ЕВАНГЕЛИЕ ЕЖЕ Ѿ МАТѲЕꙖ
21:1
Ⰺ ⰵⰳⰴⰰ ⱂⱃⰻⰱⰾⰻⰶⰻ ⱄⱔ ⰲⱏ !ⰵⱃⱄⰾⰿⱏ. ⰺ ⱂⱃⰻⰴⰵ ⰲⱏ ⰲⰻⱅⱇⰰⰼⰻⱙ :: ⰽⱏ ⰳⱁⱃⱑ ⰵⰾⰵⱁⱀⱐⱄⱌⱑ. ⱅⱏⰳⰴⰰ ⰻⱄ҃ ⱂⱁⱄⱏⰾⰰ ⰴⱏⰲⰰ ⱆⱍⰵⱀⰻⰽⰰ ⱄⰲⱁⱑ.
21:2
ⰺ ⰳⰾ҃ⰰ ⰻⰿⰰ ⰻⰴⱑⱅⰰ ⰲⱏ ⰲⰵⱄⱐ ⱑⰶⰵ ⰵⱄⱅⱏ ⱂⱃⱑⰿⱁ ⰲⰰⰿⰰ. ⰺ ⰰⰱⱐⰵ ⱁⰱⱃⱔⱎⱅⰵⱅⰰ ⱁⱄⱐⰾⱔ ⱂⱃⰻⰲⱔⰸⰰⱀⱁ ⰻ ⰶⱃⱑⰱⱔ ⱄⱏ ⱀⰻⰿⱐ. ⰺ ⱁⱅⱃⱑⱎⱏⱎⰰ ⱂⱃⰻⰲⰵⰴⱑⱅⰰ ⰿⰻ ⰵ.
21:3
ⰺ ⰰⱋⰵ ⱃⰵⱍⰵⱅⱏ ⰽⱅⱁ ⰲⰰⰿⰰ ⱍⱅⱁ. ⱃⰵⱍⰵⱅⰰ ⱑⰽⱁ !ⰳⱐ ⱅⱃⱑⰱⱆⰵⱅⱏ ⰵⱓ. ⰺ ⰰⰱⱐⰵ ⰶⰵ ⱂⱁⱄⱏⰾⰵⱅⱏ ⱑ.
21:4
Ⱄⰵ ⰶⰵ ⰲⱐⱄⰵ ⰱⱏⰹⱄⱅⱏ ⰴⰰ ⱄⱏⰱⱘⰴⰵⱅⱏ ⱄⱔ ⱃⰵⱍⰵⱀⱁⰵ !ⱂⱃⰽⰿⱏ ⰳⰾ҃ⱙⱋⰵⰿⱏ.
21:5
ⱃⱏⱌⱑⱅⰵ ⰴⱏⱋⰵⱃⰻ ⱄⰻⱁⱀⱁⰲⱑ. ⱄⰵ ⱌⱄ҃ⱃⱏ ⱅⰲⱁⰻ ⰳⱃⱔⰴⰵⱅⱏ ⱅⰵⰱⱑ. ⰽⱃⱁⱅⱁⰽⱏ ⰻ ⰲⱐⱄⱑⰴⱏ ⱀⰰ ⱁⱄⱐⰾⱔ. ⰺ ⰶⱃⱑⰱⱔ ⱄⱀ҃ⰰ ⱑⱃⱐⰿⱐⱀⰻⱍⰰ.
21:6
Ⱎⰵⰴⱏⱎⰰ ⰶⰵ ⱆⱍⰵⱀⰻⰽⰰ ⰻ ⱄⱏⱅⰲⱁⱃⱐⱎⰰ ⱑⰶⰵ ⱂⱁⰲⰵⰾⱑ ⰻⰿⰰ ⰻⱄ҃.
21:7
ⱂⱃⰻⰲⱑⱄⱅⰵ ⱁⱄⱐⰾⱔ ⰻ ⰶⱃⱑⰱⱔ. ⰺ ⰲⱏⰸⰾⱁⰶⰻⱎⱔ ⰲⱃⱏⱈⱆ ⱃⰻⰸⱏⰹ ⱄⰲⱁⱗ. ⰺ ⰲⱐⱄⱑⰴⰵ ⰲⱃⱏⱈⱆ ⰻⱈⱏ.
21:8
ⰿⱏⱀⱁⰶⱑⰻⱎⰵ ⰶⰵ ⱀⰰⱃⱁⰴⰻ. ⱂⱁⱄⱅⱏⰾⰰⱎⱔ ⱃⰻⰸⱏⰹ ⱄⰲⱁⱗ ⱂⱁ ⱂⱘⱅⰻ. ⰴⱃⱆⰸⰻⰻ ⰶⰵ ⱃⱑⰸⰰⱈⱘ ⰱⱑⱅⰲⰻ ⱁⱅⱏ ⰴⱃⱑⰲⰰ. ⰻ ⱂⱁⱄⱅⰻⰾⰰⱈⱘ ⱂⱁ ⱂⱘⱅⰻ.
21:9
ⱀⰰⱃⱁⰴⰻ ⰶⰵ ⱈⱁⰴⱔⱎⱅⰵⰻ ⱂⱃⱑⰴⱏ ⱀⰻⰿⱏ. ⰺ ⰲⱐ ⱄⰾⱑⰴⱏ. ⰸⱏⰲⰰⰰⱈⱘ ⰳⰾ҃ⱙⱎⱅⰵ :: ⱉ҅ⱄⰰⱀⱀⰰ ⱄⱀ҃ⱁⰲⰻ ⰴⰰⰲⱏⰹⰴⱁⰲⱆ. !!ⰱⰾⰳⱁⱄⰾⰲⱀⱏ ⰳⱃⱔⰴⱏⰹ ⰲⱏ ⰹⰿⱔ ⰳⱀ҃ⰵ. ⱉ҅ⱄⰰⱀⱀⰰ ⰲⱏ ⰲⱏⰹⱎⱏⱀⰻⰻⱈⱏ.
21:10
ⰺ ⰲⱏⱎⰵⰴⱏⱎⱆ ⰵⰿⱆ !ⰲⰿⱏ. ⱂⱁⱅⱃⱔⱄⰵ ⱄⱔ ⰲⰵⱄⱐ ⰳⱃⰰⰴⱏ ⰳⰾ҃ⱔ ⰽⱅⱁ ⱄⱐ ⰵⱄⱅⱏ.
21:11
ⱀⰰⱃⱁⰴⰻ ⰶⰵ ⰳⰾ҃ⰰⰰⱈⱘ. ⱑⰽⱁ ⱄⱐ ⰵⱄⱅⱏ ⰻⱄ҃ ⱂⱃⱁⱃⱁⰽⱏ. ⰺⰶⰵ ⱁⱅⱏ ⱀⰰⰸⰰⱃⰵⱅⰰ ⰳⰰⰾⰻⰾⰵⰻⱄⰽⰰⰰⰳⱁ.
21:12
ⰺ ⰲⱐⱀⰻⰴⰵ ⰻⱄ҃ ⰲⱏ !ⱌⱃⰽⰲⱏ ⰱⰶ҃ⰻⱙ. ⰺ ⰻⰸⰳⱏⱀⰰ ⰲⱐⱄⱔ ⱂⱃⱁⰴⰰⱙⱎⱅⱔⱗ. ⰺ ⰽⱆⱂⱆⱙⱎⱅⱔⱗ ⰲⱏ !ⱌⱃⰽⰲⰵ. ⰺ ⰴⱏⱄⰽⱏⰹ ⱅⱃⱏⰶⱐⱀⰻⰽⱏ ⰻⱄⱂⱃⱁⰲⱃⱏⰶⰵ. ⰺ ⱄⱑⰴⰰⰾⰻⱎⱅⰰ ⱂⱃⱁⰴⰰⱙⱎⱅⰻⱈⱏ ⰳⱁⰾⱘⰱⰻ.
21:13
ⰺ ⰳⰾ҃ⰰ ⰻⰿⱏ. ⱂⰻⱄⰰⱀⱁ ⰵⱄⱅⱏ ⱈⱃⰰⰿⱏ ⰿⱁⰻ ⱈⱃⰰⰿⱏ ⰿⱁⰾⰻⱅⰲⱑ ⱀⰰⱃⰵⱍⰵⱅⱏ ⱄⱔ. ⰲⱏⰹ ⰶⰵ ⱄⱏⱅⰲⱁⱃⰻⱄⱅⰵ ⰻ ⰲⱃⱏⱅⱏⱂⱏ ⱃⰰⰸⰱⱁⰻⱀⰻⰽⱁⰿⱏ. ::
21:14
Ⰺ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱈⱃⱁⰿⰻ ⰻ ⱄⰾⱑⱂⰻⰻ ⰲⱏ !ⱌⱃⰽⰲⰵ ⰻ ⰻⱄⱌⱑⰾⰻ ⱗ҅.
21:15
Ⰲⰻⰴⱑⰲⱏⱎⰵ ⰶⰵ ⰰⱃⱐⱈⰻⰵⱃⰵⰻ ⰻ ⰽⱏⱀⰻⰶⱐⱀⰻⱌⰻ ⱍⱓⰴⰵⱄⰰ. ⱑⰶⰵ ⱄⱏⱅⰲⱁⱃⰻ ⰺ ⱁⱅⱃⱁⰽⱏⰹ ⰸⱁⰲⱘⱋⱔ ⰲⱏ !ⱌⱃⰽⰲⰵ. ⰺ ⰳⰾ҃ⱙⱎⱅⱔ. ⱉ҅ⱄⰰⱀⱀⰰ ⱄⱀ҃ⱁⰲⰻ !ⰴⰲⰴⰲⱆ. ⱀⰵⰳⱁⰴⱁⰲⰰⱎⱔ
21:16
ⰻ ⱃⱑⱎⱔ ⰵⰿⱆ. ⱄⰾⱏⰹⱎⰻⱎⰻ ⰾⰻ ⱍⱅⱁ ⱄⰻⰻ ⰳⰾ҃ⱙⱅⱏ. ⰺⱄ҃ ⰶⰵ ⱃⰵⱍⰵ ⰻⰿⱏ. ⰵⰻ. ⱀⱑⱄⱅⰵ ⰾⰻ ⱍⱐⰾⰻ ⱀⰻⰽⱁⰾⰻⰶⰵ. ⱑⰽⱁ ⰻⰸ ⱆⱄⱅⱏ ⰿⰾⰰⰴⱐⱀⰵⱍⱐ ⰻ ⱄⱏⱄⱘⱎⱅⰻⱈⱏ ⱄⱏⰲⱃⱏⱎⰻⰾⱏ ⰵⱄⰻ ⱈⰲⰰⰾⱘ.
21:17
ⰺ ⱁⱄⱅⰰⰲⰾⱐ ⱗ ⰻⰸⰻⰴⰵ ⰲⱏⱀⱐ ⰻⰸ ⰳⱃⰰⰴⰰ ⰲⱏ ⰲⰻⱅⰰⱀⰻⱙ. ⰺ ⰲⱏⰴⰲⱁⱃⰻ ⱄⱔ ⱅⱆ :: ⰽ!ⱌ ::
21:18
Ⱓⱅⱃⱁ ⰶⰵ ⰲⱏⰸⰲⱃⰰⱎⱅⱏ ⱄⱔ ⰲⱏ ⰳⱃⰰⰴⱏ ⰲⱏⰸⰰⰾⰽⰰ.
21:19
ⰺ ⱆⰸⱐⱃⱑⰲⱐ ⱄⰿⱁⰽⱁⰲⱐⱀⰻⱌⱘ ⰵⰴⰻⱀⱘ ⱂⱃⰻ ⱂⱘⱅⰻ. ⱂⱃⰻⰴⰵ ⰽⱏ ⱀⰵⰻ. ⰺ ⱀⰻⱍⱏⱄⱁⰶⰵ ⱀⰵ ⱁⰱⱃⱑⱅⰵ ⱀⰰ ⱀⰵⰻ. ⱅⱏⰽⰿⱁ ⰾⰻⱄⱅⰲⱐⰵ ⰵⰴⰻⱀⱁ. ⰺ ⰳⰾ҃ⰰ ⰵⰻ. ⰴⰰ ⱀⰻⰽⱁⰾⰻⰶⰵ ⱂⰾⱁ[ⰴⰰ] [ⱁⱅⱏ] [ⱅⰵⰱⰵ] ⱀⰵ ⰱⱘⰴⰵⱅⱏ ⰲⱏ ⰲⱑⰽⱏ. ⰺ ⰰⰱⱐⰵ ⰻⱄⱏⱎⰵ ⱄⰿⱁⰽⱁⰲⱐⱀⰻⱌⰰ.
21:20
ⰺ ⰲⰻⰴⱑⰲⱏⱎⰵ ⱆⱍⰵⱀⰻⱌⰻ ⰴⰻⰲⰻⱎⱔ ⱄⱔ ⰳⰾ҃ⱎⱅⰵ. ⰽⰰⰽⱁ ⰰⰱⱐⰵ ⱆⱄⱏⱎⰵ ⱄⰿⱁⰽⱁⰲⱐⱀⰹⱌⰰ.
21:21
Ⱁⱅⱏⰲⱑⱋⰰⰲⱏ ⰶⰵ ⰻⱄ҃ ⱃⰵⱍⰵ ⰻⰿⱏ. ⰰⰿⰻⱀⱐ ⰳⰾ҃ⱙ ⰲⰰⰿⱏ. ⰰⱋⰵ ⰻⰿⰰⱅⰵ ⰲⱑⱃⱘ ⰻ ⱀⰵ ⱆⱄⱘⰿⱐⱀⰻⱅⰵ ⱄⱔ. ⱀⰵ ⱅⰽⰿⱁ ⱄⰿⱁⰽⱁⰲⱐⱀⰻⱍⱏⱀⱁⰵ ⱄⱏⱅⰲⱁⱃⰻⱅⰵ. ⱀⱏ ⰰⱎⱅⰵ ⰻ ⰳⱁⱃⱑ ⱄⰵⰻ ⱃⰵⱍⰵⱅⰵ ⰴⰲⰻⰳⱀⰻ ⱄⱔ. ⰺ ⰲⱏⰲⱃⱏⰷⰻ ⱄⱔ ⰲⱏ ⰿⱁⱃⰵ ⰱⱘⰴⰵⱅⱏ.
21:22
ⰺ ⰲⱐⱄⰵⰳⱁ ⰵⰳⱁⰶⰵ ⰲⱏⱄⱂⱃⱁⱄⰻⱅⰵ ⰲⱏ ⰿⱁⰾⰻⱅⰲⱑ ⰲⱑⱃⱆⱙⱋⰵ ⱂⱃⰻⰻⰿⰵⱅⰵ ::
21:23
ⰺ ⰵⰳⰴⰰ ⱂⱃⰻⰴⰵ {ⰲⱏ} ⰲⱏ !ⱌⱃⰽⰲⱏ. ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱆⱍⱔⱋⱓ. ⰰⱃⱈⰻⰵⱃ ⰻ҅ ⰻ ⱄⱅⰰⱃⱐⱌⰻ ⰾⱓⰴⱐⱄⱅⰻⰻ ⰳⰾ҃ⱋⰵ. ⰽⱁⰵⱙ ⰲⰾⰰⱄⱅⰻⱙ ⱄⰻ ⱅⰲⱁⱃⰻⱎⰻ. ⰺ ⰽⱅⱁ ⱅⰻ ⰴⰰⱄⱅⱏ ⱁⰱⰾⰰⱄⱅⱐ ⱄⰻⱙ.
21:24
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ ⰻⰿⱏ. ⰲⱏⱂⱃⱁⱎⱘ ⰲⱏⰹ ⰻ ⰰⰸⱏ ⰵⰴⰻⱀⱁⰳⱁ ⱄⰾⱁⰲⰵⱄⰵ. ⰵⰶⰵ ⰰⱎⱅⰵ ⱃⰵⱍⰵⱅⰵ ⰿⱏⱀⱑ ⰻ ⰰⰸⱏ ⰲⰰⰿⱏ ⱃⰵⰽⱘ. ⰽⱁⰵⱙ ⰲⰾⰰⱄⱅⰻⱙ ⱄⰻ ⱅⰲⱁⱃⱙ.
21:25
ⰽⱃⱏⱋⰵⱀⰻⰵ ⰻⱁⰰⱀⱁⰲⱁ ⱁⱅⱏ ⰽⱘⰴⱘ ⰱⱑ. ⱄⱏ ⱀⰱ҃ⱄⰵ ⰾⰻ ⰻⰾⰻ ⱁⱅⱏ ⱍⰾⰲ҃ⰽⱏ. ⱁⱀⰻ ⰶⰵ ⱂⱁⰿⱏⰹⱎⰾⱑⱈⱘ ⰲⱐ ⱄⰵⰱⱑ ⰳⰾ҃ⱙⱎⱅⰵ.
21:26
ⰰⱎⱅⰵ ⱃⰵⱍⰵⰿⱏ ⱄⱏ ⱀⰵⰱⰵⱄⰵ. ⱂⱁ ⱍⱏⱅⱁ ⱆⰱⱁ ⱀⰵ ⱗⱄⱔ ⰵⰿⱆ ⰲⱑⱃⱏⰹ. ⰰⱎⱅⰵ ⰾⰻ ⱃⰵⱍⰵⰿⱏ {ⱁⱅⱏ} ⱁⱅⱏ ⱍⰾ҃ⰽⱏ. ⰱⱁⰻⰿⱏ ⱄⱔ ⱀⰰⱃⱁⰴⰰ. ⰲⱐⱄⰻ ⰱⱁ ⱑⰽⱁ !ⱂⱃⰽⰰ ⰻⰿⱘⱅⱏ ⰻⱁⰰⱀⰰ.
21:27
ⱁⱅⱏⰲⱑⱎⱅⰰⰲⱏⱎⰵ ⰶⰵ ⰻⱄ҃ⰲⰻ ⱃⱑⱎⱔ ⱀⰵ ⰲⱑⰿⱏ. ⱃⰵⱍⰵ ⰻⰿⱏ ⰻ ⱅⱏ. ⱀⰻ ⰰⰸⱏ ⰳⰾ҃ⱙ ⰲⰰⰿⱏ. ⰽⱁⰵⱙ ⰲⰾⰰⱄⱅⰻⱙ ⱄⰻ ⱅⰲⱁⱃⱙ ::
21:28
Ⱍⱐⱅⱁ ⰶⰵ ⱄⱔ ⰿⱐⱀⰻⱅⱏ ⰲⰰⰿⱏ. !ⱍⰽⱏ ⰵⱅⰵⱃⱏ ⰻⰿⱑ ⰴⱐⰲⱑ ⱍⱔⰴⱑ. ⰺ ⱂⱃⰻⱎⰵⰴⱏ ⰽⱏ ⱂⱃⱏⰲⱆⰿⱆ ⱃⰵⱍⰵ. ⱍⱔⰴⱁ ⰻⰴⰻ ⰴⱐⱀⰵⱄⱐ ⰴⱑⰾⰰⰻ ⰲⱐ ⰲⰻⱀⱁⰳⱃⰰⰴⱑ ⰿⱁⰵⰿⱏ.
21:29
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⱀⰵ ⱈⱁⱋⱘ. ⱂⱁⱄⰾⱑⰴⱐ ⰶⰵ ⱃⰰⱄⰽⰰⰰⰲⱏ ⱄⱔ ⰻⰴⰵ.
21:30
ⰺ ⱂⱃⰻⱄⱅⱘⱂⱐ ⰽⱏ ⰴⱃⱆⰳⱆⰿⱆ ⱃⰵⱍⰵ ⱅⰰⰽⱁⰶⰴⰵ. ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰰⰸⱏ ⰻⰴⱘ ⰳ҃ⰻ ⰻ ⱀⰵ ⰻⰴⰵ.
21:31
ⰽⱏⰹ ⱁⱅⱏ ⱁⰱⱁⱙ ⱄⱏⱅⰲⱁⱃⰻ ⰲⱁⰾⱙ ⱁⱅⱐⱍⱘ. ⰳⰾ҃ⱎⱔ ⰵⰿⱆ ⱂⱃⱏⰲⱏⰹ. ⰳⰾ҃ⰰ ⰻⰿⱏ ⰻⱄ҃ ⰰⰿⰻⱀⱏ ⰳⰾ҃ⱙ ⰲⰰⰿⱏ. ⱑⰽⱁ ⰿⱏⰹⱅⰰⱃⰵ ⰻ ⰾⱓⰱⱁⰴⱑⰻⱌⱔ ⰲⰰⱃⱑⱙⱅⱏ ⰲⱏⰹ. ⰲⱏ ⱌⱄ҃ⱃⱄⱅⰲⰻⰻ ⰱⰶ҃ⰻⰻ.
21:32
ⱂⱃⰻⰴⰵ ⰱⱁ ⰻⱁⰰⱀⱏ !ⰽⱃⱄⱅⰻⱅⰵⰾⱐ ⱂⱘⱅⰵⰿⱐ ⱂⱃⰰⰲⰵⰴⱏⱀⱁⰿⱏ. ⰺ ⱀⰵ ⱗⱄⱅⰵ ⰵⰿⱆ ⰲⱑⱃⱏⰹ. ⰿⱏⰹⱅⰰⱃⰵ ⰶⰵ ⰻ ⰾⱓⰱⱁⰴⱑⰻⱌⱔ ⱗⱄⱔ ⰵⰿⱆ ⰲⱑⱃⱘ. ⰲⱏⰹ ⰶⰵ ⰲⰻⰴⱑⰲⱏⱎⰵ ⰻ ⱀⰵ ⱃⰰⱄⰽⰰⰰⱄⱅⰵ ⱄⱔ ⱂⱁⱄⰾⱑⰴⱐ ⱗⱅⰻ ⰵⰿⱆ ⰲⱑⱃⱘ ::
21:33
ⰺ҅ⱀⱘ ⱂⱃⰻⱅⱏⱍⱘ ⱄⰾⱏⰹⱎⰻⱅⰵ. ⱍⰾ҃ⰽⱏ ⰱⱑ ⰴⱁⰿⱁⰲⰻⱅⱏ. ⰺⰶⰵ ⱀⰰⱄⰰⰴⰻ ⰲⰻⱀⱁⰳⱃⰰⰴⱏ. ⰺ ⱁⱂⰾⱁⱅⱁⰿⱏ ⰹ ⱁⰳⱃⰰⰴⰻ. ⰺ ⰻⱄⰽⱁⱂⰰ ⰲⱐ ⱀⰵⰿⱐ ⱅⱁⱍⰻⰾⱁ. ⰺ ⱄⱁⰸⱏⰴⰰ ⰲⱏ ⱀⰵⰿⱏ ⱄⱅⰾⱏⱂⱏ. ⰺ ⰲⱏⰴⰰⱄⱅⱏⰹ ⰻ ⰴⱑⰾⰰⱅⰵⰾⰵⰿⱏ. ⰻ ⱁⱅⰻⰴⰵ.
21:34
ⰵⰳⰴⰰ ⰶⰵ ⱂⱃⰻⰱⰾⰻⰶⰻ ⱄⱔ ⰲⱃⱑⰿⱔ ⱂⰾⱁⰴⱁⰿⱏ. ⱂⱁⱄⱏⰾⰰ ⱃⰰⰱⱏⰹ ⱄⰲⱁⱗ. ⰽⱏ ⰴⱑⰾⰰⱅⰵⰾⰵⰿⱏ. ⱂⱃⰻⱗⱅⰻ ⱂⰾⱁⰴⱏⰹ ⰵⰳⱁ.
21:35
ⰵⰿⱏⱎⰵ ⰶⰵ ⰴⱑⰾⰰⱅⰵⰾⰵ ⱃⰰⰱⱏⰹ ⰵⰳⱁ ⱁⰲⱁⰳⱁ ⰱⰻⱎⱔ ⱁⰲⱁⰳⱁ ⰶⰵ ⱆⰱⰻⱎⱔ. ⱁⰲⱁⰳⱁ ⰶⰵ ⰽⰰⰿⰵⱀⰻⰵⰿⱐ ⱂⱁⰱⰻⱎⱔ.
21:36
ⱂⰰⰽⱏⰹ ⱂⱁⱄⱏⰾⰰ ⰻⱀⱏⰹ ⱃⰰⰱⱏⰹ. ⰿⱏⱀⱁⰶⱑⰻⱎⱔ ⱂⱃⱏⰲⱏⰹⱈⱏ. ⰺ ⱄⱏⱅⰲⱁⱃⰻⱎⱔ ⰻⰿⱏ ⱅⱁⰶⰴⰵ.
21:37
ⱂⱁⱄⰾⱑⰴⱐ ⰶⰵ ⱂⱁⱄⱏⰾⰰ ⰽⱏ ⱀⰻⰿⱏ ⱄⱀ҃ⱏ ⱄⰲⱁⰻ ⰳⰾ҃ⱔ. ⱆⱄⱃⰰⰿⰾⱑⱙⱅⱏ ⱄⱔ ! ⱄⱀⰰ ⰿⱁⰵⰳⱁ.
21:38
ⰴⱑⰾⰰⱅⰵⰾⰵ ⰶⰵ ⰵⰳⰴⰰ ⱆⰸⱐⱃⱑⱎⱔ ⱄⱀ҃ⱏ. ⱃⱑⱎⱔ ⰲⱐ ⱄⰵⰱⱑ. ⱄⱐ ⰵⱄⱅⱏ ⱀⰰⱄⰾⱑⰴⱏⱀⰻⰽⱏ. ⱂⱃⰻⰴⱑⱅⰵ ⱆⰱⰻⰿⱏ ⰹ. ⰺ ⱆⰴⱃⱏⰶⰻⰿⱏ ⰴⱁⱄⱅⱁⱑⱀⰻⰵ ⰵⰳⱁ.
21:39
ⰺ ⰵⰿⱏⱎⰵ ⰻ ⰻⰸⰲⱑⱄⱔ ⰲⱁⱀⱏ ⰻⰸ ⰲⰻⱀⱁⰳⱃⰰⰴⰰ. ⰺ ⱆⰱⰻⱎⱔ ⰻ.
21:40
ⰵⰳⰴⰰ ⰶⰵ ⱆⰱⱁ ⱂⱃⰻⰴⰵⱅⱏ ⰳⱀ҃ⱐ ⰲⰻⱀⱁⰳⱃⰰⰴⰰ. ⱍⱏⱅⱁ ⱄⱏⱅⰲⱁⱃⰻⱅⱏ ⰴⱑⰾⰰⱅⰵⰾⰵⰿⱏ ⱅⱑⰿⱏ.
21:41
ⰸⱏⰾⱏⰹ ⰸⱏⰾⱑ ⱂⱁⰳⱆⰱⰻⱅⱏ ⱗ. ⰻ ⰲⰻⱀⱁⰳⱃⰰⰴⱏ ⱂⱃⱑⰴⰰⱄⱅⱏ ⰻⱀⱑⰿⱏ ⰴⱑⰾⰰⱅⰵⰾⰵⰿⱏ. ⰺⰶⰵ ⰲⱏⰸⰴⰰⰴⱔⱅⱏ ⰵⰿⱆ ⱂⰾⱁⰴⱏⰹ ⰲⱏ ⰲⱃⱑⰿⰵⱀⰰ ⱄⰲⱁⱑ.
21:42
ⰳⰾ҃ⰰ ⰻⰿⱏ ⰻⱄ҃. ⱀⱑⱄⱅⰵ ⰾⰻ ⱍⱐⰾⰻ ⱀⰻⰽⱁⰾⰻⰶⰵ ⰲⱏ ⰽⱏⱀⰻⰳⰰⱈⱏ. ⰽⰰⰿⰵⱀⱐ ⰵⰳⱁⰶⰵ ⱀⰵ ⰲⱃⱑⰴⱆ ⱄⱏⱅⰲⱁⱃⰻⱎⱔ ⰸⰻⰶⰴⱘⱎⱅⰵⰻ. ⱄⱏ ⰱⱏⰹⱄⱅⱏ ⰲⱏ ⰳⰾⰰⰲⱘ ⱘⰳⱏⰾⱘ. ⱁⱅⱏ ⰱ҃ⰰ ⰱⱏⰹⱄⱅⱏ ⱄⰻ. ⰻ ⰵⱄⱅⱏ ⰴⰻⰲⱏⱀⰰ ⰲⱏ ⱁⱍⰻⱓ ⱀⰰⱎⰵⱓ. ⰽ!ⱌ ::
21:43
Ⱄⰵⰳⱁ ⱃⰰⰴⰻ ⰳⰾ҃ⱙ ⰲⰰⰿⱏ. ⱑⰽⱁ ⱁⱅⱏⰻⰿⰵⱅⱏ ⱄⱔ ⱁⱅⱏ ⰲⰰⱄⱏ ⱌⱄ҃ⱃⱄⱅⰲⰻⰵ ⰱⰶ҃ⰻⰵ. ⰺ ⰴⰰⱄⱅⱏ ⱄⱔ !ⱗⰸⰽⱆ. ⱅⰲⱁⱃⱔⱎⱅⱆⰿⱆ ⱂⰾⱁⰴⱏ ⰵⰳⱁ
21:44
ⰺ ⱂⰰⰴⱏⰹ ⱀⰰ ⰽⰰⰿⰵⱀⰵ ⱄⰵⰿⱏ ⱄⱏⰽⱃⱆⱎⰻⱅⱏ ⱄⱔ. ⰰ ⱀⰰ ⱀⰵⰿⱏⰶⰵ ⱂⰰⰴⰵⱅⱏ ⱄⱏⱅⱏⱃⰵⱅⱏ ⰹ.
21:45
ⰺ ⱄⰾⱏⰹⱎⰰⰲⱏⱎⰵ ⰰⱃⱈⰻⰵⱃⰵⰻ ⰻ ⱇⰰⱃⰻⱄⰵⰻ ⱂⱃⰻⱅⱏⱍⱘ ⰵⰳⱁ. ⱃⰰⰸⱆⰿⱑⱎⱔ ⱑⰽⱁ ⱁ ⱀⰻⱈⱏ ⰳⰾ҃ⰰⱎⰵ.
21:46
ⰺ ⰻⱄⰽⱘⱎⱅⰵ ⱗⱅⰻ ⰻ. ⱆⰱⱁⱑⱎⱔ ⱄⱔ ⱀⰰⱃⱁⰴⰰ ⱂⱁⱀⰵⰶⰵ ⱑⰽⱁ ⱂⱃⱁⱃⱁⰽⰰ ⰻⰿⱑⰰⱈⱘ ⰻ.