Ютроу же бꙑвъшоу. Съвѣтъ сътворишѧ вьси архиереи и старьци людьсции на ис҃а. ѣко оубити и.

ꙇ съвѣзавъше и вѣсѧ. ꙇ прѣдашѧ и понтьскоумоу пилатоу. ꙇђемоноу :: к!ц.

Тъгда видѣвъ июда прѣдавꙑи его. ѣко осѫдишѧ и. раскаавъ сѧ възврати три десѧти съребрьникъ. архиереомъ и старьцемъ

гл҃ѧ. съгрѣшихъ прѣдавъ кръвъ не повинънѫ. они же рѣшѧ что естъ намъ тꙑ оузьриши.

ꙇ повръгъ съребро въ !цркве отиде. ꙇ ошедъ вьзвѣси сѧ ::

Архиереи же приемъше съребро рѣшѧ. не достоино естъ въложити его въ карванѫ. понеже цѣна кръве естъ.

съвѣтъ же сътворьше коупишѧ имь село скѫдельниково. въ погрѣбание странънꙑмъ.

тѣмь же нарече сѧ село то село кръве до сего дьне.

Тъгда събꙑстъ сѧ реченое пророкомь гл҃ѭштемь. ꙇ приѩсѧ три десѧти съребръникъ цѣнѫ цѣненааго. егоже цѣнишѧ отъ сн҃ъ из҃лвъ.

ꙇ да{шѧ}шѧ ѩ на селѣ скѫдельничи. ѣкоже съказа мьнѣ !гь ::

ꙇс҃ же ста прѣдъ иђемономъ. ꙇ въпроси и иђемонъ гл҃ѧ. тꙑ ли еси цс҃рь июдеискъ. ꙇс҃ же рече емоу тꙑ гл҃ши.

ꙇ егда на нь гл҃хѫ архиереи и старьци. ничьсоже отъвѣштавааше.

Тъгда гл҃а емоу пилатъ. не слꙑшиши ли колико на тѧ съвѣдѣтельствоуѭтъ.

ꙇ не отъвѣшта емоу ни къ единомоу гл҃оу. ѣко дивити сѧ иђемоноу ѕѣло.

На вьсѣкъ же день великъ обꙑчаи бѣ [ꙇ]ђемоноу. отъпоуштати народоу. съвѧзьнѣ егоже хотѣахѫ.

ꙇмѣаше же тъгда съвѧзьнѣ нарочита нарицаемааго варавва.

събъравъшемъ же сѧ имъ. рече имъ пилатъ. кого хощете отъ обою отъпоуштю вамъ. вараввѫ ли. ꙇ҅ли ис҃а нарицаемааго !ха.

вѣдѣше бо ѣко зависти ради прѣдашѧ и ::

Сѣдѧштю же емоу на сѫдишти. посъла къ немоу жена своѣ гл҃ѭщи. ничьсоже тебѣ ꙇ҅ праведьникоу томоу. мъного бо пострадахъ дьнесь вь сьнѣ его ради ::

Архиереи же и старьци наоустишѧ народꙑ. да испросѧтъ вараввѫ. ꙇс҃а же погоубѧтъ.

отъвѣщавъ же ꙇ҅ђемонъ рече имъ. кого хоштете отъ обою отъпоуштѫ вамъ. они же рѣшѧ вараввѫ.

гл҃а имъ пилатъ. что же сътворѭ ис҃а нарицаемааго !ха. гл҃ашѧ емоу вьси. да пропѧтъ бѫдетъ.

ꙇђемонъ рече имъ. что бо зъло сътвори. они же из лиха въпиѣхѫ гл҃ѭште. да пропѧтъ бѫдетъ.

видѣвъ же пилатъ ѣко ничесоже не оуспѣатъ. нъ паче млъва бꙑваатъ. приемъ водѫ оумꙑ рѫцѣ прѣдъ народомъ гл҃ѧ. не повиненъ есмъ отъ кръве сего праведънааго. вꙑ оузьрите.

ꙇ отъвѣщавъше вьси людье рѣшѧ. кръвь его на насъ и на чѧдѣхъ нашихъ. ::

Тъгда отъпоусти имъ вараввѫ. ꙇс҃а же бивъ прѣдастъ имъ да и пропънѫтъ.

тъгда воини иђемонови. прѣимъше ис҃а на сѫдишти. събърашѧ на нь вьсѫ спирѫ.

ꙇ съвлъкъше и хламидоѭ чръвленоѭ одѣшѧ и.

ꙇ съплетъше вѣнецъ отъ трън ѣ҅ възложишѧ на главѫ его. ꙇ трьсть вь десницѫ его. ꙇ поклоньше сѧ на колѣноу прѣдъ нимь. рѫгаахѫ сѧ емоу гл҃ѭште. радоуи сѧ цс҃рю июдеискъ ::

Ꙇ плинѫвъше на нь приѩсѧ трьсть. ꙇ биѣхѫ и по главѣ.

ꙇ егда порѫгашѧ сѧ емоу. съвлѣшѧ съ него хламидѫ ꙇ облѣшѧ и въ ризꙑ своѩ. ꙇ вѣсѧ і на пропѧтие.

Ꙇсходѧще же обрѣтѫ !чка кѵринѣиска. ꙇменемь симона семоу задѣшѧ понести !крсть его. :: к!ц ::

ꙇ пришедъше на мѣсто нарицаемое голъгота. еже естъ нарицаемое краниево мѣсто

дашѧ емоу оцътъ пити съ злъчьѭ съмѣшънъ. ꙇ въкоушъ не хотѣше пити.

пропьньше же и. раздѣльше ризꙑ его меташѧ жрѣбиѩ.

ꙇ сѣдъше стрѣжаахѫ и тоу.

ꙇ положишѧ връхоу главꙑ его винѫ написанѫ. сь естъ цс҃рь июдеискъ.

Тъгда пропѧшѧ съ нимь дъва разбоиника. единого о деснѫѭ и единого о шѫѭѫ.

мимо ходѧштеи же хоулѣахѫ и. покꙑваѭште главами своими.

ꙇ гл҃аголѭште. оува. разарѣѩи !црквъ. ꙇ трьми деньми съзидаѩ !съпси себе. аште сн҃ъ бж҃ии еси. сълѣзи съ !крта.

Такожде же и аархиереи рѫгаѭште сѧ. съ кънижьникꙑ и старьцꙑ. ꙇ фарисеи гл҃аахѫ.

ꙇ҅нꙑ сп҃се себе ли не можетъ сп҃сти. аште цс҃рь !издлвъ естъ. да сълѣзетъ нꙑнѣ съ !крста. ꙇ вѣрѫ имемъ емоу.

оупъва на б҃а да избавитꙑ и нꙑнѣ. аште хоштетъ емоу. рече бо ѣко бж҃ии сн҃ъ есмъ.

тожде же и разбоиника распѧта съ нимъ поношаасте. емоу.

Отъ шестꙑ {і} ѩ же годинꙑ тъма бꙑстъ по вьсеи земи. до девѧтꙑѩ годинꙑ ::

При девѧтѣи же годинѣ вьзьпи ис҃ гласомь велиемь гл҃ѧ. елѡꙇ елѡꙇ лема савахтани. ежестъ бж҃е мои бж҃е мои. въскѫѭ мѧ еси оставилъ.

едини же отъ ст ѩ҅щихъ тоу слꙑшавъше гл҃аахѫ. ѣко илиѭ зоветъ.

ꙇ абие текъ единъ отъ нихъ. ꙇ приемъ гѫбѫ. ꙇспльнь оцьта. ꙇ вьзнезъ на трь{ь}сть. напаѣше и.

а прочии гл҃хѫ. остани да видимъ. аще придетъ илиѣ сп҃стъ его. дроугꙑ же приемъ копие прободе емоу ребра. ꙇ изиде вода и кръвь. ::

!!Ꙇсъ же възъпивъ гл҃смъ въльемь испоусти дх҃ъ.

ꙇ се катапетазма !црквнаѣ раздъра сѧ. съ вꙑшънѣаго краѣ до ни ... жънѣаго на дъв е҅. ꙇ землѣ потрѧсе сѧ. ꙇ камение распаде сѧ.

ꙇ гроби отврѣсѧ сѧ. ꙇ мънога тѣлеса почиваѭштиихъ ст҃ꙑхъ въсташѧ.

ꙇ ишедъше из г[р]объ по воскръсновении его. вънидѫ въ ст҃ꙑ градъ. ꙇ ѣвишѧ сѧ мъногомъ.

сътъникъ же и иже бѣхѫ съ нимъ стрѣгѫште ис҃а. видѣвъше трѫсъ и бꙑвъшаа. оубоѣшѧ сѧ ѕѣло гл҃ѭще. вꙑ истинѫ бж҃ии сн҃ъ съ бѣ :: к!ц ::

Бѣахѫ же тоу женꙑ мъногꙑ из далече зьрѧштѧ. ѩже идѫ по ис҃ѣ. отъ галилеѩ слоужѧштѧ емоу.

вь нихъ же бѣ мариѣ магдалꙑні і҅ {ма}мариѣ иѣковлѣ и осии мати. ꙇ мати сн҃овоу зеведеовоу.

Поздѣ же бꙑвъшю. приде чл҃къ богатъ отъ аримат ѩ҅. ꙇменемь иосифъ. ꙇже и оучи сѧ оу ис҃а.

съ пристѫпь къ пилатоу проси тѣла ис҃ва. пилатъ же повелѣ въдати тѣло ис҃во.

ꙇ приемъ тѣ[ло] иосифъ. обитъ е плащаницеѭ чистоѭ.

ꙇ положи е въ новѣмь своемь гробѣ. ꙇже исѣче въ камени. ꙇ възваль камень велии на двьри гроба и отиде.

бѣ же тоу ма!рѣ магдалꙑни. ꙇ дроугаѣ мариѣ сѣдѧщи прѣмо гробоу :: к!ц ::

Въ оутрънии же день иже естъ по параскевьђии. събрашѧ сѧ архиереи и фарисеи. къ пилатоу

гл҃ѭште г҃и помѣнѫхомъ ѣко льстецъ онъ рече. еште сꙑ живъ. по трехъ дьнехъ въстанѫ.

повели оубо оутвръдити гробъ до третиѣаго дьне. еда како пришедъше оученици его ноштиѭ оукрадѫтъ і. ꙇ рекѫтъ людемъ въста отъ мрътвꙑхъ. ꙇ бѫдетъ послѣдьнѣа лесть горьши пръвꙑѩ.

рече имъ пилатъ имате коустодиѭ идѣте оутвръдите ѣкоже вѣсте.

они же шедъше оутвръдишѧ гробъ. знаменавъше камень съ коустодиеѭ :: к!ц ::