Ⰺ҅ ⰲⱏⱎⱐⰴⱏ ⱂⱃⱁⱈⱁⰶⰴⰰⰰⱎⰵ ⰲⱏ ⰺ҅ⰵⱃⰻⱈⱘ.

ⰺ҅ ⱄⰵ ⰿⱘⰶⱐ ⰺ҅ⰿⰵⱀⰵⰿⱐ ⱀⰰⱃⰻⱌⰰⰵⰿⱏⰹ ⰸⰰⰽ̑ⱐⱈⰵ̆ⰰ. ⰺ҅ ⱄⱐ ⰱⱑ ⱄⱅⰰⱃⱑⰹ ⰿⱏⰹⱅⰰⱃⰵⰿⱏ. ⰺ҅ ⱅⱏ ⰱⱑ ⰱⱁⰳⰰⱅⱏ.

ⰺ҅ ⰻⱄⰽⰰⰰⱎⰵ ⰲⰻⰴⱑⱅⰻ ⰺⱄ҃ⰰ. ⰽⱏⱅⱁ ⰵⱄⱅⱏ. ⰺ҅ ⱀⰵ ⰿⱁⰶⰰⰰⱎⰵ ⰲⰻⰴⱑⱅⰻ ⱀⰰⱃⱁⰴⱁⰿⱐ. ⱑⰽⱁ ⱅⱑⰾⱁⰿⱐ ⰿⰰⰾⱏ ⰱⱑ.

ⰺ҅ ⱂⱃⱑⰴⰻ ⱅⰵⰽⱏ ⰲⱐⰸⰾⱑⰸⰵ ⱀⰰ ⱄⸯⱛⰽⱁⰿⰰⱃⰻⱙ. ⰴⰰ ⰲⰻⰴⰻⱅⱏ ⰺ҅ⱄ҃ⰰ. ⱑⰽⱁ ⱅⱘⰴⱑ ⱈⱁⱅⱑⰰⱎⰵ ⰿⰻⱀⱘⱅⰻ.

ⰺ҅ ⱑⰽⱁ ⱂⱃⰻⰴⰵ ⱀⰰ ⰿⱑⱄⱅⱁ. ⰲⱏⰸⱏⱃⱑⰲⱏ ⰺⱄ҃ ⰲⰻⰴⱑ ⰹ. ⰺ҅ ⱃⰵⱍⰵ ⰽⱏ ⱀ̑ⰵⰿⱆ. ⰸⰰⰽ̑ⱐⱈ̑ⱑⰵ. ⱂⱁⱅⱏⱎⱅⰰⰲⱏ ⱄⱔ ⱄⱏⰾⱑⰸⰻ. ⰴⱐⱀⱐⱄⱐ ⰱⱁ ⱂⱁⰴⱁⰱⰰⰰⱅⱏ ⰿⰻ. ⰲⱏ ⰴⱁⰿⱆ ⱅⰲⱁⰵⰿⱐ ⰱⱏⰹⱅⰻ.

ⰺ҅ ⱂⱁⱅⱏⱎⱅⰰⰲⱏ ⱄⱔ ⱄⱏⰾⱑⰸⰵ. ⰺ҅ ⱂⱃⰻⱗⱅⱏ ⰹ ⱃⰰⰴⱆⱗ ⱄⱔ.

ⰺ҅ ⰲⰻⰴⱑⰲⱏⱎⰵ ⰹ ⱃⱏⱂⱏⱅⰰⰰⱈⱘ ⰳⰾ҃ⱙⱎⱅⰵ. ⱑⰽⱁ ⰽⱏ ⰳⱃⱑⱎⱐⱀⱆ ⰿⱘⰶⱓ ⰲⱐⱀⰻⰴⰵ. ⰲⰻⱅⰰⱅⱏ.

ⱄⱅⰰⰲⱏ ⰶⰵ ⰸⰰⰽ̑ⱐⱈⰵⰹ. ⱃⰵⱍⰵ ⰽⱏ !ⰳⱓ. ⱄⰵ ⱂⱁⰾⱏ ⰺ҅ⰿⱑⱀⰻⱑ ⰿⱁⰵⰳⱁ ⰳ҃ⰻ. ⰴⰰⰿⱐ ⱀⰻⱎⱅⰹⰿⱏ. ⰺ҅ ⰰⱎⱅⰵ ⰵⱄⰿⱐ ⰽⱁⰳⱁ ⱍⰻⰿⱐ ⱁⰱⰻⰴⱑⰾⱏ. ⰲⱏⰸⰲⱃⰰⱎⱅⱘ ⱍⰵⱅⰲⱁⱃⰻⱌⰵⱙ.

ⱃⰵⱍⰵ ⰶⰵ ⰽⱏ ⱀ̑ⰵⰿⱆ ⰻⱄ҃. ⱑⰽⱁ ⰴⱐⱀⱐⱄⱐ !ⱄⱂⱀⰻⰵ ⰴⱁⰿⱆ ⱄⰵⰿⱆ ⰱⱏⰹⱄⱅⱏ. ⰸⰰⱀ̑ⰵ ⰺ҅ ⱄⱐ !ⱄⱀⱏ ⰰⰲⱃⰰⰰⰿⰾ̑ⱐ ⰵⱄⱅⱏ.

Ⱂⱃⰻⰴⰵ ⰱⱁ ⱄⱀ҃ⱏ ⱍⱄ҃ⰽⱏⰹ ⰲⱐⰸⰻⱄⰽⰰⱅⱏ. ⰺ҅ ⱄⱂ҃ⱄⱅⱏ ⱂⱁⰳⱏⰹⰱⱏⱎⰰⰰⰳⱁ.

Ⱄⰾⱏⰹⱎⱔⱎⱅⰵⰿⱏ ⰶⰵ ⰺ҅ⰿⱏ ⱄⰵ. ⱂⱃⰻⰾⱁⰶⱐ ⱃⰵⱍⰵ............ ⱂⱃⰻⱅⱏⱍⱘ. ⰸⰰⱀ̑ⰵⰶⰵ ⱅⱏ ⰱⱑ ⰱⰾⰻⰸⱏ ⰺⰾ҃ⰿⰰ. ⰺ҅ ⰿⱐⱀⱑⰰⱈⱘ. ⱑⰽⱁ ⰰⰱⱐⰵ ⱈⱁⱎⱅⰵⱅⱏ ⱌⱃ҃ⱄⱐⰵ ⰱⰶ҃ⰻⰵ ⰰⰲⰻⱅⰻ ⱄⱔ.

Ⱃⰵⱍⰵ ⰶⰵ. ⱍⰽ҃ⱏ ⰵⱅⰵⱃⱏ ⰴⱁⰱⱃⰰ ⱃⱁⰴⰰ. ⰺ҅ⰴⰵ ⱀⰰ ⱄⱅⱃⰰⱀⱘ ⰴⰰⰾⰵⱍⰵ. ⱂⱃⰻⱗⱅⰻ ⱄⰵⰱⱑ ⱌⱃ҃ⱄⰻⰵ. ⰺ ⰲⱏⰸⰲⱃⰰⱅⰻ ⱄⱔ.

Ⱂⱃⰻⰸⱏⰲⰰⰲⱏ ⰶⰵ. !ⰺ. ⱃⰰⰱⱏ ⱄⰲⱁⰺⱈⱏ. ⰲⱏⰴⰰⱄⱅⱏ ⰺ҅ⰿⱏ ⰺ҃ ⰿⱏⱀⰰⱄⱏ. ⰺ҅ ⱃⰵⱍⰵ ⰽⱏ ⱀ̑ⰻⰿⱏ. ⰽⱆⱂⰾ̑ⱘ ⰴⱑⰺⱅⰵ ⰴⱁⱀ̑ⰴⰵⰶⰵ ⱂⱃⰻⰴⱘ.

ⰺ҅ ⰳⱃⰰⰶⰴⰰⱀⰵ ⰵⰿⱆ. ⱀⰵⱀⰰⰲⰻⰴⱑⰰⱈⱘ ⰵⰳⱁ. ⰺ҅ ⱂⱁⱄⱏⰾⰰⱎⱔ ⰿⱁⰾⰻⱅⰲⱘ. ⰲⱏ ⱄⰾⱑⰴⱏ ⰵⰳⱁ ⰳⰾ҃ⱙⱎⱅⰵ. ⱀⰵ ⱈⱁⱎⱅⰵⰿⱏ ⱄⰵⰿⱆ. ⰴⰰ ⱌⱃ҃ⱄⱆⰵⱅⱏ ⱀⰰⰴⱏ ⱀⰰⰿⰻ.

ⰺ҅ ⰱⱏⰹⱄⱅⱏ ⰵⰳⰴⰰ ⱄⱔ ⰲⱏⰸⰲⱃⰰⱅⰻ ⱂⱃⰻⰹⰿⱏ ⱌⱃ҃ⱄⱐⰵ. ⰺ҅ ⱃⰵⱍⰵ ⰴⰰ ⱂⱃⰻⰳⰾⰰⱄⱔⱅⱏ ⰵⰿⱆ ⱃⰰⰱⱏⰹ ⱅⱏⰹ. ⰺ҅ⰿⱏⰶⰵ ⰴⰰⱄⱅⱏ ⱄⱏⱃⰵⰱⱃⱁ. ⰴⰰ ⱆⰲⱑⱄⱅⱏ ⰽⰰⰽⱘ ⰽⱆⱂⰾ̑ⱘ ⱄⱘⱅⱏ ⱄⱏⱅⰲⱁⱃⰻⰾⰻ.

ⱂⱃⰻⰴⰵ ⰶⰵ ⱂⱃⱏⰲⱏⰹ ⰳⰾ҃ⱔ. ⰳ҃ⰻ. ⰿⱏⱀⰰⱄⱐ ⱅⰲⱁⱑ. ⰺ҃ ⱂⱃⰻⰴⱑⰾⰰ ⰿⱏⱀⰰⱄⱏ.

ⰺ҅ ⱃⰵⱍⰵ ⰵⰿⱆ. ⰱⰾⰰⰳⱏⰹ ⱃⰰⰱⰵ. ⰴⱁⰱⱃⱏⰹ ⰲⱑⱃⱐⱀⰵ. ⱑⰽⱁ ⱁ ⰿⰰⰾⱑ ⰱⱏⰹ!ⱄ ⰲⱑⱃⱐⱀⱏ. ⰱⱘⰴⰻ ⱁⰱⰾⰰⱄⱅⱐ ⰺ҅ⰿⱏⰹ. ⱀⰰⰴⱏ ⰴⰵⱄⱔⱅⱐⱙ ⰳⱃⰰⰴⱏ.

ⰺ҅ ⱂⱃⰻⰴⰵ ⰲⱏⱅⱁⱃⱏⰹ ⰳⰾ҃ⱔ. ⰿⱏⱀⰰⱄⱐ ⱅⰲⱁⱑ ⰳ҃ⰻ ⱄⱏⱅⰲⱁⱃⰻ. !ⰴ. ⰿⱏⱀⰰⱄⱏ.

ⱃⰵⱍⰵ ⰶⰵ ⰺ҅ ⱅⱁⰿⱆ. ⰺ҅ ⱅⱏⰹ ⰱⱘⰴⰻ ⱀⰰⰴⱏ. !ⰴⱙ ⰳⱃⰰⰴⱏ.

Ⰺ҅ ⰴⱃⱆⰳⱏⰹ ⱂⱃⰻⰴⰵ ⰳⰾ҃ⱔ. ⰳ҃ⰻ. ⱄⰵ ⰿⸯⱀⰰⱄⱐ ⱅⰲⱁⱑ ⱙⰶⰵ ⰺ҅ⰿⱑⱈⱏ. ⱂⱁⰾⱁⰶⰵⱀⱘ ⰲⱏ ⱆⰱⱃⱆⱄⱑ.

ⰱⱁⱑⱈⱏ ⰱⱁ ⱄⱔ ⱅⰵⰱⰵ. ⱑⰽⱁ ⱍⰽ҃ⱏ ⱑⱃⱏ ⰵⱄⰻ. ⰲⱐⰸⰵⰿⰾ̑ⰵⱎⰻ. ⰺ҅ⰴⰵⰶⰵ ⱀⰵ ⱂⱁⰾⱁⰶⱐ. ⰺ҅ ⰶⱐⱀⰵⱎⰻ ⰵⰳⱁⰶⰵ ⱀⰵ ⱄⱑⰰⰲⱏ.

ⰳⰾ҃ⰰ ⰵⰿⱆ. ⱁⱅⱏ ⱆⱄⱅⱏ ⱅⰲⱁⰺ҅ⱈⱏ ⱁⱄⱘⰶⰴⱘ ⱅⱔ. ⰸⱏⰾⱏⰹ ⱃⰰⰱⰵ. Ⰲⱑⰴⱑⰰⱎⰵ ⱑⰽⱁ ⱍⰽ҃ⱏ ⱑⱃⱏ ⰵⱄⰿⱐ. ⰲⱐⰸⰵⰿⰾ̑ⱙ ⰵⰳⱁⰶⰵ ⱀⰵ ⱂⱁⰾⱁⰶⰻⱈⱏ. ⰺ҅ ⰶⱐⱀ̑ⱔ ⰵⰳⱁⰶⰵ ⱀⰵ ⱄⱑⰰⱈⱏ. ⰺ҅ ⱄⱏⰱⰻⱃⰰⱗ ⱙⰴⱆⰶⰵ ⱀⰵ ⱃⰰⰸⰴⰰⰰⱈⱏ.

ⰺ҅ ⱂⱁ ⱍⱐⱅⱁ ⱀⰵ ⰲⱏⰴⰰⱄⱅⱏ ⰿⱁⰵⰳⱁ ⱄⱏⱃⰵⰱⱃⰰ ⱂⱑⱀⱔⰶⱐⱀⰻⰽⱁⰿⱏ. ⰺ҅ ⰰⰸⱏ ⱂⱃⰻⱎⱐⰴⱏ ⱄⱏ ⰾⰻⱈⰲⱁⱙ. ⰺ҅ⱄⱅⱔⰸⰰⰾⱏ ⰵ ⰱⰻⰿⱐ.

ⰺ҅ ⱂⱃⱑⰴⱐⱄⱅⱁⱗⱎⱅⰹⰿⱏ ⱃⰵⱍⰵ. ⰲⱏⰸⱐⰿⱑⱅⰵ ⱁⱅⱏ ⱀ̑ⰵⰳⱁ ⰿⱏⱀⰰⱄⱘ. ⰺ҅ ⰴⰰⰴⰻⱅⰵ ⰺ҅ⰿⱘⱎⱅⱓⰿⱆ. !ⰺ. ⰿⱏⱀⰰⱄⱏ.

ⰺ҅ ⱃⱑⱎⱔ ⰵⰿⱆ. ⰳ҃ⰻ. ⰺ҅ⰿⰰⱅⱏ. !ⰺ. ⰿⸯⱀⰰⱄⱏ.

!Ⰳⰾⱙ ⰶⰵ ⰲⰰⰿⱏ. ⱑⰽⱁ ⰲⱄⱑⰽⱁⰿⱆ ⰺ҅ⰿⱘⱎⱅⱓⰿⱆ ⰴⰰⰴⱔⱅⱏ. ⰰ ⱁⱅⱏ ⱀⰵ ⰺ҅ⰿⱘⱎⱅⰰⰰⰳⱁ. ⰺ҅ ⰵⰶⰵ ⰺ҅ⰿⰰⱅⱏ ⱁⱅⱏⰺ҅ⰿⱘⱅⱏ ⱁⱅⱏ ⱀ̑ⰵⰳⱁ.

Ⱉⰱⰰⱍⰵ ⰲⱃⰰⰳⱏⰹ ⰿⱁⱗ ⱅⱏⰹ. ⱀⰵ ⱈⱁⱅⱑⰲⱏⱎⱔⱗ ⰿⱐⱀⱑ. ⰴⰰ ⱌⱃ҃ⱐ ⰱⰻⰿⱐ ⰱⱏⰹⰾⱏ ⱀⰰⰴⱏ ⱀ̑ⰻⰿⰻ. ⱂⱃⰻⰲⰵⰴⱑⱅⰵ ⱗ ⱄⱑⰿⱁ. ⰺ҅ ⰻⱄⱑⱌⱑⱅⰵ ⱗ ⱂⱃⱑⰴⱏ ⰿⱀⱁⱙ.

Ⰺ҅ ⱄⰵ ⱃⰵⰽⱏ ⰺ҅ⰴⱑⰰⱎⰵ ⱂⱃⱑⰴⰻ. ⰲⱏⱄⱈⱁⰴⱔ ⰲⱏ ⰺⰾ҃ⰿⱏ.

ⰺ҅ ⰱⱏⰹⱄⱅⱏ ⱑⰽⱁ ⱂⱃⰻⰱⰾⰹⰶⰻ ⱄⱔ. ⰲⱏ ⰲⰻⱅⱏⱇⰰⰳⰻⱙ. ⰺ҅ ⰲⰻⱅⰰⱀⰻⱙ. ⰽⱏ ⰳⱁⱃⱑ ⱀⰰⱃⰻⱌⰰⰵⰿⱑⰹ ⰵⰾⰵⱁⱀⱏ. ⱂⱁⱄⱏⰾⰰ ⰴⱏⰲⰰ ⱁⱅⱏ ⱆⱍⰵⱀⰻⰽⱏ ⱄⰲⱁⰺ҅ⱈⱏ

ⰳⰾ҃ⱔ. ⰺ҅ⰴⱑⱅⰰ ⰲⱏ ⱂⱃⱑⰿⱐⱀ̑ⱙⱙ ⰲⱐⱄⱐ. ⰲⱏ ⱀ̑ⱙⰶⰵ ⰲⱏⱄⱈⱁⰴⱔⱎⱅⰰ ⱁⰱⱃⱔⱎⱅⰵⱅⰰ. ⰶⱃⱑⰱⱔ ⱂⱃⰻⰲⱔⰸⰰⱀⱁ. ⱀⰰ ⱀ̑ⰵⰶⰵ ⱀⰻⰽⱏⱅⱁⰶⰵ ⰽⱏⰴⰵ. ⱁⱅⱏ ⱍⰽ҃ⱏ ⱀⰵ ⰲⱏⱄⱑⰴⰵ. ⱁⱅⱃⱑⱎⸯⱎⰰ ⱂⱃⰻⰲⰵⰴⱑⱅⰰ ⰿⰻ ⰵ.

ⰺ҅ ⰰⱎⱅⰵ ⰽⱏⱅⱁ ⰲⱏⰹ ⰲⱏⱂⱃⰰⱎⰰⰵⱅⱏ. ⱂⱁ ⱍⱐⱅⱁ ⱁⱅⱃⱑⱎⰰⰵⱅⰰ ⰵ. ⱅⰰⰽⱁ ⱃⰵⱍⰵⱅⰰ ⱑⰽⱁ ⰳ҃ⱐ ⰵⰳⱁ ⱅⱃⱑⰱⱆⰵⱅⱏ.

Ⱎⱐⰴⱏⱎⰰ ⰶⰵ ⱂⱁⱄⱏⰾⰰⱀⰰⰰ. ⱁⰱⱃⱑⱅⱁⱄⱅⰵ ⱑⰽⱁⰶⰵ ⱃⰵⱍⰵ ⰺ҅ⰿⰰ.

ⱁⱅⱃⱑⱎⰰⱙⱎⱅⰵⰿⰰ ⰶⰵ ⰺ҅ⰿⰰ ⰶⱃⱑⰱⱔ. ⱃⱑⱎⱔ !ⰳⰴⱐⰵ ⰵⰳⱁ ⰽⱏ ⱀ̑ⰻⰿⰰ. ⱍⱐⱅⱁ ⱁⱅⱃⱑⱎⰰⰵⱅⰰ ⰶⱃⱑⰱⱔ.

ⱁⱀⰰ ⰶⰵ ⱃⱑⱄⱅⰵ. ⱑⰽⱁ ⰳ҃ⱐ ⰵⰳⱁ ⱅⱃⱑⰱⱆⰵⱅⱏ.

ⰺ҅ ⱂⱃⰻⰲⰵⰴⱁⱄⱅⰵ ⰵ ⰽⱏ ⰺⱄ҃ⰲⰻ. ⰺ҅ ⰲⱏⰸⰲⱃⱏⰳⱏⱎⰵ ⱃⰻⰸⱏⰹ ⱄⰲⱁⱗ ⱀⰰ ⰶⱃⱑⰱⱔ ⰲⱏⱄⰰⰴⰻⱎⱔ ⰺⱄ҃ⰰ.

Ⰺ҅ⰴⱘⱎⱅⱓ ⰶⰵ ⰵⰿⱆ. ⱂⱁⱄⱅⰻⰾⰰⰰⱈⱘ ⱃⰻⰸⱏⰹ ⱄⰲⱁⱗ ⱂⱁ ⱂⱘⱅⰻ.

ⱂⱃⰻⰱⰾⰻⰶⰰⱙⱎⱅⰵ ⰶⰵ ⱄⱔ ⰵⰿⱆ. ⰰⰱⱐⰵ. ⰽⱏ ⱀⰻⰸⱏⱈⱁⰶⰴⰵⱀⱐⱓ ⰳⱁⱃⱑ ⰵⰾⰵⱁⱀⱐⱄⱌⱑ. ⱆⱍⱔⱅⱏ ⰲⸯⱄⰵ ⰿⱀⱁⰶⱐⱄⱅⰲⱁ ⱆⱍⰵⱀⰻⰽⱏ. ⱃⰰⰴⱆⱙⱎⱅⰵ ⱄⱔ ⱈⰲⰰⰾⰻⱅⰵ ⰱ҃ⰰ. ⰳⰾⰰⱄⱁⰿⱐ ⰲⰵⰾⱐⰵⰿⱐ. ⱁ ⰲⸯⱄⱑⱈⱏ ⱄⰻⰾⰰⱈⱏ ⱗⰶⰵ ⰲⰻⰴⱑⱎⱔ.

ⰳⰾ҃ⱙⱎⱅⰵ. !Ⰱⰾⰳⱀⱏ {ⱌⱃ҃ⱐ} ⰳⱃⱔⰴⱔⰹ. ⱌⱃ҃ⱐ ⰲⱏ ⰺⰿⱔ ⰳⱀ҃ⰵ. ⰿⰻⱃⱏ ⱀⰰ ⱀⰱ҃ⱄⱈⱏ. ⰺ҅ ⱄⰾⰰⰲⰰ ⰲⱏ ⰲⱏⰹⱎⱐⱀ̑ⰻⰹⱈⱏ.

Ⰺ҅ ⰵⱅⰵⱃⰻ ⱇⰰⱃⰻⱄⱑⰹ ⱃⱑⱎⱔ ⰽⱏ ⱀⰵⰿⱆ ⱁⱅⱏ ⱀⰰⱃⱁⰴⰰ. ⱆⱍⰻⱅⰵⰾ̑ⱓ ⰸⰰⱂⱃⱑⱅⰻ ⱆⱍⰵⱀⰻⰽⱁⰿⱏ ⱅⰲⱁⰺ҅ⰿⱏ.

ⰺ҅ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰺ҅ⰿⱏ. ⰳⰾ̑ⱙ ⰲⰰⰿⱏ. ⱑⰽⱁ ⰰⱎⱅⰵ ⱄⰻⰹ ⱆⰿⰾⱐⱍⱔⱅⱏ. ⰽⰰⰿⰵⱀⱐⰵ ⰲⱏⰸⱏⱂⰻⱅⰻ ⰺ҅ⰿⰰⱅⱏ.

ⰺ҅ ⱑⰽⱁ ⱂⱃⰻⰱⰾⰻⰶⰻ ⱄⱔ. ⰲⰻⰴⱑⰲⱏ ⰳⱃⰰⰴⱏ ⱂⰾⰰⰽⰰ ⱄⱔ ⱁ ⱀ̑ⰵⰿⱐ ⰳⰾ҃ⱔ.

ⱑⰽⱁ ⰰⱎⱅⰵ ⰱⰻ ⱃⰰⰸⱆⰿⱑⰾⱏ ⰲⱐ ⰴⱐⱀⱐ ⱄⱐ. ⰺ҅ ⱅⱏⰹ ⱑⰶⰵ ⰽⱏ ⰿⰻⱃⱆ ⱅⰲⱁⰵⰿⱆ. ⱀⱏⰹⱀ̑ⱑ ⰶⰵ ⱆⰽⱃⱏⰹ ⱄⱔ. ⱁⱅⱏ ⱁⱍⱐⱓ ⱅⰲⱁⰵⱓ.

ⱑⰽⱁ ⱂⱃⰻⰴⱘⱅⱏ ⰴⱐⱀⱐⰵ ⱀⰰ ⱅⱔ. ⰺ҅ ⱁⰱⰾⱁⰶⱔⱅⱏ ⰲⱃⰰⰸⰻ ⱅⰲⱁⰹ. ⱁⱄⱅⱃⱁⰳⱏ ⱁ ⱅⰵⰱⱑ. ⰺ҅ ⱁⰱⰻⰴⱘⱅⱏ ⱅⱔ. ⰺ҅ ⱁⰽⱃⱁⱍⱔⱅⱏ ⱅⱔ ⰲⱏ ⱄⱘⰴⱆ.

ⰺ҅ ⱃⰰⰸⰱⱐⱙⱅⱏ ⱅⱔ. ⰺ҅ ⱍⱔⰴⰰ ⱅⰲⱁⱑ ⰲⱐ ⱅⰵⰱⱑ. Ⰺ҅ ⱀⰵ ⱁⱄⱅⰰⰲⱔⱅⱏ ⰽⰰⰿⰵⱀⰵ. ⱀⰰ ⰽⰰⰿⰵⱀⰻ ⰲⱐ ⱅⰵⰱⱑ. ⱂⱁⱀ̑ⰵⰶⰵ ⱀⰵ ⱃⰰⰸⱆⰿⱑ ⰲⱃⱑⰿⰵⱀⰵ ⱂⱁⱄⱑⱎⱅⰵⱀⱐⱓ ⱅⰲⱁⰵⰿⱆ.

Ⰺ҅ ⰲⱏⱎⱐⰴⱏ ⰲⱏ ⱌⱃⱏⰽⱁⰲⱐ. ⱀⰰⱍⱔⱅⱏ ⰺ҅ⰸⰳⱁⱀⰻⱅⰻ ⱂⱃⱁⰴⰰⱙⱎⱅⱔⱗ ⰳⱁⰾⱘⰱⰻ.

ⰳⰾ҃ⱔ ⰺ҅ⰿⱏ. ⱂⸯⱄⰰⱀⱁ ⰵⱄⱅⱏ. ⰺ҅ ⰱⱘⰴⰵⱅⱏ ⱈⱃⰰⰿⱏ ⰿⱁⰹ. ⱈⱃⰰⰿⱏ ⰿⱁⰾⰻⱅⰲⱑ. ⰲⱏⰹ ⰶⰵ ⱄⱏⱅⰲⱁⱃⰻⱄⱅⰵ ⰹ ⰲⱃⱏⱅⱏⱂⱏ ⱃⰰⰸⰱⱁⰺ҅ⱀⰻⰽⱁⰿⱏ.

ⰺ҅ ⰱⱑ ⱆⱍⱔ ⰲⱏ ⱌⱃⱏⰽⱏⰲⰵ ⱂⱁ ⰲⸯⱄⱔ ⰴⸯⱀⰻ. *̆ⰰⱃⱈⰻⰵⱃⰵⰹ ⰶⰵ ⰺ҅ ⰽⱏⱀⰻⰶⱐⱀⰻⱌⰻ. ⰺ҅ⱄⰽⰰⰰⱈⱘ ⰵⰳⱁ ⱂⱁⰳⱆⰱⰻⱅⰻ. ⰺ҅ ⱄⱅⰰⱃⱑⰹⱎⰻⱀⱏⰹ ⰾ̑ⱓⰴⱐⰿⱏ.

ⰺ҅ ⱀⰵ ⱁⰱⱃⱑⱅⰰⰰⱈⱘ ⱍⱐⱅⱁ ⱄⱏⱅⰲⱁⱃⱔⱅⱏ ⰵⰿⱆ. ⰾ̑ⱓⰴⱐⰵ ⰱⱁ ⰵⰳⱁ ⰲⱄⰻ ⰴⱃⱏⰶⰰⰰⱈⱘ ⱄⱔ. ⱂⱁⱄⰾⱆⱎⰰⱙⱎⱅⰵ ⰵⰳⱁ.