ЕВАНГЕЛИЕ ЕЖЕ Ѿ МАТѲЕꙖ
20:1
Ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰵⰱⰵⱄⰽⱁⰵ. ⱍⰾⰲ҃ⰽⱆ ⰴⱁⰿⱁⰲⰻⱅⱆ. ⰺⰶⰵ ⰻⰸⰻⰴⰵ ⰽⱆⱂⱏⱀⱁ ⱛⱅⱃⱁ. ⱀⰰⱗⱅⱏ ⰴⱑⰾⰰⱅⰵⰾⱏ ⰲⰻⱀⱁⰳⱃⰰⰴⱆ ⱄⰲⱁⰵⰿⱆ.
20:2
ⱄⱏⰲⱑⱋⰰⰲⱏ ⰶⰵ ⱄⱏ ⰴⱑⰾⰰⱅⰵⰾⱏⰹ. ⱂⱁ ⱂⱑⱀⱔⰸⱆ ⱀⰰ ⰴⰵⱀⱐ. ⱂⱁⱄⱏⰾⰰ ⱗ ⰲⱏ ⰲⰻⱀⱁⰳ!ⱃⰴⱏ ⱄⰲⱁⰻ.
20:3
ⰺ ⰻⱎⰵⰴⱏ ⰲⱏ ⱅⱃⰵⱅⰻⱙ ⰳⱁⰴⰻⱀⱘ. ⰲⰻⰴⱑ ⰻⱀⱏⰹ ⱀⰰ ⱅⱃⱏⰶⰻⱋⰻ ⱄⱅⱁⱗⱎⱅⱔ ⱂⱃⰰⰸⰴⱏⱀⱏⰹ.
20:4
ⰺ ⱅⱑⰿⱏ ⱃⰵⱍⰵ ⰻⰴⱑⱅⰵ ⰻ ⰲⱏⰹ ⰲⱏ ⰲⰻⱀⱁⰳⱃⰰⰴⱏ ⰿⱁⰻ. ⰺ ⰵⰶⰵ ⰱⱘⰴⰵⱅⱏ ⱂⱃⰰⰲⱏⰴⰰ ⰴⰰⰿⱏ ⰲⰰⰿⱏ.
20:5
ⱁⱀⰻ ⰶⰵ ⰻⰴⱘ. ⱂⰰⰽⱏⰹ ⰶⰵ ⰻⱎⰵⰴⱏ ⰲⱏ ⱎⰵⱄⱅⱘⱙ ⰻ ⰲⱏ ⰴⰵⰲⱔⱅⱘⱙ ⰳⱁⰴⰻⱀⱘ. ⱄⱏⱅⰲⱁⱃⰻ ⱅⰰⰽⱁⰶⰴⰵ.
20:6
ⰲⱐ ⰵⰴⰻⱀⱘⱙ ⰶⰵ ⱀⰰ ⰴⰵⱄⱔⱅⰵ ⰳⱁⰴⰻⱀⱘ ⰻⱎⰵⰴⱏ. ⱁⰱⱃⱑⱅⰵ ⰴⱃⱆⰳⱏⰹⱗ ⱄⱅⱁⱗⱎⱅⱔ ⱂⱃⰰⰸⰴⱏⱀⱏⰹ. ⰺ ⰳⰾ҃ⰰ ⰻⰿⱏ ⱍⱏⱅⱁ ⱄⱅⱁⰻⱅⰵ ⱄⱐⰴⰵ ⰲⰵⱄⱐ ⰴⰵⱀⱐ ⱂⱃⰰⰸⰴⱐⱀⰻ.
20:7
ⰺ ⰳⰾ҃ⰰⱎⱔ ⰵⰿⱆ ⱑⰽⱁ ⱀⰻⰽⱅⱁⰶⰵ ⱀⰰⱄⱏ ⱀⰵ ⱀⰰⱗⱅⱏ. ⰳⰾ҃ⰰ ⰻⰿⱏ ⰻⰴⱑⱅⰵ ⰻ ⰲⱏⰹ ⰲⱏ ⰲⰻⱀⱁⰳⱃⰰⰴⱏ ⰿⱁⰻ. ⰺ ⰵⰶⰵ ⰱⱘⰴⰵⱅⱏ ⱂⱃⰰⰲⱏⰴⰰ ⱂⱃⰻⰻⰿⰵⱅⰵ.
20:8
ⰲⰵⱍⰵⱃⱆ ⰶⰵ ⰱⱏⰹ[ⰲⱏ]ⱎⱓ. ⰳⰾ҃ⰰ ⰳⱀ҃ⱏ ⰲⰻⱀⱁⰳⱃⰰⰴⰰ. ⰽⱏ ⱂⱃⰻⱄⱅⰰⰲⱏⱀⰻⰽⱆ ⱄⰲⱁⰵⰿⱆ. ⱂⱃⰻⰸⱁⰲⰻ ⰴⱑⰾⰰⱅⰵⰾⱔ. ⰺ ⰴⰰⰶⰴⱐ ⰻⰿⱏ ⰿⱏⰸⰴⱘ. ⱀⰰⱍⰵⱀⱏ ⱁⱅⱏ ⱂⱁⱄⰾⱑⰴⱐⱀⰻⰻⱈⱏ ⰴⱁ ⱂⱃⱏⰲⱏⰹⰻⱈⱏ.
20:9
ⱂⱃⰻⱎⰵⰴⱏⱎⰵ ⰶⰵ ⰻⰶⰵ ⰲⱏ ⰵⰴⰻⱀⱘⱙ ⱀⰰ ⰴⰵⱄⱔⱅⰵ ⰳⱁⰴⰻⱀⱘ. ⱂⱃⰻⱗⱄⱔ ⱂⱁ ⱂⱑⱀⱔⰸⱓ.
20:10
ⰺ ⱂⱃⰻⱎⰵⰴⱏⱎⰵ ⱂⱃⱏⰲⰻⰻ ⰿⱐⱀⱑⰰⱈⱘ ⱄⱔ ⰲⱔⱎⱅⰵ ⱂⱃⰻⱗⱅⰻ. ⰺ ⱂⱃⰻⱗⱄⱔ ⱂⱁ ⱂⱑⱀⱔⰸⱆ.
20:11
ⱂⱃⰻⰵⰿⱏⱎⰵ ⰶⰵ ⱃⱏⱂⱏⱅⰰⰰⱈⱘ ⱀⰰ ⰳⱀ҃ⱏ
20:12
ⰳⰾ҃ⱘⱎⱅⰵ. ⰽⰰⰽⱁ ⱄⱐⱗ ⱂⱁⱄⰾⱑⰴⱐⱀⱔⱗ. ⰵⰴⰻⱀⱏ ⱍⰰⱄⱏ ⱄⱏⱅⰲⱁⱃⱐⱎⱔ. ⰺ ⱃⰰⰲⱏⱀⱏⰹ ⱀⰰⰿⱏ ⱄⱏⱅⰲⱁⱃⰻⰾⱏ ⱗ ⰵⱄⰻ. ⱂⱁⱀⰵⱄⱏⱎⰵⰻⰿⱏ ⱅⱔⰳⱁⱅⱘ ⰴⱐⱀⰵ ⰻ ⰲⰰⱃⱏ.
20:13
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰵⰴⰻⱀⱁⰿⱆ ⰻⱈⱏ. ⰴⱃⱆⰶⰵ ⱀⰵ ⱁⰱⰻⰶⰴⱘ ⱅⰵⰱⰵ. ⱀⰵ ⱂⱁ ⱂⱑⱀⱔⰷⱆ ⰾⰻ ⱄⱏⰲⱑⱎⱅⰰⱈⱏ ⱄⱏ ⱅⱁⰱⱁⱙ.
20:14
ⰲⱐⰸⱐⰿⰻ ⱄⰲⱁⰵ ⰻ ⰻⰴⰻ. ⱈⱁⱎⱅⱘ ⰶⰵ ⱄⰵⰿⱆ ⱂⱁⱄⰾⱑⰴⱐⱀⱓⰿⱆ ⰴⰰⱅⰻ ⱑⰽⱁ ⰻ ⱅⰵⰱⱑ.
20:15
ⰺⰾⰻ ⱀⱑⱄⱅⱏ ⰿⰻ ⰾⱑⱅⱐ ⱄⱏⱅⰲⱁⱃⰻⱅⰻ ⰲⱏ ⱄⰲⱁⰻⱈⱏ ⰿⰻ ⰵⰶⰵ ⱈⱁⱎⱅⱘ. ⰰⱎⱅⰵ ⱁⰽⱁ ⱅⰲⱁⰵ ⰾⱘⰽⰰⰲⱁ ⰵⱄⱅⱏ. ⱑⰽⱁ ⰰⰸⱏ ⰱⰾⰰⰳⱏ ⰵⱄⰿⱏ.
20:16
ⱅⰰⰽⱁ ⰱⱘⰴⱘⱅⱏ ⱂⱁⱄⰾⱑⰴⱐⱀⰻⰻ ⱂⱃⱏⰲⰻⰻ. ⰺ ⱂⱃⱏⰲⰻⰻ ⱂⱁⱄⰾⱑⰴⱐⱀⰻⰻ. ⰿⱏⱀⱁⰷⰻ ⰱⱁ ⱄⱘⱅⱏ ⰸⱏⰲⰰⱀⰻⰻ ⰿⰰⰾⱁ ⰶⰵ ⰻⰸⰱⱏⱃⰰⱀⱏⰹⰻⱈⱏ ::
20:17
Ⰺ ⰲⱏⱄⱈⱁⰴⱔ ⰻⱄ҃ ⰲⱏ !ⰻⰿⱏ. ⱂⱁⱗⱅⱏ ⱁⰱⰰ ⱀⰰ ⰴⰵⱄⱔⱅⰵ {ⱁ} ⱆⱍⰵⱀⰻⰽⰰ ⰵⰴⰻⱀⱏⰹ ⱀⰰ ⱂⱘⱅⱐ ⰻ ⱃⰵⱍⰵ ⰻⰿⱏ.
20:18
ⱄⰵ ⰲⱏⱄⱈⱁⰴⰻⰿⱏ ⰲⱏ !ⰵⱃⱄⰾⰿⱏ. ⰺ ⱄⱀⱏ ⱍⰾⰲ҃ⱍⱄⰽⱏ ⱂⱃⱑⰴⰰⱀⱏ ⰱⱘⰴⰵⱅⱏ ⰰⱃⱈⰻⰵⱃⰵⱁⰿⱏ. ⰺ ⰽⱏⱀⰻⰶⱏⱀⰻⰽⱁⰿⱏ. ⰺ ⱁⱄⱘⰴⱔⱅⱏ ⰹ ⱀⰰ ⱄⱏⰿⱃⱏⱅⱐ.
20:19
ⰺ ⱂⱃⱑⰴⰰⰴⱔⱅⱏ ⰹ ⱀⰰ ⱂⱁⱃⱘⰳⰰⱀⰻⰵ !ⱗⰸⰽⰿⱏ. ⰺ ⰱⰻⰵⱀⰻⰵ ⰻ ⱂⱃⱁⱂⱔⱅⱐⰵ. ⰺ ⰲⱏ ⱅⱃⰵⱅⰻ ⰴⰵⱀⱐ ⰲⱐⱄⰽⱃⱏⱄⱀⰵⱅⱏ.
20:20
Ⱅⱏⰳⰴⰰ ⱂⱃⰻⱄⱅⱘⱂⰻ ⰽⱏ ⱀⰵⰿⱆ ⰿⰰⱅⰻ ⱄⱀ҃ⱁⰲⱆ ⰸⰵⰲⰵⰴⰵⱁⰲⱆ. ⱄⱏ ⱄⱀ҃ⱐⰿⰰ ⱄⰲⱁⰻⰿⰰ ⰽⰾⰰⱀⱑⱙⱎⱅⰻ ⱄⱔ. ⰺ ⱂⱃⱁⱄⱔⱎⱅⰻ ⱀⱑⱍⰵⱄⱁ ⱁⱅⱏ ⱀⰵⰳⱁ.
20:21
ⱁⱀⱏ ⰶⰵ ⱃⰵⱍⰵ ⰵⰻ ⱍⱏⱅⱁ ⱈⱁⱎⱅⰵⱎⰻ. ⰳⰾ҃ⰰ ⰵⰿⱆ ⱃⱐⱌⰻ ⰴⰰ ⱄⱔⰴⰵⱅⰵ ⱄⱐⱑ ⱄⱀ҃ⱏⰹ ⰿⱁⱑ. ⰵⰴⰻⱀⱏ ⱁ ⰴⰵⱄⱀⱘⱙ ⱅⰵⰱⰵ ⰻ ⰵⰴⰻⱀⱏ ⱁ ⱎⱓⱙ ⱅⰵⰱⰵ. ⰲⱏ ⱌⱄ҃ⱃⱄⱅⰲⰻⰻ ⱅⰲⱁⰵⰿⱏ.
20:22
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ ⱃⰵⱍⰵ. ⱀⰵ ⰲⱑⱄⱅⰰ ⱄⱔ ⱍⰵⱄⱁ ⱂⱃⱁⱄⱔⱎⱅⰰ. ⰿⱁⰶⰵⱅⰰ ⰾⰻ ⱂⰻⱅⰻ ⱍⰰⱎⱘ. ⱙⰶⰵ ⰰⰸⱏ ⰻⰿⰰⰿⱏ ⱂⰻⱅⰻ. ⰾⰻ ⰽⱃⱏⱎⱅⰵⱀⰻⰵ ⰵⰶⰵ ⰰⰸⱏ ⰽⱃⱏⱎⱅⰰⱙ ⱄⱔ ⰽⱃⱏⱄⱅⰻⱅⰻ ⱄⱔ. ⰳⰾ҃ⰰⱄⱅⰵ ⰵⰿⱆ ⰿⱁⰶⰵⰲⱑ.
20:23
ⰺ ⰳⰾ҃ⰰ ⰻⰿⰰ. ⱍⰰⱎⱘ ⰿⱁⱙ ⰻⱄⱂⰻⰵⱅⰰ. ⰺⰱⱁ ⰻ ⰽⱃⱐⱎⱅⰵⱀⰻⰵⰿⱐ ⰻⰿⱏⰶⰵ ⰰⰸⱏ ⰽⱃⱐⱎⱅⰰⱙ ⱄⱔ ⰽⱃⱏⱄⱅⰻⱅⰰ ⱄⱔ. ⰰ ⰵⰶⰵ ⱄⱑⱄⱅⰻ ⱁ ⰴⰵⱄⱀⱘ ⰻ ⱁ ⱎⱘⱙ ⰿⰵⱀⰵ ⱀⱑⱄⱅⱏ ⰿⱐⱀⱑ ⱄⰵⰳⱁ ⰴⰰⱅⰻ. ⱀⱏ ⰻⰿⱏⰶⰵ ⱁⰳⱁⱅⱁⰲⰰⱀⱁ ⰵⱄⱅⱏ ⱁⱅⱏ ⱁⱅ҃ⱌⰰ ⰿⱁⰵⰳⱁ.
20:24
ⰺ ⱄⰾⱏⰹⱎⰰⰲⱏⱎⰵ ⰴⰵⱄⱔⱅⰻⰻ. ⱀⰵⰳⱁⰴⱁⰲⰰⱎⱔ ⱁ ⱁⰱⱁⱓ ⰱⱃⰰⱅⱃⱆ.
20:25
ⰺⱄ҃ ⰶⰵ ⱂⱃⰻⰸⱏⰲⰰⰲⱏ ⱗ ⱃⰵⱍⰵ. ⰲⱑⱄⱅⰵ ⱑⰽⱁ ⰽⱏⱀⱔⰸⰻ !ⱗⰸⰽⱏ ⱆⱄⱅⱁⱗⱅⱏ ⰻⰿⱏ. ⰻ ⰲⰵⰾⰻⱌⰻⰻ ⱁⰱⰾⰰⰴⰰⱙⱅⱏ ⰿⰰⰾⱏⰹⰻⰿⰻ.
20:26
ⱀⰵ ⱅⰰⰽⱁ ⱆⰱⱁ ⰱⱘⰴⰵⱅⱏ ⰲⱏ ⰲⰰⱄⱏ. ⱀⱏ ⰹⰶⰵ ⰰⱋⰵ ⱈⱁⱋⰵⱅⱏ ⰲⱔⱎⱅⰻⰻ ⰱⱏⰹⱅⰻ ⰲⱏ ⰲⰰⱄⱏ. ⰴⰰ ⰱⱘⰴⰵⱅⱏ ⰲⰰⱎⱏ ⱄⰾⱆⰳⰰ.
20:27
ⰺ ⰻⰶⰵ ⰰⱋⰵ ⱈⱁⱋⰵⱅⱏ ⰲⱏ ⰲⰰⱄⱏ ⰱⱏⰹⱅⰻ ⱂⱃⱑⰴⱐⱀⰻⰻ. ⰴⰰ ⰱⱘⰴⰵⱅⱏ ⰲⰰⱎⱏ ⱃⰰⰱⱏ.
20:28
ⱑⰽⱁⰶⰵ ⱄⱀ҃ⱏ ⱍⰾⰲ҃ⱄⰽⱏⰹ. ⱀⰵ ⱂⱃⰻⰴⰵ ⰱⱁ ⰴⰰ ⱂⱁⱄⰾⱆⰶⱔⱅⱏ ⰵⰿⱆ. ⱀⱏ ⱂⱁⱄⰾⱆⰶⰻⱅⱏ. ⰻ ⰴⰰⱅⰻ ⰴⱎ҃ⱘ ⱄⰲⱁⱙ. ⰺⰸⰱⰰⰲⰾⰵⱀⰻⰵ ⰸⰰ ⰿⱏⱀⱁⰳⱏⰹ :: ⰽ!ⱌ ::
20:29
Ⰺ ⰻⱄⱈⱁⰴⱔⱋⱓ ⰵⰿⱆ ⱁⱅⱏ ⰻⰵⱃⰻⱈⱁⱀⰰ. ⱂⱁ ⱀⰵⰿⱐ ⰻⰴⱘ ⱀⰰⱃⱁⰴⰻ ⰿⱏⱀⱁⰷⰻ.
20:30
ⰺ ⱄⰵ ⰴⱏⰲⰰ ⱄⰾⱑⱂⱏⱌⰰ ⱄⱑⰴⱔⱎⱅⰰ ⱂⱃⰻ ⱂⱘⱅⰻ. ⰺ҅ ⱄⰾⱏⰹⱎⰰⰲⱏⱎⰰ ⱑⰽⱁ ⰻⱄ҃ⱏ ⰿⰻⰿⱁ ⱈⱁⰴⰻⱅⱏ. ⰲⱏⰸⱏⱂⰻⱄⱅⰵ ⰳⰾⰰⰳⱁⰾⱙⱎⱅⰰ. ⱂⱁⰿⰻⰾⱁⰻ ⱀⱏⰹ ⰳ҃ⰻ ⱄⱀ҃ⱆ !ⰴⰲⰴⰲⱏ.
20:31
ⱀⰰⱃⱁⰴⰻ ⰶⰵ ⰸⰰⱂⱃⱑⱅⰻⱎⱔ ⰻⰿⰰ ⰴⰰ ⱆⰿⰾⱏⱍⰻⱅⰵ. ⱁⱀⰰ ⰶⰵ ⱂⰰⱍⰵ ⰲⱏⱂⰻⱑⱎⰵⱅⰵ ⰳⰾ҃ⱙⱎⱅⰰ ⱂⱁⰿⰻⰾⱆⰻ ⱀⱏⰹ ⰳ҃ⰻ ⱄⱀ҃ⱆ !ⰴⰲⱏ.
20:32
ⰺ ⱄⱅⰰⰲⱏ ⰻⱄ҃ⱏ ⰲⱏⰸⰳⰾⰰⱄⰻ ⱑ. ⰻ ⱃⰵⱍⰵ. ⱍⱅⱁ ⱈⱁⱋⰵⱅⰰ ⰴⰰ ⱄⱏⱅⰲⱁⱃⱙ ⰲⰰⰿⰰ.
20:33
ⰳⰾ҃ⰰⱄⱅⰵ ⰵⰿⱆ ⰳ҃ⰻ. ⰴⰰ ⱁⱅⰲⱃⱏⰸⰵⱅⰵ ⱄⱔ ⱀⰰⱓ ⱁⱍⰻ.
20:34
ⰿⰻⰾⱁⱄⱃ҃ⰴⰲⰰⰲⱏ ⰶⰵ ⰻⱄ҃ⱏ. ⱂⱃⰻⰽⱁⱄⱀⱘ ⱄⱔ ⱁⱍⰻⱓ ⰻⰿⰰ. ⰺ ⰰⰱⱐⰵ ⱂⱃⱁⰸⱐⱃⱑⱄⱅⰵ ⰻⰿⰰ ⱁⱍⰻ. ⰺ ⱂⱁ ⱀⰵⰿⱐ ⰻⰴⰵⱅⰵ :: ⰽ!ⱌ ::