По сихъ же ꙇ҅де ис҃. на онъ полъ морѣ тивериадьска.

по н̑емь же ꙇ҅дѣаше народъ мъногъ. ѣко видѣахѫ знамениѣ. ѣже творѣаше на недѫжьнꙑхъ.

възиде же на горѫ ис҃. ꙇ҅ тоу сѣдѣаше съ оученикꙑ своꙇми.

Бѣ близъ пасха праздьникъ ꙇ҅юдеꙇскъ.

вьзведъ же очи ис҃. видѣ ѣко мъногъ народъ грѧдетъ къ н̑емоу. гл҃а къ филипоу. чимь коупимъ хлѣбꙑ да ѣдѧтъ сиі.

се же гл҃аше ꙇ҅скоушаѩ і. самъ бо вѣдѣаше чьто хотѧтъ сътворити.

отъвѣшта емоу филипъ. дьвѣма сътома пѣнѧзь. хлѣбъ не довьлѧтъ ꙇ҅мъ. да кожьдо ꙇхъ мало чьто приіметъ.

гл҃а емоу единъ отъ оученикъ его анⸯдреа. братъ симона петра.

естъ отрочишть сьде единъ. ꙇ҅же ꙇ҅матъ пѧть хлѣбъ ѩчьнѣнъ. ꙇ҅ дьвѣ рꙑбѣ. нъ си чьто сѫтъ вь селико.

рече же ис҃. сътворите чк҃ꙑ вьзлешти. бѣ же трѣва многа на мѣстѣ. вьзлеже оубо мѫжь числомь. ѣко пѧть тꙑсѫшть.

приѩтъ же хлѣбꙑ ис҃. ꙇ҅ хвалѫ въздавъ. подастъ оученикомъ. а оученици вьзлежѧштеꙇ҅мъ. такожде ꙇ҅ отъ рꙑбоу. елико хотѣахѫ.

ꙇ҅ ѣко насꙑтишѧ сѧ гл҃а оученикомъ своꙇ҅мъ. съберѣте ꙇ҅збꙑтъкꙑ оукроухъ. да не погꙑбнетъ никътоже.

събърашѧ же. ꙇ҅ исплънишѧ дъва на десѧте коша оукроухъ. отъ пѧти хлѣбъ ѩчьнѣнꙑхъ. ꙇ҅же ꙇзбꙑшѧ ѣдъшимъ.

!Чци же видѣвъше знамение еже сътвори ис҃. гл҃ахѫ. ѣко сь естъ въ ꙇ҅стинѫ пророкъ грѧдꙙи въ миръ.

ꙇс҃ же разоумѣвъ. ѣко хотѧтъ прити. да въсхꙑтѧтъ і. ꙇ҅ сътворѧтъ і !цр̑ѣ. отиде пакꙑ въ горѫ единъ.

Ꙇ҅ ѣко поздѣ бꙑстъ. сънидѫ оученици его на море.

ꙇ҅ вьлѣзъше въ ладиѭ. ѣдѣахѫ на онъ полъ морѣ. въ каперънаоумъ. ꙇ҅ тъма абие бꙑ!с. ꙇ҅ не оу бѣ пришьлъ къ н̑имъ ꙇс҃.

по морю же вѣтроу великоу дꙑхаѭштю.

гребъше же ѣко дъва десѧти ꙇ҅ пѧть стадиі. ли !ђ ти оузьрѣшѧ ꙇ҅с҃а ходѧшта по морю. ꙇ҅ близъ корабл̑ѣ бꙑвъшѧ. оубоѣшѧ сѧ.

онъ же гл҃а ꙇ҅мъ. азъ есмь не боꙇ҅те сѧ.

хотѣахѫ же і приѩти въ корабл̑ь. ꙇ҅ абие бꙑ!с корабл̑ь на земл̑и. вь н̑ѭже ѣдѣахѫ.

Въ оутрѣꙇ же дьнь. народъ ꙇ҅же стоѣхѫ об онъ полъ морѣ. видѣвъ ѣко корабл̑ѣ ꙇ҅ного не бѣ тоу. тъкъмо единъ тъ. въ н̑ьже вьнидѫ оученици его. ꙇ҅ ѣко не вьниде съ оученикꙑ своꙇми ис҃. въ корабл̑ь. нъ едини оученици его ꙇ҅дѫ.

ꙇ҅ ини придѫ корабли отъ тивериѣдꙑ. близъ мѣста. ꙇ҅деже ѣшѧ хлѣбꙑ. хвалѫ въздавъшю !гю.

егда же видѣшѧ народи. ѣко ꙇс҃ не бꙑстъ тоу. ни оученикъ его. вьлѣзѫ сами въ корабл̑ѧ. ꙇ҅ придѫ въ каперънаоумъ. ꙇ҅ск[оу]..ѭште ис҃а.

ꙇ҅ обрѣтъше і об онъ полъ морѣ. ꙇ҅ рѣшѧ емоу. равви. когда сѣмо приде.

ѡтъвѣшта ꙇ҅мъ ис҃. ꙇ҅ рече. амин амин гл҃ѭ вамъ. ꙇ҅штете мене не ѣко видѣсте знамениѣ. нъ ѣко ѣли есте хлѣбꙑ. ꙇ҅ насꙑтисте сѧ.

дѣлаꙇ҅те брашьно гꙑбл̑ѭштее. въ животѣ вѣчьнѣмь. еже сн҃ъ чс҃кꙑ вамъ дастъ. сего бо оц҃ь знамена б҃ъ.

рѣшѧ же къ н̑емоу. чьто сътворимъ. да дѣлаемъ дѣла бж҃иѣ.

ѡтъвѣшта ис҃ ꙇ҅ рече ꙇ҅мъ. се естъ дѣло бж҃ие. да вѣроуете въ тъ. егоже посъла онъ.

рѣшѧ же емоу. кое оубо тꙑ твориши знамение. да видимъ ꙇ҅ вѣрѫ ꙇ҅мемъ тебѣ. Чьто дѣлаеши.

!ѡци наши ѣшѧ манⸯна въ поустꙑн̑и. ѣкоже естъ псано. хлѣбъ съ !нбесе дастъ ꙇмъ ѣсти.

Рече же ꙇ҅мъ ис҃. амин амин гл҃ѭ вамъ. не моси дастъ вамъ хлѣбъ съ !нсе. нъ оц҃ь моі. даетъ вамъ хлѣбъ ꙇ҅стинънꙑи съ неб҃се.

хлѣбъ бо бж҃і естъ съходѧи съ нб҃се. ꙇ҅ даѩи живота мироу.

рѣшѧ же къ н̑емоу. г҃и. вьсегда даждь намъ хлѣбъ сь.

рече же ꙇ҅мъ ис҃. Азъ есмь хлѣбъ животънꙑ. грѧдꙙи по мьнѣ. не ꙇ҅матъ възлакати сѧ. ꙇ҅ вѣроуѩі въ мѧ. не ꙇ҅матъ въждѧдати сѧ. никогдаже.

нъ рѣхъ вамъ. ѣко ꙇ видѣсте мѧ ꙇ҅ не вѣроуете ми.

Вьсе еже дастъ мьнѣ оц҃ь. къ мьнѣ придетъ. ꙇ҅ грѧдѫштаго къ мьнѣ. не ꙇ҅жденѫ вънъ.

ѣко сънидъ съ !нсе. да не твор̑ѭ вол̑ѧ моеѩ. нъ вол̑ѭ посълавъшаего мѧ.

Се естъ вол̑ѣ посълавъшаего мѧ оц҃а. да вьсѣко еже дастъ ми. не погоубл̑ѫ отъ н̑его. нъ въскрѣшѫ ѩ въ послѣдьн̑и дьнь.

Се бо естъ вол̑ѣ оц҃а моего. да вьсѣкъ видѧі сн҃а. ꙇ҅ вѣроуѩи вь н̑его. ꙇ҅ въскрѣшѫ ꙇ҅ азъ въ послѣдьни дьнь.

Ръпътахѫ же ꙇ҅юдеи о н̑емь. ѣко рече азъ есмь хлѣбъ съшьдꙑ съ !нсе.

ꙇ҅ гл҃ахѫ. не сь ли естъ сн҃ъ ꙇ҅осифовъ. емоуже мꙑ знаемъ. оц҃а ꙇ҅ матерь. како оубо сь гл҃етъ. ѣко съ !нсе сънидъ.

Ѡтъвѣшта же ис҃. ꙇ҅ рече ꙇмъ. не ръпъштите междю собоѭ.

никътоже не можетъ прити къ мьнѣ. аште не оц҃ь посълавꙑ мѧ привлѣчетъ его. ꙇ҅ азъ въскрѣшѫ его въ послѣдьн̑и дьнь.

естъ пⸯсано въ !прор!цѣхъ. ꙇ҅ бѫдѫтъ вьси оучени[ци] б҃мь. Вьсѣкъ слꙑшавꙑ отъ оц҃а. ꙇ҅ навꙑкъ придетъ къ мьнѣ.

не ѣко оц҃а видѣлъ естъ къто. тъкъмо сꙙи отъ б҃а тъ видѣ оц҃а.

амин амин гл҃ѭ вамъ. вѣроуѩи въ мѧ ꙇ҅матъ живота вѣчьнаего.

Азъ есмь хлѣбъ животънꙑ.

!Ѡци [н]аши ѣшѧ маннѫ въ поустꙑн̑и ꙇ҅ оумрѣшѧ.

Сь естъ хлѣбъ съходѧі съ нб҃се. да аште къто отъ н̑его ѣстъ не оумьретъ.

*̆азъ есмь хлѣбъ живꙑ. съшьдꙑ съ нб҃се. аште къто сънѣстъ отъ хлѣба сего живъ бѫдетъ въ вѣкъ. хлѣбъ бо ꙇ҅же азъ дамь. плъть моѣ естъ. ѭже азъ дамь за животъ вьсего мира.

пьр̑ѣахѫ же сѧ ꙇ҅юдеи. междю собоѭ гл̑ѭште. како можетъ сь дати плъть своѭ намъ ѣсти.

рече же ꙇ҅мъ ис҃. амин , амин , гл҃ѭ вамъ. аште не сънѣсте плъти сн҃а чс҃каго. ꙇ҅ пиети кръви его. живота не ꙇ҅мате вь себѣ.

ѣдꙙи моѭ плъть. ꙇ҅ пиѩі моѭ кръвь. ꙇ҅матъ живота вѣчьнаего. ꙇ҅ азъ въскрѣшѫ і въ послѣдьн̑и дьнь.

Плъть бо моѣ ꙇ҅стинъное естъ брашьно. ꙇ҅ кръвь моѣ ꙇ҅стинъно естъ пиво.

*̆ѣдꙑ моѭ плъть. ꙇ҅ пиѩі моѭ кръвь. въ мьнѣ прѣбꙑ ꙇ҅ азъ въ н̑емь.

ѣкоже посъла мѧ живꙙи оц҃ь. ꙇ҅ азъ живѫ оц҃а ради. ꙇ҅ ѣдꙑ мѧ тъ живъ бѫдетъ мене ради.

сь естъ хлѣбъ съшьдꙑ съ !нсе. не ѣкоже ѣшѧ !оци ваши манⸯнѫ ꙇ҅ оумрѣшѧ. ѣдꙙи хлѣбъ сь живъ бѫдетъ въ вѣкъ.

си рече на сънъмишти. оучѧ въ каперънаоумѣ.

мноѕи же слꙑшавъшеи. отъ оученикъ его рѣшѧ. жестоко естъ слово се. къто можетъ его слоушати.

Вѣдꙑ же ис҃ вь себѣ. ѣко ръпъштѫтъ о семь оученици его. рече ꙇ҅мъ се ли вꙑ блазнитъ.

аште оубо оузьрите сн҃а чс҃каго. въходѧшта ꙇ҅деже бѣ прѣжде.

!Дхъ естъ ꙇ҅же жив[е]тъ. отъ плъти нѣстъ пользѧ никакоѩже. гл҃ꙑ ѩже азъ гл҃ахъ вамъ дх҃ъ сѫтъ. ꙇ҅ животъ сѫтъ.

нъ сѫтъ отъ васъ етери. ꙇ҅же не вѣроуѭтъ. Вѣдѣаше бо ꙇ҅скони ꙇс҃. къто сѫтъ не вѣроуѭштеі. ꙇ҅ къто естъ хотѧі прѣдати і.

ꙇ҅ гл҃ааше сего ради рѣхъ вамъ. ѣко никътоже не можетъ прити къ мьнѣ. аште не бѫдетъ дано емоу отъ оц҃а моего.

отъ сего мнози отъ оученикъ его ꙇ҅дѫ вьспѧть. ꙇ҅ къ томоу не хождахѫ съ н̑имь.

Рече же ис҃. обѣма на десѧте. еда ꙇ҅ вꙑ хоштете ꙇ҅ти.

отъвѣшта емоу симонъ петръ. г҃и къ комоу ꙇ҅демъ. гл҃ꙑ живота вѣчьнаего ꙇ҅маши.

ꙇ҅ мꙑ вѣровахомъ. ꙇ҅ познахомъ. ѣко тꙑ еси х҃ъ сн҃ъ б҃а живаго.

отъвѣшта ꙇ҅мъ ис҃. не азъ ли васъ. дъва на десѧте ꙇ҅збърахъ. ꙇ҅ отъ васъ единъ диѣволъ естъ.

!Глааше ꙇ҅юдѫ симонова. ꙇ҅скариота. сь бо хотѣаше прѣдати і. единъ сꙑ отъ обою на десѧте.