ЕВАНГЕЛИЕ ЕЖЕ Ѿ ЛОУКꙐ
1:1
Ⱂⱁⱀ̑ⰵⰶⰵ ⱆⰱⱁ. ⰿⱀⱁⰸⰻ ⱀⰰⱍⱔⱎⱔ. ⱍⰻⱀⰻⱅⰻ ⱂⱁⰲⱑⱄⱅⱐ. ⱁ ⰺⰸⰲⱑⱄⱅⱏⱀⱏⰺⱈⱏ ⰲⱏ ⱀⰰⱄⱏ ⰲⰵⱎⱅⰵⱈⱏ.
1:2
ⱑⰽⱁⰶⰵ ⱂⱃⱑⰴⰰⱎⱔ ⱀⰰⰿⱏ. ⰱⱏⰹⰲⱏⱎⰵⰹ ⰺ҅ⱄⰽⱁⱀⰻ ⱄⰰⰿⱁⰲⰻⰴⱐⱌⰻ. ⰺ҅ ⱄⰾⱆⰳⱏⰹ ⱄⰾⱁⰲⰵⱄⰻ.
1:3
ⰺ҅ⰸⰲⱁⰾⰻ ⱄⱔ ⰺ҅ ⰿⱐⱀⱑ ⱈⱁⰶⰴⱐⱎⱓ. ⰺ҅ⱄⱂⱃⱏⰲⰰ ⱂⱁ ⰲⱄⱑⱈⱏ. ⰲⱏ ⰺ҅ⱄⱅⰻⱀⱘ ⱂⱁ ⱃⱔⰴⱆ. ⱂⱄⰰⱅⰻ ⱅⰵⰱⱑ. ⱄⰾⰰⰲⱏⱀⱏⰺ ⱅⸯⰵⱁⱇⰻⰾⰵ.
1:4
ⰴⰰ ⱃⰰⰸⱆⰿⱑⰵⱎⰻ. ⱁ ⱀ̑ⰻⱈⱏⰶⰵ ⱀⰰⱆⱍⰻⰾⱏ ⱄⱔ ⰵⱄⰻ ⱄⰾⱁⰲⰵⱄⰵⱈⱏ. ⱆⱅⰲⱃⱏⰶⰴⰵⱀⱐⰵ.
1:5
ⰱⱏⰹⱄⱅⱏ ⰲⱏ ⰴⱐⱀⰻ ⰺ҅ⱃⱁⰴⰰ ⱌⱃ҃ⱑ. ⰺ҅ⱓⰴⰵⰺ҅ⱄⰽⰰ. ⰺ҅ⰵⱃⰵⰹ ⰵⱅⰵⱃⱏ ⰺ҅ⰿⰵⱀⰵⰿⱐ ⰸⰰⱈⰰⱃⰻⱑ. ⱁⱅⱏ ⰴⱐⱀⰵⰲⱏⱀⱏⰹⱗ ⱍⱃⱑⰴⱏⰹ ⰰⰲⰻⰰⱀ̑ⱔ. ⰺ҅ ⰶⰵⱀⰰ ⰵⰳⱁ ⱁⱅⱏ ⰴⱏⱎⱅⰵⱃⱏ ⰰⱃⱁⱀ̑ⱐ. ⰺ҅ⰿⱔ ⰵⰹ. ⰵⰾⰻⱄⰰⰲⰵⱅⱐ.
1:6
Ⰱⱑⰰⱎⰵⱅⰵ ⰶⰵ ⱁⰱⰰ ⱂⱃⰰⰲⱐⰴⱏⱀⰰ ⱂⱃⱑⰴⱏ ⰱ҃ⰿⱐ. ⱈⱁⰴⱔⱎⱅⰰ ⰲⱏ ⰸⰰⱂⱁⰲⱑⰴⱐⱈⱏ ⰲⱄⱑⱈⱏ. ⰺ҅ ⱁⱂⱃⰰⰲⱏⰴⰰⱀⰻⰹⱈⱏ ⰳⱀ҃ⰹⱈⱏ. ⰱⰵⱄ ⱂⱁⱃⱁⰽⰰ.
1:7
ⰺ҅ ⱀⰵ ⰱⱑ ⰺ҅ⰿⰰ ⱍⱔⰴⰰ. ⱂⱁⱀ̑ⰵⰶⰵ ⰱⱑ ⰵⰾⰻⱄⰰⰲⰵⱅⱐ ⱀⰵⱂⰾⱁⰴⱏⰹ. ⰺ҅ ⱁⰱⰰ ⰸⰰⰿⰰⱅⱁⱃⱑⰲⱏⱎⰰ ⰲⱏ ⰴⱐⱀⰵⱈⱏ ⱄⰲⱁⰹⱈⱏ ⰱⱑⰰⱎⰵⱅⰵ.
1:8
ⰱⱏⰹⱄⱅⱏ ⰶⰵ ⱄⰾⱆⰶⱔⱎⱅⱓ ⰿⱆ. ⰲⱏ ⱍⰻⱀⱆ ⱍⱃⱑⰴⱏⰹ ⱄⰲⱁⰵⱗ ⱂⱃⱑⰴⱏ ⰱ҃ⰿⱐ.
1:9
ⱂⱁ ⱁⰱⱏⰹⱍⰰⱓ ⰵⱃⱑⰺ҅ⱄⰽⱆⰿⱆ. ⰽⰾⱓⱍⰻ ⱄⱔ ⰵⰿⱆ ⱂⱁⰽⰰⰴⰻⱅⰻ. ⰲⱏⱎⱐⰴⱏⱎⱓ ⰲⱏ ⱌⱃⸯⰽⱁⰲⱐ ⰳⱀ҃ⱙ.
1:10
ⰺ҅ ⰲⱐⱄⰵ ⰿⱀⱁⰶⱐⱄⱅⰲⱁ ⰾ̑ⱓⰴⰹⰻ ⰱⱑ. ⰿⱁⰾⰻⱅⰲⱘ ⰴⱑⱗ. ⰲⱐⱀⱑ ⰲⱏ ⰳⱁⰴⱏ ⱅⱐⰿⰻⱑⱀⰰ.
1:11
ⰰⰲⰻ ⰶⰵ ⱄⱔ ⰵⰿⱆ ⰰⰼ҃ⰾⱏ ⰳⱀ҃ⱐ. ⱄⱅⱁⱗ ⱁ ⰴⰵⱄⱀⱘⱙ ⱁⰾⸯⱅⰰⱃⱑ ⰽⰰⰴⰻⰾⱐⱀⰰⰰⰳⱁ.
1:12
ⰺ҅ ⱄⱏⰿⱔⱅⰵ ⱄⱔ ⰸⰰⱈⰰⱃⰻⱑ ⰲⰻⰴⱑⰲⱏ. ⰺ҅ ⱄⱅⱃⰰⱈⱏ ⱀⰰⱂⰰⰴⰵ ⱀⰰ ⱀ̑ⱐ.
1:13
ⱃⰵⱍⰵ ⰶⰵ ⰽⱏ ⱀ̑ⰵⰿⱆ ⰰⰼ҃ⰾⱏ ⰳⱀ҃ⱐ. ⱀⰵ ⰱⱁⰺ ⱄⱔ ⰸⰰⱈⰰⱃⰻⱑ. ⰸⰰⱀ̑ⰵ ⱆⱄⰾⱏⰹⱎⰰⱀⰰ ⰱⱏⰹⱄⱅⱏ ⰿⱁⰾⰻⱅⰲⰰ ⱅⰲⱁⱑ. ⰺ҅ ⰶⰵⱀⰰ ⱅⰲⱁⱑ ⰵⰾⰻⱄⰰⰲⱐⱅⱐ. ⱃⱁⰴⰻⱅⱏ ⱄⱀ҃ⱏ ⱅⰵⰱⱑ. ⰺ҅ ⱀⰰⱃⰵⱍⰵⱎⰻ ⰺ҅ⰿⱔ ⰵⰿⱆ ⰺ҅ⱁⰰⱀⸯⱀⱏ.
1:14
ⰺ҅ ⰱⱘⰴⰵⱅⱏ ⱅⰵⰱⱑ ⱃⰰⰴⱁⱄⱅⱐ ⰺ҅ ⰲⰵⱄⰵⰾⱐⰵ. ⰺ҅ ⰿⱀⱁⰷⰻ ⱁ ⱃⱁⰶⰴⱐⱄⱅⰲⱑ ⰵⰳⱁ ⰲⱏⰸⰴⱃⰰⰴⱆⱙⱅⱏ ⱄⱔ.
1:15
ⰱⱘⰴⰵⱅⱏ ⰱⱁ ⰲⰵⰾⰻⰹ ⱂⱃⱑⰴⱏ ⰱ҃ⰿⱐ. ⰺ҅ ⰲⰻⱀⰰ ⰺ҅ ⱅⰲⱁⱃⰵⱀⰰ ⰽⰲⰰⱄⰰ. ⱀⰵ ⰺⰿⰰⱅⱏ ⱂⰻⱅⰻ. ⰺ҅ ⰴⱈ҃ⰰ ⱄⱅ҃ⰰ ⰺ҅ⱄⱂⰾⱏⱀⰻⱅⱏ ⱄⱔ. ⰵⱎⱅⰵ ⰶⰵ ⰺ҅ ⱍⱃⱑⰲⰰ ⰿⱃ҃ⰵ ⱄⰲⱁⰵⱗ.
1:16
ⰺ҅ ⰿⱀⱁⰳⱏⰹ ⱄⱀ҃ⱁⰲⱏ !ⰺⰾ̑ⰵⰲⱏ. ⱁⰱⱃⰰⱅⰻⱅⱏ ⰽⱏ !ⰳⱓ ⰱ҃ⱛ ⰺ҅ⱈⱏ.
1:17
ⰺ҅ ⱅⱏ ⱂⱃⱑⰴⱐⰺ҅ⰴⰵⱅⱏ ⱂⱃⱑⰴⱐ ⱀ̑ⰻⰿⱐ. ⰴⱈ҃ⱁⰿⱐ ⰺ҅ ⱄⰻⰾⱁⱙ ⰺ҅ⰾⰻⰹⱀⱁⱙ. ⱁⰱⱃⰰⱅⰻⱅⰻ !ⱄⱃⰴⱐⱌⰰ !ⱁⱌⰿⱏ ⱀⰰ ⱍⱔⰴⰰ. ⰺ҅ ⱂⱃⱁⱅⰻⰲⱏⱀⱏⰹⱗ. ⰲⱏ ⰿⱘⰴⱃⱁⱄⱅⱐ ⱂⱃⰰⰲⱐⰴⱏⱀⱏⰺⱈⱏ. ⱆⰳⱁⱅⱁⰲⰰⱅⰻ ⰳⰲ҃ⰻ ⰾ̑ⱓⰴⰻ ⱄⱏⰲⱃⱏⱎⰵⱀⱏⰹ.
1:18
ⰺ҅ ⱃⰵⱍⰵ ⰸⰰⱈⰰⱃⰻⱑ ⰽⱏ ⰰⰼ҃ⰾⱆ. ⱂⱁ ⱍⱐⱄⱁⰿⱆ ⱃⰰⰸⱆⰿⱑⱙ ⱄⰵ. *̆ⰰⰸⱏ ⰱⱁ ⰵⱄⰿⱐ ⱄⱅⰰⱃⱏ. ⰺ҅ ⰶⰵⱀⰰ ⰿⱁⱑ ⰸⰰⰿⰰⱅⱁⱃⱑⰲⱏⱎⰻ ⰲⱏ ⰴⱐⱀⱐⱈⱏ ⱄⰲⱁⰺ҅ⱈⱏ.
1:19
ⰺ҅ ⱁⱅⱏⰲⱑⱎⱅⰰⰲⱏ ⰰⰼ҃ⰾⱏ ⱃⰵⱍⰵ ⰵⰿⱆ. ⰰⰸⱏ ⰵⱄⰿⱐ ⰳⰰⰲⱃⰻⰹⰾⱏ. ⱂⱃⱑⱄⱅⱁⱗⰹ ⱂⱃⱑⰴⱏ ⰱ҃ⰿⱐ. ⰺ҅ ⱂⱁⱄⱏⰾⰰⱀⱏ ⰵⱄⰿⱐ ⰳⰾ҃ⰰⱅⰻ ⱅⰵⰱⱑ. ⰺ҅ ⰱⰾⰰⰳⱁⰲⱑⱄⱅⰻⱅⰹ ⱅⰵⰱⱑ ⱄⰵ.
1:20
ⰺ҅ ⱄⰵ ⰱⱘⰴⰵⱎⰻ ⰿⰾⱐⱍⱔ. ⰴⱁ ⱀ̑ⰵⰳⱁⰶⰵ ⰴⱐⱀⰵ ⰱⱘⰴⰵⱅⱏ ⱄⰵ. ⰸⰰⱀ̑ⰵ ⱀⰵ ⰲⱑⱃⱁⰲⰰ. ⱄⰾⱁⰲⰵⱄⰵⰿⱏ ⰿⱁⰺⰿⱏ. ⱑⰶⰵ ⱄⱏⰱⱘⰴⱘⱅⱏ ⱄⱔ ⰲⱐ ⰲⱃⱑⰿⱔ ⱄⰲⱁⱗ.
1:21
ⰺ҅ ⰱⱑⱎⱔ ⰾ̑ⱓⰴⱐⰵ ⰶⰻⰴⱘⱎⱅⰵ ⰸⰰⱈⰰⱃⰻⱗ. ⰺ҅ ⱍⱓⰶⰴⰰⰰⱈⱘ ⱄⱔ ⰵⰶⰵ ⰿⱘⰶⰴⰰⰰⱎⰵ ⰲⱏ ⱌⱃ҃ⰽⱏⰲⰵ.
1:22
ⰺ҅ ⱅⱏ ⰱⱑ ⱂⱁⰿⰰⰲⰰⱗ ⰺ҅ⰿⱏ. ⰺ҅ ⱂⱃⱑⰱⱏⰹⰲⰰⰰⱎⰵ ⱀⱑⰿⱏ.
1:23
ⰺ҅ ⰱⱏⰹⱄⱅⱏ ⱑⰽⱁ ⰺ҅ⱄⱂⰾⱏⱀⰻⱎⱔ ⱄⱔ ⰴⱐⱀⱐⰵ. ⱄⰾⱆⰶⱐⰱⱏⰹ ⰵⰳⱁ. ⰺ҅ⰴⰵ ⰲⱏ ⰴⱁⰿⱏ ⱄⰲⱁⰹ.
1:24
ⱂⱁ ⱄⰻⱈⱏ ⰶⰵ ⰴⱐⱀⱐⱈⱏ. ⰸⰰⱍⱔⱅⱏ ⰵⰾⰻⱄⰰⰲⱐⱅⱐ ⰶⰵⱀⰰ ⰵⰳⱁ. ⰺ҅ ⱅⰰⱑⱎⰵ ⱂⱔⱅⱐ !ⰿⱌⱐ ⰳⰾ̑ⱙⱎⱅⰻ.
1:25
ⱑⰽⱁ ⱅⰰⰽⱁ ⱄⱏⱅⰲⱁⱃⰻ ⰿⱀⱑ ⰳ҃ⱐ. ⰲⱏ ⰴⱐⱀⰻ ⰲⱐ ⱀ̑ⱔⰶⰵ ⱂⱃⰻⰸⱐⱃⱑ. ⱁⱅⱏⱗⱅⰻ ⱂⱁⱀⱁⱎⰵⱀⱐⰵ ⰿⱁⰵ ⱁⱅⱏ ⱍⰽ҃ⱏ.
1:26
Ⰲⱐ ⱎⰵⱄⱅⱏⰹ ⰶⰵ !ⰿⱌⱐ. ⱂⱁⱄⱏⰾⰰⱀⱏ ⰱⱏⰹ!ⱄ !̆ⰰⰼⰾⱏ ⰳⰰⰲⱐⱃⰻⰹⰾⱏ. ⱁⱅⱏ ⰱ҃ⰰ. ⰲⱏ ⰳⱃⰰⰴⱏ ⰳⰰⰾⰻⰾⰵⰺ҅ⱄⰽⱏ. ⰵⰿⱆⰶⰵ ⰺ҅ⰿⱔ ⱀⰰⰸⰰⱃⰵⱅⱏ.
1:27
ⰽⱏ ⰴⱑⰲⱑ ⱁⰱⱃⱘⱍⰵⱀⱑ ⰿⱘⰶⰵⰲⰻ. ⰵⰿⱆⰶⰵ ⰺ҅ⰿⱔ ⰺ҅ⱁⱄⰻⱇⱏ. ⱁⱅⱏ ⰴⱁⰿⱆ !ⰴⰰⰲⰰ. ⰺ҅ⰿⱔ ⰴⱑⰲⱑ ⰿⰰⱃⰻⱑ.
1:28
ⰺ҅ ⰲⱏⱎⱐⰴⱏ ⰽⱏ ⱀ̑ⰵⰹ ⰰⰼ҃ⰾⱏ ⱃⰵⱍⰵ. ⱃⰰⰴⱆⰹ ⱄⱔ ⰱⰾⰰⰳⱁⰴⱑⱅⱏⱀⰰⱑ ⰳ҃ⱐ ⱄⱏ ⱅⱁⰱⱁⱙ. !ⰱⰾⰳⱄⰲ̑ⰵⱀⰰ ⱅⱏⰹ ⰲⱏ ⰶⰵⱀⰰⱈⱏ.
1:29
̆ⱉⱀⰰ ⰶⰵ ⱄⰾⱏⰹⱎⰰⰲⱏⱎⰻ ⱄⱏⰿⱔⱅⰵ ⱄⱔ ⱁ ⱄⰾⱁⰲⰵⱄⰻ ⰵⰳⱁ. ⰺ҅ ⱂⱁⰿⱏⰹⱎⰾ̑ⱑⰰⱎⰵ ⰲⱐ ⱄⰵⰱⱑ. ⰽⰰⰽⱁ ⱄⰵ ⰱⱘⰴⰵⱅⱏ ⱌⱑⰾⱁⰲⰰⱀⱐⰵ.
1:30
ⰺ҅ ⱃⰵⱍⰵ ⰵⰹ ⰰⰼ҃ⰾⱏ. ⱀⰵ ⰱⱁⰺ ⱄⱔ ⰿⰰⱃⰻⰵ. ⱁⰱⱃⱑⱅⰵ ⰱⱁ ⰱⰾⰰⰳⱁⰴⱑⱅⱐ ⱁⱅⱏ ⰱ҃ⰰ.
1:31
ⰺ҅ ⱄⰵ ⰸⰰⱍⱐⱀⰵⱎⰻ ⰲⱐ ⱍⱃⱑⰲⱑ. ⰺ҅ ⱃⱁⰴⰻⱎⰻ ⱄⱀ҃ⱏ. ⰺ҅ ⱀⰰⱃⰵⱍⰵⱎⰻ ⰺ҅ⰿⱔ ⰵⰿⱆ ⰻⱄ҃.
1:32
ⱄⱐ ⰱⱘⰴⰵⱅⱏ ⰲⰵⰾⰹⰻ. ⰺ҅ ⱄⱀ҃ⱏ ⰲⱏⰹⱎⱐⱀ̑ⱑⰰⰳⱁ ⱀⰰⱃⰵⱍⰵⱅⱏ ⱄⱔ. ⰺ҅ ⰴⰰⱄⱅⱏ ⰵⰿⱆ ⰳ҃ⱐ ⰱ҃ⱏ. ⱂⱃⱑⱄⱅⱁⰾⱏ ⰴⰰ҃ⰴⰰ ⱁⱌ҃ⰰ ⰵⰳⱁ.
1:33
ⰺ҅ !ⰲⱏⱌⱃⰻⱅⱏ ⱄⱔ ⰲⱏ ⰴⱁⰿⱆ. ⰺ҅ⱑⰽⱁⰲⰾ̑ⰻ. ⰲⱏ ⰲⱑⰽⱏⰹ. ⰺ҅ ⱌⱃ҃ⱄⱅⰲⱆ ⰵⰳⱁ ⱀⰵ ⰱⱘⰴⰵⱅⱏ ⰽⱁⱀⱐⱌⰰ.
1:34
Ⱃⰵⱍⰵ ⰶⰵ ⰿⰰⱃⰻⱑ ⰽⱏ ⰰⰼ҃ⰾⱆ. ⰽⰰⰽⱁ ⰱⱘⰴⰵⱅⱏ ⱄⰵ. ⰺ҅ⰶⰴⰵ ⰿⱘⰶⰰ ⱀⰵ ⰸⱀⰰⱙ.
1:35
ⰺ҅ ⱁⱅⱏⰲⱑⱎⱅⰰⰲⱏ ⰰⰼ҃ⰾⱏ ⱃⰵⱍⰵ ⰵⰹ. ⰴⱈ҃ⱏ ⱄⱅ҃ⱏⰹ ⱀⰰⰺ҅ⰴⰵⱅⱏ ⱀⰰ ⱅⱔ. ⰺ҅ ⱄⰻⰾⰰ ⰲⱏⰹⱎⱐⱀ̑ⱑⰰⰳⱁ ⱁⱄⱑⱀⰻⱅⱏ ⱅⱔ. ⱅⱑⰿⱐ ⰶⰵ ⰺ ⰵⰶⰵ ⱃⱁⰴⰻⱅⱏ ⱄⱔ. ⱄⱅ҃ⱁ ⱀⰰⱃⰵⱍⰵⱅⱏ ⱄⱔ ⱄⱀ҃ⱏ ⰱⰶ҃ⰹⰻ.
1:36
ⰺ҅ ⱄⰵ ⰵⰾⰻⱄⰰⰲⱐⱅⱐ. ⱘⰶⰻⰽⰰ ⱅⰲⱁⱑ. ⰺ҅ ⱅⰰ ⰸⰰⱍⱐⱀⰵⱅⱏ ⰲⱏ ⱄⱅⰰⱃⱁⱄⱅⱐ ⱄⰲⱁⱙ. ⰺ҅ ⱄⱐ !ⰿⱌⱐ ⱎⰵⱄⱅⱏⰹ ⰵⱄⱅⱏ ⰵⰹ. ⱀⰰⱃⰻⱌⰰⰵⰿⱑⰹ ⱀⰵⱂⰾⱁⰴⱏⰲⰻ.
1:37
ⱑⰽⱁ ⱀⰵ ⰺ҅ⰸⱀⰵⰿⱁⰶⰵⱅⱏ ⱁⱅⱏ ⰱ҃ⰰ ⰲⱐⱄⱑⰽⱏ ⰳⰾ҃ⱏ.
1:38
ⱃⰵⱍⰵ ⰶⰵ ⰿⰰⱃⱐⱑ. ⱄⰵ ⱃⰰⰱⰰ ⰳⱀ҃ⱑ. ⰱⱘⰴⰻ ⰿⸯⱀⱑ ⱂⱁ !ⰳⰾⱆ ⱅⰲⱁⰵⰿⱆ. ⰺ҅ ⱁⱅⰻⰴⰵ ⱁⱅⱏ ⱀ̑ⰵⱗ ⰰⰼ҃ⰾⱏ.
1:39
ⰲⱏⱄⱅⰰⰲⱏⱎⰻ ⰶⰵ ⰿⰰⱃⰻⱑ ⰲⱏ ⱅⱏⰹ ⰴⱀⰻ. ⰺ҅ⰴⰵ ⰲⱏ ⰳⱁⱃⱘ ⱄⱏ ⱅⱏⱎⱅⰰⱀⱐⰵⰿⱐ. ⰲⱏ ⰳⱃⰰⰴⱏ ⰺ҅ⱓⰴⱁⰲⱏ.
1:40
ⰺ҅ ⰲⱐⱀⰻⰴⰵ ⰲⱏ ⰴⱁⰿⱏ ⰸⰰⱈⰰⱃⰹⰻⱀⱏ. ⰺ҅ ⱌⱑⰾⱁⰲⰰ ⰵⰾⰻⱄⰰⰲⱐⱅⱐ.
1:41
ⰺ҅ ⰱⱏⰹⱄⱅⱏ ⱑⰽⱁ ⱆⱄⰾⱏⰹⱎⰰ ⰵⰾⰻⱄⰰⰲⱐⱅⱐ. ⱌⱑⰾⱁⰲⰰⱀⱐⰵ ⰿⰰⱃⰹⰻⱀⱁ. ⰲⱐⰸⰻⰳⱃⰰ ⱄⱔ ⰿⰾⰰⰴⱐⱀⱐⱌⱐ ⱃⰰⰴⱁⱎⱅⰰⰿⰻ ⰲⱐ ⱍⱃⱑⰲⱑ ⰵⱗ. ⰺ҅ ⰻⱄⱂⰾⱏⱀⰻ ⱄⱔ ⰴⱈ҃ⱁⰿⱐ ⱄⱅ҃ⱏⰺⰿⱐ ⰵⰾⰻⱄⰰⰲⱐⱅⱐ.
1:42
ⰺ҅ ⰲⱏⰸⱏⱂⰻ ⰳⰾⰰⱄⱁⰿⱐ ⰲⰵⰾⱐⰵⰿⱐ ⰺ҅ ⱃⰵⱍⰵ. !ⰱⰾⰳⰲⱀⰰ ⱅⱏⰹ ⰲⱐ ⰶⰵⱀⰰⱈⱏ. ⰺ҅ !ⰱⰾⰳⱄⰲⰵⱀⱏ ⱂⰾⱁⰴⱏ ⱍⱃⱑⰲⰰ ⱅⰲⱁⰵⰳⱁ.
1:43
ⰺ҅ ⱁⱅⱏⰽⱘⰴⱆ ⱄⰵ. ⰴⰰ ⱂⱃⰻⰴⰵⱅⱏ ⰿⰰⱅⰻ ⰳ҃ⰻ ⰿⱁⰵⰳⱁ ⰽⱏ ⰿⱀⱑ.
1:44
ⱄⰵ ⰱⱁ ⱑⰽⱁ ⰱⱏⰹⱄⱅⱏ ⰳⰾⰰⱄⱏ. ⱌⱑⰾⱁⰲⰰⱀⱐⱑ ⱅⰲⱁⰵⰳⱁ. ⰲⱏ ⱆⱎⱐⱓ ⰿⱁⰵⱓ. ⰲⱐⰸⰻⰳⱃⰰ ⱄⱔ ⰿⰾⰰⰴⱑⱀⰻⱎⱅⱐ ⱃⰰⰴⱁⱎⱅⰰⰿⰻ ⰲⱐ ⱍⱃⱑⰲⱑ ⰿⱁⰵⰿⱐ.
1:45
ⰺ҅ ⰱⰾⰰⰶⰵⱀⰰ ⱑⰶⰵ ⰲⱑⱃⱘ ⱗⱅⱏ. ⱑⰽⱁ ⰱⱘⰴⰵⱅⱏ ⱄⱏⰲⱃⱏⱎⰵⱀⱐⰵ. ⰳⰾ҃ⰰⱀⱏⰹⰿⱏ ⱁⱅⱏ !ⰳⱑ.
1:46
ⰺ҅ ⱃⰵⱍⰵ ⰿⰰⱃⰻⱑ. ⰲⰵⰾⰻⱍⰻⱅⱏ ⰴⱎ҃ⰰ ⰿⱁⱑ !ⰳⱑ.
1:47
ⰺ҅ ⰲⱐⰸⰴⱃⰰⰴⱁⰲⰰ ⱄⱔ ⰴⱈ҃ⱏ ⰿⱁⰹ. ⱁ !ⰱⰷⱑ !ⱄⱂⱑ ⰿⱁⰵⰿⱐ.
1:48
ⱑⰽⱁ ⱂⱃⰻⰸⱐⱃⱑ ⱀⰰ ⱄⱏⰿⱑⱃⰵⱀⱐⰵ ⱃⰰⰱⱏⰹ ⱄⰲⱁⰵⱗ. ⱄⰵ ⰱⱁ ⱁⱅⱏⱄⰵⰾⱑ ⰱⰾⰰⰶⱔⱅⱏ ⰿⱔ ⰲⱐⱄⰻ ⱃⱁⰴⰻ.
1:49
ⱑⰽⱁ ⱄⱏⱅⰲⱁⱃⰻ ⰿⱐⱀⱑ ⰲⰵⰾⰻⱍⰻⰵ ⱄⰻⰾⱏⱀⱏⰹ. ⰺ҅ ⱄⱅ҃ⱁ ⰺ҅ⰿⱔ ⰵⰳⱁ.
1:50
ⰺ҅ ⰿⰻⰾⱁⱄⱅⱐ ⰵⰳⱁ ⰲⱏ ⱃⱁⰴⱏⰹ ⰺ҅ ⱃⱁⰴⱏ ⰱⱁⱗⱎⱅⰻⰹⰿⱏ ⱄⱔ ⰵⰳⱁ.
1:51
ⱄⱏⱅⰲⱁⱃⰻ ⰴⱃⱏⰶⰰⰲⱘ ⰿⱏⰹⱎⱐⱌⰵⱙ ⱄⰲⱁⰵⱙ. ⱃⰰⱄⱅⱁⱍⰻ ⰳⱃⱏⰴⱏⰹⱗ ⰿⱏⰹⱄⰾⱐⱙ ⱄⱃⱏⰴⱐⱌⰰ ⰺ҅ⱈⱏ.
1:52
ⱀⰻⰸⱏⰾⱁⰶⰻ ⱄⰻⰾⱏⱀⱏⰹⱗ ⱄⱏ ⱂⱃⱑⱄⱅⱁⰾⱏ. ⰺ҅ ⰲⱐⰸⱀⰵⱄⰵ ⱄⱏⰿⱑⱃⰵⱀⱏⰹⱗ.
1:53
ⰾⰰⱍⱘⱎⱅⱔⱗ ⰺ҅ⱄⱂⰾⱏⱀⰻ ⰱⰾⰰⰳⱏ. ⰺ҅ ⰱⱁⰳⰰⱅⱔⱎⱅⱔⱗ ⱄⱔ ⱁⱅⱏⱂⱆⱄⱅⰻ ⱅⱏⱎⱅⱔ.
1:54
ⱂⱃⰻⱗⱅⱏ !ⰺⰾ̑ⱑ ⱁⱅⱃⱁⰽⰰ ⱄⰲⱁⰵⰳⱁ. ⱂⱁⰿⱑⱀⱘⱅⰻ ⰿⰻⰾⱁⱄⱅⱐ.
1:55
ⱑⰽⱁⰶⰵ ⰳⰾ҃ⰰ ⰽⱏ ⱁⱌ҃ⰵⰿⱏ ⱀⰰⱎⰻⰿⱏ. ⰰⰲⱃⰰⰿⱆ ⰺ҅ ⱄⱑⰿⰵⱀⰵ ⰵⰳⱁ ⰴⱁ ⰲⱑⰽⰰ.
1:56
ⱂⱃⱑⰱⱏⰹⱄⱅⱏ ⰶⰵ ⰿⰰⱃⰻⱑ ⱄⱏ ⱀ̑ⰵⱙ. ⱑⰽⱁ ⱅⱃⰻ !ⰿⱌⱔ ⰺ҅ ⰲⱏⰸⰲⱃⰰⱅⰻ ⱄⱔ ⰲⱏ ⰴⱁⰿⱏ ⱄⰲⱁⰹ.
1:57
ⰵⰾⰻⱄⰰⰲⰵⱅⰻ ⰶⰵ ⰺ҅ⱄⱂⰾⱏⱀⰻⱎⱔ ⱄⱔ ⰴⱐⱀⱐⰵ ⱃⱁⰴⰻⱅⰻ ⰵⰹ. ⰺ ⱃⱁⰴⰻ ⱄⱀ҃ⱏ.
1:58
ⰺ҅ ⱄⰾⱏⰹⱎⰰⱎⱔ ⱁⰽⱃⱏⱄⱅⱏ ⰶⰻⰲⱘⱎⱅⰵⰹ. ⰺ҅ ⱃⱁⰶⰴⰵⱀⱐⰵ ⰵⱗ. ⱑⰽⱁ ⰲⱐⰸⰲⰵⰾⰻⱍⰻⰾⱏ ⰵⱄⱅⱏ ⰳ҃ⱐ. ⰿⰻⰾⱁⱄⱅⱐ ⱄⰲⱁⱙ ⱄⱏ ⱀ̑ⰵⱙ.
1:59
ⰺ҅ ⰱⱏⰹⱄⱅⱏ ⰲⱏ ⱁⱄⰿⱐⰹ ⰴⱐⱀⱐ. ⱂⱃⰻⰴⱘ ⱁⰱⱃⱑⰸⰰⱅⱏ ⱁⱅⱃⱁⱍⱔⱅⰵ. ⰺ҅ ⱀⰰⱃⰻⱌⰰⰰⱈⱘ ⰵ. ⰺ҅ⰿⰵⱀⰵⰿⱐ. ⱁⱌ҃ⰰ ⱄⰲⱁⰵⰳⱁ ⰸⰰⱈⰰⱃⰻⱗ.
1:60
ⰺ҅ ⱁⱅⱏⰲⱑⱎⱅⰰⰲⱏⱎⰻ ⰿⱅ҃ⰻ ⰵⰳⱁ ⱃⰵⱍⰵ. ⱀⰻ. ⱀⱏ ⰴⰰ ⱀⰰⱃⰵⱍⰵⱅⱏ ⱄⱔ ⰺ҅ⰿⱔ ⰵⰿⱆ ⰺ҅ⱁⰰⱀⱏ.
1:61
ⰺ҅ ⱃⱑⱎⱔ ⰵⰻ. ⱑⰽⱁ ⱀⰻⰽⱏⱅⱁⰶⰵ ⰵⱄⱅⱏ ⱁⱅⱏ ⱃⱁⰶⰴⰵⱀⱐⱑ ⱅⰲⱁⰵⰳⱁ. ⰺ҅ⰶⰵ ⱀⰰⱃⰻⱌⰰⰵⱅⱏ ⱄⱔ ⰺ҅ⰿⰵⱀⰵⰿⱐ ⱅⱑⰿⱐ.
1:62
ⱂⱁⰿⰰⰲⰰⰰⱎⰵ ⰶⰵ ⱁⱌ҃ⱐ ⰵⰳⱁ. ⰽⰰⰽⱁ ⰱⰻ ⱈⱁⱅⱑⰾⱏ ⱀⰰⱃⰵⱎⱅⰻ ⰵ.
1:63
ⰺ҅ ⰻⱄⱂⱃⱁⱎⱐ ⰴⱏⱎⱅⰻⱌⱘ ⱀⰰⱂⱄⰰ. ⰳⰾ҃ⱔ. ⰺ҅ⱁⰰⱀⱏ ⰵⱄⱅⱏ ⰺ҅ⰿⱔ ⰵⰿⱆ. ⰺ҅ ⱍⱓⰴⰻⱎⱔ ⱄⱔ ⰵⰿⱆ ⰲⸯⱄⰻ.
1:64
ⱁⱅⰲⱃⱏⰸⱁⱎⱔ ⰶⰵ ⱄⱔ ⱆⱄⱅⰰ ⰵⰳⱁ ⰰⰱⱐⰵ. ⰺ҅ ⱗⰸⱏⰹⰽⱏ ⰵⰳⱁ. ⰺ҅ ⰳⰾ҃ⰰⰰⱎⰵ. !ⰱⰳⱄⰲⱄⱅⱔ ⰱ҃ⰰ.
1:65
ⰺ҅ ⰱⱏⰹ!ⱄ ⱀⰰ ⰲⱄⱑⱈⱏ ⱄⱅⱃⰰⱈⱏ. ⰶⰻⰲⱘⱎⱅⰻⰹⱈⱏ ⱁⰽⱃⱏⱄⱅⱏ ⰺ҅ⱈⱏ. ⰺ҅ ⰲⱐⱄⰵⰹ ⱄⱅⱃⱑⱀⱑ ⰺ҅ⱓⰴⱑⰺ҅ⱄⱌⱑⰻ. ⱂⱁⰲⱑⰴⰰⰵⰿⰻ ⰱⱑⰰⱈⱘ ⰲⱄⰻ ⰳⰾ҃ⰻ ⱄⰹⰻ.
1:66
ⰺ҅ ⱂⱁⰾⱁⰶⰻⱎⱔ ⰲⱄⰻ ⱄⰾⱏⰹⱎⰰⰲⱏⱎⰵⰹ ⱀⰰ ⱄⱃⸯⰴⱐⱌⰻⱈⱏ ⱄⰲⱁⰺ҅ⱈⱏ. ⰳⰾ̑ⱙⱎⱅⰵ. ⱍⱐⱅⱁ ⱆⰱⱁ ⱁⱅⱃⱁⱍⱔ ⱄⰵ ⰱⱘⰴⰵⱅⱏ. ⰺ҅ ⱃⱘⰽⰰ ⰳⱀ҃ⱑ ⰱⱑ ⱄⱏ ⱀ̑ⰻⰿⱐ.
1:67
ⰺ҅ ⰸⰰⱈⰰⱃⰻⱑ ⱁⱌ҃ⱐ ⰵⰳⱁ. ⰺ҅ⱄⱂⰾⱏⱀⰻ ⱄⱔ ⰴⱈ҃ⱁⰿⱐ ⱄⱅ҃ⱏⰺⰿⱐ. ⰺ҅ ⱂⱃⱁⱃⱁⱍⱐⱄⱅⰲⱁⰲⰰ ⰳⰾ҃ⱔ:
1:68
!ⰱⰾⰳⱄⱀⱏ ⰳ҃ⱐ ⰱ҃ⱏ !ⰺ҅ⰾ̑ⰵⰲⱏ. ⱑⰽⱁ ⱂⱁⱄⱑⱅⰻ ⰺ҅ ⱄⱏⱅⰲⱁⱃⰻ ⰺ҅ⰸⰱⰰⰲⰾ̑ⰵⱀⱐⰵ ⰾ̑ⱓⰴⱐⰿⱏ ⱄⰲⱁⰺ҅ⰿⱏ.
1:69
Ⰺ҅ ⰲⱐⰸⰴⰲⰻⰶⰵ ⱃⱁⰳⱏ ⱄⱂ҃ⰵⱀⱐⱑ ⱀⰰⱎⰵⰳⱁ. ⰲⱏ ⰴⱁⰿⱆ !ⰴⰰⰲⱑ. ⱁⱅⱃⱁⰽⰰ ⱄⰲⱁⰵⰳⱁ.
1:70
Ⱑⰽⱁⰶⰵ ⰳⰾ҃ⰰ ⱆⱄⱅⱏⰹ ⱄⱅ҃ⱏⰺⱈ. ⱄⱘⱎⱅⰻⰹⱈⱏ ⱁⱅⱏ ⰲⱑⰽⰰ. ⱂⱃⱁⱃⱁⰽⱏ %̆ⰵⰳⱁ.
1:71
ⱄⱂ҃ⰵⱀⱐⰵ ⱁⱅⱏ ⰲⱃⰰⰳⱏ ⱀⰰⱎⰻⱈⱏ. ⰺ҅ⰸⰴ ⱃⱘⰽⱏⰹ ⰲⱐⱄⱑⱈⱏ. ⱀⰵⱀⰰⰲⰻⰴⱔⱎⱅⰻⱈⱏ ⱀⰰⱄⱏ.
1:72
Ⱄⱏⱅⰲⱁⱃⰻⱅⰻ ⰿⰻⰾⱁⱄⱅⱐ ⱄⱏ !ⱁⱌⰻ ⱀⰰⱎⰻⰿⰻ. ⰺ҅ ⱂⱁⰿⱑⱀⱘⱅⰻ ⰸⰰⰲⱑⱅⱏ ⱄⱅ҃ⱁⰹ ⱄⰲⱁⰹ.
1:73
Ⰽⰾⱔⱅⰲⱘ ⰵⱙⰶⰵ ⰽⰾⱔⱅⱏ ⱄⱔ ⰽⱏ ⰰⰲⱃⰰⰿⱆ ⱁⱌ҃ⱓ ⱀⰰⱎⰵⰿⱆ. ⰴⰰⱅⰻ ⱀⰰⰿⱏ
1:74
ⰱⰵⱄⱅⱃⰰⱈⰰ. ⰺ҅ⰸⰴ ⱃⱘⰽⱏⰹ ⰲⱃⰰⰳⱏ ⱀⰰⱎⰻⱈⱏ ⰺ҅ⰸⰱⰰⰲⰾ̑ⱐⱎⰵⰿⱏ ⱄⱔ. Ⱄⰾⱆⰶⰻⱅⰻ %̆ⰵⰿⱆ
1:75
ⱂⱃⱑⱂⱁⰴⱁⰱⱐⰵⰿⱐ. ⰺ҅ ⱂ!ⱃⰰⰲⱏⰴⱁⱙ ⱂⱃⱑⰴⱐ ⱀ̑ⰻⰿⱐ ⰲⱄⱔ ⰴⱐⱀⰻ ⰶⰻⰲⱁⱅⰰ ⱀⰰⱎⰵⰳⱁ.
1:76
Ⰺ҅ ⱅⱏⰹ ⱁⱅⱃⱁⱍⱔ ⱂⱃⱁⱃⱁⰽⱏ ⰲⱏⰹⱎⱐⱀ̑ⱑⰳⱁ ⱀⰰⱃⰵⱍⰵⱎⰻ ⱄⱔ. ⱂⱃⱑⰴⱏⰺ҅ⰴⰵⱎⰻ ⰱⱁ ⱂⱃⱑⰴⱏ ⰾⰻⱌⰵⰿⱐ ⰳⱀ҃ⰵⰿⱐ. ⱆⰳⱁⱅⱁⰲⰰⱅⰻ ⱂⱘⱅⱐ ⰵⰳⱁ.
1:77
ⰴⰰⱅⰻ ⱃⰰⰸⱆⰿⱏ ⱄⱂ҃ⰵⱀⱐⱑ ⰾ̑ⱓⰴⰵⰿⱏ ⰵⰳⱁ ⰲⱏ ⱁⱄⱅⰰⰲⰾ̑ⰵⱀⱐⰵ ⰲⱏ ⱁⱅⱏⱂⱆⱎⱅⰵⱀⱐⰵ ⰳⱃⱑⱈⱏ ⱀⰰⱎⰻⱈⱏ.
1:78
ⰿⰻⰾⱁⱄⱃⱏⰴⱐⰹ ⱃⰰⰴⰻ ⰿⰻⰾⱁⱄⱅⰻ ⰱ҃ⰰ ⱀⰰⱎⰵⰳⱁ. ⰲⱐ ⱀ̑ⰻⱈⱐⰶⰵ ⱂⱁⱄⱑⱅⰻ ⱀⰰⱄⱏ. ⰲⱏⱄⱅⱁⰽⱏ ⱄⱏⰲⱏⰹⱎⰵ
1:79
ⱂⱃⱁⱄⰲⱑⱅⰻⱅⰻ ⱄⱑⰴⱔⱎⱅⱔⱗ ⰲⱏ ⱅⱏⰿⱑ ⰺ҅ ⰲⸯ ⱄⱑⱀⰻ ⱄⱏⰿⱃⱏⱅⱐⱀⱑⰹ. ⱀⰰⱂⱃⰰⰲⰻⱅⰻ ⱀⱁⰳⱏⰹ ⱀⰰⱎⱔ ⱀⰰ ⱂⱘⱅⱐ ⰿⰻⱃⰵⱀⱏ.
1:80
ⱁⱅⱃⱁⱍⱔ ⰶⰵ ⱃⰰⱄⱅⱑⰰⱎⰵ. ⰺ҅ ⰽⱃⱑⱂⰾ̑ⱑⰰⱎⰵ ⱄⱔ ⰴⱈ҃ⱁⰿⱐ. ⰺ҅ ⰱⱑ ⰲⱏ ⱂⱆⱄⱅⱏⰹⱀ̑ⱑⱈⱏ. ⰴⱁ ⰴⱐⱀⰵ ⰰⰲⰾ̑ⰵⱀⱐⱑ ⱄⰲⱁⰵⰳⱁ ⰽⱏ !ⰺⰾ̑ⱓ. !ⰽⱁ!ⱌ.