰰⰲⸯⰲⰻ. ⰴⱁⰱⱃⱁ [ⰵⱄⱅⱏ] ⱀⰰⰿⱏ ⱄⱐⰴⰵ ⰱⱏⰹⱅⰻ. ⰺ҅ ⱄⱏⱅⰲⱁⱃⰻⰿⱏ !ⰲ ⰽⱃⱁⰲⱏⰹ. ⱅⰵⰱⱑ ⰵⰴⰻⱀⱘ. ⰺ҅ ⰿⱁⱄⱑⱁⰲⰻ ⰵⰴⰻⱀⱘ. ⰺ҅ ⰻⰾⰻ ⰵⰴⰻⱀⱘ.
9:6
ⱀⰵ ⰲⱑⰴⱑⰰⱎⰵ ⰱⱁ ⱍⱐⱅⱁ ⰳⰾⰵ!ⱅ. ⱂⱃⰻⱄⱅⱃⰰⱎⱐⱀⰻ ⰱⱁ ⰱⱑⰰⱈⱘ.
9:7
ⰱⱏⰹ!ⱄ ⰶⰵ ⱁⰱⰾⰰⰽⱏ ⱁⱄⱑⱀ̑ⱑⱗ ⱗ. ⰺ҅ ⱂⱃⰻⰴⰵ ⰳⰾⰰⱄⱏ ⰺ҅ⰸ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰹ ⰲⱏⰸⰾ̑ⱓⰱⰾ̑ⰵⱀⱏⰺ. ⱂⱁⱄⰾⱆⱎⰰⰺⱅⰵ ⰵⰳⱁ.
9:8
ⰺ҅ ⰲⱏⱀⰵⰸⰰⰰⱂⱘ ⰲⱏⰸⱐⱃⱑⰲⱏⱎⰵ. ⱀⰻⰽⱁⰳⱁⰶⰵ ⱀⰵ ⰲⰻⰴⱑⱎⱔ ⰽⱏ ⱅⱁⰿⱆ. ⱀⱏ ⰺ҅ⱄ҃ⰰ ⰵⰴⰻⱀⱁⰳⱁ ⱄⱏ ⱄⱁⰱⱁⱙ.
9:9
ⱄⱏⱈⱁⰴⱔⱎⱅⰵⰿⱏ ⰶⰵ ⰺ҅ⰿⱏ ⱄⱏ ⰳⱁⱃⱏⰹ. ⰸⰰⱂⱃⱑⱅⰻ ⰺ҅ⰿⱏ ⰴⰰ ⱀⰻⰽⱁⰿⱆⰶⰵ ⱀⰵ ⱂⱁⰲⱑⰴⱔⱅⱏ ⱑⰶⰵ ⰲⰻⰴⱑⱎⱔ. ⱅⱏⰽⱏⰿⱆ ⰵⰳⰴⰰ ⱄⱀ҃ⱏ ⱍⱄ҃ⰽⱏⰺ ⰺ҅ⰸ ⰿⱃⱏⱅⰲⱏⰺⱈⱏ ⰲⱏⱄⰽⱃⱏⱄⱀⰵⱅⱏ.
9:10
ⰺ҅ ⱆⰴⱃⱏⰶⰰⱎⱔ. ⱄⰾⱁⰲⱁ ⰲⱐ ⱄⰵⰱⱑ. ⱄⱏⱅⱔⰸⰰⱙⱎⱅⰵ ⱄⱔ. ⱍⱐⱅⱁ ⰵⱄⱅⱏ ⰵⰶⰵ ⰺ҅ⰸ ⰿⱃⱏⱅⰲⱏⰺⱈⱏ ⰲⱏⱄⰽⱃⱏⱄⱀⱘⱅⰻ.
9:11
ⰺ҅ ⰲⱏⱂⱃⰰⱎⰰⰰⱈⱘ ⰳⰾ̑ⱙⱎⱅⰵ. ⱑⰽⱁ !ⰳⰾⱙⱅⱏ ⰽⱏⱀⰻⰶⱐⱀⰻⱌⰻ. ⱑⰽⱁ ⰺ҅ⰾⰻ ⱂⱁⰴⱁⰱⰰⰵⱅⱏ ⱂⱃⰻⱅⰻ ⱂⱃⱑⰶⰴⰵ.
9:12
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰹ҅ⰿⱏ ⰺ҅ⰾⰻⱑ ⱆⰱⱁ ⱂⱃⰻⱎⱐⰴⱏ ⱂⱃⱑⰶⰴⰵ ⱆⱄⱅⱃⱁⰺ҅ⱅⱏ ⰲⱄⱑ. ⰺ҅ ⰽⰰⰽⱁ ⰵⱄⱅⱏ ⱂⱄⰰⱀⱁ ⱁ !ⱄⱀⱑ !ⱍⱄⱌⱑⰿⱐ. ⰴⰰ ⰿⱀⱁⰳⱁ ⱂⱁⱄⱅⱃⰰⰶⰴⰵⱅⱏ. ⰺ҅ ⱆⱀⰻⱍⱐⰶⱔⱅⱏ ⰹ.
9:13
ⱀⱏ ⰳⰾ̑ⱙ ⰲⰰⰿⱏ. ⱑⰽⱁ ⰺ҅ⰾⰻⱑ ⱂⱃⰻⰴⰵ. ⰺ҅ ⱄⱏⱅⰲⱁⱃⰻⱎⱔ ⰵⰿⱆ ⰵⰾⰻⰽⱁⰶⰵ ⱈⱁⱅⱑⱎⱔ. ⱑⰽⱁⰶⰵ ⰵⱄⱅⱏ ⱂⱄⰰⱀⱁ ⱁ ⱀ̑ⰵⰿⱐ.
9:14
Ⰺ҅ ⱂⱃⰻⱎⱐⰴⱏ ⰽⱏ ⱆⱍⰵⱀⰻⰽⱁⰿⱏ. ⰲⰻⰴⱑ ⱀⰰⱃⱁⰴⱏ ⰿⱀⱁⰳⱏ ⱁ ⱀ̑ⰻⱈⱏ. ⰺ҅ ⰽⱏⱀⰻⰶⱐⱀⰻⰽⱏⰹ. ⱄⱏⱅⱔⰸⰰⱙⱎⱅⱔ ⱄⱔ ⱄⱏ ⱀ̑ⰻⰿⰻ.
9:15
ⰺ҅ ⰰⰱⱐⰵ ⰲⱐⱄⱐ ⱀⰰⱃⱁⰴⱏ. ⰲⰻⰴⱑⰲⱏⱎⰵ ⰻ ⱆⰶⰰⱄⱘ ⱄⱔ. ⰺ҅ ⱂⱃⰻⱃⰻⱎⱅⱘⱎⱅⰵ ⱌⱑⰾⱁⰲⰰⰰⱈⱘ ⰹ.
9:16
Ⰺ҅ ⰲⱏⱂⱃⱁⱄⰻ ⰽⱏⱀ̑ⰻⰶⱐⱀ̑ⰻⰽⱏⰹ. ⱍⱐⱅⱁ ⱄⱏⱅⱔⰸⰰⰵⱅⰵ ⱄⱔ ⰲⱐ ⱄⰵⰱⱑ.
9:17
Ⰺ҅ ⱁⱅⱏⰲⱑⱎⱅⰰⰲⱏ ⰵⰴⰻⱀⱏ ⱁⱅⱏ ⱀⰰⱃⱁⰴⰰ ⱃⰵⱍⰵ. ⱆⱍⰻⱅⰵⰾ̑ⱓ ⱂⱃⰻⰲⱑⱄⱏ ⱄⱀ҃ⱏ ⰿⱁⰻ ⰽⱏ ⱅⰵⰱⱑ. ⰺ҅ⰿⱘⱎⱅⱐ ⰴⱈ҃ⱏ ⱀⱑⰿⱏ ⰳⰾⱆⱈⱏ.
9:18
ⰺ҅ⰶⰵ ⰰⱎⱅⰵ ⰽⱁⰾⰻⰶⱐⰴⱁ ⰺ҅ⰿⰵⱅⱏ ⰺ. ⱃⰰⰸⰱⰻⰲⰰⰰⱅⱏ ⰹ ⰺ҅ ⱂⱑⱀⱏⰹ ⱅⱑⱎⱅⰻⱅⱏ. ⰺ҅ ⱄⰽⱃⱐⰶⱐⱎⱅⰵⱅⱏ ⰸⱘⰱⱏⰹ ⱄⰲⱁⰺ҅ⰿⰻ. ⰺ҅ ⱁⱌⱑⱂⱑⱀⱑⰵⱅⱏ. ⰺ҅ ⱃⱑⱈⱏ ⱆⱍⰵⱀⰻⰽⱁⰿⱏ ⱅⰲⱁⰺ҅ⰿⱏ. ⰴⰰ ⰺ҅ⰶⰴⰵⱀⱘⱅⱏ ⰺ. ⰺ҅ ⱀⰵ ⰲⱏⰸⰿⱁⰳⱘ.
9:19
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⰳⰾ҃ⰰ. ̆ⱉ ⱃⱁⰴⰵ ⱀⰵⰲⱑⱃⱐⱀⱏ. ⰴⱁⰽⱁⰾⱑ ⰲⱏ ⰲⰰⱄⱏ ⰱⱘⰴⱘ. ⰴⱁⰽⱁⰾⱑ ⱅⱃⱏⱂⰾ̑ⱘ ⰲⱏⰹ. ⱂⱃⰻⱀⰵⱄⱑⱅⰵ ⰻ ⰽⱏ ⰿⱀⱑ.
9:20
ⰺ҅ ⱂⱃⰻⱀⱑⱄⱔ ⰹ ⰽⱏ ⱀ̑ⰵⰿⱆ. ⰺ҅ ⰲⰻⰴⱑⰲⱏ ⰺ ⰴⱈ҃ⱏ ⱄⱏⱅⱃⱔⱄⰵ ⰻ. ⰺ҅ ⱂⰰⰴⱏ ⱀⰰ ⰸⰵⰿⰾ̑ⰻ ⰲⰰⰾ̑ⱑⰰⱎⰵ ⱄⱔ ⱂⱑⱀⱏⰹ ⱅⱑⱎⱅⱔ.
9:21
ⰺ҅ ⰲⱏⱂⱃⱁⱄⰻ ⰻⱄ҃ ⱁⱌ҃ⰰ ⰵⰳⱁ. ⰽⱁⰾⰻⰽⱁ ⰾⱑⱅⱏ ⰵⱄⱅⱏ ⱁⱅⱏⱀ̑ⰵⰾⰻⰶⰵ ⱄⰵ ⰱⱏⰹ!ⱄ ⰵⰿⱆ. ⱁⱀⱏ ⰶⰵ ⱃⰵⱍⰵ. ⰵⰿⱆ. ⰺ҅ⰸ ⱁⱅⱃⱁⱍⰻⱀⱏⰹ.
9:22
ⰺ҅ ⰿⱀⱁⰶⰻⱌⰵⱙ ⰻ ⰲⱏ ⱁⰳⱀⱐ ⰲⱏⰲⱃⱏⰶⰵ. ⰺ҅ ⰲⱏ ⰲⱁⰴⱘ. ⰴⰰ ⰺ҅ ⰱⰻ ⱂⱁⰳⱆⰱⰻⰾⱏ. ⱀⱏ ⰰⱎⱅⰵ ⰿⱁⰶⰵⱎⰻ. ⱂⱁⰿⱁⰸⰻ ⱀⰰⰿⱏ. ⰿⰻⰾⱁⱄⱃⱏⰴⱁⰲⰰⰲⱏ ⰶⰵ ⱁ ⱀⰰⱄⱏ
9:23
ⰻⱄ҃. ⱃⰵⱍⰵ ⰵⰿⱆ. ⰵⰶⰵ ⰰⱎⱅⰵ ⰿⱁⰶⰵⱎⰻ ⰲⱑⱃⱁⰲⰰⱅⰻ. ⰲⱐⱄⱑ ⰲⱏⰸⰿⱁⰶⱐⱀⰰ ⰲⱑⱃⱆⱙⱎⱅⱓⰿⱆ.
9:24
ⰺ҅ ⰰⰱⱐⰵ ⰲⱏⰸⱏⱂⰻⰲⱏ ⱁⱌ҃ⱐ ⱁⱅⱃⱁⱍⱔⱅⰵ. ⱄⱏ ⱄⰾⱐⰸⰰⰿⰻ ⰳⰾ҃ⰰⰰⱎⰵ. ⰲⱑⱃⱆⱙ ⰳ҃ⰻ. ⱂⱁⰿⱁⰸⰻ ⰿⱁⰵⰿⱆ ⱀⰵⰲⱑⱃⱐⱓ.
9:25
ⰲⰻⰴⱑⰲⱏ ⰶⰵ ⰻⱄ҃. ⱑⰽⱁ ⱄⱏⱃⰻⱎⱅⰵⱅⱏ ⱄⱔ ⱀⰰⱃⱁⰴⱏ. ⰸⰰⱂⱃⱑⱅⰻ ⰴⱈ҃ⱆ ⱀⰵⱍⰻⱄⱅⱆⰿⱆ. ⰳⰾ҃ⱔ ⰵⰿⱆ. ⱀⱑⰿⱏⰹ. ⰺ҅ ⰳⰾⱆⱈⱏⰹ ⰴⱎ҃ⰵ. ⰰⰸⱏ ⱅⰻ ⰲⰵⰾ̑ⱙ ⰺ҅ⰸⰻⰴⰻ ⰺⰶ ⱀⰵⰳⱁ. ⰺ҅ ⰽⱏ ⱅⱁⰿⱆ ⱀⰵ ⰲⱐⱀⰻⰴⰻ ⰲⱏ ⱀ̑ⱐ.
9:26
ⰺ҅ ⰲⱏⰸⱏⱂⰻⰲⱏ ⰺ҅ ⰿⱀⱁⰳⱁ ⱂⱃⱘⰶⰰⰲⱏ ⱄⱔ ⰺ҅ⰸⰻⰴⰵ. ⰺ҅ ⰱⱏⰹⱄⱅⱏ. ⱑⰽⱁ ⰹ ⰿⱃⱏⱅⰲⱏ. ⱑⰽⱁ ⰿⱀⱁⰸⰻ ⰳⰾ҃ⰰⰰⱈⱘ ⱑⰽⱁ ⱆⰿⱃⱑⱅⱏ.
9:27
ⰻⱄ҃ ⰶⰵ ⰺ҅ⰿⱏ ⰺ ⰸⰰ ⱃⱘⰽⱘ ⰲⱐⰸⰴⰲⰻⰶⰵ ⰻ. ⰺ ⰲⱏⱄⱅⰰ.
9:28
ⰺ҅ ⰲⱏⱎⱐⰴⱏⱎⱓ ⰿⱆ ⰲⱏ ⰴⱁⰿⱏ. ⱆⱍⰵⱀⰻⱌⰻ ⰵⰳⱁ ⰲⱏⱂⱃⰰⱎⰰⰰⱈⱘ ⰹ. ⰵⰴⰻⱀⱁⰳⱁ. ⰽⰰⰽⱁ ⰿⱏⰹ ⱀⰵ ⰲⱏⰸⰿⱁⰳⱁⰿⱏ ⰺ҅ⰸⰳⱏⱀⰰⱅⰻ ⰵⰳⱁ.
9:29
Ⰺ҅ ⱃⰵⱍⰵ ⰺⰿⱏ. ⱅⱏ ⱃⱁⰴⱏ ⱀⰵ ⰺ҅ⰿⰰⱅⱏ ⱀⰻⱍⰻⰿⱐⰶⰵ ⰺ҅ⰸⰻⱅⰻ. ⱅⱏⰽⱏⰿⱁ ⰿⱁⰾⰻⱅⰲⱁⱙ ⰺ҅ ⱂⱁⱄⱅⱁⰿⱐ. Ⰺ҅ ⱁⱅⱏⱅⱘⰴⱆ ⰺ҅ⱎⱐⰴⱐⱎⰵ. ⰺ҅ⰴⱑⰰⱈⱘ ⱄⰽⰲⱁⰸⱑ ⰳⰰⰾⰻⰾⰵⱙ. ⰺ҅ ⱀⰵ ⱈⱁⱅⱑⰰⱎⰵ ⰴⰰ ⰺ ⰽⱏⱅⱁ ⱆⰲⱑⱄⱅⱏ.
9:31
ⱆⱍⰰⰰⱎⰵ ⰱⱁ ⱆⱍⰵⱀⰻⰽⱏⰹ ⱄⰲⱁⱗ. ⰺ҅ ⰳⰾ҃ⰰⰰⱎⰵ ⰺ҅ⰿⱏ. ⱑⰽⱁ ⱄⱀ҃ⱏ ⱍⱄ҃ⰽⱏⰺ ⱂⱃⱑⰴⰰⱀⱏ ⰱⱘⰴⰵⱅⱏ. ⰲⱏ ⱃⱘⱌⱑ !ⱍⱄⱌⱑ. ⰺ҅ ⱆⰱⰻⱙⱅⱏ ⰺ. ⰺ҅ ⱆⰱⰻⰵⱀⱏ ⰱⱏⰹⰲⱏ. ⰲⱐ ⱅⱃⰵⱅⰻⰹ ⰴⱀⱐ. ⰲⱏⱄⰽⱃⱏⱄⱀⰵⱅⱏ.
9:32
ⱁⱀⰻ ⰶⰵ ⱀⰵ ⱃⰰⰸⱆⰿⱑⰰⱈⱘ ⰳⰾ҃ⰰ ⰺ҅ ⰱⱁⱑⰰⱈⱘ ⱄⱔ ⰲⱏⱂⱃⱁⱄⰻⱅⰻ ⰹ.
9:33
Ⰺ҅ ⱂⱃⰻⰴⰵ ⰲⱏ ⰽⰰⱂⰵⱃⱏⱀⰰⱆⰿⱏ ⰺ҅ ⰲⱏ ⰴⱁⰿⱆ ⰱⱏⰹⰲⱏ. ⰲⱏⱂⱃⰰⱎⰰⰰⱎⰵ ⱗ. ⱍⱐⱅⱁ ⱀⰰ ⱂⱘⱅⰻ ⰲⱐ ⱄⰵⰱⱑ ⱂⱁⰿⱏⰹⱎⰾ̑ⱑⰰⱎⰵⱅⰵ.
9:34
ⱁⱀⰻ ⰶⰵ ⰿⰾⱐⱍⰰⰰⱈⱘ. ⰴⱃⱆⰳⱏ ⰽⱏ ⰴⱃⱆⰳⱆ ⰱⱁ ⱄⱐⱅⱔⰸⰰⰰⱎⰵ ⱄⱔ ⱀⰰ ⱂⱘⱅⰻ. ⰽⱏⱅⱁ ⰵⱄⱅⱏ ⰱⱁⰾ̑ⰻⰹ.
9:35
ⰺ҅ ⱄⱑⰴⱏ ⰳⰾⰰⱄⰻ ⱁⰱⰰ ⱀⰰ ⰴⰵⱄⱔⱅⰵ. ⰺ҅ ⰳⰾ҃ⰰ ⰺ҅ⰿⱏ. ⰰⱎⱅⰵ ⰽⱏⱅⱁ ⱈⱁⱎⱅⰵⱅⱏ ⱄⱅⰰⱃⱑⰹ ⰱⱏⰹⱅⰻ. ⰴⰰ ⰱⱘⰴⰵⱅⱏ ⰲⱄⱑⱈⱏ ⰿⱐⱀ̑ⰻⰹ. ⰺ҅ ⰲⱄⱑⱈⱏ ⱄⰾⱆⰳⰰ.
9:36
ⰺ҅ ⱂⱃⰻⰹⰿⱏ ⱁⱅⱃⱁⱍⱔ. ⱂⱁⱄⱅⰰⰲⰻ ⰵ ⱂⱁⱄⱃⱑⰴⱑ ⰺ҅ⱈⱏ. ⰺ҅ ⱁⰱⱐⰿⱏ ⰵ ⱃⰵⱍⰵ ⰺ҅ⰿⱏ.
9:37
ⰺ҅ⰶⰵ ⰰⱎⱅⰵ ⰵⰴⰻⱀⱁ ⱅⰰⰽⱁⰲⱏⰺ҅ⱈⱏ ⱁⱅⱃⱁⱍⱔⱅⱏ. ⱂⱃⰻⰹⰿⰵⱅⱏ ⰲⱏ ⰹⰿⱔ ⰿⱁⰵ. ⰿⱔ ⱂⱃⰻⰵⰿⰾ̑ⰵⱅⱏ. ⰺ҅ ⰻⰶⰵ ⰰⱎⱅⰵ ⰿⰵⱀⰵ ⱂⱃⰻⰵⰿⰾ̑ⰵⱅⱏ. ⱀⰵ ⰿⰵⱀⰵ ⱂⱃⰻⰵⰿⰾ̑ⰵⱅⱏ. ⱀⱏ ⱂⱁⱄⱏⰾⰰⰲⱏⱎⰰⰰⰳⱁ ⰿⱔ.
9:38
*̆ⱉⱅⱏⰲⱑⱎⱅⰰ ⰵⰿⱆ ⰺ҅ⱁⰰⱀⱏ ⰳⰾ҃ⱔ. ⱆⱍⰻⱅⰵⰾ̑ⱓ ⰲⰻⰴⱑⱈⱁⰿⱏ ⰵⱅⰵⱃⰰ. ⱁ ⰺ҅ⰿⰵⱀⰻ ⱅⰲⱁⰵⰿⱐ ⰺ҅ⰸⰳⱁⱀⱔⱎⱅⰰ ⰱⱑⱄⱏⰹ. ⰺ҅ⰶⰵ ⱀⰵ ⱈⱁⰴⰻⱅⱏ ⱂⱁ ⱀⰰⱄⱏ. ⰺ҅ ⰲⱏⰸⰱⱃⰰⱀⰻⱈⱁⰿⱏ ⰵⰿⱆ. ⱑⰽⱁ ⱀⰵ ⱂⱁⱄⰾⱑⰴⱁⰲⰰ ⱀⰰⰿⱏ.
9:39
!Ⰻⱄ ⰶⰵ ⱃⰵⱍⰵ ⰵⰿⱆ. ⱀⰵ ⰱⱃⰰⱀⰻⱅⰵ ⰵⰿⱆ. ⱀⰻⰽⱏⱅⱁⰶⰵ ⰱⱁ ⰵⱄⱅⱏ. ⰺ҅ⰶⰵ ⱅⰲⱁⱃⰻⱅⱏ ⱄⰻⰾⱘ. ⱁ ⰿⱁⰵⰿⱐ ⰺ҅ⰿⰵⱀⰻ. ⰺ҅ ⰲⱏⰸⰿⱁⰶⰵⱅⱏ ⰲⱏ ⱄⰽⱁⱃⱑ ⰸⱏⰾⱁⱄⰾⱁⰲⰻⱅⰻ ⰿⱔ.
9:40
ⰺ҅ⰶⰵ ⰱⱁ ⱀⱑⱄⱅⱏ ⱀⰰ ⰲⱏⰹ. ⱂⱁ ⰲⰰⱄⱏ ⰵⱄⱅⱏ.
9:41
Ⰺ҅ⰶⰵ ⰱⱁ ⰰⱎⱅⰵ ⱀⰰⱂⱁⰺⱅⱏ ⰲⱏⰹ. ⱍⰰⱎⱘ ⰲⱁⰴⱏⰹ. ⰲⱏ ⰺⰿⱔ ⱑⰽⱁ ⰽⱃⱐⱄⱅⰻⱑⱀⰻ ⰵⱄⱅⰵ. ⰰⰿⰻⱀⸯ. ⰳⰾ҃ⱙ ⰲⰰⰿⱏ. ⱀⰵ ⱂⱁⰳⱆⰱⰻⱅⱏ ⰿⱐⰸⰴⱏⰹ ⱄⰲⱁⰵⱗ.
9:42
ⰺ҅ ⰻⰶⰵ ⰰⱎⱅⰵ ⱄⱏⰱⰾⰰⰸⱀⰻⱅⱏ ⰵⰴⰻⱀⱁⰳⱁ ⱁⱅⱏ ⰿⰰⰾⱏⰺⱈⱏ ⱄⰻⱈⱏ. ⰲⱑⱃⱆⱙⱎⱅⰻⰹⱈⱏ ⰲⱏ ⰿⱔ. ⰴⰵⰱⱃⱑⰵ ⰵⰿⱆ ⱄⱅⱏ ⱂⰰⱍⰵ. ⰰⱎⱅⰵ ⱁⰱⰾⱁⰶⱔⱅⱏ ⰽⰰⰿⰵⱀⱐ. ⰶⱃⱏⱀⱁⰲⱏⱀⱏⰹ ⱁ ⰲⱏⰹ ⰵⰳⱁ. ⰺ҅ ⰲⱏⰲⱃⱏⰳⱘⱅⱏ ⰺ ⰲⱏ ⰿⱁⱃⰵ.
9:43
ⰺ҅ ⰰⱎⱅⰵ ⱄⱏⰱⰾⰰⰶⱀⱑⰵⱅⱏ ⱅⱔ ⱃⱘⰽⰰ ⱅⰲⱁⱑ. ⱁⱅⱏⱄⱑⱌⰻ ⱙ. ⰴⰵⰱⱃⱑⰵ ⱅⰻ ⰵⱄⱅⱏ ⰿⰰⰾⱁⰿⱁⱎⱅⰻⱙ ⰲⱏ ⰶⰻⰲⱁⱅⱏ ⰲⱐⱀⰻⱅⰻ. ⱀⰵⰶⰵⰾⰻ ⱁⰱⱑ ⱃⱘⱌⱑ ⰺ҅ⰿⱘⱎⱅⱓ ⰺ҅ⱅⰻ ⰲⱏ ⰼⰵⱁⱀⱘ. ⰲⱏ ⱁⰳⱀ̑ⱐ ⱀⰵⰳⰰⱎⱘⱎⱅⰵⰹ.
9:44
ⰺ҅ⰴⰵⰶⰵ ⱍⱃⱐⰲⱐ ⰺ҅ⱈⱏ ⱀⰵ ⱆⰿⰻⱃⰰⰵⱅⱏ. ⰺ҅ ⱁⰳⱀ̑ⱐ ⱀⰵ ⱆⰳⰰⱄⰰⰵⱅⱏ.
9:45
ⰺ҅ ⰰⱎⱅⰵ ⱀⱁⰳⰰ ⱅⰲⱁⱑ ⱄⱏⰱⰾⰰⰶⱀ̑ⱑⰵⱅⱏ ⱅⱔ. ⱁⱅⱏⱄⱑⱌⰻ ⱙ. ⰴⰵⰱⱃⱑ̆ⰵ ⱅⰻ ⰵⱄⱅⱏ ⰲⱏⱀⰻⱅⰻ ⰲⱏ ⰶⰻⰲⱁⱅⱏ ⱈⱃⱁⰿⱆ. ⱀⰵⰶⰵⰾⰻ ⰴⰲⱑ ⱀⱁⰸⱑ ⰺ҅ⰿⱘⱎⱅⱓ. ⰲⱏⰲⱃⱏⰶⰵⱀⱆ ⰱⱏⰹⱅⰻ ⰲⱏ ⰼⰵⱁⱀⱘ. ⰲⱏ ⱁⰳⱀ̑ⱐ ⱀⰵ ⰳⰰⱎⱘⱎⱅⰵⰹ.
9:46
ⰺ҅ⰴⰵⰶⰵ ⱍⱃⱏⰲⱐ ⰺ҅ⱈⱏ ⱀⰵ ⱆⰿⰻⱃⰰⰵⱅⱏ. ⰺ҅ ⱁⰳⱀ̑ⱐ ⱀⰵ ⱆⰳⰰⱄⰰⰵⱅⱏ.
9:47
ⰺ҅ ⰰⱎⱅⰵ ⱁⰽⱁ ⱅⰲⱁⰵ ⱄⱏⰱⰾⰰⰶⱀ̑ⱑ̆ⰵⱅⱏ ⱅⱔ. ⰺ҅ⱄⱅⱏⰽⱀⰻ ⰵ. ⰴⱁⰱⱃⱑⰵ ⱅⰻ ⰵⱄⱅⱏ ⱄⱏ ⰵⰴⰻⱀⱑⰿⱐ ⱁⰽⱁⰿⱐ. ⰲⱐⱀⰻⱅⰻ ⰲⱐ ⱌⱃ҃ⱄⰻⰵ ⰱⰶ҃ⰻⰵ. ⱀⰵⰶⰵⰾⰻ ⱁⰱⱑ ⱁⱍⰻ ⰺ҅ⰿⱘⱎⱅⱓ. ⰺ҅ⱅⰻ ⰲⱏ ⰼⰵⱁⱀⱘ ⱁⰳⱀ̑ⱐⱀⱘⱙ.
9:48
ⰺ҅ⰴⰵⰶⰵ ⱍⱃⱏⰲⱐ ⰺ҅ⱈⱏ ⱀⰵ ⱆⰿⰻⱃⰰⰵⱅⱏ. ⰺ҅ ⱁⰳⱀⱐ ⱀⰵ ⱆⰳⰰⱄⰰⰵⱅⱏ.
9:49
ⰲⱐⱄⱑⰽⱏ ⰱⱁ ⱁⰳⱀ̑ⰵⰿⱐ ⱂⱁⱑⱄⱅⱏ ⱄⱔ. ⰺ҅ ⰲⱐⱄⱑⰽⰰ ⰶⱃⱏⱅⰲⰰ ⱄⱁⰾⰻⱙ ⱁⱄⱁⰾⰻⱅⱏ ⱄⱔ.
9:50
ⰴⱁⰱⱃⱁ ⰵⱄⱅⱏ ⱄⱁⰾⱐ. ⰰⱎⱅⰵ ⰾⰻ ⰶⰵ ⱄⱁⰾⱐ ⱀⰵⱄⰾⰰⱀⰰ ⰱⱘⰴⰵⱅⱏ. ⱁ ⱍⰵⰿⱐ ⱙ ⱁⱄⱁⰾⰻⱅⰵ. ⰺ҅ⰿⱑⱄⱅⰵ ⱄⱁⰾⱐ ⰲⱐ ⱄⰵⰱⱑ. ⰺ҅ ⰿⰻⱃⱏ ⰺ҅ⰿⱑⰻⱅⰵ ⰿⰵⰶⰴⱓ ⱄⱁⰱⱁⱙ.