ЕВАНГЕЛИЕ ЕЖЕ Ѿ МАТѲЕꙖ
15:1
Ⱅⱏⰳⰴⰰ ⱂⱃⰻⱄⱅⱘⱂⰻⱎⱔ ⰽⱏ ⰻⱄ҃ⰲⰻ ⰻⰶⰵ ⰱⱑⰰⱈⱘ ⰲⱏ !ⰻⰿⱑ. ⰽⱏⱀⰻⰶⱏⱀⰻⱌⰻ ⰻ ⱇⰰⱃⰻⱄⱑⰻ ⰳⰾ҃ⱙⱎⱅⰵ.
15:2
ⱂⱁ ⱍⱏⱅⱁ ⱆⱍⰵⱀⰻⱌⰻ ⱅⰲⱁⰻ ⱂⱃⱑⱄⱅⱘⱂⰰⱙⱅⱏ ⱂⱃⱑⰴⰰⰰⱀⰻⱑ ⱄⱅⰰⱃⰵⱌⱏ. ⱀⰵ ⱁⰿⱏⰹⰲⰰⱙⱅⱏ ⰱⱁ ⱃⱘⰽⱏ ⱄⰲⱁⰻⱈⱏ ⰵⰳⰴⰰ ⱈⰾⱑⰱⱏ ⱑⰴⱔⱅⱏ.
15:3
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ ⰻⰿⱏ. ⱂⱁ ⱍⱏⱅⱁ ⰲⱏⰹ ⱂⱃⱑⱄⱅⱘⱂⰰⰵⱅⰵ ⰸⰰⱂⱁⰲⱑⰴⱐ ⰱⰶ҃ⰻⱙ. ⰸⰰ ⱂⱃⱑⰴⰰⱀⰻⰵ ⰲⰰⱎⰵ.
15:4
ⰱ҃ⱏ ⰱⱁ ⰸⰰⱂⱁⰲⱑⰴⰰ ⰳⰾ҃ⱔ. ⱍⱐⱅⰻ ⱁⱅ҃ⱌⰰ ⰻ ⰿⰰⱅⰵⱃⱐ. ⰺ ⰻⰶⰵ ⰸⱏⰾⱁⱄⰾⱁⰲⰻⱅⱏ ⱁⱅ҃ⱌⰰ ⰾⰻ ⰿⰰⱅⰵⱃⱐ. ⱄⱏⰿⱃⱏⱅⱐⱙ ⱆⰿⱐⱃⰵⱅⱏ.
15:5
ⰲⱏⰹ ⰶⰵ ⰳⰾ҃ⱅⰵ. ⰺⰶⰵ ⰽⱁⰾⰻⰶⱏⰴⱁ ⱃⰵⱍⰵⱅⱏ ⱁⱅ҃ⱌⱓ ⰾⰻ ⰿⰰⱅⰵⱃⰻ ⰴⰰⱃⱏ. ⰺⰶⰵ ⰽⱁⰾⰻⰶⱏⰴⱁ ⱁⱅⱏ ⰿⰵⱀⰵ ⱂⱁⰾⱐⰷⰵⰲⰰⰾⱏ ⱄⱔ ⰵⱄⰻ. ⰺ҅ⰶⰵ ⱀⰵ ⱂⱁⱍⱐⱅⰵⱅⱏ ⱁⱅ҃ⱌⰰ ⰾⰻ ⰿⰰⱅⰵⱃⰵ ⱄⰲⱁ ⱗ҅.
15:6
ⰺ ⱃⰰⰸⱁⱃⰻⱄⱅⰵ ⰸⰰⰽⱁⱀⱏ ⰱⰶ҃ ⰻ҅. ⰸⰰ ⱂⱃⱑⰴⰰⱀⰻⰵ ⰲⰰⱎⰵ
15:7
ⰾⰻⱌⰵⰿⱑⱃⰻ. ⰴⱁⰱⱃⱑ ⱂⱃⱁⱃⱁⱍⱏⱄⱅⰲⱁⰲⰰ ⱁ ⰲⰰⱄⱏ ⰻⱄⰰⰻⱑ ⰳⰾ҃ⱔ.
15:8
ⱂⱃⰻⰱⰾⰻⰶⰰⱙⱅⱏ ⱄⱔ ⰿⱐⱀⱑ ⰾⱙⰴⱏⰵ ⱄⰻ ⱆⱄⱅⱏⰹ ⱄⰲⱁⰻⰿⰻ. ⰻ ⱆⱄⱅⱏⱀⰰⰿⰻ ⱍⱐⱅⱘⱅⱏ ⰿⱔ. ⰰ ⱄⱃⰴ҃ⱌⰵ ⰻⱈⱏ ⰴⰰⰾⰵⱍⰵ ⱁⱅⱏⱄⱅⱁⰻⱅⱏ ⱁⱅ ⰿⰵⱀⰵ.
15:9
ⰲⱏ ⱄⱆⰵ ⰶⰵ ⱍⱏⱅⱘⱅⱏ ⰿⱔ. ⱆⱍⱔⱋⰵ ⱆⱍⰵⱀⰻⱑ ⰸⰰⱂⱁⰲⱑⰴⰵⰻ ⱍⰾⰲ҃ⱍⱄⰽⱏ.
15:10
ⰺ ⱂⱃⰻⰸⱏⰲⰰⰲⱏ ⱀⰰⱃⱁⰴⱏⰹ ⱃⰵⱍⰵ ⰻⰿⱏ. ⱄⰾⱏⰹⱎⰻⱅⰵ ⰻ ⱃⰰⰸⱆⰿⱑⰻⱅⰵ.
15:11
ⱀⰵ ⰲⱏⱈⱁⰴⱔⱋⰵⰵ ⰲⱏ ⱆⱄⱅⰰ ⱄⰽⰲⱃⱏⱀⰻⱅⱏ ⱍⰾⰲ҃ⰽⰰ. ⱀⱏ ⰻⱄⱈⱁⰴⱔⱋⰵⰵ ⰻⰸ ⱆⱄⱅⱏ ⱅⱁ ⱄⰽⰲⱃⱏⱀⰻⱅⱏ ⱍⰾⰲ҃ⰽⰰ.
15:12
Ⱅⱏⰳⰴⰰ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⰵⰳⱁ ⱃⱑⱎⱔ ⰵⰿⱆ. ⰲⱑⱄⰻ ⰾⰻ ⱑⰽⱁ ⱇⰰⱃⰻⱄⱑⰻ ⱄⰾⱏⱎⰰⰲⱏⱎⰵⰻ ⱄⰾⱁⰲⱁ ⱄⱏⰱⰾⰰⰸⱀⰻⱎⱔ ⱄⱔ.
15:13
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ. ⰲⱐⱄⱑⰽⱏ ⱄⰰⰴⱏ ⰵⰳⱁⰶⰵ ⱀⰵ ⱄⰰⰴⰻ ⱁⱅ҃ⱌⱏ ⰿⱁⰻ ⱀⰵⰱ҃ⱄⰽⱏⰹ. ⰺⱄⰽⱁⱃⰵⱀⰻⱅⱏ ⱄⱔ.
15:14
Ⱁⱄⱅⰰⱀⱑⱅⰵ ⰻⱈⱏ. ⰲⱁⰶⰴⰻ ⱄⱘⱅⱏ ⱄⰾⱑⱂⰻ ⱄⰾⱑⱂⱐⱌⰵⰿⱏ. ⱄⰾⱑⱂⰵⱌⱏ ⰶⰵ ⱄⰾⱑⱂⱏⱌⰰ ⰰⱎⱅⰵ ⰲⱁⰴⰻⱅⱏ. ⱁⰱⰰ ⰲⱐ ⱑⰿⱘ ⰲⱏⱂⰰⰴⰵⱅⰵ ⱄⱔ.
15:15
ⱁⱅⱏⰲⱑⱋⰰⰲⱏ ⰶⰵ ⱂⰵⱅⱃⱏ ⱃⰵⱍⰵ ⰵⰿⱆ. ⱄⱏⰽⰰⰶⰻ ⱀⰰⰿⱏ ⱂⱃⰻⱅⱏⱍⱘ ⱄⰻⱙ.
15:16
ⰺⱄ҃ ⰶⰵ ⱃⰵⱍⰵ ⰵⰿⱆ. ⰵⰴⰻⱀⰰⱍⰵ ⰾⰻ ⰻ ⰲⱏⰹ ⰱⰵⰸⰴⱃⰰⰸⱆⰿⰰ ⰵⱄⱅⰵ.
15:17
ⱀⰵ ⱓ ⰾⰻ ⱃⰰⰸⱆⰿⱑⰲⰰⰰⱅⰵ. ⱑⰽⱁ ⰲⱐⱄⱑⰽⱁ ⰵⰶⰵ ⰲⱏⱈⱁⰴⰻⱅⱏ ⰲⱏ ⱆⱄⱅⰰ. ⰲⱏ ⱍⱃⱑⰲⱁ ⰲⱏⰿⱑⱋⰰⰰⱅⱏ ⱄⱔ. ⰺ ⰰⱇⰵⰴⱃⱁⱀⱁⰿⱏ ⰻⱄⱈⱁⰴⰻⱅⱏ.
15:18
ⰰ ⰻⱄⱈⱁⰴⱔⱋⰰⰰ ⰻⰸ ⱆⱄⱅⱏ. ⱁⱅⱏ ⱄⱃⰴ҃ⱌⰰ ⰻⱄⱈⱁⰴⱔⱅⱏ. ⰺ ⱅⰰ ⱄⰽⰲⱃⱏⱀⱔⱅⱏ ⱍⰾⰲ҃ⰽⰰ.
15:19
ⱁⱅⱏ ⱄⱃⰴ҃ⱌⰰ ⰱⱁ ⰻⱄⱈⱁⰴⱔⱅⱏ. ⱂⱁⰿⱏⰹⱎⰾⰵⱀⰻⱑ ⰸⱏⰾⰰ ⱆⰱⰻⰻⱄⱅⰲⰰ ⱂⱃⱑⰾⱓⰱⱁⰴⱑⰰⱀⰻⱑ. ⰾⱓⰱⱁⰴⱑⰰⱀⰻⱑ. ⱅⰰⱅⱐⰱⱏⰹ ⰾⱏⰶⰵⱄⱏⰲⱑⰴⱑⱀⰻⱑ. ⰲⰾⰰⱄⱇⰻⰿⰻⱑ.
15:20
ⱄⰻ ⱄⱘⱅⱏ ⱄⰽⰲⱃⱀⱔⱎⱅⰰⰰ ⱍⰾ҃ⰽⰰ. ⰰ ⰵⰶⰵ ⱀⰵ ⱆⰿⱏⰲⰵⱀⰰⰿⰻ ⱃⱘⰽⰰⰿⰻ ⱑⱄⱅⰻ. ⱀⰵ ⱄⰽⰲⱃⱏⱀⰻⱅⱏ ⱍⰾⰲ҃ⰽⰰ.
15:21
Ⰺ ⰻⱎⰵⰴⱏ ⱁⱅⱏ ⱅⱆⰴⱑ ⰻⱄ҃. ⱁⱅⰻⰴⰵ ⰲⱏ ⱄⱅⱃⰰⱀⱘ ⱅⱆⱃⱐⱄⰽⱘ ⰻ ⱄⱛⰴⱁⱀⱏⱄⰽⱘ.
15:22
ⰺ ⱄⰵ ⰶⰵⱀⰰ ⱈⰰⱀⰰⱀⰵⰻⱄⰽⰰ ⱁⱅⱏ ⱂⱃⱑⰴⱑⰾⱏ ⱅⱑⱈⱏ ⰻⱎⰵⰴⱏⱎⰻ. ⰲⱏⰸⱏⱂⰻ ⰳⰾ҃ⱙⱎⱅⰻ. ⱂⱁⰿⰻⰾⱆⰻ ⰿⱔ ⰳ҃ⰻ ⱄⱀ҃ⱆ ⰴⰰⰲ҃ⰴⰲⱏ. ⰴⱏⱎⱅⰻ ⰿⱁⱑ ⰸⱏⰾⱑ ⰱⱑⱄⱏⱀⱆⰵⱅⱏ ⱄⱔ.
15:23
ⱁⱀⱏ ⰶⰵ ⱀⰵ ⱁⱅⱏⰲⱑⱋⰰ ⰵⰻ ⱄⰾⱁⰲⰵⱄⰵ. Ⰺ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⰵⰳⱁ ⰿⱁⰾⱑⱈⱘ ⰻ ⰳⰾ҃ⱙⱋⰵ. ⱁⱅⱏⱂⱆⱄⱅⰻ ⱙ ⱑⰽⱁ ⰲⱏⱂⰻⰵⱅⱏ ⰲⱏ ⱄⰾⱑⰴⱏ ⱀⰰⱄⱏ.
15:24
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ. ⱀⱑⱄⰿⱏ ⱂⱁⱄⱏⰾⰰⱀⱏ. ⱅⱏⰽⰿⱁ ⰽⱏ ⱁⰲⱏⱌⰰⰿⱏ ⱂⱁⰳⱏⰹⰱⱏⱎⰻⰿⱏ ⰴⱁⰿⱆ ⰻⰸ҃ⰾⰲⱆ.
15:25
ⱁⱀⰰ ⰶⰵ ⱂⱃⰻⱎⰵⰴⱏⱎⰻ ⱂⱁⰽⰾⱁⱀⰻ ⱄⱔ ⰵⰿⱆ ⰳⰾ҃ⱎⱅⰻ. ⰳ҃ⰻ ⱂⱁⰿⱁⰷⰻ ⰿⰻ.
15:26
ⱁⱀⱏ ⰶⰵ ⱁⱅⱏⰲⱑⱎⱅⰰⰲⱏ ⱃⰵⱍⰵ. ⱀⱑⱄⱅⱏ ⰴⱁⰱⱃⱁ ⱁⱅⱔⱅⰻ ⱈⰾⱑⰱⰰ ⱍⱔⰴⱁⰿⱏ ⰻ ⱂⱁⰲⱃⱑⱋⰻ ⱂⱄⱁⰿⱏ.
15:27
ⱁⱀⰰ ⰶⰵ ⱃⰵⱍⰵ ⰵⰻ ⰳ҃ⰻ. ⰺⰱⱁ ⰻ ⱂⱄⰻ ⱑⰴⱔⱅⱏ ⱁⱅⱏ ⰽⱃⱆⱂⰻⱌⱏ ⱂⰰⰴⰰⱙⱎⱅⰻⱈⱏ ⱄⱏ ⱅⱃⰰⱂⰵⰸⱏⰹ ⰳⱁⱄⱂⱁⰴⰵⰻ ⱄⰲⱁⰻⱈⱏ.
15:28
Ⱅⱏⰳⰴⰰ ⱁⱅⱏⰲⱑⱎⱅⰰⰲⱏ ⰻⱄ҃ ⱃⰵⱍⰵ ⰵⰻ. Jⱉ ⰶⰵⱀⱁ ⰲⰵⰾⱐⱑ ⰵⱄⱅⱏ ⰲⱑⱃⰰ ⱅⰲ ⱑ҅. ⰱⱘⰴⰻ ⱅⰵⰱⱑ ⱑⰽⱁⰶⰵ ⱈⱁⱋⰵⱎⰻ. ⰺ ⰻⱄⱌⱑⰾⱑ ⰴⱏⱋⰻ ⰵⱗ ⰲⱁ ⱅⱏ ⱍⰰⱄⱏ.
15:29
ⰺ ⱂⱃⰻⱎⰵⰴⱏ ⱁⱅⱏ ⱅⱆⰴⱑ ⰻⱄ҃. ⰺⰴⰵ ⱂⱃⰻ ⰿⱁⱃⰻ ⰳⰰⰾⰻⰾⱑⰻⱄⱌⱑⰿⱏ. ⰺ ⰲⱏⱎⰵⰴⱏ ⱀⰰ ⰳⱁⱃⱘ ⱄⱑⰴⰵ ⱅⱆ.
15:30
ⰺ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱀⰰⱃⱁⰴⰻ ⰿⱏ[ⱀⱁ]ⰸⰻ. ⰺⰿⱘⱋⰵ ⱄⱏ ⱄⱁⰱⱁⱙ ⱈⱃⱁⰿⱏⰹ. ⱀⱑⰿⱏⰹ ⰻ ⱄⰾⱑⱂⱏⰹ ⰻ ⰱⱑⱄⱏⱀⱏⰹ. ⰺ ⰻⱀⱏⰹ ⰿⱏⱀⱁⰳⱏⰹ. ⰺ ⱂⱃⰻⰲⱃⱏⰳⱘ ⱗ ⰽⱏ ⱀⱁⰳⰰⰿⰰ ⰻⱄ҃ⰲⰰⰿⰰ. ⰻ ⰻⱄⱌⱑⰾⰻ ⱗ.
15:31
ⱑⰽⱁ ⱀⰰⱃⱁⰴⱆ ⰴⰻⰲⰻⱅⰻ ⱄⱔ. ⰲⰻⰴⱔⱋⰵ ⱀⱑⰿⱏⰹ ⰳⰾ҃ⱙⱎⱅⱔ. ⰱⱑⰴⱏⱀⱏⰹⱗ ⱄⱏⰴⱃⰰⰲⱏⰹ. ⰺ ⱈⱃⱁⰿⱏⰹⱗ ⱈⱁⰴⱔⱎⱅⱔ. ⱄⰾⱑⱂⱏⰹⱗ ⰲⰻⰴⱔⱎⱅⱔ. ⰺ ⱄⰾⰰⰲⰾⱑⱈⱘ ⰱ҃ⰰ !ⰻⰸⰴⱃⰾⰲⰰ. ⰽ!ⱌ ::
15:32
! ⰺ҅ⱄ ⰶⰵ ⱂⱃⰻⰸⱏⰲⰰⰲⱏ ⱆⱍⰵⱀⰻⰽⱏⰹ ⱄⰲⱁⱗ ⱃⰵⱍⰵ ⰻⰿⱏ. ⰿⰻⰾⱁⱄⱃⰴⱆⱙ ⱁ ⱀⰰⱃⱁⰴⱑ. ⱑⰽⱁ ⱓⰶⰵ ⱅⱃⰻ ⰴⱐⱀⰻ ⱂⱃⰻⱄⱑⰴⱔⱅⱏ ⰿⱐⱀⱑ. ⰺ ⱀⰵ ⰻⰿⱘⱅⱏ ⱍⰵⱄⱁ ⱑⱄⱅⰻ. ⰻ ⱁⱅⱏⱂⱆⱄⱅⰻⱅⰻ ⰻⱈⱏ ⱀⰵ ⱑⰴⱐⱎⱏ ⱀⰵ ⱈⱁⱎⱅⱘ. ⰴⰰ ⱀⰵ ⰽⰰⰽⱁ ⱁⱄⰾⰰⰱⱑⱙⱅⱏ ⱀⰰ ⱂⱘⱅⰻ.
15:33
ⰺ ⰳⰾ҃ⱎⱔ ⰵⰿⱆ ⱆⱍⰵⱀⰻⱌⰻ. ⱁⱅⱏ ⰽⱘⰴⱑ ⰲⱐⰸⱐⰿⰵⰿⱏ ⱀⰰ ⱂⱆⱄⱅⱑ ⰿⱑⱄⱅⱑ ⱈⰾⱑⰱⱏⰹ. ⱀⰰⱄⱏⰹⱅⰻⱅⰻ ⱅⱁⰾⰻⰽⱁ ⱀⰰⱃⱁⰴⰰ.
15:34
ⰺ ⰳⰾ҃ⰰ ⰻⰿⱏ ⰻⱄ҃. ⰽⱁⰾⰻⰽⱁ ⱈⰾⱑⰱⱏ ⰻ҅ⰿⰰⱅⰵ. ⱁⱀⰻ ⰶⰵ ⱃⱑⱎⱔ .!ⰶ. ⰻ ⰿⰰⰾⱁ ⱃⱏⰹⰱⰻⱌⱏ.
15:35
ⰺ ⱂⱁⰲⰵⰾⱑ ⱀⰰⱃⱁⰴⱆ ⰲⱏⰸⰾⰵⱎⱅⰻ ⱀⰰ ⰸⰵⰿⰾⰻ.
15:36
ⰺ ⱂⱃⰻⰵⰿⱏ !ⰶ ⱈⰾⱑⰱⱏ. ⰺ ⱃⱏⰹⰱⱏⰹ. ⱈⰲⰰⰾⱘ ⰲⱏⰸⰴⰰⰲⱏ. ⱂⱃⱑⰾⱁⰿⰻ ⰻ ⰴⰰⱄⱅⱏ ⱆⱍⰵⱀⰻⰽⱁⰿⱏ ⱄⰲⱁⰻⰿⱏ. ⱆⱍⰵⱀⰻⱌⰻ ⰶⰵ ⱀⰰⱃⱁⰴⱁⰿⱏ.
15:37
ⰺ ⱑⱎⱔ ⰲⱐⱄⰻ ⰻ ⱀⰰⱄⱏⰹⱅⰻⱎⱔ ⱄⱔ. ⰻ ⰲⱐⰸⱔⱄⱔ. ⰺⰸⰱⱏⰹⱅⱏⰽⱏⰹ ⱆⰽⱃⱆⱈⱏ. ⱄⰵⰴⰿⱐ ⰽⱁⱎⱏⱀⰻⱌⱏ ⰻⱄⱂⰾⱏⱀⱐ.
15:38
ⰺ ⱑⰴⱏⱎⰻⱈⱏ ⰱⱑⱎⱔ ⱍⰵⱅⱏⰹⱃⰻ ⱅⱏⰹⱄⱘⱎⱅⱔ ⰿⱘⰶⱏ. ⱃⰰⰸⰲⱑ ⰶⰵⱀⱏ ⰻ ⰴⱑⱅⰵⰻ.
15:39
ⰺ ⱁⱅⱏⱂⱆⱎⱅⱐ ⱀⰰⱃⱁⰴⱏ ⰲⱐⰾⱑⰸⰵ ⰲⱏ ⰽⱁⱃⰰⰱⱐ. ⰻ ⱂⱃⰻⱎⰵⰴⱏ ⰲⱏ ⱂⱃⱑⰴⱑⰾⱏⰹ ⰿⰰⰳⰴⰰⰾⰰⱀⱐⱄⰽⱏⰹ :: ⰽ!ⱌ