си гл҃а ис҃. ꙇ҅ възведе очи своі на нб҃о ꙇ҅ рече. !оче приде часъ. прослави сн҃а своего. до ꙇ сн҃ъ твоі прославитъ тѧ.

ѣкоже далъ емоу еси власть вьсѣкоѩ плъти. да вⸯсѣко еже емоу еси далъ. дастъ ꙇ҅мъ ж!ивота вѣчьнаго.

се же естъ вѣчьнꙑ животъ. да знаѭтъ тебе единого ꙇ҅стиньнаго б҃а. ꙇ҅ егоже посъла !иѵ х҃а.

азъ прославихъ тѧ на земли. дѣло съвръшихъ. еже далъ еси мьнѣ да сътвор̑ѭ.

ꙇ҅ нꙑн̑ѣ прослави мѧ !оче оу тебе самого. славѫ ѭже ꙇ҅мѣхъ. прѣжде. даже не бꙑ!с оу тебе вьсь миръ.

ѣвихъ ꙇ҅мѧ твое чк҃омъ. ѩже далъ еси мьнѣ отъ вьсего мира. твоі бѣшѧ ꙇ҅ мьнѣ ѩ далъ еси. ꙇ҅ слово твое съхранишѧ.

нꙑн̑ѣ разоумѣшѧ. ѣко всѣ елико далъ еси мьнѣ. отъ тебе сѫтъ

ѣко гл҃ꙑ ѩже дастъ мьнѣ. дахъ ꙇ҅мъ. ꙇ҅ ти приѩшѧ. ꙇ҅ разоумѣшѧ въ ꙇстинѫ. ѣко отъ тебе ꙇ҅зидъ ꙇ҅ вѣровашѧ ѣко тꙑ мѧ посъла.

*̆азъ о сихъ молѭ. не о вьсемь мирѣ мол̑ѭ. нъ о сихъ ѩже далъ еси мьнѣ. ѣко твоі сѫтъ.

ꙇ҅ моѣ вьсѣ твоѣ сѫтъ. ꙇ҅ твоѣ моѣ. ꙇ҅ прославихъ сѧ вь н̑ихъ.

ꙇ҅ к томоу нѣсмь въ всемь мирѣ. ꙇ҅ и сиі въ всемь мирѣ сѫтъ. ꙇ҅ азъ къ тебѣ грѧдѫ. - -дѧтъ славѫ моѭ. ѭже далъ еси мьнѣ. ѣко вьзл̑юбилъ мѧ еси. прѣжде съложениѣ вⸯсего мира.

!Оче правьдънꙑ. ꙇ҅ вьсь миръ тебе не позна. азъ же тѧ познахъ. ꙇ҅ сиі познашѧ ѣко тꙑ мѧ посъла.

Ꙇ҅ съказахъ ꙇ҅мъ ꙇ҅мѧ твое. ꙇ҅ съкажѫ. да л̑юбꙑ еѭже мѧ еси вьзл̑юбилъ. вь н̑ихъ бѫдетъ. ꙇ҅ азъ вь н̑ихъ. !за!ч.