си гл҃ахъ вамъ. да не съблазните сѧ.

отъ сънъмишт.. ꙇ҅жденѫтъ вꙑ. нъ придетъ година. да вьсѣкъ ꙇ҅же оубиетъ вꙑ. мьнитъ си слоужьбѫ приносити !бви.

ꙇ҅ си творѧтъ вамъ. ѣко не познашѧ оц҃а ни мене.

нъ се гл҃ахъ вамъ. да егда придетъ година. поминаете си. Ѣко азъ рѣхъ вамъ. сихъ же вамъ ꙇ҅спръва не рѣхъ. ѣко съ вами бѣхъ.

нꙑн̑ѣ же ꙇ҅дѫ къ посълавъшюемоу мѧ. ꙇ҅ никтоже отъ васъ не въпрашаетъ мене. камо ꙇ҅деши.

нъ ѣко си гл҃ахъ вамъ. скръбь ꙇ҅сплъни сръдьца ваша.

нъ азъ ꙇ҅стинѫ гл҃ѭ. вамъ. добрѣе естъ вамъ да азъ ꙇ҅дѫ. аште бо не ꙇ҅дѫ азъ. параклитъ не придетъ къ вамъ.

ꙇ҅ пришьдъ онъ. обличитъ всего мира о грѣсѣ ꙇ҅ о пра[в]дѣ ꙇ҅ о сѫдѣ.

о грѣсѣ оубо [ѣ]ко не вѣроуѭтъ въ мѧ.

о правьдѣ же. ѣко къ оц҃ю ꙇ҅дѫ. ꙇ҅ кⸯ томоу не видите мене.

о сѫдѣ же. ѣко кⸯнѧзь мира сего осѫжденъ бꙑ!с.

Еште много ꙇ҅мамь гл҃ати вамъ. нъ не можете носити нꙑн̑ѣ.

егда [ж]е придетъ онъ дх҃ъ ꙇ҅сти[н]ьнꙑ наставитъ вꙑ. на всѣкѫ ꙇ҅стинѫ. не о себѣ бо гл҃ати ꙇ҅матъ. нъ елико аште оуслꙑшитъ. гл҃ати ꙇ҅матъ. ꙇ҅ грѧдѫштаа вьзвѣститъ вамъ.

онъ мѧ прославитъ. ѣко отъ моего приіметъ. ꙇ҅ вьзвѣститъ вамъ.

вⸯсѣ елико ꙇ҅матъ оц҃ь. моѣ сѫтъ. Сего ради рѣхъ. ѣко отъ моего приіметъ. ꙇ҅ вьзвѣститъ вамъ.

въ малѣ. ꙇ҅ кⸯ томоу не [ви]дитъ мене. ꙇ҅ пакꙑ въ м[а]лѣ ꙇ҅ оузьрите мѧ. ꙇ҅ ѣко ꙇ҅д[ѫ] къ оц҃ю.

рѣшѧ же ꙇ҅ отъ оученикъ его къ себѣ. чьто се естъ еже гл҃етъ къ намъ. въ мал[ѣ] ꙇ҅ не видите мене. ꙇ҅ пакꙑ въ малѣ оузьрите мѧ. ꙇ҅ ѣко ꙇ҅дѫ къ оц҃ю.

гл҃аахѫ же чьто оубо естъ се. еже гл҃етъ въ малѣ. не вѣмъ чьто гл҃ет[ъ.]

Разоумѣ же ис҃. ѣко хотѣахѫ [і] въпрашати. ꙇ҅ рече ꙇ҅мъ. о семь ли сътѧзаете сѧ. междю собоѭ. ѣко рѣхъ въ малѣ ꙇ҅ не видите мене. ꙇ҅ пакꙑ въ малѣ оузьрите мѧ.

амин амин гл҃ѭ вамъ. ѣко въсплачете сѧ. ꙇ҅ въздрꙑдаете вꙑ. а вьсь миръ въздрадоуетъ сѧ. вꙑ же печальни бѫдете. нъ печаль ваша въ радость бѫдетъ.

жена егда раждаетъ. печаль ꙇ҅матъ. ѣко приде годъ еѩ. егда же родитъ отрочѧ. къ томоу не помьн̑итъ скръби за радость. ѣко роди сѧ чк҃ъ въ миръ.

ꙇ҅ вꙑ же оубо нꙑн̑ѣ. печальни бѫдете. пакꙑ же..зьрѫ вꙑ. ꙇ҅ въздрадоуетъ сѧ сръдьце ваше. ꙇ҅ радости вашеѩ никътоже не възъметъ отъ васъ.

ꙇ҅ въ тъ дьнь мене не въпросите ничесоже. амин амин гл҃ѭ вамъ. аште чесо просите оу оц҃а въ ꙇмѧ мое дастъ вамъ.

доселѣ не просисте ничесоже. въ ꙇмѧ мое. просите ꙇ҅ приімете. да радость ваша ꙇ҅сплън̑ена бѫдет[ъ.]

Си въ притъчахъ гл҃ахъ вамъ придетъ година. егда к томоу въ притъчахъ не гл҃ѭ вамъ. нъ не обиноуѩ сѧ о !оци. вьзвѣштѫ вамъ.

въ тъ дьнь въ ꙇмѧ мое въспросите. ꙇ҅ не гл҃ѭ вамъ. ѣко азъ оумо[л̑ѭ] !оца о васъ.

самъ бо оц҃ь л̑юбитъ вꙑ. ѣко вꙑ мене вьзлюбисте. ꙇ҅ вѣровасте ѣко отъ б҃а ꙇ҅зидъ.

ꙇ҅зидъ отъ оц҃а. ꙇ҅ придъ въ вьсь миръ. пакꙑ оставл̑ѣѭ вьсь миръ. ꙇ҅ идѫ къ оц҃ю.

гл҃ашѧ емоу оученици его. се нꙑн̑ѣ обиноуѩ сѧ гл҃еши. а притъчѧ ниединоѩ же гл҃еши.

нꙑн̑ѣ вѣмъ ѣко вѣси вⸯсѣ. ꙇ҅ не трѣбоуеши да къто тѧ въпрашаетъ. о семь вѣроуемъ. ѣко отъ б҃а еси ꙇ҅шьлъ.

Ѡтъвѣшта ꙇ҅мъ ис҃. нꙑн̑ѣ ли вѣроуете.

се грѧдетъ година. ꙇ҅ нꙑн̑ѣ приде. да разидетъ сѧ кождо въ своѣ. ꙇ҅ мене единого оставите. ꙇ҅ нѣсмь единъ. ѣко оц҃ь съ мⸯноѭ естъ.

Си гл҃ахъ вамъ да въ мьнѣ миръ ꙇ҅мате. въ всемь мирѣ скръбьни бѫдете. нъ дръзаꙇ҅те. азъ побѣ{бѣ}дихъ всего мира.