ЕВАНГЕЛИЕ ЕЖЕ Ѿ ІОАННА
6:1
Ⱂⱁ ⱄⰻⱈⱏ ⰶⰵ ⰺ҅ⰴⰵ ⰻⱄ҃. ⱀⰰ ⱁⱀⱏ ⱂⱁⰾⱏ ⰿⱁⱃⱑ ⱅⰻⰲⰵⱃⰻⰰⰴⱐⱄⰽⰰ.
6:2
ⱂⱁ ⱀ̑ⰵⰿⱐ ⰶⰵ ⰺ҅ⰴⱑⰰⱎⰵ ⱀⰰⱃⱁⰴⱏ ⰿⱏⱀⱁⰳⱏ. ⱑⰽⱁ ⰲⰻⰴⱑⰰⱈⱘ ⰸⱀⰰⰿⰵⱀⰻⱑ. ⱑⰶⰵ ⱅⰲⱁⱃⱑⰰⱎⰵ ⱀⰰ ⱀⰵⰴⱘⰶⱐⱀⱏⰹⱈⱏ.
6:3
ⰲⱏⰸⰻⰴⰵ ⰶⰵ ⱀⰰ ⰳⱁⱃⱘ ⰻⱄ҃. ⰺ҅ ⱅⱆ ⱄⱑⰴⱑⰰⱎⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ.
6:4
Ⰱⱑ ⰱⰾⰻⰸⱏ ⱂⰰⱄⱈⰰ ⱂⱃⰰⰸⰴⱐⱀⰻⰽⱏ ⰺ҅ⱓⰴⰵⰺⱄⰽⱏ.
6:5
ⰲⱐⰸⰲⰵⰴⱏ ⰶⰵ ⱁⱍⰻ ⰻⱄ҃. ⰲⰻⰴⱑ ⱑⰽⱁ ⰿⱏⱀⱁⰳⱏ ⱀⰰⱃⱁⰴⱏ ⰳⱃⱔⰴⰵⱅⱏ ⰽⱏ ⱀ̑ⰵⰿⱆ. ⰳⰾ҃ⰰ ⰽⱏ ⱇⰻⰾⰻⱂⱆ. ⱍⰻⰿⱐ ⰽⱆⱂⰻⰿⱏ ⱈⰾⱑⰱⱏⰹ ⰴⰰ ⱑⰴⱔⱅⱏ ⱄⰻⰹ.
6:6
ⱄⰵ ⰶⰵ ⰳⰾ҃ⰰⱎⰵ ⰺ҅ⱄⰽⱆⱎⰰⱗ ⰹ. ⱄⰰⰿⱏ ⰱⱁ ⰲⱑⰴⱑⰰⱎⰵ ⱍⱐⱅⱁ ⱈⱁⱅⱔⱅⱏ ⱄⱏⱅⰲⱁⱃⰻⱅⰻ.
6:7
ⱁⱅⱏⰲⱑⱎⱅⰰ ⰵⰿⱆ ⱇⰻⰾⰻⱂⱏ. ⰴⱐⰲⱑⰿⰰ ⱄⱏⱅⱁⰿⰰ ⱂⱑⱀⱔⰸⱐ. ⱈⰾⱑⰱⱏ ⱀⰵ ⰴⱁⰲⱐⰾⱔⱅⱏ ⰺ҅ⰿⱏ. ⰴⰰ ⰽⱁⰶⱐⰴⱁ ⰺⱈⱏ ⰿⰰⰾⱁ ⱍⱐⱅⱁ ⱂⱃⰻⰹⰿⰵⱅⱏ.
6:8
ⰳⰾ҃ⰰ ⰵⰿⱆ ⰵⰴⰻⱀⱏ ⱁⱅⱏ ⱆⱍⰵⱀⰻⰽⱏ ⰵⰳⱁ ⰰⱀⸯⰴⱃⰵⰰ. ⰱⱃⰰⱅⱏ ⱄⰻⰿⱁⱀⰰ ⱂⰵⱅⱃⰰ.
6:9
ⰵⱄⱅⱏ ⱁⱅⱃⱁⱍⰻⱎⱅⱐ ⱄⱐⰴⰵ ⰵⰴⰻⱀⱏ. ⰺ҅ⰶⰵ ⰺ҅ⰿⰰⱅⱏ ⱂⱔⱅⱐ ⱈⰾⱑⰱⱏ ⱗⱍⱐⱀⱑⱀⱏ. ⰺ҅ ⰴⱐⰲⱑ ⱃⱏⰹⰱⱑ. ⱀⱏ ⱄⰻ ⱍⱐⱅⱁ ⱄⱘⱅⱏ ⰲⱐ ⱄⰵⰾⰻⰽⱁ.
6:10
ⱃⰵⱍⰵ ⰶⰵ ⰻⱄ҃. ⱄⱏⱅⰲⱁⱃⰻⱅⰵ ⱍⰽ҃ⱏⰹ ⰲⱐⰸⰾⰵⱎⱅⰻ. ⰱⱑ ⰶⰵ ⱅⱃⱑⰲⰰ ⰿⱀⱁⰳⰰ ⱀⰰ ⰿⱑⱄⱅⱑ. ⰲⱐⰸⰾⰵⰶⰵ ⱆⰱⱁ ⰿⱘⰶⱐ ⱍⰻⱄⰾⱁⰿⱐ. ⱑⰽⱁ ⱂⱔⱅⱐ ⱅⱏⰹⱄⱘⱎⱅⱐ.
6:11
ⱂⱃⰻⱗⱅⱏ ⰶⰵ ⱈⰾⱑⰱⱏⰹ ⰻⱄ҃. ⰺ҅ ⱈⰲⰰⰾⱘ ⰲⱏⰸⰴⰰⰲⱏ. ⱂⱁⰴⰰⱄⱅⱏ ⱆⱍⰵⱀⰻⰽⱁⰿⱏ. ⰰ ⱆⱍⰵⱀⰻⱌⰻ ⰲⱐⰸⰾⰵⰶⱔⱎⱅⰵⰺ҅ⰿⱏ. ⱅⰰⰽⱁⰶⰴⰵ ⰺ҅ ⱁⱅⱏ ⱃⱏⰹⰱⱆ. ⰵⰾⰻⰽⱁ ⱈⱁⱅⱑⰰⱈⱘ.
6:12
ⰺ҅ ⱑⰽⱁ ⱀⰰⱄⱏⰹⱅⰻⱎⱔ ⱄⱔ ⰳⰾ҃ⰰ ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⱄⱏⰱⰵⱃⱑⱅⰵ ⰺ҅ⰸⰱⱏⰹⱅⱏⰽⱏⰹ ⱆⰽⱃⱆⱈⱏ. ⰴⰰ ⱀⰵ ⱂⱁⰳⱏⰹⰱⱀⰵⱅⱏ ⱀⰻⰽⱏⱅⱁⰶⰵ.
6:13
ⱄⱏⰱⱏⱃⰰⱎⱔ ⰶⰵ. ⰺ҅ ⰻⱄⱂⰾⱏⱀⰻⱎⱔ ⰴⱏⰲⰰ ⱀⰰ ⰴⰵⱄⱔⱅⰵ ⰽⱁⱎⰰ ⱆⰽⱃⱆⱈⱏ. ⱁⱅⱏ ⱂⱔⱅⰻ ⱈⰾⱑⰱⱏ ⱗⱍⱐⱀⱑⱀⱏⰹⱈⱏ. ⰺ҅ⰶⰵ ⰺⰸⰱⱏⰹⱎⱔ ⱑⰴⱏⱎⰻⰿⱏ.
6:14
!Ⱍⱌⰻ ⰶⰵ ⰲⰻⰴⱑⰲⱏⱎⰵ ⰸⱀⰰⰿⰵⱀⰻⰵ ⰵⰶⰵ ⱄⱏⱅⰲⱁⱃⰻ ⰻⱄ҃. ⰳⰾ҃ⰰⱈⱘ. ⱑⰽⱁ ⱄⱐ ⰵⱄⱅⱏ ⰲⱏ ⰺ҅ⱄⱅⰻⱀⱘ ⱂⱃⱁⱃⱁⰽⱏ ⰳⱃⱔⰴⱔⰻ ⰲⱏ ⰿⰻⱃⱏ.
6:15
ⰺⱄ҃ ⰶⰵ ⱃⰰⰸⱆⰿⱑⰲⱏ. ⱑⰽⱁ ⱈⱁⱅⱔⱅⱏ ⱂⱃⰻⱅⰻ. ⰴⰰ ⰲⱏⱄⱈⱏⰹⱅⱔⱅⱏ ⰹ. ⰺ҅ ⱄⱏⱅⰲⱁⱃⱔⱅⱏ ⰹ !ⱌⱃ̑ⱑ. ⱁⱅⰻⰴⰵ ⱂⰰⰽⱏⰹ ⰲⱏ ⰳⱁⱃⱘ ⰵⰴⰻⱀⱏ.
6:16
Ⰺ҅ ⱑⰽⱁ ⱂⱁⰸⰴⱑ ⰱⱏⰹⱄⱅⱏ. ⱄⱏⱀⰻⰴⱘ ⱆⱍⰵⱀⰻⱌⰻ ⰵⰳⱁ ⱀⰰ ⰿⱁⱃⰵ.
6:17
ⰺ҅ ⰲⱐⰾⱑⰸⱏⱎⰵ ⰲⱏ ⰾⰰⰴⰻⱙ. ⱑⰴⱑⰰⱈⱘ ⱀⰰ ⱁⱀⱏ ⱂⱁⰾⱏ ⰿⱁⱃⱑ. ⰲⱏ ⰽⰰⱂⰵⱃⱏⱀⰰⱆⰿⱏ. ⰺ҅ ⱅⱏⰿⰰ ⰰⰱⰻⰵ ⰱⱏⰹ!ⱄ. ⰺ҅ ⱀⰵ ⱆ ⰱⱑ ⱂⱃⰻⱎⱐⰾⱏ ⰽⱏ ⱀ̑ⰻⰿⱏ ⰺⱄ҃.
6:18
ⱂⱁ ⰿⱁⱃⱓ ⰶⰵ ⰲⱑⱅⱃⱆ ⰲⰵⰾⰻⰽⱆ ⰴⱏⰹⱈⰰⱙⱎⱅⱓ.
6:19
ⰳⱃⰵⰱⱏⱎⰵ ⰶⰵ ⱑⰽⱁ ⰴⱏⰲⰰ ⰴⰵⱄⱔⱅⰻ ⰺ҅ ⱂⱔⱅⱐ ⱄⱅⰰⰴⰻⰹ. ⰾⰻ !ⰼ ⱅⰻ ⱆⰸⱐⱃⱑⱎⱔ ⰺ҅ⱄ҃ⰰ ⱈⱁⰴⱔⱎⱅⰰ ⱂⱁ ⰿⱁⱃⱓ. ⰺ҅ ⰱⰾⰻⰸⱏ ⰽⱁⱃⰰⰱⰾ̑ⱑ ⰱⱏⰹⰲⱏⱎⱔ. ⱆⰱⱁⱑⱎⱔ ⱄⱔ.
6:20
ⱁⱀⱏ ⰶⰵ ⰳⰾ҃ⰰ ⰺ҅ⰿⱏ. ⰰⰸⱏ ⰵⱄⰿⱐ ⱀⰵ ⰱⱁⰺ҅ⱅⰵ ⱄⱔ.
6:21
ⱈⱁⱅⱑⰰⱈⱘ ⰶⰵ ⰹ ⱂⱃⰻⱗⱅⰻ ⰲⱏ ⰽⱁⱃⰰⰱⰾ̑ⱐ. ⰺ҅ ⰰⰱⰻⰵ ⰱⱏⰹ!ⱄ ⰽⱁⱃⰰⰱⰾ̑ⱐ ⱀⰰ ⰸⰵⰿⰾ̑ⰻ. ⰲⱐ ⱀ̑ⱙⰶⰵ ⱑⰴⱑⰰⱈⱘ.
6:22
Ⰲⱏ ⱆⱅⱃⱑⰺ ⰶⰵ ⰴⱐⱀⱐ. ⱀⰰⱃⱁⰴⱏ ⰺ҅ⰶⰵ ⱄⱅⱁⱑⱈⱘ ⱁⰱ ⱁⱀⱏ ⱂⱁⰾⱏ ⰿⱁⱃⱑ. ⰲⰻⰴⱑⰲⱏ ⱑⰽⱁ ⰽⱁⱃⰰⰱⰾ̑ⱑ ⰺ҅ⱀⱁⰳⱁ ⱀⰵ ⰱⱑ ⱅⱆ. ⱅⱏⰽⱏⰿⱁ ⰵⰴⰻⱀⱏ ⱅⱏ. ⰲⱏ ⱀ̑ⱐⰶⰵ ⰲⱐⱀⰻⰴⱘ ⱆⱍⰵⱀⰻⱌⰻ ⰵⰳⱁ. ⰺ҅ ⱑⰽⱁ ⱀⰵ ⰲⱐⱀⰻⰴⰵ ⱄⱏ ⱆⱍⰵⱀⰻⰽⱏⰹ ⱄⰲⱁⰺⰿⰻ ⰻⱄ҃. ⰲⱏ ⰽⱁⱃⰰⰱⰾ̑ⱐ. ⱀⱏ ⰵⰴⰻⱀⰻ ⱆⱍⰵⱀⰻⱌⰻ ⰵⰳⱁ ⰺ҅ⰴⱘ.
6:23
ⰺ҅ ⰻⱀⰻ ⱂⱃⰻⰴⱘ ⰽⱁⱃⰰⰱⰾⰻ ⱁⱅⱏ ⱅⰻⰲⰵⱃⰻⱑⰴⱏⰹ. ⰱⰾⰻⰸⱏ ⰿⱑⱄⱅⰰ. ⰺ҅ⰴⰵⰶⰵ ⱑⱎⱔ ⱈⰾⱑⰱⱏⰹ. ⱈⰲⰰⰾⱘ ⰲⱏⰸⰴⰰⰲⱏⱎⱓ !ⰳⱓ.
6:24
ⰵⰳⰴⰰ ⰶⰵ ⰲⰻⰴⱑⱎⱔ ⱀⰰⱃⱁⰴⰻ. ⱑⰽⱁ ⰺⱄ҃ ⱀⰵ ⰱⱏⰹⱄⱅⱏ ⱅⱆ. ⱀⰻ ⱆⱍⰵⱀⰻⰽⱏ ⰵⰳⱁ. ⰲⱐⰾⱑⰸⱘ ⱄⰰⰿⰻ ⰲⱏ ⰽⱁⱃⰰⰱⰾ̑ⱔ. ⰺ҅ ⱂⱃⰻⰴⱘ ⰲⱏ ⰽⰰⱂⰵⱃⱏⱀⰰⱆⰿⱏ. ⰺ҅ⱄⰽ[ⱆ]..ⱙⱎⱅⰵ ⰻⱄ҃ⰰ.
6:25
ⰺ҅ ⱁⰱⱃⱑⱅⱏⱎⰵ ⰹ ⱁⰱ ⱁⱀⱏ ⱂⱁⰾⱏ ⰿⱁⱃⱑ. ⰺ҅ ⱃⱑⱎⱔ ⰵⰿⱆ. ⱃⰰⰲⰲⰻ. ⰽⱁⰳⰴⰰ ⱄⱑⰿⱁ ⱂⱃⰻⰴⰵ.
6:26
ⱉⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⰺ҅ ⱃⰵⱍⰵ. ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⰺ҅ⱎⱅⰵⱅⰵ ⰿⰵⱀⰵ ⱀⰵ ⱑⰽⱁ ⰲⰻⰴⱑⱄⱅⰵ ⰸⱀⰰⰿⰵⱀⰻⱑ. ⱀⱏ ⱑⰽⱁ ⱑⰾⰻ ⰵⱄⱅⰵ ⱈⰾⱑⰱⱏⰹ. ⰺ҅ ⱀⰰⱄⱏⰹⱅⰻⱄⱅⰵ ⱄⱔ.
6:27
ⰴⱑⰾⰰⰺ҅ⱅⰵ ⰱⱃⰰⱎⱐⱀⱁ ⰳⱏⰹⰱⰾ̑ⱙⱎⱅⰵⰵ. ⰲⱏ ⰶⰻⰲⱁⱅⱑ ⰲⱑⱍⱐⱀⱑⰿⱐ. ⰵⰶⰵ ⱄⱀ҃ⱏ ⱍⱄ҃ⰽⱏⰹ ⰲⰰⰿⱏ ⰴⰰⱄⱅⱏ. ⱄⰵⰳⱁ ⰱⱁ ⱁⱌ҃ⱐ ⰸⱀⰰⰿⰵⱀⰰ ⰱ҃ⱏ.
6:28
ⱃⱑⱎⱔ ⰶⰵ ⰽⱏ ⱀ̑ⰵⰿⱆ. ⱍⱐⱅⱁ ⱄⱏⱅⰲⱁⱃⰻⰿⱏ. ⰴⰰ ⰴⱑⰾⰰⰵⰿⱏ ⰴⱑⰾⰰ ⰱⰶ҃ⰻⱑ.
6:29
ⱉⱅⱏⰲⱑⱎⱅⰰ ⰻⱄ҃ ⰺ҅ ⱃⰵⱍⰵ ⰺ҅ⰿⱏ. ⱄⰵ ⰵⱄⱅⱏ ⰴⱑⰾⱁ ⰱⰶ҃ⰻⰵ. ⰴⰰ ⰲⱑⱃⱆⰵⱅⰵ ⰲⱏ ⱅⱏ. ⰵⰳⱁⰶⰵ ⱂⱁⱄⱏⰾⰰ ⱁⱀⱏ.
6:30
ⱃⱑⱎⱔ ⰶⰵ ⰵⰿⱆ. ⰽⱁⰵ ⱆⰱⱁ ⱅⱏⰹ ⱅⰲⱁⱃⰻⱎⰻ ⰸⱀⰰⰿⰵⱀⰻⰵ. ⰴⰰ ⰲⰻⰴⰻⰿⱏ ⰺ҅ ⰲⱑⱃⱘ ⰺ҅ⰿⰵⰿⱏ ⱅⰵⰱⱑ. Ⱍⱐⱅⱁ ⰴⱑⰾⰰⰵⱎⰻ.
6:31
!ⱉⱌⰻ ⱀⰰⱎⰻ ⱑⱎⱔ ⰿⰰⱀⸯⱀⰰ ⰲⱏ ⱂⱆⱄⱅⱏⰹⱀ̑ⰻ. ⱑⰽⱁⰶⰵ ⰵⱄⱅⱏ ⱂⱄⰰⱀⱁ. ⱈⰾⱑⰱⱏ ⱄⱏ !ⱀⰱⰵⱄⰵ ⰴⰰⱄⱅⱏ ⰺⰿⱏ ⱑⱄⱅⰻ.
6:32
Ⱃⰵⱍⰵ ⰶⰵ ⰺ҅ⰿⱏ ⰻⱄ҃. ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱀⰵ ⰿⱁⱄⰻ ⰴⰰⱄⱅⱏ ⰲⰰⰿⱏ ⱈⰾⱑⰱⱏ ⱄⱏ !ⱀⱄⰵ. ⱀⱏ ⱁⱌ҃ⱐ ⰿⱁⰹ. ⰴⰰⰵⱅⱏ ⰲⰰⰿⱏ ⱈⰾⱑⰱⱏ ⰺ҅ⱄⱅⰻⱀⱏⱀⱏⰹⰻ ⱄⱏ ⱀⰵⰱ҃ⱄⰵ.
6:33
ⱈⰾⱑⰱⱏ ⰱⱁ ⰱⰶ҃ⰹ ⰵⱄⱅⱏ ⱄⱏⱈⱁⰴⱔⰻ ⱄⱏ ⱀⰱ҃ⱄⰵ. ⰺ҅ ⰴⰰⱗⰻ ⰶⰻⰲⱁⱅⰰ ⰿⰻⱃⱆ.
6:34
ⱃⱑⱎⱔ ⰶⰵ ⰽⱏ ⱀ̑ⰵⰿⱆ. ⰳ҃ⰻ. ⰲⱐⱄⰵⰳⰴⰰ ⰴⰰⰶⰴⱐ ⱀⰰⰿⱏ ⱈⰾⱑⰱⱏ ⱄⱐ.
6:35
ⱃⰵⱍⰵ ⰶⰵ ⰺ҅ⰿⱏ ⰻⱄ҃. Ⰰⰸⱏ ⰵⱄⰿⱐ ⱈⰾⱑⰱⱏ ⰶⰻⰲⱁⱅⱏⱀⱏⰹ. ⰳⱃⱔⰴⱔⰻ ⱂⱁ ⰿⱐⱀⱑ. ⱀⰵ ⰺ҅ⰿⰰⱅⱏ ⰲⱏⰸⰾⰰⰽⰰⱅⰻ ⱄⱔ. ⰺ҅ ⰲⱑⱃⱆⱗⰹ ⰲⱏ ⰿⱔ. ⱀⰵ ⰺ҅ⰿⰰⱅⱏ ⰲⱏⰶⰴⱔⰴⰰⱅⰻ ⱄⱔ. ⱀⰻⰽⱁⰳⰴⰰⰶⰵ.
6:36
ⱀⱏ ⱃⱑⱈⱏ ⰲⰰⰿⱏ. ⱑⰽⱁ ⰺ ⰲⰻⰴⱑⱄⱅⰵ ⰿⱔ ⰺ҅ ⱀⰵ ⰲⱑⱃⱆⰵⱅⰵ ⰿⰻ.
6:37
Ⰲⱐⱄⰵ ⰵⰶⰵ ⰴⰰⱄⱅⱏ ⰿⱐⱀⱑ ⱁⱌ҃ⱐ. ⰽⱏ ⰿⱐⱀⱑ ⱂⱃⰻⰴⰵⱅⱏ. ⰺ҅ ⰳⱃⱔⰴⱘⱎⱅⰰⰳⱁ ⰽⱏ ⰿⱐⱀⱑ. ⱀⰵ ⰺ҅ⰶⰴⰵⱀⱘ ⰲⱏⱀⱏ.
6:38
ⱑⰽⱁ ⱄⱏⱀⰻⰴⱏ ⱄⱏ !ⱀⱄⰵ. ⰴⰰ ⱀⰵ ⱅⰲⱁⱃ̑ⱙ ⰲⱁⰾ̑ⱔ ⰿⱁⰵⱗ. ⱀⱏ ⰲⱁⰾ̑ⱙ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ.
6:39
Ⱄⰵ ⰵⱄⱅⱏ ⰲⱁⰾ̑ⱑ ⱂⱁⱄⱏⰾⰰⰲⱏⱎⰰⰵⰳⱁ ⰿⱔ ⱁⱌ҃ⰰ. ⰴⰰ ⰲⱐⱄⱑⰽⱁ ⰵⰶⰵ ⰴⰰⱄⱅⱏ ⰿⰻ. ⱀⰵ ⱂⱁⰳⱆⰱⰾ̑ⱘ ⱁⱅⱏ ⱀ̑ⰵⰳⱁ. ⱀⱏ ⰲⱏⱄⰽⱃⱑⱎⱘ ⱗ ⰲⱏ ⱂⱁⱄⰾⱑⰴⱐⱀ̑ⰻ ⰴⱐⱀⱐ.
6:40
Ⱄⰵ ⰱⱁ ⰵⱄⱅⱏ ⰲⱁⰾ̑ⱑ ⱁⱌ҃ⰰ ⰿⱁⰵⰳⱁ. ⰴⰰ ⰲⱐⱄⱑⰽⱏ ⰲⰻⰴⱔⰹ ⱄⱀ҃ⰰ. ⰺ҅ ⰲⱑⱃⱆⱗⰻ ⰲⱐ ⱀ̑ⰵⰳⱁ. ⰺ҅ ⰲⱏⱄⰽⱃⱑⱎⱘ ⰺ҅ ⰰⰸⱏ ⰲⱏ ⱂⱁⱄⰾⱑⰴⱐⱀⰻ ⰴⱐⱀⱐ.
6:41
Ⱃⱏⱂⱏⱅⰰⱈⱘ ⰶⰵ ⰺ҅ⱓⰴⰵⰻ ⱁ ⱀ̑ⰵⰿⱐ. ⱑⰽⱁ ⱃⰵⱍⰵ ⰰⰸⱏ ⰵⱄⰿⱐ ⱈⰾⱑⰱⱏ ⱄⱏⱎⱐⰴⱏⰹ ⱄⱏ !ⱀⱄⰵ.
6:42
ⰺ҅ ⰳⰾ҃ⰰⱈⱘ. ⱀⰵ ⱄⱐ ⰾⰻ ⰵⱄⱅⱏ ⱄⱀ҃ⱏ ⰺ҅ⱁⱄⰻⱇⱁⰲⱏ. ⰵⰿⱆⰶⰵ ⰿⱏⰹ ⰸⱀⰰⰵⰿⱏ. ⱁⱌ҃ⰰ ⰺ҅ ⰿⰰⱅⰵⱃⱐ. ⰽⰰⰽⱁ ⱆⰱⱁ ⱄⱐ ⰳⰾ҃ⰵⱅⱏ. ⱑⰽⱁ ⱄⱏ !ⱀⱄⰵ ⱄⱏⱀⰻⰴⱏ.
6:43
Ⱉⱅⱏⰲⱑⱎⱅⰰ ⰶⰵ ⰻⱄ҃. ⰺ҅ ⱃⰵⱍⰵ ⰺⰿⱏ. ⱀⰵ ⱃⱏⱂⱏⱎⱅⰻⱅⰵ ⰿⰵⰶⰴⱓ ⱄⱁⰱⱁⱙ.
6:44
ⱀⰻⰽⱏⱅⱁⰶⰵ ⱀⰵ ⰿⱁⰶⰵⱅⱏ ⱂⱃⰻⱅⰻ ⰽⱏ ⰿⱐⱀⱑ. ⰰⱎⱅⰵ ⱀⰵ ⱁⱌ҃ⱐ ⱂⱁⱄⱏⰾⰰⰲⱏⰹ ⰿⱔ ⱂⱃⰻⰲⰾⱑⱍⰵⱅⱏ ⰵⰳⱁ. ⰺ҅ ⰰⰸⱏ ⰲⱏⱄⰽⱃⱑⱎⱘ ⰵⰳⱁ ⰲⱏ ⱂⱁⱄⰾⱑⰴⱐⱀ̑ⰻ ⰴⱐⱀⱐ.
6:45
ⰵⱄⱅⱏ ⱂⸯⱄⰰⱀⱁ ⰲⱏ !ⱂⱃⱁⱃ!ⱌⱑⱈⱏ. ⰺ҅ ⰱⱘⰴⱘⱅⱏ ⰲⱐⱄⰻ ⱆⱍⰵⱀⰻ[ⱌⰻ] ⰱ҃ⰿⱐ. Ⰲⱐⱄⱑⰽⱏ ⱄⰾⱏⰹⱎⰰⰲⱏⰹ ⱁⱅⱏ ⱁⱌ҃ⰰ. ⰺ҅ ⱀⰰⰲⱏⰹⰽⱏ ⱂⱃⰻⰴⰵⱅⱏ ⰽⱏ ⰿⱐⱀⱑ.
6:46
ⱀⰵ ⱑⰽⱁ ⱁⱌ҃ⰰ ⰲⰻⰴⱑⰾⱏ ⰵⱄⱅⱏ ⰽⱏⱅⱁ. ⱅⱏⰽⱏⰿⱁ ⱄⱔⰻ ⱁⱅⱏ ⰱ҃ⰰ ⱅⱏ ⰲⰻⰴⱑ ⱁⱌ҃ⰰ.
6:47
ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⰲⱑⱃⱆⱗⰻ ⰲⱏ ⰿⱔ ⰺ҅ⰿⰰⱅⱏ ⰶⰻⰲⱁⱅⰰ ⰲⱑⱍⱐⱀⰰⰵⰳⱁ.
6:48
Ⰰⰸⱏ ⰵⱄⰿⱐ ⱈⰾⱑⰱⱏ ⰶⰻⰲⱁⱅⱏⱀⱏⰹ.
6:49
!Ⱉⱌⰻ [ⱀ]ⰰⱎⰻ ⱑⱎⱔ ⰿⰰⱀⱀⱘ ⰲⱏ ⱂⱆⱄⱅⱏⰹⱀ̑ⰻ ⰺ҅ ⱆⰿⱃⱑⱎⱔ.
6:50
Ⱄⱐ ⰵⱄⱅⱏ ⱈⰾⱑⰱⱏ ⱄⱏⱈⱁⰴⱔⰹ ⱄⱏ ⱀⰱ҃ⱄⰵ. ⰴⰰ ⰰⱎⱅⰵ ⰽⱏⱅⱁ ⱁⱅⱏ ⱀ̑ⰵⰳⱁ ⱑⱄⱅⱏ ⱀⰵ ⱆⰿⱐⱃⰵⱅⱏ.
6:51
*̆ⰰⰸⱏ ⰵⱄⰿⱐ ⱈⰾⱑⰱⱏ ⰶⰻⰲⱏⰹ. ⱄⱏⱎⱐⰴⱏⰹ ⱄⱏ ⱀⰱ҃ⱄⰵ. ⰰⱎⱅⰵ ⰽⱏⱅⱁ ⱄⱏⱀⱑⱄⱅⱏ ⱁⱅⱏ ⱈⰾⱑⰱⰰ ⱄⰵⰳⱁ ⰶⰻⰲⱏ ⰱⱘⰴⰵⱅⱏ ⰲⱏ ⰲⱑⰽⱏ. ⱈⰾⱑⰱⱏ ⰱⱁ ⰺ҅ⰶⰵ ⰰⰸⱏ ⰴⰰⰿⱐ. ⱂⰾⱏⱅⱐ ⰿⱁⱑ ⰵⱄⱅⱏ. ⱙⰶⰵ ⰰⰸⱏ ⰴⰰⰿⱐ ⰸⰰ ⰶⰻⰲⱁⱅⱏ ⰲⱐⱄⰵⰳⱁ ⰿⰻⱃⰰ.
6:52
ⱂⱐⱃ̑ⱑⰰⱈⱘ ⰶⰵ ⱄⱔ ⰺ҅ⱓⰴⰵⰻ. ⰿⰵⰶⰴⱓ ⱄⱁⰱⱁⱙ ⰳⰾ̑ⱙⱎⱅⰵ. ⰽⰰⰽⱁ ⰿⱁⰶⰵⱅⱏ ⱄⱐ ⰴⰰⱅⰻ ⱂⰾⱏⱅⱐ ⱄⰲⱁⱙ ⱀⰰⰿⱏ ⱑⱄⱅⰻ.
6:53
ⱃⰵⱍⰵ ⰶⰵ ⰺ҅ⰿⱏ ⰻⱄ҃. ⰰⰿⰻⱀ , ⰰⰿⰻⱀ , ⰳⰾ҃ⱙ ⰲⰰⰿⱏ. ⰰⱎⱅⰵ ⱀⰵ ⱄⱏⱀⱑⱄⱅⰵ ⱂⰾⱏⱅⰻ ⱄⱀ҃ⰰ ⱍⱄ҃ⰽⰰⰳⱁ. ⰺ҅ ⱂⰻⰵⱅⰻ ⰽⱃⱏⰲⰻ ⰵⰳⱁ. ⰶⰻⰲⱁⱅⰰ ⱀⰵ ⰺ҅ⰿⰰⱅⰵ ⰲⱐ ⱄⰵⰱⱑ.
6:54
ⱑⰴⱔⰻ ⰿⱁⱙ ⱂⰾⱏⱅⱐ. ⰺ҅ ⱂⰻⱗⰹ ⰿⱁⱙ ⰽⱃⱏⰲⱐ. ⰺ҅ⰿⰰⱅⱏ ⰶⰻⰲⱁⱅⰰ ⰲⱑⱍⱐⱀⰰⰵⰳⱁ. ⰺ҅ ⰰⰸⱏ ⰲⱏⱄⰽⱃⱑⱎⱘ ⰹ ⰲⱏ ⱂⱁⱄⰾⱑⰴⱐⱀ̑ⰻ ⰴⱐⱀⱐ.
6:55
Ⱂⰾⱏⱅⱐ ⰱⱁ ⰿⱁⱑ ⰺ҅ⱄⱅⰻⱀⱏⱀⱁⰵ ⰵⱄⱅⱏ ⰱⱃⰰⱎⱐⱀⱁ. ⰺ҅ ⰽⱃⱏⰲⱐ ⰿⱁⱑ ⰺ҅ⱄⱅⰻⱀⱏⱀⱁ ⰵⱄⱅⱏ ⱂⰻⰲⱁ.
6:56
*̆ⱑⰴⱏⰹ ⰿⱁⱙ ⱂⰾⱏⱅⱐ. ⰺ҅ ⱂⰻⱗⰹ ⰿⱁⱙ ⰽⱃⱏⰲⱐ. ⰲⱏ ⰿⱐⱀⱑ ⱂⱃⱑⰱⱏⰹ ⰺ҅ ⰰⰸⱏ ⰲⱏ ⱀ̑ⰵⰿⱐ.
6:57
ⱑⰽⱁⰶⰵ ⱂⱁⱄⱏⰾⰰ ⰿⱔ ⰶⰻⰲⱔⰻ ⱁⱌ҃ⱐ. ⰺ҅ ⰰⰸⱏ ⰶⰻⰲⱘ ⱁⱌ҃ⰰ ⱃⰰⰴⰻ. ⰺ҅ ⱑⰴⱏⰹ ⰿⱔ ⱅⱏ ⰶⰻⰲⱏ ⰱⱘⰴⰵⱅⱏ ⰿⰵⱀⰵ ⱃⰰⰴⰻ.
6:58
ⱄⱐ ⰵⱄⱅⱏ ⱈⰾⱑⰱⱏ ⱄⱏⱎⱐⰴⱏⰹ ⱄⱏ !ⱀⱄⰵ. ⱀⰵ ⱑⰽⱁⰶⰵ ⱑⱎⱔ !ⱁⱌⰻ ⰲⰰⱎⰻ ⰿⰰⱀⸯⱀⱘ ⰺ҅ ⱆⰿⱃⱑⱎⱔ. ⱑⰴⱔⰻ ⱈⰾⱑⰱⱏ ⱄⱐ ⰶⰻⰲⱏ ⰱⱘⰴⰵⱅⱏ ⰲⱏ ⰲⱑⰽⱏ.
6:59
ⱄⰻ ⱃⰵⱍⰵ ⱀⰰ ⱄⱏⱀⱏⰿⰻⱎⱅⰻ. ⱆⱍⱔ ⰲⱏ ⰽⰰⱂⰵⱃⱏⱀⰰⱆⰿⱑ.
6:60
ⰿⱀⱁⰷⰻ ⰶⰵ ⱄⰾⱏⰹⱎⰰⰲⱏⱎⰵⰻ. ⱁⱅⱏ ⱆⱍⰵⱀⰻⰽⱏ ⰵⰳⱁ ⱃⱑⱎⱔ. ⰶⰵⱄⱅⱁⰽⱁ ⰵⱄⱅⱏ ⱄⰾⱁⰲⱁ ⱄⰵ. ⰽⱏⱅⱁ ⰿⱁⰶⰵⱅⱏ ⰵⰳⱁ ⱄⰾⱆⱎⰰⱅⰻ.
6:61
Ⰲⱑⰴⱏⰹ ⰶⰵ ⰻⱄ҃ ⰲⱐ ⱄⰵⰱⱑ. ⱑⰽⱁ ⱃⱏⱂⱏⱎⱅⱘⱅⱏ ⱁ ⱄⰵⰿⱐ ⱆⱍⰵⱀⰻⱌⰻ ⰵⰳⱁ. ⱃⰵⱍⰵ ⰺ҅ⰿⱏ ⱄⰵ ⰾⰻ ⰲⱏⰹ ⰱⰾⰰⰸⱀⰻⱅⱏ.
6:62
ⰰⱎⱅⰵ ⱆⰱⱁ ⱆⰸⱐⱃⰻⱅⰵ ⱄⱀ҃ⰰ ⱍⱄ҃ⰽⰰⰳⱁ. ⰲⱏⱈⱁⰴⱔⱎⱅⰰ ⰺ҅ⰴⰵⰶⰵ ⰱⱑ ⱂⱃⱑⰶⰴⰵ.
6:63
!Ⰴⱈⱏ ⰵⱄⱅⱏ ⰺ҅ⰶⰵ ⰶⰻⰲ[ⰵ]ⱅⱏ. ⱁⱅⱏ ⱂⰾⱏⱅⰻ ⱀⱑⱄⱅⱏ ⱂⱁⰾⱐⰸⱔ ⱀⰻⰽⰰⰽⱁⱗⰶⰵ. ⰳⰾ҃ⱏⰹ ⱗⰶⰵ ⰰⰸⱏ ⰳⰾ҃ⰰⱈⱏ ⰲⰰⰿⱏ ⰴⱈ҃ⱏ ⱄⱘⱅⱏ. ⰺ҅ ⰶⰻⰲⱁⱅⱏ ⱄⱘⱅⱏ.
6:64
ⱀⱏ ⱄⱘⱅⱏ ⱁⱅⱏ ⰲⰰⱄⱏ ⰵⱅⰵⱃⰻ. ⰺ҅ⰶⰵ ⱀⰵ ⰲⱑⱃⱆⱙⱅⱏ. Ⰲⱑⰴⱑⰰⱎⰵ ⰱⱁ ⰺ҅ⱄⰽⱁⱀⰻ ⰺⱄ҃. ⰽⱏⱅⱁ ⱄⱘⱅⱏ ⱀⰵ ⰲⱑⱃⱆⱙⱎⱅⰵⰹ. ⰺ҅ ⰽⱏⱅⱁ ⰵⱄⱅⱏ ⱈⱁⱅⱔⰹ ⱂⱃⱑⰴⰰⱅⰻ ⰹ.
6:65
ⰺ҅ ⰳⰾ҃ⰰⰰⱎⰵ ⱄⰵⰳⱁ ⱃⰰⰴⰻ ⱃⱑⱈⱏ ⰲⰰⰿⱏ. ⱑⰽⱁ ⱀⰻⰽⱏⱅⱁⰶⰵ ⱀⰵ ⰿⱁⰶⰵⱅⱏ ⱂⱃⰻⱅⰻ ⰽⱏ ⰿⱐⱀⱑ. ⰰⱎⱅⰵ ⱀⰵ ⰱⱘⰴⰵⱅⱏ ⰴⰰⱀⱁ ⰵⰿⱆ ⱁⱅⱏ ⱁⱌ҃ⰰ ⰿⱁⰵⰳⱁ.
6:66
ⱁⱅⱏ ⱄⰵⰳⱁ ⰿⱀⱁⰸⰻ ⱁⱅⱏ ⱆⱍⰵⱀⰻⰽⱏ ⰵⰳⱁ ⰺ҅ⰴⱘ ⰲⱐⱄⱂⱔⱅⱐ. ⰺ҅ ⰽⱏ ⱅⱁⰿⱆ ⱀⰵ ⱈⱁⰶⰴⰰⱈⱘ ⱄⱏ ⱀ̑ⰻⰿⱐ.
6:67
Ⱃⰵⱍⰵ ⰶⰵ ⰻⱄ҃. ⱁⰱⱑⰿⰰ ⱀⰰ ⰴⰵⱄⱔⱅⰵ. ⰵⰴⰰ ⰺ҅ ⰲⱏⰹ ⱈⱁⱎⱅⰵⱅⰵ ⰺ҅ⱅⰻ.
6:68
ⱁⱅⱏⰲⱑⱎⱅⰰ ⰵⰿⱆ ⱄⰻⰿⱁⱀⱏ ⱂⰵⱅⱃⱏ. ⰳ҃ⰻ ⰽⱏ ⰽⱁⰿⱆ ⰺ҅ⰴⰵⰿⱏ. ⰳⰾ҃ⱏⰹ ⰶⰻⰲⱁⱅⰰ ⰲⱑⱍⱐⱀⰰⰵⰳⱁ ⰺ҅ⰿⰰⱎⰻ.
6:69
ⰺ҅ ⰿⱏⰹ ⰲⱑⱃⱁⰲⰰⱈⱁⰿⱏ. ⰺ҅ ⱂⱁⰸⱀⰰⱈⱁⰿⱏ. ⱑⰽⱁ ⱅⱏⰹ ⰵⱄⰻ ⱈ҃ⱏ ⱄⱀ҃ⱏ ⰱ҃ⰰ ⰶⰻⰲⰰⰳⱁ.
6:70
ⱁⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⱀⰵ ⰰⰸⱏ ⰾⰻ ⰲⰰⱄⱏ. ⰴⱏⰲⰰ ⱀⰰ ⰴⰵⱄⱔⱅⰵ ⰺ҅ⰸⰱⱏⱃⰰⱈⱏ. ⰺ҅ ⱁⱅⱏ ⰲⰰⱄⱏ ⰵⰴⰻⱀⱏ ⰴⰻⱑⰲⱁⰾⱏ ⰵⱄⱅⱏ.
6:71
!Ⰳⰾⰰⰰⱎⰵ ⰺ҅ⱓⰴⱘ ⱄⰻⰿⱁⱀⱁⰲⰰ. ⰺ҅ⱄⰽⰰⱃⰻⱁⱅⰰ. ⱄⱐ ⰱⱁ ⱈⱁⱅⱑⰰⱎⰵ ⱂⱃⱑⰴⰰⱅⰻ ⰹ. ⰵⰴⰻⱀⱏ ⱄⱏⰹ ⱁⱅⱏ ⱁⰱⱁⱓ ⱀⰰ ⰴⰵⱄⱔⱅⰵ.