Ꙇ҅ минѫвъши сѫботѣ. мариѣ магдалꙑн̑и. ꙇ҅ мариѣ ꙇ҅ѣковл̑ѣ. ꙇ҅ салъми. коупишѧ ароматꙑ. да пришьдъшѧ помажѫтъ і.

Ꙇ҅ ѕѣло за оутра. въ единѫ сѫботъ. придошѧ на гробъ въсиѣвъшю слъньцю.

ꙇ҅ гл҃аахѫ къ себѣ. къто отъвалитъ намъ камень. отъ двьріи гроба.

ꙇ҅ възьрѣвъшѧ видѣшѧ. ѣко отъвал̑енъ бѣ камень. бѣ бо веліи ѕѣло.

ꙇ҅ вьлѣзъшѧ въ гробъ. видѣшѧ юношѫ сѣдѧшть. о деснѫѭ. одѣнъ въ одеждѫ бѣлѫ. ꙇ҅ оужасѫ сѧ.

Ѡнъ же рече ꙇ҅мъ. не оужасаꙇ҅те сѧ. ꙇ҅с҃а ꙇштете назар̑ѣнина пропѧтаего. въста. нѣстъ сьде. се мѣсто ꙇ҅деже бѣ положенъ.

нъ ꙇ҅дѣта ꙇ҅ рьцѣта оученикомъ его. ꙇ҅ петрови. ѣко варѣетъ вꙑ въ галилеі. ꙇ҅ тоу і видите. ѣкоже рече вамъ.

ꙇ҅ ишьдъшѧ бѣжашѧ отъ гроба. Ꙇ҅мѣаше же ѩ трепетъ ꙇ҅ оужасъ. ꙇ҅ никомоуже ничьсоже не рѣшѧ. боѣхѫ бо сѧ..:. !ко!ц:.

Въскръсъ же за оутра. въ пръвꙑ сѫботѣ. ави сѧ прѣжде мариі магдалꙑн̑и. ꙇ҅ж неѩ же ꙇ҅згъна. !ж. бѣсъ.

она же шьдъши вьзвѣсти. бꙑвъшиімъ съ н̑имь. плачѫштемъ сѧ ꙇ҅ рꙑдаѭштемъ.

они же слꙑшавъше ѣко живъ естъ. ꙇ҅ видѣнъ бꙑ!с еѭ. не ѩшѧ вѣрꙑ

по сихъ же двѣма отъ н̑ихъ грѧдѫштема на село. ави сѧ ꙇ҅нѣмь образомь ꙇ҅дѫштема на село.

ꙇ҅ та шьдъша вьзвѣстисте. прочіимъ. ни тѣма же вѣрꙑ