ЕВАНГЕЛИЕ ЕЖЕ Ѿ ІОАННА
21:1
Ⱂⱁ ⱄⰵⰿⱐ ⱑⰲⰻ ⱄⱔ ⱂⰰⰽⱏⰹ ⰻⱄ҃. ⱆⱍⰵⱀⰻⰽⱁⰿⱏ ⱄⰲⱁⰺⰿⱏ. ⱀⰰ ⰿⱁⱃⰻ ⱅⰻⰲⰵⱃⱐⱑⰴⱐⱄⱌⱑⰿⱐ. ⱑⰲⰻ ⰶⰵ ⱄⱔ ⱄⰻⱌⰵ.
21:2
ⰱⱑⰰⱈⱘ ⰲⱏⰽⱆⱂⱑ ⱄⰻⰿⱁⱀⱏ ⱂⰵⱅⱃⱏ. ⰺ҅ ⱚⱁⰿⰰ ⱀⰰⱃⰻⱌⰰⰵⰿⱏⰹ ⰱⰾⰻⰸⱀⱐⱌⱐ. ⰺ҅ ⱀⰰⱅⰰⱀⰰⰺ҅ⰾ̑ⱐ. ⰺ҅ⰶⰵ ⰱⱑ ⱁⱅⱏ ⰽⰰⱀⰰ ⰳⰰⰾⰻⰾⰵⰺⱄⰽⱏⰹ. ⰺ҅ ⱄⱀ҃ⰰ ⰸⰵⰲⰵⰴⱑⱁⰲⰰ. ⰺ҅ ⰻⱀⰰ ⰴⰲⰰ ⱁⱅ[ⱏ] ⱆⱍⰵⱀⰻⰽⱏ ⰵⰳⱁ.
21:3
ⰳⰾ҃ⰰ ⰺ҅ⰿⱏ [ⱄⰻ]ⰿⱁⱀⱏ ⱂⰵⱅⱃⱏ. ⰺ҅ⰴⱘ ⱃⱏⰹⰱⱏ [ⰾⱁ]ⰲⰻⱅⱏ. ⰳⰾ҃ⰰⱎⱔ ⰵⰿⱆ. ⰺ҅ⰴⰵⰿⱏ ⰺ҅ ⰿⱏⰹ ⱄⱏ ⱅⱁⰱⱁⱙ. ⰺ҅ ⰻⰴⱘ ⰺ҅ ⰲⱐⱄⱑⰴⱘ ⰲⱏ ⰽⱁⱃⰰⰱⰾ̑ⱐ. ⰺ҅ ⰲⱏ ⱅⱘ ⱀⱁⱎ[ⱅ]ⱐ ⱀⰵ ⱗⱎⱔ ⱀⰻⱍⰵⱄⱁⰶⰵ
21:4
ⱆⱅⱃ[ⱆ ⰶ]ⰵ ⰰⰱⰻⰵ ⰱⱏⰹⰲⱏⱎⱓ. ⱄⱅⰰ ⰻⱄ҃. ⱂⱃⰻ ⰱⱃⱑⰷⱑ. ⱀⰵ ⱂⱁⰸⱀⰰⱎⱔ ⰶⰵ ⱆⱍⰵⱀⰻⱌⰻ ⱑⰽⱁ ⰻⱄ҃. ⰵⱄⱅⱏ
21:5
ⰳⰾ҃ⰰ ⰶⰵ ⰺ҅ⰿⱏ ⰻⱄ҃. ⰴⱑⱅⰻ. ⰵⰴⰰ ⱍⱐⱅⱁ ⱄⱏⱀⱑⰴⱐⱀⱁ ⰺ҅ⰿⰰⱅⰵ. ⱁⱅⱏⰲⱑⱎⱅⰰⱎⱔ ⰶⰵ ⰵⰿⱆ ⱀⰻ.
21:6
ⱁⱀⱏ ⰶⰵ ⱃⰵⱍⰵ ⰺ҅ⰿⱏ. ⰲⱏⰲⱃⱏⰸⱑⱅⰵ ⱁ ⰴⰵⱄⱀⱘⱙ ⱄⱅⱃⰰⱀⱘ ⰿⱃⱑⰶⱔ ⰺ҅ ⱁⰱⱃⱔⱎⱅⰵⱅⰵ. ⰲⱏⰲⱃⱏ[ⰳ]ⱘ ⰶⰵ ⰺ҅ ⰽⱏ ⱅⱁⰿⱆ ⱀⰵ ⰿⱁⰶⰰⰰⱈⱘ ⱂⱃⰻⰲⰾⱑⱎⱅⰻ ⰵⱗ. ⱁⱅⱏ ⰿⱀⱁⰶⱐⱄⱅⰲⰰ ⱃⱏⰹⰱⱏ.
21:7
!Ⰳⰾⰰ ⰶⰵ ⱆⱍⰵⱀⰻⰽⱏ ⰵⰳⱁⰶⰵ ⰾ̑ⱓⰱⰾ̑ⱑⰰⱎⰵ ⰻⱄ҃ ⱂⰵⱅⱃⱁⰲⰻ. ⰳ҃ⱐ ⰵⱄⱅⱏ. ⱄⰻⰿⱁⱀⱏ ⰶⰵ ⱂⰵⱅⱃⱏ ⱄⰾⱏⰹⱎⰰⰲⱏ ⱑⰽⱁ ⰳ҃ⱐ ⰵⱄⱅⱏ. ⰵⱂⰵⱀⸯⰴⰻⱅⱁⰿⱐ ⱂⱃⱑⱂⱁⱑⱄⰰ ⱄⱔ. ⰱⱑ ⰱⱁ ⱀⰰⰳⱏ. ⰺ҅ ⰲⱏⰲⱃⱏⰶⰵ ⱄⱔ ⰲⱏ ⰿⱁⱃⰵ.
21:8
ⰰ ⰴⱃⱆⰸⰻ ⱆⱍⰵⱀⰻⱌⰻ ⰽⱁⱃⰰⰱⰾⰻⱌⰵⰿⱐ ⱂⱃⰻⰴⱘ. ⱀⰵ ⰱⱑⱎⱔ ⰱⱁ ⰴⰰⰾⰵⱍⰵ ⱁⱅⱏ ⰸⰵⰿⰾ̑ⱔ. ⱀⱏ ⱑⰽⱁ ⰴⱐⰲⱑ ⱄⱏⱅⱑ ⰾⰰⰽⱏⱅⱏ. ⰲⰾⱑⰽⱘⱎⱅⰵ ⰿⱃⱑⰶⱘ ⱃⱏⰹⰱⱏ.
21:9
ⱑⰽⱁ ⰺ҅ⰸⰾⱑⰸⱘ ⱀⰰ ⰸⰵⰿⰾ̑ⱘ. ⰲⰻⰴⱑⱎⱔ ⱁⰳⱀ̑ⱐ ⰾⰵⰶⱔⱎⱅⱐ. ⰺ҅ ⱃⱏⰹⰱⱘ ⱀⰰ ⱀ̑ⰵⰿⱐ ⰾⰵⰶⱔⱎⱅⱘ. ⰺ҅ ⱈⰾⱑⰱⱏ.
21:10
ⰳⰾ҃ⰰ ⰺ҅ⰿⱏ ⰻⱄ҃. ⱂⱃⰻⱀⰵⱄⱑⱅⰵ ⱁⱅⱏ ⱃⱏⰹⰱⱏ ⱗⰶⰵ ⱗⱄⱅⰵ ⱀⱏⰹⱀ̑ⱑ.
21:11
Ⰲⱐⰾⱑⰸⰵ ⰶⰵ ⱄⰻⰿⱁⱀⱏ ⱂⰵⱅⱃⱏ. ⰺ҅ ⰻⰸⰲⰾⱑⱍⰵ ⰿⱃⱑⰶⱔ ⱀⰰ ⰸⰵⰿⰾ̑ⱘ. ⱂⰾⱏⱀⱘ ⰲⰵⰾⰻⰹⱈⱏ ⱃⱏⰹⰱⱏ. ⱄⱏⱅⱁ ⰺ҅ ⱂ[ⱔ]ⱅⱐ ⰴⰵⱄⱔⱅⱏ. ⰺ҅ ⱅⱃⰻ. ⱅⱁⰾⰻⰽⱆ ⱄⱘⱎⱅⱓ ⱀⰵ ⱂⱃⱁⱅⱃⱏⰶⰵ ⱄⱔ ⰿⱃⱑⰶⰰ.
21:12
ⰳⰾ҃ⰰ ⰺ҅ⰿⱏ. ⰻⱄ҃. ⱂⱃⰻⰴⱑⱅⰵ ⱁⰱⱑⰴⱆⰺⱅⰵ. ⰺ҅ ⱀⰻⰽⸯⱅⱁⰶⰵ ⱀⰵ ⱄⱏⰿⱑⰰⱎⰵ ⱁⱅⱏ ⱆⱍ[ⰵ]ⱀⰻⰽⱏ. ⰺ҅ⱄⱅⱔⰸⰰⱅⰻ ⱅⱏⰹ ⰽⸯⱅⱁ ⰵⱄⰻ. ⰲⱑⰴⱘⱎⱅⰵ ⱑⰽⱁ ⰳ҃ⱐ ⰵⱄⱅⱏ.
21:13
Ⱂⱃⰻⰴⰵ ⰶⰵ ⰻⱄ҃. ⰺ҅ ⱂⱃⰻⱗⱅⱏ ⱈⰾⱑⰱⱏ. ⰺ҅ ⰴⰰⱄⱅⱏ ⰺ҅ⰿⱏ. ⰺ ⱃⱏⰹⰱⱘ ⱅⰰⰽⱁⰶⰴⰵ.
21:14
Ⱄⰵ ⱓⰶⰵ ⱅⱃⰵⱅⰻⱌⰻ ⱑⰲⰻ ⱄⱔ ⰻⱄ҃. ⱆⱍⰵⱀⰻⰽⱁⰿⱏ ⱄⰲⱁⰺ҅ⰿⱏ. ⰲⱏⱄⱅⰰⰲⱏ ⱁⱅⱏ ⰿⱃ[ⱏ]ⱅⰲⱏⰹⱈⱏ.
21:15
Ⰵⰳⰴⰰ ⰶⰵ ⱁⰱⱑⰴⱁⰲⰰⱎⱔ. ⰳⰾ҃ⰰ ⱄⰻⰿⱁⱀⱁⰲⰻ ⱂⰵⱅⱃⱆ ⰻⱄ҃ ⱄⰻⰿⱁⱀⰵ ⰺ҅ⱁⱀⰻⱀⱏ ⰾ̑ⱓⰱⰻⱎⰻ ⰾⰻ ⰿⱔ ⱂⰰⱍⰵ ⱄⰻⱈⱏ. !Ⰳⰾⰰ ⰵⰿⱆ ⰵⰹ ⰳ҃ⰻ. ⱅⱏⰹ ⰲⱑⱄⰻ ⱑⰽⱁ ⰾ̑ⱓⰱⰾ̑ⱙ ⱅⱔ. ⰳⰾ҃ⰰ ⰵⰿⱆ ⱂⰰⱄⰻ ⰰⰳⱀⱐⱌⱔ ⰿⱁⱗ.
21:16
!Ⰳⰾⰰ ⰵⰿⱆ ⱂⰰⰽⱏⰹ ⰲⱏⱅⱁⱃⰻⱌⰵⱙ. ⱄⰻⰿⱁⱀⰵ ⰺ҅ⱁⱀⰻⱀⱏ ⰾ̑ⱓⰱⰻⱎⰻ ⰾⰻ ⰿⱔ. ⰳⰾ҃ⰰ ⰵⰿⱆ ⰵⰹ. ⰳ҃ⰻ. ⱅⱏⰹ ⰲⱑⱄⰻ ⱑⰽⱁ ⰾ̑ⱓⰱⰾ̑ⱙ ⱅⱔ. ⰳⰾ҃ⰰ ⰵⰿⱆ ⱂⰰⱄⰻ ⱁⰲⱐⱌⱔ ⰿⱁⱗ.
21:17
ⰳⰾ҃ⰰ ⰵⰿⱆ ⱅⱃⰵⱅⰻⱌⰻ. Ⱄⰻⰿⱁⱀⰵ ⰺ҅ⱁⱀⰻⱀⱏ ⰾ̑ⱓⰱⰻⱎⰻ ⰾⰻ ⰿⱔ. ⱁⱄⰽⱃⱏⰱⱑ ⱂⰵⱅⱃⱏ. ⱑⰽⱁ ⱃⰵⱍⰵ ⰵⰿⱆ ⱅⱃⰵⱅⰻⱌⰻ. ⰾ̑ⱓⰱⰻⱎⰻ ⰾⰻ ⰿⱔ. ⰺ҅ ⰳⰾ҃ⰰ ⰵⰿⱆ. ⰳ҃ⰻ. ⰲⱐⱄⰵ ⱅⱏⰹ ⰲⱑⱄⰻ. ⱅⱏⰹ ⰲⱑⱄⰻ ⱑⰽⱁ ⰾ̑ⱓⰱⰾ̑ⱙ ⱅⱔ. ⰳⰾ҃ⰰ ⰵⰿⱆ ⰻⱄ҃. ⱂⰰⱄⰻ ⱁⰲⱐⱌⱔ ⰿⱁⱗ.
21:18
ⰰⰿⰻⱀ ⰰⰿⰻⱀ ⰳⰾ҃ⱙ ⱅⰵⰱⱑ. ⰵⰳⰴⰰ ⰱⱑ ⱓⱀⱏ. ⱂⱁⱑⱄⰰⱎⰵ ⱄⱔ ⱄⰰⰿⱏ. ⰺ҅ ⱈⱁⰶⰴⱑⰰⱎⰵ ⱑⰿⱁⰶⰵ ⱈⱁⱅⱑⰰⱎⰵ. ⰵⰳⰴⰰ ⰶⰵ ⱄⱏⱄⱅⰰⱃⱑⰵⱎⰻ ⱄⱔ. ⰲⱐⰸⰴⰵⰶⰴⰵⱎⰻ ⱃⱘⱌⱑ ⱅⰲⱁⰹ. ⰺ҅ ⰻⱀⱏ ⱅⱔ ⱂⱁⱑⱎⰵⱅⱏ. ⰺ҅ ⰲⰵⰴⰵⱅⱏ. ⱑⰿⱁⰶⰵ ⱀⰵ ⱈⱁⱎⱅⰵⱎⰻ.
21:19
ⱄⰵ ⰶⰵ ⱃⰵⱍⰵ ⰽⰾⰵⱂⰾ̑ⱔ. ⰽⱁⰵⱙ ⱄⱏⰿⱃⱏ[ⱅ]ⰻⱙ ⱂⱃⱁⱄⰾⰰⰲⰻⱅⱏ ⰱ҃ⰰ. ⰺ҅ ⱄⰵ ⱃⰵⰽⱏ. ⰳⰾ҃ⰰ ⰵⰿⱆ ⰺ҅ⰴⰻ ⱂⱁ ⰿⱀⱑ.
21:20
ⰺ ⱁⰱⱃⰰⱎⱅⱐ ⰶⰵ ⱄⱔ ⱂⰵⱅⱃⱏ. ⰲⰻⰴⱑ ⱆⱍⰵⱀⰻⰽⰰ. ⰵⰳⱁⰶⰵ ⰾ̑ⱓⰱⰾ̑ⱑⰰⱎⰵ ⰻⱄ҃. ⰺ҅ⰴⱘⱎⱅⰰ ⰲⱐ ⱄⰾⱑⰴⱏ. ⰺ҅ⰶⰵ ⰺ҅ ⰲⱏⰸⰾⰵⰶⰵ ⱀⰰ ⱂⱃⱏⱄⰻ ⰵⰳⱁ ⰺ҅ ⱃⰵⱍⰵ. ⰳ҃ⰻ ⰽⸯⱅⱁ ⰵⱄⱅⱏ ⱂⱃⱑⰴⰰⱗⰹ ⱅⱔ.
21:21
ⱄⰵⰳⱁ ⰲⰻⰴⱑⰲⱏ ⱂⰵⱅⱃⱏ ⰳⰾ҃ⰰ ⰺ҅ⱄ҃ⰲⰻ. ⰳ҃ⰻ. ⰰ ⱄⱐ ⱍⱐⱅⱁ.
21:22
ⰳⰾ҃ⰰ ⰵⰿⱆ ⰻⱄ҃. ⰰⱎⱅⰵ ⱈⱁⱎⱅⱘ ⰴⰰ ⱅⱏ ⱂⱃⱑⰱⱘⰴⰵⱅⱏ. ⰴⱁⱀⱐⰴⰵⰶⰵ ⱂⱃⰻⰴⱘ. ⱍⱐⱅⱁ ⰵ ⱅⰵⰱⱑ. ⱂⱁ ⰿⱀⱑ ⱅⱏⰹ ⰳⱃⱔⰴ[ⰻ]
21:23
ⰺ҅ⰸⰻⰴⰵ ⰶⰵ ⱄⰾⱁⰲⱁ ⱄⰵ ⰲⱏ ⰱⱃⰰⱅⱃⰻ[ⱙ] ⱑⰽⱁ ⱆⱍⰵⱀⰻⰽⱏ ⱅⱏ ⱀⰵ ⱆⰿⱐⱃ̑ⰵⱅⱏ. ⱀⰵ ⱃⰵⱍⰵⱅⱏ ⰶⰵ ⰵⰿⱆ ⰻⱄ҃. ⱑⰽⱁ ⱆ[ⱀⰵ]ⰿⱐⱃⰵⱅⱏ. ⱀⱏ ⰰⱎⱅⰵ ⱈⱁⱎⱅⱘ ⰴⰰ ⱅⱏ ⱂⱃⱑⰱⱏⰹⰲⰰⰵⱅⱏ. ⰴⱁⱀⱐⰴⰵⰶⰵ ⱂⱃⰻⰴⱘ. ⱍⱐⱅⱁ ⰵ ⱅⰵⰱⱑ.
21:24
ⱄⱐ ⰵⱄⱅⱏ ⱆⱍⰵⱀⰻⰽⱏ ⱄⱏⰲⱑⰴⱑⱅⰵⰾⱐⱄⱅⰲⱆⱗⰹ ⱁ ⱄⰻⱈⱏ. ⰺ҅ⰶⰵ ⰺ҅ ⱀⰰⱂⸯⱄⰰ ⱄⰻ. ⰺ҅ ⰲⱑⰿⱐ ⱑⰽⱁ ⰺ҅ⱄⱅⰻⱀⱏⱀⱁ ⰵⱄⱅⱏ ⱄⱏⰲⱑⰴⱑⱅⰵⰾ̑ⱐⱄⱅⰲⱁ ⰵⰳⱁ.