ЕВАНГЕЛИЕ ЕЖЕ Ѿ МАТѲЕꙖ
17:1
ⰺ ⰱⱏⰹⱄⱅⱏ ⱂⱁ ⱎⰵⱄⱅⰻ ⰴⰵⱀⱏ. Ⱂⱁⱗⱅⱏ ⰻⱄ҃ ⱂⰵⱅⱃⰰ ⰻ ⰻⱑⰽⱁⰲⰰ ⰻ ⰻⱁⰰⱀⰰ ⰱⱃⰰⱅⱃⰰ ⰵⰳⱁ. ⰺ ⰲⱐⰸⰲⰵⰴⰵ ⱗ ⱀⰰ ⰳⱁⱃⱘ ⰲⱏⰹⱄⱁⰽⱘ ⰵⰴⰻⱀⱏⰹ.
17:2
ⰺ ⱂⱃⱑⱁⰱⱃⰰⰸⰻ ⱄⱔ ⱂⱃⱑⰴⱏ ⱀⰻⰿⰻ. ⰺ ⱂⱃⱁⱄⰲⱐⱅⱑ ⱄⱔ ⰾⰻⱌⰵ ⰵⰳⱁ ⱑⰽⱁ ⱄⰾⱏⱀⱏⱌⰵ. ⰰ ⱃⰻⰸⱏⰹ ⰵⰳⱁ ⰱⱏⰹⱎⱔ ⰱⱑⰾⱏⰹ ⱑⰽⱁ ⱄⰲⱑⱅⱏ.
17:3
ⰺ ⱄⰵ ⰰⰲⰻⱄⱅⰵ ⱄⱔ ⰻⰿⱏ ⰿⱁⱄⰻ ⰻ ⰻⰾⰻⱑ. ⱄⱏ ⱀⰻⰿⱐ ⰳⰾ҃ⱙⱋⰰ.
17:4
ⱁⱅⱏⰲⱑⱋⰰⰲⱏ ⰶⰵ ⱂⰵⱅⱃⱏ ⰽⱏ ⰻⱄ҃ⰲⰻ ⱃⰵⱍⰵ. ⰳ҃ⰻ : ⰴⱁⰱⱃⱁ ⰵⱄⱅⱏ ⱀⰰⰿⱏ ⱄⱐⰴⰵ ⰱⱏⰹⱅⰻ. ⰰⱎⱅⰵ ⱈⱁⱋⰵⱎⰻ ⰴⰰ ⱄⱏⱅⰲⱁⱃⰻⰿⱏ ⱄⱏⰴⰵ ⱅⱃⰻ ⰽⱃⱁⰲⱏⰹ. ⱅⰵⰱⱑ ⰵⰴⰻⱀⱏ ⰻ ⰿⱁⱄⰵⱁⰲⰻ ⰵⰴⰻⱀⱏ. ⰻ ⰻⰾⰻⰻ ⰵⰴⰻⱀⱏ.
17:5
ⰵⱎⱅⰵ ⰶⰵ ⰵⰿⱆ ⰳⰾ҃ⱙⱎⱅⱓ. ⱄⰵ ⱁⰱⰾⰰⰽⱏ ⱄⰲⱑⱅⰵⰾⱏ ⱁⱄⰻⱑ ⱗ. ⰺ ⱄⰵ ⰳⰾⰰⱄⱏ ⰻⰸ ⱁⰱⰾⰰⰽⰰ ⰳⰾ҃ⱔ. ⱄⱐ ⰵⱄⱅⱏ ⱄⱀ҃ⱏ ⰿⱁⰻ ⰲⱐⰸⰾⱓⰱⰾⰵⱀⱏⰹ ⱁ ⱀⰵⰿⱐⰶⰵ ⰱⰾⰰⰳⱁⰻⰸⰲⱁⰾⰻⱈⱏ. ⱅⱁⰳⱁ ⱂⱁⱄⰾⱆⱎⰰⰻⱅⰵ.
17:6
ⰺ ⱄⰾⱏⰹⱎⰰⰲⱏⱎⰵ ⱆⱍⰵⱀⰻⱌⰻ ⱂⰰⰴⱘ ⱀⰻⱌⰻ. ⰻ ⱆⰱⱁⱑⱎⱔ ⱄⱔ ⰷⱑⰾⱁ.
17:7
ⰻ ⱂⱃⰻⱄⱅⱘⱂⱐ ⰻⱄ҃ ⱂⱃⰻⰽⱁⱄⱀⱘ ⱄⱔ ⰻⱈⱏ. ⰺ ⱃⰵⱍⰵ ⰲⱏⱄⱅⰰⱀⱑⱅⰵ ⰻ ⱀⰵ ⰱⱁⰻⱅⰵ ⱄⱔ.
17:8
ⰲⱏⰸⰲⰵⰴⱏⱎⰵ ⰶⰵ ⱁⱍⰻ ⱄⰲⱁⰻ ⱀⰵ ⰲⰻⰴⱑⱎⱔ ⱀⰻⰽⱁⰳⱁⰶⰵ ⱅⱁⰽⱏⰿⱁ ⰻⱄ҃ⰰ ⰵⰴⰻⱀⱁⰳⱁ.
17:9
ⰻ ⱄⱏⱈⱁⰴⱔⱋⰵⰿⱏ ⰻ҅ⰿⱏ ⱄⱏ ⰳⱁⱃⱏⰹ. ⰸⰰⱂⱁⰲⱑⰴⱑ ⰻⰿⱏ ⰻⱄ҃ⱏ ⰳⰾ҃ⱔ. ⱀⰻⰽⱁⰿⱆⰶⰵ ⱀⰵ ⱂⱁⰲⱑⰴⰻⱅⰵ ⰲⰻⰴⱑⱀⰻⱑ. ⰴⱁⱀⱐⰴⰵⰶⰵ ⱄⱀ҃ⱏ ⱍⰾⰲ҃ⱍⱄⰽⱏⰹ ⰻⰸ ⰿⱃⱏⱅⰲⱏⰹⱈⱏ ⰲⱏⱄⰽⱃⱏⱄⱀⰵⱅⱏ.
17:10
ⰺ҅ ⰲⱏⱂⱃⱁⱄⰻⱎⱔ ⰻ ⱆⱍⰵⱀⰻⱌⰻ ⰵⰳⱁ ⰳⰾ҃ⱙⱋⰵ ⱍⱏⱅⱁ ⱆⰱⱁ ⰳⰾ҃ⱙⱅⱏ ⰽⱏⱀⰻⰶⱏⱀⰻⱌⰻ. ⱑⰽⱁ ⰻⰾⰻⰻ ⱂⱁⰴⱁⰱⰰⰰⱅⱏ ⱂⱃⰻⰴⰻ ⱂⱃⱑⰶⰴⰵ.
17:11
ⰺⱄ҃ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰻⰿⱏ. ⰺⰾⰻⱑ ⱆⰱⱁ ⱂⱃⰻⰴⰵⱅⱏ ⱂⱃⱑⰶⰴⰵ ⰻ ⱆⱄⱅⱃⱁⰻⱅⱏ ⰲⱐⱄⱑ.
17:12
ⰳⰾ҃ⱙ ⰶⰵ ⰲⰰⰿⱏ. ⱑⰽⱁ ⰻⰾⰻⱑ ⱓ҅ⰶⰵ ⱂⱃⰻⰴⰵ ⰻ ⱀⰵ ⱂⱁⰸⱀⰰⱎⱔ ⰵⰳⱁ. ⱀⱏ ⱄⱏⱅⰲⱁⱃⰻⱎⱔ ⱁ ⱀⰵⰿⱐ ⰲⱏⱄⱑ ⰵⰾⰻⰽⱁ ⰲⱏⱄⱈⱁⱅⱑⱎⱔ ⱅⰰⰽⱁ ⰻ ⱄⱀ҃ⱏ ⱍⰾⰲ҃ⱍⱄⰽⱏⰹ ⰻⰿⰰⱅⱏ ⱄⱅⱃⰰⰴⰰⱅⰻ ⱁⱅⱏ ⱀⰻⱈⱏ.
17:13
ⱅⱏⰳⰴⰰ ⱃⰰⰸⱆⰿⱑⱎⱔ ⱆⱍⰵⱀⰻⱌⰻ. ⱑⰽⱁ ⱁ ⰻⱁⰰⱀⱑ ⰽⱃⱏⱄⱅⰻⱅⰵⰾⰻ ⱃⰵⱍⰵ ⰻⰿⱏ.
17:14
ⰺ ⱂⱃⰻⱎⰵⰴⱏⱎⰵⰿⱏ ⰻⰿⱏ ⰽⱏ ⱀⰰⱃⱁⰴⱆ. Ⱂⱃⰻⱄⱅⱘⱂⰻ ⰽⱏ ⱀⰵⰿⱆ !ⱍⰽⱏ. ⰽⰾⰰⱀⱑⱗ ⱄⱔ ⰵⰿⱆ
17:15
ⰻ ⰳⰾ҃ⱔ. ⰳ҃ⰻ. ⱂⱁⰿⰻⰾⱆⰻ ⱄⱀ҃ⱏ ⰿⱁⰻ. ⱑⰽⱁ ⱀⰰ ⱀⱁⰲⱏⰹ !ⰿⱄⱌⱔ ⰱⱑⱄⱏⱀⱁⰵⱅⱏ ⱄⱔ ⰺ ⰸⱐⰾⱑ ⱄⱅⱃⰰⰶⰴⰵⱅⱏ. ⰿⱏⱀⱁⰶⰻⱌⰵⱙ ⰱⱁ ⱂⰰⰴⰰⰵⱅⱏ ⱀⰰ ⱁⰳⱀⱐ. ⰺ ⰿⱏⱀⱁⰶⰻⱌⰵⱙ ⰲⱏ ⰲⱁⰴⱘ.
17:16
ⰺ ⱂⱃⰻⰲⱑⱄⱏ ⰹ ⰽⱏ ⱆⱍⰵⱀⰻⰽⱁⰿⱏ ⱅⰲⱁⰻⰿⱏ. ⰺ ⱀⰵ ⰿⱁⰳⱘ ⰵⰳⱁ ⰻⱄⱌⱑⰾⰻⱅⰻ.
17:17
ⱁⱅⱏⰲⱑⱎⱅⰰⰲⱏ ⰶⰵ ⰻⱄ҃ⱏ ⱃⰵⱍⰵ. ⱉ ⱃⱁⰴⰵ ⱀⰵⰲⱑⱃⱏⱀⱏⰹ ⰻ ⱃⰰⰸⰲⱃⰰⱋⰵⱀⱏⰹ. ⰴⱁ ⰽⱁⰾⱑ ⱄⱏ ⰲⰰⰿⰻ ⰱⱘⰴⱘ ⰴⱁ ⰽⱁⰾⱑ ⱅⱃⱏⱂⰾⱙ ⰲⰰⱄⱏ. ⱂⱃⰻⰲⰵⰴⱑⱅⰵ ⰿⰻ ⰻ ⱄⱑⰿⱁ.
17:18
ⰺ ⰸⰰⱂⱃⱑⱅⰻ ⰵⰿⱆ ⰻⱄ҃. ⰻ ⰻⰸⰻⰴⰵ ⰻⰸ ⱀⰵⰳⱁ ⰱⱑⱄⱏ. ⰺ҅ ⰻⱄⱌⱑⰾⱑ ⱁⱅⱃⱁⰽⱏ ⱅⱁⰿⱐ ⱍⰰⱄⱑ.
17:19
Ⱅⱁⰳⰴⰰ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⰻⱄ҃ⰲⰻ ⰵⰴⰻⱀⱁⰿⱆ ⱃⱑⱎⱔ. ⱂⱁ ⱍⱐⱅⱁ ⰿⱏⰹ ⱀⰵ ⰲⱏⰸⰿⱁⰳⱁⰿⱏ ⰻⰸⰳⱏⱀⰰⱅⰻ ⰵⰳⱁ.
17:20
ⰺⱄ҃ ⰶⰵ ⱃⰵⱍⰵ ⰻⰿⱏ. ⰸⰰ ⱀⰵⰲⱑⱃⱏⱄⱅⰲⱁ ⰲⰰⱎⰵ. ⰰⰿⰻⱀⱐ ⰱⱁ ⰳⰾ҃ⱙ ⰲⰰⰿⱏ. ⰰⱋⰵ ⰻⰿⰰⱅⰵ ⰲⱑⱃⱘ ⱑⰽⱁ ⰸⱃⱏⱀⱁ ⰳⱁⱃⱓⱎⱏⱀⱁ. ⱃⰵⱍⰵⱅⰵ ⰳⱁⱃⱑ ⱄⰵⰻ ⱂⱃⱑ[ⰻ]ⰴⰻ ⱁⱅⱏ ⱄⱘⰴⱑ ⱅⰰⰿⱁ. ⰺ ⱂⱃⱑⰻⰴⰵⱅⱏ. ⰺ ⱀⰻⱍⱅⱁⰶⰵ ⱀⰵ ⰲⱏⰸⰿⱁⰶⱏⱀⱁ ⰱⱘⰴⰵⱅⱏ ⰲⰰⰿⱏ.
17:21
ⱃⱁⰴⱏ ⰶⰵ ⱄⱐ ⱀⰵ ⰻⱄⱈⱁⰴⰻⱅⱏ ⱅⱏⰽⰿⱁ ⰿⱁⰾⰻⱅⰲⱁⱙ ⰻ ⱂⱁⱄⱅⱁⰿⱐ ::
17:22
Ⰶⰻⰲⱘⱎⱅⰵⰿⱏ ⰶⰵ ⰻⰿⱏ ⰲⱏ ⰳⰰⰾⰻⰾⰵⰻ. ⱃⰵⱍⰵ ⰻⰿⱏ ⰻⱄ҃ⱏ ⱂⱃⱑⰴⰰⱀⱏ ⰻⰿⰰⱅⱏ ⰱⱏⰹⱅⰻ ⱄⱀ҃ⱏ ⱍⰾⰲ҃ⱍⱄⰽⱏⰹ ⰲⱏ ⱃⱘⱌⱑ ⱍⰾⰲ҃ⰽⱁⰿⱏ.
17:23
ⰺ ⱆⰱⰻⱙⱅⱏ ⰹ ⰻ ⱅⱃⰵⱅⰻ ⰴⰵⱀⱐ ⰲⱏⱄⱅⰰⱀⰵⱅⱏ :. ⰽ!ⱌ. Ⰺ ⱄⰽⱃⱏⰱⱐⱀⰻ ⰱⱏⰹⱎⱔ ⰷⱑⰾⱁ ::
17:24
Ⱂⱃⰻⱎⰵⰴⱏⱎⰵⰿⱏ ⰶⰵ ⰻⰿⱏ ⰲⱏ ⰽⰰⱇⰵⱃⱏⱀⰰⱆⰿⱏ. ⱂⱃⰻⱄⱅⱘⱂⰻⱎⱔ ⱂⱃⰻⰵⰿⰾⱙⱋⰵⰻ ⰴⰻⰴⱃⰰⰳⰿⰰ. ⰽⱏ ⱂⰵⱅⱃⱁⰲⰻ ⰻ ⱃⱑⱎⱔ. ⱆⱍⰻⱅⰵⰾⱐ ⰲⰰⱎⱏ ⱀⰵ ⰴⰰⰵⱅⱏ ⰾⰻ ⰴⰻⰴⱃⰰⰳⰿⰰ.
17:25
ⱃⰵⱍⰵ ⰵⰻ. ⰺ ⰵⰳⰴⰰ ⰲⱐⱀⰻⰴⰵ ⰲⱏ ⰴⱁⰿⱏ. ⰲⰰⱃⰻ ⰻⱄ҃. ⰳⰾ҃ⱔ. ⱍⱅⱁ ⱅⰻ ⱄⱔ ⰿⱐⱀⰻⱅⱏ ⱄⰻⰿⱁⱀⰵ. ⱌⱄ҃ⱃⰻ ⰸⰵⰿⱐⱄⱌⰻⰻ ⱁⱅⱏ ⰽⱏⰹⱈⱏ ⱂⱃⰻⰵⰿⰾⱙⱅⱏ ⰴⰰⱀⰻ. ⰾⰻ ⰽⰻⱀⱄⱐ. ⱁⱅⱏ ⱄⰲⱁⰻⱈⱏ ⰾⰻ ⱄⱀ҃ⰲⱏ. ⰾⰻ ⱁⱅⱏ ⱅⱆⰶⰴⰻⱈⱏ.
17:26
ⰺ ⱃⰵⱍⰵ ⰵⰿⱆ ⱂⰵⱅⱃⱏ. ⱁⱅⱏ ⱅⱆⰶⰴⰻⰻⱈⱏ. ⱃⰵⱍⰵ ⰵⰿⱆ ⰻⱄ҃. ⱆⰱⱁ ⱄⰲⱁⰱⱁⰴⱐⱀⰻ ⱄⱘⱅⱏ ⱄⱀ҃ⰲⰵ.
17:27
ⱀⱏ ⰴⰰ ⱀⰵ ⱄⱏⰱⰾⰰⰸⱀⰻⰿⱏ ⰻⱈⱏ. ⱎⰵⰴⱏ ⰲⱏ ⰿⱁⱃⰵ ⰲⱏⰲⱃⱏⰷⰻ ⱘⰴⰻⱌⱘ. ⰺ ⱙⰶⰵ ⰻⰿⰵⱎⰻ ⱂⱃⱑⰶⰴⰵ ⱃⱏⰹ ⰱⱘ ⰲⱐⰸⱐⰿⰻ ⰻ ⱁⱅⰲⱃⱏⰸⱏ ⱆⱄⱅⰰ ⰻ҅. ⰺ ⱁⰱⱃⱔⱎⱅⰵⱎⰻ ⱄⱅⰰⱅⰻⱃⱏ. ⱅⱏ ⰲⱏⰸⰵⰿⱏ ⰴⰰⰶⰴⱏ ⰻⰿⱏ ⰸⰰ ⰿⱔ ⰻ ⰸⰰ ⱄⱔ.