ЕВАНГЕЛИЕ ЕЖЕ Ѿ МАТѲЕꙖ
22:1
ⰺ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰻⰿⱏ ⰲⱏ ⱂⱃⰻⱅⱏⱍⰰⱈⱏ ⰳⰾ҃ⱔ ::
22:2
[Ⱆ]ⱂⱁⰴⱁⰱⰻ ⱄⱔ ⱌⱄ҃ⱃⱄⱅⰲⰻⰵ ⱀⰱ҃ⱄⰽ ⰵ҅. ⱍⰾ҃ⰽⱆ !ⱌⱃⱓ. ⰺⰶⰵ ⱄⱏⱅⰲⱁⱃⰻ ⰱⱃⰰⰽⱏ ⱄⱀ҃ⱆ ⱄⰲⱁⰵⰿⱆ.
22:3
ⰺ ⱂⱁⱄⱏⰾⰰ ⱃⰰⰱⱏⰹ ⱄⰲⱁⱗ ⱂⱃⰻⰸⱏⰲⰰⱅⰻ ⰸⱏⰲⰰⱀⱏⰹⱗ ⱀⰰ ⰱⱃⰰⰽⱏ. ⰺ ⱀⰵ ⱈⱁⱅⱑⰰⱈⱘ ⱂⱃⰻⱅⰻ.
22:4
Ⱂⰰⰽⱏⰹ ⱂⱁⱄⱏⰾⰰ ⰻⱀⱏⰹ ⱃⰰⰱⱏⰹ. ⰳⰾ҃ⱔ ⱃⱐⱌⱑⱅⰵ ⰸⱏⰲⰰⱀⱏⰹⰿⱏ ⱄⰵ ⱁⰱⱑⰴⱏ ⰿⱁⰻ ⱆⰳⱁⱅⱁⰲⰰⱈⱏ. ⱓ҅ⱀⱐⱌⰻ ⰿⱁⰻ ⰻ ⱆⱂⰻⱅⱑⱀⰰⰰ ⰻⱄⰽⱁⰾⰵⱀⰰ ⰻ ⰲⱐⱄⱑ ⰳⱁⱅⱁⰲⰰ. ⱂⱃⰻⰴⱑⱅⰵ ⱀⰰ ⰱⱃⰰⰽⱏ.
22:5
ⱁⱀⰻ ⰶⰵ ⱀⰵ ⱃⱁⰶⰴⱏⱎⰵ ⱁⱅⰻⰴⱘ. ⱁⰲⱏ ⱀⰰ ⱄⰵⰾⱁ ⱄⰲⱁⰵ ⱁⰲⱏ ⱀⰰ ⰽⱆⱂⰾⱙ ⱄⰲⱁⱙ.
22:6
ⰰ ⱂⱃⱁⱍⰻ ⰻⰿⱏⱎⰵ ⱃⰰⰱⱏⰹ ⰵⰳⱁ ⰴⱁⱄⰰⰴⰻⱎⱔ ⰻⰿⱏ ⰻ ⰻⰸⰱⰻⱎⱔ ⱗ҅.
22:7
ⰺ ⱄⰾⱏⰹⱎⰰⰲⱏ ⱌⱄ҃ⱃ ⱅⱏ ⱃⰰⰸⰳⱀⱑⰲⰰ ⱄⱔ ⰻ ⱂⱁⱄⱏⰾⰰ ⰲⱁⱗ ⱄⰲⱁⱗ. ⱂⱁⰳⱆⰱⰻ ⱆⰱⰻⱌⱔ ⱅⱏⰹ. ⰺ ⰳⱃⰰⰴⱏⰹ ⰻⱈⱏ ⰸⰰⰶⱐⰶⰵ.
22:8
ⱅⱏⰳⰴⰰ ⰳⰾ҃ⰰ ⱃⰰⰱⱁⰿⱏ ⱄⰲⱁⰻⰿⱏ .ⰱⱃⰰⰽⱏ ⱆⰱⱁ ⰳⱁⱅⱁⰲⱏ ⰵⱄⱅⱏ. ⰰ ⰸⱏⰲⰰⱀⰻⰻ ⱀⰵ ⰱⱑⱎⱔ ⰴⱁⱄⱅⱁⰻⱀⰻ.
22:9
ⰺⰴⱑⱅⰵ ⱆⰱⱁ ⱀⰰ ⰻⱄⱈⱁⰴⰻⱎⱅⰰ ⱂⱘⱅⰻⰻ. ⰺ ⰵⰾⰻⰽⱁ ⰰⱎⱅⰵ ⱁⰱⱃⱔⱎⱅⰵⱅⰵ ⱂⱃⰻⰸⱁⰲⱑⱅⰵ ⱀⰰ ⰱⱃⰰⰽⱏ.
22:10
ⰺ ⰻⱎⰵⰴⱏⱎⰵ ⱃⰰⰱⰻ ⱅⰻ ⱀⰰ ⱂⱘⱅⰻ. ⱄⱏⰱⱏⱃⰰⱎⱔ ⰲⱐⱄⱔ ⱗⰶⰵ ⱁⰱⱃⱑⱅⱘ. ⰸⱏⰾⱏⰹⱗ ⰶⰵ ⰻ ⰴⱁⰱⱃⱏⰹ. ⰺ ⰻⱄⱂⰾⱏⱀⰻⱎⱔ ⰱⱃⰰⰽⱏ ⰲⱏⰸⰾⰵⰶⱔⱎⱅⰻⱈⱏ.
22:11
Ⰲⱏⱎⰵⰴⱏ ⰶⰵ ⱌⱄ҃ⱃⱏ ⰲⰻⰴⱑⱅⱏ ⰲⱏⰸⰾⰵⰶⱔⱋⰻⱈⱏ. ⰲⰻⰴⱑ ⱅⱆ !ⱍⰽⰰ ⱀⰵ ⱁⰱⰾⱏⱍⰵⱀⰰ ⰲⱏ ⱁⰴⱑⰰⱀⰻⰵ ⰱⱃⰰⱍⱏⱀⱁⰵ.
22:12
ⰺ ⰳⰾ҃ⰰ ⰵⰿⱆ ⰴⱃⱆⰶⰵ ⰽⰰⰽⱁ ⰲⱐⱀⰻⰴⰵ ⱄⱑⰿⱁ. ⱀⰵ ⰻⰿⱏⰹ ⱁⰴⱑⰰⱀⰻⱑ ⰱⱃⰰⱍⱏⱀⰰ. ⱁⱀⱏ ⰶⰵ ⱆⰿⰾⱏⱍⰰ.
22:13
ⱅⱏⰳⰴⰰ ⱃⰵⱍⰵ ⱌⱄ҃ⱃⱏ ⱄⰾⱆⰳⰰⰿⱏ. ⱄⱏⰲⱔⰸⰰⰲⱏⱎⰵ ⰵⰿⱆ ⱃⱘⱌⱑ ⰻ ⱀⱁⰷⱑ. ⰲ[ⱏ]ⰸⱐⰿⱑⱅⰵ ⰻ .ⰺ ⰲⱏⰲⱃⱏⰷⱑⱅⰵ ⰲⱏ ⱅⱏⰿⱘ ⰽⱃⱁⰿⱑⱎⱅⱐⱀⱙⱙ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱏ.
22:14
ⰿⱏⱀⱁⰷⰻ ⰱⱁ ⱄⱘⱅⱏ ⰸⱏⰲⰰⱀⰻ. ⰿⰰⰾⱁ ⰶⰵ ⰻⰸⱏⰱⱃⰰⱀⱏⰹⱈⱏ :: ⰽ!ⱌ ::
22:15
Ⱅⱏⰳⰴⰰ ⱎⰵⰴⱏⱎⰵ ⱇⰰⱃⰻⱄⱑⰻⰻ :: Ⱄⱏⰲⱑⱅⱏ ⱄⱏⱅⰲⱁⱃⰻⱎⱔ ⱀⰰ ⱀⱏ ⰴⰰ ⱁⰱⰾⱐⱄⱅⱔⱅⱏ ⰹ ⱄⰾⱁⰲⱁⰿⱐ.
22:16
ⰺ ⱂⱁⱄⱏⰹⰾⰰⱙⱅⱏ ⰽⱏ ⱀⰵⰿⱆ ⱆⱍⰵⱀⰻⰽⱏⰹ ⱄⰲⱁⱗ. ⱄⱏ ⰹⱃⱁⰴⰻⱑⱀⱏⰹ ⰳⰾ҃ⱙⱋⰵ ⱆⱍⰻⱅⰵⰾⱓ ⰲⱑⰿⱏ ⱑⰽⱁ ⰻⱄⱅⰻⱀⰵⱀⱏ ⰵⱄⰻ. ⱂⱘⱅⰻ ⰱⰶ҃ⰻⱓ ⰲⱏ ⰹⱄⱅⰻⱀⱘ ⱆⱍⰻⱎⰻ. ⰺ ⱀⰻ ⱁ ⰽⱁⰿⱐⰶⰵ ⱀⰵ ⱃⱁⰴⰻⱎⰻ. ⱀⰵ ⰸⱐⱃⰻⱎⰻ ⰱⱁ ⱀⰰ ⰾⰻⱌⰵ !ⱍⰽⱁⰿⱏ.
22:17
ⱃⱐⱌⰻ ⱆⰱⱁ ⱀⰰⰿⱏ ⱍⱏⱅⱁ ⱅⰻ ⱄⱔ ⰿⱐⱀⰻⱅⱏ. ⰴⱁⱄⱅⱁⰻⱀⱁ ⰾⰻ ⰵⱄⱅⱏ ⰴⰰⱅⰻ ⰽⰻⱀⱏⱄⱏ ⰽⰵⱄⰰⱃⰵⰲⰻ ⰻⰾⰻ ⱀⰻ.
22:18
ⱃⰰⰸⱆⰿⱑⰲⱏ ⰶⰵ ⰻⱄ҃. ⰾⱘⰽⰰⰲⱏⱄⱅⰲⱁ ⰻⱈⱏ ⱃⰵⱍⰵ. ⱍⱏⱅⱁ ⰿⱔ ⱁⰽⱆⱎⰰⰰⱅⰵ ⱛ҅ⱂⱁⰽⱃⰻⱅⰻ.
22:19
ⱂⱁⰽⰰⰶⰻⱅⰵ ⰿⰻ ⱄⰽⰾⱔⰸⱏ ⰽⰻⱀⱏⱄⱏⱀⱏⰹ. ⱁⱀⰻ ⰶⰵ ⱂⱃⰻⱀⱑⱄⱔ ⰵⰿⱆ ⱂⱑⱀⱔⰸⱏ.
22:20
ⱁⱀⱏ ⰶⰵ ⰳⰾ҃ⰰ ⰻⰿⱏ ⱍⰻ ⰵⱄⱅⱏ ⱁⰱⱃⰰⰸⱁⱄⱐ ⰻ ⱀⰰⱂⰻⱄⰰⱀⰻⰵ.
22:21
ⰳⰾ҃ⱎⱔ ⰵⰿⱆ ⰽⰵⱄⰰⱃⱁⰲⱏ. ⱅⱏⰳⰴⰰ ⰳⰾ҃ⰰ ⰻⰿⱏ. ⰲⱏⰸⰴⰰⰴⰻⱅⰵ ⱆⰱⱁ ⰽⰵⱄⰰⱃⰵⰲⰰ ⰽⰵⱄⰰⱃⰵⰲⰻ. ⰺ҅ ⰱⰶ҃ⰻⱑ !ⰱⰳⰲⰻ :: ⰽ!ⱌ ::
22:22
ⰺ ⱄⰾⱏⰹⱎⰰⰲⱏⱎⰵ ⰴⰻⰲⰻⱎⱔ ⱄⱔ. ⰺ ⱁⱄⱅⰰⰲⱐⱎⰵ ⰻ ⱁⱅⰻⰴⱘ. ⰽ!ⱌ ::
22:23
Ⰲⱏ ⱅⱏ ⰴⰵⱀⱐ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⰳⰾ҃ⱙⱎⱅⰵ ⱄⰰⰴⱆⰽⰵⰻ. ⱀⰵ ⰱⱏⰹⱅⰻ ⰲⱐⱄⰽⱃⱑⱎⰵⱀⰻⱓ. ⰺ ⰲⱏⱂⱃⱁⱄⰻⱎⱔ ⰻ
22:24
ⰳⰾ҃ⱙⱎⱅⰵ. ⱆⱍⰻⱅⰵⰾⱓ ⰿⱁⱄⰻ ⱃⰵⱍⰵ. ⰰⱎⱅⰵ ⰽⱏⱅⱁ ⱆⰿⱐⱃⰵⱅⱏ ⱀⰵ ⰻⰿⱏⰹ ⱍⱔⰴⱏ. ⰴⰰ ⱂⱁⰻⰿⰵⱅⱏ ⰱⱃⰰⱅⱃⱏ ⰶⰵⱀⱘ ⰵⰳⱁ. ⰺ ⰲⱐⱄⰽⱃⱑⱄⰻⱅⱏ ⱄⱑⰿⱔ ⰱⱃⰰⱅⱃⰰ ⱄⰲⱁⰵⰳⱁ.
22:25
ⰱⱑ ⰶⰵ ⰲⱏ ⱀⰰⱄⱏ ⱄⰵⰴⰿⱐ ⰱⱃⰰⱅⱃ ⱗ҅. ⰺ ⱂⱃⱏⰲⱏⰹ ⱁⰶⰵⱀⱐ ⱄⱔ ⱆⰿⱐⱃⱑⱅⱏ. ⰺ ⱀⰵ ⰻⰿⱏⰹ ⱄⱑⰿⰵⱀⰵ. ⱁⱄⱅⰰⰲⰻ ⰶⰵ ⰶⰵⱀⱘ ⱄⰲⱁⱙ ⰱⱃⰰⱅⱃⱆ ⱄⰲⱁⰵⰿⱆ.
22:26
ⱅⰰⰽⱁⰶⰴⰵ ⰻ ⰲⱏⱅⱁⱃⱏⰹ. ⰻ ⱅⱃⰵⱅⰻ ⰴⱁ ⱄⰵⰴⰿⰰⰰⰳⱁ.
22:27
ⱂⱁⱄⰾⱑⰶⰴⰵ ⰶⰵ ⰻⱈⱏ ⰲⱐⱄⱑⱈⱏ ⱆⰿⱐⱃⱑⱅⱏ ⰻ ⰶⰵⱀⰰ.
22:28
ⰲⱏ ⰲⱐⱄⰽⱃⱑⱎⰵⱀⰻⰵ ⱆⰱⱁ. ⰽⱁⱅⱁⱃⰰⰳⱁ ⱁⱅⱏ ⱄⰵⰴⰿⰻ ⰱⱘⰴⰵⱅⱏ ⰶⰵⱀⰰ. ⰲⱐⱄⰻ ⰱⱁ ⰻⰿⱑⱎⱔ ⱙ.
22:29
ⱁⱅⱏ ⰲⱑⱋⰰⰲⱏ ⰶⰵ ⰻⱄ҃ⱏ ⱃⰵⱍⰵ ⰻⰿⱏ. ⰱⰾⱘⰴⰻⱅⰵ ⱀⰵ ⰲⱑⰴⱘⱎⱅⰵ ⰽⱏⱀⰻⰳⱏ. ⱀⰻ ⱄⰻⰾⱏⰹ ⰱⰶ҃ ⱗ҅.
22:30
ⰲⱏ ⰲⱐⱄⰽⱃⱑⱎⰵⱀⰻⰵ ⰱⱁ ⱀⰻ ⰶⰵⱀⱔⱅⱏ ⱄⱔ ⱀⰻ ⱂⱁⱄⰰⰳⰰⱙⱅⱏ. ⱀⱏ ⱑⰽⱁ ⰰⱀⰼ҃ⰻ ⰱⰶ҃ⰻⰻ ⱀⱀⰱ҃ⱄⰵ {ⱄⱘ} ⱄⱘⱅⱏ.
22:31
ⱁ ⰲⱐⱄⰽⱃⱑⱎⰵⱀⰻ ⰶⰵ ⰿⱃⱏⱅⰲⱏⰹⱈⱏ. ⱀⱑⱄⱅⰵ ⰾⰻ ⱍⱐⰾⰻ. ⱃⰵⱍⰵⱀⰰⰰⰳⱁ ⰲⰰⰿⱏ !ⰱⰳⰿⱏ ⰳⰾ҃ⱘⱋⰵⰿⱏ.
22:32
ⰰⰸⱏ ⰵⱄⰿⱏ ⰱ҃ⱏ ⰰⰲⱃⰰⰿⰾⱐ. ⰺ ⰱⱁⰳⱏ ⰻⱄⰰⰽⱁⰲⱏ. ⰺ ⰱ҃ⱏ ⰻⱑⰽⱁⰲⰾⱐ. ⱀⱑⱄⱅⱏ ⰱ҃ⱏ ⰿⱃⱏⱅⰲⱏⰹⱈⱏ ⱀⱏ ⰶⰻⰲⱏⰹⱈⱏ.
22:33
ⰺ ⱄⰾⱏⰹⱎⰰⰲⱏⱎⰵ ⱀⰰⱃⱁⰴⰻ ⰴⰻⰲⰾⱑⱈⱘ ⱄⱔ ⱁ ⱆⱍⰵⱀⰻⰻ ⰵⰳⱁ.
22:34
Ⱇⰰⱃⰻⱄⰵⰻ ⰶⰵ ⱄⰾⱏⰹⱎⰰⰲⱏⱎⰵ ⱑⰽⱁ ⱄⱃⰰⰿⰻ ⱄⰰⰴⱆⰽ ⱗ҅. ⱄⱏⰱⱏⱃⰰⱎⱔ ⱄⱔ ⰲⱏ ⰽⱆⱂⱑ. ::
22:35
Ⰺ ⰲⱏⱂⱃⱁⱄⰻ ⱁⱅⱏ ⱀⰻⱈⱏ. ⰸⰰⰽⱁⱀⱁⱆⱍⰻⱅⰵⰾⱐ ⰻⱄⰽⱆⱎⰰⱗⰻ ⰻ ⰳⰾ҃ⱔ.
22:36
ⱆⱍⰻⱅⰵⰾⱓ. ⰽⰰⱑ ⰸⰰⱂⱁⰲⱑⰴⱐ ⰵⱄⱅⱏ ⰱⱁⰾⱐⱎⰻ ⰲⱏ ⰸⰰⰽⱁⱀⱑ.
22:37
ⰺⱄ҃ ⰶⰵ ⱃⰵⱍⰵ ⰵⰿⱆ. ⰲⱏⰸⰾⱓⰱⰻⱎⰻ ⰳ҃ⰰ ⰱ҃ⰰ ⱅⰲⱁⰵⰳⱁ. ⰲⱐⱄⱑⰿⱏ ⱄⱃⰴ҃ⱌⰵⰿⱏ ⱅⰲⱁⰻⰿⱏ. ⰻ ⰲⱐⱄⰵⱙ ⰴⱎ҃ⰵⱙ ⱄⰲⱁⰵⱙ. ⰺ ⰲⱐⱄⰵⱙ ⰿⱏⰹⱄⰾⱐⱙ ⱅⰲⱁⰵⱙ.
22:38
ⱄⰻ ⰵⱄⱅⱏ ⱂⱃⱏⰲⰰ ⰻ ⰱⱁⰾⱐⱎⰻⱑ ⰸⰰⱂⱁⰲⱑⰴⱐ.
22:39
ⰲⱏⱅⱁⱃⰰⰰ ⰶⰵ ⱂⱁⰴⱁⰱⱏⱀⰰ ⰵⰻ. ⰲⱐⰸⰾⱓⰱⰻⱎⰻ ⰻⱄⰽⱃⱏⱀⱑⰳⱁ ⱅⰲⱁⰵⰳⱁ ⱑⰽⱁ ⱄⰰⰿⱏ ⱄⱔ.
22:40
ⰲⱐ ⱄⰵⱓ ⱁⰱⱁⱓ ⰸⰰⱂⱁⰲⱑⰴⰻⱓ. ⰲⰵⱄⱐ ⰸⰰⰽⱁⱀⱏ ⰻ ⱂⱃⱁⱃⱁⱌⰻ ⰲⰻⱄⱔⱅⱐ. ::
22:41
Ⱄⱏⰱⱏⱃⰰⱀⱁⰿⱏ ⰶⰵ ⱇⰰⱃⰻⱄⰵⱁⰿⱏ. ⰲⱏⱂⱃⱁⱄⰻ ⱗ ⰻⱄ҃ⱏ
22:42
ⰳⰾ҃ⱔ. ⱍⱅⱁ ⱄⱔ ⰲⰰⰿⱏ ⰿⱏⱀⰻⱅⱏ ⱁ !ⱈⱑ. ⱍⰻ ⰵⱄⱅⱏ ⱄⱀ҃ⱏ. ⰳⰾ҃ⰰⱎⱔ ⰵⰿⱆ !ⰴⰰⰲⱏⰹⰴⰲⱏ.
22:43
ⰳⰾ҃ⰰ ⰻⰿⱏ ⰽⰰⰽⱁ ⱆⰱⱁ ⰴⰰⰲⱏⰹⰴⱏ. ⰴⱈ҃ⰿⱏ ⱀⰰⱃⰻⱌⰰⰰⱅⱏ ⰹ ⰳ҃ⰰ ⰳⰾ҃ⱔ.
22:44
ⱃⰵⱍⰵ ⰳ҃ⱏ !ⰳⰲⰻ ⰿⱁⰵⰿⱆ. ⱄⱔⰴⰻ ⱁ ⰴⰵⱄⱀⱘⱙ ⰿⰵⱀⰵ. ⰴⱁⱀⰴⰵⰶⰵ ⱂⱁⰾⱁⰶⱘ ⰲⱃⰰⰳⱏⰹ ⱅⰲⱁⱗ. ⱂⱁⰴⱏⱀⱁⰶⰻⰵ ⱀⱁⰳⰰⰿⰰ ⱅⰲⱁⰻⰿⰰ.
22:45
ⰰⱋⰵ ⱆⰱⱁ !ⰴⰲⰴⱏ ⰴⱈ҃ⱁⰿⱏ ⰳ҃ⰰ ⱀⰰⱃⰻⱌⰰⰵⱅⱏ ⰹ ⰽⰰⰽⱁ ⰵⰿⱆ ⰵⱄⱅⱏ ⱄⱀ҃ⱏ.
22:46
ⰺ ⱀⰻⰽⱏⱅⱁⰶⰵ ⱀⰵ ⰿⱁⰶⰰⰰⱎⰵ ⱁⱅⱏⰲⱑⱎⱅⰰⱅⰻ ⰵⰿⱆ ⱄⰾⱁⰲⰵⱄⰵ. ⱀⰻ ⱄⱏⰿⱑ ⰽⱏⱅⱁ ⱁⱅⱏ ⰴⱐⱀⰵ ⱅⱁⰳⱁ ⰲⱏⱂⱃⱁⱄⰻⱅⰻ ⰵⰳⱁ ⰽⱏ ⱅⱁⰿⱆ :: ⰽ!ⱌ. ⰸ!ⱍ ::