ЕВАНГЕЛИЕ ЕЖЕ Ѿ ІОАННА
10:1
ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⱀⰵ ⰲⱏⱈⱁⰴⱔⰺ ⰴⰲⱐⱃⱐⰿⰻ ⰲⱏ ⰴⰲⱁⱃⱏ ⱁⰲⱐⱍⰻⰹ. ⱀⱏ ⱂⱃⱑⰾⰰⰸⱔⰹ ⰺ҅ⱀⱆⰴⱆ. ⱅⱏ ⱅⰰⱅⱐ ⰵⱄⱅⱏ. ⰺ҅ ⱃⰰⰸⰱⱁⰺⱀⰻⰽⱏ.
10:2
ⰰ ⰲⱏⱈⱁⰴⱔⰹ ⰴⰲⱐⱃⱐⰿⰻ. ⱂⰰⱄⱅⱏⰹⱃⱐ ⰵⱄⱅⱏ ⱁⰲⱌⰰⰿⱏ.
10:3
ⱄⰵⰿⱆ ⰴⰲⱐⱃⱐⱀⰻⰽⱏ ⱁⱅⰲⱃⱏⰸⰰⰵⱅⱏ. ⰺ҅ ⱁⰲⱐⱌⱔ ⰳⰾⰰⱄⱏ ⰵⰳⱁ ⱄⰾⱏⰹⱎⱔⱅⱏ. ⰺ҅ ⱄⰲⱁⱗ ⱁⰲⱐⱌⱔ ⰳⰾⰰⱎⰰⰵⱅⱏ ⱂⱁ ⰺ҅ⰿⰵⱀⰻ. ⰺ҅ ⰻⰸⰳⱁⱀⰻⱅⱏ ⱗ.
10:4
ⰵⰳⰴⰰ ⱄⰲⱁⱗ ⱁⰲⱐⱌⱔ ⰺ҅ⰶⰴⰵⱀⰵⱅⱏ. ⱂⱃⱑⰴⱏ ⱀ̑ⰻⰿⰻ ⱈⱁⰴⰻⱅⱏ. ⰺ҅ ⱁⰲⱐⱌⱔ ⱂⱁ ⱀ̑ⰵⰿⱐ ⰺ҅ⰴⱘⱅⱏ. ⱑⰽⱁ ⰲⱑⰴⱔⱅⱏ ⰳⰾⰰⱄⱏ ⰵⰳⱁ.
10:5
ⱂⱁ ⱅⱆⰶⰴⰵⰿⱐ ⰶⰵ ⱀⰵ ⰺ҅ⰴⱘⱅⱏ. ⱀⱏ ⰱⱑⰶⱔⱅⱏ ⱁⱅⱏ ⱀ̑ⰵⰳⱁ. ⱑⰽⱁ ⱀⰵ ⰸⱀⰰⱙⱅⱏ ⱎⱅⱓⰶⰴⰵⰳⱁ ⰳⰾⰰⱄⰰ.
10:6
ⱄⰻⱙ ⱂⱃⰻⱅⱏⱍⱘ ⱃⰵⱍⰵ ⰺ҅ⰿⱏ ⰻⱄ҃. ⱁⱀⰻ ⰶⰵ ⱀⰵ ⱃⰰⰸⱆⰿⱑⱎⱔ ⱍⱐⱅⱁ ⰱⱑⰰⱎⱔ. ⱑⰶⰵ ⰳⰾ҃ⰰⱎⱔ ⰺ҅ⰿⱏ
10:7
ⱃⰵⱍⰵ ⰶⰵ ⰺ҅ⰿⱏ ⱂⰰⰽⱏⰹ ⰻⱄ҃. ⰰⰿⰻⱀ ⰰⰿⰻⱀ ⰳⰾ҃ⱙ ⰲⰰⰿⱏ. ⰰⰸⱏ ⰵⱄⰿⱐ ⰴⰲⱐⱃⰻ ⱁⰲⱐⱌⰰⰿⱏ.
10:8
ⰲⱐⱄⰻ ⰵⰾⰻⰽⱁⰶⰵ ⰺ҅ⱈⱏ ⱂⱃⰻⰴⰵ ⱂⱃⱑⰶⰴⰵ ⰿⰵⱀⰵ. ⱅⰰⱅⰻⰵ ⱄⱘⱅⱏ ⰺ҅ ⱃⰰⰸⰱⱁⰺⱀⰻⱌⰻ. ⱀⱏ ⱀⰵ ⱂⱁⱄⰾⱆⱎⰰⱎⱔ ⰺ҅ⱈⱏ ⱁⰲⱐⱌⱔ.
10:9
ⰰⰸⱏ ⰵⱄⰿⱐ ⰴⰲⱐⱃⰻ. ⰿⱏⱀⱁⱙ ⰰⱎⱅⰵ ⰽⱏⱅⱁ ⰲⱐⱀⰻⰴⰵⱅⱏ. ⱄⱂ҃ⰵⱅⱏ ⱄⱔ. ⰺ҅ ⰲⱐⱀⰻⰴⰵⱅⱏ ⰺ҅ ⰻⰸⰻⰴⰵⱅⱏ. ⰺ҅ ⱂⰰⰶⰻⱅⱐ ⱁⰱⱃⱔⱎⱅⰵⱅⱏ. !ⰽⱁ!ⱌ.
10:10
ⱅⰰⱅⱐ ⱀⰵ ⱂⱃⰻⱈⱁⰴⰻⱅⱏ. ⱀⱏ ⰴⰰ ⱆⰽⱃⰰⰴⰵⱅⱏ. ⰺ҅ ⱆⰱⰻⰵⱅⱏ. ⰺ҅ ⱂⱁⰳⱆⰱⰻⱅⱏ. ⰰⰸⱏ ⱂⱃⰻⰴⱏ ⰴⰰ ⰶⰻⰲⱁⱅⰰ ⰺ҅ⰿⱘⱅⱏ.
10:11
ⰰⰸⱏ ⰵⱄⰿⱐ ⱂⰰⱄⱅⱏⰹⱃⱐ ⰴⱁⰱⱃⱏⰹ. ⱂⰰⱄⱅⱏⰹⱃⱐ ⰴⱁⰱⱃⱏⰹ ⱂⱁⰾⰰⰳⰰⰵⱅⱏ ⰴⱎ҃ⱘ ⱄⰲⱁⱙ ⰸⰰ ⱁⰲⱐⱌⱔ.
10:12
ⰰ ⱀⰰⰺ҅ⰿⱐⱀⰻⰽⱏ ⰺ҅ⰶⰵ ⱀⱑⱄⱅⱏ ⱂⰰⱄⱅⱏⰹⱃ̑ⱐ. ⰵⰿⱆⰶⰵ ⱀⰵ ⱄⱘⱅⱏ ⱁⰲⱐⱌⱔ ⱄⰲⱁⱗ. ⰲⰻⰴⰻⱅⱏ ⰲⰾⱐⰽⰰ ⰳⱃⱔⰴⱘⱎⱅⰰ. ⰺ҅ ⱁⱄⱅⰰⰲⰾ̑ⱑⰵⱅⱏ ⱁⰲⱐⱌⱔ ⰺ҅ ⰱⱑⰳⰰⰵⱅⱏ. ⰺ҅ ⰲⰾⱐⰽⱏ ⱃⰰⱄⱈⱏⰹⱅⰻⱅⱏ ⱗ. ⰺ҅ ⱃⰰⱄⱂⱘⰴⰻⱅⱏ ⱁⰲⱐⱌⱔ.
10:13
ⰰ ⱀⰰⰺ҅ⰿⱐⱀⰻⰽⱏ ⰱⱑⰶⰻⱅⱏ. ⱑⰽⱁ ⱀⰰⰺ҅ⰿⱐⱀⰻⰽⱏ ⰵⱄⱅⱏ. ⰺ҅ ⱀⰵ ⰱⱃⱑⰶⰵⱅⱏ ⱁ ⱁⰲⱐⱌⰰⱈⱏ.
10:14
Ⰰⰸⱏ ⰵⱄⰿⱐ ⱂⰰⱄⱅⱏⰹⱃⱐ ⰴⱁⰱⱃⱏⰹ. ⰺ҅ ⰸⱀⰰⱙ ⰿⱁⱗ. ⰺ҅ ⰸⱀⰰⱙⱅⱏ ⰿⱔ ⰿⱁⱗ.
10:15
ⱑⰽⱁⰶⰵ ⰸⱀⰰⰵⱅⱏ ⰿⱔ ⱁⱌ҃ⱐ. ⰺ҅ ⰰⰸⱏ ⰸⱀⰰⱙ ⱁⱌ҃ⰰ. ⰺ҅ ⰴⱎ҃ⱘ ⰿⱁⱙ ⱂⱁⰾⰰⰳⰰⱙ ⰸⰰ ⱁⰲⱐⱌⱔ.
10:16
ⰺ҅ ⰻⱀⱏⰹ ⱁⰲⱌⱔ ⰺ҅ⰿⰰⰿⱐ. ⱗⰶⰵ ⱀⰵ ⱄⱘⱅⱏ ⱁⱅⱏ ⰴⰲⱁⱃⰰ ⱄⰵⰳⱁ. ⰺ҅ ⱅⱏⰹ ⰿⰻ ⱂⱁⰴⱁⰱⰰⰵⱅⱏ ⱂⱃⰻⰲⰵⱄⱅⰻ. ⰺ҅ ⰳⰾⰰⱄ ⰿⱁⰹ ⱆⱄⰾⱏⰹⱎⱔⱅⱏ. ⰺ҅ ⰱⱘⰴⰵⱅⱏ ⰵⰴⰻⱀⱁ ⱄⱅⰰⰴⱁ. ⰺ҅ ⰵⰴⰻⱀⱏ ⱂⰰⱄⱅⱏⰹⱃⱐ.
10:17
ⱄⰵⰳⱁ ⱃⰰⰴⰻ ⰿⱔ ⱁⱌ҃ⱐ ⰾ̑ⱓⰱⰻⱅⱏ. ⱑⰽⱁ ⰰⰸⱏ ⱂⱁⰾⰰⰳⰰⱙ ⰴⱎ҃ⱘ ⰿⱁⱙ. ⰴⰰ ⱂⰰⰽⱏⰹ ⱂⱃⰻⰹⰿⱘ ⱙ.
10:18
Ⱀⰻⰽⱏⱅⱁⰶⰵ ⰲⱏⰸⱏⰿⰵⱅⱏ ⰵⱗ ⱁⱅⱏ ⰿⰵⱀⰵ. ⱀⱏ ⰰⰸⱏ ⱂⱁⰾⰰⰳⰰⱙ ⱁ ⱄ[ⰵⰱⱑ] ⱁⰱⰾⰰⱄⱅⱐ ⰺ҅ⰿⰰⰿⱐ ⱂⱁⰾⱁⰶⰻⱅⰻ ⱙ. ⰺ҅ ⱁⰱⰾⰰⱄⱅⱐ ⰺ҅ⰿⰰⰿⱐ ⱂⰰⰽⱏⰹ ⱂⱃⰻⱗⱅⰻ ⱙ. ⱄⱐⱙ ⰸⰰⱂⱁⰲⱑⰴⱐ ⱂⱃⰻⱗⱈⱏ ⱁⱅⱏ ⱁⱌ҃ⰰ ⰿⱁⰵⰳⱁ.
10:19
ⱃⰰⱄⱂ̑ⱐⱃ̑ⱑ ⰶⰵ ⱂⰰⰽⱏⰹ ⰱⱏⰹ!ⱄ ⰲⱏ ⰺⱓⰴⱑⰺⱈⱏ. ⰸⰰ ⱄⰾⱁⰲⰵⱄⰰ ⱄⰻ
10:20
ⰳⰾ҃ⰰⱈⱘ ⰶⰵ ⰿⱀⱁⰸⰻ ⱁⱅⱏ ⱀ̑ⰻⱈⱏ. ⰱⱑⱄⱏ ⰺ҅ⰿⰰⱅⱏ. ⰺ҅ ⱀⰵⰺ҅ⱄⱅⱁⰲⱏ ⰵⱄⱅⱏ. ⱍⱐⱅⱁ ⰵⰳⱁ ⱂⱁⱄⰾⱆⱎⰰⰵⱅⰵ.
10:21
ⰺ҅ⱀⰻ ⰳⰾ҃ⰰⱈⱘ. ⱄⰻⰹ ⰳⰾ҃ⰻ ⱀⰵ ⱄⱘⱅⱏ ⰱⱑⱄⱏⱀⱆⱙⱎⱅⰰⰵⰳⱁ ⱄⱔ. ⰵⰴⰰ ⰱⱑⱄⱏ ⰿⱁⰶⰵⱅⱏ. ⱄⰾⱑⱂⱁⰿⱏ ⱁⱍⰻ ⱁⱅⰲⱃⱑⱄⱅⰻ.
10:22
Ⰱⱏⰹⱎⱔ ⰶⰵ ⱅⱁⰳⰴⰰ !ⱄⰲⱔⱎⱀⰻⱑ ⰲⱏ ⰺⰾ҃ⰿⱑⱈⱏ. ⰺ҅ ⰸⰻⰿⰰ ⰱⱑ.
10:23
ⰺ҅ ⱈⱁⰶⰴⰰⱎⰵ ⰻⱄ҃. ⰲⱏ ⱌⱃⱏⰽⱏⰲⰵ. ⰲⱏ ⱂⱃⰻⱅⰲⱁⱃⱑ ⱄⱁⰾⱁⰿⱆⱀ̑ⰻ.
10:24
ⱁⰱⰻⰴⱘ ⰶⰵ ⰹ ⰺ҅ⱓⰴⱑⰻ ⰺ҅ ⰳⰾ҃ⰰⱈⱘ ⰵⰿⱆ. ⰴⱁⰽⱁⰾⱑ ⰴⱎ҃ⱔ ⱀⰰⱎⱔ ⰲⱐⰸⰵⰿⰾ̑ⰵⱎⰻ. ⰰⱎⱅⰵ ⱅⱏⰹ ⰵⱄⰻ ⱈ҃ⱏ. ⱃⱐⱌⰻ ⱀⰰⰿⱏ ⱀⰵ ⱁⰱⰻⱀⱆⱗ ⱄⱔ.
10:25
ⱁⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⱃⱑⱈⱏ ⰲⰰⰿⱏ ⰺ҅ ⱀⰵ ⰲⱑⱃⱆⰵⱅⰵ. ⰴⱑⰾⰰ ⱑⰶⰵ ⱅⰲⱁⱃ̑ⱙ ⰰⰸⱏ ⰲⱏ ⰺⰿⱔ ⱁⱌ҃ⰰ ⰿⱁⰵⰳⱁ. ⱅⰰ ⱄⱏⰲⱑⰴⱑⱅⰵⰾ̑ⱐⱄⱅⰲⱆⱙⱅⱏ ⱁ ⰿⱀⱑ.
10:26
ⱀⱏ ⰲⱏⰹ ⱀⰵ ⰲⱑⱃⱆⰵⱅⰵ. ⱀⱑⱄⱅⰵ ⰱⱁ ⱁⱅⱏ ⱁⰲⱐⱌⱐ ⰿⱁⰺⱈⱏ. ⱑⰽⱁⰶⰵ ⱃⱑⱈⱏ ⰲⰰⰿⱏ.
10:27
Ⱉⰲⸯⱌⱔ ⰿⱁⱗ ⰳⰾⰰⱄⰰ ⰿⱁⰵⰳⱁ ⱄⰾⱆⱎⰰⱙⱅⱏ. ⰺ҅ ⰰⰸⱏ ⰸⱀⰰⱙ ⱗ. ⰺ҅ ⱂⱁ ⰿⱐⱀⱑ ⰳⱃⱔⰴⱘⱅⱏ.
10:28
ⰺ҅ ⰰⰸⱏ ⰶⰻⰲⱁⱅⱏ ⰲⱑⱍⱐⱀⱏⰹ ⰴⰰⱙ ⰺ҅ⰿⱏ. ⰺ҅ ⱀⰵ ⱂⱁⰳⱏⰹⰱⱀⱘⱅⱏ ⰲⱏ ⰲⱑⰽⱏ. ⰺ҅ ⱀⰵ ⰲⱏⱄⱈⱏⰹⱅⰻⱅⱏ ⰺ҅ⱈⱏ ⱀⰻⰽⱏⱅⱁⰶⰵ. ⱁⱅⱏ ⱃⱘⰽⱏⰹ ⰿⱁⰵⱗ.
10:29
ⱁⱌ҃ⱐ ⰿⱁⰻ ⰺ҅ⰶⰵ ⰴⰰⱄⱅⱏ ⰿⱐⱀⱑ. ⰱⱁⰾ̑ⰻⰹ ⰲⸯⱄⱑⱈⱏ ⰵⱄⱅⱏ. ⰺ҅ ⱀⰻⰽⱏⱅⱁⰶⰵ ⱀⰵ ⰿⱁⰶⰵⱅⱏ ⰲⱏⱄⱈⱏⰹⱅⰻⱅⰻ ⰺ҅ⱈⱏ. ⱁⱅⱏ ⱃⱘⰽⱏⰹ ⱁⱌ҃ⰰ ⰿⱁⰵⰳⱁ.
10:30
*̆ⰰⰸⱏ ⰺ҅ ⱁⱌ҃ⱐ ⰵⰴⰻⱀⱁ ⰵⱄⰲⱑ.
10:31
ⰲⱐⰸⱔⱎⱔ ⰶⰵ ⱂⰰⰽⱏⰹ ⰽⰰⰿⰵⱀⰻⰵ ⰺ҅ⱓⰴⱑⰹ. ⰴⰰ ⰹ ⱂⱁⰱⰻⱙⱅⱏ.
10:32
ⰺ҅ ⱁⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⰿⱏⱀⱁⰳⰰ ⰴⱑⰾⰰ ⰴⱁⰱⱃⰰⰰ ⱑⰲⰻⱈⱏ ⰲⰰⰿⱏ. ⱁⱅⱏ ⱁⱌ҃ⰰ ⰿⱁⰵⰳⱁ. ⰸⰰ ⰽⱁⰵ ⰺ҅ⱈⱏ ⰴⱑⰾⱁ. ⰽⰰⰿⰵⱀⰻⰵ ⱀⰰ ⰿⱔ ⰿⰵⱎⱅⰵⱅⰵ.
10:33
ⱉⱅⱏⰲⱑⱎⱅⰰⱎⱔ ⰵⰿⱆ ⰺ҅ⱓⰴⱑⰹ ⰳⰾ҃ⱙⱎⱅⰵ. ⱁ ⰴⱁⰱⱃⱑ ⰴⱑⰾⱑ ⱀⰵ ⰿⰵⱎⱅⰵⰿⱏ ⰽⰰⰿⰵⱀⰻⱑ ⱀⰰ ⱅⱔ. ⱀⱏ ⱁ ⰲⰾⰰⱄⰲⰻⰿⰻⰹ. ⱑⰽⱁ ⱅⱏⰹ ⱍⰽ҃ⱏ ⱄⱏⰹ ⱅⰲⱁⱃⰻⱎⰻ ⱄⱔ ⱄⰰⰿⱏ ⰱ҃ⱏ.
10:34
ⱁⱅⱏⰲⱑⱎⱅⰰ ⰺ҅ⰿⱏ ⰻⱄ҃. ⱀⱑⱄⱅⱏ ⰾⰻ ⱂⱄⰰⱀⱁ ⰲⱏ ⰸⰰⰽⱁⱀⱑ ⰲⰰⱎⰵⰿⱐ. ⱑⰽⱁ ⰰⰸⱏ ⱃⱑⱈⱏ ⰱⱁⰷⰻ ⰵⱄⱅⰵ.
10:35
ⰰⱎⱅⰵ ⱁⱀⱏ ⱃⰵⱍⰵ ⰱⱁⰳⱏⰹ. ⰽⱏ ⱀ̑ⰻⰿⱏⰶⰵ ⱃⰵⱍⰵ ⱄⰾⱁⰲⱁ ⰱⰶ҃ⰻⰵ. ⰺ҅ ⱀⰵ ⰿⱁⰳⱘⱅⱏ ⱄⱔ ⱃⰰⰸⱁⱃⰻⱅⰻ ⰽⱏⱀ̑ⰻⰳⱏⰹ.
10:36
ⰵⰳⱁⰶⰵ ⱁⱌ҃ⱐ ⱄⱅ҃ⰻ. ⰺ҅ ⱂⱁⱄⱏⰾⰰ ⰲⱏ ⰿⰻⱃⱏ. ⰲⱏⰹ ⰳⰾ҃ⰵⱅⰵ ⱑⰽⱁ ⰲⰾⰰⱄⰲⰻⰿⰾ̑ⱑⰵⱎⰻ. ⰸⰰⱀ̑ⰵ ⱃⱑⱈⱏ ⱑⰽⱁ ⱄⱀ҃ⱏ ⰱⰶ҃ⰹⰻ ⰵⱄⰿⱐ.
10:37
ⰰⱎⱅⰵ ⱀⰵ ⱅⰲⱁⱃⱘ ⰴⱑⰾⱏ ⱁⱌ҃ⰰ ⰿⱁⰵⰳⱁ. ⱀⰵ ⰵⰿⰾⱑⱅⰵ ⰿⰻ ⰲⱑⱃⱏⰹ.
10:38
ⰰⱎⱅⰵ ⰾⰻ ⱅⰲⱁⱃ̑ⱙ. ⰰⱎⱅⰵ ⰺ҅ ⰿⱐⱀⱑ ⰲⱑⱃⱏⰹ ⱀⰵ ⰵⰿⰾⰵⱅⰵ. ⰴⱑⰾⱁⰿⱏ ⰿⱁⰺⰿⱏ ⰲⱑⱃⱘ ⰺ҅ⰿⱑⱅⰵ. ⰴⰰ ⱃⰰⰸⱆⰿⱑⰵⱅⰵ. ⰺ҅ ⰲⱑⱃⱆⰵⱅⰵ. ⱑⰽⱁ ⰲⱏ ⰿⱐⱀⱑ ⱁⱌ҃ⱐ ⰺ҅ ⰰⰸⱏ ⰲⱏ !ⱁⱌⰻ. !ⰽⱁ!ⱌ.
10:39
Ⰺ҅ⱄⰽⰰⱈⱘ ⰶⰵ ⰵⰳⱁ ⱂⰰⰽⱏⰹ ⱗⱅⰻ. ⰺ҅ⰸⰻⰴⰵ ⱁⱅⱏ ⱃⱘⰽⱏⰹ ⰺ҅ⱈⱏ.
10:40
ⰺ҅ ⰻⰴⰵ ⱂⰰⰽⱏⰹ ⱀⰰ ⱁⱀⱏ ⱂⱁⰾⱏ ⰺ҅ⱁⱃⰴⰰⱀⰰ. ⱀⰰ ⰿⱑⱄⱅⱁ ⰺ҅ⰴⰵⰶⰵ ⰱⱑ ⰺ҅ⱁⰰⱀⱏ. ⱂⱃⱑⰶⰴⰵ ⰽⱃⱐⱄⱅⱔ. ⰺ҅ ⱂⱃⱑⰱⱏⰹ!ⱄ ⱅⱆ.
10:41
ⰺ҅ ⰿⱀⱁⰸⰻ ⱂⱃⰻⰴⱘ ⰽⱏ ⱀ̑ⰵⰿⱆ. ⰺ҅ ⰳⰾ҃ⰰⰰⱈⱘ. ⱑⰽⱁ ⰺ҅ⱁⰰⱀⱏ ⱆⰱⱁ ⰸⱀⰰⰿⰵⱀⰻⱑ ⱀⰵ ⱄⱏⱅⰲⱁⱃⰻ. ⱀⰻⰵⰴⱐⱀⱁⰳⱁⰶⰵ. ⰲⱐⱄⱑ ⰵⰾⰻⰽⱁ ⱃⰵⱍⰵ. ⰺ҅ⱁⰰⱀⱏ ⱁ ⱄⰵⰿⱐ ⰺ҅ⱄⱅⰻⱀⰰ ⰱⱑ.
10:42
ⰺ҅ ⰿⱀⱁⰸⰻ ⰲⱑⱃⱁⰲⰰⱎⱔ ⰲⱐ ⱀ̑ⰵⰳⱁ ⱅⱆ.