ЕВАНГЕЛИЕ ЕЖЕ Ѿ МАТѲЕꙖ
13:1
Ⰲⱏ ⱅⱏ ⰶⰵ ⰴⰵⱀⱐ ⰻⱎⰵⰴⱏ ⰻⱄ҃ⱏ ⰻⰸ ⰴⱁⰿⱆ ⱄⱑⰴⱑⱎⰵ ⱂⱃⰻ ⰿⱁⱃⰻ.
13:2
ⰺ ⱄⱏⰱⱏⱃⰰⱎⱔ ⱄⱔ ⰽⱐ ⱀⰵⰿⱆ ⱀⰰⱃⱁⰴⰻ ⰿⱏⱀⱁⰷⰻ. ⰺ ⱑⰽⱁ ⰲⱐⰾⱑⰸⱏ ⰲⱏ ⰽⱁⱃⰰⰱⱐ ⱄⱑⰴⰵ. ⰻ ⰲⰵⱄⱐ ⱀⰰⱃⱁⰴⱏ ⱀⰰ ⱂⱁⰿⱁⱃⰻ ⱄⱅⱁⱑⱎⰵ.
13:3
ⰻ ⰳⰾ҃ⰰ ⰻⰿⱏ ⰿⱏⱀⱁⰳⱁ ⱂⱃⰻⱅⱏⱍⰰⰿⰻ ⰳⰾ҃ⱔ. Ⱄⰵ ⰻⰸⰻⰴⰵ ⱄⱑⱗⰻ ⰴⰰ ⱄⱑⰵⱅⱏ.
13:4
ⰺ ⱄⱑⱙⱎⱅⱆⰿⱆ. ⱁⰲⰰ ⱆⰱⱁ ⱂⰰⰴⱘ ⱂⱃⰻ ⱂⱘⱅⰻ. ⰺ ⱂⱃⰻⰴⱘ ⱂⱅⰻⱌⱔ ⱀⰵⰱ҃ⱄⰽⱏⰹⱗ ⰻ ⱂⱁⰸⱁⰱⰰⱎⱔ ⱑ.
13:5
ⰴⱃⱆⰳⰰⰰ ⰶⰵ ⱂⰰⰴⱘ ⱀⰰ ⰽⰰⰿⰵⱀⰵⰻⱈⱏ. ⱑⰶⰵ ⱀⰵ ⰻⰿⱑⱎⱔ ⰸⰵⰿⰾⱔ ⰿⱏⱀⱁⰳⱏⰹ. ⰺ ⰰⰱⱐⰵ ⱂⱃⱁⰸⱔⰱⱘ. ⰸⰰⱀⰵ ⱀⰵ ⰻⰿⱑⱎⰵ ⰳⰾⱘⰱⰻⱀⱏⰹ ⰸⰵⰿⰾⱑ.
13:6
ⱄⰾⱏⱀⱏⱌⱆ ⰶⰵ ⰲⱁⱄⰻⱑⰲⱏⱎⱓ ⱂⱃⰻⱄⰲⱔⰴⱘ. ⰺ ⰸⰰⱀⰵ ⱀⰵ ⰻⰿⱑⱈⱘ ⰽⱁⱃⰵⱀⰻⱑ ⰻⱄⱏⱈⱘ.
13:7
ⰰ ⰴⱃⱆⰳⰰ ⱂⰰⰴⱘ ⰲⱏ ⱅⱃⱏⱀⰻⰻ. ⰺ҅ ⰲⱐⰸⰻⰴⰵ ⱅⱃⱏⱀⰻⰵ ⰻ ⱂⱁⰴⰰⰲⰻ ⱑ.
13:8
ⰴⱃⱆⰳⰰⰰ ⰶⰵ ⱂⰰⰴⱘ ⱀⰰ ⰸⰵⰿⰻ ⰴⱁⰱⱃⱑ. ⰺ ⰴⰰⱑⱈⱘ ⱂⰾⱁⰴⱏ. ⱁⰲⱁ ⱄⱏⱅⱁ. ⱁⰲⱁ ⱎⰵⱄⱅⱐ ⰴⰵⱄⱔⱅⱏ. ⱁⰲⱁ ⱅⱃⰻ ⰴⰵⱄⱔⱅⰻ.
13:9
ⰺⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ.
13:10
ⰻ ⱂⱃⰻⱄⱅⱘⱂⱐⱎⰵ ⱆⱍⰵⱀⰻⱌⰻ ⱃⱑⱎⱔ ⰵⰿⱆ. ⱂⱁ ⱍⱅⱁ ⱂⱃⰻⱅⱏⱍⰰⰿⰻ ⰳⰾⰰⰳⱁⰾⰵⱎⰻ ⰻⰿⱏ.
13:11
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ. ⱑⰽⱁ ⰲⰰⰿⱏ ⰴⰰⱀⱁ ⰵⱄⱅⱏ ⱃⰰⰸⱆⰿⱑⱅⰻ. ⱅⰰⰻⱀⰰⰰ ⱌⱄ҃ⱃⱄⱅⰲⰻⱑ. ⱀⰱ҃ⱄⰽⰰⰰⰳⱁ. ⱁⱀⱑⰿⱏ ⰶⰵ ⱀⰵ ⰴⰰⱀⱁ ⰵⱄⱅⱏ.
13:12
ⰺⰿⱘⱋⱆⰿⱆ ⰱⱁ ⰴⰰⱄⱅⱏ ⱄⱔ ⰺ ⰻⰸⰱⱘⰴⰵⱅⱏ ⰵⰿⱆ. ⰰ ⰻⰶⰵ ⱀⰵ ⰻⰿⰰⱅⱏ. ⰺ҅ ⰵⰶⰵ ⰻⰿⰰⱅⱏ ⰲⱏⰸⱐⰿⰵⱅⱏ ⱄⱔ ⱁⱅⱏ ⱀⰵⰳⱁ.
13:13
Ⱄⰵⰳⱁ ⱃⰰⰴⰻ ⱂⱃⰻⱅⱏⱍⰰⰿⰻ ⰻⰿⱏ ⰳⰾ҃ⱙ. ⱑⰽⱁ ⰲⰻⰴⱔⱋⰵ ⱀⰵ ⰲⰻⰴⱔⱅⱏ ⰺ ⱄⰾⱏⰹⱎⱔⱎⱅⰵ ⱀⰵ ⱄⰾⱏⰹⱎⱔⱅⱏ ⱀⰻ ⱃⰰⰸⱆⰿⱑⰲⰰⱙⱅⱏ.
13:14
ⰺ ⱄⱏⰱⱏⰹⰲⰰⰵⱅⱏ ⱄⱔ ⰻⰿⱏ ⱂⱃⱁⱃⱁⱍⱏⱄⱅⱁ ⰻⱄⰰⰻⱀⱁ ⰳⰾ҃ⱙⱋ ⰵ҅ ⱄⰾⱆⱈⱁⰿⱐ ⱆⱄⰾⱏⰹⱎⰻⱅⰵ ⰻ ⱀⰵ ⰻⰿⰰⱅⰵ ⱃⰰⰸⱆⰿⱑⱅⰻ. ⰺ ⰸⱐⱃⱔⱋⰵ ⱆⰸⱐⱃⰻⱅⰵ ⰻ ⱀⰵ ⰻⰿⰰⱅⰵ ⰲⰻⰴⱑⱅⰻ.
13:15
ⱁⱅⰾⱏⱄⱅⱑ ⰱⱁ ⱄⱃⰴ҃ⱌⰵ ⰾⱓⰴⰵⰻ ⱄⰻⱈⱏ. ⰺ ⱆⱎⰻⰿⰰ ⱅⱔⰶⱏⰽⱁ ⱄⰾⱏⰹⱎⰰⱎⱔ. ⰺ ⱁⱍⰻ ⱄⰲⱁⰻ ⱄⱏⰿⱑⰶⰻⱎⱔ. ⰵⰴⰰ ⰽⱁⰳⰴⰰ ⱆⰸⱐⱃⱔⱅⱏ ⱁⱍⰻⰿⰰ. ⰺ ⱆⱎⰻⰿⰰ ⱆⱄⰾⱏⰹⱎⱔⱅⱏ. ⰺ ⱄⱃⰴ҃ⱌⰵⰿⱐ ⱃⰰⰸⱆⰿⱑⱙⱅⱏ. ⰺ ⱁⰱⱃⰰⱅⱔⱅⱏ ⱄⱔ ⰻ ⰻⱄⱌⱑⰾⱙ ⱗ҅.
13:16
Ⰲⰰⱎⰻ ⰶⰵ ⰱⰾⰰⰶⰵⱀⱑⰻ ⱁⱍⰻ ⱑⰽⱁ ⰲⰻⰴⰻⱅⰵ. ⰺ ⱆⱎⰻ ⰲⰰⱎⰻ ⱑⰽⱁ ⱄⰾⱏⰹⱎⰻⱅⰵ.
13:17
ⰰⰿⰻⱀⱐ ⰱⱁ ⰳⰾ҃ⱙ ⰲⰰⰿⱏ. ⱑⰽⱁ ⰿⱏⱀⱁⰷⰻ !ⱂⱃⱌⰻ ⰻ ⱂⱃⰰⰲⰵⰴⱐⱀⰻⱌⰻ ⰲⱏⰶⰴⰵⰾⱑⱎⱔ ⰲⰻⰴⱑⱅⰻ. ⱑⰶⰵ ⰲⰻⰴⰻⱅⰵ ⰻ ⱀⰵ ⰲⰻⰴⱑⱎⱔ. ⰻ ⱄⰾⱏⰹⱎⰰⱅⰻ ⱑⰶⰵ ⱄⰾⱏⰹⱎⰻⱅⰵ ⰻ ⱀⰵ ⱄⰾⱏⰹⱎⰰⱎⱔ.
13:18
ⰲⱏⰹ ⰶⰵ ⱆⱄⰾⱏⰹⱎⰻⱅⰵ ⱂⱃⰻⱅⱏⱍⱘ ⱄⱑⰲⱏⱎⰰⰰⰳⱁ.
13:19
ⰲⱐⱄⱑⰽⱏ ⰻⰶⰵ ⱄⰾⱏⰹⱎⰻⱅⱏ ⱄⰾⱁⰲⰵⱄⰰ ⱌⱄⰰⱃⰵⱄⱅⰲⰻⱑ. ⰺ ⱀⰵ ⱃⰰⰸⱆⰿⱑⰲⰰⰰⱅⱏ. ⱂⱃⰻⱈⱁⰴⰻⱅⱏ ⰶⰵ ⱀⰵⱂⱃⰻⱑⰸⱀⱐ ⰻ ⰲⱏⱄⱈⱏⰹⱅⰰⰰⱅⱏ ⱄⱑⱀⱁⰵ ⰲⱏ ⱄⱃⰴ҃ⱌⰻ ⰵⰳⱁ. ⱄⰵ ⰵⱄⱅⱏ ⱄⱑⱀⱁⰵ ⱂⱃⰻ ⱂⱘⱅⰻ.
13:20
ⰰ ⱄⱑⰰⱀⱁⰵ ⱀⰰ ⰽⰰⰿⰵⱀⰻⰻ. ⱄⱐ ⰵⱄⱅⱏ ⱄⰾⱏⰹⱎⱔⰻ ⱄⰾⱁⰲⱁ. ⰺ ⰰⰱⰻⰵ ⱄⱏ ⱃⰰⰴⱁⱄⱅⰻⱙ ⱂⱃⰻⰵⰿⰾⱔ ⰵ.
13:21
ⱀⰵ ⰻⰿⰰⱅⱏ ⰶⰵ ⰽⱁⱃⰵⱀⰵ ⰲⱐ ⱄⰵⰱⱑ. ⱀⱏ ⰲⱃⱑⰿⰵⱀⱏⱀⱁ ⰵⱄⱅⱏ. ⰱⱏⰹⰲⱏⱎⰻ ⰶⰵ ⱂⰵⱍⰰⰾⰻ ⰻ ⰳⱁⱀⰵⱀⰻⱓ ⱄⰾⱁⰲⰵⱄⰵ ⱃⰰⰴⰻ. ⰰⰱⱐⰵ ⱄⱏⰱⰾⰰⰶⱀⱑⰰⱅⱏ ⱄⱔ.
13:22
ⰰ ⱄⱑⰰⱀⱁⰵ ⰲⱏ ⱅⱃⱏⱀⰻⰻ. ⱄⱐ ⰵⱄⱅⱏ ⱄⰾⱏⰹⱎⱔⰻ ⱄⰾⱁⰲⱁ. ⰺ ⱂⰵⱍⰰⰾⱐ ⱄⰲⱑⱅⰰ ⱄⰵⰳⱁ. ⰺ ⰾⱐⱄⱅⱐ ⰱⰳⰰⱅⱏⱄⱅⰲⰰ ⱂⱁⰴⰰⰲⰾⱑⰵⱅⱏ ⰵ. ⰺ ⰱⰵⱄ ⱂⰾⱁⰴⰰ ⰱⱏⰹⰲⰰⰵⱅⱏ.
13:23
ⰰ ⱄⱑⰰⱀⱁⰵ ⱀⰰ ⰴⱁⰱⱃⱑ ⰸⰵⰿⰻ. ⱄⱐ ⰵⱄⱅⱏ ⱄⰾⱏⰹⱎⱔⰻ ⱄⰾⱁⰲⱁ ⰻ ⱃⰰⰸⱆⰿⱑⰲⰰⱗ ⰵ. ⰺ ⱂⱃⰻⱀⱁⱄⰻⱅⱏ ⱂⰾⱁⰴⱏ ⱑⰽⱁ ⱂⱁⰴⱁⰱⰰⰰⱅⱏ. ⰻ ⱅⰲⱁⱃⰻⱅⱏ ⱁⰲⱁ. !ⱃ. ⱁⰲⱁ. !ⰿ. ⱁⰲⱁ !ⰼ.
13:24
ⰺ҅ⱀⱘ ⱂⱃⰻⱅⱏⱍⱘ ⱂⱃⱑⰴⱏⰾⱁⰶⰻ ⰻⰿⱏ ⰳⰾ҃ⱔ :: ⱁ҅уⱂⱁⰴⱁⰱⰻ ⱄⱔ !ⱌⱃⱄⱅⰲⰻⰵ ⱀⰵⰱⰵⱄⰽⱁⰵ. ⱍⰾⰲ҃ⰽⱆ ⱄⱑⰲⱏⱎⱆ ⰴⱁⰱⱃⱁ ⱄⱑⰿⱔ ⱀⰰ ⱄⰵⰾⱑ ⱄⰲⱁⰵⰿⱐ.
13:25
ⱄⱏⱂⱔⱋⰵⰿⱏ ⰶⰵ ⱍⰾⰲ҃ⰽⱁⰿⱏ .ⱂⱃⰻⰴⰵ ⰲⱃⰰⰳⱏ ⰵⰳⱁ. ⰻ ⰲⱐⱄⱑ ⱂⰾⱑⰲⰵⰾⱏ ⱂⱁ ⱄⱃⱑⰴⱑ ⱂⱎⰵⱀⰻⱌⱔ ⰻ ⱁⱅⰻⰴⰵ.
13:26
ⰵⰳⰴⰰ ⰶⰵ ⱂⱃⱁⰸⱔⰱⰵ ⱅⱃⱑⰲⰰ ⰻ ⱂⰾⱁⰴⱏ ⱄⱏⱅⰲⱁⱃⰻ. ⱅⱏⰳⰴⰰ ⰰⰲⰻ ⱄⱔ ⰻ ⱂⰾⱑⰲⰵⰾⱏ.
13:27
ⱂⱃⰻⱎⰵⰴⱏⱎⰵ ⰶⰵ ⱃⰰⰱⰻ ⰳ҃ⰻⱀⰰ ⱃⱑⱎⱔ ⰵⰿⱆ ⰳ҃ⰻ. ⱀⰵ ⰴⱁⰱⱃⱁ ⰾⰻ ⱄⱑⰿⱔ ⱄⱑⰾⱏ ⰵⱄⰻ ⱀⰰ ⱄⰵⰾⱑ ⱅⰲⱁⰵⰿⱐ. ⱁⱅⱏ ⰽⱆⰴⱘ ⱆⰱⱁ ⰻⰿⰰⱅⱏ ⱂⰾⱑⰲⰵⰾⱏ.
13:28
ⱁⱀⱏ ⰶⰵ ⱃⰵⱍⰵ ⰻⰿⱏ ⰲⱃⰰⰳⱏ ⱍⰾⰲ҃ⰽⱏ ⱄⰵ ⱄⱏⱅⰲⱁⱃⰻ. ⱃⰰⰱⰻ ⰶⰵ ⱃⱑⱎⱔ ⰵⰿⱆ. ⱈⱁⱋⰵⱎⰻ ⰾⰻ ⱆⰱⱁ ⰴⰰ ⱎⰵⰴⱐⱎⰵ ⰻⱄⱂⰾⱑⰲⰵⰿⱏ ⱗ҅.
13:29
ⱁⱀⱏ ⰶⰵ ⱃⰵⱍⰵ ⱀⰻ. ⰵⰴⰰ ⰲⱏⱄⱅⱃⱏⰳⰰⱙⱋⰵ ⱂⰾⱑⰲⰵⰾⱏ. ⰲⱏⱄⱅⱃⱏⰳⱀⰵⱅⰵ ⰽⱆⱂⱏⱀⱁ ⱄⱏ ⱀⰻⰿⱐ ⰻ ⱂⱎⰵⱀⰻⱌⱘ.
13:30
ⱁⱄⱅⰰⰲⰻⱅⰵ ⰵ ⰽⱆⱂⱐⱀⱁ ⱃⰰⱄⱅⰻ ⱆⰱⱁ ⰴⱁ ⰶⱔⱅⰲⱏⰹ. ⰺ ⰲⱏ ⰲⱃⱑⰿⱔ ⰶⱔⱅⰲⱏⰹ. ⱃⰵⰽⱘ ⰴⱑⰾⰰⱅⰵⰾⰵⰿⱏ. ⱄⱏⰱⰵⱃⱑⱅⰵ ⱂⱃⱏⰲⱑⰵ ⱂⰾⱑⰲⰵⰾⱏ. ⰺ ⱄⱏⰲⱔⰶⰰⱅⰵ ⰻ ⰲⱏ ⱄⱀⱁⱂⱏⰹ. ⱑⰽⱁ ⱄⱏⰶⰵⱎⱅⰻ ⱗ. ⰰ ⱂⱎⰵⱀⰻⱌⱘ ⱄⱏⰱⰵⱃⱑⱅⰵ ⰲⱐ ⰶⰻⱅⱐⱀⰻⱌⱘ ⰿⱁⱙ ⰽ!ⱌ.
13:31
ⰺⱀⱘ ⱂⱃⰻⱅⱏⱍⱘ ⱂⱃⱑⰴⰾⱁⰶⰻ ⰻⰿⱏ ⰳⰾ҃ⱔ. ⱂⱁⰴⱁⰱⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ. ⰸⱃⱏⱀⱆ ⰳⱁⱃⱆⱎⱏⱀⱆ. ⰵⰶⰵ ⰲⱐⰸⰵⰿⱏ ⱍⰾⱁⰲⱑⰽⱏ ⰲⱐⱄⱑ ⱀⰰ ⱄⰵⰾⱑ ⱄⰲⱁⰵⰿⱏ.
13:32
ⰵⰶⰵ ⰿⱐⱀⰵ ⰵⱄⱅⱏ ⰲⱐⱄⱑⱈⱏ ⱄⱑⰿⰵⱀⱏ. ⰵⰳⰴⰰ ⰶⰵ ⰲⱏⰸⰴⱃⰰⱄⱅⰵⱅⱏ ⰱⱁⰾⰵ ⰸⰵⰾⰻⰻ ⰵⱄⱅⱏ. ⰺ҅ ⰱⱏⰹⰲⰰⰰⱅⱏ ⰴⱃⱑⰲⱁ. ⱑⰽⱁ ⱂⱃⰻⱅⰻ ⱂⱅⰻⱌⰰⰿⱐ ⱀⰱ҃ⱄⰽⱏⰹⰿⱏ. ⰺ ⰲⰻⱅⰰⱅⰻ ⱀⰰ ⰲⱑⱅⰲⰵⱈⱏ ⰵⰳⱁ.
13:33
Ⰺⱀⱘ ⱂⱃⰻⱅⱏⱍⱘ ⰳⰾ҃ⰰ ⰻⰿⱐ. ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰵⰱ҃ⱄⰽⱁⰵ ⰽⰲⰰⱄⱆ. ⰺⰶⰵ ⰲⱏⰸⰵⰿⱏⱎⰻ ⰶⰵⱀⰰ ⱄⱏⰽⱃⱏⰹ ⰲⱏ ⰿⱘⱌⱑ ⱅⱃⰻ ⱄⰰⱅⱏ ⰴⱁⱀⱐⰴⰵⰶⰵ ⰲⱐⱄⰽⱏⰹⱄⱑ ⰲⱐⱄⱑ.
13:34
Ⰲⱐⱄⱑ ⰳⰾ҃ⰰ ⰻⱄ҃ⱏ ⱂⱃⰻⱅⱏⱍⰰⰿⰻ ⰽⱏ ⱀⰰⱃⱁⰴⱁⰿⱏ. ⰺ ⰱⰵⱄ ⱂⱃⰻⱅⱏⱍⱔ ⱀⰻⱍⰵⱄⱁ ⰶⰵ ⰳⰾ҃ⱎⰵ ⰽⱏ ⱀⰻⰿⱏ.
13:35
ⰴⰰ ⱄⱏⰱⱁⰴⰵⱅⱏ ⱄⱔ ⱃⰵⱍⰵⱀⱁⰵ !ⱂⱃⰽⰿⱐ ⰳⰾ҃ⱙⱎⱅⰵⰿⱐ. ⱁⱅⰲⱃⱏⰸⱘ ⰲⱏ ⱂⱃⰻⱅⱏⱍⰰⱈⱏ ⱆⱄⱅⰰ ⰿⱁⱑ. ⱁⱅⱏⰽⱃⱏⰹⱙ ⱄⱏⰽⱃⱏⰲⰵⱀⰰⰰ. ⱁⱅⱏ ⱄⱏⰾⱁⰶⰵⱀⰻⱑ ⰲⱐⱄⰵⰳⱁ ⰿⰻⱃⰰ.
13:36
Ⱅⱏⰳⰴⰰ ⱁⱄⱅⰰⰲⰾⱐ ⱀⰰⱃⱁⰴⱏⰹ ⱂⱃⰻⰴⰵ ⰲⱏ ⰴⱁⰿⱏ ⰻⱄ҃. ⰺ ⱂⱃⰻⱄⱅⱘⱂⰻⱎⱔ ⰽⱏ ⱀⰵⰿⱆ ⱆⱍⰵⱀⰻⱌⰻ ⰵⰳⱁ ⰳⰾ҃ⱙⱎⱅⰵ. ⱄⱏⰽⰰⰶⰻ ⱀⰰⰿⱏ ⱂⱃⰻⱅⱏⱍⱘ. ⱂⰾⱑⰲⰵⰾⱏ ⱄⰵⰾⱏⱀⱏⰹⱈⱏ.
13:37
ⱁⱀⱏ ⰶⰵ ⱁⱅⱏⰲⱑⱋⰰⰲⱏ ⱃⰵⱍⰵ ⰻⰿⱏ :: ⰲⱐⱄⱑⰰⰲⱏⰹ ⰵⱄⱅⱏ ⰴⱁⰱⱃⱁⰵ ⱄⱑⰿⱔ ⱄⱀ҃ⱏ ⱍⰾⰲ҃ⱄⰽⱏⰹ.
13:38
ⰰ ⱄⰵⰾⱁ ⰵⱄⱅⱏ ⰲⰵⱄⱐ ⰿⰻⱃⱏ. ⰴⱁⰱⱃⱁⰵ ⰶⰵ ⱄⱑⰿⱔ ⱄⰵ ⱄⱘⱅⱏ. ⱄⱀ҃ⰲⰵ ⱌⱄ҃ⱃⱄⱅⰲⰻⱑ. ⰰ ⱂⰾⱑⰲⰵⰾⱏ ⱄⱘⱅⱏ ⱄⱀ҃ⰲⰵ ⱀⰵⱂⱃⰻⱑⰸⱀⰻⱀⰻ.
13:39
ⰰ ⰲⱃⰰⰳⱏ ⰵⱄⱅⱏ ⰲⱐⱄⱑⰰⰲⱏⰹ ⱗ҅ ⰴⰻⱑⰲⱁⰾⱏ. ⰰ ⰶⱔⱅⰲⰰ ⰵⱄⱅⱏ ⰽⱁⱀⱐⱍⰻⱀⰰ ⰲⱑⰽⰰ. ⰰ ⰶⱔⱅⰵⰾⰵ ⱄⱘⱅⱏ ⰰⱀⰼ҃ⰾⰻ.
13:40
ⱑⰽⱁ ⰱⱁ ⱆⰱⱁ ⱄⱏⰱⰻⱃⰰⱙⱅⱏ ⱂⰾⱑⰲⰵⰾⱏⰹ. ⰺ ⱁⰳⱀⰵⰿⱐ ⱄⱏⰶⰻⰷⰰⱙⱅⱏ. ⱅⰰⰽⱁ ⰱⱘⰴⰵⱅⱏ ⰲⱐ ⱄⱏⰽⱁⱀⱏⱍⰰⱀⰻⰵ ⰲⱑⰽⰰ ⱄⰵⰳⱁ.
13:41
ⱂⱁⱄⱏⰾⰵⱅⱏ ⱄⱀ҃ⱏ !ⱍⰾⰲ҃ⱑⱍⱄⰽⱏⰹ ⰰⱀⰼ҃ⰾⱏⰹ ⱄⰲⱁⱗ. ⰺ ⱄⱏⰱⰵⱃⱘⱅⱏ ⱁⱅⱏ ⱌⱄ҃ⱃⱄⱅⰲⰻⱑ ⰵⰳⱁ ⰲⱐⱄⱔ ⱄⰽⰰⱀⱐⰴⱑⰾⱏⰹ. ⰺ ⱅⰲⱁⱃⱔⱋⱔⱗ ⰱⰵⰸⰰⰽⱁⱀⰵⱀⰻⰵ.
13:42
ⰺ ⰲⱏⰲⱃⱏⰳⱘⱅⱏ ⱗ ⰲⱐ ⱂⰵⱎⱅⱐ ⱁⰳⱀⱐⱀⱘ. ⱅⱏⰳⰴⰰ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱏ.
13:43
ⱅⱏⰳⰴⰰ ⱂⱃⰰⰲⰵⰴⱐⱀⰻⰻ ⱂⱃⱁⱄⰲⱐⱅⱔⱅⱏ ⱄⱔ ⱑⰽⱁ ⱄⰾⱏⱀⱐⱌⰵ. ⰲⱏ ⱌⱄ҃ⱃⱄⱅⰲⰻⰻ ⱁⱅⱏⱌⰰ ⰻⱈⱏ. ⰺⰿⱑⱗⰻ ⱆⱎⰻ ⱄⰾⱏⰹⱎⰰⱅⰻ ⰴⰰ ⱄⰾⱏⰹⱎⰻⱅⱏ.
13:44
ⱂⰰⰽⱏⰹ ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ. ⱄⱏⰽⱃⱁⰲⰻⱋⱓ ⱄⱏⰽⱃⱏⰲⰵⱀⱆ. {ⱀⰰ} ⱀⰰ ⱄⰵⰾⱑ. ⰵⰶⰵ ⱁⰱⱃⱑⱅⱏ ⱍⰾⰲ҃ⰽⱏ ⱄⱏⰽⱃⱏⰹ. ⰺ ⱁⱅⱏ ⱃⰰⰴⱁⱄⱅⰻ ⰵⰳⱁ ⰻⰴⰵⱅⱏ. ⰺ ⰲⱐⱄⰵ ⰵⰾⰻⰽⱁ ⰻⰿⰰⱅⱏ ⱂⱃⱁⰴⰰⰵⱅⱏ. ⰺ҅ ⰽⱆⱂⱆⰵⱅⱏ ⱄⰵⰾⱁ ⱅⱁ.
13:45
ⱂⰰⰽⱏⰹ ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰱ҃ⱄⰽⱁⰵ ⱍⰾⰲ҃ⰽⱆ ⰽⱆⱂⱏⱌⱆ. ⰺⱋⱘⱋⱘ ⰴⱁⰱⱃⱏ ⰱⰻⱄⱐⱃⱏ.
13:46
ⰺⰶⰵ ⱁⰱⱃⱑⱅⱏ ⰵⰴⰻⱀⱏ ⰿⱐⱀⱁⰳⱁⱌⱑⱀⰵⱀⱐ ⰱⰻⱄⱐⱃⱏ. ⱎⰵⰴⱏ ⱂⱃⱁⰴⰰⱄⱅⱏ ⰲⱐⱄⰵ ⰻⰿⱑⱀⰻⰵ. ⰵⰾⰻⰽⱁ ⰻⰿⱑⰰⱎⰵ ⰻ ⰽⱆⱂⰻ ⰻ ::
13:47
Ⱂⰰⰽⱏⰹ ⱂⱁⰴⱁⰱⱏⱀⱁ ⰵⱄⱅⱏ ⱌⱄ҃ⱃⱄⱅⰲⰻⰵ ⱀⰵⰱ҃ⱄⰽⱁⰵ ⱀⰵⰲⱁⰴⱆ ⰲⱏⰲⱃⱏⰶⰵⱀⱆ ⰲⱏ ⰿⱁⱃⰵ. ⰺ ⱁⱅⱏ ⰲⱐⱄⱑⰽⱁⰳⱁ ⱃⱁⰴⰰ ⰻⰸⰱⱏⱃⰰⰲⱏⱎⱓ.
13:48
ⰺⰶⰵ ⰵⰳⰴⰰ ⰻⱄⱂⰾⱏⱀⰻ ⱄⱔ ⰻⰸⰲⰾⱏⰽⱏⱎⰵ ⰻ ⱀⰰ ⰽⱃⰰⰻ. ⰺ ⱄⱑⰴⱏⱎⰵ ⰻⰸⰱ!ⱃⰰⱎⱔ ⰴⱁⰱⱃ ⱗ҅ ⰲⱐ ⱄⱏⱄⱘⰴⱏⰹ. ⰰ ⰸⱏⰾⱏⰹⱗ ⰻⰸⰲⱃⱏⰳⱘ ⰲⱁⱀⱏ.
13:49
ⱅⰰⰽⱁ ⰱⱘⰴⰵⱅⱏ ⰲⱏ ⱄⱏⰽⱁⱀⱐⱍⰰⱀⰻⰵ ⰲⱑⰽⰰ. ⰺⰸⰻⰴⱘⱅⱏ ⰰⱀⰼ҃ⰾⰻ. ⰺ ⱁⱅⱏⰾⱘⱍⱔⱅⱏ ⰸⱏⰾⱏⰹⱗ ⱁⱅⱏ ⱄⱃⱑⰴⱏⰹ ⱂⱃⰰⰲⰵⰴⱏⱀⱏⰹⱈⱏ.
13:50
ⰺ ⰲⱏⰲⱃⱏⰳⱘⱅⱏ ⱗ ⰲⱏ ⱂⰵⱋⱐ ⱁⰳⱀⱐⱀⱘ. ⱅⱆ ⰱⱘⰴⰵⱅⱏ ⱂⰾⰰⱍⱐ ⰻ ⱄⰽⱃⱐⰶⰵⱅⱏ ⰸⱘⰱⱁⰿⱐ.
13:51
!Ⰳⰾⰰ ⰻⰿⱏ ⰻⱄ҃ⱏ ⱃⰰⰸⱆⰿⱑⰵⱅⰵ ⰾⰻ ⰲⱐⱄⱑ ⱄⰻ. ⰳⰾ҃ⱎⱔ ⰵⰿⱆ ⰵⰻ ⰳ҃ⰻ.
13:52
ⰻⱄ҃ⱏ ⰶⰵ ⱃⰵⱍⰵ ⰻⰿⱏ. ⱄⰵⰳⱁ ⱃⰰⰴⰻ ⰲⱐⱄⱑⰽⱏ ⰽⱏⱀⰻⰶⱏⱀⰻⰽⱏ ⱀⰰⱆⱍⱐ ⱄⱔ. ⱌⱄ҃ⱃⱄⱅⰲⰻⱓ ⱀⰱ҃ⱄⰽⱆⰿⱆ. ⱂⱁⰴⱁⰱⰵⱀⱏ ⰵⱄⱅⱏ ⱍⰾⰲ҃ⰽⱆ ⰴⱁⰿⱁⰲⰻⱅⱆ. ⰺⰶⰵ ⰻⰸⱀⱁⱄⰻⱅⱏ ⱁⱅⱏ ⱄⱏⰽⱃⱁⰲⰻⱋⰰ ⱄⰲⱁⰵⰳⱁ ⱀⱁⰲⰰ ⰻ ⰲⰵⱅⱏⱈⰰⰰ.
13:53
Ⰺ ⰱⱏⰹⱄⱅⱏ ⰵⰳⰴⰰ ⱄⱏⰽⱁⱀⱐⱍⰰ ⰻⱄ҃ⱏ ⱂⱃⰻⱅⱏⱍⱔ ⱄⰻⱗ. ⱂⱃⱑⰻⰴⰵ ⱁⱅⱏ ⱅⱘⰴⱑ.
13:54
ⰺ ⱂⱃⰻⱎⰵⰴⱏ ⰲⱏ ⱁⱅⱐⱍⱐⱄⱅⰲⰻⰵ ⱄⰲⱁⰵ ⱆⱍⰰⱎⰵ ⱗ҅. ⱀⰰ ⱄⱏⱀⱐⰿⰻⱎⱅⰻⱈⱏ ⰻⱈⱏ. ⱑⰽⱁ ⰴⰻⰲⰾⱑⱈⱘ ⱄⱔ ⰵⰿⱆ ⰻ ⰳⰾ҃ⱈⱘ. ⱁⱅⱏ ⰽⱘⰴⱘ ⱄⰵⰿⱆ ⰵⱄⱅⱏ ⱂⱃⱑⰿⱘⰴⱃⱁⱄⱅⱐ ⱄⰻ ⰻ ⱄⰻⰾⰰ.
13:55
ⱀⰵ ⱄⱐ ⰾⰻ ⰵⱄⱅⱏ ⱅⰵⰽⱅⱁⱀⱁⰲⱏ ⱄⱀ҃ⱏ. ⱀⰵ ⰿⰰⱅⰻ ⰾⰻ ⰵⰳⱁ ⱀⰰⱃⰻⱌⰰⰵⱅⱏ ⱄⱔ ⰿⰰⱃⰻⱑ. ⰺ ⰱⱃⰰⱅⱃⱐⱑ ⰵⰳⱁ ⰻⱑⰽⱁⰲⱏ ⰻ ⱁⱄⰻⱇⱏ. ⰺ ⱄⰻⰿⱁⱀⱏ ⰻⱓⰴⰰ.
13:56
ⰺ ⱄⰵⱄⱅⱃⱏⰹ ⰵⰳⱁ ⱀⰵ ⰲⱐⱄⱔ ⰾⰻ ⰲⱏ ⱀⰰⱄⱏ ⱄⱘⱅⱏ. ⱁⱅⱏ ⰽⱘⰴⱆ ⱆⰱⱁ ⱄⰵⰿⱆ ⰲⱐⱄⱑ ⱄⰻ ⱄⱘⱅⱏ.
13:57
ⰺ ⰱⰾⰰⰶⱀⱑⱈⱘ ⱄⱔ ⱁ ⱀⰵⰿⱐ. !Ⰺⱄ ⰶⰵ ⱃⰵⱍⰵ ⰻⰿⱏ. ⱀⱑⱄⱅⱏ !ⱂⱃⰽⱏ ⰱⰵⱋⱐⱄⱅⰻⰻ. ⱅⱏⰽⰿⱁ ⰲⱏ ⱄⰲⱁⰵⰿⱐ ⱁⱅⱐⱍⱐⱄⱅⰲⰻⰻ. ⰺ ⰲⱏ ⰴⱁⰿⱆ ⱄⰲⱁⰵⰿⱐ.
13:58
ⰺ ⱀⰵ ⱄⱏⱅⰲⱁⱃⰻ ⱅⱆ ⱄⰻⰾⱏ ⰿⱏⱀⱁⰳⱏ. ⰸⰰ ⱀⰵⰲⱑⱃⱐⱄⱅⰲⱁ ⰻⱈⱏ ::