ЕВАНГЕЛИЕ ЕЖЕ Ѿ МАТѲЕꙖ
24:1
ⰺ ⰻⱎⰵⰴⱏ ⰻⱄ҃. ⰻ !ⱌⱃⰽⰲⰵ ⰺⰴⱑⰰⱎⰵ. ⰺ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱆⱍⰵⱀⰻⱌⰻ ⰵⰳⱁ ⱂⱁⰽⰰⰸⰰⱅⰻ ⰵⰿⱆ ⰸⱏⰴⰰⱀⰻⱑ !ⱌⱃⰽⰲⱏⱀⰰⱑ.
24:2
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⱀⰵ ⰲⰻⰴⰻⱅⰵ ⰾⰻ ⰲⱐⱄⱑⱈⱏ ⱄⰻⱈⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱀⰵ ⰻⰿⰰⱅⱏ ⱄⱏⰴⰵ ⱁⱄⱅⰰⱅⰻ ⰽⰰⰿⰵⱀⱐ ⱀⰰ ⰽⰰⰿⰵⱀⰻ. ⰺ҅ⰶⰵ ⱀⰵ ⱃⰰⰸⱁⱃⰻⱅⱏ ⱄⱔ ::
24:3
Ⱄⱑⰴⱔⱎⱅⱓ ⰶⰵ ⰵⰿⱆ ⱀⰰ ⰳⱁⱃⱑ ⰵⰾⰵⱁⱁⱀⱐⱄⱌⱑ. ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱆⱍⰵⱀⰻⱌⰻ ⰵⰳⱁ ⰵⰴⰻⱀⱁⰿⱆ ⰳⰾ҃ⱋⰵ. ⱂⱁⰲⱑⰶⰴⱏ ⱀⰰⰿⱏ ⰽⱁⰳⰴⰰ ⱄⰻ ⰱⱘⰴⱘⱅⱏ. ⰺ ⱍⱅⱁ ⰵⱄⱅⱏ ⰸⱀⰰⰿⰵⱀⰻⰵ ⱅⰲⱁⰵⰳⱁ ⱂⱃⰻⱎⰵⱄⱅⰲⰻⱑ ⰻ ⰽⱁⱀⱐⱍⰰⱀⰻⰵ ⰲⱑⰽⰰ.
24:4
ⰺ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰻⰿⱏ. Ⰱⰾⱓⰴⱑⱅⰵ ⱄⱔ ⱀⰻⰽⱅⱁⰶⰵ ⰲⰰⱄⱏ ⰴⰰ ⱀⰵ ⱂⱃⱑⰾⱐⱄⱅⰻⱅⱏ.
24:5
ⰿⱏⱀⱁⰷⰻ ⰱⱁ ⱂⱃⰻⰴⱘⱅⱏ ⰲⱏ ⰹⰿⱔ ⰿⱁⰵ ⰳⰾ҃ⱙⱋⰵ. ⰰⰸⱏ ⰵⱄⰿⱏ !ⱈⱏ. ⰺ҅ ⰿⱏⱀⱁⰳⱏⰹ ⱂⱃⱑⰾⱐⱄⱅⱔⱅⱏ.
24:6
ⱆⱄⰾⱏⱎⰰⱅⰻ ⰶⰵ ⰻⰿⰰⱅⰵ ⰱⱃⰰⱀⰻ. ⰺ ⱄⰾⱏⰹⱎⰰⱀⰻⱑ ⰱⱃⰰⱀⰻⰻ ⰲⰻⰴⰻⱅⰵ. ⱀⰵ ⱆⰶⰰⱄⰰⰻⱅⰵ ⱄⱔ. ⱂⱁⰴⱁⰱⰰⰰⱅⱏ ⰱⱁ ⰲⱐⱄⱑⰿⱏ ⰱⱏⰹⱅⰻ. ⱀⱏ ⱀⰵ ⱅⱁⰳⰴⰰ ⰵⱄⱅⱏ ⰽⱁⱀⱐⱍⰻⱀⰰ.
24:7
ⰲⱏⱄⱅⰰⱀⰵⱅⱏ ⰱⱁ !ⱗⰸⰽⱏ ⱀⰰ !ⱗⰸⰽⱏ. ⰺ҅ ⱌⱄ҃ⱅⰲⱁ ⱀⰰ ⱌⱄ҃ⱃⱄⱅⰲⱁ. ⰺ ⰱⱘⰴⱘⱅⱏ ⰳⰾⰰⰴⰻ ⰻ ⱂⰰⰳⱆⰱⱏⰹ. ⰺ ⱅⱃⱘⱄⰻ ⱂⱁⰿⱑⱄⱅⰰ.
24:8
ⰲⱐⱄⱑ ⰶⰵ ⱄⰻ ⱀⰰⱍⱔⰾⱁ ⰱⱁⰾⱑⰸⱀⰻⰻ.
24:9
Ⱅⱏⰳⰴⰰ ⱂⱃⱑⰴⰰⰴⱔⱅⱏ ⰲⱏⰹ ⰲⱏ ⱄⰽⱃⱏⰱⱐ. ⰺ ⱆⰱⱐⱙⱅⱏ ⰲⱏⰹ. ⰺ ⰱⱘⰴⰵⱅⰵ ⱀⰵⱀⰰⰲⰻⰴⰻⰿⰻ ⰲⱐⱄⱑⰿⰻ !ⱗⰸⰽⱏⰹ. ⰺⰿⰵⱀⰵ ⰿⱁⰵⰳⱁ ⱃⰰⰴⰻ.
24:10
ⰺ ⱅⱏⰳⰴⰰ ⱄⱏⰱⰾⰰⰸⱀⱔⱅⱏ ⱄⱔ. ⰿⱐ[ⱀⱁ]ⰷⰻ. ⰺ ⰴⱃⱆⰳⱏ ⰴⱃⱆⰳⰰ ⱂⱃⱑⰴⰰⱄⱅⱏ ⰺ ⰲⱐⰸⱀⰵⱀⰰⰲⰻⰴⰻⱅⱏ ⰴⱃⱆⰳⱏ ⰴⱃⱆⰳⰰ.
24:11
ⰺ ⰿⱏⱀⱁⰷⰻ ⰾⱏⰶⰻⰻ !ⱂⱃⱌⰻ ⰲⱏⱄⱅⰰⱀⱘⱅⱏ. ⰺ ⱂⱃⱑⰾⱐⱄⱅⱔⱅⱏ ⰿⱏⱀⱁⰳⱏⰹ.
24:12
ⰺ ⰸⰰ ⱆⰿⱏⱀⱁⰶⰵⱀⰻⰵ ⰱⰵⰸⰰⰽⱁⱀⰻⱑ. ⰺⱄⱔⰽⱀⰵⱅⱏ ⰾⱓⰱⱏⰹ ⰿⱏⱀⱁⰳⱏⰹⱈⱏ.
24:13
ⱂⱃⱑⱅⱃⱏⱂⱑⰲⱏⰹ ⰶⰵ ⰴⱁ ⰽⱁⱀⱐⱌⰰ ⱅⱏ ⱄⱂ҃ⱄⱅ ⱄⱔ :: ⰽ!ⱌ ::
24:14
ⰺ҅ ⱂⱃⱁⱂⱁⰲⱑⱄⱅⱏ ⱄⱔ ⰵⰲⱀ҃ⰼⰾⰻⰵ ⱌⱄ҃ⱃⱄⱅⰲⰻⱑ ⱂⱁ ⰲⱐⱄⰵⰻ ⰲⱐⱄⰵⰾⰵⱀⱑⰻ. ⰲⱐ ⱄⱏⰲⱑⰴⱑⱅⰵⰾⱐⱄⱅⰲⱁ ⰲⱐⱄⱑⰿⱏ ⱗⰸⱏⰹⰽⱁⰿⱏ. ⰻ ⱅⱏⰳⰴⰰ ⱂⱃⰻⰴⰵⱅⱏ ⰽⱁⱀⱐⱍⰻⱀⰰ ::
24:15
Ⰵⰳⰴⰰ ⰶⰵ ⱆⰸⱐⱃⰻⱅⰵ ⰿⱃⱏⰸⱁⱄⱅⱐ ⰸⰰⱂⱆⱄⱅⱑⱀⰻⱑ. ⱃⰵⱍⰵⱀⱘⱙ ⰴⰰⱀⰻⰻⰾⱁⰿⱏ !ⱂⱃⰽⰿⱐ. ⱄⱅⱁⱗⱎⱅⱘ ⱀⰰ ⰿⱑⱄⱅⱑ. ⰺⰶⰵ ⱍⱐⱅⰵⱅⱏ ⰴⰰ ⱃⰰⰸⱆⰿⱑⰲⰰⰰⱅⱏ.
24:16
Ⱅⱏⰳⰴⰰ ⱄⱘⱎⱅⰵⰻ ⰲⱏ ⰹⱓⰴⰵⰻ ⰴⰰ ⰱⱑⰳⰰⱙⱅⱏ ⱀⰰ ⰳⱁⱃⱏⰹ.
24:17
ⰺ ⰻⰶⰵ ⱀⰰ ⰽⱃⱁⰲⱑ ⰴⰰ ⱀⰵ ⱄⱏⰾⰰⰸⰻⱅⱏ ⰲⱐⰸⱔⱅⰻ ⰵⰶⰵ ⰵⱄⱅⱏ ⰲⱏ ⱈⱃⰰⰿⱑ ⰵⰳⱁ.
24:18
ⰺ ⰻⰶⰵ ⱀⰰ ⱄⰵⰾⱑ ⱅⰰⰽⱁⰶⰴⰵ ⰴⰰ ⱀⰵ ⰲⱏⰸⰲⱃⰰⱅⰻⱅⱏ ⱄⱔ ⰲⱐⱄⱂⱔⱅⱐ. ⰲⱐⰸⱔⱅⱏ ⱃⰻⰸⱏ ⱄⰲⱁⰻⱈⱏ ::
24:19
Ⰳⱁⱃⰵ ⰶⰵ ⱀⰵⱂⱃⰰⰸⰴⱏⱀⱏⰹⰿⱏ ⰻ ⰴⱁⱗⱎⱅⰻⰿⱏ ⰲⱏ ⱅⱏⰹ ⰴⱐⱀⰻ ::
24:20
Ⰿⱁⰾⰻⱅⰵ ⰶⰵ ⱄⱔ ⰴⰰ ⱀⰵ ⰱⱘⰴⰵⱅⱏ ⰱⱑⱄⱅⰲⱁ ⰲⰰⱎⰵ ⰸⰻⰿⱑ ⱀⰻ ⰲⱏ ⱄⱁⰱⱁⱅⱘ.
24:21
Ⰱⱘⰴⰵⱅⱏ ⰱⱁ ⱅⱁⰳⰴⰰ ⱄⰽⱃⱐⰱⱐ ⰲⰵⰾⰻⱑ. ⱑⰽⰰⰶⰵ ⱀⱑⱄⱅⱏ ⰱⱏⰹⰾⰰ ⱁⱅⱏ ⱀⰰⱍⱔⰾⰰ ⰲⱏⱄⰵⰳⱁ ⰿⰻⱃⰰ ⰴⱁ ⱄⰵⰾⱑ. ⱀⰻ ⰻⰿⰰⱅⱏ ⰱⱏⰹⱅⰻ.
24:22
ⰻ ⰰⱋⰵ ⱀⰵ ⰱⰻⱎⱔ ⱂⱃⱑⰽⱃⰰⱅⰻⰾⰻ ⱄⱔ ⰴⱏⱀⰵ ⱅⰻ. ⱀⰵ ⰱⰻ ⱆⰱⱁ !ⱄⱏⱂⱄⰾⱄⱔ ⰲⱐⱄⱑⰽⰰ ⱂⰾⱏⱅⱐ. ⰸⰰ ⰻⰸⰱⱏⱃⰰⱀⱏⰹⱗ ⰶⰵ ⱂⱃⱑⰽⱃⰰⱅⱔⱅⱏ ⱄⱔ ⰴⱐⱀⰵ ⱅⰻ.
24:23
ⱅⱏⰳⰴⰰ ⰰⱎⱅⰵ ⰽⱅⱁ ⰲⰰⰿⱏ ⱃⰵⱍⰵⱅⱏ ⱄⰵ ⱄⱏⰴⰵ !ⱈⱏ ⰾⰻ ⱄⱐⰴⰵ. ⱀⰵ ⰻⰿⱑⱅⰵ ⰲⱑⱃⱏⰹ.
24:24
Ⰲⱏⱄⱅⰰⱀⱘⱅⱏ ⰱⱁ ⰾⱏⰶⰻ ⱈⱃⱏⱄⱅⰻ ⰻ ⰾⱏⰶⰻ !ⱂⱃⱌⰻ. ⰻ ⰴⰰⰴⱔⱅⱏ ⰸⱀⰰⰿⰵⱀⰻⱑ ⰲⰵⰾⰻⱑ ⰻ ⱍⱓⰴⰵⱄⰰ. ⱑⰽⱁ ⱂⱃⱑⰾⱐⱄⱅⰻⱅⰻ. ⰰⱎⱅⰵ ⰵⱄⱅⱏ ⰲⱏⰸⰿⱁⰶⱏⱀⱁ ⰻⰸⰱⱏⱃⰰⱀⱏⰹⱗ.
24:25
ⱄⰵ ⱂⱃⱑⰶⰴⰵ ⱃⱑⱈⱏ ⰲⰰⰿⱏ.
24:26
ⰰⱋⰵ ⰶⰵ ⱃⰵⰽⱘⱅⱏ ⰲⰰⰿⱏ. ⱄⰵ ⰲⱏ ⱂⱆⱄⱅⱏⰹⱀⰻ ⰵⱄⱅⱏ. ⱀⰵ ⰻⰸⰻⰴⱑⱅⰵ. ⱄⰵ ⰲⱏ ⱄⱏⰽⱃⱁⰲⰻⱎⱅⰻⱈⱏ ⱀⰵ ⰻⰿⱑⱅⰵ ⰲⱑⱃⱏⰹ.
24:27
ⱑⰽⱁⰶⰵ ⰱⱁ ⰿⰾⱏⱀⰻ ⰻⱄⱈⱁⰴⰻⱅⱏ ⱁⱅⱏ ⰲⱏⱄⱅⱁⰽⱏ. ⰺ ⰰⰲⰾⱑⰰⱅⱏ ⱄⱔ ⰴⱁ ⰸⰰⱂⰰⰴⱏ. ⱅⰰⰽⱁ ⰱⱘⰴⰵⱅⱏ ⰻ ⱂⱃⰻⱎⰵⱄⱅⰲⰻⰵ ⱄⱀ҃ⰰ ⱍⰾⱍ҃ⱐⱄⰽⰰⰰⰳⱁ.
24:28
ⰺⰴⰵⰶⰵ ⰱⱁ ⰰⱎⱅⰵ ⰱⱘⰴⰵⱅⱏ ⱅⱃⱆⱂⱏ. ⱅⱆ ⱄⱏⰱⰵⱃⱘⱅⱏ ⱄⱔ ⱁⱃⱐⰾⰻ.
24:29
ⰰⰱⰻⰵ ⰶⰵ ⱂⱁ ⱄⰽⱃⱏⰱⰻ ⰴⱐⱀⰻⰻ ⱅⱑⱈⱏ. ⱄⰾⱏⱀⱐⱌⰵ ⰿⱃⱏⰽⱀⰵⱅⱏ. ⰻ ⰾⱆⱀⰰ ⱀⰵ ⰴⰰⱄⱅⱏ ⱄⰲⱑⱅⰰ ⱄⰲⱁⰵⰳⱁ. ⰺ ⰸⰲⱑⰸⰴⱏⰹ ⱄⱏⱂⰰⰴⱘⱅⱏ ⱄ ⱀⰱ҃ⱄⰵ. ⰺ ⱄⰻⰾⱏⰹ ⱀⰵⰱⰵⱄⰽ ⱗ҅ ⰴⰲⰻⰳⱀⱘⱅⱏ ⱄⱔ.
24:30
ⰺ ⱅⱏⰳⰴⰰ ⰰⰲⰻⱅⱏ ⱄⱔ ⰸⱀⰰⰿⰵⱀⰻⰵ ⱄⱀ҃ⰰ ⱍⰾⰲ҃ⱍⱏⱄⰽⰰⰰⰳⱁ ⱀⰰ ⱀⰱ҃ⱄⰵ. ⰺ ⱅⱏⰳⰴⰰ ⰲⱏⱄⱂⰾⰰⱍⱘⱅⱏ ⱄⱔ ⰲⱏⱄⱑ ⰽⱁⰾⱑⱀⰰ ⰸⰵⰿⰾⱏⱄⰽ ⱑ҅. ⰺ ⱆⰸⱐⱃⱔⱅⱏ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ. ⰳⱃⱔⰴⱘ{ⰴⱘ}ⱎⱅⰰ ⱀⰰ ⱁⰱⰾⰰⱌⱑⱈⱏ ⱀⰵⰱⰵⱄⱏⱄⰽⱏⰹⱈⱏ. ⱄⱏ ⱄⰻⰾⱁⱙ ⰻ ⱄⰾⰰⰲⱁⱙ ⰲⰵⰾⰻⰵⱙ.
24:31
ⰺ ⱂⱁⱄⱏⰾⰵⱅⱏ ⰰⱀⰼ҃ⰾⱏⰹ ⱄⱏ ⰳⰾⰰⱄⱁⰿⱏ ⰲⰵⰾⰻⰵⰿⱐ ⱅⱃⱘⰱⱏⱀⱏⰹⰿⱐ. ⰺ ⱄⱏⰱⰵⱃⰵⱅⱏ ⰻⰸⰱⱏⱃⰰⱀⱏⰹⱗ ⰵⰳⱁ. ⱁⱅⱏ ⱍⰵⱅⱏⰹⱃⱏ ⰲⱑⱅⱃⱏ. ⱁⱅⱏ !ⰽⱀⱌⱏ ⱀⰱ҃ⱄⱏ ⰴⱁ ⰽⱁⱀⰵⱌⱏ ⰻⱈⱏ ::
24:32
Ⱁⱅⱏ ⱄⰿⱁⰽⱁⰲⱏⱀⰻ[ⱌⱔ] ⰶⰵ ⱀⰰⱆⱍⰻⱅⰵ ⱄⱔ ⱂⱃⰻⱅⱏⱍⰻ. ⰵⰳⰴⰰ [ⱆ]ⰶⰵ ⰲⱑⱑ ⰵⱗ ⰱⱘⰴⰵⱅⱏ [ⰿⰾⰰ]ⰴⰰ ⰻ ⰾⰻⱄⱅⰲⱐⰵ ⱂⱃⱁⰸⱔⰱⱀⰵ[ⱅⱏ]. [ⰲⱑⱄ]ⱅⰵ ⱑⰽⱁ ⰱⰾⰻⰸ[ⱏ] ⰵⱄⱅⱏ ⰶⱔⱅⰲⰰ.
24:33
ⱅⰰⰽⱁⰶⰴⰵ ⰻ ⰲⱏⰹ. [ⰵⰳⰴⰰ] [ⱆⰸⱐ]ⱃⰻⱅⰵ ⰲⱐⱄⱑ ⱄⰻ. ⰲⱑ[ⰴⰻⱅⰵ] [ⱑⰽⱁ] [ⰱⰾⰻⰸⱏ] [ⰵⱄⱅ]ⱏ ⱂⱃⰻ ⰴⰲⱐⱃⰵ[ⱈⱏ].
24:34
[ⰰⰿⰻⱀⱐ] [ⰳⰾ҃ⱙ] [ⰲⰰ]ⰿⱏ ⱑⰽⱁ ⱀⰵ ⰿⰻ[ⰿⱁ] [ⰻⰴⰵ]ⱅⱏ ⱃⱁ[ⰴⱁⱄⱐ]. ⰴⱁⱀⱐⰴⰵⰶⰵ ⰲⱐⱄⱑ [ⱄⰻ] ⰱⱘⰴⱘⱅⱏ.
24:35
!ⱀⰱⱁ ⰻ ⰸⰵⰿⰾⱑ ⰿⰻⰿⱁ ⰻⰴⰵⱅⱏ. ⰰ ⱄⰾⱁⰲⰵⱄⰰ ⰿⱁⱑ ⱀⰵ ⰿⰻⰿⱁ ⰻⰴⱘⱅⱏ.
24:36
ⰰ ⱁ ⰴⱐⱀⰻ ⱅⱁⰿⱏ ⰻ ⱁ ⰳⱁⰴⰻⱀⱑ ⱅⱁⰻ ⱀⰻⰽⱅⱁⰶⰵ ⱀⰵ ⰲⱑⱄⱅⱏ. ⱀⰻ ⰰⱀⰼ҃ⰾⰻ ⱀⰱ҃ⱄⱌⰻⰻ. ⱅⱏⰽⰿⱁ ⱁⱅ҃ⱌⱏ ⰵⰴⰻⱀⱏ.
24:37
ⱑⰽⱁⰶⰵ ⰱⱁ ⰲⱁ ⰴⱐⱀⰻ ⱀⱁⰵⰲⱏⰹ. ⱅⰰⰽⱁ ⰱⱘⰴⰵⱅⱏ ⰻ ⰲⱏ ⰴⱐⱀⰻ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ.
24:38
ⱑⰽⱁ ⰱⱁ ⰱⱑⱈⱘ ⰲⱏ ⰴⱐⱀⰻ ⱂⱃⱑⰶⰴⰵ ⱂⱁⱅⱁⱂⰰ. ⱑⰴⱘⱋⰵ ⰻ ⱂⱐⱙⱎⱅⰵ. ⰶⰵⱀⱔⱋⰵ ⱄⱔ ⰻ ⱂⱁⱄⰰⰳⰰⱙⱎⱅⰵ. ⰴⱁ ⱀⰵⰳⱁⰶⰵ ⰴⱐⱀⰵ ⰲⱐⱀⰻⰴⰵ ⱀⱁⰵ ⰲⱐ ⰽⱁⰲⱐⱍⰵⰳⱏ.
24:39
ⰺ ⱀⰵ ⱁⱋⱓⱅⰻⱎⱔ ⰴⱁⱀⱐⰴⰵⰶⰵ ⱂⱃⰻⰴⰵ ⰲⱁⰴⰰ ⰻ ⰲⱐⰸⱔⱅⱏ ⰲⱐⱄⱔ. ⱅⰰⰽⱁ ⰱⱘⰴⰵⱅⱏ ⰻ ⱂⱃⰻⱎⰵⱄⱅⰲⰻⰵ ⱄⱀ҃ⰰ ⱍⰾⰲ҃ⱍⱄⰽⰰⰰⰳⱁ.
24:40
ⱅⱏⰳⰴⰰ ⰴⱏⰲⰰ ⰱⱘⰴⰵⱅⰵ ⱀⰰ ⱄⰵⰾⱑ. ⰵⰴⰻⱀⱏ ⱂⱁⰵⰿⰾⱙⱅⱏ. ⰰ ⰴⱃⱆⰳⱏⰹ ⱁⱄⱅⰰⰲⰾⱑⰰⱅⱏ ⱄⱔ.
24:41
ⰴⱐⰲⱑ ⰿⰵⰾⱙⱋⰻⰲⱏ ⰶⱃⱏⱀⱏⰲⰰⱈⱏ. ⰵⰴⰻⱀⰰ ⱂⱁⰵⰿⰾⰵⱅⱏ ⱄⱔ ⰻ ⰵⰴⰻⱀⰰ ⱁⱄⱅⰰⰲⰾⱑⰰⱅⱏ ⱄⱔ.
24:42
ⰱⱐⰴⰻⱅⰵ ⱆⰱⱁ ⱑⰽⱁ ⱀⰵ ⰲⱑⱄⱅⰵ ⰲⱏ ⰽⱘⱙ ⰳⱁⰴⰻⱀⱘ !ⰳⱐ ⰲⰰⱎⱏ ⱂⱃⰻ{ⰴⰵ}ⰴⰵⱅⱏ.
24:43
ⱄⰵ ⰶⰵ ⰲⱑⰴⰻⱅⰵ. ⱑⰽⱁ ⰰⱋⰵ ⰱⰻ ⰲⱑⰴⱑⰾⱏ ⰳⱀ҃ⱏ ⱈⱃⰰⰿⰰ. ⰲⱏ ⰽⱘⱙ ⱄⱅⱃⰰⰶⱘ ⱅⰰⱅⱐ ⱂⱃⰻⰴⰵⱅⱏ. ⰱⱐⰴⱑⰾⱏ ⱆⰱⱁ ⰱⰻ. ⰺ ⱀⰵ ⰱⰻ ⱁⱄⱅⰰⰲⰻⰾⱏ ⱂⱁⰴⱏⱃⱏⰹⱅⰻ ⱈⱃⰰⰿⰰ ⱄⰲⱁⰵⰳⱁ.
24:44
ⱄⰵⰳⱁ ⱃⰰⰴⰻ ⰻ ⰲⱏⰹ ⰱⱘⰴⱑⱅⰵ ⰳⱁⱅⱁⰲⰻ. ⱑⰽⱁ ⰲⱐ ⱀⱐⰶⰵ ⱀⰵ ⰿⱏⱀⰻⱅⰵ ⱍⰰⱄⱏ. ⱄⱀ !ⱍⱄⰽⱏⰹ ⱂⱃⰻⰴⰵⱅⱏ :: ⰽ!ⱌ ::
24:45
Ⰽⱅⱁ ⱆⰱⱁ ⰵⱄⱅⱏ ⰲⱑⱃⱏⱀⱏⰹ ⱃⰰⰱⱏ ⰻ ⰿⱘⰴⱃⱏⰹ. ⰵⰳⱁⰶⰵ ⱂⱁⱄⱅⰰⰲⰻ ⰳ҃ⱏ ⱀⰰⰴⱏ ⰴⱁⰿⱁⰿⱐ ⱄⰲⱁⰻⰿⱏ. ⰴⰰ ⰴⰰⱄⱅⱏ ⰻⰿⱏ ⰲⱐ ⰲⱃⱑⰿⱔ ⱂⰻⱎⱅⱘ ⰻⱈⱏ.
24:46
ⰱⰾⰰⰶⰵⱀⱏ ⱃⰰⰱⱏ ⱅⱏ. ⰵⰳⱁⰶⰵ ⱂⱃⰻⱎⰵⰴⱏ ⰳ!ⱀⱏ ⱄⰲⱁⰻ ⱁⰱⱃⱔⱎⱅⰵⱅⱏ ⱅⰰⰽⱁ ⱅⰲⱁⱃⱔⱎⱅⰰ.
24:47
ⰰⰿⰻⱀⱐ ⰳⰾ҃ⱙ ⰲⰰⰿⱏ. ⱑⰽⱁ ⱀⰰⰴⱏ ⰲⱐⱄⱑⰿⱐ ⰻⰿⱑⱀⰻⰵⰿⱏ ⱂⱁⱄⱅⰰⰲⰻⱅⱏⰹ ⰻ҅.
24:48
ⰰⱎⱅⰵ ⰾⰻ ⱃⰵⱍⰵⱅⱏ ⰸⱏⰾⱏⰹ ⱃⰰⰱⱏ ⰲⱏ !ⱄⱃⱏⰴⱌⰻ ⱄⰲⱁⰵⰿⱐ. ⰽⱐⱄⱀⰻⱅⱏ ⰿⱁⰻ ⰳⱀ҃ⱏ ⱂⱃⰻⱅⰻ.
24:49
ⰺ ⱀⰰⱍⱐⱀⰵⱅⱏ ⰱⰻⱅⰻ ⰽⰾⰵⰲⱃⱑⱅⱏⰹ ⱄⰲⱁⱗ. ⱑⱄⱅⰻ ⰶⰵ ⰻ ⱂⰻⱅⰻ ⱄⱏ ⱂⰻⱑⱀⰻⱌⰰⰿⰻ.
24:50
ⱂⱃⰻⰴⰵⱅⱏ ⰳⱀ҃ⱏ ⱃⰰⰱⰰ ⱅⱁⰳⱁ. ⰲⱐ ⰴⰵⱀⱐ ⰲⱐ ⱀⱐⰶⰵ ⱀⰵ ⱍⰰⰵⱅⱏ. ⰺ ⰲⱏ ⱍⰰⱄⱏ ⰲⱏ ⱀⱐⰶⰵ ⱀⰵ ⰲⱑⱄⱅⱏ.
24:51
ⰺ ⱂⱃⱁⱅⰵⱎⰵⱅⱏ ⰹ ⱂⱁⰾⱏⰿⰰ .ⰺ ⱍⱔⱄⱅⱐ ⰵⰳⱁ ⱄⱏ ⱛ҅ⱂⱁⰽⱃⰻⱅⱏⰹ ⱂⱁⰾⱁⰶⰻⱅⱏ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽ[ⱃ]ⱐⰶⰵⱅⱏ ⰸⱘⰱⱁⰿⱏ ::