Пон̑еже оубо. мнози начѧшѧ. чинити повѣсть. о ꙇзвѣстънъꙇхъ въ насъ вештехъ.

ѣкоже прѣдашѧ намъ. бꙑвъшеі ꙇ҅скони самовидьци. ꙇ҅ слоугꙑ словеси.

ꙇ҅зволи сѧ ꙇ҅ мьнѣ хождьшю. ꙇ҅спръва по всѣхъ. въ ꙇ҅стинѫ по рѧдоу. псати тебѣ. славънъꙇ тⸯеофиле.

да разоумѣеши. о н̑ихъже наоучилъ сѧ еси словесехъ. оутвръжденье.

бꙑстъ въ дьни ꙇ҅рода цр҃ѣ. ꙇ҅юдеꙇ҅ска. ꙇ҅ереі етеръ ꙇ҅менемь захариѣ. отъ дьневънꙑѩ чрѣдꙑ авиан̑ѧ. ꙇ҅ жена его отъ дъштеръ арон̑ь. ꙇ҅мѧ еі. елисаветь.

Бѣашете же оба правьдъна прѣдъ б҃мь. ходѧшта въ заповѣдьхъ всѣхъ. ꙇ҅ оправъданиіхъ гн҃іхъ. бес порока.

ꙇ҅ не бѣ ꙇ҅ма чѧда. пон̑еже бѣ елисаветь неплодꙑ. ꙇ҅ оба заматорѣвъша въ дьнехъ своіхъ бѣашете.

бꙑстъ же слоужѧштю моу. въ чиноу чрѣдꙑ своеѩ прѣдъ б҃мь.

по обꙑчаю ерѣꙇ҅скоумоу. ключи сѧ емоу покадити. въшьдъшю въ црⸯковь гн҃ѭ.

ꙇ҅ вьсе множьство л̑юдіи бѣ. молитвѫ дѣѩ. вьнѣ въ годъ тьмиѣна.

ави же сѧ емоу ађ҃лъ гн҃ь. стоѩ о деснѫѭ олⸯтарѣ кадильнааго.

ꙇ҅ съмѧте сѧ захариѣ видѣвъ. ꙇ҅ страхъ нападе на н̑ь.

рече же къ н̑емоу ађ҃лъ гн҃ь. не боꙇ сѧ захариѣ. зан̑е оуслꙑшана бꙑстъ молитва твоѣ. ꙇ҅ жена твоѣ елисавьть. родитъ сн҃ъ тебѣ. ꙇ҅ наречеши ꙇ҅мѧ емоу ꙇ҅оанⸯнъ.

ꙇ҅ бѫдетъ тебѣ радость ꙇ҅ веселье. ꙇ҅ мноѕи о рождьствѣ его въздрадоуѭтъ сѧ.

бѫдетъ бо велиі прѣдъ б҃мь. ꙇ҅ вина ꙇ҅ творена кваса. не ꙇматъ пити. ꙇ҅ дх҃а ст҃а ꙇ҅сплънитъ сѧ. еште же ꙇ҅ чрѣва мр҃е своеѩ.

ꙇ҅ многꙑ сн҃овъ !ꙇл̑евъ. обратитъ къ !гю б҃ѵ ꙇ҅хъ.

ꙇ҅ тъ прѣдьꙇ҅детъ прѣдь н̑имь. дх҃омь ꙇ҅ силоѭ ꙇ҅лиіноѭ. обратити !срдьца !оцмъ на чѧда. ꙇ҅ противънꙑѩ. въ мѫдрость правьдънъꙇхъ. оуготовати гв҃и л̑юди съвръшенꙑ.

ꙇ҅ рече захариѣ къ ађ҃лоу. по чьсомоу разоумѣѭ се. *̆азъ бо есмь старъ. ꙇ҅ жена моѣ заматорѣвъши въ дьньхъ своꙇ҅хъ.

ꙇ҅ отъвѣштавъ ађ҃лъ рече емоу. азъ есмь гавриілъ. прѣстоѩі прѣдъ б҃мь. ꙇ҅ посъланъ есмь гл҃ати тебѣ. ꙇ҅ благовѣститі тебѣ се.

ꙇ҅ се бѫдеши мльчѧ. до н̑егоже дьне бѫдетъ се. зан̑е не вѣрова. словесемъ моꙇмъ. ѣже събѫдѫтъ сѧ вь врѣмѧ своѩ.

ꙇ҅ бѣшѧ л̑юдье жидѫште захариѩ. ꙇ҅ чюждаахѫ сѧ еже мѫждааше въ цр҃къве.

ꙇ҅ тъ бѣ помаваѩ ꙇ҅мъ. ꙇ҅ прѣбꙑвааше нѣмъ.

ꙇ҅ бꙑстъ ѣко ꙇ҅сплънишѧ сѧ дьнье. слоужьбꙑ его. ꙇ҅де въ домъ своі.

по сихъ же дьньхъ. зачѧтъ елисавьть жена его. ꙇ҅ таѣше пѧть !мць гл̑ѭшти.

ѣко тако сътвори мнѣ г҃ь. въ дьни вь н̑ѧже призьрѣ. отъѩти поношенье мое отъ чк҃ъ.

Вь шестꙑ же !мць. посъланъ бꙑ!с !̆ађлъ гавьриілъ. отъ б҃а. въ градъ галилеꙇ҅скъ. емоуже ꙇ҅мѧ назаретъ.

къ дѣвѣ обрѫченѣ мѫжеви. емоуже ꙇ҅мѧ ꙇ҅осифъ. отъ домоу !дава. ꙇ҅мѧ дѣвѣ мариѣ.

ꙇ҅ въшьдъ къ н̑еі ађ҃лъ рече. радоуі сѧ благодѣтънаѣ г҃ь съ тобоѭ. !блгсв̑ена тꙑ въ женахъ.

̆ѡна же слꙑшавъши съмѧте сѧ о словеси его. ꙇ҅ помꙑшл̑ѣаше вь себѣ. како се бѫдетъ цѣлованье.

ꙇ҅ рече еі ађ҃лъ. не боꙇ сѧ марие. обрѣте бо благодѣть отъ б҃а.

ꙇ҅ се зачьнеши вь чрѣвѣ. ꙇ҅ родиши сн҃ъ. ꙇ҅ наречеши ꙇ҅мѧ емоу ис҃.

сь бѫдетъ веліи. ꙇ҅ сн҃ъ вꙑшьн̑ѣаго наречетъ сѧ. ꙇ҅ дастъ емоу г҃ь б҃ъ. прѣстолъ да҃да оц҃а его.

ꙇ҅ !въцритъ сѧ въ домоу. ꙇ҅ѣковл̑и. въ вѣкꙑ. ꙇ҅ цр҃ствоу его не бѫдетъ коньца.

Рече же мариѣ къ ађ҃лоу. како бѫдетъ се. ꙇ҅жде мѫжа не знаѭ.

ꙇ҅ отъвѣштавъ ађ҃лъ рече еі. дх҃ъ ст҃ꙑ наꙇ҅детъ на тѧ. ꙇ҅ сила вꙑшьн̑ѣаго осѣнитъ тѧ. тѣмь же ꙇ еже родитъ сѧ. ст҃о наречетъ сѧ сн҃ъ бж҃іи.

ꙇ҅ се елисавьть. ѫжика твоѣ. ꙇ҅ та зачьнетъ въ старость своѭ. ꙇ҅ сь !мць шестꙑ естъ еі. нарицаемѣі неплодъви.

ѣко не ꙇ҅знеможетъ отъ б҃а вьсѣкъ гл҃ъ.

рече же марьѣ. се раба гн҃ѣ. бѫди мⸯнѣ по !глоу твоемоу. ꙇ҅ отиде отъ н̑еѩ ађ҃лъ.

въставъши же мариѣ въ тꙑ дни. ꙇ҅де въ горѫ съ тъштаньемь. въ градъ ꙇ҅юдовъ.

ꙇ҅ вьниде въ домъ захаріинъ. ꙇ҅ цѣлова елисавьть.

ꙇ҅ бꙑстъ ѣко оуслꙑша елисавьть. цѣлованье маріино. вьзигра сѧ младьньць радоштами вь чрѣвѣ еѩ. ꙇ҅ исплъни сѧ дх҃омь ст҃ъꙇмь елисавьть.

ꙇ҅ възъпи гласомь вельемь ꙇ҅ рече. !блгвна тꙑ вь женахъ. ꙇ҅ !блгсвенъ плодъ чрѣва твоего.

ꙇ҅ отъкѫдоу се. да придетъ мати г҃и моего къ мнѣ.

се бо ѣко бꙑстъ гласъ. цѣлованьѣ твоего. въ оушью моею. вьзигра сѧ младѣништь радоштами вь чрѣвѣ моемь.

ꙇ҅ блажена ѣже вѣрѫ ѩтъ. ѣко бѫдетъ съвръшенье. гл҃анꙑмъ отъ !гѣ.

ꙇ҅ рече мариѣ. величитъ дш҃а моѣ !гѣ.

ꙇ҅ вьздрадова сѧ дх҃ъ моі. о !бѕѣ !спѣ моемь.

ѣко призьрѣ на съмѣренье рабꙑ своеѩ. се бо отъселѣ блажѧтъ мѧ вьси роди.

ѣко сътвори мьнѣ величие силънꙑ. ꙇ҅ ст҃о ꙇ҅мѧ его.

ꙇ҅ милость его въ родꙑ ꙇ҅ родъ боѩштиімъ сѧ его.

сътвори дръжавѫ мꙑшьцеѭ своеѭ. расточи гръдꙑѩ мꙑсльѭ сръдьца ꙇ҅хъ.

низъложи силънꙑѩ съ прѣстолъ. ꙇ҅ вьзнесе съмѣренꙑѩ.

лачѫштѧѩ ꙇ҅сплъни благъ. ꙇ҅ богатѧштѧѩ сѧ отъпоусти тъштѧ.

приѩтъ !ꙇл̑ѣ отрока своего. помѣнѫти милость.

ѣкоже гл҃а къ оц҃емъ нашимъ. аврамоу ꙇ҅ сѣмене его до вѣка.

прѣбꙑстъ же мариѣ съ н̑еѭ. ѣко три !мцѧ ꙇ҅ възврати сѧ въ домъ своі.

елисавети же ꙇ҅сплънишѧ сѧ дьнье родити еі. ꙇ роди сн҃ъ.

ꙇ҅ слꙑшашѧ окръстъ живѫштеі. ꙇ҅ рожденье еѩ. ѣко вьзвеличилъ естъ г҃ь. милость своѭ съ н̑еѭ.

ꙇ҅ бꙑстъ въ осмьі дьнь. придѫ обрѣзатъ отрочѧте. ꙇ҅ нарицаахѫ е. ꙇ҅менемь. оц҃а своего захариѩ.

ꙇ҅ отъвѣштавъши мт҃и его рече. ни. нъ да наречетъ сѧ ꙇ҅мѧ емоу ꙇ҅оанъ.

ꙇ҅ рѣшѧ еи. ѣко никътоже естъ отъ рожденьѣ твоего. ꙇ҅же нарицаетъ сѧ ꙇ҅менемь тѣмь.

помавааше же оц҃ь его. како би хотѣлъ нарешти е.

ꙇ҅ испрошь дъштицѫ напса. гл҃ѧ. ꙇ҅оанъ естъ ꙇ҅мѧ емоу. ꙇ҅ чюдишѧ сѧ емоу вⸯси.

отвръзошѧ же сѧ оуста его абье. ꙇ҅ ѩзꙑкъ его. ꙇ҅ гл҃ааше. !бгсвстѧ б҃а.

ꙇ҅ бꙑ!с на всѣхъ страхъ. живѫштиіхъ окръстъ ꙇ҅хъ. ꙇ҅ вьсеі стрѣнѣ ꙇ҅юдѣꙇ҅сцѣи. повѣдаеми бѣахѫ вси гл҃и сіи.

ꙇ҅ положишѧ вси слꙑшавъшеі на срⸯдьцихъ своꙇ҅хъ. гл̑ѭште. чьто оубо отрочѧ се бѫдетъ. ꙇ҅ рѫка гн҃ѣ бѣ съ н̑имь.

ꙇ҅ захариѣ оц҃ь его. ꙇ҅сплъни сѧ дх҃омь ст҃ъꙇмь. ꙇ҅ пророчьствова гл҃ѧ:

!блгснъ г҃ь б҃ъ !ꙇ҅л̑евъ. ѣко посѣти ꙇ҅ сътвори ꙇ҅збавл̑енье л̑юдьмъ своꙇ҅мъ.

Ꙇ҅ вьздвиже рогъ сп҃еньѣ нашего. въ домоу !давѣ. отрока своего.

Ѣкоже гл҃а оустꙑ ст҃ъꙇх. сѫштиіхъ отъ вѣка. пророкъ %̆его.

сп҃енье отъ врагъ нашихъ. ꙇ҅зд рѫкꙑ вьсѣхъ. ненавидѧштихъ насъ.

Сътворити милость съ !оци нашими. ꙇ҅ помѣнѫти завѣтъ ст҃оі своі.

Клѧтвѫ еѭже клѧтъ сѧ къ аврамоу оц҃ю нашемоу. дати намъ

бестраха. ꙇ҅зд рѫкꙑ врагъ нашихъ ꙇ҅збавл̑ьшемъ сѧ. Слоужити %̆емоу

прѣподобьемь. ꙇ҅ п!равъдоѭ прѣдь н̑имь всѧ дьни живота нашего.

Ꙇ҅ тꙑ отрочѧ пророкъ вꙑшьн̑ѣго наречеши сѧ. прѣдъꙇ҅деши бо прѣдъ лицемь гн҃емь. оуготовати пѫть его.

дати разоумъ сп҃еньѣ л̑юдемъ его въ оставл̑енье въ отъпоуштенье грѣхъ нашихъ.

милосръдьі ради милости б҃а нашего. вь н̑ихьже посѣти насъ. въстокъ съвꙑше

просвѣтити сѣдѧштѧѩ въ тъмѣ ꙇ҅ вⸯ сѣни съмрътьнѣі. направити ногꙑ нашѧ на пѫть миренъ.

отрочѧ же растѣаше. ꙇ҅ крѣпл̑ѣаше сѧ дх҃омь. ꙇ҅ бѣ въ поустꙑн̑ѣхъ. до дьне авл̑еньѣ своего къ !ꙇл̑ю. !ко!ц.