ЕВАНГЕЛИЕ ЕЖЕ Ѿ ЛОУКꙐ
21:1
ⰲⱏⰸⱏⱃⱑⰲⱏ ⰶⰵ ⰲⰻⰴⱑ ⰲⱏⰿⱑⱅⰰⱙⱎⱅⱔ. ⰲⱐ ⰼⰰⰸⱁⱇⰻⰾⰰⰽⰻⱙ. ⰴⰰⱃⱏⰹ ⱄⰲⱁⱗ ⰱⱁⰳⰰⱅⱏⰹⱗ.
21:2
ⰲⰻⰴⱑⰲⱏ ⰶⰵ ⰵⱅⰵⱃⱘ ⰲⱏⰴⱁⰲⰻⱌⱘ ⱆⰱⱁⰳⱘ. ⰲⱐⰿⱑⱅⰰⱙⱎⱅⱘ ⱅⱆ ⰴⱏⰲⱑ ⰾⰵⱂⸯⱅⱑ.
21:3
ⰺ҅ ⱃⰵⱍⰵ. ⰲⱏ ⰺ҅ⱄⱅⰻⱀⱘ ⰳⰾ҃ⱙ ⰲⰰⰿⱏ. ⱑⰽⱁ ⰲⱏⰴⱁⰲⰻⱌⰰ ⱄⰻ ⱆⰱⱁⰳⰰⱑ. ⰱⱁⰾ̑ⰵ ⰲⱄⱑⱈⱏ ⰲⱏⰲⱃⱏⰶⰵ.
21:4
ⰲⱐⱄⰻ ⰱⱁ ⱄⰻⰹ ⱁⱅⱏ ⰺ҅ⰸⰱⱏⰹⱅⱏⰽⰰ ⰲⱏⰲⱃⱏⰳⱁⱎⱔ ⰲⱏ ⰴⰰⱃⱏⰹ !ⰱⰲⰻ. ⰰ ⱄⰻ ⱁⱅⱏ ⰾⰻⱎⰵⱀⱐⱑ ⱄⰲⱁⰵⰳⱁ. ⰲⸯⱄⰵ ⰺ҅ⰿⱑⱀⱐⰵ ⱄⰲⱁⰵ ⰲⱏⰲⱃⱏⰶⰵ.
21:5
Ⰺ҅ ⰵⱅⰵⱃⱁⰿⱏ ⰳⰾ҃ⱙⱎⱅⰵⰿⱏ ⱁ ⱌⱃⱏⰽⱏⰲⰻ. ⱑⰽⱁ ⰽⰰⰿⰵⱀⱐⰵⰿⱐ ⰴⱁⰱⱃⱁⰿⱐ. ⰺ҅ ⱄⱏⱄⱘⰴⱏⰹ ⱆⰽⱃⰰⱎⰵⱀⰰ ⰵⱄⱅⱏ. ⱃⰵⱍⰵ.
21:6
ⱄⰻ ⱑⰶⰵ ⰲⰻⰴⰻⱅⰵ. ⱂⱃⰻⰴⱘⱅⱏ ⰴⱐⱀⱐⰵ. ⰲⱐ ⱀ̑ⱔⰶⰵ ⱀⰵ ⱁⱄⱅⰰⱀⰵⱅⱏ ⰽⰰⰿⰵⱀⱐ ⱀⰰ ⰽⰰⰿⰵⱀⰹ ⱄⱐⰴⰵ. ⰺ҅ⰶⰵ ⱀⰵ ⱃⰰⰸⱁⱃⰻⱅⱏ ⱄⱔ.
21:7
Ⰲⱏⱂⱃⱁⱄⰻⱎⱔ ⰶⰵ ⰹ ⰳⰾ҃ⱙⱎⱅⰵ. ⱆⱍⰻⱅⰵⰾ̑ⱓ. ⰽⱁⰳⰴⰰ ⱆⰱⱁ ⱄⰻ ⰱⱘⰴⱘⱅⱏ. ⰺ҅ ⱍⱐⱅⱁ ⰵⱄⱅⱏ ⰸⱀⰰⰿⰵⱀⱐⰵ. ⰵⰳⰴⰰ ⱈⱁⱅⱔⱅⱏ ⱄⰻ ⰱⱏⰹⱅⰻ.
21:8
ⱁⱀⱏ ⰶⰵ ⱃⰵⱍⰵ. ⰱⰾ̑ⱓⰴⱑⱅⰵ ⱄⱔ ⰴⰰ ⱀⰵ ⱂⱃⱑⰾⱐⱎⱅⰵⱀⰻ ⰱⱘⰴⰵⱅⰵ. ⰿⱀⱁⰸⰻ ⰱⱁ ⱂⱃⰻⰴⱘⱅⱏ. ⰲⱏ ⰺ҅ⰿⱔ ⰿⱁⰵ ⰳⰾ҃ⱙⱎⱅⰵ. ⰰⰸⱏ ⰵⱄⰿⱐ. ⰺ҅ ⰲⱃⱑⰿⱔ ⱂⱃⰻⰱⰾⰻⰶⰻ ⱄⱔ. ⱀⰵ ⰺ҅ⰴⱑⱅⰵ ⰲⱏ ⱄⰾⱑⰴⱏ ⰺ҅ⱈⱏ.
21:9
Ⰵⰳⰴⰰ ⰶⰵ ⱆⱄⰾⱏⰹⱎⰻⱅⰵ ⰱⱃⰰⱀⰻ ⰺ҅ ⱀⰵⱄⱅⱃⱁⰵⱀⱐⱑ. ⱀⰵ ⱆⰱⱁⰺ҅ⱅⰵ ⱄⱔ. ⱂⱁⰴⱁⰱⰰⰵⱅⱏ ⰱⱁ ⱄⰻⰿⱏ ⱂⱃⱑⰶⰴⰵ ⰱⱏⰹⱅⰻ. ⱀⱏ ⱀⰵ ⰰⰱⱐⰵ ⰽⱁⱀⱐⱍⰻⱀⰰ.
21:10
ⱅⱁⰳⰴⰰ ⰳⰾ҃ⰰⰰⱎⰵ ⰺ҅ⰿⱏ. ⰲⱏⱄⱅⰰⱀⰵⱅⱏ ⰱⱁ ⱗⰸⱏⰹⰽⱏ ⱀⰰ ⱗⰸⱏⰹⰽⰰ. ⰺ҅ ⱌⱃ҃ⱄⱁ. ⱀⰰ ⱌⱃ҃ⱄⱁ.
21:11
ⱅⱃⱘⱄⰻ ⰶⰵ ⰲⰵⰾⰻⱌⰻ ⱂⱁ ⰿⱑⱄⱅⰰ. ⰺ҅ ⰳⰾⰰⰴⰻ ⰺ҅ ⰲⱏ ⰿⱁⱃⰻ ⰱⱘⰴⱘⱅⱏ ⱄⱅⱃⰰⱈⱁⰲⰰⱀⱐⱑ. ⰺ҅ ⰸⱀⰰⰿⰵⱀⱐⱑ ⱄⱏ ⱀⰵⰱ҃ⱄⰵ. ⰲⰵⰾⱐⱑ ⰱⱘⰴⱘⱅⱏ.
21:12
ⱂⱃⱑⰶⰴⰵ ⰶⰵ ⱄⰻⱈⱏ ⰲⸯⱄⱑⱈⱏ. ⰲⱏⰸⰾⱁⰶⱔⱅⱏ ⱀⰰ ⰲⱏⰹ ⱃⱘⰽⱏⰹ ⱄⰲⱁⱗ. ⰺ҅ ⰻⰶⰴⰵⱀⱘⱅⱏ ⱂⱃⱑⰴⰰⱙⱎⱅⰵ ⱀⰰ ⱄⱏⱀⱏⰿⰻⱎⱅⰰ. ⰺ҅ ⰲⱏ ⱅⱐⰿⱐⱀⰻⱌⱔ. ⰲⰵⰴⱁⰿⱏⰹ ⰽⱏ !ⱌⱃⰵⰿⱏ ⰺ҅ ⰲⰾⰰⰴⱏⰹⰽⰰⰿⱏ. ⰺ҅ⰿⰵⱀⰵ ⰿⱁⰵⰳⱁ ⱃⰰⰴⰻ.
21:13
ⱂⱃⰻⰽⰾ̑ⱓⱍⰻⱅⱏ ⰶⰵ ⱄⱔ ⰲⰰⰿⱏ. ⰲⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ.
21:14
Ⱂⱁⰾⱁⰶⰻⱅⰵ ⱆⰱⱁ ⱀⰰ ⱄⱃⱏⰴⱐⱌⰻⱈⱏ ⰲⰰⱎⰻⱈⱏ. ⱀⰵ ⱂⱃⱑⰶⰴⰵ ⱂⱁⱆⱍⰰⱅⰻ ⱄⱔ ⱁⱅⱏⰲⱑⱎⱅⰰⰲⰰⱅⰻ.
21:15
ⰰⰸⱏ ⰱⱁ ⰴⰰⰿⱐ ⰲⰰⰿⱏ. ⰲⱏ ⱆⱄⱅⰰ ⱂⱃⱑⰿⱘⰴⱃⱁⱄⱅⱐ. ⰵⰺⰶⰵ ⱀⰵ ⰲⱏⰸⰿⱁⰳⱘⱅⱏ ⱂⱃⱁⱅⰻⰲⰻⱅⰻ ⱄⱔ. ⰺ҅ ⱁⱅⱏⰲⱑⱎⱅⰰⱅⰻ. ⰲⱄⰻ ⱂⱃⱁⱅⰻⰲⰾ̑ⱑⱙⱎⱅⰵⰹ ⱄⱔ ⰲⰰⰿⱏ.
21:16
ⱂⱃⱑⰴⰰⱀⰻ ⰶⰵ ⰱⱘⰴⰵⱅⰵ ⱃⱁⰴⰻⱅⰵⰾⱏⰹ ⰺ҅ ⰱⱃⰰⱅⱃⱐⱙ. ⰺ҅ ⱃⱁⰴⱁⰿⱐ. ⰺ҅ ⰴⱃⱆⰳⱏⰹ. ⱆⰿⱃⱏⱅⰲⱔⱅⱏ ⱁⱅⱏ ⰲⰰⱄⱏ.
21:17
ⰺ҅ ⰱⱘⰴⰵⱅⰵ ⱀⰵⱀⰰⰲⰻⰴⰻⰿⰻ ⱁⱅⱏ ⰲⸯⱄⱑⱈⱏ. ⰺ҅ⰿⰵⱀⰵ ⰿⱁⰵⰳⱁ ⱃⰰⰴⰻ.
21:18
ⰺ҅ ⰲⰾⰰⱄⱏ ⰳⰾⰰⰲⱏⰹ ⰲⰰⱎⰵⱗ ⱀⰵ ⱂⱁⰳⱏⰹⰱⱀⰵⱅⱏ.
21:19
ⰲⱏ ⱅⱃⱏⱂⱑⱀⰹⰻ ⰲⰰⱎⰵⰿⱐ. ⱄⱏⱅⱔⰶⰻⱅⰵ ⰴⱎ҃ⱔ ⰲⰰⱎⱔ.
21:20
ⰵⰳⰴⰰ ⰶⰵ ⱆⰸⱐⱃⰻⱅⰵ. ⱁⰱⱐⱄⱅⱁⰺⰿⱏ ⰲⱁⰹ !ⰺ҅ⰻⰾⰿⱏ. ⱅⱁⰳⰴⰰ ⱃⰰⰸⱆⰿⱑⰵⱅⰵ. ⱑⰽⱁ ⱂⱃⰻⰱⰾⰹⰶⰻ ⱄⱔ ⰸⰰⱂⱆⱄⱅⱑⱀⱐⰵ ⰵⰿⱆ.
21:21
Ⱅⱁⰳⰴⰰ ⱄⱘⱎⱅⰵⰹ ⰲⱏ ⰺ҅ⱓⰴⱑⰹ. ⰴⰰ ⰱⱑⰳⰰⱙⱅⱏ ⰲⱏ ⰳⱁⱃⱏⰹ. ⰺ҅ ⰻⰶⰵ ⱂⱁⱄⱃⱑⰴⱑ ⰵⰳⱁ ⰴⰰ ⰺ҅ⱄⱈⱁⰴⱔⱅⱏ. ⰺ҅ⰶⰵ ⰲⱏ ⱄⱅⱃⰰⱀⰰⱈⱏ. ⰴⰰ ⱀⰵ ⰲⱏⱈⱁⰴⱔⱅⱏ ⰲⱏ ⱀ̑ⱐ.
21:22
ⱑⰽⱁ ⰴⱐⱀⱐⰵ ⰿⱐⱎⱅⰵⱀⱐⱓ ⱄⰻⰹ ⱄⱘⱅⱏ. ⰴⰰ ⰺ҅ⱄⱂⰾⱏⱀⱔⱅⱏ ⱄⱔ. ⰲⸯⱄⱑ ⱀⰰⱂⸯⱄⰰⱀⰰⰰ.
21:23
Ⰳⱁⱃⰵ ⱀⰵⱂⱃⰰⰸⰴⱏⱀⱏⰺ҅ⰿⱏ. ⰺ҅ ⰴⱁⱗⱎⱅⰹ̆ⰻⰿⱏ ⰲⱏ ⱅⱏⰹ ⰴⱀⰻ. Ⰱⱘⰴⰵⱅⱏ ⰱⱁ ⰱⱑⰴⰰ ⰲⰵⰾⱐⱑ ⱀⰰ ⰸⰵⰿⰾ̑ⰻ. ⰺ҅ ⰳⱀⱑⰲⱏ ⱀⰰ ⰾ̑ⱓⰴⰵⱈⱏ ⱄⰻⱈⱏ.
21:24
ⰺ҅ ⱂⰰⰴⱘⱅⱏ ⰲⱏ ⱁⱄⱅⱃⰻ ⰿⰵⱍⰰ. ⰺ҅ ⱂⰾⱑⱀ̑ⰵⱀⰻ ⰱⱘⰴⱘⱅⱏ ⰲⱏ ⱗⰸⱏⰹⰽⱏⰹ ⰲⸯⱄⱔ. ⰺ҅ ⰻⰾ҃ⰿⱏ ⰱⱘⰴⰵⱅⱏ ⱂⱁⱂⰻⱃⰰⰵⰿⱏ. ⱗⰸⱏⰹⰽⱏⰹ. ⰴⱁⱀⱐⰴⰵⰶⰵ ⱄⱏⰽⱁⱀⱐⱍⰰⱙⱅⱏ ⱄⱔ. ⰲⱃⱑⰿⰵⱀⰰ ⱗⰸⱏⰹⰽⱏ.
21:25
ⰺ҅ ⰱⱘⰴⱘⱅⱏ ⰸⱀⰰⰿⰵⱀⱐⱑ ⰲⱏ ⱄⰾⱏⱀⱐⱌⰻ. ⰺ҅ ⰿⱑⱄⱔⱌⰻ. ⰺ҅ ⰷⰲⱑⰸⰴⰰⱈⱏ. ⰺ҅ ⱀⰰ ⰸⰵⰿⰾ̑ⰻ ⱅⱘⰳⰰ ⱗⰸⱏⰹⰽⱁⰿⱏ. ⱁⱅⱏ ⱀⰵⱍⰰⰰⱀⱐⱑ. ⱎⱓⰿⰰ ⰿⱁⱃⱐⱄⰽⰰⰰⰳⱁ. ⰺ҅ ⰲⱏⰸⰿⱘⱎⱅⰵⱀⱐⱑ.
21:26
ⰺ҅ⰸⰴⱏⰹⱈⰰⱙⱎⱅⰵⰿⱏ ⱍⰽ҃ⱁⰿⱏ ⱁⱅⱏ ⱄⱅⱃⰰⱈⰰ. ⰺ҅ ⱍⰰⰰⱀⱐⱑ. ⰳⱃⱔⰴⱘⱎⱅⰹⰻⱈⱏ ⱀⰰ ⰲⱐⱄⰵⰾ̑ⰵⱀⱘⱙ. ⱄⰻⰾⱏⰹ ⰱⱁ ⱀⰵⰱ҃ⱄⰽⱏⰹⱗ ⰴⰲⰻⰳⱀⱘⱅⱏ ⱄⱔ.
21:27
Ⰺ҅ ⱅⱁⰳⰴⰰ ⱆⰸⱐⱃⱔⱅⱏ ⱄⱀ҃ⱏ ⱍⱄ҃ⰽⱏⰹ. ⰳⱃⱔⰴⱘⱎⱅⱐ ⱀⰰ ⱁⰱⰾⰰⱌⱑⱈⱏ. ⱄⱏ ⱄⰻⰾⱁⱙ ⰺ҅ ⱄⰾⰰⰲⱁⱙ. ⰿⱀⱁⰳⱁⱙ.
21:28
ⱀⰰⱍⰻⱀⰰⱙⱎⱅⰵⰿⱏ ⰶⰵ ⱄⰻⰿⱏ ⰱⱏⰹⰲⰰⱅⰻ. ⰲⱏⱄⰽⰾⱁⱀⰻⱅⰵ ⱄⱔ. ⰺ҅ ⰲⱏⰸⰴⰲⰻⰳⱀⱑⱅⰵ ⰳⰾⰰⰲⱏⰹ ⰲⰰⱎⱔ. ⰸⰰⱀⰵ ⱂⱃⰻⰱⰾⰻⰶⰹ ⱄⱔ ⰺ҅ⰸⰱⰰⰲⰾ̑ⰵⱀⱐⰵ ⰲⰰⱎⰵ.
21:29
ⰺ҅ ⱃⰵⱍⰵ ⰺ҅ⰿⱏ ⱂⱃⰻⱅⱏⱍⱘ. ⰲⰻⰴⰻⱅⰵ ⱄⰿⱁⰽⱁⰲⱐⱀⰻⱌⱘ. ⰺ҅ ⰲⸯⱄⱑ ⰴⱃⱑⰲⰰ.
21:30
ⰵⰳⰴⰰ ⱂⱃⱁⱎⰻⰱⰰⱙⱅⱏ ⱄⱔ. ⱆⰶⰵ ⰲⰻⰴⱔⱎⱅⰵ ⱁ ⱄⰵⰱⱑ ⰲⱑⱄⱅⰵ. ⱑⰽⱁ ⰱⰾⰹⰸⱏ ⰶⱔⱅⰲⰰ ⰵⱄⱅⱏ.
21:31
Ⱅⰰⰽⱁ ⰺ҅ ⰲⱏⰹ ⰵⰳⰴⰰ ⱆⰸⱐⱃⰻⱅⰵ. ⱄⰻ ⰱⱏⰹⰲⰰⱙⱎⱅⰰ. ⰲⱑⰴⰻⱅⰵ ⱑⰽⱁ ⰱⰾⰹⰸⱏ ⰵⱄⱅⱏ ⱌⱃ҃ⱄⰻⰵ ⰱⰶ҃ⰻⰵ.
21:32
ⰰⰿⰻⱀⸯ ⰳⰾ҃ⱙ ⰲⰰⰿⱏ. ⱑⰽⱁ ⱀⰵ ⰺ҅ⰿⰰⱅⱏ ⱂⱃⱑⰺ҅ⱅⰻ ⱃⱁⰴⱏ ⱄⱐ. ⰴⱁⱀ̑ⰴⰵⰶⰵ ⰲⸯⱄⱑ ⰱⱘⰴⱘⱅⱏ.
21:33
ⱀⰱ҃ⱁ ⰺ҅ ⰸⰵⰿⰾ̑ⱑ ⰿⰻⰿⱁⰺ҅ⰴⰵⱅⱏ. ⰰ ⱄⰾⱁⰲⰵⱄⰰ ⰿⱁⱑ ⱀⰵ ⰺ҅ⰿⱘⱅⱏ ⱂⱃⱑⰺ҅ⱅⰻ.
21:34
Ⰲⱐⱀⰵⰿⰾ̑ⱑⱅⰵ ⰶⰵ ⱄⰵⰱⱑ. ⰵⰴⰰ ⰽⱁⰳⰴⰰ ⱁⱅⱔⰳⱏⱍⰰⱙⱅⱏ ⱄⱃⱏⰴⱐⱌⰰ ⰲⰰⱎⰰ. ⱁⰱⱑⰴⰰⱀⱐⰵⰿⱐ ⰺ ⱂⱐⱑⱀⱐⱄⱅⰲⱁⰿⱐ. ⱂⰵⱍⰰⰾⱐⰿⰻ ⰶⰻⱅⰹⰻⱄⰽⱏⰹⰿⰻ. ⰺ҅ ⱀⰰⰺ҅ⰴⰵⱅⱏ ⱀⰰ ⰲⱏⰹ ⰲⱐⱀⰵⰸⰰⰰⱂⱘ ⰴⱐⱀⱐ ⱅⱏ.
21:35
ⰰⰽⱏⰹ ⱄⱑⱅⱐ ⰱⱁ ⱂⱃⰻⰴⰵⱅⱏ. ⱀⰰ ⰲⱄⱔ ⱄⱑⰴⱔⱎⱅⱔⱗ ⱀⰰ ⰾⰻⱌⰻ ⰲⸯⱄⰵⱗ ⰸⰵⰿⰾ̑ⱔ.
21:36
ⰱⱐⰴⰻⱅⰵ ⱆⰱⱁ ⱀⰰ ⰲⱄⱑⰽⱁ ⰲⱃⱑⰿⱔ. ⰿⱁⰾⱔⱎⱅⰵ ⱄⱔ. ⰴⰰ ⱄⱏⱂⱁⰴⱁⰱⰻⱅⰵ ⱄⱔ ⱆⰱⱑⰶⰰⱅⰻ. ⰲⱐⱄⱑⱈⱏ ⱄⰻⱈⱏ ⱈⱁⱅⱔⱎⱅⰻⱈⱏ ⰱⱏⰹⱅⰻ. ⰺ҅ ⱄⱅⰰⱅⰻ ⱂⱃⱑⰴⱏ ⱄⱀ҃ⱁⰿⱐ ⱍⱄ҃ⰽⱁⰿⱐ.
21:37
ⰱⱑ ⰶⰵ ⰲⱏ ⰴⱐⱀⰵ ⱆⱍⱔ ⰲⱏ ⱌⱃⰽⱏⰲⰵ. ⰰ ⱀⱁⱎⱅⰻⱙ ⱆⰴⰲⰰⱃ̑ⱑⰰⱎⰵ ⱄⱔ ⰺ҅ⱄⱈⱁⰴⱔ ⰲⱏ ⰳⱁⱃⱑ. ⱀⰰⱃⰻⱌⰰⰵⰿⱑⰹ ⰵⰾⰵⱁⱀⱏ.
21:38
ⰺ҅ ⰲⱄⰻ ⰾ̑ⱓⰴⱐⰵ ⰺ҅ⰸ ⱆⱅⱃⰰ ⱂⱃⰻⱈⱁⰴⱔⱎⱅⰵ ⰽⱏ ⱀ̑ⰵⰿⱆ ⰲⱏ ⱌⱃⱏⰽⱁⰲⱐ ⱂⱁⱄⰾⱆⱎⰰⱅⱏ ⰵⰳⱁ.