ЕВАНГЕЛИЕ ЕЖЕ Ѿ МАТѲЕꙖ
14:1
ⰲⱏ ⰲⱃⰿⱔ ⱁⱀⱁ ⱆⱄⰾⱏⰹⱎⰰⰲⱏ ⰻⱃⱁⰴⱏ ⱅⰵⱅⱃⰰⱃⱈⱏ ⱄⰾⱆⱈⱏ ⰻⱄ҃ⰲⱏ.
14:2
ⰺ ⱃⰵⱍⰵ ⱁⱅⱃⱁⰽⱁⰿⱏ ⱄⰲⱁⰻⰿⱏ. ⱄⱐ ⰵⱄⱅⱏ ⰻⱁⰰⱀⱏ ⰽⱃⱏⱄⱅⰻⱅⰵⰾⱐ. ⱅⱏ ⰲⱏⱄⰽⱃⱐⱄⰵ ⱁⱅⱏ ⰿⱃⱏⱅⰲⱏⰹⱈⱏ. ⰺ ⱄⰵⰳⱁ ⱃⰰⰴⰻ ⱄⰻⰾⱏⰹ ⰴⱑⱙⱅⱏ ⱄⱔ ⱁ ⱀⰵⰿⱐ.
14:3
ⰺ҅ⱃⱁⰴⱏ ⰱⱁ ⰵⰿⱏ ⰻⱁⰰⱀⸯⱀⰰ ⱄⱏⰲⱔⰸⰰ ⰻ. ⰺ ⰲⱏⱄⰰⰴⰻ ⰻ ⰲⱐ ⱅⰵⰿⱐⱀⰻⱌⱘ. ⰺⱃⱁⰴⰻⱑⰴⱏⰹ ⱃⰰⰴⰻ ⰶⰵⱀⱏⰹ ⱇⰻⰾⰻⱂⰰ ⰱⱃⰰⱅⱃⰰ ⱄⰲⱁⰵⰳⱁ.
14:4
ⰳⰾ҃ⰰⱎⰵ ⰱⱁ ⰵⰿⱆ ⰻⱁⰰⱀⱏ. ⱀⰵ ⰴⱁⱄⱅⱁⰻⱅⱏ ⱅⰻ ⰻⰿⱑⱅⰻ ⱗ҅.
14:5
ⰺ ⱈⱁⱅⱔ ⰻ ⱆⰱⰻⱅⰻ ⱆⰱⱁⱑ ⱄⱔ ⱀⰰⱃⱁⰴⰰ. ⰸⰰⱀⰵ ⱑⰽⱁ ⱂⱃⰽⰰ ⰻⰿⱑⱈⱘ ⰻ.
14:6
Ⰴⱐⱀⰻ ⰶⰵ ⰱⱏⰹⰲⱏⱎⱆ ⱃⱁⰸⱐⱄⱅⰲⰰ ⰻⱃⱁⰴⱁⰲⰰ. ⱂⰾⱔⱄⰰ ⰴⱏⱎⱅⰻ ⰻⱃⱁⰴⰻⱑⰴⰻⱀⰰ ⱂⱁ ⱄⱃⱑⰴⱑ ⰻ ⱆⰳⱁⰴⰻ ⰻⱃⱁⰴⱁⰲⰻ
14:7
ⱅⱑⰿⱐ ⰶⰵ ⱄⱏ ⰽⰾⱔⱅⰲⱁⱙ ⰻⰸⰴⱃⰵⱍⰵ ⰵⰻ ⰴⰰⱅⰻ ⰵⰳⱁⰶⰵ ⰰⱎⱅⰵ ⰲⱏⱄⱂⱃⱁⱄⰻⱅⱏ.
14:8
ⱁⱀⰰ ⰶⰵ ⱀⰰⰲⰰⰶⰴⰵⱀⰰ ⰿⰰⱅⰵⱃⰻⱙ ⱄⰲⱁⰵⱙ. ⰴⰰⰶⰴⱐ ⰿⰻ ⱃⰵⱍⰵ ⱄⱐⰴⰵ. ⱀⰰ ⰿⰻⱄⱑ ⰳⰾⰰⰲⱘ ⰻⱁⰰⱀⰰ !ⰽⱃⱄⱅⰻⱅⰵⰾⱑ.
14:9
ⰺ ⱂⰵⱍⰰⰾⰵⱀⱏ ⰱⱏⰹ!ⱄ ⱌⱄ҃ⱃⱏ. ⰽⰾⱔⱅⰲⱏⰹ ⰶⰵ ⱃⰰⰴⰻ ⰻ ⰲⱏⰸⰾⰵⰶⱔⱋⰻⱈⱏ ⱄⱏ ⱀⰻⰿⱏ. ⱂⱁⰲⰵⰾⱑ ⰴⰰⱅⰻ ⰻ.
14:10
ⰺ ⱂⱁⱄⱏⰾⰰⰲⱏ ⱆⱄⱑⰽⱀⱘ ⰻⱁⰰⱀⰰ ⰲⱐ ⱅⰵⰿⱐⱀⰻⱌⰻ.
14:11
ⰺ ⱂⱃⰻⱀⱑⱄⱔ ⰳⰾⰰⰲⱘ ⰵⰳⱁ ⱀⰰ ⰿⰻⱄⱑ. ⰻ ⰴⰰⱎⱔ ⰴⱑⰲⰻⱌⰻ. ⰺ ⱀⰵⱄⰵ ⰿⰰⱅⰵⱃⰻ ⱄⰲⱁⰵⰻ.
14:12
ⰻ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⰵⰳⱁ ⰲⱐⰸⱔⱄⱔ ⱅⱑⰾⱁ ⰵⰳⱁ. ⰻ ⱂⱁⰳⱃⱑⱄⱔ ⰵ. ⰺ ⱂⱃⰻⱎⰵⰴⱏⱎⰵ ⰲⱏⰸⰲⱑⱄⱅⰻⱎⱔ ⰻⱄ҃ⰲⰻ.
14:13
ⰺ҅ ⱄⰾⱏⰹⱎⰰⰲⱏ ⰻⱄ҃. ⱁⱅⰻⰴⰵ ⱁⱅⱏ ⱅⱆⰴⱑ ⰲⱏ ⰽⱁⱃⰰⰱⰾⰻ. ⰲⱏ ⱂⱆⱄⱅⱁ ⰿⱑⱄⱅⱁ ⰵⰴⰻⱀⱏ. ⰺ ⱄⰾⱏⰹⱎⰰⰲⱏⱎⰵ ⱀⰰⱃⱁⰴⰻ. ⱂⱁ ⱀⰵⰿⱐ ⰻⰴⱘ ⱂⱑⱎⰻ ⱁⱅⱏ ⰳⱃⰰⰴⱏ :: ⰽ!ⱌ
14:14
ⰺ҅ ⰻⱎⰵⰴⱏ ⰻⱄ҃ ⰲⰻⰴⱑ ⱀⰰⱃⱁⰴⱏ ⰿⱏⱀⱁⰳⱏ. ⰺ ⰿⰻⰾⱁⱄⱃ҃ⰴⰲⰰ ⱁ ⱀⰻⱈⱏ. ⰺ ⰻⱄⱌⱑⰾⰻ ⱀⰵⰴⱘⰶⱏⱀⱏⰹⱗ ⰻⱈⱏ.
14:15
Ⱂⱁⰸⰴⱑ ⰶⰵ ⰱⱏⰹⰲⱏⱎⱆ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱆⱍⰵⱀⰻⱌⰻ ⰵⰳⱁ. ⰳⰾ҃ⱙⱎⱅⰵ. ⱂⱆⱄⱅⱁ ⰵⱄⱅⱏ ⰿⱑⱄⱅⱁ. ⰺ ⰳⱁⰴⰻⱀⰰ ⰿⰻⱀⱘ ⱓⰶⰵ ⱁ҅ⱅⱏⱂⱆⱄⱅⰻ ⱀⰰⱃⱁⰴⱏⰹ. ⰴⰰ ⱎⰵⰴⱏⱎⰵ ⰲⱐ ⰱⰾⰻⰶⱐⱀⱔⱗ ⰳⱃⰰⰴⱏⱌⱔ. ⰽⱆⱂⱔⱅⱏ ⰱⱃⰰⱎⱏⱀⰰ ⱄⰵⰱⰵ.
14:16
ⰺⱄ҃ ⰶⰵ ⱃⰵⱍⰵ ⰻⰿⱏ. ⱀⰵ ⱅⱃⱑⰱⱆⱙⱅⱏ ⱁⱅⰻⱅⰻ. ⰴⰰⰴⰻⱅⰵ ⰻⰿⱏ ⰲⱏⰹ ⱑⱄⱅⰻ.
14:17
ⱁⱀⰻ ⰶⰵ ⰳⰾ҃ⰰⱎⱔ ⰵⰿⱆ ⱀⰵ ⰻⰿⰰⰿⱏ ⱄⱏⰴⰵ ⱅⱏⰽⰿⱁ ⱂⱔⱅⱐ ⱈⰾⱑⰱⱏ ⰻ ⰴⱐⰲⱑ ⱃⱏⰹⰱⱑ.
14:18
ⱁⱀⱏ ⰶⰵ ⱃⰵⱍⰵ ⱂⱃⰻⱀⰵⱄⱑⱅⰵ ⰿⰻ ⱗ ⱄⱑⰿⱁ.
14:19
ⰺ ⱂⱁⰲⰵⰾⱑⰲⱏ ⱀⰰⱃⱁⰴⱁⰿⱏ ⰲⱐⰸⰾⰵⱋⰻ ⱀⰰ ⱅⱃⱑⰲⱑ ⰺ҅ ⱂⱃⰻⰵⰿⱏ ⱂⱔⱅⱐ ⱈⰾⱑⰱⱏ ⰻ ⰴⱐⰲⱑ ⱃⱏⰹⰱⱑ ⰲⱐⰸⱐⱃⱑⰲⱏ ⱀⰰ !ⱀⰱⱁ !ⰱⰾⰳⱄⰲⰻ. ⰺ ⱂⱃⱑⰾⱁⰿⱏ ⱈⰾⱑⰱⱏⰹ ⰴⰰⱄⱅⱏ ⱆⱍⰵⱀⰻⰽⱁⰿⱏ. ⱁ҅уⱍⰵⱀⰻⱌⰻ ⰶⰵ ⱀⰰⱃⱁⰴⱁⰿⱏ.
14:20
ⰺ ⱑⱎⱔ ⰲⱐⱄⰻ ⰻ ⱀⰰⱄⱏⰹⱅⰻⱎⱔ ⱄⱔ. ⰺ ⰲⱐⰸⱔⱄⱔ ⰻⰸⰱⱏⰹⱅⱏⰽⱏⰹ ⱆⰽⱃⱆⱈⱏ. ⰴⱏⰲⰰ ⱀⰰ ⰴⰵⱄⱔⱅⰵ ⰽⱁⱎⰰ ⰻⱄⱂⰾⱐⱀⱐ.
14:21
ⱑⰴⱘⱋⰻⱈⱏ ⰶⰵ ⰱⱑ ⰿⱘⰶⱏ. ⱑⰽⱁ ⱂⱔⱅⱐ ⱅⱏⰹⱄⱘⱋⱐ. ⱃⰰⰸⰲⱑ ⰶⰵⱀⱏ ⰻ ⰴⱑⱅⰵⰻ.
14:22
ⰺ҅ ⰰⰱⰻⰵ ⱆⰱⱑⰴⰻ ⰻⱄ҃ⱏ ⱆⱍⰵⱀⰻⰽⱏⰹ ⰲⱐⰾⱑⱄⱅⰻ ⰲⱏ ⰽⱁⱃⰰⰱⱐ. ⰺ ⰲⰰⱃⰻⱅⰻ ⰻ ⱀⰰ ⱁⱀⱁⰿⱐ ⱂⱁⰾⱆ. ⰴⱁⱀⱐⰴⰵⰶⰵ ⱁⱅⱏⱂⱆⱄⱅⰻⱅⱏ ⱀⰰⱃⱁⰴⱏⰹ :: ⰽ!ⱌ
14:23
Ⰺ ⱁⱅⱏⱂⱆⱋⱏ ⱀⰰⱃⱁⰴⱏⰹ ⰲⱐⰸⰻⰴⰵ ⱀⰰ ⰳⱁⱃⱘ ⰵⰴⰻⱀⱐ ⱂⱁⰿⱁⰾⰻⱅⱏ ⱄⱔ. Ⱂⱁⰸⰴⱑ ⰶⰵ ⰱⱏⰹⰲⱏⱎⱓ ⰵⰴⰻⱀⱐ ⰱⱑ ⱅⱆ.
14:24
ⰽⱁⱃⰰⰱⱐ ⰶⰵ ⰱⱑ ⱂⱁ ⱄⱃⱑⰴⱑ ⰿⱁⱃⱑ ⰲⱏⰾⰰⱗ ⱄⱔ ⰲⰾⱏⱀⰰⰿⰻ. ⰱⱑ ⰱⱁ ⱂⱃⱁⱅⰻⰲⰵⱀⱏ ⰲⱑⱅⱃⱏ.
14:25
ⰲⱏ ⱍⰵⱅⰲⱃⱏⱅⱘⱙ ⰶⰵ ⱄⱅⱃⰰⰶⱘ ⱀⱁⱋⰻ. ⰺⰴⰵ ⰽⱏ ⱀⰻⰿⱏ ⰻⱄ҃ⱏ ⱈⱁⰴⱔ ⱂⱁ ⰿⱁⱃⱓ.
14:26
ⰺ ⰲⰻⰴⱑⰲⱏⱎⰵ ⰻ ⱆⱍⰵⱀⰻⱌⰻ ⱈⱁⰴⱔⱎⱅⱏ ⱂⱁ ⰿⱁⱃⱓ. ⱄⱏⰿⱔⱎⱔ ⱄⱔ ⰳⰾ҃ⱙⱎⱅⰵ. ⱑⰽⱁ ⱂⱃⰻⰸⱃⰰⰽⱏ ⰵⱄⱅⱏ. ⰺ ⱁⱅⱏ ⱄⱅⱃⰰⱈⰰ ⰲⱏⰸⱏⱂⰻⱎⱔ
14:27
ⰰⰱⰻⰵ ⰶⰵ ⱃⰵⱍⰵ ⰻⰿⱏ ⰻⱄ҃ ⰳⰾ҃ⱔ. ⰴⱃⱏⰸⰰⰻⱅⰵ ⰰⰸⱏ ⰵⱄⰿⱏ ⱀⰵ ⰱⱁⰻⱅⰵ ⱄⱔ.
14:28
Ⱉⱅⱏⰲⱑⱎⱅⰰⰲⱏ ⰶⰵ ⱂⰵⱅⱃⱏ ⱃⰵⱍⰵ ⰵⰿⱆ ⰳ҃ⰻ ⰰⱎⱅⰵ ⱅⱏⰹ ⰵⱄⰻ. ⱂⱁⰲⰵⰾⰻ ⰿⰻ ⱂⱃⰻⱅⰻ ⰽⱏ ⱅⰵⰱⱑ ⱂⱁ ⰲⱁⰴⰰⰿⱏ.
14:29
ⱁⱀⱏ ⰶⰵ ⱃⰵⱍⰵ ⱂⱃⰻⰴⰻ. ⰺ ⰻⰸⰾⱑⰸⱏ ⰻⱄ ⰽⱁⱃⰰⰱⰾⱑ ⱂⰵⱅⱃⱏ ⱈⱁⰶⰴⰰⱎⰵ ⱀⰰ ⰲⱁⰴⰰⱈⱏ. ⰻ ⱂⱃⰻⱅⰻ ⰽⱏ ⰻⱄ҃ⰲⰻ.
14:30
ⰲⰻⰴⱔ ⰶⰵ ⰲⱑⱅⱃⱏⰹ ⰽⱃⱑⱂⱐⰽⱏⰹ ⱆⰱⱁⱑ ⱄⱔ. ⰺ ⱀⰰⱍⰵⱀⱏ ⱆⱅⰰⱂⰰⱅⰻ ⰲⱁⰸⱏⱂⰻ ⰳⰾ҃ⱔ. ⰳ҃ⰻ ⱄⱂ҃ⱄ ⰿⱔ.
14:31
ⰰⰱⰻⰵ ⰶⰵ ⰻⱄ҃ⱏ ⱂⱃⱁⱄⱅⰵⱃⱏ ⱃⱘⰽⱘ ⱗⱅⱏ ⰹ. ⰺ ⰳⰾ҃ⰰ ⰵⰿⱆ ⰿⰰⰾⱁⰲⱑⱃⰵ ⱂⱁ ⱍⱐⱅⱁ ⱄⱔ ⱆⱄⱆⰿⱐⱀⱑ.
14:32
Ⰺ ⰲⱐⰾⱑⰸⱏⱎⰵⰿⰰ ⰻⰿⰰ ⰲⱏ ⰽⱁⱃⰰⰱⱐ ⱂⱃⱑⱄⱅⰰ ⰲⱑⱅⱃⱏ.
14:33
ⱄⱘⱎⱅⰵⰻ ⰶⰵ ⰲⱏ ⰽⱁⱃⰰⰱⰻ ⱂⱃⰻⱎⰵⰴⱏⱎⰵ ⱂⱁⰽⰾⱁⱀⰻⱎⱔ ⱄⱔ ⰵⰿⱆ ⰳⰾ҃ⱙⱎⱅⰵ. ⰲⱏ ⰹⱄⱅⰻⱀⱘ ⱄⱀ҃ⱏ ⰱⰶ҃ⰻ ⰵ҅ⱄⰻ.
14:34
ⰺ ⱂⱃⱑⱑⰲⱏⱎⰵ ⱂⱃⰻⰴⱘ ⱀⰰ ⰸⰵⰿⰾⱙ ⰼⰵⱀⰻⱄⰰⱃⰵⱅⱏⱄⰽⱘ. ⰽ!ⱌ.
14:35
Ⰺ ⱂⱁⰸⱀⰰⰲⱏⱎⰵ ⰻ ⰿⱘⰶⰻ ⰿⱑⱄⱅⰰ ⱅⱁⰳⱁ. ⱂⱁⱄⱏⰾⰰⱎⱔ ⰲⱏ ⰲⱐⱄⱘ ⱄⱅⱃⰰⱀⱘ ⱅⱘ. ⰺ ⱂⱃⰻⱀⱑⱄⱔ ⰽⱏ ⱀⰵⰿⱆ ⰲⱐⱄⱔ ⰱⱁⰾⱔⱎⱅ ⱗ҅.
14:36
ⰺ ⰿⱁⰾⱑⱈⱘ ⰻ ⰴⰰ ... ⱅⱏⰽⱏⰿⱁ ⱂⱃⰻⰽⱁⱄⱀⱘⱅⱏ ⱄⱔ ⰲⱏⱄⰽⱃⰻⰾ ⰻ҅ ⱃⰻⰸⱏⰹ ⰵⰳⱁ. ⰺ ⰵⰾⰻⰽⱁ ⱂⱃⰻⰽⱁⱄⱀⱘⱎⱔ ⱄⱔ ⰵⰿⱐ ⱄⱂ҃ⱄⱀⰻ ⰱⱏⰹⱎⱔ.